A2^r

Ein bericht der handlung zwischen

Doctor Martino Luthero

unnd Doctor Andreas
Bodenstein von Karl-
stat/ zu Jen ge-
schehen.

In dem MDXXiiii. jar nach der ge-
purt Christi. Auff Montag den achtten
tag nach unnser frauen himelfart/ wel-
licher ist der xxii. tag Augusti. Hatt der
hochgeleert^b etc. Marttinus Luther/ der heiligen schrift
doctor etc. Nachdem er auß Fürstlichem bevelhe^c/
Der Durchleuchtigen^d Hochgepornen Fürsten und
herrn/ Der Hertzogen zu Sachssen etc.⁴ Auff Sontag
zuvor⁵ nach mittags zu Jhen/ daselbst und anderßwo
zupredigen einkomen.⁶Hat obgedachter doctor Mar-
tinus uff benanten tag⁷ frue umb syben uhr^e angefang-
en predigen/ und biß in anderthalb stund/ Von unnd
wider der geister leer unnd fruchte gepredigt. Under
andern aber nennet er den geist zu Alstett⁸/ ertzelet etzli-
che frücht/ als aufrur und mord/ so zuvor auch durch
den selben geist/ als seiner hohen früchten eine/ zu Zwi-
ckau gar schier erhoben.⁹

Gleych als werck unnd fruchtte dises geistes/ sagt
er/ weren kirchen/ bilder/ holtz unnd steyn zurreissen¹⁰ etc.
Und in summa/ Tauff und sacrament des altars hyn-
weg zunemen/ außzureuthen¹¹ unnd gantz zunicht zu-
machenn.^12fWie sich^f diser Alstettisch geyst hyn unnd
wider/ noch vil mer/ ausgleicher/ eynes teuffelischenn^g
fehltgeistes eingebung unnderstandenn¹³/ In summa/ das alle
dise früchte/ ein teuflischer geist würcke. Es soln sich
aber die außerwelten hyerab nicht entsetzen/ troͤstet sy
D'octor' L'uther' in der predigt^h unnd sagt/ Es seindⁱ ir nicht vil
wiewol ir vil sind/ ir muͤssen noch wol mer kommen und
secten seyn/ auff das die außerwelten bewert werdenn/
und die gotlosen zu schanden werden.¹⁴ Wir aber/ sagt
er/ habenn sy zuvor geurteilt/ wie dann die sermones
weitter anzeygen¹⁵/ Unnd koͤnnen^j sy noch von Gottis
gnaden wol urteylen/ das es nit ein guter geist ist/ der
sich solcher^k sachen understeet/ sonder ist der teüffel selbst.

Dise und dergleichen wort der predigt/ als sy doctor
Karlstadt hoͤret (dann er selb in der predigt war)¹⁶ be-
hertziget er/ befand sich etzlicher sachen halben wie un-
den angezeigt^l/ hyerrinne getroffen/¹⁷ Schreyb ein brieff
an Doctor Luther¹⁸/ den etzliche in obgemelter herberg
zum schwartzen Bern uber der mittag malzeit gelesen¹⁹/
Begert/ wue²⁰ es doctor Luther nicht entgegenn/ wolt
er gern mit im reden/ Darauff doctor Luther^m den ge-
sandten doctor Karlstadts²¹ mundtlich antwurt gab
So doctor Karlstadt komen wolt zu im/ moͤcht ehrsⁿ
wol leyden/ wue²² nicht〈/〉 moͤcht ers wol lassen.

Hyenach schicket doctor Karlstat noch einmal an
doctor Luther/ wenn es im gelegen/ so wolt er kommen/
Antwort Luther/ im namen gots/ er komme wenn ehr
woͤl/ so byn ich bereyth. Do solichs doctor Karlstat
kunth gethan/ Kam er und doctor Gerhart Wester-
burg²³ mit ym. Es waren auch vil frembder Keyser-
liche und Margravische^o bothen²⁴/ auch seer vil Jheni-
fehltsche in der herberg^p/ die solcher underredung zuhorten
und grossen wolgefallen/ Etliche kleynmuͤtige ein er-
schrecken/ vil aber grosse verwunderung darab hatten〈.〉²⁵
Karlstat aber ließ durch einen diener doctor Marti-
no ansagenn/ das er da wer unnd mit im reden wolt/
Antwort doctor Martinus/ er soll hyerein geen und
frey offenntlich mit mir handeln/ das also geschach/
und volgt die underrede wie hye steet.

Also gieng Karlstadt in die stuben/ setzt sich auß ge-
heyß doctor Martinus auff ein sydel²⁶ gegenn im uber
und den andern mitgenossen²⁷ zu tisch/ Fieng an redet
auff die weiß.

Karlstadt. Lieber herr doctor unnd ir alle liebenn
bruͤder²⁸/ Ich bitt/ woͤllet nicht in ungutt annemen/ das
ich euch alhie uberlauf²⁹/ mich dringt mein unnschuldt
und grosse noth hyetzu/ Denn ir herr doctor/ habt mich
heut in eurem sermon³⁰ etwas hoch angetast³¹/ und mit
den auffruͤrischen〈/〉 morderischen geystern/ als ir sy nen-
net³²/ in eyn zal und werck eingeflochten/ dazu ich neyn
sag/ wie wol ir denselbenn geystern soliche red auflegt/
von der lebendigen stymm Gottis/ die ich meine tag von
inenn nye gehoͤrt³³/ Das sag ich nicht^q/ das ich ire sach hye
verfechtenn wolt und sprich allso/ Wer mich solchen
morderischen geistern zugesellen und einbrocken³⁴ will/
das er mir solchs one warheit und nicht als ein redlich
man zusage. Das ich aber vonn euch gemeinth sey
und ich mich der sachen moͤge annemen/ ist die ursach
Das ir vom sacrament gesagt/ und mich etwas hoch
geruͤreth³⁵ habt. Sag ich/ das ich fürwar weyß/ das
fehlt kein mensch hievon auf die weise meinung und grunde^r
als ich/ nach den Aposteln geschryben und gelert³⁶/ bekenn
mich auch frey hiezu/ das es aber der moͤrderisch geist
unnd gleich/ wie ir heut gesagt/ ein/ unnd der geyst zů
Alsteet sey/ sag ich neyn zů/ dann er hat nichts gemein
mit mir in meiner red vom sacrament.³⁷

Hie auf antwort. D'octor' M'artin' L'uther'〈.〉 also lieber herr Doctor
ich will am letzten unnd hinten da irs gelassenn habt/
anfahen^s38/ und sag^t/ das ir es nymmermer beweyssen noch
war machen künd/ das ich euch genant hab³⁹/ seyntemal
aber ir euch annempt ir seyt geruͤrt⁴⁰ oder getroffenn/
so seyt getroffen im namen gottis/ ir habt mir auch
einenn spytzigen brieff geschickt⁴¹ des hettet ir nicht ge-
doͤrfft^u/ dann ich hab mit euch nicht zůthun⁴²/ mich wun-
dert was ir euch zeyhet^v43/ nur ich syhe^w gern〈/〉 das ich euch
troffen hab/ und syhe es nit gern/ Gern sehe ichs hierumb
das ich nur⁴⁴ weyß/ das ir auch der einer seyt/ wie ir euch
annempt von den ich gepredigt hab⁴⁵/ Ungern/ das mir
leyt ist/ das die leüt sollen also verfuͤrt werden. Ich hab
heut wider die geister geprediget/ und wils ytzundt wider
thun/ hab ich euch dann troffen/ so hab ich eüch troffen〈.〉
Karol'stadt'. Herr doctor〈,〉 ich will auch hinden anfahen^x46
ich neme mich des^y an/ das ir vom Sacrament gesagt/⁴⁷
unnd wils mit schryfften beweysen〈/〉 das ir unrecht das
Evangelium gepredigt habt/ dazu sag ich noch ir thut
mir gewalt unnd unrecht〈/〉 das ir mich zu dem moͤrde-
rischen geyst ein brocket⁴⁸/ unnd das ich nicht mit dem
geyst in dem auffrůr zůthun hab/⁴⁹ Protestir ich offen-
lich vor dysen bruͤdern allen mit einander.⁵⁰Lu'ther'〈.〉 lieber
herr doctor Es darff⁵¹ des nicht/ Ich hab den brieff ge-
lesen〈/〉 den ir von OrlemündtThome⁵² geschryben habt
fehlt und hab wol drinnen vernommen/ das euch die auffrůr
entgegen und wider ist.⁵³Karol'stadt'〈.〉 Worumb^z habt ir dann ge-
sagt/ herr doctor/ es sey ebenn ein geyst der moͤrderisch
geyst zu Alstedt und der geyst der die bilder zurbricht
und das Sacrament antastet.⁵⁴Lut'her'〈.〉 Ich hab doch nie-
mants genannt/ euch sonderlich hab ich mit keynem
wort genennt.⁵⁵Karol'stadt'〈.〉 Ich neme michs aber auß umb-
stende an/ denn ich hab das Sacrament allein angryffen
in dem ytzigen mißbrauch⁵⁶/ und hab nichts gemein mit
dem geyst zů Alstet in der materien vom sacrament⁵⁷/
und ir predigt/ es sey ein moͤrderischer und aufrůrischer
geyst/ Was ich aber euch geschryben hab/ darf ich auch
unnd wils wol mit euch redenn.⁵⁸ Do was⁵⁹ ein klein stil-
schweigen.

Karol'stadt' sprach〈/〉 hette ich geirret und ir ein christlich
werck hettet thun woͤllen/ als ir ein christ sein woͤlt/ so
solt ir mich brůderlich unterweyst habenn⁶⁰/ ee ir also
offentlich auff mich stechet⁶¹/ ir prediget und schreyt lieb
lieb^aa/ was ist das für ein lieb? wenn ir einem ein pardecken⁶²
gebt/ und sehet einen brůder irren und unterweyst yn
nicht. Luther. Hab ich das evangelium^ab nicht recht
geprediget〈/〉 so weyß ichs nicht. Karol'stadt'〈.〉 Ja〈/〉 ich wils
mit dem sacrament beweysen/ wie ir christum gepredigt
ob ir den gecreutzigten oder sunst einen selbst eingebilten
christum gepredigt habt⁶³/ Ja〈/〉 ir habt wol wyder euch
selbst gepredigt/ wie es aus eurenn buͤchern zůlesen ist〈.〉
Luth'er'. Lieber herr doctor〈/〉 so ir das wyst〈/〉 so schreybts
frey und fart dapffer erfür^ac auff das es an tag komme〈.〉
Karol'stadt'. Das will ich auch thun/ es můß auch an tag
kommen/ Ich scheu^ad das licht nit/ wie ir mir schuld gebt⁶⁴
fehltich biete^ae mich zu offentlicher disputation zů Witten-
berg oder Erfford/ oder eine christliche weysung zůhoͤ-
ren/ und annemen/⁶⁵ wo und wenn ir wolt/ so fern/ schaft^af
mir ein frey geleyt als ir es habt.Luther. foͤrcht ir
euch dann/ habt ir nicht geleyt zů Wittenberg〈?〉Karol'stadt'〈.〉
Ja〈/〉 ich byn doch ytzt allererst do gewest⁶⁶/ aber in einer
offentlichen disputation/ werdet ir mein nit schonen.
so werd^ag ich warlich euer auch nicht schonen/ so weyß
ich wie ir das volck an euch gehenckt.⁶⁷Luther. Ey
^ahsy lieber es thut euch niemants nicht〈/〉 kumpt nur frey^ah
herfür. Karol'stadt'〈.〉 Ich wil auch herfür ans licht und
wil entweder offentlich zu schanden/ oder gottes war-
heit můß offenbar werdenn. Luth'er'〈.〉 Es wirt euch
geschehen eür torheit muß herfür kommen. Karol'stadt'〈.〉
Ich wil die schand gern^ai tragen/ das got sein eer behalt〈.〉
Luth'er'〈.〉 Sy wirt euch auch begegnen/ und mich wun-
dert das ir nur dreuet⁶⁸ mit schreyben unnd niemants
foͤrcht sich. Karol'stadt'. Ich foͤrcht mir auch nit/ Ich
weyß das mein leer gerecht und auß Got ist. Luther.
Do⁶⁹ euer leer recht und auß got war/ warumb brach
dann euer geyst nit durch/ do⁷⁰ ir zu Wittenberg die bil-
der zurbracht〈?〉⁷¹Karol'stadt'〈.〉 Das hab ich nicht allein fuͤr-
genommen/ sondern die drey rethe⁷² unnd euer gesellen et-
liche⁷³/ die beschlossen es⁷⁴/ darnach zugen sy die koͤpf uß
der schlingen und lyssen mich allein steen.⁷⁵Luther.
Do berůff ich mich auf. Karol'stadt'. und ich auch. Lut'her'〈.〉
Ich radt euch nit/ das ir euch auff die zu Wittenberg
berůfft/ ir habts nicht so gůt mit inen/ als ir meinet.^aj
Karol'stadt'〈.〉 Ir habts auch nicht so^ak gut als ir meinet
doch troͤste ich mich der warheit/ Am junsten tag wirt
des herrn tag alle heymliche ding offenbarn/ do wirt
man wol sehen wie ein itztlicher/ was auch ir unnd ich
fehlt gethon/ und wirt nichts untter der decken verborgen
bleyben. Lut'her'〈.〉 Ir pucht^al ymmer auf des herren tag/
ich aber begeer barmhertzigkeyt. Karol'stadt'. Warumb
nit? Er wirt nymants unrecht thun noch die person
ansehen/ es wirt der klein so vil gelten als der grosse^am
ich wil in dyser sach nach barmhertzigkeit und gerech-
tigkeit gericht werden/ Das ir mir aber meinen geyst
für werffet/ unnd sagt〈/〉 er solt furt gefarn^an sein/ Do
kompt ir redlich zů massen. Ir bandet mir hend und
fuͤß darnach schlugt ir mich.⁷⁶Luther. Wo hab ich
euch geschlagen. Karol'stadt'. Was⁷⁷ das nicht gebunden
unnd geschlagenn/ do ir alleine wyder mich schrybt/
druckt unnd predigt/ unnd verschuft⁷⁸〈/〉 das mir meine
buͤcher auß der druckerey genommen/ und ich zůschrey-
ben und predigen verbotten wart〈?〉⁷⁹/ het ich so frey dür-
ffen schreyben und predigen als eben ir/ fürwar ir solt
es erfarn habenn/ was mein geyst außgericht hette/
Luth'er'〈.〉 Warumb wolt ir predigen〈?〉 wart ir doch nicht
beruͤffen oder wer hieß euch predigen.⁸⁰Karol'stadt'. Wann
wir von der menschen beruffung woͤllen reden/ so weyß
ich wol das mirs von wegen des Archidiaconats was
gebüren/ woͤllen wir aber von beruffung gottes reden
do weyß ich auch wol etwas davon zůmelden.⁸¹Lut'her'.
Wer hieß euch in der pfar predigenn.⁸²Karol'stadt'. So ich
doselbst geirret hette/ so solt ir mich bruͤderlich zůvor
drumb gestrafft/ und nicht haben also uff mich gestochen
und geschlagen/ ist es aber nicht ein volck^ao das in dem
stifft und in der pfar zůhoͤret? Luth'er'. Ir habt ee auff
mich gestochen dann ich auff euch. Karol'stadt'. Das hab
ich nicht thon. Luth'er'. Das weisen eure buͤchlen wol
auß/ do ir mein eygen wort anzyhet.⁸³Karol'stadt'〈.〉 Welche
bůchlin〈?〉/ Ich hab eins von der beruffung aber neulich
geschriben/ das mag etzlichen zů nahen sein.⁸⁴ Wann habt
ir mich dann unterweyßet/ zeyget mir ein stuck^ap an/
fehlt darinnen ir mich euer lebenlang gestrafft habt/ ir habt
mir mein lebentag^aq noch nie angezeygt warinne ich streff-
lich gewest oder geirret hab/ habt alles mit gewalt an-
gangen/ und so irs zwischen euch und mir allein nicht
hettet thun woͤllen/ sollet ir einen oder zwen zu euch ge-
nommen habenn.⁸⁵Luth'er'. Das hab ich thon. Karol'stadt'.
Habt irs than^ar/ so geb Got das ich hie offentlich vor
euer aller augenn geschendt werde. Luth'er'. Es wurd
euch geschehen. Karol'stadt'. Ich weyß aber〈/〉 das nicht war
ist. Luth'er'. Ich habs than.^asKarol'stadt'. Wer ist dabey ge-
west. Luth'er'. Philippus⁸⁶ und Pommeranus.⁸⁷Karol'stadt'〈.〉
Wo? Luther. in eurem stüblein.⁸⁸Karol'stadt'. Das ist
nicht war/ ir moͤgt wol bey mir gewest sein/ habt euch
aber nie unterstanden〈/〉 mich zůstraffen/ oder die artickel
des irsals zugeben. Luth'er'. Wir brachten euch die ze-
deln von der Universitet/ darinne^at die artickel/ daran
wir fäl hetten/ verzeychnet warn.⁸⁹Karol'stadt'. herr doctor〈/〉
do redet ir euern gewalt/ sy ist mir noch nie zukomen
noch gezeiget/ ich weyß mich auch zuerinnern/ das die
arttickel vermeintes yrthumbs noch nit außgezogen
warn/ von der universitet.⁹⁰Lut'her'〈.〉 Nur〈/〉 lieber herr doctor
wenn ich euch schon vil sag/ so muß ich euch doch liegen⁹¹〈.〉
Karol'stadt'. Wo es war ist/ so geb Got〈/〉 das mich die teuffel
vor euch allen zurreissenn/ Ey habt ir mir sy⁹² doch nie
angebotten. Luth'er'. Hab ichs euch doch selbst in euer
hauß bracht. Karol'stadt'. Herr doctor〈/〉 wie wenn ich doctor
Hieronimus schryfft hette⁹³/ darinne er mir fürwürft〈/〉
das mir solche irrige artikel wern gegeben〈/〉 wenn ich dar-
nach gelauffen/ wie woͤlt ir do besteen? Was⁹⁴ doch die
universitet die zeyt noch nicht versammelt^au〈/〉 gedachte
artickel außzuzyhen.⁹⁵

In dem schweyg. Doctor. Luther. ein weyl still
fehlt und in dem schweygen⁹⁶ keret sich. Doctor. Karol'stadt' zu
den andern/ so hiebey sassen/ und sprach/ Lieben bruͤder
Ich bitt euch〈/〉 keret⁹⁷ euch nicht an mein harte rede/ ich
habs an der Complexion⁹⁸/ das ich so hert⁹⁹ rede/ Es ist
das hertz derhalben nit arg oder zornig. Lut'her'. Fing
wyder an und sprach/ lieber herr doctor〈/〉 ich kenne euch
wol. Karol'stadt'. Ich kenne euch auch wol und baß¹⁰⁰ dann
ir selbs meynt. Lut'her'〈.〉 Ich weyß woll〈/〉 das ir alweg/
hoch einherr faret¹⁰¹/ pucht^av102 groß und woͤlt allein erhoben
unnd gesehen sein. Karol'stadt'. Wo^aw ich solchs thet〈/〉 solt ir
mich unterweyssen/ Aber ich sehe wol welcher^ax sich am
hoͤchsten růmet und am aller meysten eer sucht.¹⁰³Lut'her'.
Ich hab euch ja zu Leyptzig gestrafft¹⁰⁴/ do ir so hoch-
muͤtig waret/ unnd woltet vor mir disputirn/ nue〈/〉 ich
gonnet euch der eren und ließ geschehen.¹⁰⁵Karol'stadt'〈.〉 Ach
herr doctor/ wie moͤgt^ay ir das sagenn/ wist ir doch/ do¹⁰⁶
ich schoͤn disputiret〈/〉 das¹⁰⁷ ir noch ungewyß wart/ ob
man euch zulassenn wolt oder nicht/ das beruffe ich
mich auff hertzog Goͤrgen rethe^az und auff die univer-
sitet zů Leyptzig¹⁰⁸/ Aber ir must allwege also reden〈/〉 das
ir euren rum erhaltet/ und andern^ba leuten haß erreget.
Was habt ir heut wie ir alweg pflegt in euer predigt
anders außgericht/ dann im ersten eingang neyd und
haß des volcks/ uber und auff die zuerwecken/ wyder
welche ir zu predigen fürhattet.^bb109Luth'er'. Ich sag wie
vor/ Ich hab heut wyder die geyster gepredigt/ unnd
wils ytzt wyder thun¹¹⁰/ trutz dem¹¹¹ der mirs werenn will.
Karl'stadt'. Nur lieber herr doctor/ so predigt und machts
gut/ ander leut werden auch das ire dozu thun. Lut'her'〈.〉
Frisch her〈/〉 habt ir etwas〈/〉 so schreibts frey herauß. Ka'rlstadt'.
Ich wils auch unerschrockenn thun. Luth'er'. Ir steet
dennoch^bc bey den neuen propheten.¹¹²Karl'stadt'. Wo sy recht
fehlt und warheit haben/ wo sy unrecht sein〈/〉 do stehe der teu-
ffel bey. Luth'er'〈.〉 Schreybt wyder mich offentlich und
nicht heimlich.¹¹³Karol'stadt'. Wenn ich dann wist¹¹⁴ das^bd euch
so not darnach were〈/〉 es doͤrfft euch zu teyl werden. Lu'ther'.
So thut es〈.〉Karol'stadt'〈.〉 Wol an. Luther. Thuts/ ich
wil euch einen gulden dazu schencken. Karol'stadt'〈.〉 Einen
gulden? Luth'er'. Wenn ichs nit thu/ so sey ich ein schalck.¹¹⁵
Karol'stadt'. Gebt ir yn mir dann/ so nem ich in warlich an.

Do greyff doctor. Luther. in sein taschen/ und zog^be
einen golt gulden herauß/ und gab in¹¹⁶ dem Karolstat.
Und sprach/ nempt hin und greifft mich nur tapffer
an/ frysch auff mich. Karol'stadt' nam den gulden/ zeyget
in¹¹⁷ allen beysitzern¹¹⁸/ unnd sprach/ Lieben brůder〈/〉 das ist
Arrogo¹¹⁹〈/〉 ein zeichen〈/〉 das ich macht hab wyder. Doctor
Luther. zuschreyben/ unnd bit euch alle ir woͤlt mirs
bekenntlich unnd zeugen sein. Lutther. Es darffs
nicht¹²⁰/ Unnd Karol'stadt' krumpt¹²¹ in¹²² unnd legt in¹²³ in seinen
beutel/ gab doctor Luth'er' Die hand drauff/ und doctor
Luther Drancke^bf im einen trunck drauf zu/ und. Karol'stadt'
Thet im bescheyd¹²⁴〈/〉sprach darnach herr doctor〈/〉 so bit
ich euch/ ir woͤlt mich am drucken nicht verhindern/
wolt mir auch sunst kein verfolgung/ oder^bg hinderniß^bh
an meiner narung zuschantzen/¹²⁵denn ich gedenckt mich
mit dem pflug zuneren/ was dann der pflug gebenn
wirt/¹²⁶ solt ir wol innen werden.¹²⁷Luth'er'. Wie wolt mir
das ansteen〈/〉¹²⁸ das ich euch hindern solt/ so ichs beger〈/〉 das
ir wyder mich schreyben solt/ gyb ich euch doch darumm
den gulden〈/〉 das ir mein nit schonen solt/ und ye tapfferer
ir mich angreyfft/ ye lyber ir mir sein solt/ Es sprach
auch der Fürstlich prediger¹²⁹ zum Karol'stadt'. Der doctor
fehlt soll euch an der narung nicht beschedigen^bi noch schaden
zufuͤgen/ do sprach. Karol'stadt'. zu. Doctor. Luther. Nur
wolan^bj feel ich euer〈/〉 so sey es mein schade^bk/ und also ga-
ben sy einander die hende. Und. Karol'stadt' ging zu hauß¹³⁰
und Martinus predigt¹³¹/ fůr darnach gegen kall.¹³²

Es was¹³³ auch do bey doctor Gerhart Westerburg
vonn Cöln/ Martinus Reinhart prediger zu Jhen¹³⁴
Wolffganng Stein prediger im schloß zu Weymar^bl135
Der auch mit doctor Martino Luther rith/ Der
Prior zů Wittemberg.¹³⁶Anndres Brennig burger-
meyster zů Jhen.¹³⁷Der statschreyber¹³⁸ und vil ander
die selbigen redten auch zu der sachen manch-
erley gutte fürschleg/ auff das die sach/ wie sy
auch Got durch sein genade fuͤgen wurd
ans licht keme/ Dyse reden sind kurtz
halbenn¹³⁹ underblyben unnd ist also
die summa beyder Doctores rede
hierinne beschlossen. Der
Christlich leser bit Got/ das
ers mit offenbarung sey-
ner warheyt uns leren
wolte. Amen.

fehlt

Die handlung Doctor Martini
Luthers mitt dem Raht unnd
gemein der Stat Orlamünd.

Am montag der achtent tag Marie himel-
fart/ im jar der gepurt Christi. A'nno' D'omini' xxiiii¹⁴⁰
Hat der fürstlich prediger zu Wimar^bm141
im Schloß herr Wolfgang Stein^bn gen
Orlamunde zu dem Rathe geschickt/ und inen schrift-
lich zuerkennen geben/ Nachdem sy der zukunft doctor
Martinus Luther gewartet^bo142/ das er verhanden¹⁴³ und
zubekomen wer.¹⁴⁴

Also ist der Statschreiber von Orlamünd¹⁴⁵ schnell
aufgewest gen Jhen/ da er Doctor Martinum fand
und gab ym des Raths und der gemein brief zu Orla-
münd¹⁴⁶/ unnd bath umb günstige anntwort/ die er¹⁴⁷ ym
nachmals zu Kalh gab¹⁴⁸/ diser gestalt/ Bot sage deinen
herren zu Orlamünde das ich in einer kürtz selbs bey
in¹⁴⁹ sein will und ein mündtliche antwortt geben. Derhal-
ben hofften der Radt und gemeyn/ das doctor Mar-
tinus des nechsten tags vor Bartholomei¹⁵⁰ zu nacht
wurd komen und bestelten^bp die herberig/ uffs beste sy ver-
mochten mit speiß und getranck. Aber er bleyb auß und
keret gen Neuenstat zu.¹⁵¹ An sannt Bartholomeus
tag¹⁵² umb des zeygers eyn stund¹⁵³/ kam doctor Marti-
nus und waren gleich die leut^bq den merer teyl am feld
und warten der erenden¹⁵⁴ und sendet gedachtten herrn
Wolfgang¹⁵⁵ vor im hyn/ nach dem Burgermeister¹⁵⁶ zu
fragen/ der den Burgermeister fand und sprach/ Nach-
dem der Rath und gantz gemeyn/ Martinum Luther
zu Jhen mit einem brief gesucht¹⁵⁷/ und ym da selbst von
fehlt irn wegen uberantwurt ist/ Derhalb sey doctor Mar-
tinus. Luther itzt kommen/ und man soll im raht unnd
gemein fordern¹⁵⁸/ denn er het mit inen des selbigen briefs
halben zuͤreden.

Hyer auf hat der Burgermeyster sein Raths gesel-
len und gemein als bald etliche lassen suchen und for-
dern von dem felde. Alsbald etliche des raths im ent-
gegenn gegangen sovil ir verhanden/ fruntlich^br und
bruͤderlich entfangen/ sich gegen im geneygt¹⁵⁹/ und dyse
wort geredt.

Erber¹⁶⁰ hochgelerter günstiger herr doctor/ seyt uns
allen gotwilkommen/ was er¹⁶¹ aber geantwort weiß ich nit
eigentlich/ er behylt aber sein rotzypffelich baret^bs auf
seinem haubt/ und eret sy nit wyder umb¹⁶²/ Do hat der Bur-
germeyster weyter mit doct'or' Mar'tinus' reden woͤllen/ ant-
wort Martinus. und sagt/ er muͤst bald wider auf seyn¹⁶³
aber im hauß woͤll wir mit einander reden/ und als er
ynß schossers hauß¹⁶⁴ kam/ hat der Burgermeyster im
seinen vorigen titel¹⁶⁵ wyder gegeben/ sich bedanckt von
wegen des raths und gantzer gemein/ das er sich sovil
gemuͤth und auff ire schryfft¹⁶⁶ zu inen kommen/ und forder^bt167
umb gots willen gebeeten/ er wolte ^bueine predigt^bu thun/
aber doctor Martinus^bv/ Antwort/ er were nicht kommen
zu predigen/ sonder het iren brieff〈/〉 davon wolt er mit
dem Rath und gemein reden/ unter des hat man ein
zeyt mit im getruncken/ dieweil hat sich das volck ge-
sammelt/ und in dem ist der Rath und sovil ir¹⁶⁸ beyein-
ander gewest/ auffgestanden sich beredt/ unnd wyder
zu im gegangen/ unnd des andern mals umb gottes
fehlt willen gebetten/ Das er inen wolte gottis wort predi-
gen/ weyl er sy in etzlichen artickeln verdechtig hyeltte^bw169
die solte er in¹⁷⁰ an tag geben/ und wo sy irretten christlich
unterweysen/ das wolten sy gerne^bx unnd demuͤttiglich
annemen und sich weysen lassen.

Dar gegen wolten sy iren verstand und meinung
auch eroffen/ darauf doctor Martinus seinen kopf
geschüttelt unnd gesagt/ er wolts nicht thun/ er were
auch darumb nicht zu in¹⁷¹ kommen. Hatt aber den Brief
der stat zu Orlamünde zu handen genomen unnd ge-
fragtt/ ob sich der Radt zu dem sigel bekennet/ hatt
Rath und gemeyn ja gesagt. Sprach doctor Marti-
nus〈.〉 Ich sehe eüch für einfeltige leut an/ unnd ist mir
nicht wol gleublich〈/〉 das ir disen brief solt gemacht ha-
ben/ will euch den brief nicht verargenn¹⁷²/ sonndern für
gut halten/ aber ich besorge〈/〉Karlstadt habe den Brief
gemacht und under der stat sigil gehandelt. Darauf
Radt unnd gemeyn geanntwort/ das Karlstat dises
briefs keynen Buchstaben gemacht/ auch mit irm stadt-
sigil nichts gehandeltt^by/ noch zuhandeln gestuͤnden/ das
wolten sy wol bey leyb und leben erhalten/ unnd thet ym
derhalben zukurtz/ dann sy wissen sich anders und bessers
fürzusehen dann das menigklich¹⁷³ mitt irem sigil solt
umbgeen und zuschaffen habenn. Also hat doctor
Martinus des Raths brief zu Orlamünd vonn an-
fang byß^bz zu ende gelesen.

Deß Raths und der gemeyn brieff
an Doctor Martinum Lutther.

fehlt

Dem Christlichenn leerer Martino Luther
Unserm bruder in Christo.

Goͤtlichen frid durch Christum unnsern herrenn
zuvor lieber brůder. Es hat uns unnser pfarrer und
seelsorger Anndres Karolstadt^ca nach dem er yetzt zu
Wittemberg geweßt¹⁷⁴/ mit disem bericht zuerkennenn
geben/ wie er daselbst erfaren und gehoͤrt/ Als soltestu
uns auf deinem predigstůl für ketzer/ irrige und swir-
merische geister unverschampt ausschreyenn/ So du
doch unnsere geyster nicht geprůfft/ nicht erforscht/
noch dich mit uns hirvon beredt hast. Und ob du solchs
verneinen woltest/ Bistu zu uberweysen¹⁷⁵ in deinen eyg-
nen schryfften/ welche wir selbst und wol gelesen/ als du
wyder die irrigen geyster an die lanndtfürsten vonn
Sachssen geschryben¹⁷⁶/ do du dann verachtest all die/ so
auß goͤtlichem bevelh/ stumme Goͤtzen und heydenische^cb
bilder umbringen/ wider welche du ^cceine craftloße^cc welt-
weisse und umbestendigte bewerung auß deinem eigenen
hirn und nicht gegrünter schryfft/ auffmutzest.¹⁷⁷Das
du uns aber als glyder christi/ durch den vatter einge-
pflantzt unverhoͤrt unnd unuberweyst¹⁷⁸/ so offenntlich
schiltst unnd lesterst/ das zeygt an/ das du dises war-
hafftigen Christi und sun^cd Gottis selbst kein glidt bist
dieweyl du freveliche scheltwort und nicht Christliche
und brůderliche straff als dir von Christo auffgelegt
Luce.xviii. Gegen unns fürnimst^ce179/ So du nur so un-
versunnen und hitziger stirn gewest/ werden wir auß
christlicher und brůderlicher lieb/ dir zu schreyben ver-
ursacht/ mit bit du woͤllest/ Gotte die seinen durch sei-
nen einigen sun christum erworben/ nit so turstig¹⁸⁰ besudeln^cf
und versprechen.¹⁸¹ Nue^cg moͤchtestu sagen/ syhe gute chri-
sten/ sy künnen nit leyden/ so man sy einwenig angreyft
fehlt welchs christus gethon unnd noch vil mer erdult hat/
das wissen wir wol lieber Bruder/ weystu aber auch〈/〉 das^ch
Christus die schryfftgelerten und vermeinte frummen
juden am hoͤchsten und stetz gestrafft unnd wee uber
sy geschryen hat/ und für die unverstendigen creutzigere
seinen vater gebeeten etc.¹⁸²Hieneben erbieten wir unns
vor dir und yederman/ Ja auch wo nichts dann gestalt
des todts erscheint von unserem glauben und glaub-
reichen wercken/ durch goͤtliche crafft〈/〉 hulffe und bey-
stand bekentniß unnd rechenschafft zugeben¹⁸³/ Bitten
dich auch/ nach dem wir so hoch verdechtig bey dir
gehalden/ du woͤltest aufs fürderlichest〈/〉 so es dir gelegen〈/〉
bey uns erscheinen/ dich mit unns zubesprechen/ unnd
wo wir irren (do vor uns Got bewar) gůtlich und nit
mit scheltwortten unterweysen und mit landtverbye-
tung bedreuen¹⁸⁴/ Hirauß Goͤtliche einigkeyt unnd
Christliche gemeine zu dem sonnderlichenn lob
Gottis auffgericht und erbauet werde/ Bitten
dein brůderliche antwort. Datum Orlemünd
dinstag nach^ci Assumptionis. Anno. xxiiii¹⁸⁵

Rath und gemein zu
Orlemünd

Nach solchem verlesen hat doctor Martinus von
einem yetlichen¹⁸⁶ artickel in sonderheit geredt/ und son-
derlich do¹⁸⁷ er gelesen/ Es hat uns unser pfarrer unnd
seelsorger Andres Karlstat etc.¹⁸⁸ hatt er gesagt/ ir heißt
in¹⁸⁹ euern pfarnhern〈/〉 aber mein herre^cj〈/〉hertzog Fridrich
unnd die Universitet zu Wittemberg wissen nichts
drumb¹⁹⁰/ Man wirts im auch nicht gesteen¹⁹¹/ Darauff
ein kemerer^ck des Raths¹⁹² geantwort/ wenn Karolstadt
unser pfarher nicht ist/ so hat Paulus falsch geleert¹⁹³
fehlt und euer bůcher můsten auch falsch sein,¹⁹⁴ dann wir ha-
ben in¹⁹⁵ erwelt/ wie unser schrift an obgemelt Universi-
tet gethan beweist und inne helt¹⁹⁶/ und bey disem artickel
ist es also verbliben〈.〉

Forder hat er¹⁹⁷ gelesen also im brief lauten/ Auß got-
lichem bevelhe/ stumme goͤtzen und heidenisch bilder um-
bringen etc.¹⁹⁸ Und hatt davon wellen reden/ Ist Andres
Karolstat eben zumassen komen¹⁹⁹/ und haben im etliche
auff doctor Martinus seytten gewincket nider zusitz-
en/ Aber Karolstat ist zu doctor Martino gegangen
und gesagt/ Lieber herr doctor〈/〉 kündt ir es leiden〈/〉 so
entpfahe ich eüch/ darauff sprach Martinus/ Neyn〈/〉
ich kans nicht leiden. Do sagt Karolstat/ es ist gleich
sovil/ Und in dem er sich vom Martino wandte/ sagt
Martinus〈/〉 ir seyt meyn feind/ und ich hab euch einen
gulden darauf gegebenn²⁰⁰/ sprach Karolstat/ Ich will
euer feynd bleiben/ unnd aller der〈/〉 die wider got seind/
so lang ir wider die warheit und gott seyt. Anntwort
doctor Martinus Luther/ Herr doctor ir wolt hyn-
auß geen/ ich will euch bey der sach nit haben. Sprach
Karolstat〈/〉 ist doch hye ein offenliche audientz²⁰¹/ handelt
ir recht/ so doͤrft ir euch vor mir nit scheuhen. Sprach
doctor Martinus/ Ir seyt mir verdechtig unnd mein
feynd/ sprach Karolstat/ ob ich gleich verdechtig wer〈/〉
so byn ich doch nicht euer richter/ aber bey euerm^cl wi-
dertheil²⁰² moͤcht euer feind steen und zuhoͤrn.

Darauff hub fürstlicher prediger zu Wimar〈/〉 herr
Wolfgang stein an und sprach zu Karolstadt/ herr
doctor〈/〉 ir habt euern abschidt zu Jhen erlanngt/ dar-
umb mügt ir wol hynaußgeen/ Karolstat anntwort/
seyt ir doch mein fürst nicht/ das ir mir zugebiettenn
fehlt habt/ wue^cm203 er aber des fürstlichen bevelch hette/ moͤch-
te er denselben fürlegen.²⁰⁴ Do aber Karlstat wolt zu-
hoͤren und sehen und nicht hynauß/ Sagt Martinus
zu seinem knechte/ span an/ span an/ Ich hab mit Ka-
rolstat nicht zuthun/ will er nicht hynauß〈/〉 so will ich
faren/ und stund auff. Damitt aber die angefangen
besprechung nicht verhindert wurde/ Ist Karolstadt
entwichen und hynwegk gangen.

Als nun Karolstat entwich/ Nam doctor Luther
des Raths brief wider herfure/ entschuldiget sich/ sa-
get〈/〉 er het der Orlamündische auff der cantzel oder in
seinem schreyben nie gedacht/ sy hetten mer zu Witten-
berg zůschicken〈/〉 denn das ir gedacht wurde〈.〉²⁰⁵ Derauff^cn sagt
der stattschreyber zu Martino. Luth'er'〈/〉 Ir habt aber
geschriben〈/〉 das auß eurn eigen schriften zubeweisen ist〈/〉
das ir unns Orlamündisch auch mit den schwermer
und schwimeln geistern eingezogen und gemeint habt^co/
als sollten wir auch〈/〉 wie zu Alstett geschehen〈/〉 dermassen
handeln und umbgeen/ dieweil wir auch die bilder ab-
gethon haben/ und das frey bekennen²⁰⁶/ Darauff ant-
wort Marti'nus' Luth'er'〈/〉 Ich habe in gemein²⁰⁷ geredt/ unnd
seindt noch mer stette〈/〉 die es gethon habenn²⁰⁸/ habe^cp ich
euch getroffenn〈/〉 was kan ich darzů〈?〉/ Dargegen sagt
obgemelter²⁰⁹/ so habt ir uns aber mit unwarheyt getro-
ffen/ das ir uns den schwermen geystern vergleicht.

Darnach sprach Marti'nus' Luth'er'Ferner/ ir habt
mir einen feindeßbrief geschryben²¹⁰/ ir gebet mir meinen
titel nicht²¹¹/ den mir doch etliche fürsten und herrn/ so
meine feinde seindt/ geben/ und nicht abbrechen²¹²/ darum
neme ich eurn brieff für einen feindts brieff an/ obenn
auff dem brieffe^cq heyst ir mich einen christlichenn lerer²¹³/
fehlt und ynwendig verdampt ir mich²¹⁴/ darauf sprach der
Burgermyster〈/〉 wir haben euch brůderlich^cr geschryben
und heimlich²¹⁵ zwischen euch unnd uns angesprochen/
und nicht verdampt/ sagt Marti'nus'〈/〉 Brůderlich/ das
kann ich in dysem euren brieffe nicht versteen/ dann ich
halt ine für einenn feindtsbrieffe/ sprach einer auß der
gemein. Auß was ursachen/ ist er dann ein feindtsbrief〈?〉
Sprach Marti'nus' Luth'er'〈.〉 ob ich sonst nicht^cs wüste〈/〉 das
ir schwirmer seit/ so weiß ichs doch yetzunder/ dann ir
brynnet alle vor meinen augen als ein feüer/ ir wert mich
doch nicht fressen/²¹⁶ und hub als baldt an und sprach/
wo woͤlt ir/ in der schryfft beweysen〈/〉 das man bilder soll
abthun? sprach einer auß dem rath/ Herr doctor freunt-
licher bruder〈/〉 ir lasst mir das zu〈/〉 das Moses ein außle-
ger der x gebot ist/ sagt M'artinus'〈/〉 ja/ sprach dieser weiter/ so stet
in den x worten geschriben/ du solt nicht fremde goͤter
haben²¹⁷/ und als bald in der außlegung Mosy volget/ du
solt alle bilder abthun und keins haben²¹⁸/ sagt Marti'nus'〈/〉
ja/ das ist von den abgoͤttischen bilden geredt/ dyse seint
abgoͤttische〈/〉 die man annbeetet/ was schadet mir ein
crucifix an der wandt〈/〉 das ich nicht anbeete〈?〉²¹⁹/ sagt ein
schuster²²⁰/ ich habe offt vor einem bildt an der wanndt
oder auff dem wege mein hůt abgezogen〈/〉 das ist ein ab-
goͤtterey/ und gottis uneren und der armen menschen
grosser schaden/ darumb soll man bilder nicht haben²²¹〈/〉
sprach Marti'nus'^ct〈/〉 So můstu des mißbraucht auch die
weyber umbrengenn〈/〉 auch den wein vorschutten²²²/ ant-
wort ein ander auß der gemein〈/〉 nein/ das seint Creatur
von got/ uns zur hilffe/ und enthaltungen unnd not-
turft geschaffen/ die er uns nicht bevolhen hat umb-
zubringen/ Die bilder aber〈/〉 die menschen hende gemacht
haben/ die seint uns bevolhen abzuthun²²³/ doctor Mar'tinus'
hielt aber fest auf dem wort abgoͤtische bilder/ sprach
fehlt der schuster wyder/ ja〈/〉 ich woͤlt dirs wol nach lassenn/
wann^cu nicht in Mose alle bilder verboten weren²²⁴/ sprach
Marti'nus' Luth'er'〈/〉 Es steet nicht in der schryfft/ sagt der
schuster/ es gelt was du wilt es stet darinnen/ und schlugen
die henden zusamen und wetten/ sprach der schuster〈/〉
Waß ist das gesagt/ got spricht/ Ich will mein braut
nacket haben/ und will ir das hemde nicht anlassen²²⁵/ do
sangk Marti'nus' nider/ streich mit seiner handt uber sein
angesicht/ bedacht sich unnd sprach/ Ey hoͤre zu/ das
heyst bilder abthun/ ey wie ein seltzam teutsch ist das〈?〉/
hub ein ander an/ Ja es ist ja war unnd sovil gesagt/
got will〈/〉 das die seel aller creatur nacket/ das ist bloß und
ledig sein sol/ und als bald ich mich mit einer erleubten
^cvcreatur geluste/ so ist die seel verbildet/ wie vil mer wirt^cv
die seel bedeckt und verwickelt/ wann sy sich mit verboten
bilder belustet.²²⁶In dem bracht einer das buch Mosy
und ward Marti'nus' der text gelesen also lautent/ So be-
waret nu euer seelen wol/ denn ir habt kein gleichniß ge-
sehenn des tages〈/〉 da der herre mit euch redet/ auß dem
feuer auff dem berge horeb^cw/ auff das ir euch nicht ver-
derbet/ und macht euch irgent ein bildt das gleich sein^cx
eim man oder weyb oder vyhe auff erdenn/ oder voͤgel
unter dem hymel oder gewürme auff dem landt oder
viche^cy227 inn wassern unter der erden/ das du auch nichts
dein augen auffhebest geen himel unnd syhest die sonn
und den mon^cz und die stern/ das gantze her^da des hymels
und werdest ausgestossen/ und beetest sy an/ und dienst
inen/ welcher der herre dein got zugeteilt hat allen voͤlck-
ern^db under dem gantzen hymel²²⁸/ Darauß oͤffentlich volgt〈/〉
das nicht allein abgoͤtisch sonder alle bilder verbotten
seint/ ja das christen kein bilder machen noch haben solten〈.〉
Darauff sagt Marti'nus'〈/〉 es stůndt darbey geschryben/ du
solt keins anbeeten/ darumb hette got die abgoͤtische
gemeint/ do sagt einer auß der gemein/ es stet nichts
im text abgoͤttisch/ sondern du solt gar keins machen
noch haben/ das anbeeten ist ein sonderlich ubel/ das got^dc
fehlt auch sonderlich^dd verbotten²²⁹/ sprach Marti'nus'〈/〉 lyß^de forth
und er laß〈/〉 du solt dein augen nicht auffheben/ gegen hy-
mel stern〈/〉 son und mon anzubeeten²³⁰/ fraget doctor Mar'tinus'
und sprach/ warumb dustu sy auch nit ab/ do antwort
der schuster/ stern vom himel seint nicht von unsern hen-
den gemacht/ darum got die stern nicht in unsere macht
geben abzuthun/ got hats uns auch nicht gebotten als
bilder abthun/ darumb sollen wirs nicht fürnemen.^df

Do sprach Mar'tinus'〈/〉 er sagt nochmals von abgoͤtischen
bilde/ sprach der Burgermeister/ hoͤret lieben hern hoͤrt〈/〉
do wart ein groß stilschweygen/ do saget er weyter/ lie-
ben hern hoͤrt/ wir halten uns stracks nach dem wort
gots/ dann es stet geschryben/ ir^dg solt weder darzu setzen^dh noch
darvon nehmen²³¹/ do sprach der fürstlich prediger²³²〈/〉 lyeber alter
schweyget ir stille/ sprach Mar'tinus' wyder/ ir habt mich
verdampt/ antwort der schůster^di/ so du ye verdampt
wilt sein/ halte ich dich und einen ytzlichen verdampt/ so
lang er wyder got und gotis warheit redt oder lyst/ sprach
Mart'inus'〈/〉 das hetten^dj mir die kinder wol auff der gassen ge-
sagt und stundt darmit auf und eilet zum wagen.

Do^dk233 das der kemerer²³⁴ einer sahe〈/〉 sprach er〈/〉 ey lyber herr do-
ctor saget uns vor²³⁵ von den articklen des sacraments und
der tauf²³⁶/ do^dl keret sich. M'artinus' L'uther' umb und sprach/ ich hab ge-
nug darvon geschryben/ leset meine bůcher²³⁷/ antwort der²³⁸
widerumb/ ich habe sy zum teil gelesen/ ich byn aber darinne
meiner gewissenn nicht genůgsam ersetiget/ antwort
Marti'nus' Lut'her'〈/〉 hat^dm ir was^dn fels dran^do〈/〉 so schreybet wyder
mich/ Darneben war der prior von Wittenberg^dp239 sagt zum ke-
merer〈/〉 was brengen die bilder schaden/ antwort der kemerer〈/〉 vil〈/〉
der prior〈/〉 du soltest vil wyssen und darumb versteen/ der keme-
rer/ Ich hab sein mer vergessen〈/〉 denn ir es gelernet habt
lasse sy sich nyder setzen〈/〉 so wil ich euch von dem schaden der
bilder sagen/ aber sy²⁴⁰ eyleten alle sampt zum wagen und
furen also von dannen.

^dqGot woͤll seiner warheit/ uns zu heyl und trost bey-
steen
Amen. Mich kümmert dyse speltung gar nicht/
denn ich will mich nach Gottis warheyt halten/ und nit
achten〈/〉 waß der mensch saget.^dq