Glossa

a. Loßend⁵¹ was die geltfischer
vorkundi〈g〉en〈.〉 .b. Ist er ein vater
in got/ sal er uns eitel gotlich
wort fursagen/ tuth er das nit
so ist er von deme/ des wort er
anbrengt/ er heisse Mamona⁵²
aber⁵³ Demon .c. Eure titel/
o ir Bischoff/ haben bei den un-
christen und narren grossen purden
und wag/ und tziehen die einfel-
dige mit gewalt/ uns rechtgl-
aubige bewegen sie nit/ Wir
haben schwache titel/ und star-
ke hoffenung/ in den namen Jesu.
d . Czu halle/ Das ist mir fur
meine gutte schlucker und gon-
ner leid/ welche tiffen vorstant
gefast/ und der Biblien grund
irlangt haben/ die wissen das
der Ablas ein ungeschaffner⁵⁴
und schedlicher⁵⁵ vogel ist/ der
sunderlich sich uff Bischoff-
huͤet setzet/ und pfeuffet nach
geld/ wie hungerige Reuter/
nach Kauffleuten/ und ein Ke-
a2^v sselflicker/ nach althen kesseln

Gloß

e. Sachsenland/ hat Christ-
us durch sein Evangelium
begnad/ mit grossem lob und
ruͤm/ das selbe wolt ir durch
euern Ablas/ federen⁵⁷ und wort
spottlich und unerlich machen/
und euer vaterland/ welches
got mit wahrheit/ scheinbar-
lich geschmuket/ untherstat
ir/ mit rauch⁵⁸ und luͤgen eures
Ablas/ dunckel und finster tzu
machen.

Gloß

f. Saget mir/ ir geltgeitzige
pfaffen/ wu der grund steet/
des ir schreibet. S. Magdale-
ne kirchen?⁶⁰ Das ist wider
Moisen und Paulus/ Moises
spricht/ wer ist Moises? wer
ist Aaron?⁶¹ und spricht Paulus〈:〉
Wer ist Apollo^h? Wer ist Ce-
phe? Wer ist Paulus?⁶² Auch
solt ir phariseier mercken/ was
Christus von S. Maria Ma-
gdalena saget Luce 7. Er saget/
dein sunde sollen dir vorgeben
sein. Item Dein glaub hat
dich selig gemacht〈/〉 gehin mit
fried.⁶³ welcher gotlich reuhe
hat/ und sich erkennet und keret
sich von seinen sunden/ der horet
das wort. Deine sunde sein dir
vergeben/ und got wil ihr nit
gedenken/⁶⁴ So wolt ir vorgeb-
ene sunde gedenken/ und umb ge-
lt vorgeben/ und gebraucht der
schlussel⁶⁵ schalklich. Vorgebet
und vorgebet doch nit. Christ-
us spricht/ dein glaub macht
dich selig.⁶⁶ so sprecht ihr. Ablas
macht dich selig. Christus st-
ercket uns/ und spricht〈/〉 gehin
mit frieden.⁶⁷ So macht ir uns
krank und unfriedsam/ das ir
sunde vorgebt/ und behaltet et-
was das Ablas abnimbt.

Gloß

g. Sanct Moritz burgk/ der
nham gefelt Sanct Moritz⁶⁸
dieser massen nicht.

Gloß

h. wer wolt das nit glauben
das ir solche Jar und tag er-
dicht habet/ auff das ir eure
beutel vol sylber und goldes
a3^r stecket/ und machet euch heili-
gen die ir tzu eren und wolust
moget schmeltzen⁷⁰ und gute tag
machen.

Gloß

i. Bebstliche heilikeit/ ist ein
betrickliche und entchristische⁷¹
heiligkeit/ Der todt⁷² und der
Teufel hat sie geschaffen.

Gloß

k. Bulla tzu latein/ ist zu teu-
sch ein wasser bloße⁷⁴/ die von
einem tropfflein auffquillet/ und
baldt vorgeet. So ist es mit
den Bebstlichen bullen/ wan wir
gelt regenen/ so wachssen sie/
wann wir nymer geben wollen/
werden sie bald tzu wasser/ und
praussen〈/〉 scheumen wie ein eber
und reissen〈/〉 rauben wie ein Le-
eb⁷⁵〈/〉 der sein yungen vorlorn. Ab-
er las hergehen⁷⁶ sie werden sich
wund stossen.

Gloß

l. wan wir rechte reue er-
langt haben/ bleibet nit⁷⁸ uberig
das Ablas weg nymbt/ dan
Christus spricht〈/〉 ganck hyn/
und sundig nit meer〈.〉⁷⁹ Ir sprecht〈/〉
kum her und gib gelt. Esai. und
Eczechiel sagen〈.〉 Ich wil eure
sunden nit mehr gedencken.⁸⁰ Aber
ir dorfft ire gedencken.

Gloß

m. welcher Teuffel hot den pa-
pisthen macht geben/ eygne
felle furzubehalten?⁸² ych kan be-
weisen. daß eitel erdicht lockel-
wort⁸³ sein/ die schlusseln haben
gleiche macht bei allen denen〈/〉 die
sie empfa〈n〉gen/⁸⁴ Liebe bruͤder/ luget⁸⁵
das ihr das Wort Satisfatio/
aber⁸⁶ gnugthuenⁱ/ nit ubel brau-
chet. Ich leße das got straff und
peen derhalben einwurfft/ das
die gestraffte/ in reu und leid
treten.⁸⁷ ¶ So bald reue kumet/
leget sich straff und peen. so gab
Paulus den sunder dem Teuffel
tzu verterbnis seines fleisch.⁸⁸

Aber unsere Ablas prediger kl-
appern/ das was nach vorgeb-
ner sunde bleib/ das gelt und Ab-
las abwaschen.⁸⁹ O got du spri-
chest das du gelt und synliche
opffer nit wilt haben/⁹⁰ und die
pfaffen zu Hall/ keren allen fleiß
dahyn〈/〉 das sye unßer gelt/ kuͤe/
ochsen/ huͤner/ecker/ wiesen/
und tzu letzten alle habe hauß^j
a3^v und hof/ den beutel mit dem gu-
rtel von unsern seiten⁹¹ abschwa-
tzen/ sie nenten sich billicher⁹²
des teuffels und Endchrist⁹³
beveltrager ader diner.

Wann wir unser
alt leben berauen⁹⁴ und neue men-
schen werden/ so mussen wir/ als
ein guter paum gut frucht tra-
gen/⁹⁵ gerechtikeit und gericht
und alles/ das Eczechiel leret
am 18. ca'pito' gar nah bei 17. stuke⁹⁶
thun/ nach forderung der tz〈e〉it
stat und personen.⁹⁷ Kurtz-
lich/ das leben des gerechten men-
schen/ stet in den stucken und ge-
berden⁹⁸/ die wir im Evangelien
und Propheten haben. J〈e〉doch
reden die Bischoffhutlin tzu
Hall/ das ein gerechter/ das
ist/ reuhehabender/ moge sich
von gutten wercken abkeuffen.
das selbige mit geld erwerben.
Ich mein〈/〉 Luther hab euch
langst geschrieben/ das Ablas
ein vorderber ist gutter werken〈/〉⁹⁹
ßo seind ir Pfaffen/ die/ uns
geistlich leben und gut werk ab-
schneiden/ und pfeuffet uns do-
ch sues gedon¹⁰⁰ fuͤr/ wie der vo-
gelsteler¹⁰¹ den vogeln/ der in¹⁰² ihre
hels umkeren und wurgen will.

Glossa

n. ir nennet euren Byschoff va-
ter in got/ er lere uns als ein
solicher/ das er macht hat/ ge-
lubd tzu andern und wechseln¹⁰³

Gloß

o 〈.〉 keußheit heldet kein Pfaff/
aber¹⁰⁴ er ist seltzam¹⁰⁵/ und sye geben
lieber tzu/ das pfaffen huren/
dan ire eigen elich weiber haben〈.〉¹⁰⁶
Hie darff ich schir außschuten〈/〉
das¹⁰⁷ ich weiß/ aber ich werd
eurer antwort¹⁰⁸ warten.

Gloß

p 〈.〉 am tag Cene vorbannet
der Bapst alle/ so Bepstliche
guͤter inhaben/ ader wider sein
heiligkeit reden.¹¹¹ Ich bin aber^m
des bans nit armer geworden〈/〉
mir schmecket essen und drin-
cken gleich wol/ gerad hienaus〈.〉

Gloß

q 〈.〉 Romisch gnad ist eitel tzo-
rn〈/〉 ungnad by got und ein gifft-
tige vorfurerin der Selen.

r. Euch veisten ochsen/ habet
ir/ gulden jar erdicht/ aber un-
sere Kinder und andere leuth
mogen sie billich eissern und
steinern jar sagen/ dan das ir
uns abbetrogen¹¹⁴/ das¹¹⁵ haben wir
schmertzlich gemangelt.

Gloß

s. das huͤltze creutz kond ir
pfaffen wol auff richten und
besingen/ yr berget das heilig
gaistlich cruͤtz Christiⁿ/ und tz-
aiget ein unfruchtbar holtzeen
cruͤtz¹¹⁶/ daran werdet ihr genahe-
lt und tzappeln bis ihr von 〈e〉urem
drigen¹¹⁷ und finantzen abstellet.

yr tund gleich wie die Prediger
von Bern/ die b〈e〉tragen die luͤte
mit ertichten tzehern/ eines bil-
des Marie/ und das gericht
verprant sie.¹¹⁸ Ir tuͤschet uns
Leyhen mit Cruͤtze und waffen
Christi/ was verdient ihr?

Seit ihr nit kecke gelt zwakler¹¹⁹?
Heilige schrift lernet/ das eure
holtzer/ unnutze sein.¹²⁰
Christus begert das wir sein
Cruͤtz teglich uff uns tragen
und tzuͤget uns hinnein/¹²¹ Und
ir versucht〈/〉 wie ir uns auß dem
gaist an eure cruͤtz furet.¹²² wel-
chs ir uns ufricht/ alß die Ju-
den Christo ire crutz ufrichten.

Gloß

t. Mich duͤnket gleich
wann yr 〈e〉uch/ an ader uf die Pe-
nitentiarien tzu Rom beruffet〈/〉
als wan sich die jungen wolffe
irer eldern berumen/ von wel-
chen ein sprichwort erschollen〈/〉
Ist einer gut/ so seind sie alle
gut. Sie gan uns auch mit
wissen steben¹²⁶ vor/ wie der fu-
echß mit smechlichen geberden¹²⁷〈/〉
so er den hunnern ire helße ab
byssen wiel.

Gloß

u. Wie Bruderschaften tziemlich
seint/ so ist Bebstliche beste-
ttung/ Wie das geswer¹²⁹ ist〈/〉 ßo
ist das pflaster. Bruͤdersch-
a4^v afften sein tzertrennung Christ-
licher gemeinde/ und teilen/ die
unzerbrochen glider und gepein
Christi/ haben nicht guts/ viel
neydes und uffruͤrissche ansch-
lege.¹³⁰ Redeliche bruderschafft
stad nymand zu/ dan Christo
und Christs got/ Begryffet¹³¹ ok¹³²
alle glaubige. Engel und heili-
gen/ lebendige/ und toden.

Gloß

x. Wie kan euere dinste got zu
lobe dienen? So ihr kein gotliche
lere habt/ und eret got uß men-
schlichen geboten und einsetzen?
Was got nit pflantzet/ das
wird ausgereuth. Matth. 15.¹³⁴

Glos

y. Wie suͤeß pfeuffen unsere
geltsteller? sie sprechen tzu trost
und seligkeit allen Christglau-
bigen/ O quomodo mentiris¹³⁵
Den Christglaubigen lauteth
kein wort/ dan das wort Chri-
sti/ der saget/ Mein schefflein
horen mein stym/ Joan. 10.¹³⁶
gotis wort vorheisschet allein
Christliche seligkeit/ Wir sollen
kein geistliche seligkeit anne-
men/ wan sie nit gotlich wort
hat.¹³⁷ ¶ Die klugen Christen
vortrauen keinem gesangk/¹³⁸ und
setzen sich nit bald uff euren
kloben¹³⁹. Der Pfaffen lockeln
yst gewiß des Teufels orgel/¹⁴⁰
wan sie aber ymant/ seligkeit
und trost wolten gereden/ solten
sie gotis ratschleg vorkundi-
gen. Jeremias 23.¹⁴¹

Gloß

z. Selig ist der/ in Bebstlichem
Interdict und Ban stirbet/
Dan got hat des Entchristen/
und der pfaffen/ die gotliche ge-
setz vorschmahen/ gebet und be-
nedeyung/ in vorfluchung und
maledeyung vorwandelt/ und
widerumb Bebstlich vorma-
ledeyung gekeret in benedeyung.
Sie haben ire schwert in etlich-
en .c. iaren nit recht uß iren sch-
eiden geruckt aber¹⁴³ recht gebrau-
chet. So ist das unglaublich/
das Ablas so starck mag sein/
das er Bebstliche Interdict/
die teuffelische und yssern¹⁴⁴ ketten
kann tzubrechen. Ich weiß nit¹⁴⁵
b1^r das empfaung der Sacramen-
ten vorhindert unnd wegert
dan¹⁴⁶ Teuffellisch bande/ Ich
hette gedacht/ das Christus
allein kumen ist/ uns von des
Teuffels bande ledigk tzu ma-
chen/ Der Ablas ist nit Chri-
stus/ ehr wer dan euer Chri-
stus/ Propter denarium.¹⁴⁷ Dru-
mb weis ich〈/〉 das Ablas des
Teuffels strick nit tzerbrechen
kan. Auch begert Lignati-
us tzu lernen/ Wu Babst und
Bischoffen/ in der schrifft/
ire macht konden tzeigen/ einem/
der ertznei¹⁴⁸ begeren ist/ heilige
Sacrament tzu weren und vor-
sagen¹⁴⁹/ Uß ir gelt secke/ wolt yr
uns hindern in Sacramenten〈/〉
die uns sundern¹⁵⁰ Christus sel-
ber/ und alletzeit anbeut und br-
engt? ¶ Wie duͤrfft ihr Pu-
ben Sacrament^o vorbiten (fultis
illius) so wile ich meine swert
anpinden.¹⁵¹

Gloß

A. Was ist es von notten¹⁵³/ das
wir unsere Corper mit viel la-
menten besingen?¹⁵⁴ Was hilffet
begrebnis uff den kirchhoff?
Ich rathe das sich yderman/
durch seine freund/ umb sunst
tzu grab laß tragen/ Abraham
und andere/ haben greber auff
yren eckern gehabt¹⁵⁵ unnd sein
auch selig geworden/ unsere be-
grebnis sein eitel pfeffisch dy-
nge./ Wu ist Christus gelegen?
Wu Moises?¹⁵⁶ Wu Paulus?
Wo Maria?

Gloß

B. Gern wil ich der Mon-
che gutte werck entperen/ son-
derlich der betler/ Wil mich/
viel tausent mal lieber/ in ge-
bet und werck/ der arbeiter be-
felen/ die mit kurtzen seufftzen
beten/¹⁵⁸ Und under irer arbei-
ten got anruffen/ mit stillen
lippen. Das ir pfaffen saget/
Wir geben euch macht theilha-
fftige uberkommunge aller gut-
ten werck/ tzu erlangen durch
unsern Ablas etc. Wa her ku-
mpt euch disse macht? Leret
uns/ aber¹⁵⁹ wir werden euch be-
driger und falsarius außruffen.

Gloß

C. Eure vorsygilte bryeffe
vorkauffet den spinnern zum
rocken/¹⁶¹ seind sie anders solcher
eren wirdig.

Gloß

D. Christus bekrefftiget al-
les〈/〉 das zu der seligkeit dient.
Seind wir durch den glauben
gerecht gemacht/ sollen wir ke-
gen got/ frid haben/ durch un-
ßern hern Christum. Rho. v.¹⁶²

Dise b〈e〉krefftunge kan weder men-
sch/ nach teuffel schwach ma-
chen. Aber eur Ablas ist ein
papyrn und schreiberisch mer-
lein/ drumb must ir eur gere-
chtikeit mit papir bekrefftigen.

Gloß

E. Billich fordert ir gelt tzu
der naue¹⁶³ Styfftkirchen/ da-
mit volget ir got. Exo. 30.¹⁶⁴ der
auch gelt tzu dem nauen taber-
nackel fodert/ des gleichen thu-
et^q David/ der Juden auch tzu
willigen opffer maneth 1. Pa-
ralipo. 29.¹⁶⁵ das preißet ir. A-
ber wir wissen/ das got kleinen
gevallen hat/ an steinern tem-
pel actuum 7.¹⁶⁶ und daß got nit
in solichen heusern wanet 2〈.〉 P-
arali. 6.¹⁶⁷ wie Salomon sagt/
und das got zu Esai〈a〉 spricht/
waß wolt ir mir fur ein hauß
bauen? Esaias .66.¹⁶⁸ und daß
Christus spricht〈.〉 Die tzeit ist〈/〉
daß die warhafftige anbetter
nit yhm berge/ und hultzen Kir-
chen/ sunder im gaist beten/
dan got ist ein gaist. Joan. 4.¹⁶⁹
der tempel gottis seind die gla-
ubige/ yn welchen der gaist
gottis wanet/ 1 Corin. 3.¹⁷⁰ O ire
harnackichte¹⁷¹ unbeschniden J-
uden¹⁷²/ ir widerstrebet alwegen
got/ so ir/ leiplich Kirchen gro-
ß feyhert/ und traget/ und dantz-
et/ und spilet/ mit euren bilde-
rn und Kirchen.¹⁷³ Und gebet kei-
ne achtung wie ir/ rechte tem-
pel gotis eren/ underrichten¹⁷⁴/
und erbauhen moget/ wan ir
mich heth¹⁷⁵/ so wirt mir eß geen
wie Sanct Steffan. des wo-
rt ich gebrauch. Wisset ir
nit/ daß wir Kirchen gnug ha-
ben.¹⁷⁶

Gloß

F. Wider gotis lob und err/
und willen aller heiligen ists ge-
wißlich/ das ir kirchen bauhet
in anruffung der heiligen. Vide
ne feceris. Apo. 22.¹⁷⁹

Gloß

G. Das darlegen¹⁸¹ klagen wir
arme leuthe〈/〉 die es forcht ad-
er betrug halben gegeben.

Gloß

H. Ich hab keinen tzwei-
ffel Sanct Maurici wurd sei-
nen silberen kuͤriß und harnisch
schmeltzen/ und armen elenden
leuthen geben/ ßo er allhie wer〈.〉
Itzt hat er schwert und hand
außgestregk/ euch wirdige be-
lonung tzu geben.

Gloß

I. Ich halt und glaub〈/〉 das
vil heiligen sunderlich in dißem
valh gewalt geschicht/ Das
sie nit in yren grebern. vor euch
ruhen mogen/ Ich weis das
den heiligeen/ mit solicher hoff-
art nit wol. Und das inen solch
gebreng unbeheglich ist/ Sei-
nd sie wahrhafftige heiligen/ so
ist ihr begerd und bitt/ das wir/
den got welcher sie geheiliget/
ewiglich anbeten. Dan sie spre-
chen bei deinem leben/ gieb uns
keine gottliche eher. ¶Sich¹⁸⁴
Dechand¹⁸⁵/ das .14. c. in Actis.
und bewege vleissiglich/ Das
Barnabas und Paulus/ ire kle-
ider tzurrissen/ und sprungen in
das welck¹⁸⁶/ und schreihen. Was
thut yr? Wir seint menschen/
und predigen euch das ir von soli-
chen schnoden sachen abstellet.¹⁸⁷
Das salstu Dechand¹⁸⁸ die unge-
larte leren/ du schweigest/ und
leste nit allein geschehen/ das
man den Aposteln/ geld/ kuͤhe/
und ochsen opffert/ Ja du fast
sie in gulden/ und sylbern seerge
aber¹⁸⁹ kasten¹⁹⁰. ¶ Aber das heilige
Evangelium/ dar aus eure hei-
ligen (sein sie selig und heilig) ire
seligkeit gelernet und erlangk
haben/ stossen deine Lokaten¹⁹¹ un-
der die panck/ und muͤgen yhm
nicht wol/ ein schweine leeder
lassen uber tziehen. Auß aus.

Gloß

K. Andacht vorlieschet in
menschlichen auff setzen¹⁹²/ ir wol-
let dan leuth tzu gleißnerische
andacht reitzen/ die vil wort
betet/ unnd wenig glaubet.

Gloße

L 〈.〉 Ich wuste/ das ihr des sto-
kes nit wurdet vorgessen. Der
stock/ ists tzile dar uff eur ou-
gen/ predig/ vormanung/ ablas
und briff/ sehen und schissen¹⁹³.

Von den reichen fordert ihr vel¹⁹⁴ und
armen wenig/ von yeden nach
vormogen/¹⁹⁵ ßo behalten sie bede
gar nit. Das ist/ das sie leren/ du
solst nit mit lerem gebett kumen.

Gloße

M. Gnad
die man verdient/ oder fur gelt
gibt/ ist er²⁰⁴ Simonis²⁰⁵ und 〈e〉ure
gnad/ Thet der heylig pfenn-
ig yr stecket 〈e〉uren Ablas under
die decke/ an die kochin. Vele
lude sein tzu das stupen²⁰⁶ gschlagen〈/〉
die weniger den yr durch falsen
handell betrogen haben. .N. chri-
sten nennet yr. ßo narren sin und la-
ssen sich am strick furen/ so bal〈d〉
wir 〈e〉ure s〈c〉halkeit necken〈/〉 nennet ir
uns ferfluchte ketzer.

Gloß^w

N. Die iii Vater unßer iii. Ave
Maria vor der Capelln beten/
vordienen hundert Jar ablas/
Welche aber milde almußen
tzu gemelter kirchen reichen/ und
gebenn nach irem vormugen/
vordinen/ so offt das geschi-
cht/ vier tausend jar ablas/ iii.
tausent und xl tag achthundert
Quadragen. etc Sihe sihe/ wie
geitikeit²⁰⁸ einen unterscheit/ tzw-
uschen gebet und gelt machet?
Das vater unßer vordient nur
hundert Jar/ Aber eynlag und
mielde gabe noch vermuͤgen
vordient vier tausend Jar/ vil
tag und Quadragen/ Ich mein
das sey nach gelt getzielt/ ych mein
die Pfaffen endblossen
b3^r yre gesucht und geswer. Das he-
isset uber die gruben furen.²⁰⁹

Eß hilfet 〈e〉uch neut/ wir rich-
en/ das 〈e〉uch das gelt plendet.
wir folgen 〈e〉uch nit mer yn das
fuchs loch. Unßer gelt werden
wir besser/ und ahn die personen
legen/ die Christus tzeiget.

Gloß

^xO. Euch ist an^x
personlichem beiweßen eigentlich
nit vil gelegen/ gelt suchet ir/
wan wir euch das schickten/ und
blyben alterß oder kranckheit
wegen anheim/ wir kemen 〈e〉uch
gar wol/ gelt ist eure loßung〈/〉
wer das nit tzeigen kan/ der huͤ-
the sich/ der muß horen〈/〉 stich
tod/ stich tod/ er hat nit unße-
re loßung.²¹⁰

Gloß

P. Offenlich tzeiget ir ann/
das ir euch tzu Christo nit ke-
ret. Dan alß Zacheus sich beke-
ret/ saget er? Her die helfft
meiner gutter/ gebe ich den ar-
men/ und so ich ymants betro-
gen hab/ dem geb ich vierfeltig
wider.²¹¹ Weret ir bey Zacheo
gewest/ yr het in ane tzweiffel
vorbannet/ das er den armen die
helfft seiner guter geben wil/
und sunderlich/ das vierfeltig
widergibet/ nit den Kirchen/
sunder den. die er betrogen. Wel-
cher Teuffel hat euch das ge-
lernet? Und wu habt ir gele-
ßen? Das ir/ ein teyl/ der gut-
er die nit wolgewonnen sein/
dorffeth heischen? und dan wo-
lt ir den innehaber absolviren?
Seind ir gotis diner? tzeiget
uns seine wort? Seit ihr nit
gotis diner/ wem gehort eure
lere und Ablas tzu? Ir seind
falsarien/ das ir euch vor die
personen außgebet/ die ir nit sei-
nd. und wolt sie auch innerlich
nit sein. Sollen wir nit stein
auff heben/ euch werffen?²¹² als
Propheten/ die von goties we-
gen sagen/ das ihn got nit hat
bevolen? Ir lauffet an gotis
stad/ und habt keinen gotlichen
pastbrieff²¹³/ Gotis wort habt
ir nit/ und wolt doch gotlich
wort predigen. Hieremie .23.²¹⁴
b3^v Das Evangelium lernet/ das be-
drieger den bedrogen sollen scha-
den legern. Got leret/ wie wir
unwolgewonnen gut/ und we-
me wir das geben. Levi. 5.^y Er sol
alle ding/ so er bedriglich ge-
wonnen vol und gantz wider ge-
ben. Dartzu den funfften teyl
wem? dem hern/ des das gutt
geweßen/²¹⁵ Nuhn leret ir/ wir
sollen euch ein teil des gutes
geben/ dan wolt ir uns empin-
den²¹⁶/ Ach ir gotloße menschen.
Ir wisset das got nit wil tzu-
geben/ das wir ihm von raub/ be-
drig/ und diebstal opffern sollen〈/〉
Und kond nit vorneynen/ dan
das der bedriger/ dem/ das un-
gerecht gut/ und dartzu den fun-
fften teil/ geben sal/ des es ge-
west ist. Drumb hat ymant
gelt ader gut tzu getrauer ha-
nd/ empfangen^z/ und geleichnet²¹⁷
das ym tzu bewaren geben/ aber²¹⁸
etwas mit gewalt gewonnen/
ader bedriglich abgeschwatzt〈.〉
Aber ungeferd vorloren ding
funden/ und hat das gelei-
chnet/ dem wirt seine sunde nit
vorgeben/ er geb dan/ das sel-
be tzusampt dem funfften teyl
wider/ nicht euch pfaffen/ su-
nder dem/ der es vorloren hat.
Wan aber einer nicht wuste/
wohin ers von recht geben sol-
de/ sal er nit tzu euch ader dem
pabst lauffen/ sunder den rath
heiliger schrifft suchen/ die al-
so spricht. So ymand einen yr-
rende ochsen sihet/ und weis nit
wem er tzustehet/ saltu yhn in
dein haus fuͤhren/ so lang hal-
ten biß yn dein bruder nympt/
Also saltu mit ydlichem ding
tuhn/ das vorloren ist. Deu. 21.²¹⁹

Disses raths soll ich geleben
und vorloren ding/ aber das ich
nit weis/ weßes ist/ bei mir be-
halten/ auff das ichs seinem hern
gebe. Was in eure hende ku-
met/ das besicht weder sonne
nach Mon/ der halben sprecht
ir/ so euch gelt zugetragen wirt
Omne quod venit ad me non
eiiciam foras.²²⁰ Item. Per diem
sol non uret te/ neque luna per
noctem.²²¹ Der wegen mogen wir
euch sagen/ wan ir uns mit
falscher leer bedriget. fera pessi-
ma devoravit filium meum/
die aller boste bestien hat meinen
Soen Joseph vorschluncken.²²²
Ir lebet aus raub und schalk-
heit/ und seid nit sat an unsern
gut/ ir greiffet nach dem men-
schen wie eur leeb²²³ zu Rhom tu-
het/ von dem Eczechiel 19. ge-
schriben/ Der leeb hat gelernet
raub tzu nemen und menschen
tzu vorschlicken.²²⁴

Gloß^ab

Q. Ewig sol
disser Ablas stehn ¶ plumb
plumb ¶ Wir wollen rath fin-
den/ und hoff〈/〉 ir habt uns mit
der naßen auff die hohe des be-
rcks gefurth/ hoher mogen wir
nit/ wir mussen mit euch kegen
thal lauffen/ und die sachen/ na-
ch erforderung/ anfahen. Von
dem Jubel iar²³⁰ solt ich schreiben
Und sunderlich von den ner-
rischen glockenweihen²³¹/ ßo muß
ich gen Meintz reiten. Derhal-
ben bieth ich Ignatius ir wol-
let von wegen meiner gesellsc-
hafft/ unser tziemliche und an-
liegende clage und geschrei an
meiner stad fur euren Probst²³²
tragen/ und in vlyß ernstlich s-
agen. ¶Her/ stellet den Pfaffen/
welchen. E'uer' W'ürden' von wegen des
Elichen standes tzu Hall^ac/ gefe-
ncklich/ gehalten/ wider tzu li-
chte.²³³ Aber so E'uer' W'ürden' das nit mo-
gten aber²³⁴ wolthen tuhen/ vor-
schaffet/ das eure tapffere/ sche-
inliche/ und gnugsame ursachen
zu rechte/ die auch furstlich und
loblich sein〈/〉 angetzeigt werden/
warumb E'uer' w'ürden' den briester nit
kan oder wil ^ad anß lichte^ad geben/
Darnach schicket mir solche
entschuldung ken Neumburg²³⁵
am tag Martini²³⁶ in die grosse
herberig bey dem kirchoffe/

Werdet ir mein ansynnen vor-
achten/ so wil ich ein spiel anfa-
hen/ das euch Halle tzu enge
wirt/²³⁷ Ich will wissen kurtz/
ob mein bruder²³⁸ bei leben aber²³⁹
im tod ist/ und vorstehen/ das
mit ome²⁴⁰ Probstlich und red-
lich gehandelt/ werde ich das
nit von euch erlangen/ Solt ir
mir nit vor argen so ich werd
schreiben/ das ihr den fromen hern
unredlich/ wider gottlich und
menschlich^ae recht/ ermort habt〈.〉
Ich wil auch nach obgemel-
ten tag nach den pfaffen trachten
die sich mit weibern vorwer-
ren^af und treten doch nit in Elichen
standt.