Bearbeitet von Stefania Salvadori
292v
Preside Eximio D'omino'
And'rea' Carol'stadio' Christianae theologiae D'octore'
ad infrascriptas Conclusiones respondebit
venerabilis pater Iac'obus' Iperensis
sacr〈e〉 theologie
Lector et prior Antwerpiensis pro admissione ad Bibliam etc.1
293r
- 1a
- Vota rerum nostrarum rarius esse emittenda suademus.
- 2
- Multo siquidem fortior vis sentitur fidei, quae sola (nullis
aliis implicata) deo fidit, tam in prosperis quam adversis.
- 3
- Sancti2 non per vota, sed per fidem ora leonum
obturaverunt.3
- 4
- Petrus eciam abscedentibus
aquis perterritus, non voto, sed clamore fidei liberatur.4
- 5
- Contionatores, populum dei semper ad interna
trahere (ubi spiritus domini operatur) et crebrius ab externis avocare
debent.
- 6
- Atque pressis angustia conscientiis inculcare, nullum fore
peccatum, eciam si nihil penitus voveatur.
- 7
- Deinde non fieri absque periculo, si quis se intricationi et
votorum laqueis implicet.
- 8
- Tertio votorum nauseam diligenter ingerere iis quibus tota lex
non est perspecta.
- 9
- Quoniam fieri potest, ut deum sibi magis
iratum, quam propitium votis suis faciant5
- 10
- Dicant eciam esse permulta, quorum vix pretium recipiat
deus.
- 11
- Deinceps aliqua sic deum abominari, ut res promissas et pretia
earum soleat reiicere.
- 12
- Ab hominum votis parum
differre videtur Iepte6 votum.
- 13
- Eam ob rem opinamur Iepte
filiam charissimam occurrisse7, ut malus promissor doloris acerbitate mulctaretur.
- 14
- Ceterum certum est estimandas esse nonnullas res deo placitas,
sed incertum, an iuditium estimationis unis pontificibus sit concessum.
- 15
- Perspicuam legem cernentibus nihil est opus ad pontificum
aliquem perfugere.
- 16
- Indubio, doctus sive spiritualis laicus consuli potest, idque
suaderem, tum ob iustitiam, tum ob avaritiam sacerdotum.
- 17
- Estimatarum rerum pretia non debent in edium sacrarum
usum iam conferri.
- 18
- Sed vivis templis dari, de quibus dicitur: quod uni ex minimis
meis fecistis, mihi fecistis.8
- 19
- Mirum est, pontifices tandem non permoveri posse praeconis
voce, Mandato Mosi hodie In scriptura
clamantis Exo. 36.9
- 20
- Nec vir nec mulier quicquam offerat ultra in opere
sanctuarii.10
- 21
- Mosi temporibus cessatum est ab offerendis
muneribus, eo quod oblata sufficerent et superhabundarent.11
- 22
- Non multa tamen erant sanctuaria tum in populo dei.
- 23
- Hodie in una civitatula videmus quatuor vel .10. delubra. Et
ea quidem auro, argento, purpura et gem-
mis supra fidem
ornatissima, et plus quam superflua.
- 24
- Clamat Moses non offerte, cessate ab offerendo, sufficit omnia
abundant.12
- 25
- Respondent Papistae, offerte, non apparete vacui, numquam est
cessandum ab offerendo.
- 26
- Inde vitulae ille genera indulgentiarum effloruerunt, Inde
interdum libertas auro sacro divenditur atque pretio
permittitur carnium
usus ac ferme omnia sana veniunt.
- 27
- Proinde subducite vos ab illa ilice fratres,
occludite quisque pro sua virili fistulae foramina, nil aliud ef-
flantes quam vovete et id absque delectu offerte, et id
ardentissime, redimite libertatem, et id quidem fortissime.