Lieber brůder Victe/ warumb bistu so betrübet.

Was ist es nütz/ das ich dir klag/ du kanst mir doch nit helffen.

Weystu nit das geschrieben fehlt steht? Ad aliquem sanctorum convertere.⁴⁹ Du soltest in noͤten eynen heyligen anrüffen?

Das hat eyner gesagt/ der eyn gesel⁵⁰ war/ wie du einer bist/ der auch den betrübten Job/ von got zů den creaturen wolt flüchtig machen.⁵¹ Auch duncket mich du seyest listiger denn der selb/ denn deyn rathe lautet gleych/ als solt ich zů dir fliehen/ als⁵² zů einem heyligen.

Was schadets?

Vil/ denn du bist in den sacramentischen lerern⁵³ ersuffen/ und heltest das für ein gesundtheyt/ das mir ein kranckheyt und greulich geschwer⁵⁴ ist.

Ich riech das du zweyfel hast^o an den sacramenten.

Du hast mein geschwer ersehen.⁵⁵

Wir haben sieben sacrament/⁵⁶ von welchem bist du bekümmert.

Ich weiß weder von eynem nach von syben sacramenten.

Oho.

Ich weiß nit was für ein wort/ das wort sacrament ist/⁵⁷ und viel weniger was es bedeut/ der wegen ist es müglich/ das ich irr/ und strauchel/ als Aristoteles sagt. Ignorantes virtutes verborum^p defacile etc.⁵⁸

Sacrament ist eyn lateynisch wort/⁵⁹ und nicht kriechisch/ die Juden aber sprechen es sey ein hebreisch wort/ und bedeut uff teutsch ein falsch/ erlogen bildnüß. Seker uff ire sprach/ heysset falsch/ erlogen/ und unnütz. Ment/ sol ein bild sein.⁶⁰

Ich meynet du werest eyn patron der sacramenten/ so⁶¹ bistu ein spoͤtter.⁶²

Ich hab dir vermeldet/ was die Juden von dem woͤrtlin sacrament halten/ und wolt dir gesagt haben/ was es lateinisch bedeut/ so fellestu mir in meine rede/ als⁶³ ein bauer/ unnd wilt⁶⁴ mich beschaͤmen.

Dein rede/ und geperden deines antlitzes schynen/ als were deyn gemüt mit den Juden eyner meinung.

Behüt und beware mich got.

Was aber bedeut das wort sacrament.

Sacramentum ist ein lateinisch wort/ und heisset uff gut teutsch. Eyn zeychen eines heyligen dinges/ als der meyster von hohen synnen leret/⁶⁵ und spricht. Sacramentum est sacre rei signum/⁶⁶ denn wenn fehlt die lateinische sprechen/ hoc est sacramentum militare/ hoc castrense/⁶⁷ nihil ad propositum.⁶⁸

Du bist eyn meyster von hohen synnen/⁶⁹ welche gottes wort gering achten/ denen ^qauch gott^q nicht vile sachen offenbaret/ welche got auch hasset/ und ire synn und weißheyt verderbet.⁷⁰Ich wil ein rechts/ klars/ bibelischs wort haben.⁷¹

Hoc sacramentum magnum est.⁷²

Reym dich eysenhůt an fůß/⁷³ du waist/ das unser alte tranßlation/ vil erdichte wort hat/⁷⁴ welche dem krichischen und hebreyschen ungemeß seind/ das auch der sententz unser lateinischer biblien zeyten^r75 mit der ursprünglichen zungen widerspenstig ist/⁷⁶ der halben würdestu mich nit mit schlaͤchten^s worten abweysen/ du můst mich in die zungen füren/ als Hieronymus leret.⁷⁷

Die christliche kirch gebraucht das wort.

Darumb wil ich wissen/ wo das wort sacrament einen grund hat/ in dem wort/ darinnen die kirchen lebet/⁷⁸ und der halben wil ich eynen göttlichen/ und warhafftigen grund haben.

Wir haben sieben sacrament/⁷⁹ unther den selben ist einß das aller hoͤchste und übertrefflichiste/ das sacrament des leybs und blůts Christi.⁸⁰

Got hat einen wolgefallen in seinen worten/ als⁸¹ der prophet Nehemias spricht^t/⁸² drumb sag mir/ ob got oder ein prophet/ oder apostel/ das wort sacrament gebrauchet haben/ inn den dingen/ die ir sacrament nennet.⁸³ Gott gibt ye⁸⁴ seinen creaturen ire eygen namen.⁸⁵

Hat doch gott alle thier zů Adam gefuͤrt/ unnd sie durch Adam lassen nennen.⁸⁶

Drumb wiltu^u der kirchen diese macht geben/ das sie die geschichten und übungen nennen mag/ als⁸⁷Adam die thier?

Wol und recht.

übel und unrecht/ denn zů^v langsam.⁸⁸

Wie so zů langsam?

Christus und die aposteln haben der tauff/ und abentmal Christi vil eher namen gegeben/ denn die kirchen von hohen synnen uff erden kam.⁸⁹ Ir habt euch verseümet/ und fehlt seidt zů spaͤde geboren.

Wir haben die machte/ welche Adam hett.

So hoͤre ich/ das ir macht habet/ das weyß ist/ schwartz zů nennen/ das boͤß ist/ gůt zů heyssen/⁹⁰ und Christum/ unnd seyne Aposteln zů straffen/ alß⁹¹ ir etlich hundert jar her gethan habt/ so doch Adam keyn soliche macht entpfangen/ nach⁹² ye gebraucht hatt.

Propter bonum sensum.⁹³

So hetten die Aposteln unnd Christus eynen boͤsen verstandt unnd synn gehabt/ auch weren die apostel und Christus nit klůg genůgsam gewest/ den dingen rechte namen zů geben/ welche ir sacrament nennet.

Ich merck das dich die namen⁹⁴ verdriessen.

Nicht meyner/ sondern der krancken und schwachen halben/ so man mit solichen worten/ uffs gladteyß füret/ und verhindert fürt zůfaren/ und zů gott zů kommen.⁹⁵Es můß ye⁹⁶ der eynß folgen/ Entweder das Christus nit klůg/ oder nit gůtwillig genugsam gewest sey/ da er sein abentmal eingesatzt/ unnd nit hinder sich gelassen⁹⁷ hat/ das sein brodt und kelch/ ein sacrament genent werden solt/ oder zeychen heyliger ding^w/⁹⁸ wiewols inn gůtem verstandt⁹⁹ wol zů zůlassen were/ daß man die tauff/ brodt/ und weyn/ zeychen der ding hieß/ als sie die aposteln zuͤ^x zeyten figurirt haben.¹⁰⁰ Ro. 6. i. Corint. 10.¹⁰¹ Wann ihr papisten soliche deüthniß¹⁰² liesset^y bleiben/ werß one ferligkeit.¹⁰³

Du hast dein kranckheyt endecket¹⁰⁴ Victe.

Laß hoͤren?

Du bist betrübt von wegen des aller hoͤchsten sacramentes.

Driffestu mich so schrey ich.¹⁰⁵

Du bekümmerst dich/ ob Christus nach der menscheyt in dem sacrament sey.

Du hast es erraten. Denn fragen/ ob Christus nach der gottheyt/ da oder dort sey/ ist eyn frag/ ob Christus in allen creaturen sey/ nach seyner gottheyt/ das nerrisch ist/ denn got ist in der hell als¹⁰⁶ inn dem hymel/ unnd erfüllet^z alle creaturen.¹⁰⁷ fehlt

^aaDarumb redet ich von der menscheit Christi.

Ich zweyfel warlich/ ob der leib Christi in dem brodt und sein blůt in dem kelch sey.

Warumb.

Darumb das sie sagen/ sein natürlicher leychnam/ welcher in můtter leyb entpfangen/ darnach anß kreütz geschlagen/ so groß/ weydt/ dick und lang/ in dem sacrament sein sol/ als er an dem kreütz hinge.¹⁰⁸

Oportet credere/¹⁰⁹ man můß glauben.

Maledictus qui credit verbis mendacii/ verflůcht ist der/ der da lügen glaubet.¹¹⁰

Das ist warheit/ das Christus/ so groß im sacrament ist/ als¹¹¹ er ^aban dem^ab kreütz ist gehangen.

Ich weiß gar nichts von der warheyt/ und kanß nicht glauben/ du weysest mir dann gottes warhafftige reden/¹¹² die das frey und hell anzeygen.

Dubist keyn priester gewest/ denn die priester haben etliche wort (welche sie verba consecrationis¹¹³ nennen) welche so krefftig seynd/ das sie/ den leyb/ und das blůt Christi/ von dem hohen hymel/ hernider uff erden/ in ein klein hostien brengen/ wenn du solche rede verstündest/ würdest du^ac witziglicher¹¹⁴ reden.

Du gybst mir vil für/¹¹⁵ da ich dich drumb fragen solt/ Eynes ist das/ du sprichst/ das die pfaffen oder münichen den leib und blůt Christi/ von dem hymel herraber brengen/ das wider dein vorige rede lautet und steht/ alß du sprachest/ Christus ist so groß in dem sacrament/ als¹¹⁶ er an dem kreütz hieng. Derhalben müssestu Christum von dem kreütz inß sacrament brengen/ da er starb/ und blůt vergoß/ In dem hymel ist Christus nicht gestalt noch außgedoͤnet/ als¹¹⁷ er am kreütz war/ darumb můß eynes falsch seyn. Für das ander/ meldestu^ad ettliche woͤrtlin/ welche du verba consecrationis nennest etc. da hab ich nicht von gelesen/ ich meyn auch/ das sie die pfaffen erdicht¹¹⁸ haben. Für das dritt/ redestu^ae von eyner hostien. Diese artickel erklaͤre mir.

Hostien ist ein brodt/ welches die priester gebenedeyen^af/ und Christum drein brengen.¹¹⁹

Ich kan es aber nit verstehn. fehlt

Die priester machen das brodt zů nichts/ und lassen nůr die gestalt des brodts da/ und in die selbe gestalt/ an stadt des brodts/ fügen sie den leib Christi.¹²⁰

So hoͤre ich wol/ es ist nit sacramentum/ sondern fermentum phariseorum/¹²¹ Dann die gestalt des brodts bleybt ye¹²² so kleyn und^ag groß/ so tick/ und allenthalben alß vor/¹²³ ehe die pfaffen drüber hauchen/ oder blasen/ unnd schnadern als die genße.¹²⁴ Darumb frag ich/ ob Christus leib/ arm/ brust/ schenckel und gebeyn/ doͤrnen kron/ naͤgel/ unnd sper/ in dem brodt seynd/ das kleyner ist/ dann Christus kleynes fingerlin waß?

Ja.

Muß er sich denn schrümpfen unnd zůsammen krümmen/ wenn die pfaffen soliche wort außblasen?¹²⁵

Was pfaffestu?^ah126

Ich zweyfel/ darumb frag ich.

Du soltest nit schimpfen.

Ich weyß nit^ai andere wort zů^aj brauchen.

Man sol nicht nachforschen.¹²⁷

Also sprechet ir pfaffen/ wann ir eurer sachen^ak ungewiß seydt. Ich aber acht es dafür/ wenß war were/ das du sagest/ das man der schrifften^al nachforschen/ und süchen solt/ welche von^am Christo gezeugnüß gibt/ dieweyl die schriffte^an die Thessalonichern^ao drumb lobet/ das sie nachforschten.¹²⁸ Denn so die schrifft von andern sachen Christi thůt melden/ und leret uns wie Christus wunderbarlich/ von dem heyligen geist in můtter leyb entpfangen/ wie er leben unnd reden/ leyden und sterben/ aufferstehn/ und gehn himel faren solt/ müste die schrifft auch verzelen/ wie¹²⁹ Christus im sacrament ist/ das wol so wunderbarlich ist/ alß irgent der erzelten artickel eyner ist.¹³⁰

Da ich hin gehe^ap/ spricht Christus/ da wisset ir nichts drumb.¹³¹

Buck dich/ du stoͤssest dich.¹³²

Schicket sichs nit?

Gleich wie diese rede/ das man so lang predigen sol/ biß die geschnitzte/ gegossene/ oder gemalte goͤtzen auß der kirchen lauffen/ das man keyn handt zůvor an sie legen sol.¹³³

Man fehlt můß in solichen sachen nicht forschen.

Warumb saget denn^aq die warheyt/¹³⁴ erforschet die schrifften?¹³⁵ und an eynem andern ort also. Meine schaͤfflin hoͤren meine stimm/ der frembden stymm aber/ hoͤren sie nicht.¹³⁶ Unnd also. Ir solt der falschen propheten wort nit hoͤren/¹³⁷ aber gottes wort solten wir tag und nacht erforschen.¹³⁸ Du hast das ye¹³⁹ keinem steyn oder holtz¹⁴⁰ gesagt/ das Christus in der hostien sey/ als¹⁴¹ er an dem kreütz gewest ist.

Christus leib ist so groß in der hostien/ als er an dem kreütz hinge.

Du singest deinen gesang wie ein rab.¹⁴² Ich kan es aber noch nit glauben/ Das woͤlt ich besser glauben/ das Christus leib so klein in der hostien ist/ als er geborn/ oder entpfangen ist/¹⁴³ aber ich glaub doch^ar keynes/ es sey dann das du mir das wort des glaubens fürlegest/¹⁴⁴ sonste wenn ich deynem winde¹⁴⁵ glauben müst/ stünd meyn sach erger denn eynes rores sach.¹⁴⁶

Wie so?

ein rore hat nůr xij. oder xxiiii. wind/¹⁴⁷ die es anblasen/ Ich aber müst so vil winde leyden/ als koͤpff seind/¹⁴⁸ wenn ich yglichem pfaffen zů hoͤren und glauben solt.

Der da nit glaubt/ der ist verthümbt^as.¹⁴⁹

Schrey über deynen hals/¹⁵⁰ Ich glaub an Christum/ an sein leyden/ und allen seinen^at worten/ welcher aber an Christum nit glaubt/ der ist verthümbt^au.¹⁵¹ Zeyg mir Christus wort/ oder eynen bůchstaben des glaubens/ auß der biblien/ das Christus leib in einer kleiner hostien sey/ und sihe ob ich nit glaub.

Du bist an die biblien^av gebunden.

Ich süch got in der biblien/ und nicht schrifft in den schrifften.¹⁵²

Warzů sal^aw dir denn schrifft?

Zů eynem gezeügnuß der warheyt.

Laß uns krichisch/ Judisch/ und lateinisch reden.

Kanstu diese zungen?

In der nodt.

Was nodt ist vorhanden?

Sihestu nit den bauern hinder uns stehn/ der alle unsere wort und rede mit fleiß einnimbt/ und ermessen thůt?¹⁵³

Ist es boͤse?

So boͤß/ das die leyen fehlt aller erst¹⁵⁴ in ire christliche freiheyt kommen/ und nicht eynen heller¹⁵⁵ umb eynen priester von wegen eynes sacramentes/ mehr geben/ würden.

So hoͤre ich/ das du etwas in deinem koͤcher hast/ das du kündest und soltest außschütten.

Ich schimpff¹⁵⁶ nit/ denn du sihest/ das gott den eynfeltigen ytzunder ettliche offenbarung thůt/ die er den klůgen verbirget.¹⁵⁷

Wiltu denn gottes macht hindern?

Eyse nein.¹⁵⁸ Ich aber woͤlt meyn eere/ und oͤberste statt¹⁵⁹ gern behalten.

Untherricht mich/ ich wil schweigen/ wie eyn wassermüln.¹⁶⁰

Man hat diesen text. Hoc est corpus meum/¹⁶¹ eyn lang zeyt also verstanden/ das brodt ist meyn leyb/ als were geschrieben gewest/ hoc panis est corpus meum/ das doch die lateinisch sprach nit leidet.¹⁶²

Ist das nit der text/ damit sich die pfaffen/ die neue und alte papisten/¹⁶³ lappen/ und flicken/ decken/¹⁶⁴ unnd verstecken/ unnd das erhalten¹⁶⁵ woͤllen/ das Christus leyb in dem brodt/ und sein blůt in dem kelch sey?

Du draffest es.¹⁶⁶

Habt ir euch dann mit eynem schalcks mantel¹⁶⁷ verdecket?

Schilt mich nit/ so wil ich dir wunder sagen.

Du bist eyn schrifftgelerter.¹⁶⁸

Ich spott.

Du kanst nit zůrück tretten.

Wie so?

Dieser verß/ hoc est corpus meum/ quod pro vobis traditur/¹⁶⁹ ist eyn volkumlicher verß/¹⁷⁰ welchen Christus sonst inn den Evangelien alleyn/ wie wol mit andern worten/ gesetzt hat/ da er nichts von dem sacrament redet/ als¹⁷¹ Matthei. 16. Joan. 3. 6.¹⁷²

Beweyse das.

Liderlich/¹⁷³ denn das pronomen hoc/ hatt eyn groß .H. Ein grosser buchstaben^ax aber/ bedeut einen anfangk eynes neuen sententzes/ und verß.¹⁷⁴ Demnach/ ist dieser verß in die rede von des hern brodt gesetzet/ als man etwas pflegt zů zůsetzen/ das zů der reden oder sermon dienet/ unnd doch eyn volkümlich rede¹⁷⁵ für sich selbs^ay ist. fehlt

War zů¹⁷⁶ dienet aber dyser verß?

Zů dem/ das die jünger lerneten/ warauff ir gedaͤchtnis stehn solt/ inn welchem der herre sein brodt zů essen befolhen hat.¹⁷⁷

Wo aber hat Christus von seynem leib gesagt/ den er für uns würd geben/ und nů gegeben hat?

In allen Propheten und evangelien/ in welchen von seinem leyden ist geschrieben.

Es klinget nit.¹⁷⁸

Die alte geygen/¹⁷⁹ und des Bapsts gesetze/ unnd gewonheyt/¹⁸⁰ und deyne eere/¹⁸¹ haben deyne oren/ mit creaturischem gedoͤne¹⁸² erfüllet/ drumb klinget dirß nit/ Raume du aber deyne oren auß/ unnd halte ledige unnd blosse¹⁸³ oren zů gottes reden/ unnd sihe/ ob dirß nit klingen werde/ das ich yetzt verzelet¹⁸⁴ hab.

Es ist schwer alte gewonheyt/ unnd eygene eere verlassen.

Drumb ist der weg zům himelreych schmal unnd bitter.¹⁸⁵

Dieweyl du angefangen hast/ so fahr fürt.

Ich solt von dir lernen.

Fahr fürt an.¹⁸⁶

Die krichische zung dienet dieser teylung/ und auch der volkommenheyt¹⁸⁷ des verses/ das er ein sonderlicher¹⁸⁸ verß sey/ denn die krichische schrifft unnd rede/ hat diesen verß. Hoc est corpus etc. mit puncten und bůchstaben abgesondert/ und besser denn das lateynisch.

Vide quomodo omnia rusticus ille perpendit.¹⁸⁹

Du solt sůchen und lesen/ ich aber wil zůhoͤren.

τοῦτο ἐστὶν^az τὸ σῶμά μου.¹⁹⁰

Verteütsche diese wort.

Istud est hoc corpus meum/ quod pro vobis etc.¹⁹¹

Du solt mirß teütsch sagen.

Sihestu aber nit wie dieser pauer seyn maul auffsperret/ und thůt/ als woͤl er alle unsere red fressen?

Drumb solstu teütsch reden.

Es ist nit gůt/ das wir diese ding den leyen offenbaren.¹⁹² Denn aller erst¹⁹³ werden die pauren/ so viel gelten/ als¹⁹⁴ die priester.

Es schadt mir nit/ noch dir. Ich wil dir bürg seyn/ das dich der gotfürchtig man/¹⁹⁵ von wegen der warheyt/ lieben würd/ One das¹⁹⁶ sol fehlttestu gottes gerechtigkeyt/ auch mit deynem schaden/ ja auch mit deynem todt/ bekennen.¹⁹⁷

Inn solicher hoffnung sag ich/ das ichs also wolt verteütschen. Tuto ist der leyb meyn/ welcher etc. Unnd es were gůt das man das krichisch pronomen Tuto/ hett lassen bleyben/ und inß lateinisch vermischet.

Warumb?

Das man also hett gelesen. Tuto est hoc corpus meum.

Ich frag warumb?

So hetten doch die leüthe gedacht/ was ist das woͤrtlin Tuto?¹⁹⁸

Es were aber den pfaffen nit undienlich gewest.

Deß der^bb besser were es.

Du wilt immer^bc den pfaffen weg gehn.

Spoͤtter?

Auß ursachen/ denn es were ein frag oder wahn¹⁹⁹ worden/ das etwar²⁰⁰ ein ding gewest were/ das Tuto hett geheyssen/ unnd das selbige hett der leyb Christi müssen gewest seyn.

Was were dran gelegen?

Vile/ denn ir pfaffen hett uns leyen beredt/ das Christus/ nit weiß ich was/ in dem abentessen/ gehabt/ und seynen leib drein verwandlet/²⁰¹ daran wir silber und golt hetten gehenckt.²⁰²

Das solstu nit glauben.

Nit glauben? Ich hoͤre wol/ was wesens ihr auß dem kelch gemacht habt/ unnd wie ir sprechet/ das ir güldene und silbere^bd kelch haben müst/ und locket uns unser silber und golt auß unsern beüteln.²⁰³

Ich woͤlt doch für meyn person gern bescheyd geben unnd bekandt haben/ das Tuto eyn krichisch pronomen ist.

Wer weyß was du than hettest/ wenn die alten mütterlin pfenning unnd gülden broͤchten.²⁰⁴

Ich byn zů frumb.²⁰⁵

Aber die geytzigen und narren²⁰⁶ hetten eygentlich auß dem woͤrtlin Tuto²⁰⁷ einen silbern oder gülden kasten gemacht.

Es were doch ein feyne rede gewest. Tuto ist der leyb meyn/ als²⁰⁸ die evangelisten alle sagen.²⁰⁹

Was verstehestu aber auß der krichischen lection/ und wie lautet es uff teutsch.

Tuto estin to soma mu etc.

fehlt rede teutsche.

Zisch/ still/ schweig der pauer wirt es mercken/ quia verba sunt apertissime contra nos sacerdotes.

Lieben hern mit urlaub/²¹¹ das ich rede/ habet mirß nit für^be übel/ das ich frag/ denn ich verstehe das ir von des hern Jesu Christi leib und blůt/ brodt und kelch euch besprechet.

Prius o Victe dixi de rustico/ quod audiret et ruminaret verba nostra.

Was schadet es?

Lieben hern. Ich merck das ir euch umb ein woͤrtlin zancket/ das mir nicht zů vil bekant.

Darumb soltu Gemser teutsch reden/ und sagen/ was zů teutsch gesagt sey. τοῦτο ἐστὶν τὸ σῶμά μου, τὸ ὑπὲρ ὑμῶν διδόμενο.

Das auch begere ich hitziglich.

Tuto ist der leyb^bf mein/ welcher für euch geben wirt.

Das ist eyn seltzame sprach.

Warlich ein vermischte sprach.

Ich wil fragen und hoͤren/ ob ich von euch möcht verstendiget^bg werden.²¹²

Wenß also stünd/²¹³ oder vertolmetschet were/ Tuto ist der leib mein etc. so stünd es wol.

Wie wenn etliche weren gekommen/ die bald gesagt hetten/ das tuto etwar²¹⁴ ein güldin brodt were gewest/ als²¹⁵ ir das wort calix zů einem gülden drinckfaß gemacht.

Lieben herren²¹⁶ redet verstendlicher/ und gutt teutsch/ denn wie wol ich euch zum teyl verstehn/²¹⁷ so verstehe ich euch doch nit gentzlich.

Auff gůt teutsch lautet die krichische zunge also/ Diß ist der leib mein/ der für euch gegeben etc. Aber es deucht mich besser sein/ das man das pronomen tuto ließ stehn/ alß ich gesagt.

Es würd aber seltzam lauten.

Ein ygliche sprach oder zungen hat etwas eygens/ das man nit in andere zungen vertolmetschen mag.²¹⁸ Und wenn yemants von einer eygenschafft frembder sprachen reden wil/ so můß er die wort/ der selben frembden zungen/ füren/ darumb haben wir in unsern cantzelleien vil lateinische wort. Also auch itzt/ sind wir in die lateinische und krichische sprach gefallen/ und sollen dir idio fehltten²¹⁹ von dem verborgen inhalt und laut²²⁰ beyder zungen sagen. Der halben müssen wir dir zů reden durch lateinische und krichische woͤrtlin.

Faret einher/ wer weyß ob ich etwas mercken moͤcht/²²¹ Ich bin ye²²² mit der krichischen/ hebreischen/ und lateynischen tafeln uff die hand geschlagen/²²³ und hab weniger gelernet/ denn ichs vergessen hab.²²⁴

hastu uns verstanden? so bistu uns abgünstig unnd hessig. ²²⁵

Rede für dich.

Die krichische zungen hat articulos und pronomina/ welche die genera nominum leren/ und underweisen/ das man gewißlich sicht/²²⁶ welchem wort der artickel oder pronomen zůstehet/ unnd welchem nit.

Das moͤcht gůt werden/ rede fürther.

τοῦτο/ ist ein krichisch pronomen/ welches anzeygt/ eynen namen neutrum. Nů ist das wort ἄρτος/ lateynisch panis/ zů teutsch brodt/ masculinum/ drumb kan im das pronomen τοῦτο/ nit zůgefügt werden/ auch kan die opinion nit bestehn/ der jhenen/ so sagen/ das brodt ist der leyb etc.²²⁷ Denn die krichische sprach leydets nit/ als wenig sichs im latein schicket/²²⁸ wenn ich sagen woͤlt/ istud panis est hoc corpus meum/ oder im teutschen/ der brod ist mein leyb.

Das ist gůt.

Gefelt dirß?

Wol/ denn ich ein lange zeit nicht kond erfaren/ wie es doch müglich sein moͤcht/ daß das brodt der leyb Christi solt geworden seyn. Ich hab es stets uff die weyse geschatzt/²²⁹ das Christus uff seinen leyb hab gedeut/ unnd also gesagt/ diß ist der leyb meyn/ welcher für euch gegeben würt.²³⁰ Denn Christus deutet nit uffs brodt/ er sprach auch nit also/ das brodt ist der leyb meyn/ der für euch gegeben würdt. Die aber sprechen/ daß das brodt der leyb sey/ die reden auß irem eygen/ unnd liegen/²³¹ oder treyben iren můtwillen uffs wenigst. Hoͤre zů/ Jesus nam das brodt/ und dancksaget got/ und brach es/ und gab es seynen jüngern/ und sprach/ sie soltens in seinem gedechtnüs essen/²³² und setzet mitten in seinem fehlt wort die ursach unnd weyse seynes gedechtnüß. Nemlich der halben unnd also das seine jünger gedencken solten/ das er seynen leyb für sie gegeben hat. Diese meynung²³³ füret Paulus starck/ unnd die anders reden/ die verkeren gottes wort/²³⁴ und seind verkerte leüthe.

Wer hat dichs gelert?

Des stimm ich hoͤret/ und sahe in²³⁵ doch nit/ wist auch nit/ wie er zů mir/ und von mir ging.²³⁶

Wer ist der?

Unser vatter im himel.

Ach hett ichs auch von im gelernet.

Hastu nit seynen geyst versprochen?²³⁷ Bistu nit der arm mann/ der gottes lebendiger stymm/ ein creaturische form gybet.²³⁸

Weyland/²³⁹ aber itzt nicht.

Hastu einen außgestreckten lust in der gerechtigkeyt/²⁴⁰ als gerechtigkeyt/ und ein brünstig hertz dartzů/ so ist dir die krichisch schrifft/ welche du itzt hast überlesen/ eyn bescherdtes²⁴¹ mittel.

Was fiel dir für eyn versicherung ein/ das du dich so festiglich auff deynen wohn legest^bh/²⁴² unnd drinnen biß anher bist gestanden?

Ich hab nit einen wohn/ sonder warheyt und gewißheyt/ und kan versiegeln/²⁴³ das der text²⁴⁴ warhafftig ist.

Darumb frag ich von der versicherung.

Wenn Christus uns solt erloͤset haben/ mit seynem leyb/ als er mit dem brodt vereynt war/ wie ir saget/ so hett Cristus in der hostien/ oder im brodt/ oder mit dem brodt gelidten.²⁴⁵ One brodt were er nit anß kreütz kommen/ hett auch nit leyden künden denn²⁴⁶ im brodt/ das alles oͤffenlich falsch ist.

Wer hat das ye gesagt?

Die jene sagens (wiewol auß unwissenheit) die sagen/ das Christus leyb/ mit dem brodt vereynt gewest sey/ oder im brodt/ oder unther der gestalt des brodts.

Wie folgt das?

Sie sagen also/ Christus sprach. Das brodt ist der leyb/ welcher für euch geben würt.²⁴⁷ Ist das nicht so vil gesagt/ als daß/ das brodt würt für euch gegeben/ unnd leyden? oder mein leyb unther dem brodt/ oder mein leyb der das fehlt brodt ist/ der würt für euch gegeben? lautet es nicht also vil/ meyn leyb würt nit ehe für euch gegeben/ denn wenn er das brodt ist geworden/ oder wenn er unther der gestalt des brodts ist? Darauß folget das Christus heymlich und verborgentlich gelidten het/ wie er heymlich und verborgen im sacrament ist/²⁴⁸ das ist wider gottes warheyt/ und alle propheten. Zů dem andern folget auch/ das Christus seinen leyb/ nicht für unß am kreütz gegeben hett/ denn ir pfaffen vermoͤcht²⁴⁹ keynen menschen dartzů stellen/ der die selbe zeyt den leyb Christi inß brodt gebracht hatt/ wolt ir Christum zeygen/ so saget/ wie erß brodt/ da im²⁵⁰ seyne hende angenagelt waren genommen/ hat? Wolt ir eynen Apostel herfür stellen/ beweyset daß/ das die Aposteln in der zeyt das sacrament/ als ir redet/²⁵¹ consecrirt haben/ da sie all zerstreuet/ unnd von irem hirten geflogen²⁵² waren/ und ergernüß in Christo lydten?²⁵³Zů dem dritten würdt folgen/ das ein brodt/ das der becker gebacken/²⁵⁴ der leyb müst gewest seyn/ von welchem die schriffte vil schreibet/ das er für uns solt gegeben werden.²⁵⁵ Das aber wer eyn starcker widerspruch aller schrifften.

Wenn du deiner sachen so erfaren bist gewesen/ warumb wardestu sehr froͤhlich/ als ich dir sagt/ wie sich die krichische sprach hielt?

Drumb das ich ein eüsserlich zeugnüs²⁵⁶ hoͤret/ da durch ich die verfallen²⁵⁷ yetzt auffrichten/ und erbauen/²⁵⁸ unnd die widerstraͤber nů stillen/ und überwinden mag.²⁵⁹ Meyner person halben dorfftet ich des eüsserlichen zeugnüß nicht nits.²⁶⁰ Ich wil meyn zeugnüß vom geyst/ in meyner inwendigkeyt haben/ das Christus verheyssen hat.²⁶¹

Wo?

Weystu abermals nit/ das Christus also saget: Der geyst/ der troͤster/ würt euch zeugnüß geben/ und ir werdet auch gezeugnüß von mir geben.²⁶² Also ist es mit den Aposteln ergangen/ die inwendig durch gezeugniß des geistes versichert wur fehltden/ und darnach Christum eusserlich predigten/ und durch schrifften befestigten/ das Christus für uns leyden můst/²⁶³ und das der selb Christ/ Jesus von Nazareth der gekreützigt war.²⁶⁴

Das ist von den Aposteln gesagt.

Sollen wir nit Apostel messig²⁶⁵ sein/ warumb saget Petrus von Cornelio/ das er den geyst entpfangen hatte wie sie?²⁶⁶ Warumb sprichet Paulus/ das wir seyne nachfolger sein sollen?²⁶⁷ hat uns Christus seinen geyst nit verheyssen als den Aposteln?²⁶⁸ der geyst allein füret uns in erkaͤntnüß der reden gottes/²⁶⁹ drumb folget/ das die jhene gottes reden nit verstehend/ die gottes geyst nit hoͤren reden. Sie sind auch nit Christen/ als Christus spricht.²⁷⁰ Die jene seind Christi/ die den geyst Christi haben.²⁷¹ Derhalben gybt gottes geist allein gezeugnüß und versicherung Ro. 8.²⁷²Das ist die ursach das gottes geyst ein pfand/ arra und arrabo genent ist.²⁷³

Sihe wenn der geyst gezeugnüß gibt/ so soltu auch gezeugen/ warumb hastu deinen vorstandt^bi nit ehe²⁷⁴ anß licht gebracht?

Der geyst treyb mich nit schwind²⁷⁵ genůg/ hett er mich genůgsam getrieben/ und bezwungen/ ich hett inen vil weniger gehelen/²⁷⁶ oder verborgen/ denn²⁷⁷ wenn ich ein fressigs feuer/ in meinem gebein ghabt.²⁷⁸ Man můß zeyten den geyst helen/²⁷⁹ von wegen seiner eere/ und mit eüsserlichen angenommen gezeugnüssen zů zeiten²⁸⁰ fechten. Ich wist fast wol/²⁸¹ das du/ und alle welt/ sonderlich die schrifftweisen²⁸² meiner gelacht hetten/ und gesagt/ er schwürmet/²⁸³ wenn ich ehe were außbrochen.²⁸⁴ Aber itzt seind die zungen vil kündlicher und gemeiner/²⁸⁵ drumb stoß ichs den zungenkündigern in ir eygen erkaͤntnüß.²⁸⁶

Weyl du dich so ernstlich und gestrengklich von gottes warheit/ hoͤren laͤssest/ wil ich dir auch entdecken/ das diese oration.²⁸⁷ Das ist mein leib/ der für euch gegeben wirt/ mit puncten verschlossen ist/ und hat forn und hinden puncten.

Ist das gůt zů dem das ich gesagt?

Außbündtlich²⁸⁸ gut.

Warumb hast fehlt du es nit ehe gesagt?

Ich forcht mich vor der wüterey etlicher fürsten/ die in der schrifft woͤllen gelert sein/ und haben nichts oder wenig drinn gelesen.²⁸⁹

Du salt gottes reden mit freydigkeyt bekennen.²⁹⁰

Es gebrach mir an der sterck des geystes. Auch zwar²⁹¹ ich habs vor nicht in achtung genommen/ das ich itzt großachten thůn.²⁹²

Man sal wachen/ unnd sich nicht übereylen in der sach/ und pünctlin/ und alles mit mussen²⁹³ und fleiß ansehen.

Ich darff²⁹⁴ dir auch nicht vorhalten/ das diese rede/ das ist mein leib etc. mit einem grossen bůchstaben in Luca angefangen ist/ dadurch bedeüt wirt/ das der verß/ das ist mein leyb/ der für euch gegeben wirt/ nicht mit den vorgeenden worten verbunden ist/ sondern eyn rede für sich selbert.

Wie sie gott offt für sich selber geredt hat?

Ja ja/ unnd darumb můst ichs bald mit dir halten/ und bekennen/ das Christus stracks gesagt hab/ das ist mein leyb etc.²⁹⁵ das er uff seinen leib/ und nicht uffs brodt gezeyget hab.²⁹⁶

Kanstu etwas dargegen auffbringen/ und meine vorgelegte gründe umbreyssen²⁹⁷/ oder auch bewegen/ so thů es.

Wie wol ich nichts darwider reden kan/ dannest²⁹⁸ kan ich nit schweygen.

Laß uns fürt ziehen/²⁹⁹ und weither von der sach handlen/ wie man Christus brodt wirdiglich isset/ und wie Christus leib gegeben ist.

Sage mir was ist des gesagt/³⁰⁰ meyn leib wirt für euch gegeben? wenn? wie? und warumb ist er gegeben? wenß ein sonderliche rede ist/³⁰¹ und nicht dem brodt anhengig/ oder vereyndt/ als³⁰² du und Victus sprachet/ und ich das bekennnen můß.

Du soltest wol des hern brodt und kelch genossen haben/ alß die hund das graß essen?³⁰³

Lieber hoͤne³⁰⁴ mich nit.

Welcher/ des hern brodt nicht wirdiglich isset/ der speyet den leyb Christi auß/ und würt des hern leibs schüldig.

Ich bin ein priester/ und hab^bj mir inen bereyt/³⁰⁵ und im sacrament geopffert.

Oho. fehlt Mit vier stiefeln in eyner misten/³⁰⁶ pfu dich/ du vorgesner^bk pfaff.³⁰⁷

Straffestu mich?

Freylich und freydiglich.³⁰⁸

Warumb?

Das du also stock blind bist/ und weist nit/ das die pfaffen Christum umbracht haben.³⁰⁹

Wir reden von der wirdiglichen entpfahung des sacraments.

Ich meynte wir woͤlten von dem übergeben³¹⁰ des leybs Christi reden.

Du sprachest nit lang hie vor/³¹¹ wir solten dyse zwen artickel samptlich³¹² handeln.

Ich laß es geschehen.

Warumb beschuldigest du mich/ gleych als hett ich anher³¹³ das sacrament unwirdiglich gessen?

Du gibest dich für eynen gůten Paulensem³¹⁴ auß/ und weyst das nit?

Ich eß offt senff/ das mir die augen übergehn und schwitzen/ unnd verbeyß es dannoch.³¹⁵

Du bist ein hoffman/³¹⁶ du kanst verhoͤren³¹⁷ und schweigen so³¹⁸ man deiner spottet.

Sag her warumb du sprachest/ das ich des hern brodt unwirdiglich gessen hab.

O Paulensis/³¹⁹ weistu aber nit/ wie die gantze christenheit singet/³²⁰ nemlich/ das yglicher des hern brodt/ im urteyl und gericht des leybs des hern essen sol? Isset aber eyner on erkaͤntnüß des leibs Christi/ so ist er des leybs Christi schüldig.³²¹

Listig.

Wie so?

Ich wolt dyse wort Pauli/ wer des herren brodt on untherscheydt isset/ wider dich brauchen/ unnd dich damit fahen/ und hertiglich³²² bezwyngen/ das du bekennen salt³²³/ das Christus leyb unther dem sacrament ist/ und das wir dem sacrament zů fůß fallen/ unnd im goͤttliche eere erzeygen/³²⁴ und alles zů thůn pflichtig seind/ das die Christen itzt thůn. Aber du bist listig/ unnd lauffest mir meyn walstat³²⁵ abe/ unnd untherstehest dich/ mich/ mit meiner^bl eygen wehre³²⁶ zů schlagen.

Enthebe mich des worts lystig/ denn ich kempff wider dich mit warheyt/ und nit mit listigkeit. Das aber würt sich im außkerich³²⁷ wol finden/ ob für ge fehltlegte wort Pauli³²⁸ dir oder mir dienen unnd zůstehen.

Spott mich nit/ denn ich hab wittenbergische brieff.³²⁹

Es ist dir dannest³³⁰ spoͤtlich und schimpflich/ das du dich des Paulus rümest/ als ob er deyn eygen/ und alleyn dein were/ und schreibest fast drauß/³³¹ unnd dregest dich mit im³³² taͤglich/ und wayssest nit/ wo mit du umbgehest. Und ob ich still schwyge/³³³ würd der verstorben Quintus Mutius³³⁴ aufferstehn und sagen. Es steht eynem solichen dapffern mann³³⁵ übel an/ der dem Evangelio gleychschaͤtzig³³⁶ sein wil/ das er den Paulum nicht recht ansihet/ und versteht/ den er taͤglich im mund und in der feddern füret.³³⁷

Meinstu ich verstehe Paulum nit?

Das gestyrn bedeut³³⁸ unwissenheyt unnd blindtheyt.

Laß mich Paulum wider dich erwischen.³³⁹

Haub^bm einher.³⁴⁰

Des hern brodt/ sol yglicher wirdiglich essen/ derß³⁴¹ unwirdiglich isset/ der ist des leibs Christi schüldig. Welcher auch des hern kelch unwirdiglich drincket/ der drincket das gericht. 1. Corin. 11.³⁴²

Was ist das neues? Salomon^bn hatt das bequemer³⁴³ gesagt/ so er spricht. Welcher des koͤnigs^bo brodt isset/ der sal³⁴⁴ es mit grosser forcht und eer essen/ uff das er nicht in des koͤnigs zorn fall.³⁴⁵ Wenn ich mit einem fürsten aͤsse/ und aͤsse gleych meyn eygen brodt/ oder gleych solches brodt/ als³⁴⁶ ichs hab/ so müst ich eerlicher sitzen/ unnd hoͤfflicher essen/³⁴⁷ unnd mit grosser fürsichtigkeyt unnd scheuung/ denn³⁴⁸ in meynem hauß. Wie vil mehr sal ich/ des aller hoͤchsten koͤninge brodt/ meynes hern Jesu Christi/ mit schuldiger eere³⁴⁹ essen? der sich unschüldiglich umb meinet willen hat lassen würgen?³⁵⁰

Des hern brodt sal ich wirdiglich essen/ das ist. Ich sal wissen/ was es für brodt ist/ wie es des hern brodt ist/ wie der herr drinn/ und drunter ist/ und sal an meyn brust klopffen/ im eer geben/ und nider knihen/³⁵¹ und vergaͤbung der sünden durchs sacrament warten/ fehlt und so gewiß entpfahen/ alß³⁵² ich das sacrament entpfahe/ und sol allen zweifel hinwerffen/ und mich drauff verlassen unnd troͤsten.³⁵³

Du hast das schwerdt bey der schneiden erhascht/ und heltest mir das hefft für/³⁵⁴ wie schwinder³⁵⁵ du damit fichtest/ ye dieffer³⁵⁶ du dich verwunden würdest.

Wie so?

Welcher gottes wort mißbrauchet/ der brauchets im zů eygnem schaden.

Ich brauch es recht.

Auff pfaͤffisch und baͤpstlich recht.

Ist es nit gůt?

Es ist boͤß unnd teufelisch.

Warumb?

Darumb das er³⁵⁷ gott sein eere und herligkeyt dieplich stielet/³⁵⁸ und der warheyt widersprichet/ und Pauli leere verwüstet/ und unsinnige leuthe machet.³⁵⁹

Du schwürmest.³⁶⁰

Ich wil gern bey dir schwürmen/ uff das ich vor gott warhafftig und klug sey.³⁶¹

Du hast vil artickel itzt erzelet. Sage mir warumb des Babstes leere/ die leuthe in diesem falle unsinnig machet.

Wann weise leuthe grosser hern brodt an hern tischen³⁶² essen/ fürchten sie sich ye³⁶³ nit vorm brodt/ sie neygen sich auch nit vor der speyse/ sondern dem hern/ und halten sich eerlich³⁶⁴ und züchtiglich vorm hern/ und sehen nit wie das brodt ist/ sondern/ warumb/ unnd wie sie mit dem koͤnig essen. Das wil auch der Bapst von denen haben/ die mit im essen.³⁶⁵ Aber wann er vom brodt Christi redet/ sprichet er/ wie wir das brodt erkennen/ eeren/ und eerlich³⁶⁶ essen/ ob wir gleych niemer³⁶⁷ an Christum gedencken/ das ye³⁶⁸ ein unsinnige weyse ist/ drumb machet der Bapst unsynnige leuthe. Er leret wie sie die zene fegen/ das maul spuͤlen/³⁶⁹ wie aber sie uff des hern Jesu leyb sehen unnd achten sollen/ leret der endechrist³⁷⁰ nit.

Wie stielet er gott seyn eere?

Dieplich.³⁷¹

Warumb?

Das er spricht/ wir^bp sollen zůr gestaldt des brodts sagen. Mein got biß³⁷² mir barmhertzig.

Hastu nichs mehr?

Der Bapst machet das leyden Christi unnütz/ und zů fehlt nicht.

Als wie?

wenn unß Christus in der gestaldt des brodts sünd vergaͤben/ und erloͤset hat/ so ist Christus umb sunst am kreütz gestorben.³⁷³

Wie thůt der Bapst der warheit widersprechen?

Er spricht das wir des brodts sollen gedencken/ das aber hat uns Christus nit geheyssen/ und laͤsset uns des hern leibs vergessen/ deß wir indechtig³⁷⁴ sein solten/ so offt wir des hern brodt essen.³⁷⁵ Drumb hat niemants des hern brodt unwirdiglicher gessen/ denn der baͤpstlich hauff.

Hastu das brodt des hern nach einsetzung des Bapstes³⁷⁶ nicht gessen?

In zwentzig jaren nit.

Wie kamestu zů dem grossen glück?

Ich war inß Bapst bann/ zů meinem heyl/³⁷⁷ und lernet das geschrieben steht. Ich wil irem bann und vermaledeyhung wol sagen.³⁷⁸

Wie verwüstet der Bapst die leere Pauli?

Paulus thůt seinen hoͤchsten fleiß/ das er unß des todts des hern/ verstendig/ und indechtig³⁷⁹ mache/ das stürtzet der Bapst umb/ und leget unß seyne gestalt des brodts für/ und hebt sie so hoch/³⁸⁰ das wir vor grosser angst/ sorg und erkaͤntnüß seiner gestaldt/ des hern leibs und todts vergessen/³⁸¹ unnd alß dann nichts achten/ was der her³⁸² am kreütz erlidten hat/ wenn³⁸³ wir allermeyste achtung druff haben solten.³⁸⁴Paulus aber lasset uns bey synnen/ und untherweyset uns/ das wir des hern/ den wir nit sehen/ brodt und wein/ die wir sehen und fülen/ mit forcht des hern geniessen sollen/ alß des aller hoͤchsten hern³⁸⁵ speyse.

Nů weyß ich/ daß das gedechtnüß eynen wirdig machet.

Du můst etwas dazů setzen.

Ich hab eyn koͤstlich gedechtnüß/ seytenmal ich aͤben^bq gedenck/³⁸⁶ das die gestaldt des brodts/ der leyb Christi ist.

Hatt dir Christus/ das gedechtnüß befolhen? Sprichet er/ das thůt in meinem gedechtniß? oder saget er/ das thůt in dem gdechtnüß des sacramentes? oder/ der gestalt des brodts/ unther welcher mein leib ist? Hastu nit selberts bekant/ das^br fehlt das pronomen hoc/ nit kan das wort panis demonstriren?³⁸⁷ wil nit Christus haben/ das wir seines leibs gedencken sollen/ der für uns ist gegeben? Ist deine gestaldt des brodts/ für uns auch gegeben? Ist sie gekreützigt und gestorben? Wenn wir layen das gestünden/³⁸⁸ weren wir wol so arg/ als die ergsten pfaffen/³⁸⁹ du bist ein pfaff/ und fülest was dir begegnen moͤcht.

Schon meiner.³⁹⁰

Schon du deiner/ wir^bs zancken nicht umb gelt/ sonder umb die warheit.

Ich hab mein tag lang ye und ye gehoͤrt/ wie das wir uns schicken und bereyten sollen zů enpfahen das sacrament/ und den leib Christi/³⁹¹ das ich allezeit gehalten hab/ das ein ding sey/ das sacrament enpfahen/ und den leyb Christi enpfahen/ darumb habe ich eynes für das ander gehalten/ wie das auch die hielten/ von welchen ichs hoͤret.

Wir sagen weder von deinen predigern/ weder von deynem hoͤren.³⁹² Wir besprechen/ ob du recht oder unrecht gehoͤrt habst/ wiltu sagen. Ich rede recht/ so müstu das recht mit goͤtlicher gerechtigkeit und warheit beweisen. One das/ glaub ich dir nichts.

Ey wie vil hab ich gehoͤret/ bereytet euch wirdiglich zů entpfahen/ den leyb Christi.³⁹³

Ich glaub dirß wol. Lege mir aber dar ein wort Christi/ oder eynes Apostels/ der also redet. Das weyß ich/ das uns Christus seinen leyb nindert³⁹⁴ geben hat/ inen³⁹⁵ zů entpfahen/ das unser folgende disputation erklaͤren würt.³⁹⁶Auch spricht Christus/ das uns sein fleysch nicht nütz sey/³⁹⁷ und also auch. Es ist euch nütz das ich hinwege gehe/ gehn³⁹⁸ ich nit/ so kumpt der troͤster nit.³⁹⁹ Ist das alles war/ so ist das auch war/ das wir den leyb Christi nicht entpfahen/ weder natürlich nach⁴⁰⁰ sacramentlich.

Erweyse das besser.

Hat Christus irgent gesagt entpfahet meynen leib/ als er gesagt hat/ nemet das brodt und esset es etc.? Darumb hetten dir deine hützelprediger⁴⁰¹ also füglicher fürgeprediget.⁴⁰² Lůget⁴⁰³ das ir des hern brodt wirdiglich ent fehltpfahet unnd esset/ wie Paulus prediget.

Steht nit geschrieben. Es sey denn das ir das fleysch des sons des menschen esset/ unnd sein blůt drincket/ so ist keyn leben in euch?⁴⁰⁴

Hat das Christus gesagt/ als er sprach/ Nemet das brodt und esset etc.?⁴⁰⁵

Nein. Es ist aber an einem andern ende⁴⁰⁶ geschriben.

Ja an dem ende/ da Christus spricht/ das fleysch ist nicht nütze.⁴⁰⁷

Ja.

So ist auch die entpfahung des fleisch Christi nicht nütz. Weyther frag ich/ ob nit Christus durch oberzelte wort sagen wil/ das wir kein leben in uns fülen werden/ es sey dann/ das wir seyn fleisch essen und seyn blůt drincken.⁴⁰⁸

Recht.

Gestehestu mir das/ so můst du auch gestehen/ daß das essen des fleisch Christi/ ein inwendiger schmack⁴⁰⁹ ist des leydens Christi/ und das ein synn ist/⁴¹⁰ der son des menschen ist erhoͤcht uff das ein yeglicher/ der inen ansihet/ das ist/ glaubet/ nicht verderb/ sonder das ewig leben hab.⁴¹¹

Ich straff⁴¹² dich mit nicht.

Christum also entpfahen/ heysset Christum annemen/ das ist/ Christum hertzlich und brünstiglich⁴¹³ erkennen.

Das gehoͤrt auff das sacrament.

Ob eyner das sacrament inn ewigkeyt nicht naͤme/ er würd dannest⁴¹⁴ selig/ wenn er sonst rechtfertigt⁴¹⁵ were. Aber seligkeyt erlangen one den schmack Christi/ ist unmüglich/ es mag⁴¹⁶ auch keiner gerechtfertigt^bt werden/ one die kunst Christi Esa. 53.⁴¹⁷ Das sacrament ist nit von noͤten/ das erkaͤntnüß Christi ist von noͤten. Du weysest auch/ das Christus langezeit/ vor einsetzung des sacraments geredt hat. Es sey dann/ daß ir das fleysch des sůnes esset etc.⁴¹⁸ Drumb hastu Christus wort nit recht gebraucht.

Es ist eyn wortlin das heysset sacramentaliter/ das verantwortet⁴¹⁹ vile fragen.

Bey den gecken.⁴²⁰ Aber bey den verstendigen schafft⁴²¹ es nicht/ denn die gotkündigern/⁴²² reden mit Christus rede/ und sagen/ spiritualiter/ fehlt das ist/ geistlich müssen wir des hern fleisch essen. Sacramentaliter ist es nicht mehr nütz/ dann⁴²³ das natürlich eüsserlich fleisch Christi.

Du schüttest alles errausser/⁴²⁴ das in deinen kütteln⁴²⁵ stecket.

Es wirdt besser/ denn die Christum sacramentlich essen woͤllen/ seind erger/ denn die jhene/ so von Christo gingen/ oder die jhene so Christum leiblich fressen wolten/⁴²⁶ alß⁴²⁷ die einhoͤrner und loͤwhen/ vor welchen sich Christus wolt behüt haben/ nach dem geschrieben steht. Libera a cornibus unicornium/ et erue de ore leonis animam.⁴²⁸

Rede fürt.

Der leib Christi sacramentaliter ist gar nichts nütz/ dann man kan weder den todt/ weder die aufferstehung Christi drinnen ersehen. Darumb ist er also sacramentlich^bu verstanden/ weder fleischlich noch geistlich nütz/ er ist auch nichts.

Da hastu den Bapst anß ore gschlagen/ das im sein gantz angesicht verschwartzt⁴²⁹ ist.

Und alle papisten dartzů.

Und auch die neuen papisten.⁴³⁰ Aber waß müssen wir thůn/ das wir den leib Christi geystlich annemen oder entpfingen?

Wir müssen verlassen/ und dorffen nicht thůn.⁴³¹

Das ist mir zů scharpff.⁴³² Sag mir/ wie sollen wir das brodt des hern/ alß⁴³³ du redest/ wirdiglich entpfahen?

Welcher ein inbrünstig gedechtnüß hat/ des übergeben leybs Jesu Christi/ und begert das eüsserlich in der gemeyn zů beweisen/ in dem/ das er des hern brodt essen wil/ der ist wirdig des hern brodt zü entpfahen/ alß Christus spricht/ das thůt in meinem gedechtnüß.⁴³⁴ Welcher nicht das recht gedechtnüß Christi hat/ der ist nicht geschickt als in Christus geschickt haben wil.⁴³⁵

Biß⁴³⁶ willig und unverdrossen weither zů reden.

Sihe/ wollen wir ein rede offt herwider brengen?

Ja es schadt nichts/ denn dise materien ist seltzam.⁴³⁷ In welchem artickel steht das gedechtnüß gründtlich?

Du bist meyster⁴³⁸ und soltest mir antworten/ und fragest mich.⁴³⁹

Kere dich an nichts/⁴⁴⁰ weder an mein wirdigkeit/ noch an fehlt mein groß geschrey/ unnd antwort mir auff meine frag.

Das gedechtnüß hat vil teil⁴⁴¹ in Christo/ aber ein artickel ist der fürnemst/ den wir verstehn müssen/ und des wir indechtig⁴⁴² seyn sollen/ so offt wir des hern brodt wirdiglich essen woͤllen.

Mach inen namhafftig.⁴⁴³

Der übergeben leyb Christi ist das/ des ein yeglicher gedencken můß/ der des hern brodt/ on gericht/ essen wil.⁴⁴⁴ Aber wir woͤllen zů gelegner zeit und stedt⁴⁴⁵ dar von sagen.

Wie nennet Paulus diesen artickel/ und sein erkaͤntnüß?

Paulus nennet inen/⁴⁴⁶ des hern todt/ und das gedechtnüß heisset er die verkündigung.⁴⁴⁷ Aber das soltu durch umbstendige rede⁴⁴⁸ verstehn.

Rede du/ ich wil hoͤren.

Das thůstu auß demůt.

Auß notturfft.⁴⁴⁹

Die wort Pauli lauten also/ Nemet/ esset/⁴⁵⁰ das ist mein leib/ der für euch gebrochen würt/ das thůt in meinem gedechtnüß.⁴⁵¹ Dieser⁴⁵² ist das neu testament in meinem blůt/ das thůt/ so offt ir drincket/ in meinem gedechtnüß.⁴⁵³Paulus sagt mit hellen worten/ das wir alles im gedechtnüß Christi thůn sollen/ alß/ das brodt des hern essen/ und von seinem kelch drincken/ da durch aber weyset unß Paulus/ daß das gedechtnüß Christi unß anzünden und treiben sal/ zů nemen das brodt/ und den kelch Christi.

Du wüschest überhin/ als ein erschrocken haß⁴⁵⁴ über den busch.

Was ist daß?

Du foͤrchtest dich vor dem woͤrtlin gebrochen.

Warumb?

Paulus hat unser opinion der priestern befestiget/⁴⁵⁵ denn er spricht/ das ist meyn leyb/ der für euch gebrochen würdt/⁴⁵⁶ das aber hat keynen grund/ wenn du nit den leyb Christi in die gestalt des brods nit lassen kommen/ denn das brodt würt gebrochen/ und der leib Christi kan nit gebrochen werden in sich/ aber in der gestaldt des brodts wirt Christus leib per consequens⁴⁵⁷ gebrochen.

Ach armer unnd unwitziger⁴⁵⁸ mann/ meynstu/ das Christus leyb můß gebrochen werden/ als⁴⁵⁹ das brodt fehlt gebrochen würt? Weystu nit das geschrieben ist. Ir solt kein knochlin auß im zerbrechen?⁴⁶⁰ Weistu nit der reden weyse/ das man sagt/ du hast ein zerbrochen gemüt? einen zerbrochen geist?⁴⁶¹ wiltu sagen das Christus in der gestaldt des brodtes sey zerbrochen worden/⁴⁶² das kanstu nit erlangen. Sag mir/ wer inen⁴⁶³ gebrochen hat/ Wiltu sprechen/ hatt doch Christus das brodt selberts gebrochen? Antwort ich also/ War doch Christus nicht im brodt als erß brach/ so ist nichts^bv an seinem leyb zerbrochen/ als er seinen jüngern das brodt gab.

Es ist ein ander wesen Christi in dem sacrament/ und ausserhalb.

Drumb habet ir pfaffen eynen andern Christum in dem sacrament/ den⁴⁶⁴ wir layen am kreütz haben. Der zerbrochen glidmaß hat/ der hat sie wo er ist zerbrochen. Nů frag ich ferner/ hat sich Christus selbert on frembde hende zerbrochen?

Nein/

So vermagstu keynen Apostel anzeygen/⁴⁶⁵ der Christus leyb im brodt gebrochen hab/ als du weisen magst/⁴⁶⁶ das sie das brodt gessen haben. Darzů ist das falsch/ das Christus leyb im brodt gebrochen sey/ und das erlogen/ das Christus leyb am kreütz unther gestalt des brodts gebrochen sey/ drumb verkriech^bw dich du armer Sophist.⁴⁶⁷

Laß uns in angefangner materien bleiben/ und ferner sehen/ mit welchen worten Paulus von dem gedaͤchtnüß/ und von dem/ des wir gedencken sollen/ redet.⁴⁶⁸

Paulus nennet den gebrochen leyb/ unnd das vergossen blůt/ den todt des hern/ des sollen wir gedencken.⁴⁶⁹
Das gedaͤchtnüß aber heysset Paulus die verkündigung/ wie ich gesagt.⁴⁷⁰

Rede mehr/ unnd lege mir die wort Pauli her.

So offt ir von diesem brodt esset (sagt Paulus) und von diesem kelch drincket/ solt ir des hern todt verkündigen/ biß das er kümpt.⁴⁷¹

Erklaͤre das.

Es ist mir so klar/ als eyn helles liecht.

Das merck ich wol/ was wir zů wirdiglicher ent fehltpfahung des hern brodt und
kelch bedürffen/ nemlich/ das gedechtnüß und verkündigung des todts Christi. Aber
dannoch verstehe ich nit aͤben die verkündigung.⁴⁷²

Lerne das verstehen. Im hertzen wirt geglaubt zů der gerechtigkeyt/ mit dem mund zů der seligkeyt.⁴⁷³

Füge disen verß zů dem gedechtnüß und verkündigung.

Das gedechtnüß Christi/ mag one glauben und erkaͤntnüß Christi nit gesein/⁴⁷⁴ als⁴⁷⁵ wenig ich ein gedechtnüß meines vatters haben kündt/ wenn ich inen nicht het erkandt.⁴⁷⁶ Drumb folget das gedechtnüß dem erkaͤntnüß oder glauben/ mit wesen unnd arten.⁴⁷⁷ Ist das erkaͤntnüß hitzig und lauter/ so ist das gedechtnüß inbrünstig unnd lauter. Ist es von hoͤren sagen/ so ist das gedechtnüß auch also geschickt.⁴⁷⁸

Kan das gedechtnüß auch gerechtfertigen?

Warumb nit?

Beweise das.

Esaias malet den verspotten und ertoͤdten Messiam gar aͤben^bx abe in seyner greulichen bitterkeyt/⁴⁷⁹ darnach saget Esaias/ das der Messias vil seyner knecht durch seyne kunst⁴⁸⁰ werd gerecht machen.

Ist das der text. In scientia sui iustificabit ipse multos Esa. 53.⁴⁸¹

Du hast es gesagt.

Wiltu demnach/^by482 daß das gedechtnüß Christi in der weyse/ als⁴⁸³ er vermaledeyhet/ verlacht/ angenagelt/ unnd erwürget/ auch gerecht mach als seyne kunst?⁴⁸⁴

Das wil ich. Denn es steht geschrieben/ mann würd sagen/ das sie das in meynem gedechtnüß haben gethan.⁴⁸⁵

Was koͤndstu auff dise klausel reymen.⁴⁸⁶ Mit dem mund glaubet man zů dem heyl?⁴⁸⁷

Die verkündigung des todts Christi.⁴⁸⁸ Denn die verkündigung ist eyn rede des glaubens/ welche auß dem hertzen/ durch den mund/ außgeht.⁴⁸⁹Darumb ist das eusserlich bekentnüß oder predig des todts Christi/ eyn zeychen oder frucht der innerlichen gerechtigkeyt/ das alle die jhene/ so soliche eusserliche verkündigung hoͤren/ sprechen müssen/ Gott ist in fehlt dem menschen/ der prediget/ oder got redet auß im.

So verstehe ich/ daß das gedechtnüß Christi/ so reich/ so überschwenglich/ und so mechtig sein můß/ in dem der des hern brodt essen wil/ das den menschen zwinget/ offentlich vor der gemein zů predigen/ oder sunst den todt Christi verkündigen/ und darnach zů essen (auß grosser lieb und gedechtnüß) des hern brodt.

Du hast das erradten. weystu nit/ wie Paulus zů Troada von Christo prediget/ und das volck daruff getrieben ward/ des hern brodt zů essen?

Ja/ als⁴⁹⁰ inn den geschichten am. xx. capitel.⁴⁹¹

Weistu auch/ das die jünger in der leere Christi bestendiglich bleyben/ und darnach im brodt brechen auch blieben^bz?⁴⁹²

Wol.

Weystu aber/ das allezeyt ein verkündigung des todts Christi vorgehn sol ehe man/ des hern brodt anfahet zů brechen und nemen?

Von wem? und wo von?

Die predige vom todt Christi ist von noͤten/ alß Paulus spricht/ Ir solt des hern todt verkündigen/ so offt ^cairß nemet^ca/⁴⁹³ das auch der aposteln geschichten anzeigen.⁴⁹⁴ Die predigen von der aufferstehung oder gebůrt Christi fügen sich gar nichts zů entpfahen⁴⁹⁵ des hern brodt/ wie wol man die artickel der gebůrt und himelfart Christi mit eynbrocken magk.⁴⁹⁶

Von wem?

Von einem derß brodt brechen wil/ oder von einem andern.

Ich halts aber von unnoͤten/ das alle entpfaher examinirt werden/⁴⁹⁷ seytenmal⁴⁹⁸ Christus seyn brodt Jude⁴⁹⁹ dem verraͤter gab.⁵⁰⁰

Du hast nů mich vil hoͤren reden. Ich acht es auch für gnugsam zů verstehn/ wie Christus und Paulus wort überein lauten/ und was der mensche bedarff/ auff das er des hern brodt wirdiglich nem und eß.

Gůter brůder in unerfaren sachen ist es nit eyn vilheit/ daß man ein sach zwey mal erfür trag.

Was ist das?

Wir woͤllen widerumb reden von der wirdige entpfahung oder nemung des brodts des hern/ die weil ich merck/ das noch etwaß in der feddern⁵⁰¹ stecket.

fehlt Was?

Das wort diiudicare/ des Paulus sich gebraucht hat/ und heisset zů teutsch sehr richten/ wol schatzen/ hefftiglich urteylen.⁵⁰² Das krichisch wort διαϰρίνων/ heysset ye⁵⁰³ wol untherscheyden und aͤben⁵⁰⁴ richten/ welcher ein ding recht untherscheiden wil/ der můß das ding inwendig und außwendig ansehen/ und gentzlich erwegen/ das er untherscheyden wil.

Warauff redestu das?

Auff die rede Pauli/ welche also lautet/ welcher unwirdig isset und drincket/ der ißt und drinckt im selber das gericht/ das er nit untherscheidet den leib des hern.⁵⁰⁵

Diß wort haben wir zeitlich gehandlet.⁵⁰⁶

Biß mir zů willen dinsthafftig/⁵⁰⁷ und laß unß noch eins handlen.

Ich wil hoͤren wie du mich vernommen⁵⁰⁸ hast.

Du sprichest das ein yglicher/ der da daß sacrament on schaden entpfahen wil/ der můß das gedechtnüß Christi haben/ und den leib Christi in hohem fleiß urteilen/ und den todt Christi auch eüsserlich verkündigen/ das aber alles/ entwenden⁵⁰⁹ wir priester Christo/ wie du sagest und legents uffs sacrament.

Was sacramenst du?⁵¹⁰ wo hastu in der schrifft das wort gelernet?

Hab mir doch für gůt deß ich mich nit kan eüssern/⁵¹¹ und thů/ alß hoͤrestu das wort brot/ so offt ich sacrament sag.

Schreid fürt an.⁵¹²

Wir geistlichen priester und münchen sprechen/ daß das sacrament sünd vergebe/ und predigen also. O sünder/ wenn dich dein gewissen/ sünd halben/ aͤngstiget/ oder drücket/ und kanst deiner angst und bürden nicht loß werden/ so gehe hin und neme das sacrament für deine sünd/ und wird zů friden.⁵¹³

Ir falsche propheten/ ir verheisset den leüthen gottes reich umb ein stück brodts/ was würdet ir verheissen umb silber und goldt/ wenn ir euch nit schemdtet? Ir gelobet den eynfeltigen in den dingen frid des gewissens/ die geringer seind/ denn das gewissen/ und die keynen frid geben oder machen künden.⁵¹⁴

Far gemach.⁵¹⁵

Es ist war. Ich weyß das ir auch durch eur heimlich hauchen und fehlt zischen⁵¹⁶ das brodt nichts besser/ auch nichts anderß machen kündt. Warumb saget ir/ das⁵¹⁷ sünde vergeben künd? wenn ir ^cbdrüber geblasen^cb habt? were es nicht so vil/ wenn ir also saget? Menschen/ drücken euch eure sünd/ unnd begeret eynen frid zů haben/ so nemet eyn hand vol gersten/ unnd esset sie in gottes namen/ so werdet ir eurer sünden frey/ und quyd/⁵¹⁸ und in eurem gewissen zů friden.
In der weyse gab der Bapst ablaß brieflin/⁵¹⁹ unnd die falschen propheten namen vorzeyten waitz und korn/⁵²⁰ und unsere pfaffen namen die opfferpfenning für sünde.⁵²¹ Es wurden auch der menschen gewissen bey sich/ unnd den leüthen zů friden/ wie aber für gott? hetten sie nit eynen falschen frid/ unnd sicherheyt/ da weder frid nach sicherheyt war?⁵²² Das laß dich nit wundern/ das die nerrische leüthe glauben und sich mit lügen zů friden setzen/ denn sie lassen sich eynen yeglichen wind auffheben/ umbtreiben/ und nidersetzen/ der sie anblaset/⁵²³ sie werden aber am ende zů schanden und recht sehen/ wie sie betrogen sein.

Hat doch Martinus Luther den radt selberts geben.⁵²⁴

Das ist ein grosser schad/ das die eynfeltigen leüthe mit achtung einiger person⁵²⁵ sich verkauffen/ dann sie hangen nit an der blossen warheit/ sondern an der person/ drumb künden sie auch nit die blosse warheyt hoͤren oder sehen/ die weyl sie ein solche dicke vorhaut in iren ohren und augen stecken haben.⁵²⁶

Das brodt hatt den leyb Christi.

Wenn ichs gleych gestünd/⁵²⁷ das Christus leib mit dem brodt vereynt were/ dannoch were es falsch und betrüglich geredt/ wenn ich dem brodt eines herlinß breydt⁵²⁸ so vil macht und krafft gaͤbe/ das es uns sünd vergeben und befriden moͤgt.⁵²⁹ Was ich dem brodt gaͤbe/ daß naͤme ich ye⁵³⁰ dem leyden Christi. Auch were Christus leyb oder todt gar nichts nütz/ wenn Christus nit gott/ und von got dem vatter versigelet⁵³¹ gewest were/ alß er ein mensch fehlt war/ und noch ist/ und so⁵³² Christus nicht sein leyden/ und todt am hoͤchsten erkandt hett.⁵³³ Nů besynn dich lieber sophist/⁵³⁴ unnd sihe/ wie uns Paulus uff das gedechtnüß des bittern todtes Christi zů erkennen/ weiset/ des wir gedencken/ so wir zůrück^cc tausent und ungeferlich fünffhundert jar gedencken/ wie wol unser erkaͤntnüs und gedechtnüß über zeyt und stedt⁵³⁵ gehn/ und an der keinß gehefft sein sollen/ die nichts zů vergebung der sünden thůndt.⁵³⁶

Ich fürcht du seyest gerecht/⁵³⁷ und das wir affenspiel/ treyben/ so offt wir das sacrament anbetten/ in silbern unnd gülden monstrantzen fassen/⁵³⁸ umb unsere stedte oder doͤrffer tragen/ unß und das unser mit behuͤten unnd bewaren/ und den teüfel außjagen woͤllen/⁵³⁹ denn was wir dem eüsserlichen brodt zůschieben/ das nemen wir dem todt Christi abe.

Nů was heltestu jetzt darvon?

Ich halt es für einen lausichten dandt⁵⁴⁰ und listigen betrůg/ das man ein zeyt lang von dem sacrament geredt hatt/ denn das sacrament ist eyn eüsserlich ding/ das uns weder selig/ weder heilig/ nach⁵⁴¹ frumb/ nach besser/ nach gerecht/ nach frey machen kan/ ob mirß⁵⁴² tausent mal ansaͤhen. Ich fürcht der prophet Aggeus hab von unß weyßgesagt/ so er spricht. Sie hencken ein stücklin heiliges fleisches an saum ires kleydes/ unnd sprechen/ was sie mit⁵⁴³ anrüren das sey heylig.⁵⁴⁴

Du bist unbestendiger und wanckelmütiger/ denn⁵⁴⁵ ein feddern inn dem wind/ yetz heltestu alle sachen mit mir/ jetz mit den pfaffen/⁵⁴⁶ eyn zeyt redestu papistisch/ die andere warhafftiglich von deynem sacrament/ zů weylen drittestu zů mir/⁵⁴⁷ zů weylen von mir/ du Proteus⁵⁴⁸ du.

Auß grosser subtiligkeyt bin ich also behend.⁵⁴⁹ Es ist mir auch nütz/ denn also flihe ich das kreütz/ und hab gůte tag bey den hohen.⁵⁵⁰

Ich glaub dirß.

Wenn ich dyse kunst nit kündt/ ich were vorlangst veracht worden.

Es ist aber nit bidermennisch/⁵⁵¹ auch nit fehlt Christlich. Eynem leychtfertigen lügner stünd es besser an/ denn dir.

Ich sage noch das Aggeus von uns weyßsaget.⁵⁵²

Wie das?

Wir sprechen/ so⁵⁵³ das brodt gebenedeyhet ist/ so kan es sünd vergeben/ und alles heilig machen/ das sich nur dran heltet.⁵⁵⁴ Also geben wir dem sacrament gleich so vil ere/ lob/ lieb/ forcht/ als⁵⁵⁵ dem leyb und todt Christi.

Ir habt des keinen grundt in der schrifft.

Nicht eynen bůchstaben. Christus sprach. Welcher vatter oder můtter mehr/ oder alß vil/ liebet/ als mich/⁵⁵⁶ der ist meyner unwirdig/⁵⁵⁷ was wirt er unß sagen/ das wir vil ein geringere creatur/ die weder seele nach leyb hat/ nemlich ein brodt/ gleich eeren/ fürchten/ und lieben/ als inen?⁵⁵⁸

Der das brodt des herrn so vil achten thůt/ oder so viel fürchtet/ eeret/ oder liebet/ als⁵⁵⁹ des hern bitteren todt/ der ist des todts Christi unwirdig/ und unbegreifflich/⁵⁶⁰ und nimbt/ und isset des hern brodt auch unwirdiglich/ zům gericht/ zů seynem schaden/ und fall.⁵⁶¹

Wenß billich were/⁵⁶² das wir des hern brodt anbetten oder fürchten und so brechtlich eeren mügten/^cd563 so hetten die propheten auch weißgesagt von der heyligkeyt/ und gerechtigkeyt des brodtes/ und unß fürgesagt/⁵⁶⁴ daß das brodt unsere sünd/ und schmertzen tragen würd/⁵⁶⁵ unnd das besücht⁵⁶⁶ solt werden/ wenn uns unsere sünd erschreckten/ oder betrübten.⁵⁶⁷

Du redest wol unnd recht/ Joannes der tauffer hett auch nit auff den blossen Christum gedeütt/⁵⁶⁸ wenn uns Christus in der hostien bedeckt/⁵⁶⁹ sünd solt vergeben. Christus were auch uns so günstig gewest/ das er unns das geweyset⁵⁷⁰ hett/ wie wir sein brodt müsten essen/ wenn wir der vergebung unser sünden wolten gewiß werden.

Wie dann^cePaulus?

Der wyset uns zů dem gedechtnüß des todts Christi/ wenn uns unsere sünd drücken/ darumb saget er. Vile seind gerecht worden/ durch den gehorsam eines men fehltschen.⁵⁷¹

Beschließ.⁵⁷²

Welcher vergebung der sünden gewißlich haben wil/ und das brodt des hern wirdiglich/ on nachteil/ essen/ das du entpfahen heyssest/⁵⁷³ der sol gewiß werden in dem erkaͤntnüß des todts Christi/ daß ist/ den todt Christi der massen verstehn/ unnd annemmen/ alß inen⁵⁷⁴ gott unser vatter verheyssen/ unnd mit hertzen versiegeln/⁵⁷⁵ das gott warhafftig ist.⁵⁷⁶ Der also geschickt⁵⁷⁷ ist/ der ist wol geschickt/ der aber an eynem feel hat/ der ist ungeschickt/ unnd unwirdig. Es were im auch besser/ er aͤsse eines bauren brodt denß⁵⁷⁸ hern brodt.

Warumb?

Umb seyner gleyßnerey⁵⁷⁹ unnd unwirdigkeyt willen.

Beschließ.

So offt ir von diesem brodt esset/ unnd von diesem kelch drincket/ solt ir des hern todt verkündigen/ von des hern todt saget Paulus/⁵⁸⁰ und nicht von des hern brodt/ wenn er unß gedechtnüß unnd verkündigung ufflegt/ biß das er kompt/ damit stosset Paulus alle meßhalter münchen und pfaffen uff eynen hauffen zů bodem.⁵⁸¹ Denn Paulus spricht/⁵⁸² wenn der herr komen wirt/ so wirt man des hern brodt nit mehr essen/ noch vor der entpfahung predig haben/ und schleüsset hiemit/ das der herr nicht inß brodt oder sacrament kompt/ kaͤme er aber/ so fiel das sacrament.⁵⁸³ Darumb kan Christus nicht inß sacrament kommen/ er bleybt droben im hymel/ unnd heldtet den selben inn/ so lang/ biß die zeyt der erquickung kümpt.⁵⁸⁴ Welcher nůn unwirdig von diesem brodt isset/ unnd von dem kelch des hern drincket/ der ist schuldig an dem leib unnd blůt des hern.⁵⁸⁵

Das ist erschroͤcklich.

Der mensch prüfe sich selbs/⁵⁸⁶ und also⁵⁸⁷ eß er von dem brodt/ unnd drinck von dem kelch des hern.

So hoͤre ich/ das ich der sach gewiß sein sol?

Wer sich prüfen oder fülen sal/⁵⁸⁸ der můß wissen/ unnd fehlt nicht wenen.⁵⁸⁹ Welcher unwirdig isset und drincket/ der isset und drincket im selber⁵⁹⁰ das gericht/ das er nit untherscheydet den leyb Christi.⁵⁹¹

So ist es besser/ wir enthalten uns/ dann daß wirß nemen.⁵⁹²

Du hast es gesagt.

Wir seind weydt inß feldt gangen/ und sehen das die Sonne zů rieß dritt/⁵⁹³ drumb woͤllen wir umbkeren/ die materien von der übergebung auff schürtzen/⁵⁹⁴ biß inn ein gereymere zeyt/⁵⁹⁵ als dann wil ich hoͤren und lernen/ wie Christus übergeben ist/ wem er sich gegeben/ auß was ursachen/ unnd für welchen/ oder wem zů gůt er sich gegeben hat/ was wir drinnen verstehn/ und erkennen sollen/ und wie unser geyst/ durch gottes geyst versichert sein můß.⁵⁹⁶

Wo von woͤllen wir unß yetz besprechen?

Von der materien/ die yetz berürt ist/ in dem/ das du sagest/ das Christus nicht inß sacrament komme/ das were allen priestern und münchen zů nahe.⁵⁹⁷

Seidt ir die grossen recken unnd kinder Enakim/ die gott vom himel raber ziehen künden?⁵⁹⁸

Wir vermoͤgens und thůnß in frembder macht.⁵⁹⁹

Wer hat euch soliche frembde macht gegeben?

Christus in dem/ das er sprach/ das thůt in meynem gedechtnüß.⁶⁰⁰

Hat euch Christus auch geheyssen/ das ir seinen leyb in eyn brodt brengen solt?

Ja.

Ich hab es dafür gehalten/ und weyß das war ist/ das ir pfaffen lieget/⁶⁰¹ denn Christus hat euch nicht befolhen/ das ir seinen leyb/ in eure hostien/ solt zwingen zů kommen.

Was dann?

Christus spricht. Ir solt seyn brodt nemen/ und essen/ mit dem zůsatz/ das ir/ so offt irß nemet/ und esset/ in seinem gedechtnüß nemen/ und essen solt. wie Paulus saget/ das solt ihr thůn/⁶⁰² und das vermoͤgen alle Christen/ die ungeschmirte⁶⁰³ besser/ denn die geschmirte blettinger.⁶⁰⁴ Sie seind warlich die waidliche recken/⁶⁰⁵ die durch soliche wort/ mit gewaldt ire vermeynte und falsche gerümbte macht geraubt ha fehltben/ da durch sie Christus leyb in ein klein broͤdtlin fur geben zů brengen.

Mich dunckt Paulus hab unsere macht fast⁶⁰⁶ und wol befestiget alß er sprach. Ich hab es von dem hern entpfangen/ das ich euch geben hab. Denn der herr Jesus in der nacht/ da er verraten ward/ nam er das brodt und dancket und brachs und sprach. Nemet/ esset/ das ist mein leyb/ der für euch brochen wirt/ solichs thůt zů meynem gedechtnüß/⁶⁰⁷ da da sihe Peter/ wie Paulus ein meß helt/ und die wort des hern widerholet/ und seinen leyb inß brodt brenget/ und unß⁶⁰⁸ die macht auch gibt/ des hern leib auch inß sacrament zů heischen⁶⁰⁹ und brengen.⁶¹⁰

Oho/ ey wie lecherlich ist mir dein geschwetz.

Wie so?

Hatt euch Paulus mit diesen worten/ das thůt etc.⁶¹¹ die macht geben/ des hern leyb inß brodt zů zaubern? und meß zů halten? moͤcht⁶¹² das ein blinder doch bey süncklicher nacht⁶¹³ greiffen/ das Paulus nicht anders thůt/ denn daß er des hern wort/ unnd die zeyt inn welcher Christus sein abentmal einsetzt/ verzelet/⁶¹⁴ und wil unß leren/ das wir des hern brodt/ nicht wie ander brodt/⁶¹⁵ sondern in seinem gedechtnüs essen sollen. Wenn ir auß solichen widergehalten worten⁶¹⁶ eyn sonderlich macht nemen woͤlt/ des hern leyb in ein kleyn broͤdtlin zu treyben^cf/ als Christus sol gethan haben/ wie ihr sagt/ moͤcht⁶¹⁷ ich sagen/ das Moses uns macht geben het/ himel und erden zů schaffen/ und das Moses alle creaturen geschaffen hab/ da er anfing die schoͤpfung himelreychs unnd erdtrichs zů beschreiben.⁶¹⁸ Wiltu dir eines zůmessen/ so můstu das ander auch nemen/ wenn du nů deine schoͤpfung einer neuen welt/ mit der that würdest beweysen/ so wil ich auch glauben/ das du oder ein ander bletling⁶¹⁹/ des hern leyb inß sacrament fordern und brengen kundt.

Was hat aber Paulus mit des hern wort außgericht?

Vil gůts/^cgdenn er vermanet unß/ der zeit/ fehlt des leidens Christi/ der geschickligkeyt⁶²⁰ und der weyse/ in welcher wir des hern brodt essen sollen.

Erklaͤre dich.

Der zeyt halben/ sollen wir nit als seue/⁶²¹ des hern brodt essen/ dann alß er uns zů seynem gedechtnüß brodt reichete/ waß die nacht/ in welcher er unschuldiglich unsert halben/ verraten ward/⁶²² drumb ist es billich/⁶²³ das wir in der bitterkeyt unsers lebens stehen/ wenn wir sein brodt essen.⁶²⁴ Des leydens halben ist es offenbar/ das wir die groͤsse und greulichkeyt unser sünden betrachten/ dazů Christus überschwenglichen gehorsam/ und brünstige lieb. Die weyse steht in dem gedechtnüß/ unnd verkündigung des todts Christi/⁶²⁵ wie vil gesagt/⁶²⁶ das ist die ursach/ das Christus uff seynen leyb deüten thet/ unnd saget. Der leyb würdt für euch gegeben/⁶²⁷ zuvor ist keyner gegeben/ so ist auch keyner gewest/ der moͤcht⁶²⁸ gegeben worden seyn. Auch würdt keyner nach mir kommen/ denn ich bynß/ unnd meyn leyb ist gleych unnd warlich der leyb/ welcher für euch gegeben würdt.⁶²⁹ Welcher nůn des herren brodt/ inn betrachtung aller ding nymbt unnd isset/ der hat warlich ursachen genug/ das brodt des hern ernstlicher zů essen/ wie wols weder heyliger/ noch besser ist/ den eyn ander brodt.⁶³⁰

Hatt doch Christus das brodt gesegnet.

Es heisset also/ er dancket/⁶³¹ vernimm⁶³² gott seinem vatter/ derhalben nennen etliche das sacrament ein Eucharistien/⁶³³ als were das sacrament alleyn ein Eucharistien/ die⁶³⁴ irem gehirn mehr nochschreidten/ denn⁶³⁵ gottes wort.

Dise dancksagung/ war ye⁶³⁶ ein wirckliche krafft/ da durch Christus seinen leyb inß sacrament bracht.

Das beweyse. Du bist von deyner vorigen wehre geflogen/⁶³⁷ und nimbst nůn ein anderen schirm⁶³⁸ für dich. Were dein erster grundt gůt gewest/ als⁶³⁹ du dich mit dem wort/ das thůt in meynem gedechtnüß etc. liessest hoͤren/⁶⁴⁰ so hettestu die fehlt walstatt inne behalten.⁶⁴¹ Aber weyl dich deyn grund verlassen/ unnd zů schanden hatt gemacht/ süchestu diesen/ Christus sagt danck/ der aber würdt dich erhalten wie der vorige.

Ich hab dreierley gründ oder schwerdt/⁶⁴² wenn eyn grund versincket/ so flihe ich uff den andern. Ist es nit kostlich/ wenn ich eyn schwerdte zerschlahe/ das ich eyn anderß herwisch/⁶⁴³ unnd mich schütz?

Das ist ein gewiß zeychen/ das der versuncken^ch grund und das zerschlagen schwerdt nit fest und starck gewest seind. Welcher aber mit warheyt streyt/ der hatt den aller besten grund/ und das aller sterckst schwerdt. Seytenmal⁶⁴⁴ die warheyt das aller sterckist⁶⁴⁵ ist.

Da ligt mir wenig dran/ wenn ich nůr mich schütz/ unnd dir widerpell.⁶⁴⁶

So^ci bistu eyn geborner sophist. Ein betrieger. Ein verlaider.⁶⁴⁷ Du soltest aber/ deinem rhům nach/⁶⁴⁸ deyne sach erzwingen/ deyne feynde noͤttingen^cj/ dringen/ aͤngstigen/ unnd mit macht fahen/ unnd ire mauler mit warheyten verstoppfen/ das sie dir nichts widerreden kündten.

Meyn gründt haben gůten scheyn.⁶⁴⁹

Du soltest nit alleyn scheyn/ sonder dartzů warheyt haben. Nůn stell deynen scheyn herfür/ und laß doch sehen wie helle und liecht dein scheyn ist.

Eyner ist dieser. Jesus nam das brodt unnd gesegnets.⁶⁵⁰ Der ander. Das ist meyn leyb/ welcher für euch gegeben würt.⁶⁵¹ Der dritt. Das thůt inn meynem gedechtnüß.⁶⁵²

Es scheynet noch so hin unnd so dunckel/ daß ich nit sehen kan/ daß den pfaffen/ eyner auß diesen gründen diene.

Du hast bloͤde⁶⁵³ augen.

Hastu scharpffe/ so füre mich in deinen vermeynten schein.⁶⁵⁴ Ich acht aber du habest so scharpffe augen/ daß sie vor grosser scherpff/ das sehen/ das do nichts ist.

Jesus nam das brodt und gesegnets oder dancket gott.⁶⁵⁵

Wiltu den segen und dancksagung für ein dingk⁶⁵⁶ halten?

Ja. fehltDenn eyn Evangelist hat das wort gesegnen/⁶⁵⁷ gleych an dem ende/ da der ander das wort dancksagen⁶⁵⁸ geschrieben hat.⁶⁵⁹

Zeyge aber deynen schein/⁶⁶⁰ das sich Christus/ durch seinen segen/ inß sacrament gemacht hab/ und das ir pfaffen/ durch den segen Christi/ seinen leib und sein blůt inß sacrament brengen kundt.⁶⁶¹

Das ist so klar/ daß keiner beweysung bedarff.

Mir ist es aber so dunckel/ das ich den pfaffen gar nichts glauben kan.

Weyse du das finsternüß.⁶⁶²

Du hast dich des liechtes berümet/ und vermagst es nit zeygen. Drumb bin ich nit schuldig die dunckelheyt zů weysen. Der sich des liechtes oder scheynes berümet/ der můß sein sach mit schrifften/⁶⁶³ oder gezeugen⁶⁶⁴ beweysen.

Christus saget danck/⁶⁶⁵ unnd durch die selbe wort der dancksagung bracht er sich inß sacrament.⁶⁶⁶

Weyl du so vil von der dancksagung redest/ frag ich dich/ was doch Christus geredt hatt/ als er dancksaget. Als Christus Lazarum aufferwecket/ da dancket er auch got/⁶⁶⁷ und die form der dancksagung ist in der selben historien begriffen. Aber dieser dancksagung weyß ich weder weise noch form zů melden/⁶⁶⁸ kanstu⁶⁶⁹ aber die form so erzele du sie.

Ich hab mein leben lang nie dar von gehoͤret/ auch nit achtung druff gehabt/ nach⁶⁷⁰ darnach gefraget.

So rhümestu dich/ das du nit verstehest. Es můß von noͤten seyn/ das ir die wort der dancksagung wissen můst/ welche Christus gebraucht hat/ so ir für gebet/⁶⁷¹ das ir durch die dancksagung Christi/ den leyb und blůt Christi in eur sacrament kündt brengen.⁶⁷²

Hastu mehr felhß an mir.

Viele.

Schüd auß.⁶⁷³

Wenn Christus sich in das brodt oder in den kelch gebracht hat durch den segen/ des ir euch behelffet/⁶⁷⁴ würd folgen/ das Christus ehe⁶⁷⁵ inn eurem sacrament were gewesen/ denn⁶⁷⁶ er diese wort redet/ das ist mein leyb etc. unnd das dise wort/ das ist mein leyb nicht dartzů fehlt dienen/ das ir Christum inß sacrament brenget.

Mehr her.

Wenn Christus in das sacrament wer gekommen/ so hett er seine stadt⁶⁷⁷ verlassen/ da er saß/ denn Christus hatt alle zeyt sein vorige stadt verlassen/ wenn er in ein neue stadt oder stell kam oder ginge/ als⁶⁷⁸ die schrifften auß weysen. Joan. 6.⁶⁷⁹ Item wenn Christus uff den berg ging/ so verließ er den tall/ als⁶⁸⁰ auch Christus gen hymel fůre/ da verließ er diese welt/ leyblich zů reden.⁶⁸¹ Steht nit geschrieben. Ich werd von euch gehn/ und wider zů euch kommen?⁶⁸²

Das ist alles war naturaliter/ aber sacramentaliter und supernaturaliter ist das ware/ das Christus zu gleych an vil enden⁶⁸³ ist.

Hastu des auch einen grund in der schrifft?

Nein.

So bistu ein lugner.

So můß der gantz hauff liegen.⁶⁸⁴

Das ist müglich und menschlich Levi. 4. Exo. 19.⁶⁸⁵

Hastu deine meynung gantz außgegossen.

Nein/ ich halt was im faß unnd vorrad/ aber eynes wil ich dir nit bergen/ daß das ein sandtigter grund⁶⁸⁶ ist/ wenn die pfaffen sprechen/ das die wort der benedeyhung oder dancksagung/ die sie doch nit wissen/⁶⁸⁷ so krefftig seyn/ das sie Christum in ir sacrament treyben künden/ denn wo ire rede bestünd/ müst auch das bestehn unnd seyn/ das die pfaffen/ des alten gesetzes/⁶⁸⁸ ire leychnam⁶⁸⁹ auch in die speise und dranck/ ja datzů inß volck gebracht hetten das sie gesegnet haben.⁶⁹⁰In der summ müst volgen/ das ir pfaffen und münchen eure leyb/ in eure speyse unnd tranck brechtet/ wenn ir eur essen und dranck gesegnet/ oder das benedicite⁶⁹¹ leset/ und das ir selber unnd eure geste/⁶⁹² eurn leyb unnd euer fleisch und blůt fraͤssen. Das ir euch auch sacramentlich inn die speyse brengen müst/ die ir gesegnet/ oder mit dancksagung entpfahet. Denn Paulus brauchet gleich das wort eucharistien .1. Timoth. 4. als er von dem gemeynen brauch allerley speysen redet.⁶⁹³ Also sihestu daß fehlt dein erster schein und grund/ ein finstere latern ist/ und ein sandtrip/⁶⁹⁴ dir/ der du die helle schrifft mißbrauchest.

So würd mir der ander grund dienen/ das ist mein leyb etc.⁶⁹⁵

Wenig/ Ja nichts.

Wie so?

Ir pfaffen sprechet/ daß Christus in dem brodt sey/ oder unther dem brodt/ oder inn der gestalt des brodtes/ drumb dienen euch yetzt vermelte wort nicht.

Steht doch geschrieben. Das ist meyn leyb etc.

Darumb ist es wider euch. Denn aldieweil geschrieben steht/ das ist meyn leib/ so ist das ein andere rede/⁶⁹⁶ unther dem/ oder in dem brodt ist mein leyb. wenn Christus also hett gesagt/ unther dem brodt/ oder inn dem brodt ist meyn leyb/ so hettestu eynen scheyn.⁶⁹⁷

Ist es sünd/ das wir ein/ in/ darzů setzen?

Warlich ein grosse sünd/ denn got spricht/ du solt nicht dazů setzen.⁶⁹⁸ Ja ein falßet.⁶⁹⁹ Der oberst pfaff⁷⁰⁰ verbrent einen/ wenn im⁷⁰¹ einer seine bullen⁷⁰² mit eynem solichen wortlin felschet/ unnd eynen andern synn dreyn brecht/ als⁷⁰³ ir Christo in seyne rede brenget. Wenn ir pfaffen euer sacrament mit solichen finantzen⁷⁰⁴ woͤllet verteydingen/ hettet ihr wol eynen bessern grund inn den worten von dem kelch gehabt. Seytenmal⁷⁰⁵ die wort von dem kelch also lauten. Der kelch/ das neu testament/ in meinem blůt etc.⁷⁰⁶ Auß diesen worten hettet ir hellern schein⁷⁰⁷ gehabt/ zů sagen/ das der kelch in dem blůt ist/ unnd im blůt seyn můß in krafft der worten Christi/ wenn ir sie leset unnd sprechet/ Der kelch das neu testament in meynem blůt/⁷⁰⁸ Dann das ir sprechet. Der leib Christi ist in dem brodt/ oder in der gestalt des brodtes/ ist nit recht. Die weyl kein/ in/ in der rede des brodts^ck steht.⁷⁰⁹

Ja lieber/ wir hettens wol getroffen.

Nit getroffen? Ir hettet euch ^clmit den schrifftlichen lauten ^cl koͤstlich vermantelet/⁷¹⁰ wenn ir stracks gesagt het/⁷¹¹ der kelch ist in dem blůt/ das der text saget/ und ist datzů ein neu testament.

fehlt Ja wol vermantelt/ was hetten die bauren⁷¹² gesagt? nit das? Ich sehe kein blůt/ in welchem der kelch ist? den kelch sehe ich/ blůtt sehe ich nit. Villeicht hetten uns die bauren gesteyniget.

Ey so nein.

Ey so ja.

Ich glaubs nit.

Ich weyß es für war/ denn sie hetten kein blůtt gesehen/ darinn der kelch wer gewest.

Kündt ir sie nit überschwatzen/ unnd sagen. Ir müst eur vernunfft fahen/⁷¹³ und eure synnen dempfen/ und thůn als künd ir weder sehen oder^cm schmecken noch verstehn.

Du spottest?

Habet ir doch die layen des überredt/ das sie brodt und weyn schmecken/ und dorffen dannest⁷¹⁴ nit sagen/ das sie brodt oder wein schmecken/ so sie euer sacrament entpfahen/ gleicherweiß hettet ir/ das auch zů wegen gebracht/ das sie geglaubt hetten/ daß eur kelch in dem blůt were/ das sie doch nit sehen kündten. Ir sproͤchet nur also/ der glaub begreiffet alle ding/ er versteht alle ding/ unnd vermag alle ding.⁷¹⁵ Drumb vermag auch der glaub/ das blůt zů sehen/ das weder engelische nach⁷¹⁶ menschliche augen sehen.⁷¹⁷

Ich weyß nit ob du unser spottest/ oder nit.

Wie darff ich?

Wie aber/ wenn er stracks⁷¹⁸ saget/ das brodt ist meyn leyb/ als⁷¹⁹ Christus hat gesagt.

Christus hatt nie gesagt/ daß das brodt/ seyn leyb sey/ die krichische zungen⁷²⁰ leidets auch nit/ daß wir diese rede/ das ist/ uff das brodt ziehen/ als oben angezeigt ist.⁷²¹ Datzů ist es spoͤttlich/ das man sagen wil/ das brodt ist mein leyb etc. Denn es laudtet uff diese weise/ des hern leib/ der für uns leiden und gegeben werden solt/ ist ein brodt/ und nit ein natürlicher menschlicher leyb. Es ist nit der leyb der auß der mutter Marien geborn ist/ sondern ein brodt/ das der becker gemacht hat.Datzů ist es wider den strom aller propheten/ so von dem übergeben des leibs Christi geschrieben/⁷²² und wider alle evangelische und apostolische bücher.⁷²³ denn das ist ye⁷²⁴ war/ welcher fehlt nit mit der schrift ist/ der zerstreuet/⁷²⁵ und ist wider die schrift.

So laß mir den dritten grund dienen.

Diesen/ das thůt in meinem gedechtnüß?⁷²⁶

Ja.

Ich hab dennest⁷²⁷ grosse hanffputzen⁷²⁸ gehoͤret/ die dyse wort/ das thůt in meynem gedechtnüß/ zů dem synn brauchen/ das sie mit erhalten woͤllen/ daß die pfaffen/ den leyb unnd das blůt Christi in das papistisch sacrament laden und bannen künden.⁷²⁹

Wer seind die hanffputzen?

Die man doctores nennet/ die runde/ schoͤne/ unnd spitzige hütlin tragen/ und in langen kleidern her^cn gehn/⁷³⁰ und stehend als⁷³¹ die stroͤherin und hültzerin hanffputzen/ die mit betlers plůndern⁷³² bekleydt seind.

Gemach.

Wie kan ich gemach von inen reden? die weyl eyner⁷³³ spricht/ das die bischoffen durch diese wort/ Das thůt in meynem gedechtnüß/ pfaffen weyhen/⁷³⁴ der ander aber/ das die pfaffen Christum inß sacrament gauckeln/⁷³⁵ der drit füret ein andere weyse.⁷³⁶

Ich mein Christus hab uns durch diese wort/ das thůt etc. macht geben/ sein fleysch und blůt inß sacrament zů fordern/ wenn wir soliche wort lesen.⁷³⁷

O arme blintheyt. Ist es dir ein ding/⁷³⁸ lesen und thůn? hat Christus zůvor von lesen oder thůn geredt? oder hat Christus vor⁷³⁹ gesagt/ was seine jünger thůn solten/ ehe er sprach/ das thůt etc.

Was sollen wir thůn.

Ir solt das brodt nemmen unnd essen/ das solt ir thůn zů einem gedechtnüß des hern/ als Paulus spricht. Ir solt des hern todt verkündigen/ so offt ir des hern brodt esset unnd von seinem kelch drincket.⁷⁴⁰

Laß unß weither von etlichen gründen reden.

Von welchen?

Von der dancksagung.

Meinstu das Christus durch seyne dancksagung/⁷⁴¹ seinen leyb inß brodt gewandelt hab?

Ja.

So müstu auch bekennen/ das Christus seinen leyb/ in die fünff gersten brodt gewandelt hett/⁷⁴² die weil Christus da selbest auch danck fehlt saget/ oder segnet/ alß⁷⁴³ du sagest/ denn gleich daselbest steht das wort/ er saget wol.⁷⁴⁴

Bleib uff deiner bahn.⁷⁴⁵

Ist der segen/ oder die benedeyung unnd dancksagung Christi die krafft gewest/ durch welche Christus seynen leib inß brodt gebracht hatt/ unnd die macht gewest/ welche Christus den pfaffen sol geben haben? So hatt Christus seyn sacrament lang vor der nacht/ als er wardt verraten/⁷⁴⁶ eingesetzt wider alle schrifftgelerten/⁷⁴⁷ und auch Paulum. Volget auch das Christus mit seinem leib etliche tausent gespeyset hab.⁷⁴⁸ Das auch Christus sein fleysch und blůt ehe den andern/ denn⁷⁴⁹ den Aposteln geben hab. Du müssest auch zů geben/ das Christus seinen leyb in Lazarus leib gestossen hab/ da er inen von den todten auff weckt.⁷⁵⁰

Du machest mich schir⁷⁵¹ zweyfeln.

Nů setze das⁷⁵² Christus seinen leib inß brodt am donerstag/⁷⁵³ als⁷⁵⁴ ir redet/ gebracht hab/⁷⁵⁵ haben drumb die pfaffen gleyche macht/ als Christus?

Gleiche unnd groͤssere. Maiora his facietis.⁷⁵⁶

Jtzt hoͤre ich/ das die grinnichte⁷⁵⁷ pfaffen den leyb Christi/ in ire vermeindte gestaldt/ des brodtes brengen künden/⁷⁵⁸ das Christus nit kundt.

Nein. Christus verwandlet sich auch/ jedoch mit heller stymm/⁷⁵⁹ inß brodt. Aber die priester brengen Christum mit stillem blosen⁷⁶⁰ inß brodt.

Das ist gůt. Reym dich/⁷⁶¹ laß unß reüspern/ das wir uns nit tode lachen.

Christus sprach ye/⁷⁶² das ist mein leyb.

Christus stůnd gegenwertig/ und saget/ das ist der leib mein etc. Drumb/ wenn ein pfaff⁷⁶³ spricht. Das ist mein leyb/ nemet esset das brodt/ und wir essen/ so fressen wir einen lausichten⁷⁶⁴ pfaffen. Reden aber die pfaffen von dem leyb Christi/ und dencken zůrück/ wie Christus stůnd/ und saget von seinem leib/ das sein leyb/ der leyb were/ der verheissen war/ das er für unß hin gegeben werden solt/⁷⁶⁵ so reden sie recht/ er stacke⁷⁶⁶ aber nicht im brodt/ alß⁷⁶⁷ sie sagen.⁷⁶⁸ fehlt

Haben^co die priester keinen befell/ Christus leyb inß brodt zů brengen?

Wir lesen allerley befelh/ und vil artickel/ durch welche gott seinen Aposteln allerley machte⁷⁶⁹ befolhen hat/ aber under allen finden wir nicht einen/ der aussaget/ das Christus den pfaffen gewalt geben hett/ seinen leyb inß brodt/ unnd sein blůtt in kelch zů fügen.⁷⁷⁰

Daß were es?

Ich sag ya/ denn Christus gab seynen jüngern macht zů predigen/ zů tauffen/ teuffel auß zů werffen/ krancken gesundt zů machen/ den staub von iren füssen zů schlahen/ todten auffwecken.⁷⁷¹ Ich sehe aber unther allen befelhen mit einander/ nicht einen/ der also laudtet. Ir solt/ oder werdet meynen leib in ein kleyn brodt brengen. Ich wolt gern eynen bůchstaben sehen/ deß ir dintenfresser⁷⁷² euch rhümen und gründen doͤrfft/ daß euch Christus befolhen hab/ seynen leyb inß brodt/ oder gestalt des brodtes zů brengen. Darumb sag ich/ das ir diese machte euch habt schalcklich/ dieblich/ und betriglich zů geschoben.⁷⁷³

Sal⁷⁷⁴ dann Christus ewiglich droben bleyben?⁷⁷⁵

Es ist ye⁷⁷⁶ durch Paulum oben/ auch durch unß beschlossen/⁷⁷⁷ das wir das sacrament oder brodt des hern nicht lenger werden brauchen/ biß das der herr kümpt.⁷⁷⁸ Wenn Christus wider von dem hymel kumpt/ so werden das sacrament unnd alle eüsserliche ding vergehen.⁷⁷⁹

Christus kümpt heimlich in das sacrament.⁷⁸⁰Paulus aber redet von dem klaren unnd offenbaren advent.⁷⁸¹

Kümpt Christus heimlich inß sacrament/ so můß er sich seiner zůkunfft⁷⁸² schaͤmen/ oder sich vor euch fürchten.

Zů uns priestern kümpt Christus heymlich.

Warlich er kümpt so heymlich/ das ir selbert nicht wisset/ ob er inß sacrament kümpt oder nit. Denn es ist kein pfaff/ der das bey seynem eyd darff erhalten/⁷⁸³ das Christus so groß inß sacrament uff sein forderung⁷⁸⁴ ge fehltkommen/ als⁷⁸⁵ er am kreütz gehangen ist.

Ich hab offt unnd viel messen gehalten/ aber nie gefült/ das er kommen were.

Das wayß ich.

Würdt Christus nit heymlich vom hymel steygen?

Nein.

Breng schrifften.

Zwen menner sagten zů den Aposteln/ Christus würdt wider^cp kommen/ als ir inen habt gesehen auffaren.⁷⁸⁶ Christus fůre sichtiglich⁷⁸⁷ auff/ gehn himel/ so můß er auch sichtiglich widerkommen. Ich laß michs auch nicht mehr überreden/ denn das die Apostel des heymlichen advents⁷⁸⁸ inn ir brodt weder gehofft/ nach begert haben.

Ich weyß nit wer die zwen menner gewest sein. Drumb woͤlt ich vil lieber schrifft hoͤren.

Nym Christus wort der also saget. Wenn sie sagen hie ist Christus/ dort ist Christus⁷⁸⁹ (als⁷⁹⁰ ir pfaffen ein lang zeyt gethan/ unnd gesagt habt/ inn der hostien ist Christus/ unnd in ihener hostien/ und in allen winckeln ist Christus)⁷⁹¹ so solt ir nicht hinauß gehen/ noch glauben/ denn Christus zůkunfft wirt nicht heimlich sein/ sondern so scheynbarlich unnd sichtiglich als der blicks/⁷⁹² der von auffgang/ biß zům nidergang/ scheynet.⁷⁹³

Daß redet Christus von dem andern advent.⁷⁹⁴

Seynd doch nicht mehr denn zwen advent/ einer in der form des kreützes unnd leydens/ alhie uff erden/ der ander in herlicher form.⁷⁹⁵ Denn dritten dorfft ir nicht dichtten/⁷⁹⁶ unnd kündt keynen auß den beyden der hostien zů fügen.⁷⁹⁷ Christus würdt den hymel inn halten⁷⁹⁸ biß an den tag/ inn welchem alle ding zům ende sollen gebracht werden/ alß Petrus in den geschichten saget/⁷⁹⁹ unnd wir oben gesetzt haben.

Ich halt das sey dir schwer zů glauben/ das Christus zů gleych an vil stedten⁸⁰⁰ seyn sol.

Neyn. Ich glaub es gleich so liderlich/⁸⁰¹ das ir inen an vil enden brengen⁸⁰² unnd setzen kündt inn eyner zeyt/ als⁸⁰³ ich glaub/ das S. Anna fünff haubt/ unnd ein unschuldig fehlt kindlin eynen bart gehabt hab/ zwoͤlff elen lang.⁸⁰⁴

Glaubstu^cq nit das Christus in eynem augenplick inn zehen tausent stedten gegenwertig ist?

Wesentlich glaub ichs nit. Ich glaub aber/ das ihr inen⁸⁰⁵ gern vom hymel braͤcht/ wenn er so vergessen were/⁸⁰⁶ unnd kaͤme herraber.

Glaubstu auch nit/ das Christus zů gleych in vil ziborien⁸⁰⁷ steht?

In euren gefencknüssen?

Was gefencknestu?⁸⁰⁸

Ir pfleget ja euren gott mit etlichen eyseren thüren verschliessen/ und vile eysere riegeln und schloͤsser dafür hencken/ das er euch nit entwüsch/ und thůt da durch Christo unserm heylandt grossen spott und hon und schimpff.

Hoͤnlich.

Ir habt euch eynen gott erdicht/⁸⁰⁹ der keyn gott ist.

Er ist Christus.

Christus ist im hymel leiblich/ wenn ir schrifft⁸¹⁰ zeiget/ das er in eurem brodt ist/ so wil ich anderß reden.

Wir brengen inen herraber.⁸¹¹

O ir krafftlose pfaffen/⁸¹² woͤlt ir euch ein solche grosse macht zůmessen? Es gehoͤret eyner groͤssere macht zů/ Christum/ von dem hymel/ inß sacrament zů brengen/ den teufel außjagen/ dann grosse felsichte berg inß meer werffen/⁸¹³ der ir doch keyneß vermoͤcht. das weyß ich/ so ir versüchen würdet/ die teufel außzůjagen/ das euch schleünen würd/ alß⁸¹⁴ den sieben sünen des Juden Skeva bekam. Acto. 19.⁸¹⁵

Was wir thůn/ das thůn wir in gůter meynung/ und Christo zů eeren.

Ir eeret Christum/ als⁸¹⁶ ein katze ir gefangene maüß.^cr817

Ey neyn.

Nů ob ir gleich alle sachen wol meintet/ von menschlicher meynung/ zů reden/ dennest⁸¹⁸ solt ir euere wolmeynung verlassen/ wenn ir nit wisset/ das gott dem hern eure wolmeynung gefelt/ unnd soltet an den Petrum dencken/ der ein koͤstlich wolmeynung⁸¹⁹ hatte/ menschlich zů reden/ denn es war im wider/ daß Christus solt also verhoͤnd^cs und gemartert werden/ und dannest das hoͤren můst/ gehe von mir fehlt du Satan.⁸²⁰

Wir meyneten/ es wer Christo eerlich/⁸²¹ und uns gůt/ das wir Christum inß brodt braͤchten/ und drinn/ als in einem wunderbarlichen tempel hielten.⁸²²

Wo habet ir des fürnemens einen grundt.

In der schrifft.

Lege die schrifften her.

Was sal ich herlegen/ waistu nit das Moses got einen tabernackel und Salomon darnach got/ ein hauß erbauet haben?⁸²³

Wo hastu den grundt dastu Christo/ ein hauß von einem brodt wilt bauen?

Es ist argumentum a simili.⁸²⁴

Du soltest wol mit einer solchen semeln/⁸²⁵ die gantze schrifft verwůsten/ und das teuer leyden Christi gar unschetzig⁸²⁶ machen.

Ist es wider die schrifft und Christum?

Es ist alzůvil wider die schrifft das du keinen grund drinnen hast. Aber wider Christum ist es/ das ir pfaffen im^ct827 einen tempel wolt machen/ den menschen hende gewircket haben/⁸²⁸ Christus ist der hoͤchst priester/ und ist durch ein opfer/ und einen todt in den ewigen tabernackel eingangen/ welche gottes hende allein/ one wirckung einiger creatur haben geformirt.⁸²⁹ Auß dem selben tempel und tabernackel/ doͤrfft ir kecke recken⁸³⁰ Christum in ein ding fordern/ das zeiten von würmen/⁸³¹ zeiten von feuer/ zeiten von meüsen und seuen/⁸³² oder von mastschweinen/ als ir pfaffen seydt/⁸³³ verzeret wirt.⁸³⁴

Ist das unrecht?

Was woͤlt ir mir für ein hauß bauen? sol ich in eurem brodt růhen spricht Christus?⁸³⁵ habet ir nit das alles erdacht und erfunden? habet ir nit soliche weg und greueln selbert erwelet? auß auß ir hundschlachter.⁸³⁶

Der kelch den wir benedeyhen/ ist ein gemeinschafft des blůts Christi/⁸³⁷ sihe da/ und nimbs in dich/⁸³⁸ das wir den kelch benedeyhen/ und das der kelch ein gemeinschafft des blůts Christi ist.

Die benedeyhung steht im gedechtnüß und verkündigung des todts Christi/ als⁸³⁹Paulus in dem folgende capitel außlegt/⁸⁴⁰ und oben gemelt ist/ sunst weyß ich nit was die form der benedeyhung⁸⁴¹ ist gewest/ und ich wolt sie gern wissen.

Antwort mir darauff/ das der kelch ein gemeinschafft ist.

In dem steht die ge fehltmeinschafft/ das niemanß⁸⁴² des herren kelch drincken sol/ denn nur der/ der versteht warumb Christus sein blůt vergossen hat/⁸⁴³ und auß grosser lieb/ und danckberkeyt/ und brünstigem gedechtnüß/ sol er von des hern kelch drincken/ der on gmeinschafft des hern/ nicht seliglich^cu gedruncken wirt.⁸⁴⁴

Verba consecrationis die wircken und schaffen.⁸⁴⁵

Wer hat sie erfunden?

Fingere licet.⁸⁴⁶

Lapidare ius est.⁸⁴⁷ Wie vil ist der krefftigen wort?

Fünff/ wie fünff wunden⁸⁴⁸ seind/ der da eynes außlasset/ der kan nicht consecriren.⁸⁴⁹

Wie vil ist der selbigen im krichischen?

Vier.

So haben die Apostel nit consecriret.

Verwunderstu dich des? sollen wir doch taͤglich zůnemen im erkaͤntnüß Christi.⁸⁵⁰

Man redet das Christus Judisch und Syrisch vermengt geredt hab.⁸⁵¹ Ist das war/ wirdestu schwerlich zwey wort überig behalten.

Unser macht ist erweydtert und erstreckter.

Das wolt ich haben.

Was lassestu dich beduncken/ wiltu andere wort machen?

Das waiß ich für war und gewiß/ das der leyb Christi/ one leyden/ uns unnütz gewest were/ als⁸⁵² Christus spricht. Der son des menschen můß erhoͤcht werden/ auff das ein yglicher/ der inen⁸⁵³ auffgehenckt^cv sicht/ nicht verderb.⁸⁵⁴ Der halben ist diß klausel/⁸⁵⁵ der für euch gegeben würt/ so fest angebunden/ und von gleicher krafft/ als diese klausel/ das ist mein leib/ das wil ich mit dem gedechtnüß^cw beweysen/ wie wol ich nicht halt/ noch glaub/ das soliche wort verba consecrationis seind.

Du bist halßstarrig.⁸⁵⁶

Gegen lügen/ der warheyt aber bin ich weych.

Solt dann Christus nicht in unser sacrament kommen/ wenn ein priester soliche wort lieset?

Solt dann Christus einem yeglichen pfaffen uffspringen von wegen seines stinckenden othems?⁸⁵⁷

Warumb nicht?

Ist doch der pfaffen der mehrer teyl/ das phariseisch geschlecht/ und atter gezicht/⁸⁵⁸ zů welchen Christus nicht nahen wil/ nach⁸⁵⁹ vil mit inen zů thůn haben.

Von der wort wegen můß Christus fehlt kommen.

Hetten doch die phariseer auch gottes wort/ unnd so gůt/ das Christus sagt/ Ir solt sie hoͤren/⁸⁶⁰ er wolt inen dannest nicht genahen.⁸⁶¹

Er forchtet sich vor inen.

Christus solt sich itzunder⁸⁶² vil mehr fürchten/ denn itzt zerreissen die pfaffen Christum mit zenen/ und toͤdten inen⁸⁶³ für drey pfenning.⁸⁶⁴ Gott spricht zů solichen sündern/ warumb nemet ir mein wort in euer maul? drumb hilffet dichs nicht etc.⁸⁶⁵

Ich meinte ye⁸⁶⁶ Christus solt inß sacrament steygen.

Christus hett warlich unrüwige tag/ unnd würt von pfaffen spoͤtlicher hin unnd her geworffen/ denn ein lotterholtz.⁸⁶⁷

Du vergleichst Christus einem lotterholtz.

Nein. Ich sag aber/ das die lotterbůben⁸⁶⁸ vil geschicklicher mit irem holtz umbgehen/ dann die pfaffen mit Christo. Ursach. Die lotterbůben enthalten sich/ und bleiben nüchterer/ und reden ire reymen wol auß.⁸⁶⁹ Aber die pfaffen stincken frü nach wein unnd bier/ als⁸⁷⁰ ein essig krůg nach wein oder bier/ und seind ir etliche⁸⁷¹ des morgens noch so voll/ das sie weder ir koͤpff ertragen/ nach⁸⁷² ire zungen geschicklich regen moͤgen/⁸⁷³ und lallen und lesen nit. Etliche schlaffen unther der stilmeßen/⁸⁷⁴ als einer thett/ der entschlaffen⁸⁷⁵ und im traum stund/ unnd sprach/ Mir zů/⁸⁷⁶ denn im traümet er saͤß im wein keller. Ein ander aber stund in der stillmeß in seinem traum und sprach. Müsche die karten.⁸⁷⁷ Nů sihe ob das lotterholtz nicht besser^cy/ von den lotterbůben gehandelt würdt/ denn^cz die wort Christi von den pfaffen? Wer kanß aber glauben/ das ein soliche weynflasch⁸⁷⁸ Christum inß sacrament bringen vermoͤge? Ist aber Christus in irer gewalt/ steht seyne sach erger/ denn des lotterholtzes wesen.⁸⁷⁹

Ich glaub selbert nit/ das Christus mit solichen priestern gemeinschafft hab.

Warumb heisset ir dann unß armen pauren niderfallen/ brust klopfen/ wenn ir trůnkenboͤltz⁸⁸⁰ euer goͤtzen brodt uffhebet.⁸⁸¹

Beschließ.

Ir pfaffen habt Christi lesterliche biltdnüß fehlt uff euer brodt gedruckt/⁸⁸² mit einem brandeysen/ das alle gewissen befleckt/⁸⁸³ und gott achtet alle bildtnüß für einen greuel/ und hasset und fleüget sie.⁸⁸⁴ Darumb glaub ich auch/ dieser ursach halben nit/ das ir Christum in euer sacrament wandlen vermoͤcht. Denn er hat ye⁸⁸⁵ seynes vatters willen alhie gethan/⁸⁸⁶ solt Christus yetzt dem selben willen entgegen sein/ das glaub ich gar nicht. Eur brodt⁸⁸⁷ ist ein goͤtzen brodt/ ein greulich und verworffen brodt.

Gemach.

Das bildtnüß machet auch das die einfeltigen gedencken/ Christus hab sich verkeret in das bild/ und das Christus füeß seien/ da des bildes füeß stehen/ das haubt Christi/ da der kopff des bildes ist. Etliche halten/ die pfaffen verschütten Christo seinen magen/ wenn sie das bild umbkeren/ und also fürt an.⁸⁸⁸

Wir wissen das bilder nichts sein.

Wir wissen auch das sie weniger dann^da dreck sein/ und strick zům fall gelegt.⁸⁸⁹

Wie dann würts wann wir ungoͤtzisch brodt brauchten?⁸⁹⁰

Dannest vermoͤgt ir Christum nit drein heyschen/⁸⁹¹ und wandeln. Kürtz halben frag ich dich. Ob du den sterblichen leib Christi inß sacrament brengen vermoͤgest/ oder den heerlichen⁸⁹² und unsterblichen?

Dein frag ist ein schling/ zů dem zůg/ und verstrickung fürgeworffen.⁸⁹³

Du bist aber mir schuldig zů antworten.

Christus ist mit seinem unsterblichen und heerlichem⁸⁹⁴ leyb im sacrament.⁸⁹⁵

Warumb?

Christus ist ein mal gestorben/ wirt nicht mehr sterben/ als Paulus zů den Roͤmern/⁸⁹⁶ und die geschichten der Apostel leren.⁸⁹⁷

Du bist ein dapffer Paulensis.⁸⁹⁸

Der bin ich.

Aber du weyst wenig von seiner leer.

Mehr dann die gantze welt.

Bistu so gelert und weissest das nit/ das Paulus sagt. Der herr nam das brodt etc. und sprach/ das ist mein leib der für euch gegeben würt.⁸⁹⁹ Der sterblich leychnam wardt in die hend der Juden und Heyden zů würgen⁹⁰⁰ gegeben/ und nicht der unsterblich.

Ja das ist ware/ als⁹⁰¹ sich Christus selbs inß sacrament verwandelet.

Es ist ware vor mittag so du fehlt nüchtern bist/ nach mittag ist es ein traum/ so du vol bist.

Was spottestu?

Kanstu einen andern leyb Christi inß sacrament bringen/ dann Christus drein sol gebracht haben?

Nein/ aber mit einer andern form und gestaldt.

In welcher?

Christus bracht sich mit armer form/ und mit gestaldt eines knechts⁹⁰² inß brodt. Ich aber unnd mein gleichen/⁹⁰³ brengen Christum mit heerlicher⁹⁰⁴ form inß sacrament.

Wo hastu des einen grundt?

Grundt hin grundt her so ists also/ der mein wort nit annimmt/ der wirt nicht selig.⁹⁰⁵

Nein. Du würdest mich mit solicher pfeüffen nicht uff deinen kloben⁹⁰⁶ locken/ der teufel neme deine wort an/ in allen stücken.

Wie kündten wir sunst verba consecrationis vortheydigen?

Ich fürchts auch/ ir vermoͤcht nichts mit schaffen.

Wie so?

Seind euer verba consecrationis recht/ so habens diesen verstandt/⁹⁰⁷ das ist mein leyb der für euch gegeben würt/ das ist/ der abgethon und sterben würt durch die hend der poͤßwichter/⁹⁰⁸ aber sie dienen euch nicht zů eurem wohn.⁹⁰⁹

Drumb haben wir nur fünff wort/ welche wir verba consecrationis heissen.⁹¹⁰

Zele sie.

Hoc/ est/ enim/ corpus/ meum.

Ir lasset die angeheffte wort auß/ der für euch gegeben würt.⁹¹¹

Freilich/ uff das wir bestehen.⁹¹²

Als⁹¹³ butter an der Sonn/ und ein dieb am galgen.⁹¹⁴

Nicht so boͤß.

Tausentmal erger.

Warumb?

Drumb das ir Christo sein wort anderß außlegt/ dann⁹¹⁵ er.

Beweise das.

Leichtlich. Christus sagt es sey der leyb in der form und gestalt/ die leyden kundt und wolt/⁹¹⁶ das verkeret ir/ und saget/ es ist der leib der nicht leyden kündt.⁹¹⁷

Was ursachet dich so festiglich wider mich zůsetzen?⁹¹⁸

Warheit und gerechtigkeit gottes.

Wenn ichs von dir hoͤren moͤcht.⁹¹⁹

Christus hat uns erloͤsen/ und auß des teufels reich/ unnd gewalt/ alß auß Egypten/⁹²⁰ in Gottes reich unnd macht füren woͤllen.⁹²¹ Aber das kundt Christus nicht enden/ denn durch⁹²² seinen todt/ als⁹²³ gott verordent fehlt het.⁹²⁴ Er můst die figur des osterlambs erfüllen/⁹²⁵ und seyn hand zů dem holtz außstrecken.⁹²⁶

Rede mehr.

Christus můst uns/ so wir^db inen annemen/⁹²⁷ mit seiner gerechtigkeit von unsern sünden gerecht machen/ das aber můst er durch sterben zů wegen brengen.⁹²⁸

Was ist die selbige gerechtigkeyt?

Gehorsam in den todt.

Hettestu schrifften.⁹²⁹

Durch eines menschen gehorsam seind vil menschen gerecht worden.⁹³⁰ Den gehorsam aber/ hat Christus mit seinem schmelichen todt erweyset/ da er gehorsam ward biß in den todt/ in todt des kreützes.⁹³¹

Haben wir diese gerechtigkeit nit durch die aufferstehung?

Nein/ wir haben die gerechtigkeyt unsers absterbens durch den todt Christi/ und nicht durch die aufferstehung.

Es ist geschrieben. Christus ist uffgestanden umb unser gerechtigkeyt willen.⁹³²

Das ist die gerechtigkeyt der ufferstehung/ des geystes/ die hie nur iren anfang hatt/ unnd nach abgeendtem todt erfür brechen⁹³³ würdt. Gerechtigkeyt des absterbenß geht vor/ die ander folgt.

Du soltest mich schir⁹³⁴ uff dein bahn ziehen.

Ist Christus erklaͤrter⁹³⁵ und unsterblicher leyb im sacrament gewest/ unnd in krafft seiner wort drein kommen/ so haben wir die erste gerechtigkeyt⁹³⁶ nit. Wer aber die ersten nit hat/ der hat auch nit die andere/⁹³⁷ und wirt daß auch falsch/ daß sein leyb für uns gegeben ist.⁹³⁸ Ist aber Christus sterblicher leib im sacrament gewest/ so kündt ir/ in krafft der wort Christi/ die er redet/ seinen leyb in keyner andern form und gestalt inß brodt brengen^dc/ denn⁹³⁹ er sich drein gebracht hat. So müst ir sagen/ das Christus sterblicher leyb in eurem sacrament sey/ und das Christus alle tag sterb/ wenn ir in⁹⁴⁰ opfert/ das wider gottes warheyt mit henden und füessen strebet.

Ich sahe diese schlingen bald/ unnd mercket das du mich fahen würdest/ ehr⁹⁴¹ ich antworten würd. Sag ich Christus sterblicher leib ist im sacrament/ so zeügestu⁹⁴² fehlt zů/ und fahest mich/ und sprichest/ so ist Christus noch sterblich. Sag ich^dd aber/ Christus unsterblicher leib ist im sacrament/ so wirt folgen/ das wir kein verba consecrationis haben/ unnd das unser grundt felt/⁹⁴³ auff welchen wir baueten. Darumb waiß ich nit was ich sagen sol.

Bekenn die warheyt/ unnd sag/ Christus leyb ist nicht im brodt/ auch ist sein blůt nicht im kelch. Wir sollen aber das brodt des hern inn dem gedechtnüß oder erkaͤntnüß essen seines leibs/ den er für uns in die hend der unrechten gab/⁹⁴⁴ unnd von dem kelch/ in dem erkaͤntnüß seynes blůts/⁹⁴⁵ das Christus für unß außgoß/ drincken. Unnd in der summ in erkaͤntnüß des todts Christi essen und drincken.

Wenn ich der vorgehalten schlingen entgehen künde?

Wol.

Wie aber.

Von der aufferstehung hat Christus nicht geredt/ als er sein brodt und kelch gab/ drumb ist es den entpfahern nicht von noͤten/ daß sie sich mit der aufferstehung bekoͤmmern.⁹⁴⁶ Christus wirt ein neuen und andern kelch drincken und unß geben/⁹⁴⁷ wenn er sein ufferstehung in unß/ inß volwesen⁹⁴⁸ brengen würt/⁹⁴⁹ und das brodt und der wein des absterbens werden auffhoͤren/ drumb sprach Paulus. Ir solt des hern todt so lang verkündigen/ biß er kumpt/⁹⁵⁰ als ob er sagt/ wenn er kompt/ so hat euer absterben mit Christo sein ende. Aber itzt ehe⁹⁵¹ wir unsern krefften genugsam absterben/ so offt wir des hern brodt essen/ und von seynem kelch drincken woͤllen/⁹⁵² so offt müssen wir des hern todt bekennen mit hertzen unnd můth/⁹⁵³ das ist/ wir müssen auch unsern todt Christi in unß enpfinden/⁹⁵⁴ und die gerechtigkeyt Christi/ nicht unsere fülen.⁹⁵⁵

Gott sey gelobt.

Got helff uns in das hitzig erkaͤntnüß des todts Christi.

Amen.