fehlt Inhalt disz büchlins.

In disem büchlin wil ich kürtzlich anzei-
gen/ was der rechte glaub sey/ der selig
macht. Widerumb was der verthümbt
ungelaub sey. Was der wurtzellose ge-
laub/ den Christus nit achtet/ Und der
kleyn gelaub sey den got ansihet/ wie-
wol er nicht kan selig machen.

Boser verstandt des worts Unglaub.

Christus hat zwey urteyl gesprochen/ dises inhalts/
Nichst seliget uns denn der glaub. Nichts verthümbt
uns denn der unglaub. Nichts füret uns zů dem
ewigen leben unnd reich gottes/ dann alleyn der glaub.
Nichts brenget uns zů dem ewigen todt/ unnd ins teu-
Ioan. 5.fels reich/ denn nůr der unglaub. Welcher an Chri-
stum glaubet/ der wirt nicht gericht.⁷ Welcher nicht glau-
bet/ der ist schon gericht.⁸

Dise urteil hab ich vortzeiten also vernommen. Wel-
cher an Christum glaubet/ der wirt nicht gericht/ Das
ist war/ so lang er glaubet. Widerumb/ welcher nit glau-
bet/ der ist schon gericht/ das ist auch war/ So lang er
nicht glaubet/ so lang ist er gericht. Wenn aber der un-
glaubig auß seinem unglauben/ in glaubenn kaͤm/ so
hat das gericht oder verthümbnus sein ende. Das
hab ich also verstanden und geleret/ als müst der mensch
so bald glauben/ oder nicht glauben/ alsbald im⁹ Christus na-
men oder reden würdenn verkündiget. Aber nůn weiß
ich/ das Christus wort/ wenn er saget/ Welcher nicht
glaubet/ der ist geurteilet/ eynenn anderenn sinn ha-
benn/ Unnd daß der schone geurteylet ist/ der nicht ge-
laubet/ strackes wye Chrystus redet. Wye wol es war
ist/ das Got alle seyne werck/ wol unnd gůt gemacht
Ezech. 18 fehlt hat/ und iglichem willen/ gern barmhertzigkeit bewei
Osee. 6.sen welt/ und das leben seiner creatur viel lieber hat/ dann
den todt.¹⁰ Aber der unglaubig/ hat stetts einen verkarten
willen/ in welchem got seyn handt der barmhertzigkeit
weder regen/ noch sein barmhertzige gůtheit drinn scha-
ffen kan. Denn die verkarte gebůrt/ und der verstürtz-
te sinn/ setzet sich selbert ausserthalb des influß goͤtly-
cher barmhertzigkeit/ unnd wil gottes gunst nit anne-
men/ sondern verachten/ drumb kan im¹¹ got nicht helffen.

Myr mangelet der verstandt des worts/ unglaub/
1. Timo. 1Und als wenig ich Paulum verstůnd/ so er spricht/ Ich
hab derhalbenn barmhertzigkeit erlanget/ das ich un-
wissende wider Christum than hab im unglauben¹²/ So
wenig verstund ich auff der andern seiten Christum/ der
saget/ Welcher nit glaubet/ der ist schon gericht.¹³ Ich
kunte mich nicht recht drein schicken. Ich meinet das die
schrifft das wort/ unglaub/ in einem einzelen sinn ewig-
lich brauchen thet. Als aber ich mich besser besinnen thet/
und fast verwunderet/ fandt ich/ das zweierley sinn und
bedeutnus durch obberürte reden angezeigt/ unnd das
Paulus durch das wort/ unglaub/ eyn ander ding be-
deut/ dann Christus/ wie wol sie^b beide auch in obberür-
tem worte uber ein kommen/ und ein iglicher das wort
glaub/ oder unglaub/ manigfaltiglich gebrauchet. Denn
Paulus sprycht/ Ich hab barmherzigkeyt erlanget/
derhalben/ das ich im unglauben/ unwissende Christum
verfolget.¹⁴ Dargegen spricht Christus (wie wol verde-
cket) welcher nicht glaubet/ der wirt seines unglaubens
entgelden/ und keine barmhertzigkeit erlangen.¹⁵ Das
aber das Christus meinunge sey/ gibt das woͤrtlin/ ge-
richt/ Der gericht oder verurteilt ist/ der erlanget nit
barmhertzigkeyt nach dem gehalten gericht/ dann er
můß stracks die straff leiden/ welche im¹⁶ das urteil uff le-
get. Wenn aber barmhertzigkeit stat haben solt/ nach
fehlt gesprochnem urteil/ würd folgenn/ das der teufel auch
barmhertzigkeit erlangen/ und erloͤßt werden moͤcht.

Untherscheidt tzwischen glauben
und unglauben.

Gründtlich in dise sach zů kommen/ wil ich zwen ge-
gensaͤttze/ einen wider den anderen/ stellen/ als nemlich
den unglauben wider den glauben. Dann sie beide de-
ster kaͤntlicher/ und ein jedes teil durch das ander sichti-
ger wirt. Drumb ist zů wissen/ das der unglaub mit gan-
tzem leib und allen gebeinen/ und mit seinen arten und
sitten wider den glauben steht/ und nicht allein in dem/
das der unglaub verthümbt/ und der glaub selig macht/
oder der glaub nicht sterben lesset/ sonder durch den leib-
Ioan. 6.lichen todt zům ewigen leben füret¹⁷/ und der unglaub in den
ewigen todt brengt/ sondern auch in andern artickeln.

Denn alles das der glaub annimbt/ lobt/ wirckt/ oder thůt/
gleich das selbe verstoͤsset der unglaub/ und straffets/ und fleu-
gets/ und thůts nit. Zů allem dem der glaub lieb/ lust/
und froͤligkeit hat/ das ist dem unglauben leidt/ unlust und
Ioan. 1.zůr traurigkeit. Der glaub hat hitzige lieb/ grossen
lust zů dem ungeschaffnen liechte¹⁸/ das ewig liecht nimbt
er an/ er liebets vast/ und belüstet sich drinn/ doch mit auß-
gestracktem lust/ und hat unsaͤgliche froͤligkeyt^c im liecht.¹⁹
Roma. 13²⁰Widerumb der unglaub speyhet das ewige liecht auß²¹/
Ephe. 5.²²und nimbt es nicht an/ vil weniger hat er lieb und lust und
froͤligkeit in dem ungeschaffnen liechte. Der glaub
Ioan. 12.²³klebet am liechte mit hitzigen begirden/ schwindem wil-
len/ und mit außgegoßnem leben/ drumb hasset der ge-
laub das finsternus/ und wandlet nicht im finsternus/
wie wol er finsternus leiden můß/ yedoch geht er nicht
im finsternus/ das ist/ er setzet weder gedancken/ noch
willen ins finsternus. Widerumb der unglaub nimbt
Ioan. 3.²⁴das finsternus an/ unnd hats mehr lieb dans liecht/ und
fehlt hatt sein leben/ willen/ begirden/ unnd sinnen nach
der finsternüs gericht. Der glaub fleühet die
werck des finsternüs mit ernster flucht/ und keret sich
thaͤtlich von allem dem/ das dem finsternüs verwandt
oder anhengig ist. Aber der unglaub forschet nach den
wercken der finsternüs/ und setzet seyn hertz und můt zů
den finsternüssen. Das ist von dem licht unnd finster-
nüssen gesagt.

Von der warheit und lügen ists auch klar/ das der
glaub und unglaub/ widerspenstiger art und natur seind.
Der glaub hasset lügen/ und hanget der warheyt ahn.
Aber der unglaub hanget der lügen und uppikeit ahn/
und hasset die warheit. Der glaubig/ ist gegen der schar-
pfen gerechtigkeit gottes als ein fester stehelin berg²⁵/
oder ein wol gebundten faß/ da durch nichts drieffet^d26/
das got dreyn geüsset. Gegen der lügen aber hat er einen
ewigen grauen/ und heltet keine. Widerumb der unglaub
ist sam ein zerspalten und ungebundten faß/ dadurch die
warheit leüfft/ so offt sie dran stosset. Wie der glaub frey
steht/ uff der warheyt/ also steht der unglaub gefangen
uff der lügenn/ wie wol er meynet im²⁷ sey am besten.
So ist zů mercken/ die widerspenstigkeyt des glau-
bens und unglaubens/ und das eines weder des an-
dern gegenwurff oder art/ noch weyse annimbt/ noch
annemen kan.²⁸

Mittel/ tzwischen glauben
und unglauben.

Zwischen diesen beyden enden/ ist ein mittel/ welches
die schrifft zeiten²⁹ glauben nennet/ und ist doch nit der eüs-
serst³⁰ glaub. Oder zeiten einen unglauben heysset/ und ist
doch nit der verthümbt unglaub. Oder zeiten finsternüs
Rhom. 1.oder blindtheyt nent/ und steht doch nit im eüssersten fin-
sternüß/ etwan würts menschliche weißheyt/ etwan un-
fehltwissenheyt geheyssen.³¹ Das heltet sich also. Ehe³² der
mensch in der eüssersten gegensetzen³³ eynen kumpt³⁴/ als
in den verthümlichen unglauben/ oder heylparen glau-
ben/ hatt er vil gedenckens/ mühe/ unnd arbeyt/ unnd
vorgeht vil zeyt drob/ darnach eyner grob oder subtyl
ist/ darnach ein yeder^e geschickt/ und im geyst beschnitten/
oder gefegt wirt.³⁵ Darnach kümpt er in der enden einß.
Mitler zeit mag einer wol ein schlecht erkaͤntnüß göt-
licher warheit haben. Es ist aber nicht ein gründtlichs
und solichs erkaͤntnüß/ welches Christus annimbt oder
verstoͤsset und zůr helle verurteylt und treybet. Es ist
auch nicht endtlichs in solichen mittel erkaͤntnüß/ denn
der mensch kan noch ab und zů dretten/ und zů der eüs-
Ioan. 1.sersten enden eynes kommen. So ist es auch nit gründt-
Roma. 1.lich unnd hertzlich/ sonder ein blinde weißheyt³⁶/ unnd
1. Timo. 1.
Mat. 13.nerrisch klůgheyt³⁷/ oder ein unweiser unglaub³⁸/ oder
ein wurtzelloser glaub.³⁹

Christus saget ye offentlich von einem glauben/ der
nicht wurtzeln hat/ der verdorret/ wenn die hitz druff
felt⁴⁰/ der ist zeytlich/ und nicht ewig/ als der recht glaub.
Dieser glaub bleybet so lang er nicht angefochten wirt
von des worts wegen/ dem er geglaubet/ unnd das er
mit fryden angenommen hatt. Wenn aber verfolgung
her drit/ so vergeht er. Were er der recht glaub so blieb
er. Drumb ist er nicht eyn glaub der ausserwelten/ son-
dern der berůffen unnd unerwelten^f. Es ist eyn glaub
des der teüfel mechtig ist/ den auch die pforten der hel-
len überweltigen moͤgen.⁴¹ Der teüffel kumpt und nimbt
den mittel glauben hynweg/ ehe soliche menschen recht
glauben/ und selig werden. Drumb ist dyser glaub nicht
der eüsserst glaub/ welchen weder teüfel/ noch die teüfe-
lische krefften überwinden künden. Auch ist er eyn glaub
Matt. 16.nicht der ausserwelten/ der halben gott alle anfechtun-
Mat. 24.gen und verfolgungen wirt verkürtzen/ auff das sie nicht
fehlt verfürt werden⁴²/ sonder der mittelglaubigen/ weil auch
der glaub der erwelten nit kan verfürt werden/ müs-
sen die uberschwengliche verfolgungen uffhoͤren zů
wütten/ da mit der recht glaub bestehn. Also ist gesagt/
das der würzellose glaub/ kein wurzelreicher glaub ist/
auch der starck glaub der erwelten nit sein kan. Drumb
ist dieser zeitlich glaub one wurtzel und one samen got-
tes/ und gar fern vom rechten glauben gesetzt/ der in
einem gůtten acker steht/ und bestendiglich steht.⁴³

Das aber solicher glaub auch nicht ein hertzliches
erkantnüs sey der warheit unnd gerechtigkeit gottes⁴⁴/
ist auß dem zů mercken/ das etliche gottes wort hoͤre-
ten und verstundens nicht/ als sie auch die gesicht sa-
Ioan. 12.
Esa. 6.hen/ und vernamen nit das drunder verborgen was/ und
Hie. 2.sahen wunderzeichen/ und lerneten dannest nicht die
wirkende krafft/ des der wunderzeichen thet.⁴⁵ Ir verstendt-
nüs war etwas/ als der hochgelerten verstendtnüs ist
uff den hohen schůlen/ die gottes wort meysterlich hin
und her setzen/ und dapferlich handeln/ und erkennen
den gott nicht/ der es geredt hat.⁴⁶Sie haben ir erkant-
nüs im mund/ und nicht im hertzen (von dem hertzen
zů reden das genůgsam bewegt ist)〈.〉 Sie bekennen und
Matt. 13.⁴⁷loben gott mit lippen/ zenen/ unnd mund/ aber ir hertz
Esa. 29.ist fern⁴⁸/ gottes wort ist in⁴⁹ nahe im rachen⁵⁰/ unnd weyt
Hie. 12.von iren nieren.⁵¹ Darumb ist es oben hin in der rinden
des baümes/ und im eussersten bůchstaben der warheit. Es
ist aber noch nicht so fern kommen/ das es den weytzen
stamm sehen/ und die scherpff⁵² des korns versüchen⁵³ kan⁵⁴/ als
der glaub thůt/ drumb ist der unhertzlich glaub/ dem hertz-
lichen glauben unbefreündt oder gar nicht verwandt.

Das der mittel glaub eyn unwissen-
heyt und thorheit ist.

Das obgedachter mittelglaub (welcher ist ein hertz-
fehltloses erkantnus gottes und götlicher warheit) ein un
wissenheit und blintheit sei/ zeiget das an/ das ir etliche
unther den vermeinten erkennern gottes/ got verstůn-
den/ als Paulus sagt/ die im⁵⁵ doch auß irem wurtzello-
Roma. 1.sen glauben kein schultige eer⁵⁶ gaben/ Und thaten das
darumb/ das sie unweise waren.⁵⁷ Weren sie weiß gewe-
sen/ hetten sie on zweifel den got gepreiset als einen got/
den sie als einen got erkandten. Groß dichtens/ und vil
sinnens hetten sie von gottes wesen/ gottheit/ und ewi-
ger krafft/ aber in irem dichten und sinnen würt^g ir un-
verstendiges hertz voller unweißheit unnd finsternus.
Were ir hertz recht verstendig gewesen/ so het es nicht
lassen künden den erkandten got zů loben/ preysen und
eeren. Do aber ir glaub unnd gedancken/ wurzellose/
und one hertz waren/ thaten sie nach ires glaubens art
und zůneigung/ und draten von dem got den sie durch
schrifften/ oder werck der schoͤpfung erkandten/ unnd
offenbareten ire thorheit/ und unverstendigs und ver-
finsterts hertz/ und gaben den feltgoͤttern⁵⁸ die eere/ die
gottes alleyn war/ wie wol das auch durch den eusser-
sten unglauben kan geschehen. Aber gemeiniglich ist das
ein glaub der vermeinten gotglaubigen/ die glauben
und doch nit glauben.

Der mittel glaub ist ein unglaub.

Man liset das gottes volck/ Israel oder Jacob ge-
Exod. 14nant/ got dem herrn und Mosi gottes knecht geglaubt
hab/ als sie unbeschedigt durchs moͤr kamen/ unnd ire
feynd drinn sahen ersauffen.⁵⁹ Wenn man aber achtung
haben woͤldt auff nachergangen geschicht/ würt man
finden/ das gleich das selbig volck/ jetzt gemelt/ weder
got/ noch Mosi geglaubet hat. Da durch deuttlich ist
gesagt/ das ein mittel glaub ist/ der zeiten eyn unglaub
oder glaub genent ist. Denn man lieset/ das got seynem
fehlt volck kein verstendigs hertz geben hat/ biß in die wüst
Deut. 29.^hnus Moab/ auch weder augen die recht sahen/ noch o-
hren die wol hoͤreten.⁶⁰ Das dann nicht ein kurtze zeit war/
von der zeit/ als sie durchs rodt moͤr giengen/ da durch
beweist würt/ das gottes volck keinen hertzlichen glau-
ben/ ja da zů keinen glauben gehabt/ und das ir glaub ein
unglaub war. Dem nach haben sie got nicht glaubet/
sondern seind stets eines harten hertzens⁶¹ blieben. Das
Exo. 16. et .17.sie auch Mosi nicht glaubten/ kan meniglicher⁶² auß den
geschichten verstehen/ die geschehen seind in der wüst-
nüs zů Raphidim/ da sie wider got unnd Mosen můr-
reten/ Da auch der gantz hauff wider got redetenn in
der wüsten Sin genant.⁶³ Ich geschwig der historien von
Nu. 16Corah/ Dathan und Abiron/ und von iren anhenge-
ren.⁶⁴ Nů sind sie glaubig gewest (mit dem rechten glau-
ben) so frag ich/ Warumb spricht die schrifft am ande-
ren ende/ das sie kein verstendiges hertz gehabt haben.
Seitenmal der recht glaub dem hertzen einen warhaf-
tigen verstandt der gerechten reden gottes mit brengt.⁶⁵
Ioan. 12.Als auch der wurtzellose glaub/ einen unrechten glau-
Matt. 13.ben/ grobe ohren/ und dunckele augen machet.⁶⁶

Wolt eyner sprechen/ Sie haben got oder Mosi in
einem artikel/ oder ein zeit lang/ und in allem bedreng-
knüs geglaubet. Aber in neuen artikeln/ und angsten/
und anderer zeit haben sie einen unglaubenⁱ gehabt/ dar-
auff rede ich also/ Haben die Juden eynen rechten glau-
ben in alten geschichten gehabt/ so habenn sie auch eyn
verstendigs hertz/ ohren die hoͤren/ und augen die sehen/
Ioan. 12.gehabt. Denn das alles brengt der glaub mit.⁶⁷ Nů aber
die weill die schrifft spricht/ das in⁶⁸ got die selbe zeyt kein
verstendiges hertz etc.^j gab⁶⁹/ würt on widerrede folgen/
das gottes volck die selben zeit keinen rechten wurtzel-
reichen/ oder hertzlichen glauben hett gehabt.

fehltDer mittelglaub machet nit selig unnd lei-
tet auch nit zů gottes reich/ als der recht klein glaub.

Matt. 18Der recht klein glaub/ machet nicht selig/ ehe er un-
ser hertz in die aller kleinste kleinheit/ und tieffste nider-
keit füret/ unnd uns als ein klein kindlein machet.⁷⁰ Aber
dennest wil got den kleynenn glauben nicht verlassen/
noch von dem himel stossen/ so wenig Christus irgent
eynen kleynen glauben verlassenn hat. Drumb ist der
klein gerecht gelaub weit über den mittel glauben. Denn
der recht klein glaub ist ein füncklin des grossen feuri-
gen glaubens/ und seiner natur. Aber der mittelglaub
ist von jugent auff mit seiner größ und klein dem rechten
glauben ungeleich. Můß auch abfallen und weichen/
wenn der recht glaub einfelt. Wie aber der mittel unge-
laub nit verthümbt/ also auch kan der mittel gelaub nit
selig machen. Es ist ein ding/ ein mittel glaub/ ein mit-
tel unglaub/ nach der seligkeit zů reden/ wie wol vil un-
derschieds drunter ist. Es ist nicht müglich/ das einer in
dem mittel glauben selig werd. Es ist aber widerumb
auch war/ das keiner in diesem unglauben verthümbt
wirt/ denn diser glaub und unglaub sehen den kern götli-
cher gerechtigkeit nicht an im grund/ sondern in der
1. Pet. 4 et. 5.⁷¹schelven⁷² oder rinden⁷³/ drumb kan sie got nit verthümen.
Seitenmal er seine warheit und gerechtigkeit den todten
1. Pet. 4verkündigen lasset/ das er sie richten müge/ mit klarer
und offenbarer warheyt.⁷⁴ Got würt nyemants one er-
kantnüs seyner herligkeit/ urteylen. Durch sein gepre-
digts wort/ würt got die lebendigen und todten richten⁷⁵/ und
Ioan. 12^k76ein iglicher würt das für⁷⁷ augen haben/ das inen richten
sol⁷⁸/ nemlich die rede/ welche der richter/ der lebendigen und
todten/ geredt hat/ und noch taͤglich zů allen redet/ in den
grebern⁷⁹/ in der stat der selen/ und auff erden〈.〉/ die selbe rede
würt iglichen richten am letsten tag⁸⁰ wann kein unwissen-
heit oder ander behelf wort⁸¹ moͤgen fürgwent^l werden⁸²/ da selbst^m in
fehlt antreffen der gnůg erkanten warheit/ wenn sie alle er
kant haben/ wirt got urteilen und richten.

Alles erkantnüs das der mensch mitteler zeit hat/ ehe
er die warheit im grund ansehen unnd verstehen kan/
das ist so voller blindtheit/ das kein bleibende sünd ha-
ben kan/ auch keyne sünd zum tod wirckenn/ auch dem
Ioan. 9.⁸³heiligen geist nicht wissentlich widersprechen kan. Dar-
1. Ioan. ult.⁸⁴umb kan es nicht verthümen/ und ist der barmhertzig-
keit gottes empfenglich/ darumb das unwissend ist/ und
nit auß wissenheit und mit fürsatz sündiget. Also emp-
fieng Paulus barmhertzigkeit/ drumb das er auß dem
unwissenden unglauben sündiget.⁸⁵

Denn die mittel zeit und wesen/ ist ein zeit und wesen
der verwunderung und bewegligkeit/ in welcher das
schiff hin und her/ die sele auff und nider feret/ kumpt
aber nicht ehe ans ende/ oder in der eussersten gegensetzen
einen/ ehe es an den erkandtenn eckstein drifft/ welcher
1. Pet. 2.den verthümpten zům anstoß/ und fal und verlust/ aber
Luce .20.den außerweltenn zum felß unnd lebenn/ ligt⁸⁶/ an der
ecken/ zů scheiden die zů der lincken und die zů der rechten
handt/ gehn.⁸⁷

Die menschen so bewegt werden/ seynd mancherley〈.〉/
Etliche seind subtilⁿ und weniger grobheiten/ dise wer-
den liderlicher⁸⁸ bewegt/ und durch verwunderung und
bewegnüssen in kürtzerer zeit bereit unnd gescherpfft/
das ire augen sehen/ und ire ohren hoͤren/ unnd ir hertz
verstehn kan/ und treffen mit der erkandten gerechtig-
keit an/ unnd fallen auff ein seiten/ entweder zů der ge-
rechtigkeit/ oder von der gerechtigkeit/ zům gůten oder
boͤsen. Jedoch halt ichs/ das man unther viel tausent
nit einen find/ der nit lang im mittelwesen stehe/ son-
dern schnell ins end der warheit komm.

Etliche aber sein grobe und dicke menschen/ haben
auch dicke ohren zů hoͤren/ und beschwerte augen zů sehen.
fehltDrumb müssen sie viel und mancherley bewegnus er-
leiden/ ehe sie irer grobheit und eigenschafft ledig wer-
den. Es gehoͤrt auch eigentlich viel zeyt/ grosse mühe/
und seltzame beweglickeit dazů/ das sich ire grobhey-
ten abschelen/ und ire ohren unnd augen geschickt wer-
denn zů des geistes werck. Man můß in eygentlich vil
wunderthaten fürschaffen/ da durch sie ein schwind⁸⁹ ver-
wundernüs/ und ernstliche begerung schoͤpfen/ den grund
goͤtlicher gerechtickeit und warheit zů sehen. So wirt
auch eyner den eussersten gegensetzen fern oder nahe/
dar nach er bald oder langsam mit der warheit im grund
trifft. der vil verstopfungen und heude⁹⁰ in seinem herzten hat/
den můß got durch vil wunder anblasen/ und bewegen/
ehe er gnůgsam bewegt wirt/ und sich auffthůt als eyn
erdtrich nach einem regen⁹¹/ oder biß er verwundt wirt〈.〉/
Dar tzwischen aber verlaufft vil zeit. Es ist auch alles
dis erkantnüs/ ein gelaub der nit seliget/ wie gesagt ist.⁹²

Einer wirt herter bewegt denn der ander.

Einer wirt auch tieffer gefürt denn der ander/ etli-
che kommen in solche angst und nodt als weren sie von
got abgeschnidten/ und wisten/ das got irer vergessen.
Die verlieren got/ und seind vast fern von dem rechten
glauben/ so fern/ das sie sich den ihenen gleich schatzen
die in der tieffen helle/ und schadten des tods ligen/ dye
got noch verstehn/ noch bekennen/ noch anrüffen kün-
den. Das ist warlich ein herte versůchung des glaubens.
Es ist aber nicht müglich/ das sie in der selben zeit den
rechtenn unglauben fülenn/ als wenig sie der warheit
feind sein mögen. Aber das bitter leiden/ und die unver-
traͤgliche verliesung⁹³ des rechten glaubens/ ist/ als wers
rechter unglaub. Denn der also geaͤngstet wirt/ der fület das
leiden der helle/ und den bittern jamer der eusersten finster-
nus/ in dem/ das er got nit gegenwertig bei sich hat/ und
fehlt duncket in⁹⁴/ er sey von got gantz verlassen/ als die ver-
thümpten von iren lustbarlichen dingen〈.〉/ wie schwer
aber unnd schmertzlich das hellisch leyden ist/ so ist es
dannest dem verthümpten unglauben nicht gleych/
auch nit seiner art/ denn der will ist gůt/ unnd bege-
ret/ unnd schreyhet zů gott/ unnd würdt auch endt-
lich geweret.

Ein yeglicher würt nach seinem pfund⁹⁵ uffs hoͤchst
unnd hertest bewegt werden/ ehe er bereyt würt/ das
werck der seligkeyt zü leiden/ das ist gesagt von der be-
weglickeyt.

Welche ding bewegen.

Der beweglichen dingen seind vil und schier unzelich.
Es ist der ungeschaffen/ und geschaffen windt. Der
ungeschaffen windt ist gottes geyst/ welcher uff den
Gen. 1.wassern schwebet/ der bloͤset in die geschaffne wasser/
so die erden umbringeln⁹⁶/ und machet das sie sich so hoch
uffheben/ das der sele grund bloß/ und die gerechtigkeit
aller umbstendigen parabolen ledig würt.⁹⁷Der geyst
Ezech. 11 et .16.spaltet den steynerin geyst/ und das hert hertz/ und gibt
eynen neuen geist und neu hertz allen den ihenen/ die sich
durch ir bewegnüß nach gottes gerechtigkeyt senen.⁹⁸

Auch bewegen die grosse wunderthaten gottes/ wenn
sie betracht werden/ den der mensch bekommert unnd
verwundert sich/ was sie bedeüten/ unnd kümpt dar-
nach offt inß licht und glauben. Es moͤcht einer wol
ein gůt büchlin schreiben von der entzückung⁹⁹ des ge-
müts/ welche neu unerfaren ding machen.

Durch anfechten bewegt got auch.¹⁰⁰ Denn anfechtung
Levi. penult.¹⁰¹gibt verstand/ es offnet das hertz/ und verzeret die umm-
stendigen grobheyten/ unnd schneidt ab die unscham-
Deu. 8.¹⁰²hafftige blindtheyt. Auch gibt got den angefochten ein
Heb. 12.¹⁰³heyligkeit ein/ die er inen¹⁰⁴ sonst nit geben kont.

fehlt

Schwinde¹⁰⁵ gedancken treiben die wasser auch von ein-
ander/ und sperren die krefften auff/ und nemen den nebel
von augen/ und das creatürisch gethön von den ohren.

Nicht umb sonst ist gottes wort mancherley dingen
Hier. 23.vergleicht/ die alle den menschen bewegen/ den sie an-
Hebr. 4.rüren. Es ist ein feur¹⁰⁶/ ein geruch¹⁰⁷/ ein weitz¹⁰⁸/ ein wasser¹⁰⁹/
1. Cor. 14ein hamer¹¹⁰/ ein bürd oder last¹¹¹/ und ein scharpff zweysch-
neidigs schwert¹¹² genent. Es offenbaret die gedancken/
des/ der es hoͤret/ und rüret das hertz an/ das sichs ent-
settzet/ unnd würfft manichen auff sein angesicht. Das
thůt gottes wort in einem mehr/ und ehr dann im anderen/
als auch ein schwert ehe durch weich fleisch schneydet
und dringet/ dann durch hert gebein. Nicht dester min-
der schirmet das klar schwert/ so lang biß recht angese-
hen würt/ und schneit so lang/ biß grüntlich gefult wirt.
Wer dan fest ist/ und erleit die scherpff goͤtlicher gerech-
tigkeit/ und nimbt sie an/ der besteht. Der sie aber durch-
hin lest wüschenn¹¹³/ der hat keinen gewinn. Der sich mit
der scharpffe gerechtigkeit vereint/ der würt glaubig
unnd selig. Der aber bey seiner angeschaffen weißheit
verharlich bleibt/ der würt recht unglaubig unnd ver-
thumbt. Aber in mitler zeit/ ehe der glantz des schwerts/
Tauff im geist.und die scherpff goͤtlicher gerechtickeit würt erkant/
steht der mensch in bewegnüssen/ und schlechtem tauff
Actu. 2. et. 11.¹¹⁴des wasserß/ biß er entweders im geist getaufft wirt/ oder
von erkanter warheit abfellet.¹¹⁵

Einikeit und untherscheit tzwischen
glauben und unglauben.

Nů ferner von den eusersten gegensetzen zů reden/
soltu mercken/ das allein annemligkeit¹¹⁶ zwischen glauben
unnd unglauben scheidt (ich rede von der außgestrack-
ten annemligkeit/ wie du hoͤren wirdest) denn alles der
recht glaub/ myt ernstem unnd außgestracktem lust/
fehlt und willen annimbt/ gleich das selb wil der unglaub ni
cht annemen/ sondern er nimbt etwas anders da für
an/ als lügen/ oder geschaffne weißheit/ oder eigen můt-
willen/ oder sein fürnemst eygenschafft/ unnd helt das
selbe für das beste/ und bleibt drauff stehen. So offt sie
aber ein gegenwůrff antreffen/ es sey liecht oder finster-
nus/ warheit oder lugen/ alles das der recht glaub/ mit
gestracktem lust annimbt/ das selb scheubet der unglaub
mit gestracktem unlust vonn sich. Das edel berlin¹¹⁷
welches der glaubig/ findt/ versteht/ annimbt/ unnd da-
für alle seine güter gibt/ stoͤsset der unglaubig in kott/
und fasset ein unnütz ding dafür.¹¹⁸ Wo der se-
ligbare glaub in ernster annemligkeit¹¹⁹ ist/ dar wider
stehet der verthümbte unnglaub in ernster hinwerff-
ligkeit.¹²⁰

Wo her der Glaub entspreusset.

Den ursprung sall man aller werck gottes erfarenn
und leren/ dann vil dran gelegen ist. Der glaub hat sey-
nen namen vonn der warheit/ unnd steht offt ein wort
fürß ander geschrieben. Denn da das wort warheit ste-
het/ haben andere gleiche oͤrtter das wort glaub/ unnd
widerumm. Auch ist ein glaubiger ein warhafftiger/ und
Psal. 11.widerumm. Wenn der geist spricht/ Die warheit nimbt ab
unther den soͤnen Adams/ ist es gleich so vil geredt als
das/ der glaub nimbt ab etc.¹²¹ Auch haben beide woͤrter/ nem-
lich/ warheit und glaub/ ein hebreisch wort Amen genant.¹²²
Darumb ist es des glauben eigentschafft unnd ange-
wachsen/ der warheit anhengig sein.

Widerumb můß folgen/ das der unglaub seinen^o na-
men von lügen hab/ unnd ein unglaubiger ein lügener
sey/ und alles verkere/ unnd alle warheyt lügenhafftig
achte die im¹²³ für kumpt.

Wo eyn wort stehet/ daselbst mag das ander stehen/
fehlt als wo das wort unglauben/ oder unglaubig steht/ da
selbst moͤgt füglich stehn das wort lügen/ oder lügenhaftig.

Darumb hasset gott den unglaub so hoch/ als hoch
er lieb hat den glauben. Unnd als sere gott dem hern/
die warheit gefelt/ so sere verdrüsset¹²⁴ in¹²⁵ die lügen/ derhal-
Psal. 4.ben spricht David. O ir soͤne Adams wie lang liebet ir
üppigkeyt und sůchet lügen.¹²⁶

Deßgleichen auch stellen sich glaub unnd unglaub
in widerspenstiger weyse gegen gott/ denn der glaub
Ioan. 4.lobet gott als eynen getreuen und warhafftigen got.¹²⁷
Dargegen aber spricht der unglaub/ gott ist lügenhaff-
Num. 14.tig. Und schneydet unserm gott seyn eere abe.¹²⁸

Gegen unß auch seynd die werck des glaubens und
Osee. 4.5.¹²⁹unglaubens auch wider eynander/ denn der glaub ma-
1. Ioan. 8.¹³⁰chet unser hertz gerecht/ frey/ gůt/ heylig/ und goͤtlich/
Ioan. 17.¹³¹seiner ursach halben/ nemlich der warheyt halben/ welche
unser hertz auch gerecht/ frey/ gůt und goͤtlich macht.¹³²

Also widerumb der unglaub machet der unglaubi-
gen hertz verkert und ungerecht/ gefangen und boß-
hafftig/ unheilig und teüfelisch/ seiner ursach halben/
welche die lügen ist.

Osee. 2.¹³³Setze den glauben zů der warheyt/ und sprich/ wie
unß gott durch seinen glauben verheyrattet mit sich/
also eelichet uns gott durch seine warheyt.

Pro. 30.¹³⁴Widerumb wie der unglaub^p von got treybet/ also auch
Psal. 11.die lügen/ das wir hohens bittens bedurffen/ das uns
got für lügen woͤl behüten.¹³⁵

Drumb ist eyn ursprung wider den andern/ als die
zwen außflüß wider einander seind. Wie gottes war-
hafftige gerechtickeyt wider lügen strebet/ also ficht
der glaub wider den unglauben/ ursprünglich/ endt-
lich und gegenwürfflich/ als berürt ist.

Das ist nit zů verachten/ das der recht warhafftig
glaub alle werck gottes annimbt/ und geht durch alle
fehlt werck mit seinem erkäntnüß/ als auch gottes war
heyt alle wege gottes in hatt.¹³⁶

Derhalben würt uns keyn krafft oder teyl der got-
heyt offenbar in unserm hertzen/ ohne goͤtliche war-
heyt unnd rechten glauben/ das ist ware/ wie wol sel-
tzam und schwere.

Widerumb nimbt der erstorben¹³⁷ und verthümbt un-
glaub alle wege des teüfels eyn/ als auch die lügen al-
le wercke unnd wege des teüfels durchgeht. Wie gott
allezeit mit warheyt kumpt/ also trollet der teüfel mit
lügen her/ unnd ist kein teüfelisch werck/ danck¹³⁸/ will
oder übung ohne lügen.

Ursprung des glaubens und
unglaubens.

Vil ist gelegen am ursprung beyder gegensetzen/ des
eüssersten unglaubens/ und warhafftigen glaubens/
darumb mercket.

Gott ist one teyl/ aber kein geschaffen kraft kan gotts urteil ohne teyl erkennen.¹³⁹Ich hab gesagt/ das der gerecht glaub uff ein son-
derliche krafft und teyl der gottheyt achtung/ und be-
girden hat/ die selbige krafft gottes heysset mit namen/
die warheit gottes/ das got warhafftig und treu ist.

Auß der selben krafft der gotheyt fleüsset der recht
glaub. Ursach. Der warhafftig glaub sihet uff goͤt-
lich warheit. Nů můß ye ein yeglichs^q werck gottes auß
dem ursprung außgehen und herkommen/ in welchem
das werck wider eingeht/ unnd hin kümpt. Demnach
Esa. 8.¹⁴⁰můß gott seinen glauben durch sein goͤtliche warheyt
Hie. 13.¹⁴¹in unser hertz schreiben oder eindrucken¹⁴²/ das verstehn
ich also. Wenn mich got wil glaubhafftig machen/
und seinen glauben in mein hungerichte unnd dürsti-
ge^r krefften¹⁴³ giessen. So geht got ab/ inn mein/ arm/ be-
gyrigs hertz/ mit seyner ungeschaffner unnd liechter
fehlt warheyt/ unnd offenbaret sich meinem hertzen/ das
Psal. 18.¹⁴⁴er ein warhafftiger unnd getreuer gott ist/ unnd ver-
sicheret meynen geyst/ das er eygentlich weiß/ das
gott warhafftig^s unnd getreu ist/ unnd das alle seyne
reden warhafftig/ unnd in sich selberts gerecht seind/
die gott redet.

Wenn sich got also in unserm hertzen außredt/ das
er warhafftig ist etc. so drucket gott ein werck inn unser
hertz/ durch seine ungeschaffne blicken/ und gottliches
Glaubeinleüchten¹⁴⁵/ das selb werck heysset der glaub/ welcher
ein liebreiches erkaͤntnüß gottes ist/ und die kunst got-
tes/ oder ein offenbarung gottes genent ist.

Math. 18.¹⁴⁶So lang aber obberürte offenbarung gottes reden
heysset/ oder das ungeschaffen einleüchten¹⁴⁷ genent ist/
und dem vatter zůgeteylt würt/ ist sie die übercreatü-
risch unnd liechte stymm gottes/ die nur in dem inwen-
Ioan. 1.digen grundt koset und leret. Als Joan. spricht. Es ist
ein licht und leben der menschen/ und leüchtet im finster-
nüß/ und finsternüß begreiffen es nicht.¹⁴⁸

Aber in den creaturischen geystern/ so gott hoͤren/
Ioan. 6.¹⁴⁹heysset diese offenbarung^t/ hoͤren oder lernen verstehn/
unnd gleich das werck ist die goͤttlich kunst oder leer/
so gott mit seinem lebendigem mund/ unnd gleichem
Esa. 8.¹⁵⁰außsprechen/ in die seele eindruckt.

Von dieser offenbarung saget Christus/ das gott
Math. 11.der vatter die hohe ding den nerrischen kindern offenba-
re/ welch er den hochweysen verbirgt.¹⁵¹ Dann bücher/
bustaben^u/ bapier/ und dinten/ vernunfft^v und weyßheit/
hindern und fürdern gar nichts/ es were denn das ein
mensch in hoher gelassenheyt schrifft lesen oder hoͤren
thet/ wie CorneliusPetrum hoͤret.¹⁵²

Auch müssen alle offenbarungen der ding/ so unß
gott offenbaret/ inn dieser weyse geschehen/ nemlich/
aller krefften der gottheyt/ aller personen/ Christi/
fehlt unnd aller schetzen Christi.

Ein soliche offenbarung der gotheyt/ und der teylen
oder krefften gottis/ ist der glaub/ von welchem Christus
spricht das er selig mach/ das ist ware/ wenn der glaub
den menschen in die kleynste nidrigkeyt bringt.

Wie die offenbarung geschicht.

Es ist etwas berürt/ von dieser offenbarung/ wie sie
geschicht in unser inwendigkeit/ den unerfarnen aber
zů gůt/ wil ich nicht haͤlen.¹⁵³ Das obgedachte offenba-
rung/ wenn sie ein werck ist in der seele gelassen/ gott/
und gottes warheyt erkennen machet/ und doch nicht
Ioan. 3.¹⁵⁴gott sehen machet. Demnach hoͤret einer gottes stimm/
und sihet doch nicht den unendtlichen gott. Diese offen-
barung ist ein werck in die seele geschrieben/ als ein fi-
gur eynes sigels in ein wachs gedruckt ist. Nů wie die
eingedruckte figur ein offenbarung ist des sigels/ der ein-
gedruckt hat/ und machet unß die form/ figur/ bildnüß
unnd schrifft des sigels kennen/ der eingedrucket hatt/
den wir doch nit sehen. Also auch versteht unser hertz/
durchs eingedruckt werck/ welches eyn offenbarung
gottis ist/ den gott/ das er warhafftig und getreu ist/
den er nicht sihet.

Wie auch der sigel seine form/ inß wachs durch seyn
figur außdrucket/ also auch drucket gott seynen glau-
ben auß/ in unser hertz/ durch seinen abgeenden straheln
seiner warheyt/ wie wol weder gott/ noch seyne goͤtli-
che warheyt gesehen würt von uns alhie.¹⁵⁵

Ein ander exempel nim von dem wind den man prau-
sen hoͤret und dannest nit sihet. Sein wehen und wir-
ckung entpfindt der mensch eygentlich. Er weiß für
war und gewiß/ das in¹⁵⁶ der windt anblaset/ unnd kan
in¹⁵⁷ nit sehen. Wenn auch der mensch vom windt umbge-
worffen würd/ dannest koͤnt er den windt nit sehen/ auß
fehlt dem werck des windß verstünd er wol/ wo her der wind
wehet/ und nicht durchs gesicht.

Also auch ist gottes stymm dem wind vergleichet/
Ioan. 3.¹⁵⁸denn wenn gott koset¹⁵⁹ oder mit der seelen redet/ so hoͤret
das hertz gottes stymm/ und sihet den gott nit der redet.
Der mensch entpfindt eygentlich das zůsprechen got-
tes/ er weiß auch für war das er etwas lernet/ aber in
dem ist etwan grosser zweyfel/ das er nit weiß wer le-
ret. Wenn aber der ungeschaffen windt¹⁶⁰/ des menschen
alt leben umbsturtzet/ und gepieret eynen neuen men-
schen/ so versteht der neu geborn mensch/ das seyn ge-
burt von oben herraber kumpt/ und mercket also/ wer
der geist ist/ und wo her der geyst feret/ er kan aber den geyst
nit sehen/ auch nit durchs gesicht erkennen/ als durchs
gehoͤre.¹⁶¹ So geets mit aller offenbarung des vatters/
er offenbart sich/ oder seynen son Jesum von Nazareth/
oder unsere gedancken/ unnd boßheit/ oder etwas an-
derß/ unnd die offenbarung heysset der glaub/ der an
den offenbarer bindtet/ und anleymet. Es hat aber
dieser glaub vil namen von den sünderlichen wercken/
da durch er geht/ als berurt ist. Jetzt heysset er weiß-
heyt/ yetzt sterck/ yetzt heyligkeyt/ yetzt gerechtigkeit/
unnd der gleichen.

Wie wol der glaub nach den teylen zů reden/ stets in
seynen ursprung wider einfelt/ auß welchem er ist auß-
gefallen. Jedoch bekennet er ewiglich gottes herlig-
keyt/ in allen teylen/ als der glaub goͤtlicher warheyt/
keret einen in goͤtliche warheyt. Weyl aber gottes war-
heyt gott selber ist¹⁶²/ so offenbaret er gottes warheyt zů
sampt die gotheyt selber/ durch gehoͤr und oren/ und nit
durch die augen und gesichte/ biß das hertz volle lautter-
keit hat/ darnach můß die verheissung ir volkommenheyt
erlangen/ die Christus dem reynen hertzen verheysset.¹⁶³

Also haben alle rechtglaubigen gott in seyner got-
fehltheyt/ gottes stymm/ gottes verheyssung erkant/ und vor
allem gewist/ das got warhafftig und getreu. Alß Abra-
ham und die andere rechtglaubige. Denn wo Abraham
gottes lebendige stym/ gottes zůsag/ und warheyt nit
inwendig mit ohren der selen gehoͤrt unnd verstanden/
Gen. 5.¹⁶⁴het/ Abraham den got der in den hohen und niderigen
taͤlern alle ding erfüllet/ nichts^w geglaubet. Der geyst
aber spricht/ das got den Abraham glaubig machet/
oder das ein ding ist/ Gott machet den Abraham war-
hafftig/ vernim durch offenbarung unnd erkaͤntnüß
goͤttlicher warheyt und getreue.¹⁶⁵

Hett Abraham die eüsserliche rede unnd zůsagung/
one das innerlich zůsprechen unnd verheyssen gottes/
angenomen/ were es im¹⁶⁶ unmüglich gewest/ eyn frid
mit got zů haben. Er were eynes verstürtzten gemüts
gewesen/ voller zweyfels/ gleißnerey/ und glantzes.

Ioan. 14.¹⁶⁷Denn es ist ye gantz unmüglich das einer gottes
freund oder sone werd/ ohne die inwendige und heim-
liche offenbarung gottes/ als wenig auch das gesche-
hen mag/ das einer gottes eüsserlich wort annemen^x/ und
für ein wort des preütgamß/ der froͤlickeyt/ des trostes
und außgestreckten lustes halt¹⁶⁸/ wenn sich got nit zůvor/
oder gleich im eüsserlichen gehoͤr mit seinem hellen und
lichten abgehenden stral offenbaret¹⁶⁹/ so vil das er hoͤren
kan/ wer gott ist/ was er ist/ was er will/ alles nach
den teylen.

Gottes lieb/ lauffet mit goͤtlicher warheyt/ durch
alle werck/ so gottes lebendige stymm/ inß hertz setzet.
Drumb ist es auch unmüglich/ das ein rechter glaub
ohne lieb sey.¹⁷⁰ Als wenig gottes lieb/ one goͤtliche war-
heyt unnd glauben sein mag. Derwegen ist der glaub
Constituit eum super omnia.¹⁷¹voller lieb/ lustes/ voller freuden und wonn/ unnd hebet
den glaubigen auff/ über alle creatürische ding/ so offt
er ein gerecht urteil goͤtlicher gerechtigkeit hoͤret sin-
fehltgen oder sagen/ und geht durch alle ding in das reich/
da got innen^y herschet.

Nů ist von dem glauben gesagt/ wo her er fleüsset/
was sein grund unnd ursprung/ wie er den menschen
zů gott unnd gegen sich bereyt/ unnd verstehen macht/
warine auch der glaub/ lieb/ lust/ unnd wonn hab/ und
welcher massen er sich im liecht¹⁷² belüsten thů.

Ursprung des unglaubens.

Jetzt müssen wir von dem ursprung des unglaubens
ein rede haben. Drumb ist zů mercken/ das der unglaub
von der lügen/ unnd von eynem lügner herkompt/
als der glaub von der warheit außfleüsset¹⁷³/ denn es můß
ye ein ursach wider die andern seyn/ als ein außfluß wi-
der den andern ist. Nů die weil der unglaub ein-
keret zů der lügen und üppigkeyt/ finsternüß und boß-
heyt/ můß von noͤten folgen/ das die lügen ein ursprung
ist des unglaubens/ unnd der von art unnd auß seiner
eygenschafft ein lügner ist/ von dem der unglaub ur-
Ioan. 8.sprünglich ist herkommen. Derselb ist der teüfel/ wel-
cher ein vatter ist der lügen¹⁷⁴/ unnd wie er ein vatter ist
der lügen/ also ist er ein anfenglicher geperer und va-
ter des unglaubens. Auch wie der teüfel ein lügner
auß seiner eygenschafft/ unnd lügen von seynen kreff-
ten reden thůt/ also ist er ein unglaubiger auß seynem
eygenthumb/ und wircket werck des unglaubens auch
auß eygner art.

Der teüfel sahe sich an/ und seyne hohe creatürische
krefften/ welche im¹⁷⁵ got mit schůff/ unnd wolt sie nit er-
strecken noch uffheben zů begeren Gottes geystliche
werck/ ferner zů leyden/ sonder hielts dafür/ das im¹⁷⁶ sei-
ne krefften genügsam weren zů erlangen die seligkeit/
unnd erwelet also sein creaturisch natur mehr dann Gott
fehlt unnd setzet finsternüß für das liecht/ in welchem kein
finsternüß war/ und fing an lügen zů reden/ und fasset
seine lügen/ und verließ die warheyt und gerechtigkeyt/
und gepare in sich den unglauben/ als er der offenbaren
gerechtigkeyt widersprach/ unnd mocht darnach nit
mehr glaubig und selig werden.¹⁷⁷ Als wenig er begeren
kan gottes warheyt anzůnemen/ so wenig vermocht
der teüfel begeren den glauben zůhaben. Er ist einß ver-
kerten urteyls unnd willens/ drumb kan gott nichts in
im¹⁷⁸ wircken. Der teüfel verknupft sein vernunft^z mit fin-
sternüß/ und liebet finsternüß/ der wegen kan das licht
keyn werck im teüfel wircken/ er hatt auch weder lieb
noch lust zů dem liecht.¹⁷⁹

So ist es mit den unglaubigen sünen des teüfels/ sie
seind mit gedancken/ willen/ unnd begirden/ auß irem
vatter dem teüfel/ dencken/ wollen und begeren alß der
teüfel/ und haben lieb und lust/ oder leyd und grauhen
in dem/ das ir vatter liebet und hasset/ und wircken werck
des teüfelß/ und woͤllen nach ires vatters willen thůn.
Ioan. 8.¹⁸⁰Stehen auch nit in der warheyt/ wie auch ihr vatter
nit in der warheit stehn bleib/ darumb das sie nit die war-
heit in inen¹⁸¹ bleibende haben/ sondern lassen sie durchs
hertz fliessen¹⁸²/ als auch der teüfel die warheyt nit hielt/
sonder außwarff/ und wollen ire natürlichen krefften/
weyl sie gůtt und wol von gott geschaffen/ über alle ding
setzen/ got gleich werden/ und genügd dran haben/ und
verstossen also das hoͤchst gůt/ gottes warheyt und ge-
rechtigkeyt/ und werden unglaubig/ und bleyben ewig-
lich unglaubig/ als sie einen ewigen unlust und grau-
hen haben zů goͤtlicher gerechtigkeyt/ und lust und an-
nemligkeyt¹⁸³ zů irer geschaffen natur/ die eyn licht ist
voller finsternüß/ oder eytel finsternüß zů schatzen ist/
wenn mann sie gegen gottes gerechtigkeyt gesetzt.

fehlt Der nit glaubt/ der ist verthumpt.

Dieser unglaub versteht die klare warheit offenbar-
lich¹⁸⁴/ und tregt einen gründtlichen grauhen/ zů der war-
heit/ das ist/ so groß/ hoch/ breyd/ unnd lang die seele ist
von dem gantzen hauffen und krefften/ grauhet ir vor
der warheyt/ darumb bleybet der widerspruch unnd
grauhen ewiglich/ unnd nimpt kein barmhertzigkeyt
an. Derhalben spricht Christus. Der nit glaubt der ist
bereyt gericht¹⁸⁵/ er ist dem teüfel gleich/ verstockt unnd
verhert als der teüfel/ wie wol er nit so vil verstockun-
gen hatt/ als der teüfel. Jedoch erkent er etliche war-
heyten so klar/ als gefaste lügen/ unnd verachtet unnd
hasset die klare erkante warheit/ drumm das sie warheit
ist/ und hasset sie ewiglich one reu und leyd/ dann war-
heyt/ bleibt ewiglich warheyt.

Solichen unglaubigen geystern hat got eynen eyd
geschworn/ das ir keyner in sein goͤttlich reich kommen
sol¹⁸⁶/ der ursach halben/ das sie fraͤvelich der erkante war-
heyt widerbellen/ und verleücken das sie mussen beken-
nen/ und uneeren den/ dem sie sich neygen müssen.

Sie sprechen auch/ das sie nit blindt seyn/ darumb
bleibet ire sünd/ und derwegen sollen sie dem ewigen tod
zůgeteylt werden.¹⁸⁷ Und es ist ware/ das sie die warheit/
got/ und Christum verstehn/ und dannest auß hoffart/ sich
dargegensetzen/ und ist inen¹⁸⁸ die erkante warheyt wider/
bitterer und herber/ dan gall/ oder essig/ oder wermůt.

Glaub und unglaub treffen uber-
eyn in eynem stück.

Weil aber die eüsserste unglaubige geister/ got/ goͤt-
liche ware reden und Christum erkennen werden/ oder
erkant haben/ des gottes geist an vil enden gezeügknüß
gibt/ das die gotlosen gott den hern und gottes sterck und
gottes gerechtigkeyt verstehn und bekennen werden/ so
fehlt steht das/ daß der unglaub ein erkaͤntnüß ist der goͤtli
chen gerechtigkeyt/ als auch der glaub ist/ und des teüfels
erkaͤntnüß/ mag ein glaub genent werden (fern von dem
Iacob .1.¹⁸⁹rechten glauben zů reden) in der weiß ists auch ware/
das die teüfeln auch glauben/ und zittern vor gottes gere-
chtigkeyt/ als ein dieb vor dem gerechten spruch wider
den diebstal verfleüsset.¹⁹⁰ Aber es ist unmoͤglich/ das der
teüfelisch glaub ein rechter glaub sey. Wie wols ware
ist/ das der teüfelisch verstand der warheyt/ ein soliches
schwindes/ starckes und gewaltig erkaͤntnüß gottis ist/
und goͤtlicher gerechtigkeit/ und goͤtlicher sterck oder
macht/ das es aller teüfeln krefften bezwingt/ aͤngstiget
und treibt/ das sie sich vor gottes gerechtigkeit/ und vor
Jesu von Nazareth krümmen und ire knie biegen müssen¹⁹¹/
und got die eere mit verdrieß und widerwillen/ mit zeen
knirschen¹⁹² und murren/ geben müssen/ welche die ausser-
welte/ gott irem hern mit lobsang/ gůtwilligkeyt und
hertzen geben.¹⁹³ Also bezwingt sie die warheyt/ die sie
Num. 22.hassen und widersprechen. Als der geyst Balaam den
son Beor bezwang¹⁹⁴/ unnd Christus die teüfeln/ das sie
sein reich unnd macht bekennen můsten/ als Balaam
gottes volck gebenedeyhen můst.¹⁹⁵ Villeicht moͤcht das
aͤngstlich erkaͤntnüß der warheyt in den teüfeln unnd
verthümpten/ das eyngebrandt molzeichen sein etc.¹⁹⁶

Damit ists uffs wenigst gesagt/ was der unglaub
ist/ nemlich ein widerbellender verstandt gottes/ Chri-
sti/ und der waren reden gottes/ und wo her er kumpt/
was er wircket/ und das er keiner barmhertzigkeyt be-
greifflich ist/ sonder starret und ewig todt ist.

Von dem glauben.

Uff der andern seyten/ erlanget der glaub die selig-
keit/ und das ewig leben/ und hat das ewig leben schon/
fehlt wenn er verhanden.¹⁹⁷ Darumb kan in¹⁹⁸ got nit verthümen/
Ioan. 1.¹⁹⁹als Chrstus sprichet/ Got hat seinen son geben/ uff das^aa
die alle nit verderben/ die an in²⁰⁰ glauben/ sondern das
Ioan. 17.ewig leben haben/ wer an in²⁰¹ glaubet der würdt nit ge-
richt.²⁰² Ursach. Das erkaͤntnüß gottes unnd Christi
ist selbert das ewig leben²⁰³/ denn es kan nit gewirckt wer-
Math. 10.²⁰⁴den in unser seele/ es sey dann das sich gott mit der see-
le zůvoran vereyn/ der das leben ist/ wo sich nun^ab das goͤt-
lich leben eyn mal mit einem vereindt/ so bleybets stets/
als auch Christus ewiglich bleibet/ und den geyst gibt/
der auch ewiglich bleybet/ das ist die ursach/ das der
recht glaub/ das ewig leben hat/ unnd nit laͤsset ster-
ben/ sondern füret durch unsern leyblichen todt/ zů dem
geystlichen leben eines hohern wesens unnd gradts.

Das aber der glaub das ewig leben hatt/ unnd nit
lasset verderben/ ist das die ursach/ das er Christum
erkent/ der das warhafftig licht ist/ und der recht glaub
(anß liechte²⁰⁵) soͤne des lichtes macht²⁰⁶/ das můß seyn/
und kan nit anderß sein/ den das der recht glaub/ das
liecht/ mit lieb/ lust und freyden annemen můß/ daher
die widergeburdt kompt.²⁰⁷

Das aber geschicht in der weyse/ got der vatter of-
fenbaret sich dem gotfürchtigen menschen/ durch sein vaͤt-
terlich/ oder geperende krafft/ das er eynen son gepe-
ren kan/ unnd geboren hatt〈.〉/ das erkaͤntnüß wircket in
seynem hertzen/ unnd erstrecket es/ das Christum sey-
nen eyngeborn son/ anzeyg unnd weyse/ das der selbe
Christus Jesus sein son sey von ewigkeyt/ also zeüget^ac er
unsere krefften unnd gründ der selen an Christum/ der
das recht liecht/ und ein abgehender strahel gottes ist/
unnd die art hat/ das er alle hertze^ad/ uff welchen er haff-
ten unnd stehen kan (daß ist die in²⁰⁸ annemen) die hebet
der strahel der ungeschaffen son/ durch seynen wider-
glantz oder widerscheyn uff/ in erkaͤntnüß gottes seines
fehlt vatters/ und auch seiner/ und machet das unser hertz
verstehen kan/ wie Christus gottes son und warheit ist/
als Petrus Christum verstund²⁰⁹/ unnd das erkaͤntnüß
ist so hoch/ edel/ starck/ liebreich unnd voller lustes/ in
got und seinem son/ das kein macht von got und Chri-
sto reyssen kan/ drumb bleibts ewiglich.

Weyl auch Christus ein son gottes/ und ein ebenbild/
unnd abgeende lust seines vatters/ so ist es unmoͤglich
das einer an Christum glaub/ und glaub nit an Christi
vatter/ der gott ist/ darumb spricht Christus. Welcher
mich sihet/ der sihet meynen vatter.²¹⁰

Demnach glaubet der nit an Christum/ der den vat-
ter Christi nit versteht/ der Christum gesandt hat/ von
welchem Christus außging. Derhalben spricht er. Ir
kennet weder meynen vatter/ nach mich.²¹¹

Weil aber Christus ein got und unser gerechtigkeit ist/
und ein fülle aller verheyssung²¹²/ můß ein yeglicher^ae durch
den glauben in Christum/ Christus gerechtigkeit verstehn/
und im Christus gerechtigkeyt wünschen/ unnd also
durch den vatter/ und glauben Christi gerecht werden.
Die soliche gerechtigkeyt nit verstehn/ die seynd noch
im mittel. Die gottes züsag inn Christo nit wissen/ die
künden keyner ewigen zůsag glauben.

Es ist ein liecht²¹³/ das der mensch ansehen můß/ und
mit dem selben auffaren zů dem vatter/ das ist Christus.
Derhalben besteht der glaub an Christum unnd got/
unnd ohne Christum seliget er nit.

Anfenglich ist der glaub klein/ unnd nimbt taͤglich
zů im erkaͤntnüß Christi/ wenn er vil unnd hohe ding
versteht/ so ist er dester stercker unnd groͤsser unnd
verstendiger.

Wer das liecht ein mal gründtlich lieb gewinnet/ der
kan im²¹⁴ in ewigkeyt nit feind werden/ denn die aller hoͤch-
ste güte und warheyt des lichtes bleybet unverandert/
fehlt ewiglich/ gůt und warhaftig. Darumb sagt Christus/
Welcher an mich glaubet der würt nit verloren/ son-
der er hat das ewig leben.²¹⁵

Ursprung des unglaubens.

Der mensch sihet durch ein licht/ und das selb licht
das im²¹⁶ fürleüchtet/ ist sein auge/ das voller finsternüß/
und heysset finsternüß.²¹⁷ Nů aber ist des menschen licht
ein finsternüß/ wie finster můß der mensch sein/ dem das
finster liecht fürleüchtet/ unnd allerley ding offenbar
machet? Derhalben wenn der mensch bey seynen na-
türlichen krefften bleybt/ unnd nichts für gůt/ oder
als gerechtigkeyt und warheyt wil halten/ dann das er
durch seyn natürlich licht versteht. Můß von noͤten der
unglaub uffstehn/ der lyeb unnd lust zů dem finster-
nüß hatt/ und das recht licht das ohne finsternüß ist/
fleügt. Darumb gehn sie alle hin/ und kommen nit her-
wider/ die mit iren natürlichen krefften genügig seind/
und woͤllen nit dürre/ oder lehr stehn/ biß sie durch got-
tes geyst/ die warheyt gottes verstehn. Als die hochsin-
nige koͤpff thůn/ so den verstand der warheit/ auß eyg-
ner vernunfft^af/ fassen.²¹⁸ Jedoch fallen sie nit bald
inn den eüssersten verthümpten unglauben/ wenn
sie irem finstern licht nachfolgen/ und alles für recht
halten das sie dadurch verstehn. Neyn. Sie stehend
ein zeytlang/ eyner doch lenger denn der ander/ uff
dem mittel verstandt (welchen in²¹⁹ das finster liecht/
das ist ir eygen krafft/ geben hat) in bewegligkeyt/ und
wissen nitt waran sie seine.²²⁰ Das sie so lang leyden/
als die warheyt mit parabolen und vorhengken für-
schwebet.²²¹

Wenn aber die menschen gottes gerechtigkeyt offen-
barlich/ bloß und klar/ ansehen/ und woͤllen alsdenn²²²/
in iren natürlichen krefften endtliche gnügdte haben/
fehlt und nicht begeren von gottes geyst gelert zů werden/
sondern in irem natürlichen erkaͤntnüß verharren und
veralten. So ist es unmoͤglich/ das sie gottes gerech-
tigkeyt lieben moͤgen oder lust unnd froͤligkeyt drinn ha-
ben/ wenn sie halten gott für nicht/ unnd seyn war-
heyt für ein thorheyt/ unnd ungerechtigkeyt/ wie wol
sie keyn thorheyt noch ungerechtigkeyt in der warheit
moͤgen anzeygen/ als wenig Pilatus ursach fand in
Christo.²²³ Unnd also hassen sie (umb sonst) gott/ Chri-
stum/ gottes gerechtigkeyt/ unnd den heyligen geyst/
und alles das in²²⁴ gott lasset für scheynen/ es sey rede/
gerechtigkeyt oder werck/ so wider sprichet das finster
licht/ umb sonst/ unnd kan doch keyn ursach des haß
weysen.

Die außerwelten menschen seynd auch finster und
finsternüß/ und ire natürliche krefften/ vernunfft^ag und
weißheyt/ seind gleich so finster als der verthümpten/
ehe sie der geyst goͤtlicher forcht einwesseret.²²⁵ Darumb
seind sie in dem untherscheyd gesondert/ das die ver-
worffen menschen/ die offenbarung goͤttlicher gerech-
tigkeyt nit woͤllen annemen/ sondern bey irem eygen
verstandt/ und natürischer offenbarung bleyben woͤl-
len. Die ausserwelten aber/ nemen das ungeschaf-
fen licht²²⁶ ahn/ so sie seiner recht gewar werden/ unnd
gehn nit im finsternüß (als jhene) sonder sie verachten
unnd verlassen ire finsternüß/ das ist/ sie fliehen von
iren natürlichen krefften/ als von irer vernunfft^ah/ weiß-
heyt/ unnd von irem liecht in inen/ das die finsternüß^ai
selbert ist²²⁷/ unnd verstehn nichts von sich selbert/ reden
auch nit auß irem eygenthümplichem liecht/ sondern
sie sehend inn die warheyt/ das ist/ gottes warhaffti-
ge und gerechte urteyln. Sie woͤllen von dem ursprung
leren²²⁸/ der die warheyt selber ist/ unnd nit von irem fin-
stern liecht. Ir natürlich liecht schlagen sie als bald
fehlt zůrück/ als sie es versůcht haben. Es ist auch unmoͤ
glich/ das sie sich nit vor im²²⁹ bewaren/ wenn sie es ge-
schmeckt. Darumb werden sie in ewigkeyt nit unglau-
big/ von dem eüssersten und verthümplichen unglau-
ben zů reden/ der erkante finsternüß fürß liecht/ unnd
lügen für warheyt erwelet.

Aber das ist war/ das die ausserwelten auch narren/
und im mittel unseligen glauben/ oder unverthümli-
chem unglauben/ ein zeyt zů brengen/ ehe sie sich selbs/
oder ihr finster liecht recht erkennen. Als auch die ver-
thümpthe thůn/ unnd wie oben^aj verzelet ist.²³⁰

Wenn aber das liecht her leücht (das alle menschen
erleücht) beyde die erwelten unnd verthümpten/ und
sich offenbaret unnd sich verstehn macht/ unnd datzů
unsere krefften/ unnd das falsch unnd finster liecht in
uns abconterfeyt²³¹/ so kreüchts an tag/ das vor waß²³²
verborgen/ und werden die ausserwelten von den verker-
ten schnell geteylt. Denn die gottfoͤrchtigen nemen einen
ernsten grauhen unnd neyd²³³/ über ire krefften/ unnd
wider ^akire eygen liecht unnd über^ak ire seele. Und flühen
sich unnd ir finsternüß/ und alle werck der finsternüß/
alles auß der ursach/ daß sie sich des ungeschaffen liech-
tes erkündt haben/ unnd das selb mehr denn ir eygen
natürlich liecht lieben.²³⁴ Aber die got verachter lie-
ben sich unnd ir angeschaffens liecht/ und eygen kref-
ten/ unnd das finsternüß mehr danß liecht/ drumb wi-
dersprechen sie der offenbarung des geystes/ oder
dem liecht gottes/ das sie anleüchtet/ alles darumb/
das sie sprechen. Gott hatt uns ^alunnd alle^al unsere kreff-
ten wol und gůt/ und gerecht/ und nit vergaͤblich geschaf-
fen/ got hat mir einen freyen willen zů dem gůten und
boͤsen geben/ drumb kan ich das gůt/ unnd gerechtig-
keyt/ auß meynen krefften vorsehen/ und thůn. Wer seind
die geystprediger? welche prüfen den geyst gottes? wer
fehlt ist der/ der got hoͤret reden? Dise seind gleich die/ vonn
welchen der geist spricht/ Sie sagen/ last uns unsere zun-
Psal. 11.gen stercken/ und uns/ und unsere lippen vertheydigen/
wer ist unser herr?²³⁵ Zeige den an/ sagen sie/ den got ge-
lart hat? Was ist das liecht/ das uns leren wil? was mag
es uns offenbaren? Die dem erkanten liecht gottes so
hoͤnlich zůsprechen/ und verstossen/ unnd in irem eigen-
thumb sitzen/ die gehn im finsternüs/ und müssen das
gericht habenn/ welches Christus wider die liebhaber
der finsternüs/ als ein entlich urteil/ gesprochen hat/ der
sie zů dem ewigen feur weiset²³⁶/ unnd so fern von allenn
barmhertzigen geistern setzen würdt/ das zů inen keyn
barmhertzige creatur kommen kan²³⁷/ barmhertzigkeit zů
ertzeigen. Das ist auffs neu/ als ein zůsatz und leuterung
von dem todten unglauben/ und glauben gesagt/ den un-
erfaren zů verwunderunge/ unnd den erschrocken zů
trost/ den verkerten aber zů spot/ hoͤn/ und leid.

Was noch von noͤten ist/ würdt her-
nachmals in einem besundern
büchlin gesagt.