A1^v

Lieber^b brůder .N.² nach dem ir
von mir begeret/ euch von den teutschen
messen³ etwas zů schreiben/ sonderlich von
den neuen fünden und zůsetzen⁴ etc. byn
ich euch/ nitt allein in diser/ sondern an-
dern sachen zů dienen gůt willig. Dem
nach wil ich auff euern artikel⁵ kurtzlich antworten/ und
sag also zů dem ersten.

Daß man in unsern teutschen landen/ in den kirchen
uff teutsche zungen⁶ liset/ prediget und anders das Christus
gelert/ vernemlich machet/ ist von noͤten/ nicht allein re-
cht.⁷ Denn es sollen alle umbstehr^c8 drauß gebessert wer-
den/ und wissen/ ob man inen gottes wort verkündiget
oder nit/ das habet ir i. Corinth. xiiii.⁹Paulus hat di-
sen grundt^d auß Mose/ der saget/ wie etliche dye bene-
deyung über gottes knecht/ und etliche die verflůchung
gottes wider des teufels glydmassen¹⁰ lesen/ unnd alles
volck Amen dar zů sagen solt/ als¹¹ ir Deuterono. xxvii.¹²
und auß anderen oͤrtern Mosy¹³ vernemen kündt.

Das volck aber/ kündte nit amen zů des ampthalterß¹⁴
reden sagen/ wens den redener nit in bekanter zungen
hoͤret reden. Darumb ist es von noͤten/ das man dem volck
alle ding in der kirchen auff seine sprach fürlege.¹⁵ So sal¹⁶
iglicher sein gebet unnd alles beseits¹⁷ in der kirchenn
legen/ unnd allein hoͤren/ was man für gibt/¹⁸ unnd den
redner/ oder prediger also hoͤren/ als woͤll er in¹⁹ richten
oder urteilen. Derhalben spricht Paulus/ eyner oder
zween reden/ die andern erkennen²⁰ etc. i. Corinth. xiiii.²¹

Für das ander/ Sehen wir das etliche den alten ir-
thumb mit der teutschen zungen bestetten²² und befesti-
gen die armen unverstendige leuth in irem irthumb.
Denn sie bald sprechen/ Nů hab ich die meß recht gehoͤ-
ret/ wenn man inen teutsche lectionen für gelesen²³ hat. Das
thůnd die jhene so des hern abentmal mit worten oder
wercken und thaͤten ein opfer nennen.²⁴

fehlt

Unsere arme umbligende pfaffen/²⁵ besseren sich auff
soͤlche weise. Sie lesen dem unverstendigen volk die epi-
stel und evangelium teutsch für/ das in sich selbs unstraͤfflich²⁶
aber sagen gleich wol darneben/ das Christus ein opfer
sey in der heiligen meß.²⁷ Was aber dieselbe sag²⁸ für eyn
greuliche sünd sey/ kündt ir/ als ein Christ/ urteilen. Ich
hab es für meinen teil in einem büchlin von dem priester-
thůmb und opfer Christi entdeckt/²⁹ hoff auch ir werdet nit
gestatten/ das eur pfarrer unsern heiland Jesum Christum
hinfürt/ als³⁰ ein henker einen übelthaͤter/ handel.³¹ denn sein
Roma .1.missethat würd euch auch/ als einen bewilligern^e treffen.^f32

Etliche sagen und schreiben und predigen/ das Christus
kein opfer sei/ und füren nit dester minder das wort/ Meß
im mund/³³ und doͤrffen³⁴ des hern abentmal ein Meß nennen/
das dem^g gleich ist/ als wenn ich offentlich spraͤch/ Der .N.
ist ein frummer man/ er stilet niemands das sein/ und hieß
inen dannest³⁵ einen dieb oder rauber. Ursach/ diß wort Meß
ist nicht teutsch noch lateinisch/ sonder hebreisch/ und heiß
auf gůt^h teutsch/ ein frey willig opfer.³⁶ Wie wol es
nů den Christen ansteh/³⁷ das sie Christum in dem sacrament/
oder das sacrament/ in welchem Christus seyn sol/ eyn
Meß nennen/ geb ich euch zů erkennen/ weils doch so vil
ist gesagt/³⁸ Christus hat nit gnůgsam auff einmal gelit-
ten/ Christus ist noch sterblich/ Christus můß in der Meß
gemartert werden für unsere sünd.³⁹ Item/ Christus opfer
ist so gering gewest/ das es ein armer/ stinckender/ unrei-
ner/ půbbischer pfaff⁴⁰ opferen kan/ welches opfer doch
niemant opferen künd/ denn⁴¹ er selbert Christusⁱ der aller hoͤ-
hest und reinst priester. Sehet in der epistel zů den Hebreern
das iiii. v. viii. ix. und x. cap'itel'⁴² und leset sie in fleiß und betrachtung
so werdet ir wol vernemen/ wie ein ^jgreulicher frevel^j das
ist/ wenn ein sündiger mensch Christum opferen wil.

Es ist vil erger gesagt⁴³ Christus ist ein opfer/ wenn ein
pfaff meß helt/ dann das⁴⁴ man sagt/ Christus leiden ist
ungenůgsam gewest/ die^k weil auß solicher sage oder re-
fehltde das folget. Das Christus opfer unrein/ schuldig/ sün-
dig/ befleckt/ ungenůgsam/ unverstendig/ eigenwillig/
ungehorsam gewest/⁴⁵ und noch sey/ als der ^llausicht pfaff^l/
^munnd gottes poͤßwicht^m ist/⁴⁶ derⁿ Christus leib und blůt/
sich zů opfern untherstet/ wenn die obvermelte capitel⁴⁷
recht bedacht werden so folgen allerley solche greueln/
und wirt klar/ das der name Meß/ wider Christus leiden/
opfer/ und herlikeit itzt Christo zůgelegt würt. In dem
irret D. Martinus uberauß/ und der arm bischoff zů
Zwickau/⁴⁸ der in disem fal ein Baͤbstliche heyligkeit hat/⁴⁹
das er des hern abentmal ein meß nent.⁵⁰

Dise auch bestettigen iren abnamen⁵¹ mit irer that und
weise/ und bekennen/ das Christus ein opfer sey in der
messe/⁵² wie wol sie mit der feddern anders knirren/⁵³ das
versteht also. Sie heben die hostien auff/ des gleichen den
kelch/⁵⁴ und zeigen durch solichs auffheben ahn/ das der/
den sie auffheben/ noch ein opfer ist/ das^o auch ir brod und
weyn ein opfer/⁵⁵ denn dise weyse ist gegrundt im alten ge-
setz/ hat auch iren ursprung ^pund fund^p da selbs her.⁵⁶

Im alten gesetz gebot gott das die Jüden garben und
andere ding/ iren priestern brengen müsten/ welche^q die
priester^r auff und nider hůben/ und durch solichs auff und
nider heben/ got soliche ding opferten/ als ir Levi. viii.
ix. x. xiiii. xxiii.^57sNu. xvi.^s58 leset.

Diese auffhebung oder opferung heysset hebreisch
thruma.⁵⁹ Also auch^t heben die pfaffen das sacrament uff
und nider in der meß/ und setzen sich selbs one berüffung
zů bequemen priestern/ des engelischen opfers/⁶⁰ welches
Christus allein kund opfern/ und dretten drumb an die
statt der hescher/ hencker/ und moͤrder Christi.⁶¹

Es was auch ein andere hebung der geopferten ding
die heisset hebreisch thnupha/⁶² da man die opfer zů der rech-
ten und lincken/ für sich und hinder sich/ webet/ oder hůb/
als⁶³ sie itzt das sacrament in den tagen Corporis Christi⁶⁴
bewegen/ und also abermals anzeigen/ das Christus ein
fehlt opfer sey/ und sprechen/ das die stinckende glaublose pfaf-
fen got opfern künden/ und das also der neu geopfert⁶⁵
Christus sünd vergebe.⁶⁶ Das geht aber dannest⁶⁷ itzt et-
was ab/ und mer dann die meß.⁶⁸ Es ist aber beydes wider
gottes eere/ und gleich ein^u bekantnüs ires unglaubens/
das sie auch Christum geringer schetzen/ denn inen^v69 die
unglaübigen Türcken achten.

In der ersten auffhebung⁷⁰ irret das gantz Wittem-
berg/⁷¹ aber sie sprechen/ sie meinens nicht also/ und rümen
sich/ das sie von dem gesetz so hoch gefreyet seind/⁷² das sie
gottes wort auch verkeren doͤrffen/ und anders deüten/
denn⁷³ gott sein wort und weise gedeüt hat/⁷⁴ Wie Christlich
das aber sey/ habet ir zůermessen. Ir wisset das Christus
der keines gethan hat/⁷⁵ das er auch das gesetz nit zerbrochen/
sondern erfült hat/⁷⁶ das wir auch die wittenberger nach
dem gesetz gottes urteln/⁷⁷ und irrig nennen dorffen/ wenn sie
des gesetzes werck verkeren oder unrecht treiben/ wenn wo⁷⁸
sie sich beschneiden liessen/ nenneten wir sie nit^w mit rechte
beschnidten Jüden? ob sie^x gleich drumb schnaubten/ und
prauseten.⁷⁹ Also sag ich/ doͤrffen sie das sacrament auffhe-
ben/ so doͤrffen wir von inen reden oder schreiben/ das sie
Christum opfern/ die weyl gott die auffhebung den
opfern^y zůgeaigt und zůgemessen hat.⁸⁰

Wo das sie⁸¹ nůn protestirten/ das sie Christum kein opfer
nennen/ und opferten inen⁸² gleich wol durch ir auffheben/
oder umbweben/ wisset ir was ein protestation gelten
magk/⁸³ welche contra substantiam actus geschicht.⁸⁴ Gott
hat sie⁸⁵ dieses můtwillens halben fast verblendt/⁸⁶ und in
vil greüliche irthůmer fallen lassen.

Thůt ir als ein ritterlicher Christ/⁸⁷ und lasset auch das
faren/ das ein farb hat endechristlicher weise/⁸⁸ forchtet
got/ und nicht menschen/⁸⁹ die zeit unsers lebens ist kurtz/
und die ewigkeit die nahet herzů.⁹⁰ Ir müsset ewig ant-
weder in gottes zorn und straff/ oder gnad und freüden^z bleiben.⁹¹

Itzt finden etliche eyn neue weyse/ die sich zů dem
fehlt volck keren und lesen die wort/ welche Christus gesagt
hat etc.^aa in der ander handt haben sie das sacrament/ und
sprechen/ Nemet esset etc. und heben es auff/⁹² das je⁹³ so teü-
felisch und arg ist/ als der alt brauch.⁹⁴ Ursach/ ir auffhe-
bung stimmet gleich⁹⁵ mit alter auffhebung/ unnd ist so
greulich als die alte/ hat auch alle laster/⁹⁶ welche die al-
te hatte/ und ist in dem spoͤtlicher/ das sie zů dem volck
sagen/ Nemet/ esset/ und weisen inen⁹⁷ das brot/ und wenn sie
gesagt haben/ Nemet hin das brot und bietens inen ahn^ab/
so wenden sie sich bald umb/ besorgen/ das einer das ne-
men werd/ das sie angeboten/ und legen das brot beseitz.⁹⁸
Das schier dahin gehoͤrt/⁹⁹ sie verheissen und halten nit.

Wenn wir Christus ordnung¹⁰⁰ gestraks¹⁰¹ hielten/ und ach-
ten Christum für weiß¹⁰² und^ac klůg gnug/ das er sein abend-
mal aufs aller beste eingesetzt und verordnet hett/ so we-
ren wir nicht in so vielfeltige irthümmer gefallen. So
were auch deß hern brot eyn speise/ unnd sein kelch ein
tranck geblieben/ das wir alles recht und wol zů seinem
gedechtnüs brauchten/ als¹⁰³ die Apostel und ire mitbrü-
der gebraucht haben.¹⁰⁴

Welchem hat Christus^ad befolhen/ das er sein abend-
mal in die hoͤhen auffheben/ und dem volck zeigen moͤ-
ge?¹⁰⁵ Hatt es aber Christus nit befolhen/ wie seind sie¹⁰⁶ so
keck/ das sie eynem solichen^ae grossen fürsten und herren¹⁰⁷
in seyne ordenung greiffen? Künden¹⁰⁸ sie soͤlichen fraͤ-
vel an iren satzungen dulden? So sie unß doch weder
erloͤset/ noch got versündt¹⁰⁹ haben. Ich darff¹¹⁰ euch nit le-
ren/ wie die evangelien von dem brauch/ deß herren brodts
und kelchs reden/ denn der text ist in sich selb licht^af/ klar und
hell gnůg. Mat. xxvi. Mar. xiiii. Lu. xxii. Pau'lus' i. Cor.
xi.¹¹¹ Die andern Apostel in den geschichten. Act. ii. xx. xxvii¹¹².^ag

Ein abentmal heisset je^ah113 ein speise/ ein speise aber^ai scheu-
bet¹¹⁴ man ins^aj maul. Ist es eyn speyse oder tranck/ wel-
chen man eynem zů gedechtnüs isset oder drincket/ so
müst ir des selben gedechtnüs halten. Nů hat uns Chri-
fehltstus sein brodt und kelch zů niessen geben/ das wir seiner/
als eines^ak115 dencken sollen/ der sein sele für uns gegeben/ sich
in die hend der hencker und teüfeln gestellet hat/¹¹⁶ die uns¹¹⁷ ge-
bunden hatten/ und zů dem todt füereten etc. wie ir gehoͤret
habt/ und wol^al wisset. Also in solicher weise/ und in keiner
andern/ müssen wir des hern Christi brodt und kelch ne-
men und geniessen. Ders^am besser machen wil/ was thůt er an-
ders/ denn das er Christum/ leren und untherweisen wil/ und
das er die weißheit Christi¹¹⁸ verachtet/ das kundt ir bei euch
auffnemen/¹¹⁹ Seht wo ir eine ordnung gemacht hettet/ und
kaͤm ein armer bauer/ der eure ordnung bessern welt/ kun-
det irs one verdriß^an dulden? oder wurdet ir es nit dafür
achten/ das der bauer vil klüger sein welt denn¹²⁰ ir?

Ist es aber nit ware/ das Paulus spricht Rho. viii
Die weißheit des fleisches ist ein feindschafft wider got/
und des menschen todt?¹²¹ Warlich warlich^ao ist aller unser
vernunfft/^ap verstandt und weißheit in goͤtlichen sachen/ un-
ser todt/ denn sie ist wider gott/ kan auch got nicht unther-
than sein^aq.¹²² Seitenmal¹²³ unser weißheit/ gottes klůgheit
versprichet/¹²⁴ und gott zů einem narren machet/¹²⁵ in allen
den stucken/ die unsere weißheit findet/ wenn sie got bes-
ser dienen wil/ dens¹²⁶ gott eingesetzt hat/ als¹²⁷ ir auß ober-
zelten exempeln vernommen habt^ar. Ey wie wol hat der wey-
se gesprochen. Du solt deiner weißheit nit anhangen
noch vertrauen. Prover.¹²⁸ Item Paulus/ Ir solt nit
bey euch selbs weiß sein. Rho. xii.¹²⁹

Ir wisset was Petrus von Christo hoͤret/ da ers bes-
ser wolt machen/ dens¹³⁰ Christus erzelet. Matthei. xvi.¹³¹
Sprach nit Christus du Satan? allein derhalben das
er¹³² nach seinem fleisch unnd blůt weyß¹³³ war? Nun hett
doch Petrum kein vernunfft^as straffen moͤgen.¹³⁴

O wie bestendig unnd warhafftig ist dise rede. Esa.
lv. Meine gedancken sind nicht wie eure/ und meine weg^at
seynd nicht wie eure wege.¹³⁵ Denn gottes wege beste-
hend/ aber unsere wege seind als schlupferikeit in dem
fehlt finsternus. Hiere. xxiii.¹³⁶ Der uff seine gedancken und wege
fůsset/ der besteht/ als¹³⁷ der in dem finstern uff einem leim-
ichten/ nassen und gladten berg geht. Darumb hat^au got al-
les nidergeworffen/ das wir oder andere erfinden. Für im
daug^av nichts/ dann¹³⁸ allein das sein. Das ander alles můß auß-
gerodt werden/ nach dem Christus spricht/ Ein igliche
pflantzen^aw/ welche mein himelischer vatter nit hat gepflan-
tzet^ax/ die můß außgerodt^ay werden. Matth. xv.¹³⁹ Und redet das
gleich¹⁴⁰ wider menschen sünde oder leren/ und spricht/ Sihe das
volck wil mich mit menschen leren/ eren/ ir hertz ^azaber ist^az fern
von mir.¹⁴¹ Warlich fern/ dann es verachtet goͤtliche weiß-
heit/ wie wol¹⁴² der glantz wol und goͤtlich scheinet.¹⁴³

Got hat unsere leichtfertikeit wol vor langest erkant/
und durch verbot zerbrochen/ als er zů den Juden sprach/
Wenn ir in der heiden landt kommet/ und sehet schoͤne und herte
dienst/¹⁴⁴ welche sie iren goͤtten¹⁴⁵ dienen/ solt ir beyleib¹⁴⁶ nit also
thůn/ als sie thůn. Deut. xii^ba.¹⁴⁷ Das ist gesagt/ Ir solt euch
wider¹⁴⁸ den glantz/ noch hertigkeit¹⁴⁹ goͤttliches dienstes/
noch irgent etwas bewegen lassen/ mir anders zů die-
nen/ denn¹⁵⁰ ichs euch gebotten.^bb

Die heiden hetten einen hertern dienst gots/ denn die Ju-
den/ und verbranten iren goͤttern zůlob ire kinder.¹⁵¹ Das aber dor-
ften die Juden nit thůn. Deut. xviii.¹⁵² Darumb můß man
weder heiligkeit/ noch hertigkeit/ noch etwas anders/
dann gottes ordnung/ ansehen.¹⁵³

Derhalben ist es warlich teufelisch/ als¹⁵⁴ ir schreibt und
saget/¹⁵⁵ das menschen so trotzig/ und thum kün¹⁵⁶ seind/ das sie
unserem hern Jesu Christo sein ordnung verbrechen/¹⁵⁷ und
seinen dienst haben^bc besser ordnen woͤllen/ denn inen¹⁵⁸ Chri-
stus geordnet^bd. Seind auch^be alle brüchig¹⁵⁹ an Christo.

Lasset ir die meß gar fallen/ das rhat ich/ welt^bf ir aber
des hern abentmal haben/ haltet es in der ordnung Christi/
die hell und liecht ist/ und meiner außlegung nit bedarff.

Seyt ir nicht zů friden/ schreibet mir euwere gebre-
chen.¹⁶⁰ Denn euch zů dienen bin ich gůtwilig.

Ende^bg. M. D. XXIIII.^bh