¶ Viel gelarten und ungelarten/ gestrenger her und
gonner/ sagen/ das Bepstliche heylickeit/ einenn/ alszo
heylig mache/ und umbkere/ das erwelter und bestetig-
ter Bapst/ in keinen weg yrren und sundigen/ auch nie-
mants gewalt odder unrecht thun kan/ unnd sprechen/
Ap gleich der heylig vatter Bapst/ einen/ an leyp odder
Seel beschediget/ aber sunst ubel thunn/ das ehr das nit
thue/ als ein Bapst/ sunder als ein mensch/ es sey auch
nit unrecht/ was er furnympt. Item er kan niemandts
vorfuren und betriegen/ darumb man auch den vorstor-
ben Bepsten/ kein seel Messe nach halten sol/ und weysz
nicht was sie ausz dem Bapst machen/ dan sie setzenn
und schreyben den bapst einen got aller menschen. ItemJesse zwu meyln von Torgau.²
einen lauen de tribu Juda/ Radix vonn Jesse/ der zu-schleusset/ und keiner schleusset auff etc.³

Sie halten yhn auch fur einen herren heyliger geschrifft/
und geben yme macht/ mit heyligen worten gottis nach
eygenem gefallen zuhandeln/ wie einem heffner⁴/ der mit
dem don umbgeht/ wen er^c dopff odder krauszen⁵ nach
seinem willen machet.⁶ Das hab ich/ in vorgangen jaren
auch alszo mussen glauben/ dan ich hette schulmeyster
die den blinden fuerern viel bequemer gewest werenn/
dan den yenen/ die sich leer halben befleyssen/ vater und
mutter zulassen.⁷

Wen ich aber itzt diesser nerrischen einfeltickeit ge-
denck/ und nach yhr tracht/ so lach ich meiner selber. mir
felt auch nicht anders in mein gedancken/ dan das die A2^r
Monichen ^dsolche liedlin^d erdicht/ und dem Bapst mit
bedriegischer leer geheuchlet/ und die feddern von den
kleydern geleszen haben/ auff das sie mit ablas und krab-
las⁸/ mit schmucken unnd drucken/ mit dreumen unnd
schmeycheln/ den einfeltigen schoefflin yhre wollen mit
der haut abschneyden/ unnd zu eygenem nutz brengen
kondten/ und nicht grosz achten/ wie der recht lebendig
glaub/ ausz heyliger schrifft geschopffet/ und in die dur-
stige Christ gleubige seelen mocht gegossen werden.⁹

¶ Sie haben vor allem betracht/ wie sie scheinbarli-
che kloster erbauten. ¶ Wie sie auch yhre keesz secke¹⁰ ful-
ten. ¶ Wie sie^e entlich heylig und frum geachtet wur-
den/ darumb haben sie den Christen das gesetz gottis
(darausz sunden gelernet werden) verdeckt unnd auch
verbotten zuleszen.

Es ist gleich mit dem Bapst unnd Monchen/ als
wan sich zwey pferde miteinander kreben¹¹ aber reyben/
die sumerfliegen von sich zutreyben. Der bapst hat neu
betler bestetiget/ szo haben die neue betler/ neu ablas
erfunden/¹² und mit disputiren lange zeit vorteydigt/ dar-
tzu das unvorstendig volck an den Bapst/ als einen got
gehengt/ und dahyn ubirredt unnd vorfurt/ das sie den
Bapst fur einen volkommen heyligen vatter halten und
eeren. Die Monchen sprechen/ was der bapst thut/ ist
wol gethan/ unser heyligster vatter der Bapst kan nicht
sundigen/ nicht yrren/ und ist ubir alle konige und fursten
und hat heylige geschrifft in seiner macht. Ich meyn das
heysse wol gekraebet und geheuchelt.

Derhalben hab ich alle Christlichenn menschen in
gemeyn/ mit diessem buchlin und in eyl/ wollen berich-
ten/ das obermelte Monichen und betler nicht wissen
was yhn getreumbt/ und was das wortlin Bepstliche
heylickeit vormag. Darumb wil ich dasselbig kurtzlich
auszlegen/ unnd^f durch die schrifft beweyszen/ Das alle A2^v
Bebst sunder sein/ und haben geyrret/ und irren noch/
und werden yrren szo lang die welt stehet.

Das wer genuglich ausz sanct Peters leben abtzu-
nehmen/ der vilmals in dem glauben geyrret/ Christum
verlaugnet¹³/ und nach Christi aufferstehung von Pau-
lo gestraffet/ das er unrecht gethan unnd geyrret hette
als ad Gala. ii. geschrieben.¹⁴

Derhalbenn wil ich/ szo myrsz got vorleyhet/ durch
heylige geschrifft (die nit liegen und betriegen kan) erst-
lich antzeygen/ wie der mensch heylig wurt/ darnach be-
weysen/ das der Bapst hie in dissem jamerthal/ sol nit
heylig geschatzt werden/ er halte sich dan zuvor fur einen
sunder/ der yrren/ betriegen/ und liegen/ und unrecht thun
kan/ und das yme gar nicht zugleuben/^g aber nach zufol-
gen sey/ man sol yhne auch gar nicht horen/ er singe uns
dan das gotliche wort vor/ und bleybe stracks/ in dem
befelh gottis/ der genugsamlich in heyliger schrifft an-
getzeigt und begriffen.

Wie^h heylickeit in diessem le-
ben geschicht.

Heylickeit disses lebens wurt yeglichen heyligen/
in anfahungen/ sonder volkommenheit/ beschert/ nach
dem Paulus ad Ro. viii geschrieben/ Wir selber haben
die ersten frucht und anfeng des geistes/ und seufftzen und
hoffen und begern unsers leybs erlosung.¹⁵ ¶ Aus diesen
wortten/ mussen wir vorstehen/ das der geist/ in diesem
leben mit anfengenn allein heylig wurt/ das ist der yn-
nerlich mensch/ der wurt allein mit gerechtickeit unnd
warheit eyniglich vorneuet unnd heylig. als ad Ephe.
iiii.¹⁶ beschriebenn/ aber der leyp/ das ist/ der ausserlich
mensch/ der bleybt in seinem ungehorsam/ in seinem tod/
und altem weszen/ wir hoffen alhie/ das unser ungefolA3^r
giger leyp erlost werd/ und haben die erlosung in hoffe-
nung und glauben/ aber nit ym wesen und werck.

Durch glauben/ hoffnung und liebe/ wurt der geyst
widder geboren/ aber der leyp wurt nit ehr geborn/ dan
nach seinem sterbenn unnd aufferstehung/ alszo wurt
keyner volkumlich unnd gantz heylig/ szonder allein in
anfengenn/ wie auch der heylige Jacob gesagt/ Ehr
hat unns widder geboren in dem wort seiner warheit/
auff das wir anfengling wurden seiner Creaturen/¹⁷ das
ist/ Er hat glauben/ hoffnung und liebe geben/ durch
welche er uns an sein warhafftige vorheyssungen hefftet/
und macht uns in aller not lebendig unnd trosthafftig/
an seinem zusagen nicht zu zweyfeln. Darumb wir al-
lis ungluck/ schwert/ und tod/ fur nicht¹⁸ achten/ und allein
in got leben.¹⁹ Wilcher nit in dem wort der warheit (wie
itzt gemelt) geborn unnd vorneuet ist/ der ist gar nichts
anders dan unheylig/ welcher aber in die warheit gotli-
cher zusagung kumbt/ der hat allein anfeng geistlicher
heylickeit. Dann das ist nit vorgebens gesagt/ das wir
allein erste fruchte des geystes²⁰ empfahen/ und volkom-
menheit noch hoffen und gewartten sollen.

Dan wie heylig der mensch auff erdtreich wurt od-
derDas gesetz ist geystlich/der Bapst ist fleischlich ist/ dennoch bleybt er bosz unnd fleischlich/ wie der
heylig Paulus ad Ro. vii. spricht/ das gesetz ist geyst-
ich/ aber ich bin fleyschlich/²¹ darumb binn ich mit mir
und mit dem gesetz uneins und zornig. Nun wer ferner
vornehmen wil/ und ein rechter heyliger Christ glaubi-
ger sein/ der sol achtung geben auff gemelte leer Pauli/ der
spricht. Ich weisz gewisz/ das in mir nit guttes wonet/
das ist/ ich weisz wol das die sunde in meinem fleisch/ ist
strebende wider meinen geyst/ und gesetz gottis/ Ich weysz
das ich der sunde vorkaufft bin/ und das sie mich gefangen
furet/ ich zurne oder weer mich/ so thueⁱ ich/ das ich nit
wil. Nun die weyl ich das thue^j/ das ich hasse und neyd/ A3^v
szo macht das die sunde/ die^k in meinem fleisch warhaff-
tig/ on unterlasz das boesz und sunden wircket.²² ¶ Pau-
lus (der on ymants widerred) warhafftig alhie heylig
gewest/ der bekant offentlich/ das sein fleisch unheylig/ sun-
dig/ und ein mutter aller boszheiten ist.²³ Item/ das in al-
len gutten ubungen und wercken yhm widder sei/ und
das in allen menschen zuwegen brengt/ das sie meyden
unnd fliehen.²⁴ Wie dorffen dan die ketzerischen heuchler
dem Bapst volkommen heylickeit in diessem leben vorhey-
ssen? Ich gestehe^l den bepsten gar nicht/ das sie heyliger
seint/ dan Paulus gewest/ sie haben bosz gifftig fleisch/
und des genug unnd uberflussig/ wie andere Christen/
und ligen in den sunden gefangen/ und wen sie recht hey-
lig seint/ so mussen sie bey sich yrren/ und sich selber ney-
den und hassen/ yhre sunde got und der welt/ und yhre un-
volkommenheit/ bekennen/ und yhn gar nicht vorheymlichen.

Ist^m der Bapst heylig: so musz
er sein boszheit bekennen.²⁵

Alle und yegliche heyligen disses lebens seint bosz-
hafftig und warhafftiglich sunder/ unnd laugnen auch
yhre boszheit und sunde gar nicht. Dan David der ein
getzeugnis in der schrifft hat/ das er einn diener gottis
und heylig gewest²⁶/ saget also/ Ein yeglicher heylig wirt
dich bitten umb das. was ist das/ das die heyligen bit-
ten? hoer wieⁿ David vorgesagt/ er spricht/ Ich hab ge-
sagt/ ich wert dir got dem herren/ mein laster und sunde
bekennen/ und du hast mir die boszheit meiner sunde vor
geben/ umb das vorgeben der schalckheyten/ wurt dich
ein yeglicher heyliger bitten.²⁷ das ist/ das/ darumb alle
heyligen auff diesser erden bitten/ der wegen/ musz der
Bapst (wil er anders heylig sein) got umb vorgebung
eygner boszheyten unnd sunden bitten/ sunste wer ehr
kein heylig in diessem lebenn. Nun ist am tag/ das der A4^r
yrren/ betriegen/ liegen/ und sundigen kan/ der umb sey-
ne schalckheyten und boszheyten bitten muesz/ Ja er ist
in der warheit ein boszer/ der bereyt geyrret und gesun-
diget hat/ der sein sunde und misztodten^o got bekennen und
beichten schuldig ist. Die ketzerische schmeychler vor-
mugen den bapst (und andere heyligen) nymmer besser
beschreybenn/ dan wie sie die schrifft abgemalt/ die sie
samptlich sunder genant und getzelt hat.

Weyl auch der bapst volkommenn wil geacht sein/ szo
musz er nach sanct Pauls leer ad Philippenses. iii. sein
gebrechen und unvolkommenheit meniglich zu erkennen
geben/ wil er gerecht sein bey got unnd Christen/ szo ist
er pflichtig sein eygen ungerechtickeit zubeklagen/ nach
sanct Pauls leer sprechende/ welche volkommen seyndt/
die sollen das von sich halten/ das sie unvolkommen seint.²⁸

Nach sanct Jobs lernung/ ist der Bapst auch hoffar-
tig in seiner person/ und seinen wercken/ und verderbli-
cher unguttickeit/ nicht mehr ledig/ dan der aller gerin-
gest/ der got durch Christum glaubet unnd begeret/ das
yhme (als unguttigen und ungerechten) mag geholffen
werdenn von Christo/ dann Paulus spricht/ welcher
durch Christum got glaubt/ das er den ungerechtenn ge-
recht mach/ dem wurt sein glaub fur gerechtickeit ge-
schatzet.²⁹ darumb Job spricht/ wir sein all hoffartig und
unguttig.³⁰ unter dem selben hauffen ist der Bapst heusz-
lich. Alszo abmalet die warhafftige gotis schrifft Bep-
ste/ Bischoffen/ darausz zubegreiffen ist/ das dem bapst
nit weitter in heylickeit und redlickeit sol geglaubt^p unnd
zugegeben werden/ dan yhm heylige schrifft zugibt/ ehr
sol auch nit heylig geacht werden/^q ehr beken dan zuvor
sein boszheit/ ungerechtickeit/ unguttickeit und sunden/
Das mussen auch die unfursichtigen federleszer³¹ zuge-
ben/ die sprechen/ der Bapst kan nit sundigen/ und un-
recht thun als ein Bapst/ aber in dem das er ein mensch A4^v
ist/ sundiget er. Dan alszo bekennen sie mit yhrem blin-
den heucheln/ das Bepstliche heyligkeit/ den bapst nit
vorgottet odder vorengelt/ sonder lessit yhn einen men-
schen bleyben/ der yrren und brechen/ der auch liegen und
das volck gotis vorfueren kan. Volget auch/ das bepst-
liche hohe/ den menschen nit von boszheytenn nympt.
Mich gemant solcher behelffrede der heuchler/ gleich/
als wan einer spricht/ Der Leo spilet nit mit den balen/³²
odder zureyst die schefflin nit/ in dem das er ein Lau is/
szonder in dem das er klauen und scharffe negel und si-
geln in henden/ und sein vorgessen hat/ das er selber ein
armer gebrechlicher mensch ist.

Nun wil ich furt faren/ und durch schrifft beweyszen/
das keiner der Christen oberster odder regierer/ aber
Babst odder Bischoffe sein sol/ er sey dan gebrechlich
und kranck/ wie ein ander armer Christ. Aber ich acht
es sey offenbarer/ das prelaten unnd wir arme knecht/
vil erger seint/ dan etzliche leyhen wenen/ aber doch nit
wenig wissen/ die das sagen wurdenn/ das die geystli-
chen/ der ich mit urlaub³³ auch einer bin/ gleyszner unnd
gleich die schrifft weyszen seynt/ die Christum vorfolget
haben/ aber der ban ist uns gut fur solchs gethon/ dan
man vorstopffet den leutten das^r maul^s mit Bannischem
rauch/ das sie heyser werden. derhalben wil ich schrifft
setzen/ und durch die selben beweysen/ das der Bapst
kein pfarher mug gesein (ich geschweyg ein hoher pre-
lat) er wer dan (wie ander menschen) kranck/ und ein
sunder.

Wan der Bapst nit ein sun-
der/ ein gebrechlicher krancker mensch ist/
szo ist er auch kein Bapst.

Ich wil zuvorausz behalten und bedingen/ das ich
durch volgende schrifft/ niemant sunde halben erheben B1^r
und leben wil/ szonder beschlieszlich angetzeigt haben/
das der bapst in dem das er ein bapst/ ist gebrechlich/
und zu allem boszen geneygt/ gleich wie ein ander mensch.
Dan wir lesen ad Hebreos .v. also ein yeglicher priester
wurt ausz den menschen erwelt/ und fur die menschenn
geordenet/ auff das er got opffer und mug mit den kran-
cken und schwachen und gebrechlichen menschen mit-
leyden tragen und barmhertzickeit/ Dan er ist selbst mit
kranckheit (die yrren unnd unrecht thun kan) umbge-
ben/ darumb sol er in solchem hertzen unnd meynung/
szo er fur das gemein volck bittet/ fur seinn sunde auch
opffern/ und got bitten.³⁴ Ausz diessem text/ mag ein yeg-
licher (der leszen kan) vorstehen/ das ein pontifex oder
prelat/ darumb unter andern auffgesetzt wurt/ das ehr
fur sunden des volcks bitte/ und vorgesse seiner yhe nit/
wan er fur yrrige sunder bittet/ und ist genuglich auszge-
druckt/ das alle prelaten und der bapst/ mit boszer zuney-
gung zu dem ergsten wolgeschickt/ gleich wie das volck
fur welches er zubitten/ gesetzt ist/ Derhalben dorfften
sie kein merlin ertichten und sagen/ der Bapst sundiget
nit als ein bapst/ szonder als einn mensch. dan ausz vor-
gemelten text ist es klar/ das der priester seiner/ als prie-
ster/ nit vorgessen sol/ wan er fur sunder bittet.

Cyrillus ein kriechischer doctor/ fragt was in dem
pontifex allermeist zuvorwundern sey/ unnd antwort/
das sol niemandts vorwundern/ das ehr nit sundiget/
dan es ist nit muglich/ das der pontifex nit sundig/ aber
das ist loblich und wunderbarlich/ wan er sein eygene
sund erkent und recht vorstehet〈.〉 Dan es bessert sich kei-
ner/ der sich seiner sunden nit erkundet/ szo mag er auch
niemants gebrechenn mit guttickeit straffen/ aber den
sundern barmhertzig und gnedig sein/ wan yhnen das
gewissen eygner sunden/ nit durch beysset und barmher-
tzig machet.³⁵

B1^vWan uns schrifften gebrechen/ hetten wir doch einn
gewisse urkund/ das die Bepst sundigenn mogen/ hat
man nit bepst gehabt/ die ketzer/ und der wegen abge-
stossen sein? ist es nicht das etzliche Marran?³⁶ etzliche
gottis lesterer? Wissen wir nit wie ein Bapst gesagt do
er die schlacht vor Ravenna am Ostertag vorlasz?³⁷ nam
er nit sein betbuch und wurffs in das feur/ sprechende/
Bistu nun ein gerechter got/ dastu mein feynde lest sigen
unnd gewinnen? hastu vorgessen das ich die gutter der
kirchen widder zu S. Peter brengen wil?³⁸ Got vorgebe
yhm/ ich halt solche wort seint nicht minder dan gotis
lesterung zu urteylen/ dennoch dorffen die grohen^t39 holtz-
schucher sprechen/ der babst konne^u nit sundigen.⁴⁰

Ist es wol gethan/ wan der bapst widder allis recht
thut/ wan er das gotlich/ naturlich/ und menschlich recht
uberfert/ dieszer bapst Leo/ von dem ich nie gehort/ das
er die Biblien durchleszen/ aber^v einen reynen vorstand
des wort gottis hab gehabt/ der hat sich (mit etzlicher
Cardineln zuthun/ und vorhortem rad) unterstanden/
mein artickel etzliche/ zu dem feur zuvordammen/⁴¹ wie ehr
den vordampt hat/ dartzu bin ich nit geladen/ man hat
auch mein antwort und entschuldigung/ so die von noten ge-
west/ nie gehort/ sonder mutwillig als ketzerisch vorur-
teilt/ das ist widder das gotlich und naturlich recht/ ich
weysz/ wen er einem florentiner ein haus^w aber geltsach/
on forgethane Citation aberkondet/ er must horen/ das
er nichtiglich gehandelt. wen ich aber sprechen wurt/ der
bapst hat eyttel nulliteten⁴² gemacht/ so mocht der Bapst
sprechen/ fitzius fatzius⁴³ ich vorsteh nit vil schrifft/ leg mir
den Theologum in die brisaun⁴⁴/ wurden die betler monche
sagen/ er ist bapst und kan nit yrren. Ich weysz aber wol/
das er widder das gotlich gesetz und greufflich⁴⁵ geyrret/
und wil das reden und schreyben. Ich wil mich auch unter-
stehen so bald mir die artikel/ die er zuverdamen furnemen B2^r
sol/ behendet werden/ sein bepstlich heylickeit/ als einen ke-
tzer/ der von seinem stuel und eren abtzusetzen ist/ ankla-
gen/ und vil mehr von seinen^x unlaugbarlichen yrrungen
sagen/ dan yhm lieb wurt.

Damit ich das dester freyher thue/ schick ich yhm
mein Vicecomitat (doch den yenen an schaden/ den ich
zuvor gewilfaret) widder heym/ und ubirgeb es hy mit
freyheitten und burden.⁴⁶ Quia oportet deo magis obedire/
quam hominibus.⁴⁷ et qui amat patrem plus quam Christum/ non
est Christo dignus.⁴⁸ Wan er ein tyran und wutterich sein
wil/ sol er yhm einen nerrischern son auszsuchen/ dan ich
bin. Ich hoff auch/ der almechtig lebendig got/ werd mir
gnediglich sterck/ und ein frey bereit gemut leyen/ das ich
gerne schleg/ absunderung/ excommunication/ schwert/ re-
der/ und feur von wegen seinis worttis leyden werde.⁴⁹ Ich
forcht den lauen de^y tribu Juda⁵⁰/ der uns in der schrifft ge-
born/ weynet/ spot und maledeyung leydet/ der sich creutzi-
gen/ toten/ und begraben lasset/ der uns sunder erloset. Aber
den lauen/ der auff den gulden ducaten stoltzieret/ und sich
ubir alle welt setzet/ und besigt/ wie er alle ding in seinen
nutz und gedeyen breng/ den will ich durch gotliche hulff
und stercke/ nit fast⁵¹ forchten.

Der Bapst ist kein Commissarius
Christi/ er halde sich dan nach Christlichen bevelh.

Der Bapst zu Rom wil/ das man yhn fur einen Com-
missarien und bevelhtrager Christi halde/ Aber wan er
ein rechter getreuer diener ist/ szo darff er gar nicht ausz
dem bevelh dreten/ und ist yhm gar nicht erlaubet/ andersForma mandati exacte debet servari c. cum dilecta de rescrip'tione'.⁵²
zuregiren und erkenden/ dan nach der form und massen/ szo
die schrifft gottis ausztrucket/ so bald er ausz inhalt des
bevelhs geet/ ist sein macht vorloschen und unpundig⁵³.
Ehr solt auch fur keinen stathalder gehalten werdenn/
Das gotlich buch sol der Bapst in seiner hand haben/ B2^v
und alle Christen darausz regieren/ und nicht allein dun-
ckelheit, der schrifften darausz erleuchtenn/ odder spen-
nig⁵⁴ geschrifft voreynen/ szonder auch geldsachen/ unnd
leuthe/ szo gutter halben tzenckisch seint/ befriden/ und
voreynen. Aber ich sag das mit schmertzen/ Ich gleub
nit/ das ubir vier Cardinal zu Rom seint/ die die heyli-
ge schrifft haben mit ernst durchlesen^z/⁵⁵ und vil weniger/ das
sie nach noturfft vorstehen/ alszo unmer⁵⁶ unnd vorachtet
ist die Biblien/ vonn den Romischen regierern. Ich
weysz/ und wir sehens alle vor augenn/ das der Bapst
ausz seinen Decretalen urteylet/ und geystliche und welt-
liche sachen durch sein eygens gesetz vordreget/ das al-
lein/ weer den vorstendigen Christen gnug/ widder den
Bapst aufftzustehenn/ yhnen zu reformierenn.⁵⁷ Damit
aber auch der gemein man keck und unvortzagt werde/
wil ich alte und neue schrifften/ beyder testamenten ge-
brauchen/ mit den selben beweysen/ das der Bapst yr-
ren kan/ und sol nit gehoret werden/ wan er etwas an-
ders furnympt/ dan die heylige Biblienn mit brenget
odder leyden kan.

Wir haben gar ein schonen text ym .xvii. capittel der
andern ehe⁵⁸ geschrieben/ welcher lauttet alszo. Der regent
odder konig der Juden/ das ist/ der gleubigen/ sol ausz
seinen brudern erwelt werden/ und wan er sich auff den
stuel seynis reychs gesetzt/ sol ehr teglich das buch des
gesetzes/ in henden haben/ und lesen/ auff das er lerne/
wie er got forchte/ und gotliche gebot bewar/ und son-
derlich/Das heldet der bapst wol das sich sein hertz in hoffart nit uber sein bruder
erhebe/ und das er yhe strack unnd gleich/ in dem gesetz
gottis bleybe.⁵⁹ Der Bapst hat das buch Deuterono-
mium/ das ist/ des andern gesetz odder ehe/ Moysi ange-
nommen/ und saget/ es gehore zu dem neuen testament/
yhedoch/ wie er dasselb teglich in seinen henden helt/ ist
altzu offenbar. war ist es/ das kein Christ dem selbenn B3^r
buch widderstreben darff/ ich sag dartzu/ wan der bapst
obgemeltes buch vorachten/ odder yhm nit weychenn
wolt/ das man yhn mit seinem stuel/ als einen heyden
und ketzer vorjagen und meyden solt/ so lang bisz er sich
bessert. Derhalben/ sol er mir zuhoren/ und mich anse-
hen/ das ich yhm frey und unvorholen sagen darff/ das
er schuldig ist/ die Biblien teglich zulesen/ ausz der sel-
ben alle geystliche sachen mit guttem erkentnis vortra-
gen/ und vor allen dingen solten alle gottis dienste unnd
ehr erbiettung ausz den Biblien fliessen/ und auffgericht
werden/ wan das geschee/ szo musten seine Decretales
ad infernum fliehen.

Nun volgt ferner zubeweyszen/ das der Bapst unge-
lart ist/ unnd yrren kann. dan/ wan er nit teglich yrrenn
mocht/ szo wer yhm yhe nit auffgelegt unnd gebotten/
das er den gotlichen befehl (wie oben gemelt) alle sein
tag/ ansehen/ leszen und betrachten sol. Und zu dem an-
dern/ das er got in der weysz forchten sol/ die got beheg-
lich. und zu dem dritten/ das er strack in gotlichem man-
dat bleyb. Wan auch der bapst niemandts gewalt und
unrecht thun kund/ szo wer yhm yhe nit gebotten/ ausz
dem gesetz zulernen/ das er sich nit uber sein bruder/ das
seint alle Christen/ erheben sol.⁶⁰

Wan auch der bapst des rechten stegs odder wegs
nit kunt felen/ und auff die rechten odder lincken hand
gleytten odder strauchlen/ weer yhm solch gebet von un-
notten gewest. Nun sehen wir offentlich/ das ehr mit
seinen Traditionen/ das ist/ Decretalen und Statuten
und lesterlichen gewonheyten/ ausz dem befelh und ge-
schrifft gottis getretten/⁶¹ unnd wolt gerne/ das wir die
Biblien nach seinen dreumen^aa richten/ auszlegten unnd
vornohmen/ Aber got wil/ das wir aller menschen lerun-
gen/ sitten/ leben ubungen nach seiner leer vorstehen/ und
das wir yhm/ nach laut seines gesetz dienen sollen/ und B3^v
das aller menschen gesetz nach unnd ausz gotlicher ge-
schrifft sol geurteilt werden/ das doch der bapst nit tuet/
dennoch singen wir/ der bapst yrret nit.

Von den^ab viel pferden.

Dartzu yrret der Bapst/ das er widder gottis ver-
bot/ und Christi beyspiel (szo yhm Christus mit hoher
vermanung fur ougen gegeben teglich thuet/^ac Dan welcher
wider gotlichen/ auszgedruckten willen handelet/ der yr-
ret und thut unrecht. Der bapst lebet wissentlich/ wider
das alt und neu gesetz/ der wegen er sundigt/ und von notten
yrret. Dan got hat durch Moysen in obberurten. xvii. ca-
pittel der andern ehe gesagt/ der konig der glaubigen sol nit
vil pferd zu sich sameln/ er sol auch das volck nit wider
in Egipten furen.⁶² weil nu der bapst der Christen oberster
konig und keyszermessig sein wil/ und ist ein geystlicher re-
gierer/ zimet yhm/ vil weniger dan einem weltlichen konig
ein solchen ubermessigen hauffen pfert zuhalten/ die er mit
silber/ golt/ berlin^ad/ und edeln gestein behencket/ und ist ym
doch allis von unnoten/ aber die armen mussen die selbe
zeit/ not und angst leyden/ das leyhen und pfaffen clagen.

Es kan ein yeglicher wol vornehmen/ der das heylig
Evangelium lyeset/ das Christus dem bapst form/^ae massen/
und weysz gegeben/ wie er prangen und leben sol/ Aber ehr
uberfeert^af (durch unser zusehen) form und leer Christi/
und fleucht durch Christlichen bevelh/ wie ein grosse wes-
pen/ ein fliehen netz odder spinnen garn durchfleucht.

Was fragt er nach dem verbot gottis/ odder yrret
ehr nit/ wan er zeitten mit tausent odder hundert pfer-
den zu sanct Paul odder Sebastian/ odder Laurentzen
reyttet?⁶³ weyl yhn kein far⁶⁴ umbsteet/ szo muesz er got und
Moysi zu sunderlichem ungefallenn/ mit solchem hau-
ffen pferd reyttenn. Ich gestehe yhm auch gar nichts/
das er angetzeygte unkoste/ zu ehr und lob Bepstlichs B4^r
standes thue/ dan got hat sein verbot clar geben/ und sol
niemants gestat werden/ dasselb mit solcher glossen zu
verdecken/ dan ich frag den Bapst/ ab ehr got zu ehren
mit solcher samlung der pferd reyttet? ab^ag er sich selber
wol gepreysset haben? Ich weyz das er got/ mit solchen
geprang und hoffart nicht dient/ er ertzurnet yhn/ und
uberschreyt gotlichs verbot/ darumb muesz ehr sich sel-
ber meynen. Dartzu wil er das man yhm mit buchsen
gethon hoffiere/ unnd gantz wie einen der gottis gesetz
gar nichts achtet/ feyher. Noch wollenn wir frum
Christen sein/ wen wir yhm vorhengen/ das got misz-
haget und ungefellig ist.

Verner saget got durch Moysen/ der regierer glaubi-
ger vorsamlung sol das volck nit in Egypten furen.⁶⁵

Nun wollen wir vorsuchenn abtzunemenn/ ab der
Bapst dasselbe verbot achtet. Ich meyn zu dem Orsten⁶⁶
es sey genug in Egypten gefurt/ wan einer leuth in sche-
den unnd sundenn Egypti gefurt hat/ ob sie gleich nit
leyplich in Egypten kommen/ das musz bepstlich hohe
gestehen/ aber Paulum den Apostel leugken.⁶⁷ Fur das
ander/ bewech ich/ einen wol vornehmlichen text Eze-
chielis am. xxix. capitel/ sprechende/ Darumb dastu ge-
sagt hast/ das wasser/ der teig ist mein/ und ich hab yhn
gemacht/ derwegen/ sag ich zu dir unnd zu den flussen/
das ich dein regiment unnd diesz erdtreich wil verwu-
sten.⁶⁸ Ausz diessen wortten/ lernet uns der prophet/ das
ein yeglicher/ der spricht/ Ich mach disz oder yhenes/
dem konig von Egypto gleich ist/ und alle/ szo yhm anhengig
seint/ die yhenen sein in Egyptischem erdtrich wonen/ und
die den selben konig gehorsam leisten/ sein in aller billickeit/
geachtet als die in Egypten gefurt sein. Nun horet yder-
man/ das der bapst nit allein spricht/ ich hab den steynerin
tempel gebauet/ oder den Palast/ aber das Castell/ oder
wasser gemacht (das durch gmein ubung gelindert wer) B4^v
szonder er feert ^ahubir sich^ah/ und nympt got sein ehre und^ai na-
men/ und wil ein schopffer odder creator der geystlichen
menschen genent sein. Die Bischoffen und etzliche an-
dere prelaten/ wan sie Bepstliche heylickeit umb etwas
supplicieren/ odder bitten wollen/ fahen sie yhre suppli-
cation alszo an.

Aller heyligester in got vatter/ eure andechtige crea-
tur .N. und etc bittet und begert etc.⁶⁹

Ist das nit grober/ dan das einer spricht/ ich hab mit^aj
wollust dieszer wasser gemacht?⁷⁰ ich meyn ydermenig-
lich werd bekennen/ das der mensch hoher unnd mehr
dan ein element gesetzt ist. Nun ist^ak es unverdeckt/ das
got Pharaonem denn konig Egipti/ umb solche wort
hat gestrafft/ und^al yhm sein land vorwustet^am/ unnd auch
die yene/ szo dem konig Pharaoni solche wort und ehr
ertzeygtenn/ gepeyniget. Wie werd die Bischoffen ym
gericht gottis bestehen/ das sie sich des Bapstes crea-
turen schatzen odder schreyben? wo ist yhr glaub? weyl
wir nit mehr dan einen schopffer haben? und wir allein
des almechtigenn vatters creaturenn sein? were es nit
grosse zeit/ das wir dem Bapst seinen mutwil stiltenn?
und uns der schnuppen⁷¹ frey machten? Got hat itzt ge-
dult/ auff das wir uns ein mal erkennen teten/ werden wir
aber in solcher schedlicher einfeltickeit lenger bleyben/
szo werden wir von got rachung leyden/ Er kan an zorn
nit horen/ das einer spricht/ ich hab diessenn odder an-
dern flusz gemacht/ wie wurt ehr dan dulden/ das der
Bapst sagen darff/ diesser Cardinal odder yhener Bi-
schoffe ist mein creatur. Ach got/ ist es nit ein ubermessi-
ge hoffart und mercklich yrsal/ das der bapst/ die gro-
ssen prelaten creaturen heysset? und sol sich^an das zueygen/
das got eyniglich geburt und zugehort? warumb haben^ao
wir nit achtung/ was got zu Pharaonen dem Egipti-
schen konig spricht/ auff das uns der neu schepffer der C1^r
Bapst nit widderumb/ widder gottis verbot^ap in Egip-
ten fuer/ Ezechielis in gemeltem. xxix.capittel/ hat also
geschrieben/ O Pharao konig zu Egypten/ du grosser
Trach/ der ruhet/ in mittel seiner fliessenden wasser/ und
spricht/ das fliessende wasser ist mein/ und ich hab mich
gemacht/⁷² derhalben wil ich das schwert widder dich
zufuren/ und leut und vihe totten.⁷³ Wir horen/ das got
Pharaonem einen Trachen nennet/ und dreuet yhm/
das er yhnen wil in die wustung/ mit seinenn fuschenn⁷⁴
werffen und vorderbenn.⁷⁵ Der bapst acht uns fur seine
fisch/ und sage/ die prelaten sein meine creaturenn/ das
horen sie gerne/ und die fursten schweygen/ Also verley-
det der Bapst unns mit sich in ewig vordumnisz/ wan
wir diesse seine stymme horen/ Ihr seint mein creaturen/
und ich bin euer obirster/ darumb lassent uns (zu unser
selicket) itzt auff wachen/ und dem stoltzen Lauen/
der sich alszo auff bleest/ und gotlich ehr und wort/ die
got allein eygen/ zu sich zeuget/ und lassent uns den sched-
lichen Lauen reformierenn/ nach laut seines befelhs.
Er ist gewisz einer/ der uns widder Moysen mit solchen
wortten/ und unser einfeltickeit/ in Egypten furet/ und
ist nicht anders/ dan ein steck (ausz einen rhor gemacht)
der gern zurbricht/ und dem sein handt durchgraben ist/
der sich an yhn leynet odder heldet/ er zurbricht uns len-
deniiii. regum. xviii. Ezech. xxix. unnd schultern/ szo wir uns an yhn henckenn.⁷⁶ Sie
hencken sich aber alle an yhn/ die sich sein creaturen zelen
und nennen lassen/ und wir lassen uns den Trachen mit
solchen wortten (yhr seint meine creaturen) auch in Egip-
ten furen/ und solten yhm nit nachfolgen/ ja nit horen.
welcher aber sprechen darff/ das wir dem Bapst/ mit
tatten odder wortten/ odder weysen nachgehen sollen/
wan er offentlich widder die schrifft handelt/ der mocht
auch sprechen/ wir solten den teuffel gefolgig sein/Got hat
allen Bepsten verbotten/ auff das sie sich untzimlicher C1^v
weysz nit ehren/ und sich fur got feyhern lassenn. Aber
Esaie. xiiiLuciper der tregt seinen sthul uber sich und spricht/ Ich
werde gleich den allerhochsten Esaie.xiii.⁷⁷ Du sprichst/Und yhr seint mein creaturen/ was mochtestu hoher an
greyssen/ das got eyniglich geburt/ dan das du ein scho-
pffer sein wilt? Bistu nit der man/ der das erdtrich er-
schuttet unnd wust macht? Ich wil dein creatur nicht
sein/ und auff dich gar nicht bauen/ Du bist ein armer
mensch/ got unterthan wie ich. Ich wil dich aber key-
nen Trachen und Luciper nennen/ auff das du mich
nit in dem Ban verbrennest.

Nun horent noch eynsz/ am Jartag der erwelung
unnd kronung/ als ein Bapst erwelt unnd gekront ist/^aq
mussen die Cardinalen/ Bischoffen/ und grosse bur-
ger zu Rom/ bey vorlust aller Bepstlicher genadenn/
kertzen und vasz vorbrennen/ und mehr wachs/ dan sie
an tzehen Ostertagen zurschmeltzenn. In allen Cardi-
nal hoffen scheynen kertzen in den hohen auff den heu-
szern/ viel/ die mussenn den tag der erwelung unnd kro-
nung feyhernn/ Ausz der Engelburg schiessenn sie viel
Buchszen/ werffen feur/ und singen und jubilirn uber
die massenn/ das thun sie dem Bapst yhrem schopffer
zu eren/ aber Christo (dem auch solche hoffart miszha-
get) geschicht keine ehre/ es ergeht yhm gleich wie einem
weinstock odder lemblin/ das wollen odder wein tre-
get/ und ein ander schneyt ab und geneusset/ nach itzt ge-
dachter ehre zurechen. Auch leyden viel arme hunger/
welche der Bapst/ mit solchem unnutzlichen gelt/ wol
speyszen kundt. Aber er furet uns mit dreu wortten und
ernst in Egypten/ und wil haben/ das wir seine creatu-
ren seint/ und yhn feyhern/ und solche unchristliche ehre
widder got pflegen. Yedoch ist das ungenug/ der bapst C2^r
lasset sich auch mehr feyhern unnd ehren/ dan das hey-
lig/ hochwirdig Sacrament.⁷⁸ Dann ich hab gesehenn/
das Leo der X. das allerheyligst Sacrament/ auff ey-
nem Maulesel odder pferd/ auff einen sattel geschrau-
bet/ on menigliches hebung liesz furen/ und do ehr ab-
steig/ musten die umbsteher/ durch seyner diener einge-
ben und vormanung schreyen. Vivat Leo/ Vivat Leo.⁷⁹
Ich kond aber nit merckenn/ das ein diener gesagt het-
te/ Schreyhet/ Misericordia/ Misericordia/ das sie
doch pflegen singen/ wan man heylchtumb (das grosz
geacht ist) zeyget. Des Bapstes diener haben vielfel-
tiger/ grosser auffmerckung/ das dem Bapst ehr ge-
sche/ dan dem Sacrament. Darumb ist es in gewon-
heit kommen/ das etzlich still stehen und gynaffen⁸⁰/ szo das
heylig sacrament fur getragen wurt/ wan aber der bapst
folget/ bald mussen aller menschen knihe gebogen sein.
Nun ist es doch erbermlich/ das der Bapst/ von got^ar
grosze ehr und gut emphecht/ und wil sein statvorweszer
sein. und sol sich schemen odder beschweren/ das sacra-
ment an seiner brust zutragen/ davon yhm ehr gut und
leben beschert.

Die priestern altes gesetz beschwertenn sich nit/
die arckenn⁸¹ durch wasser⁸² und staudten⁸³ zutragen/ aber
unszer allerhochster Pfaff/ schemet sich ein leicht/ klein
uberhymmelisch brot zutragenn/ welches goth liebet/
und die Engel anbeten/ und uns teglich erneret/ Das
hymelnn unnd erdtrich erhelt/ das mag unszer Bapst
nit halten/ es musz vor yhm furtrabenn/ Christus/ der
musz alleinn auff einem pferd sitzenn/ auff das ehr yhe
ein reutter in gestalt des brottes werd/ der in seynem le-
ben/ wenig oder nicht auff pferden geritten/ und^as reute-
rey nie unterfangen hat. Wir sehen des bapstes ubirmut/ C2^v
und horen was uns die schrifft mit wortten/ und Chri-
stus mit beyspielen leert/ gleich als weer uns der bapst
gewisser dan gotlichs wort/ und wollen yhn entschul-
digen/ das ehr nit yrre und sundige.⁸⁴

Auch felt^at mir mehr zu/ darinne der Bapst yrret/ und
unrecht thut/ und stoltz ist.

Wie der Bapst sich ungebur-
licher weysz/ und widder gottis befelh lasset
ehren/ anbeten/ und fuesz kussenn.⁸⁵

Nemlich/ der Bapst und sein schmeichler wollenn/
das wir yhn einen got nennen/ darausz viel ubels erfol-
get/ wie ich sagen werd. Zuvor befrembd mich/ das er
ausz hohmut/ sich zuschreybet/ das allen Christen in ge-
meyn gehort/ Alle Christgleubigen seint in gemein gotte
genant/ aber der bapst ist nit faul/ er ergreufft die schrifft
psal. lxxxi.bey den horen⁸⁶ (welche alszo lauttet. Ich hab gesagt/ yr
seint gote/ und yhr alle seint sone des^au erhochten⁸⁷) unnd
zeucht sie^av zu seiner glorien und forteyl. Das thut er mit
gewalt und unrecht/ Erstlich/ das gemelte schrifft spricht
Und yhr alle seint sone/ des hohen gotis.⁸⁸ Es stehet nit
geschrieben/ das einer allein got sey (er heysz Bapst od-
der Cardinal) szonder das alle menschen/ die in dem
selben hauffenn (zu denen Asaph⁸⁹ redet) stehent/ gotte
seint/ also handelt der Bapst mit uns/ er entzeucht den
gleubigenn/ yhr gemeyn ehre/ unnd hencket sie/ an sich
allein/ er angst⁹⁰ die schrifft/ und Christum in der schrifft/
noch sagenn die ketzerischen gleyszner⁹¹/ der Bapst thue
nit unrecht.

Heylige schrifft hat nit gesagt/ welcher einn Bapst
odder ein bischoffe/^aw aber⁹² Cardinal/ oder ein groeher^ax93
holtzschueger ist/ der ist ein got.⁹⁴ Neyn/ sonder alszo/ ich
Gala. iii.hab in gemeyn gesagt/ yhr seint gote/ dan in Christo ist
weder man nach weyb/ weder keyszer nach bapst/ szonC3^r
der^ay allis ein ding.⁹⁵ Got sicht nit an die personen⁹⁶/ ehr wil
das alle sein son seint/ die Christum enphahen und an-
nehmen/Johan. i. als geschrieben/ Dedit eis potestatem filios dei
fieri etc.⁹⁷ Er hat yhn macht geben/ gottis son zuwerden/
szoviel yhn annehmen. Lieber bapst/ heyst das Chri-
stum annehmen/ wan du dich ubir die armen Christen
setzest? unnd dich allein wilt einen got gehalten haben?
Wan du uns armen vorachtest? wan du uns zurreyssest?
Welcher got annympt odder liebet/ der bewaret gotis
wort.⁹⁸ Aber du zerreist sein wort/ wie kanstu dan Chri-
stum emphagen? derhalben zweyffel ich/ ap du mit den
gotten zutzelen seyst/ du soldest betracht habenn/ das
Moyses zu allen (die das gotlich wort liebten/ unnd
Deut. iiiifleyssig^az einnahmen) in gemeyn gesagt. Es ist keinn ge-
schlecht szo grosz/ das got bey sich hat/ als wir Juden/
dene ist got sonderlich nahe gewest⁹⁹/ Sich¹⁰⁰ dich umb und
umb/ szo wurstu vor allem vornehmen/ das das Jubil¹⁰¹
unnd rum¹⁰²/ allein zu denen gesagt/ die das gesetz gottis
verstehen/ odder gerne^ba wolten vornehmen.

Ein losze behelff rede des Bapsts
und seiner heuchler.

Sie springen aber bald zu der weer und sprechen/ Ja
der allerheyligist vatter Bapst/ ist ein yrdischer und kein
hymelischer got/ Ja ich gestehe dir bald und gerne/ das
er ein yrrischer und unhymlischer got ist/ dan alle men-
schen szo glauben/ seint yrdische got (doch recht vorstan-
den) die weyl in obgemelten versickel folget. Ihr wer-
dent aber sterben/ wie die menschen odder Adam¹⁰³/ Adam
hat geyrret und gesundiget/ szo verbricht der Bapst got-
lich gesetz nach seinem gefallen/ dennoch wolten sie ger-
ne einen sunderlichen got ausz bappest¹⁰⁴ machen/ gleich
als weren uns die augen alle gepunden und vol rauchs/
und gult uberredens/ das wir den fedder predigen¹⁰⁵ muC3^v
sten nach geben/ das der Bapst andere fleisch/ pauch/
gepeyn/ und hyrn hab/ dan andere glaubigen haben.

Vorlegung einer andern schutzred.

Damit sie aber den Bapst/ noch fur einen yrdischen
got/ vordeytigen/ sprechen sie/ Er ist ein Bapst auff der
erden/ aber nicht in den hymeln/ dartzu setzenn sie disse
red/ Alles dastu auff erdtrich pindest/ das ist in hyme-
len auch gepundenn etc.¹⁰⁶ das ist szovil gesagt/ alles dastu
(szo du auff erdtrich lebest odder bist) anhefftest/ das
ist gepunden. Antwort/ fur das erste sag ich/ der bapst
yrret vielmals mit seinen panden und ketten/ ehr vorbin-
det/ der in hymeln auff gelost ist/ wie er selber de sen'tentia' ex-
com'municationis' in c'apitulo' a nobis¹⁰⁷ bekennet·^bb Iudicium Ecclesiae opinio-
nes interdum sequitur.

Fur das ander/ frag ich die Bepstlichen federleszer¹⁰⁸/
sie sprechen er sey ein got auff erdtrich/ das yhm gesagt/
Alles dastu auff erdtrich auffpindest¹⁰⁹/ warumb sagen
sie nit/ das ehr auch ein got in hymeln ist/ die weil sich
sein gerichts zwangk/ oder iurisdiction/ auch in die hy-
meln erstreckt/ Geben sie doch zu und bekennen/ das ei-
ner ubir alle land ein herr ist/ die unter seine gerichte ge-
horen. warumb singen sie nicht meher/ unnd denen die
seytten hoher/ sprechende/ Der bapst ist einn got in hy-
mel und erdtrich/ Ich hette sorg/ unszer hergot must ein
neu wort reden/ und regiment haben/ sunst wurde yhn
der bapst mit dem schweren bann ausz den hymeln vorja-
gen. Nein es stehet geschrieben/ Hoer Israel dein got
ist einer.¹¹⁰ Dartzu wollen wir dem selben gar nicht geste-
hen/ das allein gesagt sey dem bapst/ Allis das du auff-
losest auff erdtrich etc.¹¹¹ dan Christus hat das zu allenn
Christen gesagt/ wie ichs wol beweyszen kan/ und wil/
szo mir der bapst mein geschwer/ das er auffgestossenn
hat/ hefftiger trucken wirt.

C4^rFur das dritte beschlieszlich/ der bapst und sein heuch-
ler/ unser verderber/ yrren das sie meynen/ einer kon/ ein
got/ des erdtrichs gesein/ der doch kein got ym hymel
ist/ Dan ich weysz/ in gleicher rede/ das solche yrrung
hertiglich und geschwyn gestrafft ist/ als in dem buch der
iii. regum. xxkonig/ die knecht des koniges von Syria^bc/ sagten zu dem ko-
nig/ die gote der berg sein der Israheliten gote/ darumb
haben sie uns uberwunden/ unnd es wer besser/ das wir
wider die Juden/ in tehlern und niderrichen erden streitten/
alszo wurden wir siegen. Der gut nerrisch konig/ folget
dem radt seiner eingeber/ unnd legert sich in die ebenheit.¹¹²
Was geschach? hoere/ Es gieng ein diener gottis zu den
konig von israel redende/ Alszo spricht got/ darumb das
die Syrien gesagt/ der her ist ein got der beerg/ und nit
der talher/ darumb wil ich den grossen mechtigen hau-
ffen in dein hende geben.¹¹³ Die bebstlichen heuchler/ ver-
gleich ich den knechten obgemeltes koniges von Syrien/
dan sie sprechen zu dem Bapst/ er sey ein got der men-
schen (wen sie sprochen ein wolff/ so kundten wir yhnen
sicherlicher zuhoren) alszo machen sie den Bapst einen
gotzenn des erdtrichs/ gleich als solt got weniger ym
erdtrich zuthun/ dan in^bd hymeln/ haben/ unnd solt dem
bapst macht und weyszheit verliehen haben/ auff erdt-
rich/ als ein got zuherschen/ Aber die tat beweyszet sich
viel anders/ ehr kan sich selber nit helffen/ was^be kan ehr
uns helffen? Ich forchte auch/ got werd ein mal den hy-
mel mit donner/ feur/ und plagen auff brechen¹¹⁴/ und dem
grossen hohmut/ mit vorderbnisz/ straffen/ Wenen wir/
das got das erdtrich/ und uns armen menschen/ nicht so
wol erhalt als die hymeln? das sey fern^bf von mir/ Ich hab
einen herren/ der ist got in hymeln und erdtrich¹¹⁵/ der mit^bg
uns bisz zu end der welt bleybt¹¹⁶/ der ist ein Irdischer und
hymelischer got/ ein got der berg und talher/ Der we-
gen szol keiner gedenckenn/ das der bapst ein meicklin¹¹⁷/ C4^v
ein hoher odder besser got sey/ dan der kleinst getaufft
mensch/ und yrret unnd sundiget der bapst^bh totlich/ das
er sich mit untzimlichen wortten und ehren lesset nennen
und ehren.

Der Bapst yrret mercklich:
das er sich wie got wil gefeyert haben.

Ehr yrret auch nicht wenig/ das er sich lasset ehren
und feyern (ich darff nit sagen anbetten) wie einen got
der etwas mehr sein sol/ dan andere frum Christenn/
Dan anbetten bedeut tzeittenn in der schrifft/ auff die
knie fallen/ unnd die selickeit/ odder etwas das dartzu
dienlich ist/ bitten/^bi aber einem danck sagen/ das ehr ge-
holffen hat.¹¹⁸ Ich sag das der Bapst greulich sundiget/
wan er sich als einen got last ehren/ dan ehr thut das/ das
kein engel/ kein Apostel/ weder sanct Peter nach sanct -
Paul hat dorffen thun. Johannes in der heymlichenn
offenbarung/ an dem. xix.¹¹⁹ und .xxii.¹²⁰ capittel saget/ wie er
nider gefallen sey/ vor dem Engel/ und hab yhn wollen
anbetten/ wer weysz wie Johannes den Engel hat wol-
len anbetten? Der engel sprach/ Selig^bj seint die/ szo zu
der wirtschafft des lemblins gebeten seint.¹²¹ Und in den
xxii.^bk capitel. Selig seint die/ welche die wort der prophe-
ceyenVide ne feceris. id est/ ne ardores/ ne procumbas. behuten.¹²² Als das Johannes gehort het/ viel er fur
die fuesz des Engels/ auff das er yhnen anbettet/ wer
weysz ap daselbst anbeten szo viel ist als dancksagen/ lo-
ben unnd preyszen. Das ist klar/ das der Engel gesagt/
bey leyb thue das nicht/ sihe dich fur/ auff das du mich
yhe nit anbettest/ dan ich bin auch ein knecht/ diener und
aller bruder/ die do haben das getzeugnisz Jesu Christi/
du solt got anbeten.¹²³

Des gleichen haben wir von dem Engel Raphael/ To-
bie ym.xii. der gesagt/ Ihr solt got loben und ehren/ und
sein wunderbarliche macht preyszen. Dan ich bin durch D1^r
seinen willen/ bey euch gewest/ darumb solt yhr got wol
sagen und singen.¹²⁴ Aber unser Bapst/ der setzet sich ubir
die Engel/ und uber die knecht und bruder/ die got ge-
tzeugen/ und seine wort bewaren/ wil gefeyhert sein. Er
wil das wir vor yhm nyderfallen und kniehen/ Das wir
yhm wol reden sollen/ Er vergist (meyn ich) mit wil-
len/ das er ein leymhiger und kotiger got ist/ als Job ge-
sagt¹²⁵/ und das er nit mehr ein got ist/ dan ein son gottis/
und mercket den anfang des versickels. Ich hab gesagt
yhr seint got/ und geschweygt des (das volget) und yhr
alle seint son gottis.¹²⁶ Der Bapst sol nit stoltzierenn mit
seiner gotheit/ szo yhm vorliehenn/ dan es ist ungewisz/
Johan. iii.was er kunfftiglich werden wurt/ ob er ein teuffel oder
Engel wurt. Dan derhalben schreybt Johannes alszo/
Allerliebste/ ytzt seinn wir sone gottis/ aber es scheint
Philip. iinoch nit/ was wir zukunfftig werden¹²⁷/ Alle ding seint
behalten¹²⁸ auff die zukunfftickeit. Paulus hat auch nit
vergeblich gesagt/ Ihr solt eur selickeit mit forcht und
zitter behutten/ Dan yhr^bl seint yr nit mechtig/ allein got
ist der/ der gutten willen unnd werck wircket.¹²⁹ Darausz
ist gut abtzunehmen/ wie vergessen und ungerecht unszer
Bapst ist.

Dartzu beweg ich/ das wir/ Bepstliche gotheit/ nit
alszo ehren sollen/ das wir yhnen anbetten/^bm aber¹³⁰ fur yhn
fallen/^bn aber¹³¹ das wir yhm einen namen geben eines got-
tis/ von dem wir selickeit bitten wollen/ wir wollen den
den Bapst Martem odder Saturnum nennen/ das wil
ich kurtzlich durch die historien Actuum. xiiii. geschrieben/
antzeygen. Paulus der macht einen lamen kruppel ge-
rad/ als das geschehen was/ do erhuben die Licaonier
yhr stym/ und sagten/ die goter seint gleich den menschen
und zu uns abgestigen/ und nenten Barnaban/ Jovem/
und Paulum/ Mercurium/ aber Paulus unnd Barna-
bas zurryessen yhre kleyder/ und sprachen in grossem geD1^v
schrey. Was thuent yhr/ wir seint sterblich/ unnd men-
schen wie yhr seint/ wir leren euch got erkennen und an-
betten/ nicht uns.¹³² Aber unszer Bapst fragt nit vil nach
gotlicher eher/ unnd leret uns wenig/ odder nicht/ wie
wir got anbetten sollen/ ja er vorfolget die das thun wol-
len/ und trachtet das wir yhn nur wol feyhern und grosz
machen. ¶ Er wil auch ein nachfolger Petri sein/
Actuum. x.und vorachtet doch seine geperde/ sitten und leer/ Dan
Actuum. x. stehet geschrieben/ Cornelius viel fur die fusz
Petri/ yhn antzubetten/ aber Petrus^bo hub yhn auff und
sprach/ stehe auff/ ich bin auch ein mensch.¹³³ Die heyligen
Aposteln haben uns geleret/ sein uns auch mit heylickeit
leyden und lerungen vorgangen/ unnd haben viel wun-
dertzeychen gethan/ der doch unszer Bapst keyne thun
kan/ noch¹³⁴ wil er das yderman vor seine fuesz fallen/ ligen
und anbetten solle. Petrus hebet auff/ unnd der Bapst
leget nyder/ Petrus wolt nit das Cornelius vor yhm
knyhen odder ligen solt¹³⁵/ und der Bapst wil/ das Kay-
szer/ Konig/ fursten/ und prelaten vor yhm knyhen oder
liegen/ bisz sie auszgeredt^bp/ respective. Heysset das
nit geyrret/ szo seint die holtzschucher monch nicht bar-
fuszer bruder. Es ist offenbar/ das die Bepst sterben/
darausz von noten folget/ das sie andern leuthen gleich/
und nicht mehr sein/ wie wol sie sich vilfeltiger stuck an-
massen/ die got gepuren.

Der Bapst yrret in dem blut
Christi.

Ausz bepstlicher heylickeit folget ein grosser anderer
yrsal/ Dan etlich petler Monchen^bq sagen/ das der Bapst
des heyligen blutes Christi macht hab/ dasselbe nach
Ablas.seinem gefallen ausztzuteylen/ Auff die selben yrrung/
haben sie den genadloessen^br Ablas gegrundet¹³⁶/ und auff D2^r
sandt gepauet.¹³⁷ Ich sag den Christenn/ das der Bapst
des pluts unnd leydens Christi/ gar nicht macht hat/
er kan dasselb auch niemants zuteylen/ dan es ist gleich
ein macht/ die sunder mit dem plut Christi zuerloszen/
und das reich gottis zugeben.¹³⁸ Nun wissen wir alle/ dasMath. xx.^bs
Christus selber gesagt/ Es stehet nicht in meiner ma-
cht zugeben/ das eines zu der rechten oder lincken handt
sitze/ sonder allein/ den yhenen/ welchen es von ewickeit
von meinem vatter^bt bereit ist.¹³⁹ Christus spricht/ es stehe
nit in seiner macht/ zugeben unnd vorleyhen/ das einer
zu der rechten sitze/ es sey yhm dan vonn got dem vatter
bereyt/ wie ist den der Bapst szo keck unnd mutwillig/
das ehr sich des unterstehen wil/ des sich Christus nit
dorfft unterstehen. Das aber Christus sein gebet und ley-
denn/ allen den yhenen gondet/ welchenn es der vatter
gondet/ und die ewiglich vorsehen seint/ kan ich bewe-
renJoh. xvii. alszo/ Christus saget/ Ich bit nit fur die welt/ son-
der fur die/ welche du mir gegeben hast/ dan die selben
seint dein.¹⁴⁰ Ausz disser schrifft folget/ weil Christus fur
die weltlichen unnd unerwelten nit bittet/ das ehr auch
sein blut/ nit von der welt wegen vorgossen/ szonder al-
lein den zugut/ die yhme der vatter gegeben hat/ alle
Johan. vi.eynigung mit Christo/ geschehen von dem hymelischen
vatter. Derwegenn Christus gesagt/ keiner vormag zu
mir zukommen/ es sey dan/ das yhn mein vatter zyhe¹⁴¹/ dar-
ausz zumercken/ das Christus keinen mit seinem blut
besprenget odder erloszet/ er sey dan vor¹⁴²/ von dem vatter
getzogen.

Der heylig Bapst felt vonn
einem unweg in den andern/ ausz yrrungen
in yrrungen.

Dan nach seiner ubirckeit¹⁴³ und macht (welche schrifft
verderbt und got uneert) ist ym nicht zuvil disser versickel D2^v
Psal. xc.Super aspidem et basiliscum ambulabis/ et conculcabis
leonem et draconem.¹⁴⁴ alszo ausztzulegen/ Du solt keyszer-
liche maiestat/ Konig/ und fursten/ mit fuessen tretten/
und sprechen/ solche herlickeit geburt Petro. Ey du mut-
williger schrifftbrecher/ wer hat dich diesze glosz gelert?¹⁴⁵
wo hastu den geyst in der heyligen schrifft gerochen? sol
Mat.xi.man Christum alszo vornehmen/ szo er sagt/ Lernet von
mir/ das ich demuttig und guttig byn?¹⁴⁶ Diesse glocken
hab ich meyne tag nie in der schrifft gehort/ das der/ de-
mutig und guttig sey/ der seinen bruder mit fussen trit/
So wolt ich auch fast gerne bericht horen/ wo sich sanct
Peter solcher hoffart angenommen/ das er keyszer unnd
konigen mit fuessen solt gedretten haben.

Nein lieber Bapst/ ich wil deynenn heuchlern das
i. Pet. ii.maul mit sanct Peters schrifft verstopffen der alszo ge-
schrieben/ Ihr solt alle menschen ehren/ und bruderliche
gemeynschafft lieben/ forcht got/ dem konig gebt eehr.¹⁴⁷
Ihr ketzerische liebreder/ horet was Petrus sagt/ Er
spricht wir sollen alle menigliche ehren/ Szo sprecht yr
widder Petrum/ der Bapst sol die leut mit fuessen tret-
ten/ Petrus setzet dartzu/ yhr solt bruderschafft lieben/
So sagt yhr widder Petrum/ der Bapst sol sein bru-
der mit fuessen umbkehren/ Petrus sagt clar/ das alle
menschen die konig ehren sollen/ szo sprecht yhr unver-
schempte federleser¹⁴⁸/ und oren melcker/ der bapst sol die
Konig unehren/ und mit fuessen dretten.

Ich meyn der bapst solt wol Paulum auch der gley-
chenRo. xii. glossiern/ Paulus spricht/ Yhr sollet eynander fur-
kommen mit ehr erbiettung¹⁴⁹/ das szol mir der bapst wol
alszo vorkleren/ Ich sol euch mit fuessen dretten/ en¹⁵⁰ got
es musz/ odder wir wollen auch ein mal den bapst mit
schuhen auszwischen.¹⁵¹ ¶ Ich lasz aber Paulum/ und
ruck yhm sanct Peters leer fur (welches nachfolger er
sein wil) die also lauttet. i. Pet. ii. Ihr sollet allen creaD3^r
turen untertenig sein umb gottis willen/ dem konig als
einem ubertreffenlichen/ und dem Landgraffen odder
Fursten/ als den geschickten¹⁵² von got/ dan alszo ist der
gotlich wille.¹⁵³ Der Bapst solt wol zu seinem forteyl an-
fahen und sagen/ Darumb wil ich haben/ die Fursten
und konig sollen mich ehren/ alle creaturen seint mir un-
tertenick. Ich forcht noch eyns/ der bapst solt wol sa-
gen/ sanct Peter leert ander leut und sein unterthan/ der
halben sol sein schrifft Bebsten/ und Cardinalen unnd
Bischoffen mit nicht¹⁵⁴ treffen.

Der Bapst sol den Fursten ge-
horsam sein.

Alhie musz ich mit den Decretalen (wie die katz mit^bu
der mausz) spilen/ Das arm textlin und elend elend com-
ment (das ich billich mehr beweynen/ dan anfechtenn
solt) welches die brotgewinner¹⁵⁵ und ehrgeytzige leerer
in dem titel de maioritate et obedientia/ und capitel soli-
te¹⁵⁶/ geschrieben/ zurstreyhet den gantzen vorstand Petri/
und ist dem safft und geyst gotlicher schrifft ferner/ dan
Rhom von Wittenberg. Curtzhalben/ und auff das
mahl/ wil ich obgemelt commentlin alszo antzapffen.

Pontifex in c. Solite/ insolenter et mire rhetoricatur i'd est' fallacibus et frivolis illationum nexibus argutatur/ ut frequenter adsolet.Fur das erst/ und do der text spricht/ du solt ange-
sehen hab/ die person des redners/ und zu denen ehr ge-
redt hat.¹⁵⁷ Lieber/ du solst wol sagen/ Petrus hab nit zu
allen Christen geschrieben/ warumb heyssestu dan sein
Epistel catholicam oder Canonicam/ das ein gemein leer
ist aller gleubigenn. Weystu nit/ wie Christus gesagt/
das ich zu euch red/ das sag ich allen menschenn.¹⁵⁸ Fur
das ander/ saget das ungeheuer capittel Solite/ Der
Kayszer Constantinus solt den ynhalt und macht sanct
Peters Epistel/ wol ansehenn/¹⁵⁹ Ach du lieber text/ wie
seher ist dir von noten/ dastu die heylige schrifft besser an-
sehen tettest/ du machst glossen/ welche die schrifft zurD3^v
trennen. Constantinus der hat die Epistel sanct Peter
hoher bewegen/ dan der Bapst Innocentius/ und von
dem anfang durch das mittel^bv betracht und recht gesa-
get/ das der Bapst/ Cardinalen/ und Bischoffen/ al-
len creaturen sollen unterteynig sein/ In szunderheit den
Konig und Fursten umb gottis willen. ¶ Hie wer-
den sie mich vorbannen/ und vorbrennen/ das ich wid-
der die freyheit der kirchen reed/ ja lieben gesellen/ ap ich
widder Romische und gewaltige freyheit reed/ und yr
bannet mich/ szo lach ich/ und so ich den leyhen die frey-
heit Christi¹⁶⁰ predige/ sol eur Ban und eur maledeyung
mir ein kueler thaue sein.

Fur das Tritte/ saget obgemeltes capitel Insolite¹⁶¹/
sanct Peter hab seinen unterthanen und vorwonten ge-
schrieben.¹⁶² Liebes capitel/ du bedarffst gewiszlich hirn/
und heubts/ sich wie sanct Peter die abmalet/ zu den
er schreybet/ so wurdestu schmecken/ das er alle Christen
in gemeyn lernet¹⁶³/ und nicht allein sein unterthan.

Fur das vierd/ meynet gemeltes capittel/ Solite/
das sich ein pfaff gegen einem knecht demutigen/ und
in seinem regiment must stehen/ und achtet das fur ein
grosse iniurien.¹⁶⁴ Aber weil sie nit wissen/ was untertey-
nickeit/ nach sanct Peters meynung ist/ derhalbenn^bw ge-
brauchen sie blinde argument. Nach dem aber der bapst
nachlesset/ das ein Leyh zeitten einem knecht musz un-
terteynig sein/ Szo folget/ das die pfaffen den knechten
dienen mussen. Dan alle Christen seint pfaffen/ dan sie
seint auff einen steyn gepauet/ der sie zu pfaffen macht.¹⁶⁵
Christus ist derselbich auszerwelt steyn/ auff den sel-
ben sollen alle Christen (nicht allein etzliche) gesetzt und
erbauet werden/ szo werden sie ein geystlich hausz/ ein
heylig priesterschafft/ ein geystliche hostien zuopffern/
der selb stein ist ein grund und adelkeit/ aller deren/ szo
in yhn glauben. Sanct Peter beschleust alszo/ Ir seint D4^r
ein auszerweltes volck/ einn konigliche Priesterschafft/
einn heylig volck. Nun hore lieber text/ wie sanct Peter
saget/ das alle Christen/ ein geystlich hausz/ und heylig
priesterschafft seint/ ya ein heylige unnd konigliche prie-
sterschafft.¹⁶⁶ Darausz folget/ das der glaub in Christum
alle glaubigenn zu priestern odder pfaffen macht/ unnd
das die pfaffenn/ nicht neues enphagen/ wan sie ge-
weicht werden/ szonder sie werden allein zu dem ampt
und diensperckeit erwelt.¹⁶⁷ ¶ Ich wil mich lassenn
weyszen/ kan mich der Bapst odder yemandts anders
besser lernen¹⁶⁸. ¶ Die weyl aber alle Christen pfa-
ffen/ und sanct Peter gesagt/ wir sollen allen creaturen
gehorsam sein/ dem Konig unnd den Fursten/ folget/
widder den Bapst/ das ehr kayszerlicher maiestat/ ge-
horsam schuldig ist zuleysten/ alles umb gottis willen.
Volget auch/ das die ertichte glossenn des Bapsts ist
krafftlosz/ und befinstert¹⁶⁹ die schrifft/ wie ein rauch/ Ich
radt yhm er lerne sanct Peters Epistel besser/ und geb
den keyszern und fursten ehr/ und sey aller creaturen un-
tertheynig/Servus servorum wie er sich in seinem titel rumet. ¶ Ser-
vus servorum/¹⁷⁰ ein knecht aller knecht/ Ist er ein knecht
szo hat der Kayszer widder yhn obirckeit/ Ehr wolte
dan sagen/ ich schreyb mich Servum servorum/ causa
humilitatis/ und nicht veritatis/ szo lieg und betrieg ehr
szo lang/ bisz die graehen rock vorgehen/ unnd wollenn
wir yhm nicht gleuben.

Weyl auch der bapst schuldig ist den kayszer zuehren
wie gebraucht er dan diessen text/ Super aspidem et basi-
liscum ambulabis/ et conculcabis leonem et draconem.¹⁷¹ dan ehr
glossiert/ Der bapst sol mit fuessen auff den keyszern und
fursten gehen/ Wan es recht ist/ das einer ein stroherin
bart von einem unschuldigen kindlin reuffen mag/¹⁷² szo
werd ich sagen/ Conculcabis leonem et draconem.¹⁷³ Der key-
szer und fursten sollen den Bapst zurtretten.¹⁷⁴

D4^vMath. v.Christus spricht/ welcher zu seinem bruder saget/ du
Nar/ der ist schuldig des ewigenn feuers.¹⁷⁵ Dartzu hat
Jacobi. iiii.Jacob gesprochen/ welcher seinen bruder vorhonet oder
urteilt/ der urteylet das gesetz.¹⁷⁶ Unszer bepst/ die honenn
und spotten Kayszer und Fursten/ und belestigen sie vil
hertter/ dan wan einer sproch/ Sie seint narren/ Ange-
sehen/ das die Christen/ der heyden narren/ geacht wer-
den¹⁷⁷/ unnd das ein narr/ gemeynlich ein unschedlicher
mensch/ und widderumb ein Basilisck/ odder ein bosz
pestilentzische schlang/ den menschen gar gefer/ und alle
zeit zu nachteil ist. Derhalben offenbar ist/ das der bapst
und sein heuchler/ den Kayszer abnennen¹⁷⁸/ unnd yrren/
vil sundigen und vil unrecht thun.

Ich darff wol sagen/ das die ketzerischen schmeych-
ler/Rom ist gleich dem teuffel. erger zurbrecher der schrifft seint/ dan der leydig teu-
ffel. Dan Chrysostomus und Hieronymus sagen/ das
der teuffel die geschrifft pfleg ubel zugebrauchen/ und be-
weyssen das mit dem versickel/ Angelis suis mandavit de
te/ ne forte offendas ad lapidem pedem tuum.¹⁷⁹ das der teuffel
einen teyl auszgelassen/ und den versickel nit gantz furge-
tragen hat/ Diesse clausel hat er auszgelassen¹⁸⁰/ Et custo-
dient te/ ne forte offendas ad lapidem tuum. Sie werdenn
dich behuten/ auff das du keinen fuesz vorletzest. Ob ge-
nante leerer sprechen/ es sey ein teuffelische gewonheit/
szo einer den syn der heyligen geschrifft nicht volkommen-
lich/ und wie er in der schrifft leyt/ einfueret. Was wur-
den sie heut sagenn/ wan sie sehen/ das die bepstlichenn
schmeichler/ die schrifft/ mit widderwertigenn glossen
zur brechen/ und sagen/ basiliscus heyst ein Romischer
kayszer/ und aspis ein konig. Ach hette ich uberige zeit/
ich wolte yhnen ein sturtz (mit dem wort gottis wey-
szen)¹⁸¹ das sie pleich wurdenn. Beschlieszlich/ keiner sol
sich die schrifften (szo mit gewalt/ in des bapstes nutz/
in dem ca'pite' Solite geschrieben)¹⁸² lassen bewegen/ szonder E1^r
festiglich darauff stehen/ das der Bapst unnd pfaffen
schuldig seint/ weltlich fursten zuehren/ da dartzu/ den ge-
ringsten Christen sollen sie/ rechter liebe und hertzlicher
ehr/ gut thun/ und ausz hertzen wol meynen/ den armen
gleich/ wie den reychen.

Scopus: das ist: das zeygen¹⁸³
und zihel diesses buchlinsz.

Eer ich furt far/ und den manigfeltigen gewalt/ und
ubirmuttickeit auszleeg/ welchen der tyrannisch Bapst
widder gottis schrifft und eehr/ auch gemeyner Christen-
hit zu vorderplichem nachteil und unerstatlichem scha-
den einfuret/ und uns arme scheeflin erschleicht/ uber-
felt/ und wurget. Angesehen/ das die unbesunnen mey-
ster (szo der Bapst hat/ und lesset magistros pallacii¹⁸⁴ nen-
nen) ubir die massen stumpff und enges gehyrnes seint/
Protestacion.wil ich itzt/ und hyrunden/ offentlich bedingen¹⁸⁵/ vor euch
herren Neythart von Tungen¹⁸⁶/ und yeglichen/ szo disz
buchlin sehen odder horen leszen/ Das ich nicht gesind
bin/ die unlaugbarlichen missetaten des Bapsts/ und
die hendel die ydermeniglich sunde heysset/ hiemit ent-
deckenn wil/ szonder allein die yene ubung/ welche die
Bepstlich orenkreber¹⁸⁷ fur gut und zymlich vorteytigen
wollen/ und offentlich in das Christlich volck schutten/
Dan ich weysz/ sie werden sprechen/ ich sol mich selber
bey der naszen zyhen.¹⁸⁸ Ja lieben zungentrescher¹⁸⁹/ ich halt
mich nicht fur frumb/ dan wo ich mich/ als einer/ der
alle seine tag/ yhe etwas gethan/ das got gefellig must
sein/ schatzet/ so thet ich dem teuffel einen grossen dienst/
und vorterbet mein leben. Darumb horend yhr wind-
plaszer¹⁹⁰/ das obertzelt yrrungen (die yhr fur gut urteilt)
machen/ das glaubich volck von got yrren. Auch weisz
ich/ das got nicht schwinder¹⁹¹/^bx zu seiner zeit straffet/ dan
die vorleytungen¹⁹² der obersten/ wan sie das volck gottis E1^v
mit wolscheinlichen furgeben/ vorfuren/ Ich weysz das
got nicht allein/ die vorleyder¹⁹³/ szonder auch die unwey-
szen nachfolger vorderbt hat/ und wurt sie hynfur/ son-
der zweyffel vorderben.¹⁹⁴ Derwegen wil ich nit schwey-
gen/ damit ich die Christen treulich warne/ auff das sie
sich mit hoher furbetrachtung¹⁹⁵ selbs erkundenn/ was
yhnen in dem Bapst geburt¹⁹⁶ zumeyden und zufliehen.

Ich kan den Bapst nit fast vordencken/ das er wid-
der heylige schrifft handelt/ und^by mit boszen glossen ver-
bricht/ die weil solche ungelerte meyster (des pallacii)¹⁹⁷
zu lesen und auszlegung gotlicher Biblien mit offentlichen
solt bestelt/ die kein wissen in der heyligen Biblien haben.
Ich sage bey meinen treuen (und beteur das/ mit hoch-
ster betzeygung/ die ich yhe kan gethun) das ich zu Rom
in der Sapientz von einen Theologen und monchen eynsz
hab mussen horen (als ich ein autoritet ausz der Biblien
ym furwarff)¹⁹⁸ Diesse wort/ Venis tu cum credere/¹⁹⁹ das ist
kombstu mit dem buch des glauben. Ist das nit ein cleg-
lich elend jamer (wir disputierten/ wie Theologen/ von
got/ und seinem willen/ von menschlicher gebrechlickeit und
von dem glauben) das mir der monchisch doctor dorff/ sa-
gen/ wiltu die heylige schrifft zumarckt und wider mich
furen? ¶ Horend alle und yegliche Christen/ sollen
wir das dem bapst lenger gestatten/ das er solche unchri-
stliche leerer zu Rom lasset lesenn? Sollen wir zu unszer
ewigen vordamnisz/ die hendt still halten/ und dem Bapst
gestehen/ das er sich von solchen tyrannen unnd narren
lasset unterweysen? Sollen wir die/ fur meister des glau-
bens/ haben/ die den glaubenn vorlachenn? Ich riette
den Christen mit treuen²⁰⁰/ szonderlich konigen und fur-
sten/ das sie dem Bapst kurtz gebotten (das sie ym re-
chtenn der Biblienn zuthun schuldig)²⁰¹ bey vorlust des
Bapstumbs und aller ehren und gutter/ das er Christ-
liche lerer anstellet/ und solchen/ den gotliche schrifft zu E2^r
hertzen gieng/ damit unszer glaub nicht von denen vor-
acht/ vorhondt und vorspot wurde/ die yhnen lernen und
vortretten sollen/ und yderman ketzer schelten wollenn.
Genug wer es/ das wir solchen hon und spot von den Hey-
den erlyden/ sollens unsere oren von den Romischen bu-
ben horen/ das die Biblien (darinnen der recht grund
Christliches glaubens abgemalt²⁰²/ beschrieben unnd be-
schlossen²⁰³) ungenugsam sol sein/ das wir einen monchen
damit anstechen²⁰⁴ unnd^bz niderwerffen? Steend auff yhr
herren und machent uns/ von den greulichen bestien ein
mal ledig/ und vortehdiget den glauben/²⁰⁵ dartzu yhr und
wir alle/ uns mit sacramenten unnd eyden haben ver-
pflicht. Eur eltern/ etzliche/ haben yhr blut/ fleisch/ und
leben/ dem heylsamen wort gottis zuunterhaldung/ ver-
gossen/ wie konnet yhr dan yhe szo hart gesein/ das euch
die Romische poszheit/ nit antzunden kan und erwecken?
Christus Jesus hat das gotlich wort/ mit erlidtem tod
erfuld und befestiget/ wollet yhr/ odder muget yhr hern
dan/ lenger dem bapst nachlassen/ das er/ und sein verlor-
ne leeszer/ szo spotlich^ca von der schrifft reden? Betracht
doch das wort Christi/ das ehr gesagt/ welcher nit
durch mich eingehet/ der ist ein dieb und morder²⁰⁶/ Alle szo
Christum nit wollen horen/ und die schimpflich von seinem
wort reden/ seint die/ die nit durch die pforten eingehen.

Fur das ander/ behertzet doch/ das der kleinste bu-
chstabenn/Jotta vel apex. ja der geringst punckt der schrifft festiglich
musz gehalden werden²⁰⁷/ wie dorffen dan/ die ketzerische
keeszbetler²⁰⁸ sagen/ Venis tu cum credere?²⁰⁹

Fur das drit/ bit/ ermessent/ das got seinn schrifft/
und wort/ in den mund der propheten gelegt/ unnd der
heylig geyst ausz den menschenn geret/ nach dem Chri-
stus^cb gesagt/ Yhr seint nit die reden/ aber der geyst mei-
nes vaters der redet in euch²¹⁰/ Das heylig geystlich wort
vorspotten die boszhafftigen zungen.

E2^vChristus der ist gottis son/ noch spricht er/ Ich red
nit von mir selber/ szonder wie mir mein vatter befoh-
len.²¹¹ Nu die weil Christus sein wort/ in den gotlichenn
born^cc treget/ und saget/ das seine wort/ seines vaters sey/
Wie sein die knebel²¹² so durstig²¹³/ das sie sich nit schemen/
zusagen/ Venis cum credere?²¹⁴ das ist/ kommestu mit dem
wort gottis?

Vornement eben²¹⁵ und tieff²¹⁶/ wesz^cd ich ewr koniglichen
furstlichen wirden/ hohen und gnaden erynner/ unnd
wehn obberurte unehr berembt²¹⁷. Ich weisz yhr wurdet
keinen Juden odder heyden ungestrafft lassen/ wen yhr
solch lesterung von yhm horen wurt/ wolt yhr den durch^ce
die finger^cf sehen/ und den pestilentzischen platzmeystern²¹⁸
lenger zugebenn/ das gottis wort alszo geschwecht^cg sol
werden/ szo werden alle Christen vorfuret/ und wirt got
seinen grymmen ubir uns alle/ wie einer ein schosz²¹⁹ vol-
ler feursz/ auszwerffen.

Ach die groben kelber unnd ochszen/ die meyster des
palacii/ leszen/ und wer²²⁰ der gantzen Christenheit nutzer²²¹/
das sie dafur schliffen. Ich nenne die selben platzmeister
OchszenOchszen und kelber/ das^ch sie vor grosser boszheyten/ wid-
derKelber. gottis wort/ wie ein kalp/ umb und umb springenn/
schreyende. Venis cum Biblia/ und spitzen yhre horner/
und scharren mit fuessen/ und nehmen einen zulauff/ auff
das sie/ mit heydenischer leer (wie ein Ochsz/ mit hor-
nern) widder heylig geschrifft leffen²²²/ und erkennen und
predigen Bepstliche yrrungen/ fur wolthet/ und sagen
er thue wol. Ich hab aber angetzeicht/ das der Bapst/
got hochlichen zu zorn/ mit obberurten stucken/ bewecht.

Ich wil nit sagen/ von den groben fleischlichen sun-
den/ sonder^ci allein/ von den geystlichen/ sunden/ die grosser/
dan morderey/ ehebrecherey/ und reuberey zuachten sein.

Ich sag auch nit/ wie ein Bapst den keyszer Barba-
rosz dem heydnischen keyszer^cj verraten/ wie ehr den keyE3^r
szer liesz abkunderfehen/ und schicket das bild dem Tur-
ckischenn keyszer/ Ich wil solcher offenbarer stucke ge-
schweygen.²²³

Wie der Bapst das heylig
Evangelium ehret.

Das Evangelium Christi ehret der Bapst^ck gleycher
weysz/ wie die Bapstliche platzmeyster/ von der heyli-
gen schrifft horenden/ die in theologischen disputationen
dorffen sagenn/ Brengestu die Biblien erfur²²⁴/ Gleich
als solten sie sprechen/ die biblien ist zugering/ das wir
an sie^cl sollen gepunden sein. Alszo heltet sich der Bapst
mit sitten²²⁵/ gegen den heyligen Evangelien/ und thut das
mit geberden²²⁶/ das obvermelte kelber und ochszen/ mit
wortten und zungen miszhandeln. Dan der bapst steelt
sich gegen das^cm Evangelium/ wen es in der kirchen wurt ge-
leszen odder gesungen/ gleich als wer yhm das Evan-
gelium zugering/ odder er solt auff das wenigest/ dem Evan-
gelio mit aller herlickeit und erwirdickeit gleichwirdig
sein. ¶ Kurtzlich²²⁷/ er wil Evangeligmessig²²⁸ sein/ dan
ich hab gesehen/ das er unter dem ampt heyliger Meesz
(wie man priester Joan gemalt umbtregt) auff seinem
sthul sasz/ Er bleyb sitzen wie ein gemalter und wol ge-
tzyrter heyd/ dem das Evangelium nicht vorwand^cn229/ und gar
nicht befohlen/ und der gotlichen wort kein ehr zuthun
schuldig ist.

An einem tag hab ich gesehen²³⁰/ das ein grosser prelat
(ich acht einn Ertzbischoff odder Cardinal/ wie ich
wart vorstendiget²³¹) das Evangelium solt leszen/ der selbe
bracht yhm das buch (darinnen das Evangelium ge-
schrieben) von dem bapst Benedeyung zunehmen/ und
must bald auff sein knihe fallen (wie er auch fielh) und
dem bapst seinen fuesz kussen/ darnach laesz gedachter
Prelat das Evangelium.

E3^vWas sol ich sagen/ unszer Leo/ disser Bapst (der ein
vatter und pfarher aller Christen sein wil) sasz unter le-
sung des Evangelien gar stilh/ er keret auch sein augen
nicht zu dem Evangelien/ er bleyb gar stilh und unbe-
wegt sitzen/ und tat den heyligen Evangelien^co keine ehr.

Welchem doch/ Kayszer/ Konig/ Churfursten/ fur-
sten und hern/ alle Christen auffsteen/ odder (szo sie un-
vermuglich sein) yhe ein ehr erbiettenn/ damit sie yhre
unterteynickeit und bereytten willen antzeygen mugen.

Der teuffel forcht die krafft heyliges Evangelien
unnd der Bapst ensetzet sich gar nicht vor Evangeli-
scher maiestet.

¶ Ich weysz (und wissens nicht wenig) das der
bapst ernstlich wil habenn/ das sein Delegaten odder
Commissarien (die zeytten mit seinem wortte und brieffen
ersucht) Bepstlichen bullen mit grosser und vil erh er-
bittung mussen annehmen/ unnd die Notarien (durch
offentlich instrument) schreyben/ wie der Commiss-
riusCum reverentia debita. Bepstlichen bevelh/ Cum reverentia debita em-
pfangen/ das ist das er/ den brief aber rescript/ odder
bulle gekusset/ und auff sein haubt gelegt/ und sich tieff
hab geneygt/ und szo einer solche ehrerbiettung vorgesz-
lich uberfure/ unnd nachliesz/ er wurt in bepstliche un-
gnad und schweren ban fallen/ und gestrafft als ein ver-
achter. Aber der bapst heltet sich gar in keiner reverentz
gegen dem Evangelio/ ehr thut yhm wenig odder kein
ehr/ Dan wurt es yhm zugetragen/ szo sitzet er/ wie ein
unbesunnen mensch/ Er kusset auch nit gotlichs wort/
Ya ehr wil/ das der diener und trager des Evangelii/
yhnen sol kussen/ alszo wil ehr lieber gekusset werdenn/
dan kussen. Item er neyget sich nicht/ so bucket er^cp auch
nicht/ mit seinem heubt/ szo legt er es auch nit auff den
kopff odder prust/ es ist yhm altzugering/ und wil uns
zwingen/ das wir sein wasser plaszen²³² mit gotlicher ehr E4^r
empfahen/ wie wol er auch allis das er ist und besitzet/
von dem Evangelio inhelt/ dartzu ist er yhm/ mit eyden
(wie ein ander Christ) vorstricket/ und szonderlich sey-
nes amptes halben voreydet/ Dennoch stellet er sich/ als
wer er dem Evangelio nicht pflichtig/ als kennet er es
nicht/ unnd hette gar kein eehr/ ausz und durch den be-
felh Christi/ ydoch wil ehr ein Commissarius Christi²³³
sein genant/ wie wol yhm der befelh und Commission
verechtlich^cq ist. Ist es aber nit licht am tag/ wie die clein-
mutige Christenn/ bepstliche Bullen zu sich nehmenn
mussen. Schicket der bapst etwan einen tollen/ und be-
triegischen betler/ szo wil er/ und zurnet unnd thut mit
grossen ungenaden rachung/ wan wir yhnenn/ nit/ mit
kertzen und fanen einfuren. Wil er das von uns/ gegen
den seinen haben/ wie ist er dan/ szo gar vorgessen unnd
hartmutig/ das er nit widerumb/ der gleichen der schrifft
und befelh Christi thuet/ und verschafft das got werde
gethan und ertzeicht²³⁴/ das wir seinen lausichen keszpet-
lern²³⁵ und heylischen bullen thun sollen.

Steynerin kirchen und silberin kelch ehren die leut/
darumb/ das sie got eygen gemacht seint/ und alszo ge-
heyliget/ und konden doch keinen geist Christi/ ausz ynen/
durchleszen odder ansehen/ erlernen/ odder richen od-
der schmecken.

Die heylige geschrifft ist got nichts mynder voreynet
und eygen gemacht/ dan ein kelch odder altar/ und kon-
den in der schrifft leszen/ odder horen leszenn alles das/
das uns von noten/ und mugen auch den rechten geyst Chri-
sti durch fleyssig lesung oder anhorung schopffen/ versu-
chen und schmecken. Uns ist auch yhe kein zweiffel/ das
die schrifft heyliger und got neher ist/ dan ein kelch/ altar
und messegewand. Warumb sprechenn sie nit/ das einer
grosse und herte penitentz leyden sol/ wan er das wort gotis
uneret/ oder vorachtet/ aber²³⁶ wil es nit horen aber²³⁷ lesenn.

E4^vMat. xxiiO wie war ist/ das wort Christi/ Die gleyszner²³⁸ haben
alwegen/ das klein ist/ grosz geacht/ und das in sich selb
hochachtpar ist/ das haben sie wenig geschatzt und vor-
nicht.²³⁹ Die schrifft ist heyliger/ dan kein²⁴⁰ unlebendiger tem-
pel/ kelch/ altar/ monstrantz unnd der gleichen. Sie hat
auch nit weniger wundertzeichen gethan/ dan andere
heyligthum/ warumb achtet dan der Bapst die geschrifft
szo gering. Ich waisz wan unser pfaffen sehen/ das der
bapst ein heylig gepeyn/ als sanct Pauls heubt/ ehret/
wie er das Evangelium heldet/ das sie naszen und styrnen
runtzelen wurdenn/ unnd ist doch offenbar/ das sanct
Paul die Christen mit hohern vleisz erynnert/ das sie/
in der form und massen (die er geschrieben) sollen bley-
ben/ sich darnach zurichten/ mit glauben und wercken²⁴¹/
dan das wir yhnen odder^cr sein gepein/ ym todt/ sollenn
ehren und besuchen. Wir leszen nyndert²⁴²/ das uns Pau-
lus an seinem bart odder gepein/ oder fleisch zeuget. Den-
est²⁴³ dorfft der Bapst sanct Pauls schrifft wol uber einn
zan ansehenn²⁴⁴/ unnd die leut zu sanct Pauls fleisch mit
Ablas zihen. Sanct Pauls geyst und leben und krafft
ist vil krefftiger in der schrifft/ dan in seinen vorstorbenn
glidern/ noch ist sein leer bey den narren gering/ und der
bart hocher gepreysset.

Wir leszen geschrieben/ welcher einen tempel uneret/
Templum.der vorcleynet denen/ der ym tempel wanhafftig.²⁴⁵ Nun
kann der bapst nicht leuckenn/ das Christus in der ge-
schrifft/ geborn/ beschnitten/ von den konigen gesucht/
und angebet/ Das er in dem tempel leeret/ und ein stym
von dem hymeln horet/ Disser ist mein lieber son/ in dem
ich gefallen hab/ den horent²⁴⁶. Item Christus/ macht die
blinden sehen in der schrifft/ die kruppel gerat/ die ausz-
setzigen reyn²⁴⁷/ er lesset seine Sonn den frumen und bo-
szen scheynen²⁴⁸/ er vergibt sunde/ er prediget den armenn
froliche und heylsame botschafften/ gegenwertickeit des F1^r
reich gottis/ er leydet uns zu gut nachred/ spot und bann/
und jaget die vorkauffer unnd handeler ausz dem tempel/
Er kumpt senfftmutig/ und wie ein konig/ er horet lobe-
sang/ Er wurt gefangen/ geschlagen/ gekront/ gecreu-
tziget/ er stirbet/ feert in die helle/ und aufferstehet/ und
steyget auff in die hymeln/ und erneret und behut uns teg-
lich. In der summa/ Christus wanet in seinem wort/ und
heyliger geschrifft/ mit leyden/ tod/ und leben/ und her-
sung²⁴⁹/ und einwanet tausent mal krefftiger und wirckli-
cher/ und allenthalben lebendiger/ dan in einem steynern
hausz. Szo hat er uns auch an sein wort gepunden/ und
angehefft/ und ist gewisz war/ welcher gotis wort oder
schrifft unehret/ der unehret got selber/ dan er spricht sel-
ber/ welcher mich liebet/ der bewart mein wort/ welcher
mich nit liebet/ der last mein wort faren.²⁵⁰ Darausz wol
zubegreiffen/ wie der Bapst Christum liebet/ weil er sein
wort/ szo gering furuber lasset gehen/ oder fur sein fuesz
tragenn. Ich eyle/ sonste wolt ich durch schrifft antzey-
gen/ und vestiglich beschliessen/ das alle Christen/ bey
verlust yhrer selickeit/ schuldig sein/ den hohmut in dem
Bapst/ wie ein feur/ das selen und leyp vorbrennet/ zu
dempffen. weysz doch der Drach und tyrannisch Lau
wol/ das Petro in vleysz befohlen/ die schefflin Chri-
sti zuweyden²⁵¹/ Weisz er auch nit/ das die weyd oder das
prod/ dadurch Petrus die schaff speyszen sol/ das wort
gottis ist? warumb stelt er sich dan szo gar froem^cs252 zu der
weyd?²⁵³ und wil uns doch fur sein schaff haben. Ja wan
sein Decretales und gewaltsame statuten/ die weyd hy-
ssen/ szo solt er wolff/ lauen/ bern/ und lindtwurme spey-
szen/ Itzt lasset er uns nicht allein ungespeyset/ sunder er
verterbet/ vorgifftet uns das teglich brot²⁵⁴/ mit seinen tra-
ditionen/ darumb ist kein wunder/ das er das Evan-
gelium geringlich thut achtenn. Ich sag fur mein person/
ich wil yhn auch nit fur einen pfarhern und pastor halF1^v
den/ er weyde mich dan mit der weyde Christi/ und sa-
ge/ das Keyszer/ konig/ unnd alle Christliche fursten/
got fur yhre nachlassickeit in seinem gestrengen gericht
antwortten mussen.

Ich weysz wann uns einer ein vihedrifft²⁵⁵/^ct aber²⁵⁶ vihe-
tzucht/ oder wiszen/ davon das vihe weyde suchet und
sich speyszet/ vergifftet/ odder mit kottigem wasser ver-
schlampt/^cu aber²⁵⁷ unszer leyplich brot nehm/^cv aber²⁵⁸ ein gut
schmelert/ wir wurden alle weg vorsuchen/ das unsere
zuerlangen. Wie sint wir dan szo gar blind/ tolh und ver-
gessen/ das wir gestehen wollen/ und dem Bapst nachge-
ben/ das er unszer seelen/ das geistlich brot²⁵⁹/ vergifftet/
odder das gotlich wort ausz unserm hertzen zeuget/ des
Psal. c.xviii.sich die propheten/ schmertzlicher beclagenn/ dan alles
leyden/ und fur ein hellisch peyn achten.²⁶⁰

Der Bapst wil/ das wir alle seiner traditionen/ und
fleischlichen rechten sollen glauben/ und uns an sein men-
schlich gesetz pinden. Er lesset sein decretalen/ wie das
Evangelium predigen/ und verschafft das sie geprediget
werden.²⁶¹ Dartzu sprechen sein heuchler (aller Christen
verleytter²⁶²) das bepstlich recht/ sey der Biblien in herli-
ckeitHiere. xxiii. und heylickeit gleich/ Derwegen geschicht/ das sie
dreumen fur warheit/ menschen lugen/ fur gotlich zusa-
gung/ vorpleuttern²⁶³ und lernen/ und stelen uns das wort
gottis/ und vorkundigen uns fur gottis wort/ das got
nit geredt hat.²⁶⁴ Sie sint auch nit mit solchem befelh ge-
schickt/ got hat yhn yhe auch nit befolen/ yhr eygen wort
zupredigen. Welcher solch jamer leszen wil und erkunden/
wie got die selbe propheten gestrafft/ und straffen wurt/
der lesze Hieremiam am .xxiii. capittel/ und Mosen ym
buch des andern gesetz/ odder ehe yn dem .xiii. capittel.²⁶⁵

Unszer Bapst wurt auch (mit solchen gemeynen sche-
den) nit gesettiget/ das er uns das wort gottis mit sey-
nen gedancken verschlempt²⁶⁶ odder vergifftet/ aber²⁶⁷ das F2^r
wort gottis/ ausz unszern hertzenn auszrucket²⁶⁸. Sunder
uber das/ das er uns unser weyd entfrombt²⁶⁹/ und spot-
lich handelt/ zurbriechet er das wort Christi vor unsern
augen/ und machet glossen/ welche/ den grund gotlicher
Biblien verwusten und auszwurtzeln/ wie ich von dem
versickel/ Super aspidem et basiliscum²⁷⁰ gesagt hab/ und zu
seiner zeit (uber das itzt nachfolget) sagen werd.

Wir halden alle/ das der Befehlhaber oder ein An-
wald/ den befelh sunderlich/ und vor allen behertzen/ und
auszrichten sol/ den yhm sein her/ in grosser not und in
seinem abgehen oder abstehen befihlet. Christus/ der
Johan. ii.auch zu einem zeychen (solcher bedechtickeit) zu letz-
tenn den besten wein gemacht²⁷¹/ hat/ sanct Peter/ unnd
Johan. xiii.seinem nachfolger/ ym ende seines abstehens und vor
seinem tod (yhm und allen jungern) befohlen/ das der
mit diensparckeit allen menschen sol dienenn/ dero der
hochste wil sein odder ist/ darumb wuesch der meyster
und her/ seinen jungern und knechten yhre fuesz/ das sie/ ob
sie erhohet wurden/ den nydern und dienern yhre fuesze
auch solten waschen.²⁷² Das ist der letzte und allerheffti-
giste befehl Christi (des/ der Bapst vicarien sein wil)
und achtet doch den befehl gar nicht. Ja er sturtzet yhn
umb/ dan er ertzeygt sein gemut mit eusserlichen geberden
als sprech er/ Ich solt dem diener fuesse waschen/ das wil
ich nicht thun/ ich wil das alle menschen mein fuesse sol-
len kussen/ darausz wol zumercken/ wie er das mandat
Ibi lege vindictam et horripilabit tua pellis.heldet. Nu die weil er die schrifft gar umb keret/ so sollen
wir yhn hynfur auch keinen Comissarien Christi/ sonder
einen feynd gottis nennen/ und sein heuchler (die sagen/ der
bapst yrret nit) mit yhren abtgot verjagen/ yr heusser und pa-
last zureyssen/²⁷³ und ein neuheit (durch einfurung und bewa-
rung des alten und gotlichen befehlsz) an²⁷⁴ alle forcht machen.

Ich wolte noch vil mehr gesagt haben/ aber ich wil
beschlissen/ und etzlich stuck in der feddern behalten.

F2^vEfferung²⁷⁵ unnd Repetition:
obvermelter yrrungen des Bapsts/ mit an-
dern schrifften becleydet/ und gewappent.

secundum Petrum nigri/ ideo peccatum non tollit.²⁷⁶In und ausz obvertzelten schrifften/ mag meniglicher
erkennen/ das Bepstliche wirde/ niemandts zu einem
unbetriegischen got machet/ szonder lasset einen yeglichen
in seiner haut bleyben/ und erhitzet auch den alten Adam
zeitten/ das er nach gottis ehr/ wie Luciper nach gotli-
cher gleichheit tast und greuffet. Und ist nit an²⁷⁷/ dan/ das
Bepstliche heylickeit niemants vor sunden/ straucheln
yrren und abfallen behutet. wir haben nit mehr/ dan ei-
nen (der got ist) der allein in die stadt der laster nicht
Osee. xi.eingegangen/ wie Osee .xi. spricht²⁷⁸/ sunste (den selben ausz-
genommen) seint alle heylige menschen sunder. als Moy-
ses/Exodi xxxiiii Exodi an dem .xxxiiii. geschrieben/ Kein mensch ist
bey dir/ durch sich selber unschuldig.²⁷⁹ Nun die weil nie-
mantspsal. xxxiii bey got unschuldig/ sprechen David und Pau-
lus/ Selig ist der/ welchem got seine sunde zudecket.²⁸⁰ Ich
wil alszo arguiren/ Ich frage/ ist der bapst ein mensch
oder nit? Ist er kein mensch/ so kan er kein Bapst sein/
Heb. v.Dan der Pontifex sol ausz menschen erwelt sein²⁸¹/ auch
sehen wir offentlich/ das die Bepste aller menschen^cw un-
tugenden und gebrechen mit der tat volbrengen.

Sie durstenn/ sie leydenn hunger/ sie trinckenn/ sieiii.^cx Regum viii.
essen/ unnd sterben. Ist aber der Bapst ein mensch/ szo
ii. Paralip. vi.ist er auch ein sunder/ und sundiget. Dan. iii. Regum. viii
unnd .ii. Paralip. vi. spricht David alszo/ Kein mensch
ist/ dero nit sundiget.²⁸² Darumb folget von noten/ das der
Bapst ein sunder ist/ und sundiget. Eya welcher darff
Pro. xx.Lu. xviii.sagen/ Mein hertz ist reyn/ und ich bin von den sunden
frey/?²⁸³ Niemants/ dan die gleyszner/ die sprechen/ Ich
bin nit wie die andern.²⁸⁴ Die gerechten und warhafftigen
heyligen/ seint nicht allein sunder/ szonder sie fulen und F3^r
Prover. xviii.empfinden/ und urteylen und beschuldigen yhre sunde.
Als geschrieben/ Der gerecht ym anfang seiner red/ be-
claget und beschuldigt sich selber.²⁸⁵ Du horest nit/ das sich
der gerecht selber lobe und entschuldige/ sonder das er sich
Psal. c.xlii.verclaget/ unnd hasset und neydt und forcht. Derhalben
redet der gerecht David alszo/ Herr/ gehe nit mit dey-
nem knecht in dein gericht/ dan bey dir und in deinem er-
kentniszJere. xvii. ist niemants (dero lebet) gerecht.²⁸⁶ Wir seint alle
samptlich und sonderlich ungerecht/ Unszer hertzen mu-
gen wir selber nit ergrunden.²⁸⁷ Derwegen/ der gerecht und
Job. ix.heylig Job gesagt/ Ich forcht alle mein werck/ und wan
ich hende (das ist/ werck) hette/ die szo weysz (das ist/
reyn) weerenn/ wie schne/ szo wurde sie doch got yhnn
koedt duncken/ und unrein machen.²⁸⁸ Das ist/ Wan got
Esa. lxiiii.der heyligen werckt urteylet/ szo findet er sie alle kotig und
unreyn. wie Esais spricht/ Unsere gerechtickeyten seint
als ein rot unsuttich tuch der frauen/ so yhr kranckheit
gehabt.²⁸⁹ Auch sagt Job/ Herr mein got/ zeyge mir mein
Job. xiii.laster/ mein nachlessickeit/ und mein boszheit.²⁹⁰ Alszo beken-
nen die heyligen yhre sunde/ welche sie nit bekennen/ die
seint unheylig und unwarhafftig. Nach dem geschrieben/
i. Johan. i.Wan wir sagen/ das wir kein sund haben/ szo seint wir
an²⁹¹ warheit.²⁹² Wurt der Bapst sagen/ das er nit sundiget/
szo leugt er/ mit urlaub²⁹³/ und bettet das Vater unszer be-
trieglich und felschlich. Die gerechten haben yhres be-
kentnisz lonung und grossen nutz. Ursach/ wan sie sich vor-
urteylen/ szo aburteylet sie got/ und macht sie ledig/ Wan
i. Johan. i.Esa. xliii.die gerechten yhre sund got beichten/ szo ist got getreu
und vergibt sunde²⁹⁴/ als Johannes geschrieben/ und got
durch Esaiam gesagt/ Bedenck du deiner sunde/ so wil
ich sie vorgessen.²⁹⁵ Nun wo der Bapst szo nerrisch und un-
guettig wer/ das er kein sunder wolt geacht sein/ so wer
ehr ein hoffartiger/ unguttiger sunder/ vorlure auch itzt
angetzaigten frumen/ und wer kein mensch/ auch kein F3^v
Bapst/ und weer viel besser er regieret Teuffel/ Scor-
pion/ Tarander²⁹⁶/ Schlangen/ Trachen/ und Schwein
dan menschen.

Wir sollen den Bapst yhe fur keynen Pontifex und
pastor achten und halten/ wan er vorneynen (oder mit
einem mantel uns bergen) wolt/ das er sundiget/ yrret
und unrecht thut. Dan sein befelh/ welchen er teglich in
seinen henden sol haben/ saget klerlich/ das er ein sunder
struichler²⁹⁷ und ein yrrender weglauffer ist.

Dan got spricht selber/ der synn und gedancken men-
schliches hertzen ist von jugenten zu den boszen geneiget
Joan. xviiiund bereyt²⁹⁸/ szo wissen wir alle/ das die pontifices unnd
phariseyer haben radtgeschlagen/ wie sie Jesum mit li-
steMath. xxvi. ergriffen/ und das Annas pontifex gewest²⁹⁹/ und hat
zu sampt denn andern/ unszern hern Jesum in wortten
und person beleydiget/ und yhm unrecht gethan. Auch
ist yglichem kunt/ das die Bischoff und Bepsten/ mit
schonen kleydern unnd kostlichen steinen werdenn ge-
schmuckt/ dadurch bedeutet/ das der Bapst sein schon-
heit alle und yegliche/ froem empfecht/ derhalben musz
er yrren durch sich selber in sunderheit/ wan er sich wid-
der gottis gebot setzet/ Ich sage mit warheit/ das der
gesalbt pontifex frusch³⁰⁰ unnd bald/ an dem andern tag
nach erlangter^cy benedeyung und salbung/ kan sundigen.
Dan Aaron (dem/ etzliche unsern Bapst vergleichen)
liesz sich sieben tag heyligen/ und musset fur der heylig-
machung/ und nach gethaner weyh/ wider fur sein und
des volckes sunden opffern/ als wir mit scheynlichenn³⁰¹
Levit. viii. et .ix.und undunckeln wortten leszen odder horen leszen/ Le-
vitici an dem .viii. und .ix. capittel. Nemlich/ Octavo autem
die vocavit Moses Aaron dicens/ Accede ad aram et
imola pro peccato tuo et populi.³⁰² Aaron musset des an-
dern tags (do er yhe noch/ nach freuscher heylickeit solt
gerochen haben) fur sein sund und des volckes opffern.³⁰³ F4^r
warumb solt mir dan verbotten sein/ dem Bapst zusagen/
das er des andern tags/ nach erlangter Bepstlicher hey-
lickeit/ sunden und yrren kan (wie dan zusehen) das er sun-
diget^cz und yrret. Ja ich darff yhm wol ansagen/ das der
Bapst mit allen seinen anhenger (das ist seinem Concilio)
in der geschrifft durch unwissenheit kan yrren und sundi-
gen/ dartzu gottis volck ym glauben yrren machen³⁰⁴/ als
Levit. iiiiLevitici ym .iiii. capittel geschrieben.

Arglistickeit dises Bapstes.Ich weysz/ das disser Bapst viel ausz unwissenheit
thut/ ich wolt auch sein fast gern geschont haben/ szo wil
er mich zu hoch antasten/ und mocht mich mit sich in die
hell werffen. Ich geschweig das er/ unredlich/ arglistig-
lich/ und bedrieglich wider mich procediret. Dan sein
Radtgeck^da doctor Eck hat ein bullenn zu Rom ausge-
bracht und drucken lassen (wie ich gestern gesehen hab)³⁰⁵
wider D. Martinum und sein leer/ die der groszgeck ketze-
risch acht/ und in der selben Bullen ist mein materien
(welche ich zu Leyptzck erhalden) auch der massen ver-
urteylet.³⁰⁶ Er hat aber doch meinen namen in der gedruck-
ten Bullen auszgelassen und vorschwigen. Und zu Mey-
ssen/ wie ich durch glaubwirdige bericht/ hat obgeda-
chter doctor Driger^db307/ als ein Bepstliche botschafft/ mei-
nen namen/ durch einen Notarium/ an das end bepst-
licher Bullen/ lassen schreyben/ und an die kirchen schla-
hen lassen.³⁰⁸ wiewol diesse clausel/ Moneatis vel citetis
Martinum ut revocet/ et quosdam alios/ quos duxeris in
executione literarum nominandos etc.³⁰⁹ in gedachter bulle
nit stehet geschrieben. Derhalben ich Doctor Lugner³¹⁰ ei-
nen falsarium schelden mocht/ Dannoch beweg ich/
nach dem die Bulle zu Rom gedruckt/ das durch bep-
stlich mitwissen geschehen sey/ damit ich alszo hynder-
listiglich erhascht wurdt. Ich sprech aber laut/ das der-
massen bedriglich und schalcklich wider mich gehandelt/ F4^v
Quia contra biblie tenorem et continentiam/ und wider
naturlich und menschlich gesetz und recht.³¹¹ Das ich wey-
szenBapst lernet. kan unnd wil. Doch szo der bapst lernen wolt/ wie
in solchen sachenn nach form unnd lauth heyliger Bi-
blien/ solt gerichtlich und rechtlich gehandelt und pro-
cedirt werden. Ich^dc mocht yhm und seinen frevelichen
eingeber/ hiemit etwas mit recht sagen/ das sie yn yhre
naszen beyszenn wurt. Sol ich bepstlicher unweiszheit
endgelden/ und mich von dem glauben lassen abfuren.
Neyn/ Ich wil sie besser angreyffen/ und wider dissen
Bapst mein gerechtickeit und klag vor fursten und hern
schrifftlich furwenden.

Wan er sich aber noch wolt entsinnen/ und zu Christo
dretten/ szo wolt ich yhm hend und fuesz kussenn. Aber
wil er starren³¹²/ und mir das wort gottis ausz meinem maul
kratzen/ aber³¹³ verhelffen das auszgetzogen wert/ kan ich nit
schweygen/ und musz reden/ das er als ein pfaff odder
pontifex yrret/ und sol teglich fur sein sund opffern/ und
sich nit zuviel lassen bedunckenn/ Stracksz bedencken/
das er (wie ander leuth) hoher furbetrachtung bedarff/
und solt sich nicht schemen/ von einem Christlichen unnd
vorstendigen Ackerman zuhoren und lernen. Ich musz
yhe/ wie ich durch clare schrifften gethan/ etzlichen nar-
ren/ den Bapst ausz yhrem maul tzihen/ und yhn mit li-
nien und farben heyliger Biblien fur yhren augen/ ab
gemalte/ furstellen.³¹⁴

Cyrillus saget/ das die kirchen keynes heyligen ge-
burtstag sol feyhern/ auszgenommenn Christum³¹⁵/ Nun
ist der bapst yhe nit szo heylig als sanct Johannes der
tauffer odder Jeremias/^dd aber³¹⁶ Esaias/ dennest³¹⁷ mussen
vil Romer den jartag seiner erwelung und kronung fey-
hern/ und mit lichten und wachsz unnd vassen/ pulver/
und puchszen gesang/ begehen.³¹⁸ Ist das nit geyrret/ szo
synt die prediger monchen^de kein recht petler.

G1^rIch mein der Bapst yrre groblich/ das ehr sich lesset
anbetten/ als Platina sagt/ und ehren wie einen got.³¹⁹ Er
wil der geystlichen prelaten Creator und schopffer sein/
und stosset dem Keyszer die koniglich kron mit fuessen
auff sein heubt/ wie ich zu Rom gemalt^df gesehen/ unnd
nennet yhnen einen Aspidem und Basiliscum/ unnd sich
eine geystliche Sunn³²⁰ der kirchen.³²¹

Ich weysz wol/ unnd sag das unverholen/ das der
i. Causa xiiiiBapst unnd alle Christen/ sie sint geistlich odder welt-
lich/ heylige schrifften mugen auszlegen/ ercleren/ erleuch-
ten/ szo sie dartzu geschickt seint/ und vermuglich.³²² Aber
das die glossen/ ausz heydnischem born^dg/ odder andersz
Deut. ix.³²³her/ dan ausz der Biblien solten fliessen/ unnd gnummen
werden/ gestehe ich keinem Christen/ Der Bapst musz
gleich und strack in dem befehl Christi bleyben/ er szol
kein wortlin/ ich geschweyg kein gloszlin odder comment
zu der schrifft setzen odder legen³²⁴/ Als Moses geschrieben
Deut. iiii. Ihr sollet zu gotlichem gesetz unnd geboten
und gerichten kein wort zugeben/^dh aber alszo. Yhr solt zu
keinem wortlin etwas zuthuen odder zuwerffenn/ yhr
solt auch nicht von eynigem wortlin etwas nehmenn.³²⁵
Josue. xxiii.Derwegen Josue gesagt/ Yhr sollet gleich in gottis ge-
setzen unnd gebotten gehen/ weder zu der rechten/ noch
zu der luchten odder lincken hand dreten.³²⁶ Der bapst und
sein vorfaren^di/ haben sich zeytten zu der gerechten geney-
get/Prover. iiii. da gottis weg und gerechtigkeit ist/ als geschrieben.
Du solt weder zu der gerechten/ noch lincken hand dich
byegen³²⁷/ ursach/ Dan die weg/ so an der gerechten seint/
kennet got/ Alszo spricht got/ die menschen mugen den
weg der rechten hand nicht erforschen/ dan die gerechten
gotliches gesetz ist voller gerechtickeit/ die selbe gerech-
tickeit kan kein mensch durch menschlich vernunfft und
gesetz erkennen. Derhalben wen sie gesetz furnehmenn
Ro. xii.zumachen/ werden sie der geschrifft fern und ungehorsam. G1^v
wie als Paulus schreybet/ Ich beken das sie einn lieb
gottis haben/ aber so sie gottis gerechtickeit nit wissen/
und thun doch gesetz der gerechtickeit machen/ seint sie go-
tisProver. xvi. gesetz nit unterteynig.³²⁸ Es ist wol ein weig/ dero den
menschen (alsz gut und gerecht) anscheynet³²⁹. Aber sein end
furet zu dem tod³³⁰/ die Bepst wollen eygen gesetz machen/
wie die Christen/ got lieben/ ehren und forchten sollen.
und wenen/ sie wollen got einem dienst thuen/ dem for-
men gotliches dinst setzen³³¹ (gleich als wer got nit gnug-
sam fursichtig gewest seinen knechten yhre dinste durch
schrifften antzutzeygen) und haben einen scheyn eynes ge-
rechten weeges/ Aber got redet durch sein propheten/
das yhm vil zunahe ist/ das einer sich zu der gerechtenn
neyget³³². Und kurtzlich/ got kan gebot und mandat/ und
weyszheiten der menschen nit leyden oder dulden/ Er ver-
wurfftEsa. xxix. sie/ als Esaias geschrieben/ Sie haben mich ge-
forcht/ durch gebot/ und leer der menschen/ darumb wil
ich yhre weyszheit verderben/ und yhren verstand blind
machen.³³³ Derwegen yrren bepstlich Decretalen auff den
heutigen tag/ und yrren alle mit yhnen/ szo got ausz der
menschen lerungen forchten/ Got wurt den Bepsten an³³⁴
zweyffel yhren verdienten lon geben/ und wol belonen/
das die Bepstliche Statuten/ den vleysz zu der schrifft
haben verhyndert.

Wie auch der Bapst zu der lincken hand/ wider got-
tis verbot/ gleydet/ und von und zu gotlichem gesetz nymbt
und brengt/ weer wil zusagen/ Die weil aber das disse
zeit nit zugibet/ sol hiemit des Bapst yrrung ein teyl en-
decket sein/ das er reychtumb hab/ gutter und ehre/ sund
und miszhandelung/ gemeynlich^dj auch nach seinen Decre-
talen urteylet/ und alle gerichtliche handelung und verge-
bung der sunden/ auff seinen nutz und zunehmen gerich-
tet hat/ weil er dan yhe szo frevelich sich gegen den got-
lichen reden stellet/ strebet und schreybet/ wer es kein wun-
der/Deu. xxvi Roma. i. Apocalip xx. G2^r das die plagen auff den Bapst fillen/ die Moses
und Paulus und Johannes in Apocalip'si' den verderbern
odder zusetzern³³⁵ unnd abnehmern der wortten heyliger
Biblien getreyhet³³⁶ haben.³³⁷

Ich wil den Christen ratten mit ernst/ sie geruchen und
Deu. xiii.wollen sich hynfure/ vor Bepstlichen gesetzen behutten/
und das sie die selbe weder lesen noch horen lesen. Dan
Moyses hat wol gesagt/ aber³³⁸ got durch Moysen/ Soquod dicunt facite. Neque illud. Qui vos audit/ me audit.³³⁹
ein prophet auff stehen/ und euch neu gotte (als sich der
Bapst) predigenn wurt/ odder auch von gottis wort
from³⁴⁰ wil machen/ dasselbe wort solt yhr nit horen/ dan
got verhengkt wol/ das einn solcher (wie der Bapst)
auff stehet/ und ein zeitlang bleybt/ Yedoch thut er das
umb ursachen/ das er euch wil versuchen/ ab³⁴¹ yhr yhnen^dk
liebet/ ab³⁴²/ yhr an seinem wort wolt hangen bleyben³⁴³/ Der-
wegen sollen wir uns fursehen/ das uns bepstliche De-
creten/ nit vonn dem wort gottis abtzyhen/ odder ma-
chen uns die Biblienn^dl unbekant/ an³⁴⁴ schmack unnd an³⁴⁵
safft.

Was aber Moyses selber von dem selben Prophe-
ten geschrieben³⁴⁶/ befehl ich den leszern/ ich wunsche nie-
mandts den tod/ und wult das der Bapst heyliger ge-
schrifft anfieng antzuliegen^dm347/ und zulernen was got wil
habenn. Das darff ich aber nit verhaltenn/ dan keinn
Christ sol diessen odder anderen Bapst horen/ Es ge-
schehe dann/ das der Bapst das wort gottis vorsage
sunst unnd ausserhalben des wort gottis/ ist ehr nit an-
ders/Johan. x. dan ein mensch der ligen und drigen kan (quia om-
nis homo mendax³⁴⁸) zuhalten. Derhalben uns Christus
nit vorgebens^dn gesagt/ Mein Schoff horen meine stymme³⁴⁹/
als solt er sagen/ welcher mein wort nit horet/ der ist nit
mein schaff. Unnd durch Ezechielem/ Ich wil meinn
schaff selber weyden³⁵⁰/ das ist/ ich gebe die weyd/ unnd
kein ander.

G2^vDem Bapst ist die weyd/ damit er uns/ und andere
Christen weyden solle/ in ein wahn³⁵¹ geschudet/ das ist/
das wort gottis ist das graesz odder futter/ das got in
heylige Biblien eingeschut³⁵² hat/ dadurch der bapst die
gleubige weyden sol/ wan er dasselb futter uns nit fur-
leget/Jo. xxi. szo ist er kein bapst/ wie auch die kein schaff Chri-
sti sein/ die andere wort und speysz der seelen horen und
genissen wollen/ dan das wort Christi³⁵³/ Der bapst solt
sich lieber ertodten lassen/ dan gestatten/ das den Chri-
sten gottis wort verplempert odder verfinstert/ vermin-
dert oder abgestolen wurt/ Szo verschafft er itzt/ das
die yene/ szo gottis wort wider an tag helffen brengen/
als ketzer und unglaubige sollen getodt werdenn/ heyst
das nit geyrret/ szo ist das feur kalt/ unnd der Bapst
gut biblisch.

Ezechielis. xxxiiii.Wee und aber wee den hyrtten/ die sich selber weyden/
die nit den herd oder samlung der schaffen suchen/ son-
der sich selbst³⁵⁴/ Darumb wil ich machenn (spricht got
Ezech. am .xxxiiii. capitel) das die hyrtten hynfur/ nach
mein schefflin/ nach sich selber sollen speysen/ Und wil
mein schaff von yhrem maul ledig machen/ Mein sche-
fflin sollen yhn nit mehr zu einer speysz sein.³⁵⁵ Der Bapst
hat der Teutschen geltseckel altzu viel geliebt/ und sich
generet/ und uns umb gelt/ mit der Ablas pfeuffen ge-
bracht/³⁵⁶ Hyrumb wollen wir allein got hynfur horen/
got der wil uns selber weydenn. Unser Bapst ist gleich
der/ der^do seinn schaff ausznahget/ lasset sie auch verhun-
gern und verderben³⁵⁷/ got der wil (wie ehr auch teglich
thut) das die Christlichen hyrtten suchen sollen das
verloren was/ unnd wider zu der vorsamlung furenn/
Und das zergentzt³⁵⁸ odder zurbrochen ist/ widderumb
zusammen 〈gentsz pinden〉^dp/ Und das kranck und schwach
widderumb starck unnd vest machenn/ Und das/ die^dq
veyste unnd starck seint/ behut und bewaret werdenn.

G3^rAber unszer bapst wendet das karten blat umb/ er wil
uns mit seinen wortten speyszen/ das got hasset/ Er wil
die verloren nit suchen/ und die schwachen und krancken
nit gesund machen mit gotlichem wort/ sunder er geden-
cket wie er sich speysz/ und den schefflin das gelt ausz dem
beuttel breng/ und die/ szo das weren/ verjage/ und die
veistickeit ausz yhrem leyb nehm/ das ich itzt nit sagen wil.

Disses buchlin hab ich gestrenger/ gunstiger her/
eur gestrengheit und gunst/ in eehafften³⁵⁹/ und diszer mey-
nung zugeschrieben/ Ich weysz/ das ich niemants/ mit
Entschuldigung.solchen ungeblumpten³⁶⁰ zuschreyben (sonderlich weil es/
die feurige berg belangt) wol unnd gefellig dienen ver-
marck/ und halt es darfur/ eur gestrenheit wult/ das ich
yemants anders hiemit het hoffirt. Jedoch hab ich be-
hertzet/ das ich richter und erkentnisz musz annehmen
unnd dulden/ Weil ich dan/ allen den von Tungen³⁶¹/ in
sunderheit euch verwandt/ unnd mich vor allenn bey-
den yhenen solt entschuldigen/ die mich zugleich unnd
recht/ als mein hern unnd furdern vertredtenn/ odder
mich szo befundenn/ das mein sach ungerecht/ von yhr
abtzustellen/ weyszen mugenn/ Damit die selben wid-
der mich/ als einem der bosz sach handeldt/ nit bewegt
wurdenn/ Hab ich disses buchlin eur G'naden' zugeschrie-
ben/ Auff das yhr alle die von Tungen/ und der nam-
hafftig/ loblich Adel des Landesz zu Francken/ unnd
yeglichen/ szo disse schrifft leszen und vernehmen/ dahin
werden gefurt/ das sie eygentlich wissen/ das der Bapst
yrren und unrecht kan gethuen/ unnd vor allem/ das er
die schrifft gottis mit boszen glossen zerreissen/ bruderli-
cher gemeinschafft und Christlicher liebe zu mercklichen
nachteyl/ abbruch und verderbnusz/ und unbillicher ubung
kan gebrauchen/ wie ehr^dr dan bereyt teglich gebraucht.
Weil dem nun alszo/ ist vermutlich/ das der Bapst nicht
allein in obgemelten schrifften/ yrret/ sonder/ auch in anG3^v
dern/ welcher ich umb ursach itzt geschweyg. Nu hab
ich/ hievor geschrieben/ unnd disputirt/ und mein setze/
gegenred/ antwurt/ replication/ und alle not und schutz
reden/³⁶² szo der sachen meynes schreybensz zugehorig ge-
west/ odder zufellig mit gekummen sein/ durch schrifften
heyliger Biblien bewert/ fest unnd puntdig gemacht/
und hab nie an³⁶³ schrifften geredt oder geschrieben.³⁶⁴ Dan-
noch ist ein grymmischer Lau verhanden/ der mit den
florentinischen Balen spielet/³⁶⁵ die den Deutschen kein
gut/ und ehre gegundt haben/ und dem allerdurchleuch-
tigisten hern Maximilian weyland Romischen keyser/
dartzu allen Churfursten/ mit einer Comedien/ szo zu
Florentz in der Fastnacht gespilt/ verhont unnd verspot
haben³⁶⁶/ der selbe Lau/ greufft mit aller hynderlistickeit
widder got/ ehr/ und recht/ nach meiner leer und wil sie
zerreyssen. Er hat meiner leer etzliche artickel verdampt³⁶⁷
und mich nie dartzu geladen/ odder beruffen zukommen/
durch mich oder nemen³⁶⁸ Antwald zusehen odder ho-
ren/ das mein schreyben oder leer/ als ketzerisch sol vor-
urteilt werden. Er hat mich auch nit gefordert und ver-
mandt/ beweglichen ursachen furtzuwenden/ das mein
gethane schrifft nit szal ketzerisch/^ds aber³⁶⁹ als Christlicher^dt
leer nachteiln geacht werden/ wie wol das widder gotli-
che gesetz/ und naturlich/ auch wider sein eygen Decre-
talen ist/ des sich doch der Turck het enthalden/ dan-
noch schemet sich der Florentinisch Lau nicht/ also ty-
rannisch und nichtiglich/ widder des Lauen art und
sytten zudoben und wutten. Ist es nit offentlich unrecht/
das er etzlich artickel/ so mich sunderlich bedreffen/ sol
verdamnen/ und mich gar nit fragen/ was mein verstand
daruber sey. Ich halt auch/ das er meyner bucher key-
nesz gelesen odder gesehen hat/ ich wil hiemit geeffert³⁷⁰ ha-
ben/ das mein nahm nit gedruckt ist in der Bulle/ und
mich Doctor heuchler von Geckendorff/ als bepstlicher^du G4^r
befelh trager/ hat lassen ein schreyben.³⁷¹ Fur das letzte hat
obgedachter Florentinischer Lau befohlen/ der termin
sal/ von dem tag angeheffter Bullen angehen/ das auch
widder gotlich recht geschehen/³⁷² Dan in allem rechten/
kan keyner contumax getzelt werden/ er habe den eygent-
lich bewust umb die Citation odder Monitorium/ Szo
kan auch der termin nicht er³⁷³ anfahen zulauffen/ dan an
dem ^dvtag des^dv wissens/ da einer anfecht zuwissen/ das er
vermant oder berufft³⁷⁴/ Und wiewol ein gerucht/ etwan
einen mag vorstendigen/ das er citirt odder monirt ist/
dannoch bericht es keinen eygentlich/ sonderlich szo ei-
ner vermant wurd/ das er etwas widerruffen sol/ dan
szo musz einer die capittel sehen unnd wissen/ welche er
widderreden und vorleugnen sol. Ich wil das in war-
heit sagen/ das ich gern ein bulle erkauffen wolt/ damit
sie mein eygen wer/ und ich mit gutter zeit dieselbe mocht
bewegen.³⁷⁵ Aber ich hab keine konden bekummen. Wan
der Bapst einem Florentiner solchen gewalt umb gelt sa-
chen gethan het/ szo musset er horen/ das er wider recht
und mit gewalt handelt/ wasz ich aber reden darff (die
weil er mein leer/ gut gerucht³⁷⁶/ ehr/ leyb und leben/ wid-
der ordnung des rechten/ und alle billickeit versucht zu-
nehmen) mag ein yeglicher verstendiger ermessenn. Er
darff auch nit sagen/ das niemandts sein bullen an her
het getragen/ dan es ist ein gerucht/ das etzlich bestelt/
(die dan auch zeitten alher sollen kummen) Venedisch
pfeyl³⁷⁷ zuschissen/ oder etzliche mit listickeit zuvorderben/
kan er/ odder sein rathgeber/ das zuwegen brengen/ szo
het er mit solcher gescheydheit einn bullen in der nacht
odder am tag alhie lassen anschlahen/ Aber mein herr/
alle ding werden heymlich/ listiglich unnd bedrieglich/
widder mich armen knecht gesucht unnd furgenommen/
darausz eur gunst leichtiglich kan abnehmen/ was der
Bapst suchet.

G4^v
Erbiettung^dw378.

Nun weysz ich/ und wil das mit recht beweyszen/
das ich mein leer mit fingern³⁷⁹ in heyliger geschrifften deu-
ten/ odder ausz den umbstehenden sententien/ das ist/
ausz dem ynhalt und begriff³⁸⁰/ abnehmen und herausz scho-
pffen kan/ und wil durch schrifften beyder testamenten
(des neuen und des alten) alles szo ich beschliszlich ge-
lert hab/ bekrefftigen. Ich hoff auch yhr und alle christ
glaubigen werden erkennen/ das diszes mein erbitten/
zu recht und gleich/ redlich/ erbarlich/ und fur gnugsam
sol geacht werden/ zu recht.

Ich were auch gantz willig und bereyt/ etzliche Car-
dinalen und bischoffen und andere prelaten Teutscher
und Welscher^dx Nation/ zukyeszen^dy unnd nennen/ meiner
leer/ Scheydrichter zu sein/ und sie in sychern unverdech-
tigen stellen zusuchen. Aber ich forcht/ das berurte pre-
laten kein gnad mehr bey dem bapst wurden haben. Sie
musten sich auch/ ere/ guttes/ und villeicht des leben er-
wegen/ wie viel Advocaten zu Rom/ szo der gerechti-
ckeit/ widder dye Pontifex gedient habenn/ mustenn
thuen. Und ob sie in hochstem fleysz mein gerechtickeit
hyn und her wenden und durchsehen/ unnd das mein
sach gut ist mercken wurden/ Dannoch ist zuscheuen/
das sie/ wie Pilatus/ sprechen dorften^dz/ Ego non inve-
nio causam in eo³⁸¹/ Der bapst wurds ynnen werden/ und
mochten/ villeicht/ yhr hende in meinem blut waschen/
das yhr selber wol kont achten/ unnd ich weysz exempel
zu Rom.

Weil nu der bapst widder billickeit alszo geforcht/
weysz ich nit/ wu ich mich hyn keren sol/ doch wolt ich
yhe gerne erkentnusz horen und annehmen. Ich darff dem
bapst nit getrauen/ den er hat die sach mit gewalt ange-
fangen/ derhalben zubefaren/ das er mit seinen auffgeG5^r
spandtenn klaubern³⁸² unnd gespitzten siggeln/ alle ding
durch gewalt und unrecht thun werd.

Szo weisz ich viel redliche Bischoffe und Cardi-
nalen/ die der Biblien emsiglich noch suchen und folgen/
sie mussen aber das thier forchten/ das mich zerreyssen
und fressen wil.³⁸³

Ich kan auch die elenden kugeltreger³⁸⁴/ die sich itzt
Theologen schreyben (und sein doch nicht myndersz/
dan gelarten in der schrifft) nit erwelen/ Dan ich binn
lang in yhren rauchlochern³⁸⁵ gelegen/ und hab mich umb
kein gelt odder ehr/ von yhnen/ auff diesse meynung (die
ich itzt halte) begeben. Allein leuterlich³⁸⁶ darumb/ das
sie yhrer sach ungerecht sein. Ich weysz und sag mit war-
heit/ das sie nicht ein blat/ in der Biblien recht verneh-
men. Dartzu haben sie dolle und unwitzige hyrn/ Sie ver-
damnen das sie nit verstehen/ Und verachten/ das sie
nicht erkant haben/ halden sich nach keinem recht (wie
das mag namen habenn) Dan die Lavonischen³⁸⁷ seint
gleich szo redlich gewest/ wie die papistische unchristen/
sie haben mein lere auch bedriglich/ widder mich unge-
fodert verdampt³⁸⁸/ Szo noehmen die keszpetler³⁸⁹ ein kesz
kalp oder ochszen und brieden mich/ er sie mich fragten/
Des wolt ich ein grob exempel von den^ea grauen holtz-
schuhern geben.

Leyhen seint disse zeit verstendiger/ geschickter/ undPapa suffuratus estverbum dei de ore populi.³⁹⁰
gelarter in der heyligenn schrifft/ dan etzliche unnd viel
geistliche prelaten.³⁹¹ Aber die vermaledeyten und ketzeri-
sche Canones haben den leyhen das urteil und erkent-
nisz uber spenne³⁹² (so der schrifft halben erwachszen) wid-
der gotliches gesetz genummen/ derwegen der Bapst die
Leyhen nit wurt leyden. Was sol ich thun/ ich beger ge-
richt und erkentnusz zuhoren/ Wan darff ich antzeygen?
Ich erbitte mich abermals/ das ich mein leer in der bi-
blien zeygnen odder bekrefftigen wil/ vor^eb leyhen unnd G5^v
pfaffenn/ doch das ich ein sychers/ strackesz/ redliches
und ungeferlichsz geleyd/ an ungeferlich stad/ bisz wid-
der in mein gewarsam/ zuvor hab/ wie ich in meiner be-
dingung protestiret und bedingt hab.³⁹³

Damit ich aber yegliche verdechtickeit meyd/ unnd
von mir/ auff den Bapst schyeb/ Verman ich den Ro-
mischen Bischoff/ bey aller seiner freuntschafft/ bey sei-
ner eehr/ bey seinem vleisch unnd blut/ bey seiner selickeit/
bey seinem got/ bey Christo unserm hern/ unnd mach
das ✝ zu einem zeychen.³⁹⁴ Josue weltzet einen grossen
steyn/ zu einem zeychen³⁹⁵/ aber das buchlin kan keinen steyn
gen Rom tragen³⁹⁶/ derhalben mach ich ein ✝ das ich
yhn also vermand und gebeten hab/ das er mein leer mit
Christlicher geschrifft nyderlegen und verdamnen wol/
Ist er ein Christ/ Hat er ein dropfflein redlickeit in sey-
nem leyb/ hat er das blut Christi lieb/ szo geruch unnd
wol er mich mit dem wort Christi leren/ das ich unge-
recht/ unnd mein lerung widder got sey/ das yhm sey-
nes Ampt halben geburt zuthun/ als Paulus die Bi-
schoffenTitum. i. leret/ sprechende. Ein bischoff sol mechtig sein/
das er die feynd unnd sein widerreder mit heylsamer
schrifft ubirwind unnd nyderleeg³⁹⁷/ das hat Paulus ge-
thanactuum. xvi. Deut. xvii. et xiiii³⁹⁸/ und Moysen gebotten/ das die pfaffen alle dun-
ckelheit und spenne³⁹⁹ der schrifften unnd sachen/ nach den^ec
gesetz/ nit nach yhren eygen kopffen/ sollen erleuchten
beylegen und befriden.⁴⁰⁰ Dissen weeg beger ich vonn dem
bapst und bit yhn/ er wol/ als einem Christlichen prelaten
zustehet/ mich mit heylsamer schrifft/ und nach vermu-
gen gotliches gesetzes leren das ich unrecht gelert hab/
Ich lasse mich ein kind leren/⁴⁰¹ und wil dem wort gotis
williglich statgeben. Hoff auch eur gunst und alle die
von Tungen/ und auch der gantz Adel sollen sprechen/
das diesse erbiettung erbarlich/^ed redlich und genugsam
ist/ unnd was mir der Florentinisch Lau thun wurd/ G6^r
das es unbillich und mit gewalt und widder recht sey
geschehen/ Demutiglich bittende/ yhr wollet meynes
erbietens yndechtig⁴⁰²/ und mich gegen meniglichen la-
ssen endreden⁴⁰³ und unschuldigen/ gesund unnd frolich/
wie ich mich erboten/ und dem gotlichen wort gerne fol-
gen woll/ Das verdien ich in fleyssiger dinsparkeit ger-
ne. Befehl mich auch und disse sach zusampt/ allen den/
das darausz fliessen odder endstehen mag/ in eure und
aller der vonn Tungen gunstigen schutz unnd schirm/
Wie yhr euch got wolt befohlen habenn/ dero eur ge-
strengheit geruch in gesuntheit zuhalten. Datum Wit
temberg an dem .xvii. tag Octobris/ In dem Tausent
Funffhundert und zwentzigsten Jar.

Ich wil dem Bapst zwue grosse ordten
anschreyben/ bisz zu seyner zeyt.