A2^r

Dem Erbarn und vesten Hein-
richen von Konritz/ Heuptman/ in Sant Joachims-
tall¹/ Meynen in sonderheyt furderer und gonner.
Empiet ich Andres Bodenstein von Karl-
stat/ Doctor. meynen dienst und alles
gutt zuvor^d.

¶ Erbarer und vester Herr Haubtman. Ich schick euch hie
ein klein buchlein/ von dem vormuͤgen/ des geweychten wassers
und benedeyten saltz/ damit meyn guten willen/ unde bereyt ge-
mut/ euch gern zudienen/ antzuzeygen/ Dienstliche bittende/ ir wol-
let/ dasselb/ zu eynem pfandt/ meyner danckparckeit/ im besten an-
nemen/ dan wisset ich euch/ nach gefallen/ zu willfaren/ wer ich
allezeyt bereyt/ willig und gewertig.

Nach dem aber ich/ durch bruder Seyler (der sich eynen un-
vordienten Gardian/ und eynen hund/ der sehr bellen kan/ schreybt²)
vor dem volck/ in der kirchen/ zu sambt anderen glidmassen dy-
ser Universitet/ als neu und falsch propheten/ und vorleyder^e des
volcks/ genant/ gescholten und beruͤchtet byn/ und hoͤnlich ge-
fragt. ¶ Weyl ich nicht glaub/ dan das in der heyligen
schriefft behalten ist. Warumb ich dan gebenedeyet wasser und
saltz acht/ und wa ichs grund in der schrifft hab.

Ich kan nit lenger rue und frid haben/ dan/ so lang mirs
meyn nachbaur goͤnnet. Nun wolhyn lieber bruder Seyler/ du
wurdest mir keyn schuldt geben/ ob dir/ angefeer/ eyn tropffen
dintten in deyne augen fallen wuͤrt/ dan du betrengst^f mich zu
schreyben/ und vorgleychst den ablas dem wasser und saltz/ in
vormugen und grunde der heyligen geschrifft/ schildest mich
auch/ ein vorfuͤrer des volcks gottis/ das mir in keynen weeg
tzymet zu dulden/ ich kan auch nit schweygen/ wie du/ yn dem
Ablas Buchlein/ vormercket/ unnd meyner endschuldigung
ursachen gelesen hast.³

A2^v
Bald kan ich dir sagen vom wasser/ das die schrifft dessel-
ben an vil enden meldet. Steet nit geschrieben Mt 18. Welcher
den cleynsten/ auß den/ ßo in mich glauben/ vorhindert oder er-
gert/ dem ist es gut/ dz ym ein esels muͤlen an hals gehenckt/ und
in die tieffe des meres vorsencket werd.⁴ ¶ Hoͤrstu nit/ wie das
mer brauscht^g/ und wie Christus spricht. Es wer dir nutzer/ ßo
du eynen im glauben vorfuͤrest/ das dir ein grahe⁵ eselmuͤlhe/ an
hals gepunden/ und in das wasser geworffen wuͤrst/ wie frag-
stu dan/ ßo toͤrlich/ ab das wasser und sein benedeyung/ in der
schrifft begriffen seyn. Schreyben nit vil schrifften/ allte und
neu/ das unsere vetter/ durch das moͤre^h gegangen und behalten/
aber die Egyptier untergesuncken und vorsuffenⁱ sein?⁶ Glaubstu
ßo finstu bald geweycht wasser/ glaubstu nit/ ßo sihestu nit
anders/ in wasser/ dan sterben und vorderben. Dan als Petrus
anhub zu zweyffeln/ kont yn/ daz wasser/ nit lenger ertragen/ wie
Matthei am 14. cap. beschriben ist⁷/ hett auch Petrus nit zu Chri-
sto geschriehn/ so wer er ersuffen und gestorben.

Dartzu kanstu/ der Seyler/ nit leugnen/ das Christus/ zu Pe-
tro gesagt/ ßo ich dein fuͤß nit wasch/ wuͤrdestu keynen teyl/ mit
mir haben. Johan. 13.⁸ Ich acht darfur/ du seyst in disem valh/
ein unverstendiger Petrus/ der nit weyß/ was Christus mit dem
wasser thut/ ßo er fueß reyniget/ und spricht/ wa ich dir/ deynn
fueß nit wasch/ ßo wuͤrdestu keynen teyl mit mir haben.

Wie bistu ye so frevenlich kuͤen/ dastu zweyffelst/ ab daz wa-
sser in der schrifft geweycht sein/ ist es nit wol gebenedeyet/ das
der mensch in dem wasser/ iunck und geborn soll werden/ nach
dem geschrieben. Joan. 3. Es sey dan/ das eyner auß dem wa-
sser und geyst wider geborn werd/ so kan er nit gehn in daz reych.⁹

Nach dem wasser sol ich/ bruder Seyler/ auch das saltz in
der schrifft teuten/ und ich achts/ wan ich seyner clugheit folgt/
es wer genug/ ßo ich saget/ wir haben geschrieben im Evange-
lio/ wan das saltz dolh^j und nerrisch wirt (wie der Seyler ist) wa-
mit sol man saltzen?¹⁰ Lieber Seyler ich goͤndt dir/ dastu/ daz saltz
kuͤnstlich¹¹ in der schrifft erkendest/ auff das du/ die heyligen got-
lichen schrifft/ mit eygen dreuͤmen/ nit vorsaltzest.

Wir woͤllen den schertz hyndan setzen/ und nun von wasser A3^r
und saltz reden/ der sich/ die kirch gebraucht. Ich sag angesehen
die boͤßee uͤbung/ so in saltz und wasser/ gehalten/ das vil besser
und zu der selickeit nuͤtzer wer/ das man wasser und saltz/ pal-
men¹² und kreuter/ knobloch und merrettich ungeweycht lies¹³/ und
gar auß der kirchen thet/ darumb das vil seelen vorfuͤrt werden.

Welcher ist so nerrisch/ das er ein zeychen/ wie daz dinck/ daz be-
deutet ist/ achten darff/ Ich wil gern eynen sehen/ der sprechen
darff/ in dem weynzeychen trinck/ ich weyn. Das zeychen eryn-
nert woll den anseher/ wo er weyn suchen sol/ es hat aber nit den
schmack/ stercke/ und hilff des weyns¹⁴/ dan ich hab noch keynen
gesehen/ der von dem weinzeychen oder bierzeychen/ vol und^k trun-
cken sey worden.

Art und eygenschafft der zeychen ist/ das sie den anseher oder
zuhoͤrer/ von sich/ zu andern dingen fuͤren/ haben aber nit macht/
und natur/ der bedeutten dingen/ ia sie seind nicht so mechtig/ daz
sie durch sich selber/ den anseher oder anhoͤrer zu bezeychten und
bedeutten dingen/ brengen/ es sey dan/ das der anseher oder anhoͤ-
rer/ von den betzeygten dingen bewuͤst^l hab/ und wisse warumb/
die zeychen auffgericht/ in sonderheit/ wen ein zeychen auß men-
schlichem willen/ nit auß natur/ herkumpt.

Der rauch/ ist ein naturlich zeychen des feures/ dennoch/ wie-
wol der rauch dem feuer nohen^m ist/ sucht man ye nit im rauch die
natur und wircklickheit des feuͤrs/ dan helt sich eyner an rauch/
ßo beroͤmet¹⁵er sich/ wirt schwartz und unsuͤttigⁿ/ aber von dem
feuͤr wirstu warm. Neusset eyner eynes weinpusch¹⁶/ so vorderbt
er das zanfleysch und wirt traurig/ aber neust er den weyn/ ßo
behelt er gantz zanfleysch und wirt froͤlich und saett/ das wissen
die kleynen kinder auff den gassen. Aber wir armen sunder/
sein zu unserm mercklichen schaden und nachteil/ blind/ geniessen
und brauchen die zeychen/ ßo in der schrifft von got angetzeygt/
und suchen/ das in den zeychen/ das wir in den^o dingen/ so be-
tzeygt werden/ suchen solten/ den wir fuessen und steen in den
zeychen/ die uns/ furt¹⁷/ an andere ding/ leyden¹⁸. Ist es nit spoͤtlich/
das ettliche gloßen sprechen¹⁹/ geweycht wasser lescht ab die teg-
lichen sunde. Ja lieber gesel/ wan du wissest/ was tegliche sund A3^v
seynd/ und wie sie vorgeben werden/ du must deyner reed lachen/
schuttestu die gantz/ Tyber und Elb/ Reyn und Thonau uber
eynen sunder/ du wurdest ym keyn teglich sund abwaschen/ seint
doch alle ding durch gott gebenedeyet/ was solt dir gebrechen/
das du dem Bader ii^p pfenning in daz bade goͤbest/ und wuͤschest
leyb und seel/ gar wol und reyn/ dan ßo du nit glaubst/ was
durch wasser bedeut und angetzeygt ist/ so wurstu nit selig. Mar-
ci ultimo.²⁰ Und ist wasser/ nit anders oder meher/ dan wasser/
und ist gar nicht besser/ dan/ des baders wasser/ ^qdan wasser^q
sonder²¹ glauben/ magk die seel nit anruren. ¶ Nun weiß ich
wol/ das vil einfeltige menschen/ wenen und achten/ das wey-
wasser/ sol teglich sunde/ in seyner benedeyhung abwaschen/ weyl
sie von yren hochgelarten hoͤren/ Das geweycht wasser/ nymbt
teglich sunde/ von dem menschen. Also geen sie zu dem geweych-
ten wasser/ wie ein pferdt zu der trenck/ das keyn vornunfft hat〈.〉
Sie besprengen sich woll/ und waschen augen und stirn/ und
kumen mit fleys in die Judischen fuesstapffen.

Die Juden sein ye und ye behent und schnell gewest/ in denn
zeychen sunder²² glauben/ zu hafften/ hilff/ rath/ und trost/ in den
zeychen zusuchen/ das thuen heut vil vormeinte Christen/ und pre-
digen dasselb/ vil parfußische propheten.²³ Vil besser wer es/ sie
wurffen das saltz in das geweycht wasser/ und senckten das
wasser und saltz in ire augen/ domit sie woll gebeysset/ zu gott/
als eynen helffer/ troͤster/ und erloͤßer/ schrihen/ und sich recht umb-
sehen.

Ich sag nit/ das geweycht wasser und saltz dem menschen
schaden bring/ odder das man spoͤttlichen/ von den creaturen
gottis clapern²⁴ sol/ sondern/ ich vorlach allein/ den nerrischen
und plintten^r gebrauch/ das sich die menschen an wasser unnd
saltz/ anhefften/ und hangen mit hoffnung/ in worten und zusa-
gungen/ die/ yhn menschen zugesagt/ do sie mit hoffnung/ allein/
in gottis worten bleyben solten/ sie steent ym wasser stil/ unnd
solten doch das hertz/ auff/ in gott tragen.²⁵

Das wasser in der schrifft/ bedeutet gedult und vorfolgung/
Es bedeutet auch abwaschung oder vorgebung der sunden. Vor-
A4^r folgung/ anfechtung/ ellend/ schmertzen/ armut/ betruͤbnuͤs/
angenumen in dem glauben und anruffung zu gott/ ist auch
wasser/ der schrifft/ das sund abnymbt/ als Thobias schreybt
am 3. cap. In die tribulationis. Am tag der widerwertickeit/ vor-
gibt gott sund.²⁶ Das wasser hatt gott in seynem wort gebenedey-
et. Ezechiel. am 36. sprechende. Ich werd uber euch ein rein wa-
sser schuͤten/ und yr werdent von allen euren boßheyten gereini-
get²⁷/ er hatt wasser der schrifft auch geweyhet do er spricht. Ich
byn mit ym/ in betrubnis/ am .xc. psalm.²⁸ Nun/ mit welchem ist
er? Er ist mit dem/ der/ in/ anfechten und engsten/ gott anrufft/
wie in gedachten versickel ausgetruckt ist. Nu wissen wir wol/
das uns gott/ durch schrifft lernet/ das wir zu im ruffen unnd
schreyen sollen/ wan wir umbgetriben und angefochten werden/
so wil er uns helffen/ und ledig machen/ auff das wir yhm eer
und glorien geben/ gethaner hilff/ als im xlix. psalm. Ruff mich
an/ im tag/ deynes betrubnis/ so wil ich dich erretten/ und ßo sol-
tu mir eer geben.²⁹ ¶ Das ist ein edel und selig wasser/ das vorfol-
gung heyst/ im glauben und rechter gedult angenommen/ dartzu
und gemeynlich alle schrifften beruffen und vormanen/ dasselbe
wasser/ ist vast wol in der schrifft bekant und gelobt. Mit dem
selben wasser/ werden wir Christo gleichformig/ und tragen sein
leben in unserm leyb und corper/ wie Paulus zu den Corin'tern' sagt
ii. Corin. iiii. Wir sollen/ arbeit/ vorfolgung/ vorachtung/ betrubt-
nis/ ellend/ und sterblicheit/ umbher/ in unsern leychnam tragen/
und weysen/ domit/ das leben Jhesu Christi/ in unserm sterblichen
fleysch/ offenbar machen³⁰/ Auß den worten ist abzunemen/ das/
das wasser der schrifft/ ein bild ist/ des lebens Christi/ das unser
leben vorderbt/ und uns im leben Christi behelt. Das ist lieber
Seyler/ daz wasser/ das uns/ durch das sichparlich^s wasser/ und
element bedeut und angetzeygt ist/ Alle benedeyhung/ ßo durch
pfaffen wort/ gehoͤrt werden/ furen uns zu dem wasser der vorfol-
gung/ und fordern unßer bewilligung/ in leyden/ und angst/ mit
freyden des glaubens/ auff zunehmen. ¶ Wan die schrifft
von wasser sagt/ ßo meynt sie gemeynlich betrubtnus^t zu leyden.

Man setzt auch das wasser/ fur³¹ die kirchen/ an den weeg/
fur aller menschen augen/ tzu sehen unnd gedencken/ wye der A4^v
mensch teglich/ soll gutwillig sein/ anfechtung zuleyden. Das-
selbe wasser/ solt so gemeyn im predig stul³² sein/ wie das leyp-
lich wasser/ vor und in den kirchen ist/ aber man hatt/ die unvorsten-
dige menschen/ an benedeyhung/ des nassen wassers gefurt und ge-
henckt/ das sie/ des leydens und betrubtnis/ welches rechte/ got-
liche/ Christenliche/ und hymelische wasser ist/ vorgessen/ derwe-
gen kumpt es vil mals/ das sich die holtzschuher³³ offt/ mit ge-
weychtem wasser/ waschen/ wie eyner ein ziegel badet/ aber³⁴ eyn
kolen/ die farb ab zuwaschen/ dan all die weyl du nit kanst vor-
folgung mit gedult und glauben zu gott leyden/ ist es gleych/
wan sich ein muͤnch besprengt/ als wan sich ein Rab/ in eim
wasser taucht. Ausserlich wasser/ ist nur zu eynem zeychen/
wie ein hand an eynem stock/ den weg zuweysen/ geben und an-
gericht ist. ¶ Die hultzere^u hand macht dich nit geen/ sie gibt
dir auch nit den weg/ sie tregt dich auch nit/ sie teudt und weyset
allein.³⁵ Alßo/ das wasser/ reyniget nit die seel von sunden/ aber es
erynnert dich/ des wassers/ teglicher vorfolgung/ daz du betruͤbt-
nis/ alle tag/ von yedermeniglich/ in aller massen und weyßen/
wie dir es furfelt/ auff deynem ruͤck tragen/ und dastu/ im hertzen
mit guͤtickeyt und geschrey/ zu gott (ßo lang das got wil) dul-
den und leyden solt/ wie sant Jacob im .1. cap. spricht. Bruͤder/
yr sollt es fur grosse freudt achten/ ßo yr in manichfeltig^v vor-
suchung einfalt/ dan eur glaub/ wird durch vorfolgung bewert.³⁶
¶ Angst und anfechtung/ ist nit anders/ dan ein bewerung
unsers glaubens.³⁷ Mancher spricht. Ich getrau und glaub got/
er weyß nit/ was er gesagt hatt/ er kennet sich auch selber nit/
wie er gegen gott geschickt/ und wie seyn eygen hertz bereyt. Da-
rumb schickt gott seynem lieben sohn straff/ ungluͤck/ und un-
fall zuhals/ wie ad hebreos. 12. geschrieben steet³⁸/ und bewert do-
mit yhren glauben/ er leert sie/ wie schwach sie im glauben sein/
und macht sie/ eygene gebrechen erkennen/ und zu gott schreyhen/
durch das gutt fruchtpare wasser/ das dein geyst anruert/ be-
trubt/ und in gott hoffen macht/ vorgibt gott sund/ das bedeut
das wasser/ und alßo/ sol man zwu schrifften zusammen reymen/
eyne sagt: Durch barmhertzickeit und glauben vorgibt got sund
und der glaub reynigt das hertz. Prover'bia' .15.³⁹ Die ander sagt. Ec-
lesiastici .2. Im tag der anfechtung/ vorgibt gott sunde.⁴⁰ B1^r
¶ Das wasser⁴¹/ macht den menschen ledig von sunden/ nicht
das elementisch wasser/ Es ist auch nit zubergen⁴²/ das der
glaub/ der erweckt wuͤrt/ in ubung des wassers/ sunden vor-
gibt/ und wirckt alles/ das benedeyhung/ des wassers antzey-
geen/ dan es muß ye sein/ das sonder⁴³ glauben/ kein selickeit kompt/
es ist auch offentlich/ das Christus alwegen/ den glauben zu-
vor erfordert/ eer er hilff gethan/ das er auch gesprochen hat/ Dem
der glaubet/ sein alle ding muglich/ wer nit glaubt/ dem ist nicht
muglich/ Mar. am .9.⁴⁴ Petrus der gieng auff dem wasser/ das
ist/ eyner uberwint betruͤbtnis seliglich/ die weyl er glaubt/ wan
er aber zweyffelt/ ßo hebt er an ein zusincken wie Petrus .Mat.14.⁴⁵

Nym ein scheinlich exempel auß dem alten gesetz gottes/ das
wir leßen im 4. buch der Konig am .2. capitel. Helias und
Heliseus stunden am Jordan/ und Helias falttet seynen mantel
^wer wickelt yn^w zusammen/ und schlug die wasser/ und die teylten
sich auff beyden seytten/ unnd do giengen sie beyde durch das
wasser.⁴⁶ Hie merck lieber Seyler/ wie der Jordan gehorsam-
lich gespalten ist/ und hatt/ Helie und Heliseo statt geben/ durch
zugen^x/ Du moͤchst wol sprechen/ zu den leyhen/ hie merckt/ das
der mantell gewirckt hatt/ sonder⁴⁷ glauben Helie/ merckt auch
mehr/ das der Jordan sich auch on glauben Helie zurteylt/ dar-
umb das Helias seynen mantell/ an seynem heyligen leyb trug
und benedeyhet yhn. Also ist es mit wasser/ dan wan der
Monich oder pfaff/ Creutz und wort/ uber das wasser gewor-
ffen hatt/ baldt kumpt dem wasser ein heyligkeit zu/ da durch
es den yenen/ die sich mit waschen oder besprengen/ teglich sun-
de abreyben kan/ und ist nit von noͤten/ das du glaubest/ der
glaub wuͤrckt auch nit vorgebung der sunden/ sondern/ das ge-
weycht wasser. Es ist ein seelig koͤstlich dinck umb ge-
weycht wasser/ in sonderheit/ so es/ ein ho〈l〉tzschucher^y geweycht
hatt/ das keyner schlaffen/ aber auffsteen solt/ er hett sich dan/
kreutzweyß/ domit besprengt.

Auß solchen schuͤtzworten muget ich fragen. Ist die krafft
ym mantell Helie gewest/ das wasser zu spalden/ warumb B1^v
teylet nit Heliseus/ den Jordan/ auch mit dem selben mantell.

Itzt muß ich meyn reed zu euch/ her Haubtman⁴⁸/ keren/ dan
bruder Seyler hebt an zu disputiren. Ich darff sagen. das mir
vast von noͤten/ das ich mich wol fursehe^z/ dan mich duncket/
der Seyler sol baldt/ ein flucht redt erdichten/ und sprechen.

¶ Heliseus hatt mit eynem andern mantel/ das Jordanisch
wasser geschlagen/ nemlich/ mit des hochgewarten und heyli-
gen vatters bruder Augustinus Alvelders⁴⁹/ aber⁵⁰ etwan mit eynem
andern mantel/ der nit Helie gewest/ den Jordan geschlagen/
Meyn herr Hauptman ich kan mich/ ye nit endthalten/ yr⁵¹ zu-
kunfftige gedancken/ anzugreyffen/ dan bruder Alvelder/ und bru-
der Seyler/ handeln die schrifft/ wie sie/ mit yren gurtell thun/
yre strick/ bygen sie/ und machen manigfeltig knoten/ sonderlich
vil zweyffel knoten/ alles nach yrem wolgefallen und wollust/ der
wegen muß ich ein clein wenig wasser/ umb mich werffen/ das
mich die grauhen gesellen/ nit geferlich beyssen. Ist es nit eyn
frevelich sach/ das ein frumer bruder/ der/ der schrifft/ hoher dan
ich/ voreydet ist/ als kindisch/ mit der schrifft umbgeen sol/ als
were sie/ ein henffner gurtel/ bruder Alvelder legt mir/ dise schrifft
Erit unus pastor et unum ovile⁵²/ also auß. Es sol ein Roͤmischer
stul seyn⁵³/ Ich wil Roͤmischer oberkeit nit zu nahe reden/ aber son-
derlich wolt ich/ das sie/ geschickter anwelder und vorteydingst
knecht/ auff den plan schicken/ Wo aber das mutwillig ge-
brauchen/ der schrifft/ yrleubet ist/ so mugt ich in gleycher eyn-
feldtickeit/ folgende wort/ asinus portat saccum per forum civita-
tis S'anctae' Anne/ also außlegen/ Der grau bruder Seyler/ tregt ein
keeß sack uber den marck auff sant Anneberg/ das muß ich ynen
zuvor sagen/ damit sie itzt lernen wie ein schlechter ungelarter
Nahr^aa ich byn/ auff das sie/ getreulicher/ mit der heyligen schrifft
handeln/ und greuffen mich mit lichten und offenbaren schriff-
ten an/ dan dunckel wort/ und plinde außlegung/ kan ich nit
wol vornemen.

Ich hette mich schir vorgessen. Nun wil ich dem Seyler
sagen/ das ym keyn fluchtreed dienen wirt/ dan Heliseus schluge
mit dem mantel Helie/ und gleych das wasser/ das Helias/ aber
es wolte sich nit teylen/ eher Heliseus sein hertz/ auff/ in gott/ mit
anruffen/ trueg/ der text .4. Reg .2. laudet also. B2^r
Heliseus hub auff den mantel Helie/ der ym empfiel/ und
stundt wider auff dem uffer/ des Jordans/ mit dem mantel/ der
Helie empfallen was/ und schlug die wasser/ aber sie teylden sich
nit⁵⁴/ und do sagt er/ Wo ist nun der gott Helie? Als Heliseus dy-
ße wort mit seufftzen geschriehen^ab hett/ do schlug er das wasser
abermalß/ baldt teylden sich die wasser/ und gaben ym weeg/
durch das wasser zu geen. Hie hoͤr lieber Seyler/ wie es dem hey-
ligen vatter Heliseo ergieng/ da er schlecht⁵⁵/ mit dem mantel yn
daz wasser schlug/ hoͤrestu nit/ das ym/ der mantel gar nit dienet/
Meynestu dan/ das geweycht wasser/ werde dir dienen/ zu abla-
ssung der sunde/ wan du die stirn und cappen mit feucht machst/
ich gestee dir/ das du naß wurst/ das auch des baders wasser
gewircken kont/ aber das du tegliche sunde/ mit ab waschest/
wan du/ unbesunnen/ den kolben⁵⁶ damit netzest/ das fall ich dir
gar ab/ dan wan heylickeit des wassers oder personen/ solt uber
natur wircken/ hett ich ye und ye gemeynt. Heliseus der solt ya so
heylig gewest seyn/ als eing grauher Monich. ich wayß auch
wol das der mantel Helie nicht weniger heylickeit/ dan dein ge-
weycht wasser hatt/ aber dennoch warn alle ding zu wenig/ es
vormugt auch Heliseus das wasser nit spalten/ biß er im glau-
ben/ sein hertz zu gott warff/ sagende. Wo ist nun der got Helie〈/〉⁵⁷
mit den worten rieff Heliseus gott an/ und gab ym allein alle
wircklikeit⁵⁸/ des mantels/ domit Helias zuvor/ den Jordan zur-
teylet.

Also ist es/ mit dem geweychten wasser/ Geweycht wasser/
vormagk dir keyn teglig sunde abnemen/ aber das wasser furet
dich an gott/ den selben umb vorgebung der sunden/ umb hilff
auß noͤten und engsten/ zubiten.

Das bedeuten uns die gebenedeyhung/ so uber wasser gespro-
chen werden/ der Priester sagt also. O gott biß unserm anruffen
gegenwertig/ und schude^ac disem element des wassers die crafft
der benedeyhung etc.⁵⁹ Das ist/ fur⁶⁰ uns durch das sichtbarlich
wasser dohyn/ das wir deyn crafft erkennen/ und das wir yhm^ad
anruffen/ zu dir/ seylig werden/ hoͤrestu nit lieber Seyler/ wie die
kirchen/ des geschreyes zu gott⁶¹/ in den gebeden⁶² gedenckt/ alßo
muͤsset auch Heliseus gott anruffen und gedencken/ solt er das
wasser spalden. Ich setz dahyn/ aber ich gestee es nit/ das die B2^v
collecten⁶³ in der kirchen nach deynem gefallen lauten/ durfft ich
darumb nit sprechen/ wie Augustinus/ das vil boͤse gebeet in den
kirchen seyn⁶⁴/ das auch besser weer/ man wurff sie auß der kir-
chen/ dan gott wuͤrt durch solche leßter gesanck und gebeet ge-
uneret. Ich hab aber eyn Roͤmisch meeßbuch/ das meyn mey-
nung bestetiget/ und dir eyn maulkorp anbyndet.

Dan wie ich oben gemeldet/ alßo mußtu in dem gebeet/ da-
durch das wasser gebenedeyhet wirt⁶⁵/ leesen (kendestu anders
bustaben^ae) also〈/〉 o got biß und sey/ bey unsern anruffungen gne-
dig.⁶⁶ Item〈/〉 alles das in den heusern der glaubhafftigen be-
sprengt/ durch gottlich macht/ von aller unreynikeyt ledig/ oder
behutt werdt.⁶⁷ Item〈/〉 gib das gesundtheyt/ durch anruff-
ung/ deynes heyligen namens/ vor allen anfechtungen beschirmt
vorteydingt und sicher bleyb.⁶⁸ Hoͤrestu nit wie sich die schrifft
von Heliseo/ dyer^af furgelegt/ fuget/ Heliseus ruffet und schreyhet
auff zu gott auff das ym/ das wasser dien und statt geeb/ dye
heylige kirchen vormant alle und yegliche^ag menschen/ ßo gebene-
deyhet wasser handeln/ das sie den gnedigen und barmhertzigen
gott anruffen/ das sie/ durch den aller heyligisten nomen gottis
erlangen/ dartzu sie benedeyhung des wassers reytzet/ eynnert^ah und
furet^ai. Wie tolh und unsynnig seynt die leuth/ die in dem wa-
sser ruhen/ und bleyben mit gedancken und willen/ hoffnung
und trost/ in den dingen/ die furt⁶⁹/ ubersich/ in gott weyßen/ seyn
die selbe nit doren⁷⁰? wan eyner eyn weyntuch⁷¹ oder rastrumdopff⁷²/
wie wein odder bier gebrauchet/ wuͤrdestu nit bald sagen/ der ist
von synenn kummen? Das soltu auch Seyler gedencken/ wan
eyner geweycht wasser den leyhen tzu vyll prediget. Das sol be-
schließlich gehalten werden⁷³/ das betrubtnis/ elent/ und anfech-
tung/ yn geschrey und anrueffen zu gott auffgenommen/ wasser ist/
das durch das element bedeut/ und allerley sund abwescht todt-
lich und teglich. ¶ Das auch keyn wasser/ außgesch〈l〉ossen^aj
den glauben/ nutz ist. ¶ Und das geweycht wasser/ ein zey-
chen ist/ das uns in gottis gnaden und huͤlffen furet/ von dem
soll das mal gesagt seyn.

Wir haben aber auch noch senliche seufftzen/ uber tegliche
sunde/ die selbe seufftzen/ seint auch ein wasser/ die sunden außtyl-
B3^r gen/ ob sie gleych/ an⁷⁴ eußerliche vorfolgung auffquellen unnd
wachsen. Und werden bedeut/ durch das wasser/ das Christus
ym abent esszen/ in das becken gaeß/ seynen Jungern yhre fussen
zuwaschen.⁷⁵ Die selben historien wil ich kurtzlich ein furen. Also〈/〉
Es ist an⁷⁶ widerreed war/ das ein yglicher/ der waschens bedarff
befleckt und unreyn ist/ Es begert auch keyner/ eynes artztes/ er
sey dan kranck. Nun ist gott ye so barmhertzig gewest/ das er
auß eygen bewegtnis und gutwilligkeit^ak/ die sunder gesucht hat/
yhnen hilff und gnad zugeben. Alßo thet Christus/ er umbguͤrte
sich mit dem cleyt seyner barmhertzigkeit/ und schuͤdet wasser yn
ein becken/ und wusche seynen Jungern die fueß/ und treuget^al ynen
die fueß/ mit dem tuch⁷⁷/ das ist〈/〉 mit seyner menscheyt/ sterbet Chri-
stus/ die sunden/ in unserm sterbhafftigem^am fleysch/ als Paulus
ad Ro .8. clar sagt⁷⁸/ alßo weschet gott noch teglich sunde von
unsern seelen/ und ist das ausserlich tuch und wasser/ nicht an-
ders/ dan ein zeychen/ das uns Christi guͤtickeit vormant/ der
sunde vorgibt/ dan solten/ gemelte zeychen/ aber⁷⁹ andere/ yrer gley-
chen/ sunden vorgeben/ und den menschen vorneuhen im geyst/
warumb/ weer/ der eynig Son gottis/ von hymeln/ zu uns ge-
stigen? Derwegen muß ein ygleicher/ mit glauben/ sich an Christum
hefften/ und allein durch Christum/ in gott/ selig werden.

¶ Du^an darffst auch kein sunde scheuhen/ aber⁸⁰/ Christum/ von
eyniger^ao boßheyt wegen/ flihen/ dan sunden und boßheyten/ sollen
dich zu Christo furen und iagen. ¶ Dem sonder^ap sol ym hertzen
sein/ wie eynem/ der fast kranck/ und der sein kranckheyt seher fuͤlt
und^aq befindt/ der selbe tracht baldt/ nach eynem artzt/ er schemet
sich auch nit/ ym sein kranckheyten/ blottern⁸¹/ geschwern/ und eyter
zu ^arclagen und^ar zeygen/ er begeert/ an⁸² alle ab tzuͤg/ hilff und rath.

¶ Alßo/ soll der sunder sich gegen/ Christo halten/ Christus
weyß wol/ und hatt gesagt/ das die gesunden/ keynes artztes be-
durffen⁸³/ sie mussen/ mit sunden/ kranck und schwach sein/ die Chri-
stus suchet/ dan er spricht. Ich byn nit kummen/ die gerechten zu
beruffen/ sonder ich foder^as die sunder.⁸⁴ Weyl nun Christus/ wie ein
getr〈e〉uer^at artzt/ allein/ den krancken/ zu gut/ kumpt/ sol keyner sund
halben von Chr'ist'o flyhen oder wenden/ Des hastu ein mercklich ex-
empel/ von Maria Magda'lena' die unerschrocken/ und an scheuhe zu
dem hern gieng/ vorgebung der sunden/ zuerlangen/ sie vorachtet der B3^v
gleyßner arglistig urteyl/ und trug sich/ mit yren sunden/ zu dem
artzt/ der/ sie bevor/ getzogen/ und mit seyner lieb/ angetzund het/
das sie nit auß bleyb.⁸⁵ Aber Petrus/ der vilmals ym glauben ge-
wanckelt⁸⁶/ schemet sich vor dem hern/ er wisset auch nit den geyst⁸⁷
der fueß waschung/ und sprach/ du wescht mir/ meyn fuesse/
numer^au in ewigkeit/ darauff Christus sagt. Werde ich dir/ deyn
fueß nit waschen/ so wurstu/ keynen teyl/ mit mir haben.⁸⁸

¶ Disse wort Christi seynt vast troͤstlich und erschrecklich^av.
¶ Erschrecklich also/ das die tegliche sunde/ ßo sie nit vorgeben
werden/ uns arme sunder/ von dem teyl/ ewigs leben/ endterben/ dar-
umb sol man keyn spil/ mit teglichen sunden haben/ aber⁸⁹ sie mit
vorachtung ubergeen/ dan sie furen uns in die hell.

¶ Troͤstlich ist aber auch das wort Christi/ das er/ sich sel-
ber/ vor uns demuͤtiget und beuget und knihet/ unser sunde zu
waschen/ unnd betreyhet⁹⁰ uns/ ßo er selber uns nit reynig odder
wasche daz wir vorderben werden.⁹¹ Die fuesse/ seynt gedancken und
willen/ mit welchen/ wir zu got/ geen/ wie Paulus spricht. Unser
wanderung^aw ist im hymel.⁹² Dan wie eyner/ mit leyplichen fuessen
ym weeg/ zu eyner statt/ gaet/ alßo geen die gerechten/ mit yrem
willen und gedancken/ in gottlichen geboten/ zu gott. ¶ Wie-
wol auch die gerechte menschen/ die auch sonste reyne seint/ mit
solchen fuessen/ gott dienen/ und wol thuen/ Dennoch beflecken
sie sich/ und sundigen. Mit sunden/ die sie. neyden und hassenn/
die sie auch nit fliehen/ nach⁹³ umbgeen mugen/ von den sunden
weschet sie Christus/ mit dem wasser/ das uns. durch/ das wa-
sser/ ym beken^ax/ das ist ym menschen/ und geweycht wasser an-
getzeygt ist. ¶^ay Was ist aber das fur wasser? ¶ Das wasser
ist eyn scharff grimig^az urteyl teglicher sunde/ ein betrubt reuhig
hertz/ ein widerwil/ neyd/ haß/ vorfolgung/ schmertzen/ unnd
gedreng/ das du teglicher sunden halben heyst^ba94/ wie David
spricht. Bespreng mich durch hysoppen/ so werd ich gewaschen
und gereyniget. ps. 50.⁹⁵ item. Mehr wasche mich/ dan ich/ erkenn
meyn sunde/ und die sunde ist wider mich/ alwegen⁹⁶/ ob er sagt.
Ich hab meyn sunde/ in ein gestreng/ ernstlichs urteyll gesteelt/
ich haß sie/ ich vorfolge sie/ ich bereu sie mit schmertzen/ und bin
alßo/ in mir/ bedrenget unnd unfridsam/ darumb/ mein gott/
reynige mich/ das ist das andere wasser/ es flies auß eusser-
B4^r lichen anfechten/ oder auß erkentnis aygner gebrechen/ das sun-
den vorgibt/ dan der glaub ubergeusset das wasser uber den be-
drengten geyst/ und re〈i〉niget^bb das hertz/ das ist Christus/ der durch
den glauben/ in dir ist/ der weschet dir/ allein/ dein fueß.

Das⁹⁷ wasser bedeutt das sichtbarlich/ leyblich/ geweycht
wasser/ du solt durch geweycht wasser/ deynes rechten glaubens
erynnert werden/ hastu rechten glauben/ ßo kanstu an⁹⁸ solche ob
gemelde wasser nit gesein/ wan sich aber der born/ alßo ergeu-
sset/ ßo steestu in rechtem geystlichem geweychtem wasser/ das
alle dein sunde erdrencket/ wie daz rot mehr die Aegyptiern erseufft
hatt⁹⁹/ das¹⁰⁰ wasser soll man geniessen unnd yn yhm gedrenckt
werden. Welcher sich aber an das eusserlich wasser hencket der
drinckt ein weynpusch fur weyn¹⁰¹.^bc

¶ ^bdHie nach^bd folget von dem Saltz.¹⁰²

B4^v
be Von dem Saltz. ^be

¶ Gebenedeyhung des saltz ist auß dem 4. buch der Konig¹⁰³/
auch auß dem andern¹⁰⁴ capitel genommen. Die eynwaner der statt
Jerico sprachen zu Heliseo. Die wanung¹⁰⁵ diser statt/ ist die aller
beste/ wie du selber sihest/ aber die wasser/ seynt die allerboͤste/ so
ist auch/ die erden unfruchtbar. Do sagt Heliseus/ brengt mir ein
neu vaß/ und sencket in daz selb vaß/ saltz/ Als sie/ das vaß mit
saltz brachten/ da gieng Heliseus zu dem born der wasser/ und
sprach. Das spricht got. Ich hab diße wasser gesunt gemacht/
und es wirt hynfur/ keyn todt aber^bf unfruchtbarkeyt in ynen sein.¹⁰⁶

Auß dißer historien hatt die kirche den gebrauch/ des gebene-
deyten saltze genommen.¹⁰⁷ Und wie woll offenbar ist/ das Heliseus
keynen sunderlichen gesegen^bg uber das saltz gesprochen/ dennoch
fussen die grau Monich¹⁰⁸ auff dem geweychten wasser/ alßo
vest/ das sie sagen doͤrffen/ das saltz vorgeb teglich sunde. Aber
meyn lieber leeßer/ du kanst leychtlich aber mals vornemen/ wie
Heliseus das saltz/ ym glauben/ in das wasser wurffe/ dan He-
liseus spricht nit alßo/ durch das saltz sollen die wasser vor-
neuet werden/ aber¹⁰⁹ in dem nomen/ des saltz/ so ich einse〈n〉ck^bh/ soll
dem wasser unfruchtbarkeit und der todt genommen werden/ er
sagt auch nit/ alßo daz spricht Heliseus/ werdet gesundt/ neyn/ er
was vil kluger/ dan das er sich/ aber¹¹⁰ das saltz/ so groß achten
und got vorgessen solt. Aber er sprach/ das sagt got/ werdent
gesundt¹¹¹/ und alßo durch daz wort/ das Heliseus/ wie itzt gehoͤrt/
sprach/ wuͤrden die wasser gutt und nutzlich/ domit der men-
sch/ durch ubung/ des saltzes ubersich in gott solt gefuert wer-
den/ von gott alleyn/ alle hilff zusuchen/ das wer genug von
dem saltz gesagt.

Aber ich acht/ das ich auch sein bedeutnis antzeygen muß/
Auß obgemelter historien/ ist abzunehmen/ das geweycht saltz/^bi
ein geystlich gesundtheyt bedeutet/ dadurch todtlickeit und un-
fruchtbarkeit/ des menschen vorendert werden/ und der mensche
besser wirt. Disse kranckheyt ist/ in allen heyligen menschen/
so alhie leben und ist genant von Paulo/ die sunde der glider¹¹²/ Item
Concupiscentia i'd est' begirickeit^bj/ unnd Christus neent sie/ das
menschlich hertz/^bk Matt. 15.¹¹³ von welchem alle laster und boͤß gedancken¹¹⁴ C1^r
und boͤßheyten außgeen/ magk auch/ der boͤß baum Matthei/
vii¹¹⁵ genant werden^bl/ der nicht guttes schopffet/ er gebiert nicht gu-
tes/ und ist steetz/ wider den geyst. Der geyst/ kan nymer ein werck
erdencken oder anfahen/ das fleysch aber¹¹⁶ angeerbte kranckheyt/
tregt ein frucht/ die wider die frucht/ des geystes ist/ wie Paulus
ad Gala. 5.¹¹⁷ und Roma. 7.¹¹⁸ gnugsam leert. Die kranckheyt mey-
nes bedunckes^{bm 119}/ wuͤrt also gesaltzen/ wan du dich also/ zu allem
boͤßen und eygen vorderben und vorlust/ geschickt befindest/ ßo
steet in dir/ ein bitterkeyt auff/ und hast ein haß und neyd uber
dich selber/ und wollest gern auß dir auß geen und weegfliehen^bn.
nach dem Job ym .7. c. sagt. Warum hastu mich/ dir zu wi-
der gesetzt? und ich byn mir selber schweer und bitter worden?
warumb nymbstu meyn sund/ nit weeg?¹²⁰ So tragen dir/ deyn
knecht/ ein neu vaß/ mit saltz/ zu/ daz ist/ sie brengen dir ein grau-
hen wider dich/ domit saltzestu/ das boͤß wasser/ dastu bist/ und
alßo wuͤrdestu dir fruchtbar/ es macht dich recht demuͤtig bey
dir und forchtsam bey got. Item lasset keinen todt hynfuhr^bo/ das ist/
die unreynickeyt/ deynes hertzen/ wirt dir nit zu schaden/ und
dem todt gereychen/ dan got wil guͤtig sein/ wan du/ dir selber/^bp
scharff bist.

In dißem saltz/ wuͤrdt der gerecht mensch/ uber die massen
gebeysset/ und durchsaltzet/ dan er kumet dohyn/ das er/ mit her-
tzen und munde sagt/ woͤr ich vor mir sicher/ und wan ich mir
selber nit schadet/ mich wirt kein feynd beschedigen/ darumb er
spricht. Eripe me ab homine malo¹²¹/ das ist/ herr behute mich vor
mir selber. ^bqDiße flucht/ von sich selber^bq/ ist ein saltz/ das gott
eingibt/ und reyniget den menschen/ und bewaret yhn/ das ym seyn
kranckeit nit weyter reyß. Nun/ muß ich dem Seyler〈/〉 dem Gar-
dian von gottes gnaden .idest. dem unvordienten Gardian tzu
fallen/ das er zweyffelt/ wo das saltz in der schrifft stee/ dan ich
zweyffell auch/ ab er ettwas in der Biblien recht vornem/ aber
das weyß. ich fast woll/ wann er/ das wort gottis. mit solchem
vleyß durch loͤeß^br/ wie er sein paterkorner¹²² an den kirchen zeucht. oder
vorschafft/ das sie/ von den unvorstendigen leyhen/ hyn und her
getzogen werden/ er wurde besser yn die Biblien gesehen haben/
und sich ye/ zufragen. endthalten/ das¹²³ weyber/ kinder/ und schlecht¹²⁴
leyhen wissen.

C1^v
Ich muß ym aber noch/ von eynem andern Saltz sagen/
das yhm in die augen springen wuͤrdt. Der arm unvorstendige
Seyler/ darff mit seynem vixgardian Bruder Joannß forch-
heym¹²⁵ sagen/ die leyhen sollen die Biblien nit leeßen/ darauß ab-
zunemen/ das er gar wenig von dem Saltz weyß/ des sich die
leuthe teglich/ in kirchen. gebrauchen.

Gott hatt Levitici 2.¹²⁶ geboten/ das man in allen/ und yeg-
lichen opfern/ saltz opfer〈n〉 sal^bs/ er sagt/ alles das du opfern wuͤrst
solstu mit saltz/ besaltzen¹²⁷/ und durch arbeyten/ das ye wol nach
saltz artdtet/ und du solst ye/ das saltz der vorbintnis nit vorge-
ssen.¹²⁸ Nach dem auch Marci .9. geschrieben. Alle opffer sollen
gesaltzt sein mit saltz.¹²⁹ Aber der knoͤtig¹³⁰ Seyler/ hatt gar vorgessen
das saltz eyn zeychen ist/ des saltzes/ da durch. alle opfer gesal-
tzen sollen sein. Ich mocht ym wol sagen/ wie Ezechiel ym 18.
cap. steet. Du bist woll^bt mit wasser/ aber nit zu der seligkeyt/ ge-
waschen/ bist auch/ nit zu nutz/ eyngesaltzen mit saltz¹³¹/ dan du
gebrauchest des saltz/ wie ein ungelerter bott/ der brieff tregt/ und
waͤyß nit/ was in brieffen ^bugeschrieben oder gesagt ist^bu. Aber¹³² wie
ein Esell/ der gelt/ auffm ruͤck tregt/ und waͤyß nit/ was gelt ist/
aber waz er auff seynem ruͤck fuͤret/ Alßo bistu und andere predigern
ßo dir nit ungeleych seint. Sie predigen und leeßen/ von saltz/ wissen
aber selbst nit/ waz sie sagen/ derhalben ynen nach wasser/ nach
saltz¹³³/ zu der seyligkeiyt dienet/ sie schmecken das saltz ym maull/
und der geyst weyß nit/ was der mensch thuet. Ich sage/ das
teglicher gebrauch des saltze/ tegliche lernung/ gottis wort be-
deut/ und gemeyne ubung des saltz/ gemeyn leer deutet/ das ist/
alle leyhen sollen/ alle tag/ das wort gottis lernen/ die Biblien
selber leeßen oder hoͤren leßen/ domit sie/ yhr opffer/ yr leben/ und
yhr sitten/ mit dem saltz warhafftiger weyßheyt/ eynsaltzen/ daz
sie nit/ an den gleißnern/ an den holtzschugern hangen/ erkennden^bv
sich aber wie sie opffern sollen/ das sie ye mit hochstem vleys in
dem wort gottis bleyben/ und machen nit eygen weyße und ge-
setz/ wie sie opfern/ das ist/ wie sie gott teglich dienen sollen.

Dan wie ich/ in dem Buchlein von dem Ablas gemeldet hab.
Wil got unser aͤygne gesetzt/ und selber erdachte opffer nit haben¹³⁴〈/〉
er spricht. Sie haben mich mit menschen geboten und leeren ge-
C2^r forcht/ darumb wil ich/ ein wunder thuen/ ich wil yr vornunfft
und weyßheyt vorderben.¹³⁵ Die weyl wir dan offentlich vorsteen/
das uns gott an sein gesetz zeuget¹³⁶/ und das wir alle sachen/ und
unßer/ teglich leben/ nach seynem saltz der weyßheyt ordenen und
richten sollen/ ist uns ye trefflich von noͤten/ das wir/ des saltze^bw
das ist/ gottlichs gesetz/ nit vorgessen/ ßo wir gott dienen wol-
len/ darumb spricht Paulus. Collo. 4. also/ Eur reed sol alwe-
gen/ mit gunst und lust des saltz vormengt sein/ auff das yhr
wisset/ wie yhr eynem yglichen antworten solt¹³⁷/ dartzu saget Pau-
lus/ das die eldter yhr kinder mit den vormanungen Christi/ in
lieb underweyßen sollen¹³⁸/ damit yhr Christlich leben/ sitten/ und
geberden/ auß dem gottlichem gesetz/ formirt werden/ und auff
wachsen^bx/ Das ist das saltz/ das alle menschen/ kinder/ knaben/
meydlin/ weyber/ menner/ iungk und alt/ hoches odder nyders
standts/ geystlich aber weltlich^by/ briester/ moͤnichen/ und leyhen〈/〉
koͤnig und fursten/ mit emsiger arbet^bz/ und grossem vleys lernen
sollen/ von dem selben saltz wil ich itzt/ ßo mirs gott eyngiebet/
eyn buchlein schreyben¹³⁹/ das nennen alßo.

¶ Daz wort gottis sollen alle Christglaubige menschen/ geyst-
lich und weltlich wissen/ außlegen/ hendeln/ eynnemen und von
sich¹⁴⁰ lernen koͤnden/ Das du mit deynem bruder forchheym offent-
lich werest¹⁴¹/ und setzest den schefflin gottis/ das saltz fuͤr/ wie
eyner/ eynem blinden/ eyn strick/ schweert/ aber¹⁴² gruben¹⁴³/ dar yn er
sich vorletzen soll/ furlegt oder furgrebet.

¶ Soll man dir darumb keße und budter geben/ dastu den
Christen/ das wort gottis/ auß yhrem maul nymbst/ wir solten
dir kiesel und bruͤgel^ca auff den ruͤck legen/ auff dastu uns arme/
nit umb leben der seel brengest/ und nit mehr troͤstlos machest.
Zeyt wuͤrt es dastu deyn helffer anruffest/ dastu woll bellen
kanst¹⁴⁴/ dan¹⁴⁵ wuͤrstu mit deynen groben stichlingen^cb furtfaren¹⁴⁶/ ßo
will ich dir/ glaub mir/ eyn narrenfresser¹⁴⁷ senden/ der dich an hen-
den/ fuͤssen und haubt halten wurt/ gern wolte ich/ du ge-
brauchst der schrifft/ und lernest mich unvorstendigen/ auch
mit der scherff/ wie eyn unguͤtiger schulmeyster/ aber dastu
mich/ mit buffell fleysch speyßen wollest/ duldeth^cc ich ungern.

C2^v
Das hab ich mit eyll/ gunstiger herr Haubtman¹⁴⁸/ von gewey-
chtem wasser und saltz/ euch zu eren/ dem unvordienten Gardian zu
sunderlicher belonung/ allen Christglaubigen/ die den vorstand
noch nit gehabt/ zubericht^cd/ geschrieben/ mit bit/ yhr wollet/ das
vorgutt haben/ und ye nit/ yn des grohen holtzschuger arglistig
urteyll vallen/ das yhr/ uns wittemberger fur falsche propheten
und vorfurer des volcks gottis/ haldet/ dan yr habt ym Ablas
buchlin¹⁴⁹ und hie schrifft gesehen/ dadurch ich/ alßo zuschreyben/
bewegt/ ßo habt yhr drey Soͤn allhie studenten¹⁵⁰/ die mit grossem
vleys alhie predigen und lection horen/ und konden von keynem
menschen hie mercken/ das ye ein vorleyder¹⁵¹ hie gehort woͤr/ Ich
wil an^ce rum/ mit waret^cf/ sagen. das diße Universteet ym vleys/
gottes wort zu lernen und betrachten/ yhr gleychen. wedder in
Welischen¹⁵²/ weder^cg Deutschenlanden/ weder Franckreych hatt.
Ihr sollet mir auch nit mehr ader ferner glauben/ den euch/ die
schrifft zwingt/ domit wunsche ich euch/ und den euren alle
seligkeyt in gott/ bitt wollet allen den Amptleuten und Burgern
der statt in S. Joachimßtal/ yn sunderheit/ die mir ehr und gut
ertzeygt/ meyn guttwillig und bereyte dinst sagen lassen. Das
vordien ich gern yn vleys guttwillig. Datum Wittembergk
Assumptionis Marie¹⁵³ Im xx.^ch Jar.

¶ Ich solte wol/ von boͤßer und toller ubung/ so yn den ge-
weychten wasser und saltz/ gebraucht wirt/ sonderlich geschrie-
ben. Aber ich acht. das dem mißbrauch auß obangetzeygten
schrifften/ die fueß stumpff worden sein. Nach dem man aber
eynen tzetel/ von dem nutz und crafft/ des weychwassers/¹⁵⁴ in vil
kirchen angeschlagen/ heldet. und der selbe brieff/ sich der schrifft
berumbt/ und sagt offentlich/ das die heylige schrifft/ das leer/
das der nerrisch brive inhelt^ci. Sag ich offenbar dagegen/ und be-
deures^cj.¹⁵⁵ mit der pflicht/ domit ich der heyligen schrifft vorwandt
und pflichtig byn¹⁵⁶/ das ich solche vormeynte fruchten. des gewey-
chten wassers/ noch nit in der schrifft gefunden hab. Er¹⁵⁷ woͤlde
dan/ der menschen geboten/ ßo uns uber unsern haubten sitzen/
heylige schrifft nennen/ daz yhm/ nit zymet/ nach sol gestat werden.
¶ Ich weiß woll^ck/ das vil iuristen glosen¹⁵⁸/ und etzliche zenkische
Theologen/ auß yren hohen synnen/ beschlissen/ das geweycht
wasser vil macht und crafft hab.¹⁵⁹ Derhalben muß ich/ alle C3^r
Christglaubigen warnen/ das sie sich/ nit an schaden^cl halden/
und vorlisen die sonne/ oder von dem rauch befleckt werden/ und
geniessen des feurß gar nicht¹⁶⁰/ ich muß yn raten/ das sie ein reyn
und gut urteyl. under¹⁶¹ menschen und gottis geboten haben/ das
sie/ mit zeytlicher furbetrachtung bedencken/ warumb sie Christen
geheyssen seynt/ und huten sich. yn vleys/ vor aygen/ und ander
menschen gesetzen. Welcher aber. menschen nach folgen wil/ den
kan ich nit halten/ doch weiß ich/ das er/ alßo/ keyn Christ ist/
das ist. Er ist kein schefflin Christi. Dan die schaͤff Christi/ hoͤ-
ren allein sein stuͤhm¹⁶²/ sie folgen auch keyner andern stuͤhm^cm. Die
weil nuhn^cn/ die stuͤhm Christi/ sonderlich und eyniglich/ in der hey-
ligen schrifft beschlossen/ nemlich/ yn Mosen/ yn den propheten
in den Evangelien/ in den Apostolen und gnugsam begriffen.
Sollen Christglaubege schefflin/ kein pfeuffen oder gedoͤn¹⁶³ eyn-
nemen/ oder eyner zusag gefolgig sein/ die nit ist in der schrifft. woͤl
zuweysen¹⁶⁴. Derwegen/ ist yemants/ der etwas von der crafft ge-
weychtes wassers oder saltzes predigen wil. der breng lichte und
bequeme¹⁶⁵ schrifften/ und pfeuff uns recht/ ein gottlich gedoen/ so
wollen wir hoͤren/ und folgen. dan ich muß sprechen/ das keyner
darumb ein Christ ist/ das er sich an menschen vorheyschung
aber trost heldet. Dartzu beken ich/ das vorbedalkt^co brive¹⁶⁶/ etz-
lichen tzeuberischen hendeln ursach gegeben hat. derhalben woll
ein yglicher Christglaubiger treulich gewarnet sey/ das er nit/
nach bedriegischer und vorbotner weyd. graesen gan/ und falh
mit den blinden furen/ in die gruben. die. die aygen gesetz macher
graben/ als Matthei .15. geschrieben steet.¹⁶⁷

Itzt wolt ich/ dißes buchlein beschlossen haben/ biß auff
des grauhen Seylers wider reedt¹⁶⁸/ so kumet mir ein gutter freund
und spricht. Du sagest es solle sich kein sunder/ sunden halben/
vor Christo scheuhen/ dan ye sundiger er ist/ soll er Christum/ wie
ein krancker/ ein artzt/ suchen.¹⁶⁹ Diße reedt gibt uns ursachen/ das
wir/ dester freyher sundigen/ vorderbet auch gute reuh/ und vor-
beschickung zu der gnad gottis.¹⁷⁰

Dartzu antwort ich alßo. Die listige natur ist ye und ye ge-
artet und gneycht/ das sie alwegen/ das ergest/ auß dem besten
schopfet. Wan yhr unmeßsiglich gnad geprediget wirt/ ßo C3^v
spricht sie bald/ ßo wollen wir sundigen/ bey mir ist es nit froem^cp
das ich mit solcher frag geruert byn/ die weyl ich leeß/ das Chri-
stus/ das seyn propheten und sein Apostoln/ der gleychen haben
mussen hoͤren/ dan da Paulus sprach/ ad Ro. 5. Das keyner fur
ein gerechten stirbt.¹⁷¹ und daz Christus fur die unguͤtige und boͤse
sunder gestorben¹⁷²/ und noch eynes/ sprach. Das die gnad gottis
ubergeflossen hatt/ da die sunden uber fluͤssen¹⁷³/ dartzu/ spra-
chen etzliche. So wellen wir sundigen/ ad Ro. 6.¹⁷⁴ aber Paulus
sagt/ das sey fern von uns/ wir sollen nun gott dienen/ der uns
von den sunden frey gemacht/ weyl uns gott ßo guͤtig gewest
das er uns vil sunden vorgeben/ so sollen wir seynem willen ge-
leben/ und nicht wider yhn seyn/ derhalben sprach auch Paulus
ym .3. c. ad Roma.〈/〉 billich sagen etzlich/ yn spot. Nun lasset
uns ubell thun/ auff das uns gott vil gnaden gebe¹⁷⁵/ aber¹⁷⁶/ das
uns gute gaben gottis bescheert werden/ wie es Paulo ergangen
ist/ als er/ die ubermildte gnad gottis prediget/ also geht es mir.
Dan ich hab recht und wol gesagt/ das sich keyner/ vor Chri-
sto/ sunde halben scheuen oder schemen soll/ es sol sich auch
keyner furchten/ es soll auch keyner an der vorgebung zweyffeln.
Er hab grosse oder cleyn/ teglich oder todtliche/ fursetziglich
oder unwissenliche sunde gethan/ Er soll troͤstlich und froͤlich^cq
zu Christo eylen/ dan Christus suchet sunder/ dartzu hab ich/
die hystorien von Magdalena/ und unßers hern sentenz/ auch
wort Christi^cr eingefuͤrt.¹⁷⁷ Christus spricht. Ich byn kummen/ die
sunder selig zumachen/ Die gerechten^cs beruffet er nit. Darumb ge-
boͤtt gott Osee ym .i. capitel. sprechende. Du solt dir ein
huͤrisch/ yha ein eebrechisch weyb nhemen/ und eebrechische kin-
der czeugen^{ct 178}/ das hatt er darumb gebotten/ das^cu er uns lernen
wolt/ das keyner auff frumkeyt¹⁷⁹ bauhen soll/ wie die Juden
theten/ die er vorlassen wolt/ wie Christus die gerechten/ auch/
nit rueffen wolt.¹⁸⁰ Gott lernet uns auch/ das Christus den sun-
dern/ die mit sunden schwach seyn/ kummen wolt/ sie musten
sunder seyn/ und sich fur sunder achten und halten/ die Christus
an sich czyehen wolt/ wie Oseas das huͤrisch weyb/ das ist/
das Christus sagt Matthei am eyn und zwe〈n〉tzigsten^cv capitel.
die offenbaren sunder und huren/ werden euch vorlauffen czu C4^r
dem hymel¹⁸¹/ darumb vorlyesse auch der scheffer 99. schaff/
und suchet das eynige vorloren.¹⁸² Es beczeuget auch Petrus/ das
Christus nit kummen ist/ die/ kleyne sunder/ alleyn zu erleßen/
sondern/ auch die yenen/ die sich dem Teuffel/ mit willen/ mit
wercken/ mit leyb/ mit seel undergeben haben:¹⁸³ Weyll^cw dann
dyße und ander schrifften offentlich außsagen/ das Christus/
auch die aller groͤsten sunder und buben erloͤßen will/ warumb
solt ich nit sagen/ das sich keyn sunder/ sund halben. vor gott
scheuhen soll. Ja yhe mehr eyner gesundiget hatt/ yhe eer er
czu Christo lauffen soll/ grosse sunden/ sollen dem sunder. ein
groß feur und hicz/ und vill sunden/ vil begerung czu
gott machen.

Dartzu dienet mir Jacob in dem .i. capitell sprechende. So
eyner weyßheyt bedarff/ der soll sie von gott bitten/ der gibt al-
lenn den/ die bitten/ et nemini improperat¹⁸⁴/ das ist/ er wurffet
keynem sein sunde fur.

Die menschen pflegen zeyten^cx/ zu yhren alten feynden/ wann
sie was von yhnen bitten/ sprechen/ solt ich dir zu dyßem gut
helffen/ das laß ich. dan du hast mich erczurnet oder vorfolgt
aber¹⁸⁵ du bist ein bub/ alßo ruͤcken sie/ den yenen/ so ettwas/ von
yhnen begern/ yhre sunden und schanden fur. Aber Jacob sagt/
das gott/ niemants/ sein handlung^cy furwuͤrffet/ er spricht nit/
du hast meyn gebott voracht/ du hast mich ertzurnet/ du bist
eyn solcher/ oder ein solche/ sonder er gebiet/ allen den^cz/ die yhn/ ym
glauben bitten/ daz sie begeren/ an furruckung/ das heysset er gibet
Et nemini improperat.¹⁸⁶ Nun die weyll gott/ wie sant Jacob
gesagt/ keynem seyn boͤßheyten furruͤcket/ warumb solt ich/ die
menschen nit troͤsten/ die Christus in aller schrifft troͤstet/ daz die^da
beschweerten/ krancken/ schwachen und vol^db sunden zu yhm kummen
sollen/ daz sie zu got yn rechtem glauben^dc schreyen sollen/ ßo wol
er yhnen helffen/ nicht alleyn den gerechten/ ßondern auch den C4^v
ungerechten/ er wil seyn Sonne lassen scheynen/ dem frummen
und boͤßen¹⁸⁷/ ßo sie/ in starckem glauben bitten/ darumb darff
sich keyner seyner boͤßheit^dd halben/ ^deßo er vorhandelt^de/ vor gott
scheuhen/ wan er gott anfehet ^dfym glauben^df zu biten/ ßo geweret
er yhn^dg/ und rucket ym nichts fur. Das sol allen sundern^dh/ zu^di ge-
meynem trost^dj gesaget sein/ den grossen. quorum primus ego sum.¹⁸⁸
und den cleynen/ die doch alle/ eynes erloßers/ der Christus ist.
bedurffen/ Wan sie ^dkder Teuffel^dk yn todtz noͤten. anfeelt sprechende/
wiltu gott anruffen oder vortrauhen? weystu nit wie du wider
yhn gehandelt? Dan soltu dem Teuffel ein schniplin/ und weni-
ger dan ein meigklin^dl bieten. Aber du solt das ubertrostlich wort/
yn deynem hertzen vest halden. Christus suchet sunder. Christus
ist kumen/ den boͤßen zu helffen/ wie Petrus sagt. Christus ist ku-
men/ auf das er/ unßer sund auff sich/ leget¹⁸⁹/ und betzalet. als
Esaias.¹⁹⁰ Christus macht yhm unßer sunde aygen/ wie Paulus
gesagt.¹⁹¹ Die weyll du in dißen worten hangest/ mag dir der
Teuffell nicht schaden/ sonder du kumest/ auß dem streyt zu
ewigem frid. Amen^dm.

¶ Gedruckt zu Wittenbergk Johan.
Grunenberg. 1520.¹⁹²