Es hat mir D'octor' Andreas Carlstad eyn buͤchlin zugeferti-
get¹/ darynnen er sich entschuͤldigt des ferlichen² und schwe-
ren geruͤchts/ als solt er schuͤldig seyn an dem auffrur³/
odder eyn heubt und anreger der auffruͤrischen gewesen
seyn/ Und mich mit grossem ernst gebeten/ das ich das
selbige wolte lassen durch den druck ausgehen⁴/ zurret-
tunge^a seynes namens/ und auch/ das er nicht so jemer-
lich/ unverhort und unuͤberzeugt⁵/ verurteylet/ und on ver-
dienst⁶ und ursach/ seyns leybs und guts unsicher seyn
muste/ nach dem itzt das geschrey⁷ geht/ als solt man
mit vielen armen leuten zugeschwinde faren⁸/ und aus
lauter zorn dahyn richten beyde schuͤldige und unschuͤl-
dige/ unverhorter und unuͤberwundener sache/ als ich
denn wol besorge/ das die zaghafftigen tyrannen/ die
sich vorhyn fur eym rausschenden blat fuͤrchten/ itzt al-
zu kuͤne worden seyen/ biss sie yhren muttwillen⁹ voln-
bringen/ das sie Got auch zu seyner zeyt stuͤrtze zu boden.¹⁰

Wie wol aber Doctor Carlstad meyn hoͤchster feynd
ist der lere halben/ und daruͤber wyr beyde so hart aneyn-
ander gesetzt haben/ das keyne hoffnung da ist blieben/
eyniges vertrags¹¹ odder ferner gemeynschafft¹²/ doch weyl
er ynn seynem anligen und anfechtunge sich solcher
treue zu myr versihet^b/ mehr auch denn zu seynen freun-
den/ die yhn auff mich gehetzt haben¹³/ wil ich yhn^c die-
selbige treue bey myr finden lassen/ so viel myr muͤglich
ist/ und yhm den dienst und andere mehr gerne erzeygen/
angesehen/ das uns Christus also leret und mit eyge-
nem exempel geweyset hat/ unsern feynden wolzuthun
und zu lieben¹⁴/ dem wyr schuͤldig sind nachzufolgen/ so
wyr wollen Christen seyn und mit yhm teylhaben ynn
seynem reych.^dWuͤste auch meyn gewissen fur Gott
nicht wol zuerhalten/ wo ich sehe/ das yhm unschuͤldig-
A2^rlich fahr¹⁵ leybs und guts entstunde/ und ichs kuͤnde hel-
ffen weren¹⁶/ und thets nicht/ Es wuͤrde myr freylich fur
Gott so viel gelten/ als thett ich selbs so ubel an yhm/
so doch auch S. Paulus leret Röm 12. Hungert deynen
feynd/ so speyse yhn/ duͤrstet yhn/ so trencke yhn etc.¹⁷

Und thu das auch so viel deste lieber/ das ich hoffe/
es solle Gott gnade geben (so wyr ernstlich bitten) das
diesem guten anfang noch bessers folge/ und er¹⁸ sich zu-
letzt erkenne/ und von seynem yrthum ym Sacrament
falle und zur rechter warheyt sampt vielen andern wid-
der kome/ Denn Christus spricht/ der tag hat zwelff stun-
den¹⁹/ Es ist auch an keynem menschen/ weyl er lebt/ zuver-
zweyffeln/ wie hoch und tieff er ymer gefallen ist/ Und
wyr wissen/ das Gott wunderbarlich ist ynn seynen
wercken/ wilchen wyr/ weder^e zeyt noch weyle/ weder^f
mas²⁰ noch ziel/ weder^g farbe noch gestalt geben koͤnnen^h.
Denn das wil ich hiemit gar freyⁱ offentlich haben be-
dinget²¹ und bekennet/ das ich mit disem meynem dienst/
D'octor' Carlstads meynunge und lere/ sonderlich vom Sa-
crament/ gar nichts bekrefftige noch derselbigen eyniger-
ley weyse zufalle/ sondern wie ich zuvor da widder ge-
schrieben²²/ also stehe und bleybe ich noch/ bitte auch yder-
man auffs aller treulichst wolte^j sich fur der selbigen
huͤeten/ unangesehen das viel andere auch davon der-
gleychen schreyben/ aber so mit ungegruͤndten/ ersuchten
rencken²³/ das ich den selbigen keynen andern danck weys/
denn das sie mich ynn meynem verstand nur deste ster-
cker machen.

Ob aber yemand so vol argwans stickt^k/ und mich
wolt verdencken/ das ich D'octor' Carlstad alzubald gleube/
und moͤchte nit seyn ernst seyn/ sondern wol anders ym
synn haben/ Da antwortte ich/ Es wil weder^l myr
noch yemand gebuͤrn/ eyns andern hertz zu richten/ So
spricht Paulus 1. Kor 13. Die liebe ist nicht argwenig.²⁴
Und abermal/ Die liebe trauet²⁵ alles.²⁶ Ob sie nu gleych
offt betrogen wird uber solchem trauen/^m wie man spri-
cht/ Trau reyt das pferd weg²⁷/ⁿ so lest²⁸ sie doch nicht abe.
A2^v So sage ich nu meyne^o meynunge/ so lange D'octor' Carlstad
sich zu recht erbeut/ und leyden wil was er leyden soll/
wo er auffruͤrisch erfunden und uberwunden wird/ so
lange mus ich seynem buͤchlin²⁹ und bekennen/ glauben
geben/ wie wol ich selbs vorhyn/ ehe ich solch seyn theur
hoch erbieten hoͤret/ bewegt³⁰ war^p/ das er eynen auffruͤri-
schen mut³¹ hette/ wie ettliche/ die bey yhm waren.³² Aber
nu mus ich seynem eygen erbieten raum lassen/ und ver-
hoͤrunge nicht helffen wegern³³/ sondern fürdern.^q

Denn wo man die warheyt sagen soll/ und die sache
eben beym liecht ansehen wil/ so ist dieser iamer und auff-
rur³⁴ nicht alleyne der Paurn/ sondern viel mehr der tollen
fuͤrsten und toͤrichten bisschoffen schuld/ Denn da der
gemeyne man rechtschaffne prediger hatte^r und das reyne
Evangelion gerne hoͤrete/ darynnen sie glauben und ge-
horsam lernten/ das kundten unsere junckern nicht ley-
den/ verjagten on alle ursach die frumen prediger/ und
setzten uber das volck/ grobe eselskoͤpffe/ die nichts kund-
ten/ und hetzten das volck mutwilliglich widder sich/
Darumb schaffts Gott/ das auffruͤrische prediger unter
das volck kamen und fiengen solchen jamer^s an/ da-
durch nu solcher unwillen unter den gemeynen man ko-
men ist/ das freylich keyn auffhoͤren seyn wird/ biss die
tyrannen auch ym dreck auffstehen³⁵/ Denn es keynen be-
stand haben mag/ wo eyn volck seynen herrn nicht lie-
bet/ sondern alleine fuͤrchten mus/ und geschicht wie yhe-
ner sagt/ Wilchen viel fuͤrchten/ der mus widderumb
viel fuͤrchten³⁶/ Denn er kan nicht sicher^t noch froͤlich seyn/
bey denen/ die nicht lust noch liebe zu yhm haben.

Doch unser junckern und gotzen sollen solchs nicht
horen noch annemen/ sondern zufaren³⁷/ und dem Evan-
gelio schuld geben/ was sie verdienen/ und der narren
reymen dieweyl fuͤren/ der da heyst/ Ich acht seyn nicht/
biss das eyner kome/ der eynen andern reymen dawidder
fuͤret und spreche³⁸/ Es ist meyn ernst/ das widder^u fuͤrst
noch bisschoff unter dem hymel bleybe. Drumb las nur
faren/ was da feret/ sie werdens bald finden/ was sie
A3^r lengst gesucht haben/ Es ist schon auff der ban³⁹/ Gott
gebe/ das sie sich ynn der zeyt bekeren/ Amen.

So bitte ich nu beyde herrn⁴⁰ und yederman/ weyl Doctor
Carlstad sich des auffruͤrischen namens zu entschuͤldi-
gen so hoch erbeut⁴¹/ das man yhn lasse dazu komen/ auff
das Gott nicht weytter und hoͤher versucht werde/ Dazu
unlust und groll des poffels^v42 widder die oberkeyt nicht
stercker werde/ und groͤssers rechts scheyn⁴³ gewynne/ Denn
es ja nicht gut ist/ das gemeyne gebet und geschrey auff
sich zuladen/ Syntemal der nicht liegen⁴⁴ kan/ der verheys-
sen hat/ Er wolle der verdruckten schreyen horen und
nicht leyden/ Er hat auch gewalt gnug/ solchs zu
rechen und zustraffen. Gott gebe uns seyn gnade. Amen.

Allen lieben Christen sey
gnad und frid von Gott dem vater und von
unserm herrn Jhesu Christo.

Liebe hern und freunde/ mir kuͤmpt aus gemeyner rede/
auch aus schrifften^w45 fuͤr/ das ich des Alstettischen auff-
ruers und der andern viel beruͤchtigt werd/ als solt ich
der auffruͤrischen pauren haubtman^x und herfuͤrer ge-
west seyn/ das myr und meyner lere und dienst/ und dem
namen Christi zu vernichtigung gereycht.

Derhalben weckt mich meyn gewissen auff/ und
treybt mich/ meyn unschuld ann tag zulegen/ Damit ich
widderumb ynn eyn besser geschrey⁴⁶ durch disse warhaff-
tige anzeyg/ kom/ Und der namen Christi nicht umb
meynet willen verlestert werd/ und eyn iglicher/ der redli-
keyt/ unschuld und gerechtigkeyt liebet/ odder Gottes
rach fuͤrchtet/ sich an myr/ des auffrurs halben/ nicht
mehr mit worten odder wercken vergreyff.

Das ich ynn eyn solichs geruͤcht gekommen/ macht
anfengklich/ das ich leutte gehausset hab/ umb des
besten willen/ auff das ich erfuͤr was dahinden wehr/ von
A3^v welchen ich nicht gemerckt/ das sie willens weren/ auff-
rur zu erwecken/ Die doch bey etlichen/ als auffrůrisch
verdacht werden.⁴⁷

Zu dem andern/ fuͤrcht ich/ das der erwirdig achtpar
und hochgelert D'octor' M'artinus' Luther/ nicht wenig an myr
schuͤldig sey. Der mich fur eynen rotten geyst⁴⁸ und auff-
ruͤrer ynn die welt offentlich geschrieben/ und mich des
Muͤntzers gesellen schild/ Und das alles mit solchen
mechtigen worten/ und wolgestellter red/ das die eynfel-
digen nicht anders gleuben/ denn das ich an dem
Muͤntzerischem^y auffrur schuld hab⁴⁹/ Daraus gekom-
men/ das eyn nachpur^50z dem andern uber die gassen mich
als eynen auffruͤrer/ zugeruffen hat.

Zu dem dritten/ hat mich die grosse fahr⁵¹ und uner-
tregliche verfolgung/ derhalben ich viel und heymlich
ynngesessen⁵² und nicht gesehn byn⁵³/ tieffer ynn den sumpff
des greulichen geschreyhs gestossen. Denn dieweyl ich
nicht byn zu sehen gewest/ hat meniglicher gleubt⁵⁴/ ich
sey an dem ende gewest/ do mich die unchristliche schwe-
tzer hyn gelogen haben.

Nu wiewol ich weyss/ das myrs gewaldiglich und
mit unrecht wird auffgelegt. Jdoch bitt ich Gott/ er
wols yhnen vergeben. Die aber behafften⁵⁵ wollen auff
yhrem grymm/ die straff Gott/ des die rach ist.⁵⁶

Von dem unchristlichen^aa gemuͤt des Muͤntzers/ mag
ich fur Gott mit gutem gewissen schreiben/ das myr des
Muͤntzers furnemen^ab/ als ichs gewisslich verstund/ so
widder/ und so hertzlich leyd ist gewest/ als eynem der do
lebet/ er heyss wie er wil^57ac/ Und das ich dem Muͤntzer
meynes vermuͤgens gewehrt hab/ beruff mich auff
die yhene/ die noch zubekommen synd/ so die farb mey-
nes angesichtes gesehen und die hastikeyt⁵⁸ meyner rede
und clag widder des Muͤntzers schreyben angehort ha-
ben.⁵⁹ Wie ich des Muͤntzers torheyt verfluchen und ver-
melden thet/ was unrathes⁶⁰ draus ervolgen/ Das viel
unschuͤldige beschedigt/ Etliche umbs leben kommen.
Und dem Evangelio eyn unerstatlicher schad begegnen
A4^r wurd etc.^ad Das ist alles (Gott clag ichs) war wor-
den/ und alles gerad ergangen/ als ichs weysgesagt.⁶¹
Was ich auch fuͤrchte/ das hat mich umbgriffen.
Denn ich unschuͤldiger werd verdacht und beschuͤldigt/
und mus des Muͤntzerischen auffrurs viel entgelten/
des ich meyn lebenlang noch nie gefallens gehabt/ noch
teylhafftig seyn hab begert. Das aber mus ich nu Gott
lassen walden/ der mich vileycht meyner sunden halben/
so wol ynn dem bade des truͤbsals weschet/ das ich schyr
meyn leben ausblass.⁶²

Das aber ich den Muͤntzerischen auffrur hab hel-
ffen weren und verhyndern/ das kan ich mit den zu Or-
lamuͤnde bezeugen/ Wilche dem Muͤntzer/ der an die ge-
meine zu Orlamunde umb zufal und anhanck schreib⁶³/
widderumb ein antwort zuschickten/ die Christlich und
unstrefflich war^ae/ und den Muntzer mit gottlichen spruͤ-
chen/ auß der heyligen schrifft gezogen/ hefftiglich ab-
hielten/ und vleissig warneten/ Er solt mit Gottis wort
fechten und nicht mit eysern schwerden.⁶⁴ Zu dem selben
briff gab ich auch ungeferlich ein zeil oder zwo^af/ und halff
des Muntzers feur gleich dempffen und leschen/ als die
zu Orlamunde.

In dem selben briff wird man one muͤh finden/ ob
mir die vermessene anmůttung des Muntzers⁶⁵ gefellig
oder verdrißlich sey gewest. Es ist auch soliche antwort
wol zu bekommen/ Denn der Orlamundisch briff ist zu
Wittemberg vorm jar abgedruckt⁶⁶/ und in Teutscher
nation nicht unbekandt/ drumb ist es alles unleugbar^ag
was drinnen^ah geschriben. Und auß der selben antwort
solten mich alle verstendige/ erbare/ und liebhaber beyde
der gerechtigkeit und unschuld billich urteiln/ und endt-
schuldigen oder beschuldigen.

Das ist auch war/ das Muntzer neben dem brieffe/
wilchen er zu obgedachter gemein schrieb^ai/ mir auch hat
geschriben/ und mir ein gleiche oder grossere torheit an-
gemuͤt hat⁶⁷/ Aber als bald ich des Muntzers briff laß/ do
erkalt mir mein gebluͤt⁶⁸/ in dem lesen/ unnd ich erschrack so
A4^v ubel/ das ich unbesonnen den selbigen briff/ vor grossem
erschrecken/ in etliche stucke/ von oben heraber zureyße.

Hernach aber bedachte ich/ das ich solichen briffe/ auffs
minste einem solt gezeigt haben/ damit doch irgent eyner
wissen truͤg/ wilche torheit mir der Muntzer anmůtten⁶⁹
dorfft/ und wie leichtfertig und unwitzig⁷⁰ mich der Mun-
tzer achtet/ Nemlich fur einen solichen/ der yhm zu so-
licher unsynnigkeit dorfft helffen.

Derhalben setzet ich mich bald auff ein pferdlein/ und
eylet gen Hellingen⁷¹ zu Magistro Bonifacio⁷²/ beclagt
mich des Muntzerischen briffs/ solicher unchristlicher
anmuͤttung/ boͤses argwons^aj/ vernichtigung⁷³ meiner per-
son/ und verleumung⁷⁴ meynes lebens. Des alles mich
der Muntzer solt uberhebt haben. Darauff fugten wir
die stuck des briffs/ auff eynem tisch zusamen/ und als
wir des Muntzers brieff gelasen/ da ward obgenanter
Bonifacius ye so ungeduldig und zornig widder den
Muntzer als ich/ Ferner verzeelt ich wie der Muntzer der
gemein auch geschriben⁷⁵/ und keret schnel umb gen Orla-
muͤnd/ und traff etliche an/ und sprach/ sie solten sich
mit scharffen schrifften wappen⁷⁶/ und dem tropfen⁷⁷ mit
der scherff antwortten/ das gescheen ist/ als oben ist ver-
meldt.⁷⁸

Fur mich aber schreyb ich dem Muntzer ein latinis-
che antwort⁷⁹/ und wolt das iderman wisset was ich
geschriben und meinen briff yn henden hett/ mein schuld
oder unschuld drauß zu erkennen/ hoff ich hab der selben
antwort ein copyen zu Orlamunde.⁸⁰

Summa/ ich weis mich des Muntzerischen auff-
rurß unschuldig und unteilhafftig/ beruff mich auff so-
liche obberuͤrte briffe/ welche von der gemein zu Orla-
munde und von mir dem Muntzer zur antwort geschi-
ckt.⁸¹ Beruff mich auff die zu Orlamunde/ und auff alle
die jene/ den mein wandel⁸² die selbe zeit und auch darvor
bekant ist gewest.

Ist aber ymand der anders sagen darff oder wil/ der
wisse eben/ das ichs rechte nicht flih^83ak/ sondern bereit bin/
B1^r mit yhm/ fur ein scharff gerichte zudretten/ wo ich nur
fur gewald geleydt⁸⁴ und versichert bin/ was recht ist zu
leyden. Wo aber der clager sein clag nicht/ wie recht ist/
außfuͤren wurd/ das er das leyden soll/ was ich leyden
můßt/ ßo er seine clag nach ordenung des rechts hin-
auß gefuͤret hette.⁸⁵

Ich schreib disse endtschuldigung ungern nach des
Muntzers todt⁸⁶/ wolt auch den Muntzer lieber zu vil lo-
ben/ denn mit warheit ein clein wenig schelten/ Mich aber
dringt not/ warheit zuschreiben/ und zweiffel nicht/ das
mich Muntzer/ wenn er noch lebte/ endtschuldigen muͤst/
und bin ungezweiffelt ist er ordenlich gefraget/ das er
mich entschuldigt hab.⁸⁷

Der ander bauren halben in der Rottenburgischen
landwehr und in dem Francken land/ erbite^al ich mich zu
volkoͤmlicher entschuldigung/ und soliche anzeig zuthun/
meyner herberigen^88am/ geselschafft/ und wandels⁸⁹/ das mich
kein verstendiger verdencken kan. Aber itzt wil ich nur
kurtze anzeig geben/ das man wol verstehn magk was
gnad ich bey den neuen Junckern/ bey den Bauren ge-
habt/ und das ich yhr hauptman nicht gewest bin/
noch dafur gut genug geacht wehr/ ßo ichs begert hett.

Ich bin zu Rottenburg innegesessen heymlich biß
sich die Bauren yns feld lagerten/ das kan ich erweisen⁹⁰/
wie ist es dann moglich das ich sie erweckt hab? Oder
wie kan es bestehn/ das ich ir furgenger⁹¹ und hauptman
anfencklich gewest bin? Ich glaub^an nicht das mich ein
Baur gewist hab⁹²/ halt auch das mich nicht uber drey
burger wisseten^ao/ was hab ich dann fur gemeinschafft
mit den Bauren gehalten?⁹³ Und ich wehr noch lenger
heymlich innegesessen/ wenn mich ein guter freund⁹⁴/ eyner
des rathes/ nicht hett außgefuͤert.⁹⁵

Wil ymand ligen⁹⁶ oder sagen/ das ich die Bauren
mit briffen hab auffgesprochen⁹⁷/ lassent den selbigen die
briff aufflegen⁹⁸/ und erkennet ob sie mein sind⁹⁹/ Was be-
gert ir mehr von disem anfangk? sal ich negativam facti
anders beweren?¹⁰⁰ Macht das ein vermuͤttung widder
mich/ das ich nicht gesehen bin? ¹⁰¹ ist disse vermůttung red-
B1^vlich? oder sol solcher dandt¹⁰² ye gelten/ ßo werden wedder
fursten noch herrn sich des auffrurs endladen/ die auch
nicht in ydermans augen gangen sind.

Ich hoff nu/ das mich nienand/ des anfangs des
auffrurs werd verdencken¹⁰³/ der mich aber wil verdencken/
und sein ehre erhalten/ der sal wissen das er fur Gott und
bey der welt schuldig ist/ seynen verdacht zu bezeugen.
Aber das gezeugknis wurd yhm felen^ap und mangeln/
wenn er samlot¹⁰⁴ antruͤg.

Nu wie ich den Bauren und den baurischen^aq bur-
gern gefallen hab/ darnach als ich außgieng^ar zu liecht¹⁰⁵/ ob
ich ßo wirdig in yhren augen gewest/ das sie mich zu
yhrem rad oder haubtman^as hetten konden^at leyden/ das
werden disse nachvolgende geschichte offenbaren/ der ich
nur ein teyl erzelen wil kurtzhalben^au106.

Ich ging eyns von Taubarzal¹⁰⁷ gen Rottenburg fur
ein herberg hin/ in wilcher vil geharnischte pauren/ mit
buchssen und brennenden zachen¹⁰⁸ stunden/ Auß den selben
riff^av einer Carlstat Carlstat/ Ich aber ging furt als hoͤ-
ret ichs nicht/ denn ich fuͤrchte^aw mich/ da volgt mir bald
einer mit einer buchssen/ und bracht mich zu seinen gesel-
len. Als ich zu yhn gekommen/ fragt einer/ Seyt^ax ir bruder¹⁰⁹
ßo lesend des bottens briff/ Seyt^ay yr nicht bruder so wellen
wir^az euch rechtfertigen¹¹⁰/ Das redt der paur mit solchem
ernst/ trotz/ und hochmůt/ das ich froh ward/ das mirs zum
lesen gedeyhet/ Als nu mein gesell¹¹¹ und ich die offene briff
durchlasen/ und die uberschrifft der verschlossen briffen
gelessen/ ließen uns die Baurn furtgehn. Aber des
selbigen tages machten gleich die selbige Baurn (als
ich nicht anders gleub) ein geruͤcht in der stadt¹¹²/ Carl-
stat bricht briff auff und rechtfertigt¹¹³ die boten. Solchen
lohn gaben mir die verzweiffelte puben¹¹⁴/ der¹¹⁵ mich keiner
bedrengt oder hieß/ das ich oder mein gesell¹¹⁶ einen ver-
schlossen briff auffbrechen sollten. Wenn mich mein
weeg gesell vorm Außschuß oder rathe nicht hett endt-
schuldigt/ hetten mich soliche pauren in angst und nott
gebracht. Ist aber auß dem geschichte und aus dem
selben heufflin der Bauren nicht zu mercken/ was die
B2^r pauren von mir gehalten? Wie sie mich geliebt haben?
Sie solten mich freylich ehe in die puchssen fur¹¹⁷ ein kugell
gesteckt^ba/ dann als eynen hauptman in yhrem hauffen
gesetzt/ oder gebraucht haben.

Zu Rottenburg het mich ein purischer^bb gern ersto-
chen/ der ander gern durchrandt¹¹⁸/ Got aber behuͤtt mich
gnediglich.

Zwischen Wirtzburg und Carlstat zu Tungers-
heim¹¹⁹ waren etliche pauren mit buchssen und anderen
weren¹²⁰ versamlet/ wider den Carlstat/ und wolten mir und
meynem weib¹²¹ nemen/ was wir noch uberig hetten¹²²/ Und
als ich verstund waren yhr ein teyl frisch aus dem hau-
ffen gelauffen¹²³/ und lisen sich hoͤren/ das sie des ym hau-
ffen weren verstendigt¹²⁴/ das einer mit seinem weib gefaren
kem/ der Carlstat hieß/ dem sie nemen doͤchten was er
fuͤrete/ etc. Und wenn ich nicht ein geleyde zu Wurtzburg/
durch fuͤrbit/ meynes liebsten patron¹²⁵ hatt erlangt/¹²⁶
und den selben Bauren gezeigt/ und zulesen gegeben/ het-
ten mich die pauren beraubt/ und mich vielleicht gefan-
gen/ und meinem weib und cleynem^bc kind¹²⁷ gethan/ was sie
beschlossen.

Darauß ist abermals warlich scheinlich zu mer-
cken/ wie gut ichs bey den bauren^bd gehabt/ Das auch ich
unter^be Bauren gewest bin/ als ein haße/ unter den ruͤden.¹²⁸
Es merck ein iglicher was er will ßo weis ich das fur-
war/ das mich die pauren vil malß erwurgt hetten/ wenn
ich von Got nicht wer bewardt gewest.

Ich wer gern bald auß der Bauren gebiet^bf gewest/
drumb^bg wer ich offt gern aus dem Francken land von
meyner mutter gezogen/ Aber als offt ichs kegen Sachs-
sen zuversucht/ als offt must ich umbkeren.

Zu Stetten¹²⁹/ ein halbe meyl von Carlstat hieß mich
ein paur einen brifftrager/ kante mich wol/ und sagt/ Lu-
ther und ich weren an yhnen schuldig/ Aber ich brach
mich von dem selben und andern puren mit guten wor-
ten. Bald darnach nicht weyt von Tungen¹³⁰ gieng ich
den steyg/ von meynem weyb/ da ward mein weib alßo
angesprengt. Wo kommestu her? Fuͤrestu Pfaffen gut?¹³¹
B2^v Darauff antwort mein weib/ Es ist kein pfaffen gut/
Ich und die meine habens mit saurer arbeyt erworben.¹³²
Da sprach der ander Pur^bh/ Nymbs flux hin/ es ist nicht
anders dann pfaffen gut/ Mein weib. Nu sall ich in mey-
ner g'nedigen' h'erren' land beraubt werden/ und bin so weyt unberaubt
kommen/ das ist ye iamer^bi/ Ich werd^bj des kegen m'ark'g'räfliche' g'naden'¹³³ ein
klegereyn werden/ Darauff ein Pur^bk/ Deß dich gots mar-
ter schende/ wiltu noch F'ürsten' und H'erren' haben? Wir wellen
alle F'ürsten' und H'errn' zum lande nauß^bl jagen. Wiltu auff f'ürsten' und
h'erren' puͤchen¹³⁴? Mein weib. Sollen wir^bm nicht F'ürsten' und H'errn' ha-
ben/ was hab ich gewist? wil ich doch gern abstellen/
und der f'ürsten' und h'errn' nicht gedencken. Darauff einer/ das
mocht ir thun wolt ir fuͤg¹³⁵ ym lande haben/ Und ein an-
der. Zihe^bn das dich gots marter schendte.

Seind aber das nicht kostliche zeichen/ zu beweisen
das mich die Pauren gern zum heubtman hetten ge-
habt? Disse zeichen sind mir an dem ende begegnet/
do ich bekant/ von wilchem sie gen Carlstat zum wo-
chenmarckte zihen/ Haben mir das die bekante than/ als
war ist/ und mich freylich der hauff/ one gezeucknis mey-
ner kunde/ nicht hette angenommen/ kan abermals ein
byder man¹³⁶ mercken/ obs auch vermutlich sein konn^bo/ das
ich der Bauren^bp anretzer¹³⁷ oder heuptman gewest sey.

Ich was¹³⁸ nicht lang zu Carlstat bey meyner mutter
da pfaffte mich einer an¹³⁹/ auff dem marckte/ und nach
einer gehabten predig von mir/ riet^bq mir ein schwager¹⁴⁰/
ich solt mich etwan^br in ein Dorff thun/ Was sal ich sa-
gen/ Als ich auff Franckfort zu reisen wolt/ und zu Fra-
mersbach¹⁴¹meines weibes erwarten¹⁴²/ samelten sich ettlich
rauber/ aus den Bauren^bs/ die mich wol kanten/ auch zu
Carlstat bekant waren/ und rathschlugen und beschlos-
sen/ am abent Trinitatis¹⁴³/ das sie mich im spesserwald¹⁴⁴/
an einen paumen pindten^bt oder erwurgen wolten/ dar-
nach alles nemen was noch uberig war^bu/ bey mir und
meinem weyb/ Aber Gott offenbart yhren rathschlag
und bracht mich durch einen andern weg.

Es ist nicht gleublich wie seltzam mirs mit den pu-
ren ergangen. Ich wil das mal aber nicht mehr von
B3^r dem gemeinen Baurßman^bv anzeigen/ Denn das acht ich
fur genugsam/ mein unschuld drauß zu rhuͤmen/ so an-
ders ein verstendiger und redtlicher uber disse exempel od-
der geschichte kumpt. Die puren haben ye nicht unbe-
kante erwelt/ odder nichts one gezeugknis der bekanten
angenommen. Welcher ist nu so fraidig¹⁴⁵/ der fur gerichte
tretten und sagen darff/ Die puren haben Carlstad zum
heubtman angenommen odder gebraucht? Wo ist der
Karlstad angenommen? wie heyssen die zeugen? wel-
cher hats gesehen? wil man von vermuttung reden/ so ist
ye das eyn seuberliche vermuttung/ Das die bekante den
Karlstad gern hetten beraubt und darzu ermordt. Will-
tu nichts gleuben/ daran ligt myr nicht/ wenn ichs aber
am gut vermoͤcht/ ich wolt das alles reychlich und ge-
nugsam zu recht erweysen/ das ich nicht schuͤldig byn
zu erweysen. Das eyn ander unerweyst lassen muss und
doch schuͤldig ist zubezeugen.

Zu Rottenburg hab ich viel mals ynn dem artickel
vom Sacrament gepredigt/ ist eyner keck¹⁴⁶/ der sag als
eyn redlicher/ das ich eyn zeyl/ ein wort/ oder eyn syllaben
zum auffrur gepredigt hab/ und beweyss das mit un-
verdechtigen zeugen/ die mich gehort haben/ wil er an-
ders seyn maul nicht luͤgenstraffen. Ich byn auch wed-
er^bw ynn dem Ausschus noch ynn dem Rathe gesessen.¹⁴⁷

Das ich nu bey puren geherbergt^bx/ gessen und trun-
cken hab/ zeyten mit yhnen/ die unbilikeyt¹⁴⁸ hab helffen lo-
ben/ odder die sunde zu viel und zu sehr gestrafft/ dem kan
ich nicht thun.¹⁴⁹ Ich must essen und trincken haben/ und
war^by nicht schuͤldig das ich meyn leben/ meynes weybs
und meynes kindes leben ynn ferlikeyt stellte.¹⁵⁰ Ich wehr
ye eyn narr gewest/ das ich mich widder pauren hett
auffgeleindt¹⁵¹/ von welchen ich eynes worts halben zu
stuͤcken wer gehackt worden.

Das ich von Rotenburg^bzzu meyner mutter gezogen^bz/
ist die ursach/ das ich/ nymer zu Rotenburg bleyben
dorfft/ ferlikeyt halben/ die ich stund¹⁵²/ Wo aber und zu
wehm solt ich billicher/ denn zu meyner leyblichen mut-
ter zihen? Das ich zu Wertzburg gewest¹⁵³/ ist ursach/
B3^v das ich eynes geleydes bedrofft/ das myr auch nuͤtz ge-
west ist.¹⁵⁴

Das sey nu verzelt von den pauren und von myr. Nu
von den heubtleuthen der pauren. Die pauren schickt-
ten etliche heubtleuthe gen Rottenburg.¹⁵⁵Unther will-
chen was eyner/ der sich uber tysch rhuͤmet/ das er den
gantzen Meyntal wegig gemacht¹⁵⁶/ der brachte so viel zu
wegen/ das eyn supplication/ ynn dem namen eyner
gantzen gemeyn zu Rottenburg/ an eynen erbarn Rath
getragen/ und drynnen gebetten ward/ den Karlstad
ausszutreyben¹⁵⁷/ weys auch nicht anders/ den gedachter
heubtman sey eyn anhetzer¹⁵⁸ und zuschuͤrer¹⁵⁹ gewest/ das
mich die thorhuͤder/ des vorigen tages eyngelegter sup-
plication¹⁶⁰/ zwischen den thoren fingen/ und willens wa-
ren myr villeycht den todt anzulegen.¹⁶¹ Der itzt gedacht
heubtman¹⁶² was ynn grossen ansehen/ und warlich/
wenn ich unther den pauren gewest wehr/ als man
mich beleugt¹⁶³/ Er hett verschafft/ das mich die pauren
mit puͤchssen und spyssen von sich getrieben hetten/ also
das ich nu kalt und faul wehr.¹⁶⁴Wie mich der ander
heubtman odder radtman¹⁶⁵ der pauren zu Schweyn-
furdt/ auff yhren landes tag¹⁶⁶ ehret/ das gedenck ich noch
wol/ aber es sey ym vergeben.

Mich nympt doch wunder was ich den pauren¹⁶⁷
und yhren heubtleuthen gethan/ das ich gar selten ey-
nen tag antraff/ ynn welchem ich nicht wehr ynn nodt
und angst/ odder auffs wenigeste ynn spott gefallen.
Ich kan nicht erdencken/ wes die ursach ist/ Es wer
denn diesse/ das ich eynen brieff zu dem hauffen schreib¹⁶⁸/
und sie allesampt schuͤldiger barmhertzigkeyt erynnert/
und vermante/ das sie sich fur Gottes zorn fursehen sol-
ten/ zeygt yhnen etliche historien von dem Assur¹⁶⁹〈/〉 Nabu-
chodonosor¹⁷⁰/ Moab¹⁷¹ an etc. mit kurtzer vermeldung/ das
Gott der herr soliche leuthe aufferweckt hat zur straff
seynes volcks/ und das Got alle soliche leuthe dennocht
hat erwuͤrgt/ alleyn derhalben/ das sie zu viel tetten/ etc.¹⁷²
mit andern und kuͤrtzern wortten/ Und ich machte war-
lich meynen brieff also suͤss das ich besorgt/ Ich moͤ-
B4^rcht bey dem andern teyll ynn ungnad fallen. Aber ich
wagte es den pauren und herrn zu gut/ Den selben brieff
hat eyn radman der pauren/ welcher myr namhafftig
ist gemacht¹⁷³/ unthergedruckt/ und ym heer hauffen ge-
sagt/ Karlstad ist nicht gut peurisch¹⁷⁴/ der selb radman
hat auch mich und alle meyne guͤnder¹⁷⁵/ wo er eynen ersah
gepubet¹⁷⁶ und Karlstatisch puben gescholten. Das
mag auch villeycht die ursach seyn/ das mich die pau-
ren und yhr heubtleuthe vervolgten/ Jdoch weyss ichs
nicht fur war/ Das weyss aber ich wol/ das ich bey den
herrn und pauren boͤsen wind¹⁷⁷ gehabt/ die geystlich herrn
jagten mich als wildpraͤdt^ca178/ und die puren ergriffen mich
und hetten mich gefressen wenn ich unbehuͤtt wer gewest
von Gott. Und ist dennoch keyner/ der mich zu weisen
unterstanden hat. Also achten sie beyde Bischoffen und
puren/ das kostlich gleichnis Christi/ dem sie folgen
und umb eines irrigen schaffs willen. 99. in der wust-
nus lassen solten.¹⁷⁹

Ich hoff F'uͤrsten' und hern¹⁸⁰ werden disse anzeig zu hertzen
nemen/ und mich aus dem verdacht lassen/ und wo sie
zu kurtz/ erbiet ich mich zu recht und vorhor/ und einzu-
legen¹⁸¹ den gantzen rayhen¹⁸² der herberigen/ meynes wan-
dels und reden zu geben/ so viel ich ym gedechtnus noch
halt/ hoffe aber mich werd disse vermeldung und erbie-
tung helffen und schutzen.

Sal aber nichts helffen/ ßo freu ich mich meyner
unschuld/ und rhuͤme mich der selben/ und weis das mein
Got auch ein gericht hegen und halten wird/ ynn wel-
chen myr F'ürstliche' H'errn'〈/〉 burger und pawren antworten/ und
das entpfahen¹⁸³ muͤssen/ was sie an myr verdienen. Das
red ich nicht das ich one sund sey/ denn so ich sundige/
wenn ich wol thun fur Gott. Ists keyn wunder das
ich gesundigt hab unter den pauren mit ferlikeiten umb-
geben¹⁸⁴/ Aber disse sund steht nicht ynn dem gerichte der
welt/ sondern ynn der vergebung Gottis/ der uns allen
well gnedig seyn. Amen. Dat'um' Joannes Baptiste.
Anno xxv.¹⁸⁵ Andreas Carlstad.