fehlt Ursachen der halben An-
dres Carolstatt auß den landen
Zů

Sachsen vertryben.

fehltMeinem lieben brůder Phi-
lipsen Eberbach¹ Gottes huld
und hülff.

Lieber brůder/ dieweil ich alhie² hin und er
wider erfar/ wie etliche von den studenten
des predigers von hohen synnen³/ schůler
zů Wittemberg briefflin ußschicken/ und
anzeygen/ das mich die herrn von Sachsen
der Churfürst unnd hertzog Johans etc.
uß iren landen gestossen etc.⁴ Hab ich dir
und andern meynen gůten freünden mein
erbietung/ bitt/ und unthergebung (we-
liche die aller ergeriste ketzer biß anher geholffen unnd
errett)⁵ nit woͤllen bergen. Dem nach schick ich dir ein
Copien meiner brieffen⁶/ und des brieffs/ den mir die Raͤ-
the zů Weynmar zůgeschickt.⁷ Auch wie mich der Rath
und gemeyn zů Orlamünde verbetten⁸/ wie ich auch ge-
meynt/ das die Christliche Fürsten zů Sachsen/ so got-
tes wort erhalten woͤllen/ und derhalben einen reymen
in iren ermeln fuͤren⁹/ meynes schwangern weybs etc.¹⁰ sol-
ten verschoͤndt haben/ wirdestu alles auß eingelegten
Copien vernemen. Was ich in frembden landen ver-
merckt ist das/ Welche oberkeyt lang regieren und le-
ben wil/ die denck nur/ und setze ir gentzlich für/ das sye
wol/ recht und Goͤtlich regiere. Welche das nit thůt/
Die wirt das wasser fuͤlen/ das noch wachsen sol.¹¹ Da-
von weyther ein anderzeyt.¹² Ich hab wol so arge tag biß-
her gehabt/ als sye D'oktor' M'artin' L'uther' in seinem Patmos¹³ hett.¹⁴
Aber ich wil mich uff arbeyt geben/ und meiner beruͤf-
fung besser warten.¹⁵ Was ich geschriben/ wirdestu kurtz-
fehltlich vernemen.¹⁶ Gott behuͤt dich und alle bruͤder¹⁷/ Amen

Datum. vi. Novembris. Anno. M D xxiiii.¹⁸

Andres Carolstatt.

¶Die erste Copien¹⁹

Durchleüchtiger Hochgeborner Fürst G'nädiger' H'err':
Eüwern F'ürstlich' G'naden' seind meyne underthenige dienst
noch meynem besten vermoͤgen allzeyt zů vorn bereyt.
G'nädiger' F'ürst' und H'err'. An den durchleüchtigsten hochgebornen
Fürsten und Herrn/ herr Fridrichen des. H'eiligen' Roͤmisch-
en Reichs Ertzmarschalck und Churfürsten/ Hertzo-
gen zů Sachsen etc. Eüwern F'ürstlich' G'naden' brůdern hab ich untherde-
niglich geschriben/ unnd mich in übergebung meines
Archidiaconats demuͤtiglich erbotten/ das ich Christ-
liche rechenschafft aller meiner lere und thetlicher hand-
lung gefordert gern wil geben/ unnd so mir gegruͤndte
schrifft mangeln wirt alle die straffen/ so Gott uff über-
schreydter seiner gebott gestellet williglich leyden und
tragen. Dermassen gegen E'üwer' F'ürstlich' G'naden' ich mich hermit er-
biet unnd erbotten haben wil/ mit untherdeniger bitt.
wo E'üwer' F'ürstlich' G'naden' mich im glauben oder mißhandlung der
schrifften verdaͤchtig hielten/ das E'üwer' F'ürstlich' G'naden' mir solchen
verdacht artickels weyß begreyffen/ zůkommen/ unnd
mich so die artickel mein und wider gott sein/ nach Christ-
licher und Apostolischer lere weysen/ und auß vermein-
tem irtumb in Gottes warheyt bringen lassen. Dann
fehltE'üwer' F'ürstlich' G'naden' ye die menige der schrifftverstendigen haben:
Wo aber E'üwer' F'ürstlich' G'naden' solcher muͤhe beschwert/ erbiet ich
mich zů offenlicher disputation/ Teütsch unnd Latey-
nisch/ allen leüten jung und alt/ klein und groß/ die mich
verdencken/ mit gůten gründen zů antworten. Oder so
ich (das ich nicht glaub) im irtumb erfunden/ Christ-
liche weysung an zůnemen/ welche ich beger/ forder und
hoffe E'üwer' F'ürstlich' G'naden' werd diese bitt und erbietung für redlich
gnůgsam/ und goͤtlich halten. Verdachts artickel zů-
kommen/ und mir in keinem wege schimpff oder scha-
den darüber zůfuͤgen lassen. Dann wie wol ich yetzund
zů Wittenberg wunder hab hoͤren muͤssen/ wie seer Eüwer-
Fürstlich Gnaden uff mich ergrimmert und erbittert/ bin ich dan-
nest der untherdenigen zůversicht E'üwer' F'ürstlich' G'naden' werden nichts
Tyrannisch noch gewaldtes gegen mir/ ehe dann ich ver-
hoͤrt und überwunden/ fürnemen. Dann es je Goͤtlich/
menschlich/ unnd natürlich vor allem/ verhoͤr halten/
darnach urteylen. Das E'üwer' F'ürstlich' G'naden' an dise erinnerung gůt
wissen haben. Das wil ich umb E'üwer' F'ürstlich' G'naden' in aller unther-
ungedenigkeit zůverdienen alzeyt bereyt sein/ und das alte
lob und preyß E'üwer' F'ürstlich' G'naden' mit fleyssigem bekentnüß auß-
breyten. Dem lebendigen Gott befolhen/ Datum Or-
lamünde Sontag noch Laurentij. Anno. etc. xxiiij.

A.'ndreas' B.'odenstein' C.'arlstadt'

Die ander Copien²⁰

zů voran bereit G'nädiger' f'urst' H'err' Wiewol ich mich nicht demuͤ-
tiglicher kündt undergeben und erbieten/ dann ich mich
durch mein jüngstes schreyben/ welches E'üwer' F'ürstlich' G'naden' raͤthen
fehlt in abwesenn E'üwer' F'ürstlich' G'naden' am tag Assumptionis Marie in
die hoffstuben zů Weymar ob der malzeit überantwort/
erbotten/ und troͤstlich gehofft/ das mein und in sonder-
heit aller meiner zůhoͤrer E'üwer' F'ürstlich' G'naden' untherdanen besse-
rung/ heyl/ unnd gedeyhen/ ja auch unser aller/ als der
aller unschaͤtzigsten unnd uneerlichsten gliedern unnd
verloren schaffen/ sunderliche eer und widerbrengung
solt gesucht/ gemeindt/ und fuͤrgenommen/ unnd mei-
ner schrifftlicher erbietung stadt gegeben. So werd ich
so villfeltig geschmeht und belestiget/ das ich zweifel/
ob E'üwer' F'ürstlich' G'naden' der brieff meiner erbietung/ des ich ein copi-
en hie mit schicke/ behendet/ oder nit. Denn D'octor' L'uther' ist in
vil enden und orten auffgetretten/ da meine christliche〈/〉
goͤtliche/ erweyßliche/ und gegruͤndte leere eingepflantzt
mit E'üwer' F'ürstlich' G'naden' befell (als er sagt) abgefertiget/ solliche
mein leere vernichtig/ irrig/ auffruͤrisch außzůschreien
und als solt sie aus eynem schwermenden geyst entspros-
sen sein/ offenlich zů widerlegen/ unnd das volck darfür
zů warnen. Mich auch mit dem auffrur zů Alstadt luͤ-
genhafftiglich eingemengt/ und fuͤr allem volck so vil
er vermocht/ auch villeicht bey E'üwer' F'ürstlich' G'naden' verdaͤchtig ge-
macht/ Des ich mich dann nicht unbillig beschwerlich
gefunden/ und aus solchem gehoͤre/ für der grossen spal-
tung und ferligkeit/ so bey den armen christen entsteen
moͤcht/ hertzlich entsatzt. Darauff obgemelter D'octor' L'uther'
zů Jhen/ da ich sein grundloße selbßeingebilte ungestu-
migkeit seyner predigt vormercket/ geschrieben/ unnd
darnach auch personlich besucht/ anfaͤnglich freunnt-
licher/ bruͤderlicher/ unnd Christlicher weyse angeredt
und gebetten dafuͤr zůsein und abzůstellen. Ab er aber
an meiner person oder leere eynigenn feel oder mangel
hett/ mich zů vor bruͤderlichenn/ nach Evanngelischer
fehlt satzung anzůreden/ irthumb zů verhuͤten/ woͤlt ich mich
zů aller billigkeit weysen lassen/ unnd widerumb vom
unbillichen abdretten. Hab ich mich offenlich erbotten/
mit im zů Wittemberg oder Erfurt eyn Disputation
aller meiner gepredigten artickeln darinnen ich verdaͤch-
tig/ zůhaltenn. oder Christliche weysung von im wo er
wolt zu hoͤrenn/ so fern ich geleydt würd/ welches alles
von im abgeschlagen und gewegert. Bin hieruber von
im durch zů werffung eynes floren/ den ich genommen/
wider inen zů schreiben angereytzet/ das ich mich dann
gegen im zůthun verpflicht und verstrickt/ unnd gern
halten wil. Damit aber mein gelimpff unnd lindigkeit
allenthalben erkandt/ und ich nit ein polder geyst oder
hadderischer schwermer/ wie ich dan von im außgerufft
geacht werd. Wil ich mich des schreybens ein zeitlang
so mir leydlich/ enthalten/ und uffs neu/ und aus über-
flus zů gnediger verhoͤr erbotten haben. uff das Eüwer Fürstlich-
Gnaden erkennenn/ das ich nichts hierinnen/ denn allein den
grund goͤtlicher warheit suche. E'üwer' F'ürstlich' G'naden' untherdenig-
lich und umb Gottes willen bittend/ woͤlle mich zů de-
muͤtiger antzeig meiner unschuld/ und gegründter lere
gnediglich lassen kommen/ unnd nicht allein genanten
D'octor' L'uther' und seinem anhang glauben geben. Wo aber
solches E'üwer' F'ürstlich' G'naden' beschwerlich/ als dann woͤllen E'üwer' F'ürstlich' G'naden'
mir armen und aller geringsten diener Gottes gnedig-
lich vergünstigen unnd gestatten/ mein wolgegruͤndte
und rechte Christliche leere/ an liechten tag wider D'octor' L'uther'
auff seine troͤtzige und feindliche begerung durch offen-
baren truck zů bringen/ und zů keynem ungnedigen ver-
hindernüs nach angefangner arbeit/ zů unnkost unnd
nachteil geruchen lassen/ als mir dann vormals durch
die Wittenbergische universitet/ auch durch heimlich
fehlt zůschůb D'octor' L'uthers' unnd seiner anhenger widerfaren.

Das werden E'üwer' F'ürstlich' G'naden' von Gott dem lebendigen her-
renn one zweyfel reychenn lon entpfahenn. So wil ichs
umb E'üwer' F'ürstlich' G'naden' zů verdienen all zeit gehorsam/ beflies-
sen und bereidt sein. Die der vatter unsers herren Je-
su Christi erhaltenn woͤll. Bit umb gnedige antwort.
Datum zů Orlamünde am .xi. tag des mondes Sep-
tembris. Anno etc. xxiiij.²¹

A'ndreas' B'odenstein' C'arlstadt'

Copien der Raͤthe zů Weymar.²²

Unser freuntlich dienst zůvor/ wirdiger und hoch-
gelerter gůter freund/ das schreyben so ir vor we-
nigen tagen an den durchleuchten hochgebornenn fuͤr-
sten und herren/ hernn Johansen Hertzogen zů Sach-
sen etc. unsern gnedigen hern gethan/ haben sein fuͤrstlich
gnad hoͤren lesen/ und uns befolhen euch widerumb an-
zůzeygenn/ das die universitet zů Wittemberg an sein-
Fürstlich Gnaden geschrieben mit anzeyg. Nach dem sich die pfar
zu Orlamünde nach abziehen magistri Conradi Glitz
widerumb verlediget/ So hetten sie den hochgelerten
Ern Casparn Glatz〈/〉 der heyligen schrifft Doctor〈/〉 itzo an
sein stadt zů einem pfarnner da selbst gewelet. Derhal-
ben sie sein F'ürstlich' G'naden' gebettenn/ dieweil ir euch verschiner
zeit understanden/ in die selb pfar an iren willen zů drin-
gen/ das sein F'ürstlich' G'naden' dem volck zů gůt mit euch ernstlich
fehlt verfuͤgenn woͤlte/ euch anderßwo zůversehen unnd da
dannen zů wenden. Wan euch dan/ wie ir selb zůachten
nit gebuͤrt die selb aus eygnem fürnemen/ und an willen
gemelter universitet zů haben. So ist seiner F'ürstlich' G'naden' be-
ger unnd meinung/ das ir berurte pfar fürderlich reü-
met/ unnd das jenige〈/〉 was sich nach vermüge der pfar
Inventarii gebuͤrt zů behůff des zůkuͤnfftigen Vicari-
en alda unnd dainnen lassen. Euch auch da dannen/
und aus seiner F'ürstlich' G'naden' und derselbigen bruders〈/〉 unsers
gnedigsten herren〈/〉 des Chůrfůrsten zu Sachsen etc. fuͤr-
stenthumb unnd landen sachen halben die seine F'ürstlich' G'naden'
darzu bewegenn fürderlich wendet/ unnd das nit an-
ders haltet. Dan was ir als dann wider D'octor' Luternn
zůerhalten vermeynt/ oder mit schreyben nit zů unther-
lassen wisset/ daran werdet ir seiner F'ürstlich' G'naden' halben unge-
hindert sein. Das haben wir euch nit wissen unange-
zeigt zů lassen. Unnd thut daran hochgedachtes unn-
sers gnedigen hern meynung. Datum Sontags nach
Crucis exaltationis. Anno etc. xxiiii.

Unser gnedigst und gnediger hern von
Sachsen etc. Raͤthe itzo zů Weymar.

Copien eines briefes des Raths zů Orlamünde.²³

Durchleüchter hochgeborner fürst und herr/ Euer-
Fürstlich Gnaden seind unsere underthenige und schuldige
dienst zů vorn G'nädiger' F'ürst' unnd H'err'. der Christlich man An-
dres Bodenstein unser burger/ hat uns mit verlesung
des brieffs so im E'uer' F'ürstlich' G'naden' raͤthe uß fürstlichen befell zů-
geschickt²⁴/ offenbart/ das er die pfarr auffs fürderlichst²⁵
fehlt und hirneben E'uer' F'ürstlich' G'naden' fürstenthumb reümen und sich da
dannen wenden solt etc. die selbige pfarr er als bald ange-
sichts^a26 und unverweylich²⁷/ hirmit er E'uer' F'ürstlich' G'naden' gehorsam
leistet/ eylend und^b nach seinem besten vermügen ußzůreü-
men angefangen unnd nach²⁸ thaͤtig auffs fürderlichst
reümet/ unnd das Inventarium so er von Magistro
Conrado Glitzsten²⁹ entpfangen neben uns einzůlegen³⁰ er-
botten/ und inen gegen E'uer' F'ürstlich' G'naden' zů verschreyben³¹ gebet-
ten/ E'uer' F'ürstlich' G'naden' woͤllen im/ biß so lang er das seine zů gelt
gemacht³²/ in E'uer' F'ürstlich' G'naden' fürstenthumb zů wonen gnedige
frist erzeygen. Solchs wir im auß pflicht/ noch dem er
unser bürger nicht wissen zů versagen/ mit untherdeni-
ger bitt^c/ E'uer' F'ürstlich' G'naden' woͤllen sein sehr schwanger weyb³³/ sein
klein unmündig kind³⁴/ unnd den herdringenden winter
ansehen/ in die ecker und weinberg/ welche er zů seines
leybs erhaltung erkaufft³⁵/ auch sein haußgered/ das er
hye³⁶ und zů Wittemberg³⁷ hat/ und auß E'uer' F'ürstlich' G'naden' fürsten-
thumb an³⁸ unverwindtlichen schaden mit nicht fuͤren
kan/ gnediglich verpfennigen³⁹ unnd verkauffen lassen/
hyemit er auch an⁴⁰ schmach des Evangelii seine schul-
diger bezale/ und von den jhenigen〈/〉 so im schuldig〈/〉 auch
wider bezalt werde.⁴¹ Hocher F'ürst' und H'err'. Nach dem uns
auch an Goͤttlicher warheit meer dann an der gantzen
welt gelegen/ Ja〈/〉 wenn Got tausent welt schůff/ Bitten
wir E'uer' F'ürstlich' G'naden' untherdeniglich umb Gottes willen Euer Fürstlich-
Gnaden woͤllen im als einem mittel von Gott berůffen/ uns
den sůn des lebendigen Gottes Jesum Christum von
Nazareth/ noch eynest oder zwir⁴²/ biß auff zůkunfft des
neüwen pfarrers⁴³ zů verkündigen und predigen genedig-
lich vergoͤnnen/ Welcher/ so er kompt von Carolstatt
unverhindert^d44 bleyben sol/ das verdienen wir umb Euer-
Fürstlich Gnaden mit untherdenigem gehorsam/ leybs unnd gůts
fehlt gantz willig. Bitten E'uer' F'ürstlich' G'naden' gnedige antwort. Da-
tum^e Freytag nach Mauricii. M. D. xxiiii.⁴⁵

E'uer' F'ürstlich' G'naden'

Untherdenige

Der Rath zů Orlamünde.

Copien der Raͤthen zů Weymar dem
Rath zů Orlamünde.⁴⁶

Das schreyben so ir an unsern G'nädigen' F'ürst' und H'errn'hertz-
og Johansen/ Hertzog zů Sachsen etc. gethan⁴⁷/
haben sein fürstlich gnad hoͤren lesen/ und uns befolhen
euch darauff zů vermelden/ das sein F'ürstlich' G'naden' nit wissen
was der⁴⁸ bey euch eygens habe⁴⁹/ das im von noͤten zů ver-
kauffen/ des auch von euch kein anzeyg beschehen. Aber
wie dem/ so er dennoch etwas aldo zů verkauffen hette/
haben sein F'ürstlich' G'naden' dem schoͤsser⁵⁰ im brieff hierneben befol-
hen/ darob zů sein/ solchs zůthůn.⁵¹ Dann sein F'ürstlich' G'naden' in
dem so Carolstat geschriben⁵² kein verenderung zůthůn
geneyt/ wolten wir euch nit bergen. Datum Sontag
nach Mauricii.⁵³ Anno. xxiiii.

Unserer gnedigsten und gnedigen herrn

zů Sachsen raͤthe zů Weymar

Indreyen artickeln ist. D'octor' L'uther'wider mich und die
warheyt/ einer ist von dem Sacrament/ der ander
von der Tauff/ der dritt von der lebendigen stymm got-
tes⁵⁴/ In dem ersten hab ich syben buͤchlin gemacht/ die
nu gar nah alle gedruckt.⁵⁵In dem andern ist ein schlech-
ter⁵⁶ dialogus unther der pressen/ unnd wirt das recht
bald hernach kommen.⁵⁷ In dem dritten hatt D'octor' M'artin' L'uther'
so weybische und nerrische lugen erdacht⁵⁸/ das ich mich
fehlt nit gnůg verwundern kundt/ binn auch willens gewest/
nichts in den selben artickeln zů schreyben/ und gedacht
es wer gnůg/ das die sau in irem blůt erstickt⁵⁹/ Jdoch
hab ich ein buͤchlin/ den Christen zů gůtt gemacht/ al-
les darumb das mein wolgegründte unnd erweyßlich
leere/ welche mir Gott geoffenbart hatt⁶⁰/ an den hellen
tag komm/ unnd das man erfar/ welche rechte Christen
seind oder nit/ Ob sye alle Christen seind/ die Gottes wort
mit büchsen verthedigen etc.⁶¹ Das ander wirdestu
auch erfaren. Ich binn selten muͤssig gewest/ wie
wol ich heymlich allen sachen in vil landen nach
gemerckt hab. Lieber Philips⁶² gruͤsse mir
unsere bruͤder⁶³ mit fleyß. Ein jeg-
licher wirt ein buͤchlin⁶⁴ entpfa-
hen/ Gott bevolhen/ Amen.