A1^v Dem Ersamen ^jJorgen reych burger^j tzu Leip-
tzigk⁵ meinem in sonderheit gelibten gonder^k6
wunsch ich Andresgnant^lCarol-
stater/ gots gnad und
barmhertzikeit.

Gunstiger bruder/ nach dem ir ettliche predigt^m/ von
der Messe/ alhie⁷ gehort/ und begert habt/ Das ich mei-
nen glauben/ darauff euchⁿ endecken wolt/ hab ich mich er-
hoben/ euch tzu dienen. Wie wol ich weiß/ das ettliche diß-
se materien flihen/ alß wer sie dunckell/ und nicht tzu er-
gruͤnden. Dannest furcht ich mich nit/ von der Messe tzum
teil/ tzeschreiben/ und acht das ein grosser unstand⁸/ und
spottlich sey/ das wir nit vorstehent⁹ das jene/ welches
wir teglich handeln/ sehen/ horen/ ader sunste gebrauchen.
Ich weiß auch fur war. das heylig Ewangelium^o/ in sich.
licht/ klar/ und leicht ist/ und jdermeniglich leichtlich ein-
geht/ der es ym lautern glauben/ und in aignem safft schme-
cket.¹⁰ War ists/ das Bepstlich dreum unnd gesicht/ das
leichte Ewangelium schwer. das lichte/ finster. das klare/
dunckell. das gottlich/ menschlich gemacht haben. Und
yre leichtfertige ubung ader gebrauch alßo in die bestendi-
ge warheit eingemengkt und vermuͤscht haben. Das wir lei-
der unser Ewangelium nicht mer kennen. und dahin ku-
men yst/ das Pfaffen nit fragen/ noch achten/ was Ewan-
gelisch/ sonder was ublich und gebraulich ist.

Und wie wol die Romische plinden^p furer¹¹/ tzeiten die
warheit verkunden/ wie Balaam¹² und Cayphas¹³ prophe-
titzirt haben/ dannest mogen sie/ in irem^q eigen worten nit
bleiben. Sie¹⁴ sagen/ das gewonheit. der warheit. weichen soll.
Item. Warheit ist mehr/ dan der gebrauch.¹⁵ Item Szo die
warheit offenbar wirt/ soll ir die widerwertig ubung und
brauch on hinderns stat geben. Aber ßo man auf die Papisti-
schen^r achtung hat. sunderlich im artickel der Messe.¹⁶ wirt me-
niglicher vormercken/ das sie nicht weniger thun. dan das
sie sagen/ Und das sie das widerspiel furwenden. Dan sie
A2^r dorffen/ ire gewonheit/ wider gottlich warheit rucken.
und wissen nicht mher/ dan von irrer^s gewonheit zu sagen.
und vorstehend^t nicht minder dan/ Ewangelisch warheit.
ja sie mogen nit dulden/ und yre oren doben¹⁷/ wan eyner
warheit des Ewangelii furlegt/ alt herkumen¹⁸ tzebrechen¹⁹/
Jtzo ist kein ander geschrey/ kein ander gesanck/ dan. Das
ist ein alter gebrauch^u. Das ist ublich und gewonlich.

¶ Von der warheit disputiren sie/ ab sie gut und war sey/
ader nit. ¶ Von der gewonheit lassen sie keinen fragen/ ob
sie dem Ewangelio gemeß/ oder entgegen/ gut oder boß ist.
¶ Enttlich^v ists dohin kumen/ das wir nit durffen fragen.
Wie Christus seine Messe gehalten/ eingesetzt/ und seinen
Jungern tzu gebrauchen bevolhen hat. ¶ Wer Messe be-
gert tzu wissen/ der muß Bepstlich/ leer suchen/ wiel^w ehr
ein Christ genent sein. Des mich gleich gemant²⁰/ alß wan
ich gern einen guldin kelch wolt machen/ und du weißest^x
mich tzu einem schuster/ oder winckel feger²¹. Es solt doch
je sein/ das der die Messe begreuffen wil sie aus dem Ewan-
gelio lernen solt. dar in sie geschrieben ist/ das unser feind
bewilligen muͤssen. Wan ich wolt wissen wu ein flueß her
fleusset/ must ich dem ursprunck nach gehn/ bieß ich tzur
stat kum da er auffquillet.²² Wir wolten gern den bron wissen
darauß^y die Messe her kumpt/ drumb solten wir den selben im
Ewangelio suchen/ Aber der Bapst und sein anhangk furen
unß tzeruck^z/ das wasser ab²³/ und brengen unß von dem an-
fangk der Messe/ tzu dem mießbrauch^aa.

Uns ist auch gunstiger bruder/ des gleißnerrische gla-
ntze/ so vil in die Messe gefurt/ das wir unßer Christliche
Meß nicht mehr konden gesehen und erkennen.

Das offenttlich solt gerett²⁴ und gepredigt werden/ das
blaßen die Messirer²⁵ auß gleich wie die genße tzischen²⁶.

Das sie unß in mund geben solten/ das weißen sie uns
uber das heubt^ab.²⁷

Das sie auß freyhem geist thun solten/ das thun sie in
ansehung irer stifftung/ umb gelt/ und gold, umb tzins²⁸/
umb eere und lob.

A2^v Das sie onn eynige forcht nhemen solten/ das nhemen
sie auß forcht〈.〉

Das sie mit lust und begirden solten genissen/ das mu-
ssen sie tzeiten mit unlust und grauhen essen.

Das sie mit kurtzen worten außrichten solten/ das tzi-
hen und breiten^ac sie uber die massen auß.

Das sie jeder man leren solten/ das verdecken sie den
Christen/ und wollen selbst nit lernen/ was sie handeln.

Sie haben die Messe tzu einem opffer gemacht/ wort
und weiße verkert/ und sprechen/ sie opffern gott²⁹/ das ihn^ad
doch gott giebt.

Sie sagen sie konden einem andern ire Messe teylhafftig
machen³⁰/ und uber reden uns des/ das unser keiner begreuffen^ae
kann. Sie sprechen/ so einer des sacrament begirig ist/ magk
er ein Messe sehen/ und der Messen frucht bekumen/ gleich
alß wan ich hungerig wer/ und ein ander essze fur mich/
ßo mogt^af ich satt werden. mir nit.³¹

In der summa eß ist alles umbgekert^ag/ wort/ weiß/
werck/ frucht/ und nutz der Messe. Sie haben den leihen
gebotten. das sie alle Sontag Messe sollen horen oder sehen
und der gleichen vil unordenlicheit eingesetzt.

Derhalben hab ich furgenumen/ nach verlihner got-
tlicher gnad/ soliche boße mißhandelung und gewonheiten
helffen abtzebrengen. Die Ewangelische/ fruchtbare/ und
heylige Messe wider umb an tag tragen. Sonderlich³² wie
die tzeichen oder beyde/ gestalten sollen gebraucht werden.

Inhalt disses buͤchlins. Gestalt des brots.Was brot und wein nutz seind. was die verheyschung^ah
bedeuten. dadurch^ai wil ich antzeigen/ was ferligkeit die
haben/ die nur ein Gestaldt/ des brots/ empffahen. Und
beweißen/ das sie das sacrament on urteyl³³ und erkentnes
gnissen/ suchen das ym brot/ das sie ym wein solten su-
chen/ und seind strefflicher dan die Corinthier.³⁴ Und sun-
digen greulicher dan die das Sacrament auffs ertrich
lassen fallen. Er ich das anfah/ wil ich von tzeichen in
A3^r gemein reden/ euch³⁵ und gantzer Christenheit tzu gut/ got tzu
glorien und eere. Amen. dem lebentigen got in vleiß bevolhen.
Amen.^aj Datum Wittenberg Martini.³⁶ xxi.^ak

Eingangk und Schutzred.^al

Gedenck ym nur keiner/ das ehr mich mit einem an-
dern schwert schlahen^am werd/ dan das die geschrifft got-
tis wort nent.³⁷ Die pfeile^an mustu aus der Biblien schiessen.
die mich wundten und gewinnen sollen/ Du darfstt dich
nit altes gebrauchs behelffen. wan du mich wilt antasten.
Ich bin ein Christ/ nit durch gewonheit/ sunder in got-
lichem wort getaufft. Du darfst dich nit wider mich
auffleynen/ und deinen bauch auffbloßen mit beschlus
der Concilien³⁸/ dan ich hab in³⁹ nicht geschworen⁴⁰/ nem
sie auch nit weiders an/ dan ßo fern sie gottlichen grund
haben. Und alß dan/ setze ich mich nit auff der Concili-
en wort/ sonder auff die stuͤm^ao Christi und wort gottis.

Ich bin Christi und ßal^ap taube und tzugeschloßne
oren haben⁴¹ tzu allen reden/ leren/ und buchstaben dießer
welt. Drumb das ich mit Christo tod bin⁴²/ unnd
der welt nar⁴³/ und creutz bin⁴⁴/ unnd wider umb das mir^aq
weltlich leer nit allein tod/ sonder auch ein creutz ist.

Ich danck got seiner gnaden/ das ehr mir aus gna-
den weltlich gesetz bitter und herb gemacht.

Weltlich gesetz/ heyß ich alle leer die nit yn der Bibli-
en steht/ und wil doch tzu gotts eere/ lob/ oder willen die-
nen/ die Esaias⁴⁵ und Christus⁴⁶ alß eynen Teuffel mei-
denn.

In tzeiten Moysi^ar alß die Pfaffen/ alle yrrungenn
Deut. xviiinach dem gesetz gotis urteylten^as/ musten die Juden erkentnis
der Briester annhemen/ bey verlust leybs und lebens.⁴⁷

Aber als die Pfaffen/ das rein/ weiß silber/ in schwar-
tze und rauche schlacken verwandelten. Esaias. i.⁴⁸
A3^v und^at alß/ von propheten Israhel/ befleckung gotis wort
außgangen ist.⁴⁹ Alß sie dorsten⁵⁰ sagen. Das hat got gesagt/ das
got nit gesagt hett/ und predigten ires hertzen gedancken^au/
Hiere. xxiii.gesicht und dreumen.⁵¹ hat unß got/ von henden und rath
der Pfaffen frey und letig gemacht⁵²/ und seine schefflein
Etzech. xiii. et 14auff die berg Israhel.⁵³Moisen/ Propheten/ Christum/
und aposteln^av geleitt und gespandt. Got spricht/ Der ist
Matth 〈iii.〉mein gelibter son/ den horet.⁵⁴ Christus spricht mein sche-
fflein Joan.xhoren mein stuͤm.⁵⁵ Er spricht nit/ sie horen Conci-
lien. oder horen ubung unnd alten gebrauch. Christus
spricht. Ich bin der weg/ warheit/ und das leben.⁵⁶ Ehr
sagt nit. Ich bin die ubung/ gebrauch oder Concilium.

Wollen wir einen weeg haben tzur seligkeit oder uns an war-
heit halten/ ßo mussen wir uns an Christum heften. Du darfst
mir weder weeg/ noch warheit/ noch leben anders wu
tzeigen^aw/ dan in Christo. in seinen propheten. und aposteln〈.〉
Ich laß mich tzu nichts anders fhuͤren^ax/ gottliche schrifft
forcht ich. gottlicher schrifft weich ich/ und eer sie. wiel
auch meniglichen^ay/ in fleiß gebeten haben/ ehr woll diesse
Ewangelische sach nach dem h'eiligen' Ewangelio urteilen/ und
sie durch h'eilige' geschrifft verdamnen oder verteytigen.

1 Demnach sage ich/ das Ewangelische Messe in tzwe-
ien stucken steht/ Sie hat nicht anders/ dan verheschung/
und tzeichen.⁵⁷ die wir wol und ordenlich gebrauchen sol-
len. Von den tzeichen/ wil ich erstlich schreiben. Wie wol
gottis wort mehr ist/ den angeheffte tzeichen. und solt
wol billich/ das wort gotis zu vor/ dar nach das leiplich
ding handeln. Aber ich muß ettlichen Pfaffen wilfaren
die das kleinste fur das groste setzen (wie die gleißner stetz
getan haben) und in⁵⁸ yren glantz tzuvor finster machen.
Es ist auch nit wider^az gottlich ordenung/ dan tzeiten ste-
hend tzeichen vor/ und gottis tzusag dar nach. tzeiten got-
liche verheschung^ba vor/ und tzeichen nach. Des ersten/ ha-
stu ein exempel leviti. iiii.⁵⁹ do musten die sunder ir opffer vor
geben/ das tzeichen waren⁶⁰ etc. unnd darnach volgten die
promission⁶¹/ des^bb andern⁶² haben wir ein exempel^bc. gene. ix.
A4^r von dem regenbogenn.⁶³

2 Ich wil auch offenttlich bedingt haben/ wu ich re-
den wurd/ wie der gemein hauff/ ein tzeit langk/ biß an-
her/ gerett hat/ das man mir nit nach volgen sal/ sonder
sich jeder fleissen soll/ schlecht⁶⁴ tzereden/ wie die schriefft
redet. Der ungelert hauff spricht. gestaldt⁶⁵ des brots. und
gestaldt des weins. in der meinung/ das kein naturlich
brot/ under gestaldt des brots ist/ wan eß der Briester ge-
benedeihet hat.⁶⁶Das ist unrecht/ unnd wider das heilig
Ewangelium/ dan gleich das brot/ das der becker gema-
cht und gebacken hat/ bleibet auch nach der gebenedeiung
brot. Dan wan gesegenet^bd brot/ nit das brott blieb^be/ das
der Briester vor der consecration⁶⁷ in sein hende nimbt/ ßo
mogt^bf Christus in keinem weeg warhafftig gesagt haben
nembt hin/ das ist in mein leip. Dan Christus nam na-
turlich und gemein brot in seine hende/ danckt got/ brach
eß/ und gabß yhn/ sagende〈/〉 Nembt/ und essend/ das ist
Matth xxvi.mein leip.⁶⁸ ¶ Sich⁶⁹ Christus spricht nit/ gestaldt des brots
Lu. xxiiist mein leip. Sonder alßo/ das brot/ das ich in meine hen-
de genumen und gebenedeiht/ gebrochen/ und euch geben
hab/ das ist mein leip. On allen tzweiffell seind disse ding
tzweierley. Gestaldt des brots/ und brot. und^bg sein ßo fern von
eynander/ das eins das ander nit ist/ nemlich das wir warh-
afftiglich mogen sagen. Gestaldt des brots ist nit das brot.
Es ist etwas/ das dem brot anhangt/ alß roth farb oder
weiß. Item die groß/ und schmack des brots die dem brot an-
hafft/ Brot ist das weßen/ boden und grund/ dem solche
gestaldt anhangt/ Gleich wie gestaldt eins menschen der
mensch nit ist. sonder hanget dem menschen an. Alßo ist
auch gestaldt des brots/ nit brot sonder klebt am brot.

Offt verwandelt sich gestaldt des menschen/ und der mensch
bleibt doch wesenlich/ das man spricht/ wie ist der so un-
gestaldt?^bh alß wan einer rod/ brun und weiß ist/ und wirt
durch kranckheit gelb/ und mager/ spricht man recht/ der
hat sein gestaldt verwandelt oder vorloren/ wie wol ehr^bi
der vorig mensch ist. Alßo reden wir von brot/ wan wir
A4^v schon/ weiß/ und suͤß brot in einen keler^bj legten/ dar in
eß sein farb und schmack verloren hett/ sagten wir/ war-
lich/ gestalt des brots ist geendert/ und sprechen. das brot
ist da/ aber gestalt des brots ist nicht verhanden/ daraus
magk jder ab nhemen/ den grossen underscheit tzwusch-
en der gestalt des brots/ und wesen deß brots. Wan wir
sagen/ der .n.^bk hat brot/ szo nhennen^bl70 wir daß weszenlich
brot. Wu du sagest/ das suͤß und weiß/ groß/ klein/ ader
rond brot. so nennestu brot und sein gestalt samptlich^bm.

Nun ists unglaubar⁷¹/ daß die ewangelisten sagen. Jesus
nam brot/ gesegnets oder dancket gott/ brach eß/ unnd
Matth xxvi.teylet eß den Jungern sagende. Nembt und essend/ das
ist mein leip. Matthe. xxvi.⁷² Sih^bn die schrifft saget von dem
boden/ grund/ und weßen des brots/ da von Christus
spricht. Das ist mein leip. und redet nit von der gestalt.

Der text sagt nit alßo. Gestalt des brots ist mein leip.
sonder klar/ brot ist mein leib. Es ist auch nie gehort/
das jmand durch gestalt des brots gespeist und satt wird.
Weil dan Christus das brot in seine hende genhumen^bo etc.
und den Jungern geben. das sie essen solten/ sie speisen
mogt^bp. Wie dorffen dan die Papisten sagen/ gestaldt des
brots ist der leip Christi? Wie seind sie ßo frevelich/ das
sie anders reden/ dan das Ewangelium redt? Das evan-
gelium deutet auffs brot/ und spricht. Das ist der leip
Christi. So deuten die Papisten auff die Gestaldt des
brots/ sagende. Under^bq gestaldt des brots ist der leip
Christi. In dießem val darff ich alle die jene freveler
Papisten ketzer.und ketzer schelten/ ßo reden dorffen diße wort. Das brot
ist nit der leip Christi. Dan Christus spricht. Das brot
sein leip ist. Ich kan alle menschen alß richter und urtey-
ler leiden/ die ein lot⁷³ hyrns und verstands haben. Die gleu-
ben/ das Ewangelische wort warhafftig/ gut/ und ge-
recht seind/ unnd gots wort nymands bedrigen^br kan.

Und bitt die leyhen/ das sie dem Ewangelio stracks^bs
gleuben/ und den Bapst alß einen ketzer halten/ dero^bt wi-
der klaren text des Ewangelii schwatzet/ und spricht
B1^r brot ist nit der leip Christi. Sehet ir leyhen auff den text
und last euch den selben ßo vil/ ja mher/ gelten/ alß den
Bapst/ und lassent menschen red faren/ und nembt tzu
euch Christliche und gottliche red/ in dem stuͤck/ dorinn
yr Christen sein welt^bu. Dan gott wil/ das wir sein wort
erhoren und reden. Joan.^bv x.⁷⁴ und ii. Eßdre. ultimo.⁷⁵ Und
abglaubige tzungen flyhen/ als Osee ij^bw.⁷⁶ geschriben stat^bx.

Der text spricht. Jesus nam das brot⁷⁷/ alhie frag ich
die Papisten/ ab Christus brot oder gestalt des brots ge-
numen hab? ob er recht brot genumen hab? Sie haben
bereit ja gesagt/ und bekant. Das Christus warhafftig
brot hab genumen/ welches der becker gebacken hat.

Wie konden sie dan tzweyffeln/ das das brot der leip
Christi ist^by? Die weil Christus spricht. das ist mein leip⁷⁸?^bz
gleich das brot. das ich in meine hende genumen/ gebene-
deyt/ und euch geben^ca hab/ ist mein leip/ also redet Chri-
stus die warheit. Welcher Teuffel hat den Papisten
macht geben/ tzu sagen/ das das naturlich brot/ durch
gebenedeyhung^cb abgehn oder verschwind^cc alßo das nicht
mehr brot bleibt/ und das allein gestalt des brots uberig
ist?⁷⁹ Sie tzeigen mir das im Evangelio. ßo wil ich in
anhangen. Ist dancksagung und gebenedeyhung^cd ßo giff-
tig/ das sie brot tzu nicht macht?^ce ob sie gleich sagen.
Non annichilatur^cf quia habet terminum succedentem.⁸⁰
Dannoch sprechen sie/ das weßen/ des brots/ nit bleib. son-
dern allein gestalt des brots und wein bleiben. Was ha-
ben sie aber mit irer subtilikeit^cg anders verschafft/ dan das
sie uns vom Ewangelio/ in ire tolhe meinung gefurt ha-
ben? und aus einem unbegreufflichen^ch artickel/ vier artickel
schwerer und unbegreufflicher^ci gemacht haben. Der erste
ist das wir sollen glauben/ das brot nit under gestaldt
des brots ist. Der ander/ das wir nit erlangen konden/
wie ein grosser leip Christi under soliger^cj kleiner gestaldt
des brots ist. Der dritt. das uns Christus^ck mit gestalten
nit mit substantz/ des brots wolt speißen. Der viert/ das
wir dahin gefallen sind tzu glauben/ alß solt der Bapst
B1^v macht haben/ neu wort/ und neue Ewangelien tzu ma
chen. Nun seyn doch diße wort klar. Christus nam brot
dancket got.⁸¹ Der Ewangelist spricht nit/ Er nam die ge-
stalt des brots/ er spricht auch nit/ er macht das brot. ^clun-
der gestalt das^cl brots⁸² nit bleibt. o nein/ sonder also. Er dan-
cksaget got. Sih in dise wort. Er nam brot und wolsaget
oder dancket got/ brach es/ und gab eß seinen Jungern/
sagende. Nembt und essend das ist mein leib.⁸³ Alhie sol-
stu/ das erste und letzte wort yn fleyß behalten. Nemlich
das wort Accepit panem. Matth. xxvi.⁸⁴ das ist/ Christus
nam brot etc.^cm und das letzte wort/ commedite/ hoc est cor-
pus meum.⁸⁵ Das ist. Essend das brot ist mein leib. Dan
aus solchen worten wirdestu in rechtem verstand/ und recht
red Christlicher meinung kumen. Wan du dan disse wort
wol ansihest oder horest/ wirdestu merken/ das diße wort
auff ein naturlich brot deuten/ das der becker gebacken
hat. Du wirdest ouch beschlissen/ das alle menschen alßo
solten reden. Brot ist der leib Christi. Meines teils/ wolt
ich alle tzeit gernn^cn reden wie die schrifft/ und das heylig
Ewangelium^co redet. Sonderlich von dißem sacrament.

Aber die gifftige tzungen der Papisten/ haben mir von
jugent auff frombd unewangelische reed eingeschutt.
Und also in irer sprach und funden lassen auff wachsen/
und mich dahin bracht/ das mir ire^cp wort und dreum on
fursatz und gedancken aus meinen maul empfallen muͤs-
sen/ und tzeiten sagen/ gestaldt des brots/ do ich schlecht⁸⁶
brot nennen solt. Czeiten⁸⁷ trag ich meiner bruͤder in Chri-
sto kranckheit/ die ouch verfurt seind/ und reede wie sie/
do mit ich sie/ von boser reed/ in Ewangelische sprach
mag brengen/ dem nach hab ich disses buchlein. Von bee-
den gestalten der heilige Meß genenent^cq/ nicht das sie auch
also reden sollen/ sonder das ire tzungen solicher erdichten
worten ledig und muͤssig werden.

iii^cr. Christus spricht/ alß Joannis vi.⁸⁸ geschriben stett
das got ein worhafftig brot/ vom hiemel geben hab/ und
sagt/ das selbe brot/ welchs vom hiemel gestigen ist/ ein
B2^r warhafftig brot ist/ das der welt das leben gibt/ und er
klert/ das er selber das selbige brot sey/ sagende. Ich bin
brot des lebens.⁸⁹ Das hat Christus in volgenden worten
auß gelegt auff diße meinung. Ich bin brot des lebens.⁹⁰

Ich bin das lebendig brot und vom hiemel herab kumen.
Welcher von dißem brot isset/ der wird in ewigkeit leben.⁹¹

Darus^cs volget/ das Christus lebendig broth ist/ das in
sich lebet/ und gibt den essern das ewig leben. Item Chri-
stus meldet ferner/ das das brot/ welches er geben wird/
sein fleysch sein^ct.^92cuItem das sein fleysch^cu warlich ein spey-
ße sey/ und sein blut warlich ein dranck.⁹³ Das hatt Chri-
stus nit von dem brot gesagt/ das der becker gewirckt und
er tzu einem tzeichen geben hat/ sonder^cv von dem/ das der
heilig geist im jumckpfraulichem^cw leib empfangen und ge-
born hat.⁹⁴ Dan Christus saget/ das er lebendig brot ist/ und
das brot/ sein fleisch ist/ und sein fleisch warhafftige spei-
ße ist/ und das er selber ein warhafftig brot ist/ das ist je
nit von des beckers brot gesagt/ das wir ein hostien nen-
nen/ das^cx weiß und rund ist/ oder sunst andere form/ und ge-
stalt hat. Wie aber/ das fleisch Christi ein warhafftige
speiß^cy sey leret Christus sprechende. Welcher mein fleisch
ysset/ und mein bluet trincket/ der hat das ewig leben.⁹⁵

Item welcher mich ysset/ der lebet von meinet wegen.⁹⁶
Die ist warhafftige speiß/ die einen ernert/und bey leben
behelt. Natuͤrlich brot gibt tzeitlich und vergencklich leben.

Hiemelisch und lebendig brot/ gibt ewig und unver-
genklich wolleben^cz.⁹⁷ Das gibt Christus. Drumb ist er war-
lich ein speiß. etc.

iiii^da. Das brot/ welches der Meßhalter tzu henden ny-
mbt/ ist nit lebendig/ eß ist auch nit brot des lebens/ das
ewig leben geben kan. Eß ist auch nit vom hiemel gesti-
gen/ wie Christus/ sonder^db aus dem offen des beckers kumen.

Es ist auch nicht fleisch/ sonder^dc brot. Jdoch wan das
broth der leib Christi geworden ist/ ßo magk ich sagen/
das broth yst lebendyg/ fleyschlich hymelisch/ und gibt
der welt das leben.

B2^v Nicht das ich dem brot/ solche natur und eigenschafft
geb/ in seinem weßen. Das sey mir frombd/ ßonder^dd dar-
umb das ein neu wesen geworden ist. und wie ich^de sagen
darff. Brot ist der leip Christi/ alßo mag ich sprechen.

Brot ist fleysch Christi/ das leben Christi/ und ist Chri-
stus selber. Eß behelt aber sein alte aigeschafft^df in sich/
und ^dgverleuset sie^dg nicht/ das ist. das gebenedeyheit^dh/ brott
behelt sein substantz/ eß bleibt weßenlich brot. ist rotund
oder langk/ suͤß/ aber^di sauer/ oder schwartz/ aber⁹⁸ hat ande-
re farb/ vergeet und verdirbt wie ein ander brot.

v^dj. Nim^dk das exempel von der menscheit Christi. die
menscheit Christi. war sterblich. mogt^dl froßt/ hitz/ hunger
und durst fulen und leyden. Die gotheit Christi kond der
keins leyden/ sie war/ und ist/ ewiglich/ unsterblich. Kan
weder hunger/ nach^dm durst/ weder frost nach hitz befynden.

Jdoch ist der selbe mensch got geworden. und hat doch
sein aigen natur behalten. diesser artickel ist gleich szo sch-
weer und dapffer⁹⁹. Der mensch ist got¹⁰⁰/ wie der ander. Brot
ist der leib Christi. aber^101dndißer. Wein ist das blut Christi^dn〈.〉

Gener^do ist den leyhen leicht/ das sie von iugend auff do
mit ertzogen und gewiget sein. Aber dißer artickel〈.〉 Brot
ist der leib Christi geworden/ ist ynen neu und from^dp/ und
wie wol er klar ym Ewangelio stet. dannest¹⁰² hat nymant
dorffen reden/ wie das Ewangelium redet. Drumb das
die ketzer tzu Rom wort und^dq syn Christi verpotten und an-
ders gelert haben. Du gleubest das der mensche/ mensch
bleibt/ dero^dr got geworden ist. derhalben das dich die sch-
rifft leret. Warumb gleubest du auch nit/ dem klaren
Ewangelio. das unverdeckt spricht. Das brot ist mein
leip/ und der wein ist mein bluth? Ja sagestu der Babst
hat mir diße red verbottenn. O lieber bruder/ du solste
den Babst nit horen. Ehr leuget^ds. wie Hieremias saget¹⁰³/
und ist disses falhs halben ein offenbarer ketzer. Laß dir
schrifft tzeigen/ wan er dir was^dt saget/ weiter glaub ym
nicht. Ja sagestu die von Pariß sagen das dißer arti-
ckel. Das brot ist der leip Christi/ ketzerisch sey.¹⁰⁴

B3^r Antwurt. Wan einer der halben ein ketzer sein solt/
das yhn die heidenische Parißer eynen ketzer schelten. ßo
musten Mattheus/ Marcus und Lucas ketzer sein/ die mit
lichten¹⁰⁵ worten sagen. Brot ist der leip Christi/ und wein
ist das blut Christi. und must Christus auch ein ketzer sein
dero^du das brot außteylt/ und spricht. Das ist mein leip.

Die Parißer urteyln dich nit nach der heyligen schriefft〈.〉
Darumb forcht dich nit/ sie urteylen die leer Christi nach
irem Aristotele¹⁰⁶und andern heyden/ und nach yren par-
vis logicalibus.¹⁰⁷ Sie verachten heilige schrifft. Drumb
veracht sie got wiederumb/ sagende. Weyßheit der welt
ist bei got eytel torheit.¹⁰⁸ Las^dv dich nit kumern das sie the-
ologen^dw sein wollen/ sie tragen den glantz unnd schein/ der
warheit seind sie fremd. Du sprichst ir ist vil und euer
wenig. Ob wir¹⁰⁹ wenig seind/ und unßerer feinde hauffen
groß ist. Kumer dich nit. Got kriget und schafft seinen wil-
len mit wenig. Judi. vii.¹¹⁰ ii para. xiiii.¹¹¹ Der groß hauff
kan yrren.^dxExodi^dx xxiii.¹¹² Eß konden die obersten des
volcks irren. Levi. iiii.¹¹³ Nu. xii.¹¹⁴ Eß kan das volck irren Le. 4.¹¹⁵
Nu. xv.¹¹⁶ Wir konden auch irren. wan wir nit ym weeg
und warheit bleiben/ das ist/ in gottlicher schrifft.

Welcher in der schrift steht/ der magk nit irren und felen.
Welcher wanckelt und strauchelt tzu den seiten der irret.

vi^dy. Sih wie eß der natur muͤglich ist/ das sie ein ding
macht/ aus der roßen und irer farb/ und seind doch tzwu
naturen. Dan farb der roßen/ ist ein sonderlich¹¹⁷ ding/ und
das weßen der roßen auch ein eigen ding. Also ists got
nicht minder muͤglich/ das er mit einem wortlein/ tzwu
substantz/ ein ding macht¹¹⁸/ und lesset^dz jedem seine eygen
weßen bleiben. Nemlich das brot macht got/ durchs
wort/ den leip Christi/ und den wein das blut Christi.
Alßo das aus dem brot und fleisch Christi ein ding wirt.

Die von Pariß mussen dannoch bekennen/ das die farb
und substantz tzwu naturen seind/ unnd sagen/ die roßen
ist rot und alßo ein ding geworden. Demnach sag ich
auch〈/〉^ea Brot und fleysch seind tzwu naturen. Jdoch ist ge-
B3^vsegnet brot/ der leib Christi. Dan^eb natuͤrlich brot/ ist hi-
melisch brot/ Das unlebendig brot ist lebendig brot/ und
des beckers brot ist/ gotis brot. Darumb thut man auch
dem sacrament eere/ das die tzeichen/ mit Christi leib und
blut ein ding geworden sein/ alß ich im buchlein von an-
bettung der tzeichen des nauen testaments geschriben hab.¹¹⁹

vii^ec. Von dißer matterien het ich eigendlich tzevil ge-
schwatzt/ wan die Christen Christliche wort brauchten/
und redten wie das Ewangelium. Die weil aber des Teu-
ffels vorlauffer¹²⁰ nicht allein verkerte leer/ sonder auch ver-
kerte wort mit treuhen^ed121 uns ein gepleut hat/ hab ich ettli-
chen krancken wollen wilfaren/ und mein nit verschont〈/〉
das ich horen muß. Ich hab tzevil wort vergossen.¹²²

Volgende soll ich schreiben/ was die tzwu creaturen.
Brot und Wein in der Messe thuend. Was tzeichen in
gemein und in sonderheit bedeuten. Wie man wein und
brot gebrauchen und nyessen sal/ ouch ab von noten sey/
das ein Christ/ soliche tzeichen essen oder drincken muß/ ßo
ehr wolt selig werden.

viii^ee. Von naturlichen tzeichen magk ich nit vil reden/ als
das der rauch ein tzeichen ist des feuers/ wie mann sagt/
Wu der rauch auffgeet^ef/ das feuer gern nachvolget¹²³/ wil
mich auch enthalten von kunstlichen tzeichen tzu schreiben.
welche die vernunfft erfunden und auffgericht hat/ als
das ein gruner busch bir/ ein krantz wein bedeut/ und der
gleichen das oder genes^eg bedeuten/ sonder allein von tzei-
chen der schriffte sagen/ ßo gottlichen tzusagung oder ver-
heischung angehefft seind.

ix^eh. Eß ist nit boß/ das die vetter tzeiten^ei tzeichen gebeten
haben/ das die historien von Abraham. Gene.xv.¹²⁴Ge-
deon〈/〉Manue¹²⁵. Judi'cum'. vi. et xiii.¹²⁶ und der gleichen beweißen.

So auch jmand wehr/ der sich nit wolt lassen leren/ aus
geschichten oder gescheen dingen/ der leeß Esayam und
merck das got tzu Achaz spricht.¹²⁷ Bitt dir von deinem
hern und got ein tzeichen/ in der tiff oder in der hoh/ und
do Achaz antwurt. Ich werde nit bitten/ und gott nit
B4^r versuchen. saget die schrifft. Ists tzewenig gewest/ das
ir die leuth beletigt^ej. wan ir got nit ouch beletigen^ek mogt?
Esai. vii.¹²⁸Achaz was nit demutig oder gotforchtig do
er kein tzeichen von got wolt bitten/ sonder er war hart-
nackig/ stoltz und ungehorsam/ teth got keinen gefallen/
und ertzornet yen^el. Drumb spricht die schrifft. Wer eß
nit genug gewest/ das yhr^em den Propheten nit geglaubet?
wolt ir uber das got auch nit glauben?^en yme arbeit und
muͤh machen?^eo das yhr auff sein geheyß keine tzeichen fo-
dern wolt?¹²⁹Achaz war hoffartig und sprach. Ich werd
kein tzeichen bitten.¹³⁰ Er fuest auch nit¹³¹. sonder er ging furt.
und wolt solichs bitten der tzeichen/ fur gottis versuch-
ung regnen^ep. Nun weil die schrifft klerlich saget/ das Ach-
az durch solich abschlagk¹³²/ got tzu werdriß^eq bewegt hat/
ist nit tzu glauben oder achten das anmuttung¹³³ und bit-
tung der tzeichen verboten und tzu meiden sey.

Eß hat auch gott seinen glaubigen^er bevolhen/ das sie
warhafftige und unwarhafftige Propheten bey tzeichen
sollen erkennen. Deutro. xviii.¹³⁴ Ich kan auch nitt mer-
cken das Zacharie seyn stuͤm^es und sprach der halben genu-
men sey. Das er eyn tzeichen der engelische botschafft und
gottlicher tzusag begert hatt. Luce .i.¹³⁵ dan der text saget/
Drumb dastu nit geglaubt hast wirdestu stilschweigend
werden/ biß ann den tag do gottliche verheyschung vol-
bracht wird. Daraus volget das tzeichen seint/ der Bi-
blien.¹³⁶ Item das sie billich gebetten und begert sein/ und
ist offenbarlich/ das gott seine wort und Propheten mit
nachvolgende^et und vorgeende tzeichen erklert und gewa-
pent hat. Ich mogt dießes artickels woll geschwi-
gen haben/ ßo suchen unßere neyder alle locher unnd gru-
ben dar aus sie klappern¹³⁷ mogen. Derhalben hab ich ynen^eu
das loch auch^ev verstofft^ew/ und wirt volgende licht¹³⁸ wer-
den/ das tzeichen der schrifft nicht tzu verachten seind/
die auch gott offtmals unangelangt¹³⁹ geben hatt.

B4^v x^ex. Was aber tzeichen in gemein bedeuten ist gut tzu
lernen aus dißer schrifft/ ßo wir Gene. ix. lesen/ do ge-
schriben steht. Got spricht. Ich werde ein verbuͤnd-
nis oder geding¹⁴⁰ mit dir setzen. Das hinfuro^ey nit alle men-
schen sollen mit der sindflus verderben.¹⁴¹ Das ist ein euan-
gelische satzung/ das ist/ die gute und trostliche botschafft
welche got verkundiget hat. ¶ Dißer vorheischung hat
got ouch ein tzeichen geben. Im text volget alßo. Und
got saget. Das ist das tzeichen/ disser satzung und tzusag
das ich geb tzwuschen dir und mir. Meinen bogen wil
ich in die gewolken stellen/ und soll ein tzeichen sein tzwu-
schen mir unnd dem erdtrich. So offt ich den lufft mit
gewolcken ubertzihe. wirt mein bogen erscheinen yn ge-
wolcken. und ich werd meiner tzusag gedencken/ und wer-
den nicht mer waßer sein der sindflus/ tzu erwurgen alles
fleisch das lebet. Sih mein regen bog wird in gewol-
cken scheinen und ich werd yhn anßehen/ unnd werd der
ewige verheischung gedencken.¹⁴²

Sih alda haben wir erstlich/ das Ewangelium ist das die
frolige tzusag. Nemlich dießer meinung. Ich verheisch
euch/ das ich die gantz erden nit^ez wil mit wassern vertyl-
gen/ hinfuro^fa wil ich nymer mehr/ alles lebendig mit was-
ser erwurgen. Das ist die satzung und tzusag/ nach der
selben gab got/ aus gnaden/ ein tzeichen. das tzwuschen
got und den menschen solt mitteln. alßo/ das der regen bog
das selbe tzeichen sein solt. welches er in die gewulcken se-
tzen wolt. und solt ein tzeichen gottlicher tzusag oder ver-
buntnis sein. Nicht der meynung das seine tzusag ßo
schwach und gering ist. wie menschlich briffelin/ den man
vil tzeichen¹⁴³ tzu merer sicherheit unnd umb großer urkund
andruckt¹⁴⁴. nein nicht alßo/ dan gottis tzusag ist ja ja¹⁴⁵ und
wirt volfurt ap sie gleich nimer^fb tzeichen hett. Aber weil
wir gebrechlich sind/ und steht alle geferlickeit in unßerer
argwenickeit und unglaublickeit/ drumb hat got/ seine
satzung unnd tzusag frey außgesagt/ und tzeichen geben/
die uns druͤcken und versichern solten.

C1^r Der wegen spricht got/ ßo offt ich gewulcken in der lufft
mach/ ßo offt ich euch mit etwas erschreck/ ßo offt euch
eure sunde auffrauchen^fc und ubersichsteigen^fd. Oder ßo offt
ir mit leiden uberdrengt werd/ daraus ir in tzweiffel fal-
len mogt/ ßo wird mein tzeichen/ in der selben uberdreng-
hung erscheinen/ und werd ich meiner tzusag gedencken.

Ich hoff/ durch gewulcken (in berurtem c'apitel' Gen. ix.) bil-
lich ungluck/ betruͤbnis/ sund/ und allerlei bedregnus^fe mo-
gen verstanden verden^ff. Dan ich hoff jedermeniglich muß
bekennen/ das got erstlich gelobt hab/ er wol die welt nit
mer mit sindfluß vertielgen/ und das gewulcken/ tzukunfftig
wasser bedeuten. Und ubertzogen lufft oder voller
gewulcken/ ein tzeichen sey tzukunfftiger sindflus/ dar aus
sonder¹⁴⁶ tzweiffel angst und sorg auffstehet. Das gott sei-
ner verheischung vergessen hab. Das merck alßo wan
ich dir frid tzusagt/ und magt^fg ein groß gereusch unnd ge-
rumpel mit messern und buͤchssen/ ßo mogstu balt achten
das ich meiner red vergessen hett/ und wolte dich gefern^fh147.

So istß^fi auch mit uns armen menschen/ dan ob wir gleich
halten/ das gott gerecht/ warhafftig/ und mechtig¹⁴⁸ ist/ sei-
ne reed und vertrostung tzu volbrengen. Dannest wan
er ein wetter lesset auffgeen/ das uns ein forcht und scheu
^fj ein tregt^fj/ gedencken wir/ ja got magk seine wort wol hal-
ten. aber er wil uns ader mir nit halten. Drumb das ich
seines trost unwirdig bin. Sih gedenck auff erden wie
du wilt/ spricht got/ laß mich plitzen/ donnern/ stein reg-
nen/ und berg umb sturtzen.¹⁴⁹ Dannest wil ich dich nicht
verlassen wan du meiner tzusag menlich¹⁵⁰ glaubest.

Drumb hab ich mein tzeichen geben/ das dir gleich
einscheinen soll in den gewulcken/ das ist/ in forcht und
angst/ in widerwertigen dingen. Alßo teilt sich das meer
und gab den Juden weeg und statt/ den einfallenden fein-
den tzu endgeen.¹⁵¹ Alßo spricht gott. Wan ich den lufft
mit gewulcken ubertzogen¹⁵²/ und den hymel schwartz ge-
macht/ und versamel alle Planeten die sindflus geben.¹⁵³
Und stelle mich gleich als wolt ich ubermals^fk das gantz
C1^v erdtrich mit wasser uberfallen und verwusten/ ßolt ir nit
im glauben wanckeln/ dan mein tzeichen/ soll in den sel-
ben troulichen und erschrecklichen dingen erscheinen.

Da bey solt ir mercken/ das ich meiner tzusag nit verge-
ssen hab. das ist. Ich wil das mit der tatt^fl war machen/
das ich mit worten geredt hab.

Also ist der regenbog ein tzeichen der tzusag und verbunt-
nis/ nicht das die tzusag nit an yr selber voll unnd starck
sey/ ßonder/ das bedeut der bog/ das got seiner wort und
verheschung nit hat vergessen.

xi^fm. Daraus volget was tzeichen wircken und bedeuten.
Erstlich das sie kein heiligkeit in den wircken^fn/ die sie
ouch geburlich brauchen. Nemlich der regenbog/ im wul-
cken geseen/ macht keinen menschen heilig/ gibt weder frum-
bkeit noch gerechtikeit. Fur das ander/ das tzeichen
drumb tzeichen der verheischung heissen/ das sie uns er-
ynnern gottlicher eere und redlikeit. Das ist/ das got sei-
ner wort und verbuntnis nit hat vergessen. Fur das
drit wissent/ wie ein greuliche grosse sund das ist/ wan ei-
ner an gottlicher tzusag tzweiffelt/ ßo ehr das tzeichen syht
oder sunst gebraucht. Dan durch unglauben/ sprichstu
im hertzen/ got ist unredlich/ er helt seine wort nit. Was
kanstu got grosser schmach/ schympff/ spott/ und schand
beweissen? dan wan du gedenckst/ das got/ ein unwarhaff-
tiger got ist? Got siht das hertz¹⁵⁴ gleich und besser/ dan
wir der menschen reed horen. Nun rechne doch/ wan
du ein teuren¹⁵⁵ man fur ein lugner und unredlichen oder
glaubbruͤchtigen^fo156 man achtest/ und nenst ynen.^fp lugner. was
du ym bitterßer und verdrißlicher beweißen mogst?^fq Son-
derlich wan der man weder gelt noch gut acht/ und nicht
anders von dir begert/ dan dastu ym glauben wellest?
Got darff¹⁵⁷ unßer werck nit/ und ist im ahn keinem dinst
gelegen/ dan allein/ dastu seinem wort glaubest. Dar-
umb helt eß got dafur/ wan im einer nit glaubt/ als hett
er im sein gottliche eere verkurtzt und ab geschniden.

Das ist/ das got spricht tzu Moißen. Wie lang bricht
C2^r mir das wolck^fr ab? Wie lang schneyden sie mein eere ab?
(und volgt vom glauben) Wie lang glaubt mir das
volck nicht?¹⁵⁸ Sih do den unglauben/ der gottis wort
nit glaubt. Hoer was von den tzeichen volgt. Wie
lang glauben sie mir nit. yn allen tzeichen die ich vor ynenn
gethan hab?^fs Drumb wil ich sie mit Pestelentz schla-
hen/ und sie alle erwurgen. So uber tzwentzigk jar seind.
Nume. xiiii.¹⁵⁹ Was wiltu meer haben tzu mercken/ das
du gott seyn lob und eers berebst^ft/ ßo du noch unglaubig
bleibst in seinem wort unnd in seinen tzeichen.

Hieher mogt ich fuͤgen/ das .i. Joann. ultim.^fu steht.
Welcher yhm nicht glaubt/ der macht ynen tzu eynem
luͤgner.¹⁶⁰ Laß dir das gesagt sein wie vil am glauben ge-
legen ist/ und das gott drumb tzeichen thutt. das wir sei-
nen worten glauben sollen. Und das wir gott seyn eere
und redlickeit verleumen/ ßo wir yhm nicht glauben/
Dar ab mercke wie tzeichen/ tzeychen seind der verheisch-
nung und tzusag. Schreibe das ann deine thur pforten¹⁶¹
und betracht eß eben/ ßo du das hochwirdig Sacrament
nhemen wiltt.

Zum vierthen volget/ das die tzeychen aller meinsten^fv
tzu brauchen sein/ wan dich forcht und^fw angst oder
sorg bedrengt/ dastu forchst/ gott wol seyner tzusag verge-
ssen. Derhalben spricht gott. So ich gewulcken in
der lufft werd machen/ wird mein bog/ meinn tzeichen/
auch erscheinen/ auff dastu weist/ das ich meiner verbunt-
nis gedenck/ und dastu nicht gewissers^fx solst haben. Dan
das ich meine wort mit der tatt wil halten und volfuren.¹⁶²

Demnach woll menygklicher/ die tzwei tzeychen der
Messe/ das ist/ brot und wein anher fuͤgen und aus jtzt
gesagten reden/ erlernen/ das er brot unnd wein genissen
soll. So offt yhm sunde/ sein gewissen betruͤben
und der Teuffel sunste^fy vertzweyffelung/ ann gottlicher
tzusag einbildet. Oder ßo offt yhm ein tzweyfell einfeld
ob ehr tzu dem ewigen leben wider auffstehen werd/ ßol
er broth unnd weinn gebrauchen.
C2^v und durch empfahung solicher tzeichen/ gewißlich haben.
ja nicht gewissers haben/ dan das im got/ das ewig le-
ben/ und vergebung der sunden verheischen hab/ und ge-
ben werd. Zum funfften ist tzu mercken/ das uns tzei-
chen nit grecht^fz oder frum machen/ sonder allein gewiß-
liche sicherheit gebern^ga und eingeben. Das erste ist klar
durchs wort Christi/ dero^gb spricht. Das kein eusserlich
ding/ den menschen boeß oder unrein mach/ sonder das
auß dem hertzen des menschen geht/ das ist/ das den menschen befle-
ckt. Matth. xv.¹⁶³ Nu wie Christus von der befleckung des
menschen gesagt hat/ alßo spricht er heimlich¹⁶⁴/ mit den selben
worten. Das kein eusserliche^gc ding den menschen frum/ ge-
recht/ oder heilig machen kan. Das auch S'ankt' Pe'ter' i. c. iii.¹⁶⁵ be-
weist sagende. Kein eusserlich ding macht den menschen acht-
bar und kostlich in den ougen gotis/ sonder allein der rein geist.
der im hertzen woneht^gd/ der ist vor got/ ein teuer und wolge-
schatzt ding. Das ist das Johel spricht. Ir solt eure hertzen
tzu schneiden^ge oder tzerteilen/ nit eure kleider. Johel ii.¹⁶⁶ dar-
tzu laudet Osee am .vi. offenlich^gf und spricht. Barmher-
tzikeit beger ich nit opffer.¹⁶⁷ Und David. Du hast keinen
lust in opffern/ ein reuhig und bedrengt hertz behagt gott
Psal. l.¹⁶⁸ Kurtzlich Paulus leret. Das die beschneidung
des fleisch nicht ist. Das auch^ggAbraham nit gerecht wor-
den ist durch fleischliche beschneidung. sonder das Abraham
vor gerecht gewest ist/ ^gheher er^gh beschniden ward. Drumb
hat er eusserliche beschneidung allein genumen tzu einem
tzeichen und sigell der gerechtikeit die er gehabt hat/ als er
noch unbeschniden war/ und nicht der massen das er
durch beschneidung gerecht wurd. Roma.^gi iiii.¹⁶⁹ Dastu
kurtz in dißen grund tretest/ ßo merck. das das sichbarlich
fleisch Christi keinen heilig/ gerecht/ und frum macht.

Das Christus selber leret/ sprechend. Caro nichil^gj pro-
dest. Joan. vi.¹⁷⁰ Das fleisch ist nicht nutz/ sonder der geist〈.〉

Nun kan nymand leucken¹⁷¹/ das Christus uber alle cre-
aturen erhocht ist. Unnd ist doch nicht nutz ßo er allein
eusserlich gebraucht wird. Wie mogt dan ein creatur
C3^r oder tzeichen dich gerecht und heilig machen? Drumb
wisse und versteen^gk/ das tzeichen/ den alten Adam¹⁷² nider-
drucken. Engsten/ und dempffen seinen unglauben/ und
brechen den tzweiffel/ und machen sicherheit in der pro-
mission welcher du vorgeglaubt hast/ als gesagt in diser
erklerung/ und oben/ das sie gewiße sicherheit geberen¹⁷³. Dar-
aus auch nutz und gedeihen der tzeichen in gemein angetzei-
git ist/ welcher aus den tzeichen uns wider feert.

Zu dem sechsten. Also wil ich sehr wol glauben/ das
tzeichen/ Sigiln^gl/ mogen genent werden/ nit das sie wort/
ßo voller werheit^gm/ ja die warheit selber seind/ mogten kre-
fftiger und grossers glaubens machen. Sonder unßerm
unglauben tzu neid und haß/ gibt uns got seine tzeichen〈.〉

War ists/ das auch von wegen des unglaubens/ ßo
der hat/ dem etwas gerett^gn wirt/ die tzusag verbriefft und
versigilt wird/ aber erfarung lernet uns/ das wir briff und
sigel woll bedorffen/ auch der menschen halben/ die uns
was gereden¹⁷⁴. Das got fern ist. Die menschen halten
nit glauben wie got. ja tzeiten leucken¹⁷⁵ sie ire wort/ briff/
und sigel. Der halben hab ich disse leutterung¹⁷⁶ geben das
ich tzeichen^go mit ^gp under scheid^gp sigell nenn/ damit ich nye-
mand tzu irren ursach geb. Alßo hat Moises^gq sein testa-
ment mit blut besprengt und beschlossen. Exo xxiiii.¹⁷⁷

Alßo hat got tzeichen geben/ tzu seinen tzusagunghen/
und nent sie ouch tzeichen seiner verbuntnis und satzung.

Zu dem sibenden solt ich wol sagen wie brot und wein
tzeichen seind der beeden tzusagung Christi/ ßo verschutt
ich verfaste ordenung¹⁷⁸/ jdoch schadet eß nicht/ wann ich
ouch alhie schreib/ das gebenedeihet brot und wein/ nitt
tzeichen seind/ des leibs und bluts Christi/ seind auch nit
tzeichen/ des verschwundten brots unnd weins¹⁷⁹/ wie die
ketzer von Pariß sagen¹⁸⁰/ und andere heuchler des ketzeri-
schen Bapst tzu Rom sprechen. Sie seind tzeichen got-
licher tzusagunghen welchen sie tzugeben¹⁸¹ seind. Ursach/ got
spricht. Der regen bog ist ein tzeichen meiner tzusag.

Gene. ix.¹⁸² ¶ Gleich wie der regen bog ein tzeichen ist seiner
C3^v tzusag/ und das blut der xii. kelber/ domit Moises^gr sein
alt testament und das volck besprengt¹⁸³/ was ein tzeichen
der verbuntnis seiner wort. ¶ Alßo ist der kelch
ein tzeichen des nauen testaments in dem blut Christi¹⁸⁴/
und das brot ein tzeichen dießer wort. Mein leib wird
fur euch gegeben¹⁸⁵.

xii^gs. Nun soll ich ferner durch andere schrifften antzei-
gen/ was allen tzeichen gemein ist. Auß ob gehandelten
schrifften volget offenlich^gt/ das alle tzeichen in gemein
das in sich haltenn/ das sie tzeichenn seind gottlicher ver-
heischunghen und worten/ wie ich das^gu oben im .v. arti-
ckel erklert hab.

Fur das ander volget/ das alle tzeichen/ das gemein-
lich haben/ das sie uns sicher machen/ und tzu rhu brengen/
das gott seiner tzusag nit will vergessen/ unnd das er one
tzweeiffel halten wil/ das er geredt und verheischen hat.

Nim ein exempel von Abrahe. Gene. xv.¹⁸⁶ Got ver-
hiesch Abrahe das erdtrich der heiden. Darauff saget A-
braham. Her? in welchem ding magk ich wissen/ das
ich die erden besitzen werd? Antwurt got. Nym einn
dry jerig Kuh/ ein try jerig Czigen^gv/ ein try jerigen Wider/
ein Turkell^gw tauben/ und ein Haus tauben. etc.¹⁸⁷ Das vyh
gab got Abraham tzu einem tzeichen/ dar in er lernen solt/
das er^gx gewiß der Heiden land besitzen wurd. Daraus
abermals volget/ wie Abraham durch ein tzeichen lernet/
das gott seine verheischung wolt volbrengen/ yme das
verheischen land Chanaan/ alß ein pilgerem odder walh-
fart statt geben wolt. Gene. xvii.¹⁸⁸

xiii^gy. Wollen wir auch ein exempel aus dem gesetz nhe-
men? Got verhiesch den Jůden im alten gesetz/ das ehr
ynen yre sunde wolt vergeben/ ßo der prister fur sie bitten
wurd. Doch solten sie ein Thir opffern/ darauff ire hen-
de/ oder hand legen/ wan sie vergebung irer sunden begerten.
Levi. iiii.¹⁸⁹Daraus dißer mißbrauch ist entsprossen, das
unßere pfaffen ire hende auff der beichtkinder heupt legen
und solten doch die jene/ ßo beichten/ ire hende auff sich
C4^r oder ire^gz kelber legen¹⁹⁰/ die sie tzu der beicht furten. Das ich
jtzo laß faren.¹⁹¹ und sag das. Durch solche tzeichen wurden
die beichter gewiß/ das inen got ire sunde vergeben wold.

xiiii^ha. Aus dem Propheten Esaias (ym xxxviii. c.¹⁹² das
auch .iiii. Reg. xx.¹⁹³ geschriben stehet) leren¹⁹⁴ wir/ das gott
dem Konig Etzechias¹⁹⁵ dero^hb todlich kranck lag. diße tzu-
sag versprach. Ich werde tzu deinen tagen .xv. jar
werffen/ und dich von der macht des Konigs Assirien¹⁹⁶ ver-
huten/ und dein statt bewaren.¹⁹⁷ Das ist die gottliche reed
und verheischung. Nun^hc volget das tzeichen/ welches
gott selber/ geben hatt. Alßo. Das wird dein tzeichen
sein von dem hern/ das gott sein wort volbrengen wil/
welches er geredt hatt. Ich wil machen das der scha-
ten x. linien tzu ruck geen soll.¹⁹⁸ Das ist/ ßo vil schattens
in x. stunden gewachsen^hd ist/ ßo vil soll tzeruck geen.

¶ Ein linien bedeut eine stund .x. linien bedeuten x. stun-
den schattens. ¶ Ich hab bauren geseen/ die in iren
heußern den schatten merckten/ und tzeiten^he die stunden
noch dem schatten. Das tzeichen/ des hindertrettens
des schattens¹⁹⁹ gab gott Etzechiae/ dar aus Etzechias ge-
wißlich solt lernen und wissen/ das er noch .xv. iar leben
wurd〈.〉 Aus solichen tzeichen merckestu/ wie tzeichen den tzu-
sagunghen bey gegeben seind. und das sie keinen menschen frum
gerecht/ oder selig machen. Ich frag/ wie magk mich ein
schatt selig und frum schaffen? Eß kan je keiner mit warheit
sagen/ das die drei jerig/ kuh/ tzigen/ und wider^hf/ Abraham
frum gemacht haben. Das muß ich hie repitirn²⁰⁰ und vernauen
auff das keiner ^hg abt gotter^hg auß tzeichen mach/ wie die Juͤden
aus der schlangen machten/ die Moses fur ein tzeichen in der
wustung auffrichtet. iiii. Reg. xviii.²⁰¹ Und ist zu forchten/ das
unsere vermeinte Christen/ ire feuste und fuͤeß an dem tzeichen
verbrennen^hh/ und were villeicht schir nutzer/ sie hetten kein tzei-
chen/ wie hirunden^hi geschriben wirt. Mercke doch gutter
freund wie dich vih/ schatt/ und andere eusserliche ding se-
lig konden machen/ sonderlich die weil got der wegen seine
tzeichen nit auff gericht und ein gestalt hatt.

C4^v Seligkeit ist kein frucht der tzeichenn. Sie ist^hj ein fru-
cht des glaubens. Nach dem Christus spricht/ dein
glaub hat dich selig gemacht.²⁰² Welcher glaubt der wirt
nit verdampt〈.〉²⁰³

Hinderganck des schattens/ macht den Konig Etze-
chiam sicher und gewiß/ das er xv. jare lenger leben solt/
und dempffet alßo den unglauben und tzweiffell/ wie
och^hk von dem regenbogen gesagt ist.

xv^hl. Ich solt auch das tzeichen Gedeonis/ fur ein ex-
empel/ her legen/ das ein schepper^hm wollen was²⁰⁴/ und sagen
Wie^hngedeon^ho ein tzeichen von got fodert^hp/ dadurch er gewiß-
lich versteen kont/ das got durch seine hende/ die Juͤden/
von iren feinden/ erlosen wolt/ und erkleren/ das solichs
tzeichen/ ein tzeichen gotlicher tzusag/ oder des Ewangelii
gewest/ ßo hab ich vil von dem regen bogen geredt/ und
ist gedachts exempel gemein worden/ der wegenn laß
ichs farenn.

xvi^hq. Wie wol Christus nit gesagt hat/ mit klaren wor-
ten das brot und wein tzeichen seint/ dannoch leuchlet^hr205 ny-
mant das sie tzeichen seind. Aber in dißem steet ein zweifel. was
sie bedeuten/ derhalben wil ouch von ynen in gemein sagen/
das sie tzeichen seind irer vorheischunghen^hs. Brot ist ein
tzeichen dießer tzusag. Mein leib wird fur euch gegeben.²⁰⁶

Wein ist ein tzeichen dißer wort. Mein blut des neue
testaments wird fur euch vergossen²⁰⁷/ oder das fur vil ver-
gossen wirt zu vergebung aller sunden. Matth. xxvi.²⁰⁸

Marci .xiiii.²⁰⁹ Dißen beiden verheischunghen hat Christus
auch tzwei tzeichen geben/ gleich wie den andern tzusagungen
ire tzeichen angehefft seind. Sie haben auch in gemein
kein ander deutnis/ dan das sie ire gebraucher gewiß und
sicher machen/ das got seiner reed und verheischung nitt
hab vergessen. Drumb spricht Paulus .i. Corin. xi. von
Christo das er gesagt hat. Ir solt das thun^ht in meinem ge-
dechtnis.²¹⁰ Das ist ßo offt ir diße tzwei tzeichen gebraucht
wan ir das brot wolt^hu essen/ und den wein drincken/ solt
ir meiner indechtig sein.²¹¹ Wie kan aber einer Christi selig-
D1^rklicher gedencken/ dan wan er der Christlichen tzusagung
hen mit hertzen gedenckt? Christus spricht. Welcher
mich siht/ und glaubt meinen worten der wird selig.

Joan. vi.²¹² Eß ist ungnug/ das einer Christum siht/ wan
er seinen worten nit glaubt. Die Juden/ Heyden und
galgenritter²¹³ haben Jesum gesen^hv/ und seind doch verdor-
ben. Eß haben ouch Corozaym unnd Bethsaida den
hern gesehen und gehort/ und seind verdambt. Matth. xi.²¹⁴
Drumb hilfft dichs nit/ das du des hern Jesu gedenckest
wan du sein brot yssest/ und seinen kelch drinkest. Du
must im glauben. Nun kanstu nuͤmand^hw glauben geben
du glaubest dan seinen worten. Ursach^hx/ der glaub ist
aus den worten. Ro. x.²¹⁵ Derhalben volgt/ das keiner
des hern recht^hy gedencken kan/ ^hzeher er^hz seinen worten glaubet.

Nun wil Christus haben/ das wir seiner indechtig sol-
len sein (wie Paulus leret)〈/〉 der wegen konden^ia wir sein brot
nit nutzlich essen. oder seinen kelch fruchtbarlich drincken.
wir gedencken dan der wort des hern. Welcher wort?

Beyder tzusagunghen. Alßo mussen wir durch brot
und wein genossen/ vestiglich halten/ und fur gewiß wiß-
sen/ das Christus in uns wircken will/ die frucht seines
tods und seins vergossen bluts. Drumb saget Paulus.

So offt wir des hern brot essen/ und seinen kelch drin-
cken/ sollen wir den tod des herren verkundigen. i Co. xi.²¹⁶

Den tod des hern magk keiner wol verkundigen/ er ver-
kundig ien^ib dan in seinem glauben und merck in seinem geist.
das er glaub/ das der her/ fur yen²¹⁷ auch gestorben ist/ und
tzweiffel nicht/ das ihn got werde auffwecken/ und daß
ym seine sunde vergeben seind.

xvii^ic. Sih/ in gemein/ bedeuten tzeichen/ der tzusagung-
hen/ das got den ßonen^id seiner vorheischung²¹⁸ gewißlich
das halten/ und aussrichten wil/ das er aus gnaden ge-
redt hatt. Wie oben gesagt. Das ist auch der tzeichen
frucht/ das sie den tzweiffel dempffen/ und sicherheit ge-
beren. Alßo tzeumen wir den wider spenigen Adam/ und
werffen dem fleisch ein gepiß und tzaum ins maul.²¹⁹

D1^v Also/ das der geist gewiß ist/ das im/ gottliche tzusag
tzugehort und gesagt ist/ und das im^ie gott das geben wil/
und wurt/ das er verheischen hat.²²⁰ Gleich ßo gewiß als
er genediglich verlihen hat/ das du sein tzeichen gebraucht
hast/ ßo gewiß hastu des hern tzusag.

xviii^if. Nach dißem ist von sonderlichem bedeutnus bei-
der tzeichen des naue^ig testaments tzu reden/ und ist dabey
von anderen tzeichen auch tzusagen/ domit unser handel
dester leichter und vernemlicher werd. Alhie wil ich
nit schweigen/ das ettliche die tzeichen heiliger schrifft
truͤtzlich²²¹ außlegen/ und seind nit genugig^ih an außlag²²² der
schrifft/ sonderⁱⁱ machen neu erklerung.²²³Ich wil aber
mein gewissen bewaren. Dan ich weiß das mir nit tzi-
met^ij etwas tzu der schrifft tzesetzenn^ik. So ist auch soliche
kecke außlegung/ nit vast loblich/ unnd^il gibt ursach der
leichtfertigkeit/ das wol tzu mercken ist bey der allegorien
des buchs/ das man ^im Gesta romanorum^im nennet.²²⁴ So schleu-
sset auch keinn figurliche außlegung²²⁵/ sie wer dann in der
Biblien begriffen/ und als dan beschleusset sie nit/ alß fi-
gurlich erklerung/ sonder alß geschribener text. Wir solten
auch soliche arbetⁱⁿ besser anlegen/ dan wir haben on das/
sonste mit der Biblien genung^io tzetun/ und ist unnottlich/
das wir uns mit frombden expositionen²²⁶ bekumern/ und die
tzeit verliren. Sonderlich/ weil uns nit erlaubt ist/
etwas tzu gottlichen worten antzesetzen/ aber²²⁷ dovon tzenhe-
men. Deu. iiii.²²⁸Apo. ulti'mo'²²⁹ Und das wir/ mit solicher forcht
und ererbittung^ip die schrifft sollen handeln/ und außlegen/ alß
wan wir den leib Christi handeln wolten/ und den selben
leib einem menschen in mund legen. Angesehen/ das der
heilig^iq geist sein wort durch die Propheten selber^ir gerett hat.
Lu. i.²³⁰ Heb. i.²³¹ In behertzung/ das wir nit sollen betrachten/ was
wir reden wollen in den artickeln des glaubens. In betra-
chtung. Das jde schrifft gemeinlich ir eigen licht hat/ da-
durch sie kan erleucht^is werden. Und das wir kein dunckell
reed gotis konden erleuchten/ ßo wir den worten Christi nit
stracks nach volgen. Nach dem geschriben steht^it.

D2^r Welcher mir nit volgt der geht im finsternis. Joan.²³²
Mir behagen tzweyer Juden reeden uber aus wol/ welche
sollen gesagt haben. Einer also. Welcher hat mir macht
geben/ gotis wort anders außtzelegen dan wir eß geschriben
haben? Der ander also. Mainstu/ gott sey nit so klug/
das er ßo vil kont gesagt haben/ alß du/ wan es ome^iu gelibt
hett?²³³ Das sage ich wider die jene/ ßo aus durstig-
keit²³⁴ gotliche schrifft aus legen/ kruempfen²³⁵/ und tzihen. Das
ich jetzo las bleiben/ doch sag ich/ das sie erger seind/ dan
Juden. Heilige schrifft erkleret vil tzeichen/ und ausser-
lich ding/ als nemlich. Was die beschneidung.²³⁶ Was
der Tabernackell²³⁷ bedeut/ was die xii stein bedeuten. wel-
che Josue gelegt hat Josue .4.²³⁸ Nun kumen wir/ und spre-
chen/ das die selbe xii steine/ unsere xii^iv Aposteln bedeuten.
Und singen und plerren²³⁹/ das in tempeln. Aber wan uns
einer fragen wurd. Wu steht disse erklerung in der schri-
fft? mogten^iw wir keine stell tzeigen. Derhalben wurden wir.
alß beysetzer billigklich gestrafft. Dan Moises^ix hatt allen
tzusatz verbotten.²⁴⁰ Sih^iy also kumpt eß ouch/ das soliche
schreiber/ die leeser in iren buchern/ und bey sich halten/ die
sie doch/ von sich/ und von iren buchern/ in die Biblien
füren solten. Die Aposteln haben/ nit vergeblich/ we-
nig geschrieben. Ich wil auch nit weider geschriben
haben/ oder hinfuͤro^iz schreiben/ dan das ich die leser meiner
buchlein von mir in die schrifft breng/ auff das sie mich
frey urteylen durch die schrifft/ sollen mir auch nicht wei-
ders glauben/ dan sie in der schrifft grundes vernehmen.

Broth.Nun von dem tzeichen^ja brot sag ich/ das sein sonderlich
bedutnis^jb aus seiner eigen tzusag und sonderlichen wort soll
verstanden werden. Dan gottliche wort erkleren gottli-
che tzeichen. Gleich wie der menschen reed dich verstendi-
gen/ was tzeichen bedeuten/ ßo sie auffgericht haben. Alßo
lernen wir aus verheischung gottis/ was das tzeichen be-
deut/ welches in der selben verheischung ist gegeben. Ex-
emplum/ aus dißer tzusag. Ge. ix. Ich wil hinfuro^jc alle leut
und lebendig fleisch nit mer mit der sindfluß erdotten.²⁴¹
D2^v vorsteen ich/ das der regen bog von welchem oben vil ge
sagt²⁴²/ in sonderheit/ bedeut/ das wir sicher sein/ das gott
disse welt/ nit mehr/ mit wasser vertilgen wurd. ¶ Ich
darff nit dencken/ das mir der regen bog antzeig/ das der
samen Abrahe/ so groß und vil soll werden/ alß der stern
am hiemel/ und sand kornlein ym meer seind/ oder das un-
tzelich menschen selig werden.²⁴³ Ich kan auch nit aus
dem regen bogen ab nhemen/ das Gedeon Israhel vom
reich und gewalt der Madianiter erloßen solt Judi. vi.²⁴⁴

War ists/ got mogt^jd auch seine tzeichen anders eingesetzt
haben/ und Gedeoni^je den regen bogen/ und Noe^jf den schep-
per wollen gegeben haben. Aber got hat alle ding nach
seinem wolgefallen eingesetzt. ¶ Wie got alle creaturn
geschafft hat nach seinen willen/ und wir durffen kein un-
ordelicheit furnemen/ oder sie anders halten/ dan wie sie
got eingefurt^jg hat. Alßo dorffen wir die tzeichen auch nit
vermengen/ oder anders ordenen/ dan sie got eingesetzt hat.

Demnach darff ich nit dencken/ das ich bey dem regen-
bogen versteen wil/ das die Juͤden sicherheit der verge-
bung irer sunden erlangt haben/ dan gott hett sonder-
liche tzeichen geben den tzusagunghen/ ßo vergebung der
sunden verheischen. Levi. iiii.²⁴⁵Abraham und seine
kinder mogen auch nit bey dem regenbogen wissen/ das
sie diße erden. nicht alß ein vater land oder alß ein bleibliche
statt solten besitzen/ ßonder dar ynnen leben/ wie die bett-
ler in bilgerschafft. und walfart geen. Das Gene. xvii. ge-
schriben steht. Ich werde dir das erdtrich/ tzu einer erden
deiner bilgerschafft geben²⁴⁶/ das auch Ge. xxvi.²⁴⁷ und Exo. vi.²⁴⁸
und i. Parali. ulti'mo'²⁴⁹ und in dem Psal²⁵⁰ und Heb. xi.²⁵¹ tzu mercken ist
Item auß dem regenbogen kond keiner versteen/ das im sein wun-
den gesund worden (die im die schlangen in der wustung ge-
bissen hetten) wan er den regenbogen ansah. Dan datzu was
die schlang auffgericht. Nume. xxi^jh.²⁵² und nit der regenbog.

Alßo furt und wieder umb/ bedeut die schlangen nit/
das der regenbog in ßonderheit bedeutt. Wir sollenn
auch die tzeichen nit nach unsern willen lassen tzeigen und
D3^r deutteen^ji/ sonder nach dem gottlichem gefallen.

Sonste machen wir alle ding ungewiß/ und aus got-
tlichem tzeichen/ menschlich ding/ aus warhafftigen tzei-
chen/ betriglich ding. Dem nach konden wir Christen
durch den regen bog in sicherheit nit kumen/ das uns got
den schedelichen tod/ unschedlich/ den bittern/ sueß ge-
macht hat/ und auffersteung des fleisch tzu^jj ewigen leben
geben wil und wird. Dan der bog in gewulcken/ ist nit
der halb geschaffenn/ sonder das brot in der Messze/ das
hat uns Christus tzu einem tzeichen geben.

xix^jk. Wie ich von den tzeichen des alten testaments und
der vettern gesagt hab/ also muß ich sagen von beiden tzei-
chen ^jldas nauen^jl testaments oder der Messe. Nemlich
weil der selbe tzwey seind/ mussen sie/ von noten/ tzwey-
erlei bedeutnis haben/ und eines anders dan das ander
bedeuten. ßonste weren sie nit bestendige und gewisse tzeichen.

Wir wurden auch durch ire verkerung/ in kein sicher-
heit kumen. Das brot bedeutt etwas in sonderheit/
welches der kelch aber²⁵³ wein nit bedeut. Wider umb hat
der wein oder kelch auch sein aigen und sonderlich bedeu-
tung. Du solst auch soliche sonderliche bedeuttunghen
nit verkeren/ oder ein tzeichen und bedeutnis aus beiden
machen/ dan Christus ist uber uns alle/ kluger und hoher.
Und wer im nicht minder tzu nachteil und schympflich/
wan du ome^jm sein ordenung tzerbrechst/ dan²⁵⁴ wan du dei-
nen fursten oder obirsten sein satzung anderest oder abtetest〈.〉

Alß wenig/ ein underthan ordenung des obirsten brech-
en oder andern kan〈/〉 so wenig kan ein Christ/ dem hern Chri-
sto seine satzung und ding anders machen oder abthun.

Er heiß Bapst/ Bischoff/ Furst/ Burgermeister oder
gemeind/ dan^jn Christus ist uber auß hoher und mehr/ dan
die gantz welt. Drumb soll keiner achten. was der Bapst/
Bischoffen/ Fursten/ und stett etc. halten/ und mit dißem
sacrament thun. Sonder auff das Ewangelium sall jder
meniglich sehen/ das licht und leicht ist/ und darff keiner
gloß²⁵⁵. Eins behertzten und glaubigen menschen bedarff es
D3^v nit menschlicher erklerunghen. Alhie sag ich/ ab wir
sonste keine ursach hetten tzereden/ wer doch disse genug/ das
wir die beide tzeichen der Messe/ in Ewangelischer und al-
ter bedeutung sollen bleiben lassen/ der halben/ das Christus ßo
gesprech²⁵⁶/ klug/ und weiß ist/ wie alle menschen/ tzesamen gere-
chnet/ ymer mogen werden. Hett Christus wollen haben/ das
wir antzeigung seiner tzeichen/ solten oder mogten/ andern^jo und
vermuschen²⁵⁷/ er het/ uns das nit verschwigen. Das wil ich
auch vom brauch gesagt haben. Nun sage mir Bapst/ wa-
her^jp dir dise macht kumpt. dastu ein anderung in der bedeu-
tung der tzeichen hast dorffen machen? Bistu vicarius Chri-
sti²⁵⁸/ und hast gehandelt. als einem frumen Vicario tzusteht/
tzeige uns den bevelh Christi^jq. Wurdestu das nit thun^jr/ ßo
magk ich dich einen falsarium²⁵⁹ schelten/ aus deinen aigen rechten.
xx^js. Der Bapst hat den Leyhen eingerett/ das ein fer-
lich ding sey/ wan jmand ein tropfflein weins/ aus dem
kelch/ auff die erden empffelt. Und dar auff gesagt. Wer
ein gestalt nimbt/ der neme ßo vil/ als hette er beyde genu-
men. Aus dißer ursach/ das Christus under beeden ge-
staldten volkumlich ist.²⁶⁰Ist eß war/ das Christus un-
der brot volkumlich ist? und mit aller artt/ wie er^jt in dem
kelch ist? (das ich auch nit anfecht) ßo hat das Christus
one tzweiffel/ sehr wol gewist/ und ehr²⁶¹/ dan ein Bapst auff
erden kumen ist. Warumb hat er dan tzwei tzeichen ge-
ben? Oder war umb hatt Christus verhalten²⁶²/ das wir
one ferlickeit/ mit seinen tzeichen/ nach unßerm willen/
solten umbgeen? Warumb hatt Christus ouch tzwu
verheischung geben? tzweierley lauts/ wan die tzeychen
ein dingk sein?

xxi^ju. Ich wil dir Bapst/ und du neid²⁶³/ ein ander item
furhalten/ Christus spricht tzu allen den jene ßo sein brot
gessen haben/ und saget noch heuth in der schriefft tzu de-
nen die sein brot essen. Ir solt alle sampt aus dem kelch
drincken. Matth. xxvi.²⁶⁴Also haben auch alle empffaher^jv
des brots aus dem kelch gedruncken. Marci. xiiii.²⁶⁵ Hoer
Bapst/ und tu auff dein oren du grober²⁶⁶ haß? das Chri
D4^rstus nit allein tzu den gesagt hatt. Drincket^jw aus dem kelch
alle/ die das sacrament geben〈e〉deyhen^jx/ wie die Briester^jy/ als
des Bapst gloßlin leret²⁶⁷/ sonder/ er saget gleich zu den^jz jenen
die seinen leip essen/ oder sein brot niessen/ das sie ouch aus
dem kelch sollen drincken. Wie bistu dan so mutwillig/ da-
stu den leyhen den kelch vom mund ruckest? Horend wie
Christus saget. Ir solt alle aus dem kelch drincken/ ßo
mein brot gessen haben.²⁶⁸Merckt auff wie der Bapst mit
Christo stuͤmbt^ka/ wie ein Kessel²⁶⁹ mit einer Nachtigall/ der
Bapst spricht. Ir solt nit alle aus dem kelch drincken/
ßo ir das brot des hern niessett^kb. Christus saget. Ir solt
alle sampt daraus trincken. Nun meine bruder sehet
ir habet die wort Christi vor euch/ und des widerchrist-
lichen Bapst/ Christus macht euch selig/ der Babst ver-
dampt euch/ drumb sehet welchem ir nach volget^kc.

Der Bapst hat allein seine Pfaffen beyder gestaldten wir-
dig gemacht/ die leyhen macht er des kelchs unwirdig/
und thut das aus lauterem frevel/ und mutwill. Das er/
und seine Pfaffen/ hoher geacht werden/ dan leyhen/ wie
wol er das nit gesteen wil. Ich muß jtzo mit im dispu-
tiren. Er spricht das die teiler²⁷⁰ des hochwirdigen sacra-
ments ein grosse mechtige sunde thun/ drumb das sie ein
gestalt allein nyessen.²⁷¹ Darumb sag ich/ sundigt eyner dar-
umb das er das sacrament speltet und tzerteilet/ wan ein
briester ein gestalt nimbt? Volget ouch das die leihen sol-
liche greuliche sund tun/ wan sie ein gestalt allein nhemen.²⁷²

Ursach. Das sie/ das teilen/ das Christus samptlich
gibt/ das ist/ sie nhemen ein gestalt/ und nit die andere/ der-
halben seind sie sacrilegi²⁷³/ glich wie die Pfaffen. Dan der
Bapst macht/ die Pfaffen nit sacrilegos in dem. das sie daß
brot/ eher^kd/ dan wein/ consecriren und nemen/ sonder dan. wan
sie gestalt des brots nemen und essen/ und wollen keinen wein
drincken. Also steht der grund auff der teilung des sa-
craments/ wan die empfaher/ das sacrament teylen/ dan sol-
len sie sacrilegi sein/ das ist/ geistliche dieb sein/ die geist-
lich oder gottlich ding rauben und stelhen.

D4^v Da bey merck mein bruder/ wie ferlich das ist/ wan du
das sacrament beeder tzeichen teilest. Dan der Bapst er-
kent selber/ das seine pfaffen/ geistlichen diebstall thun/
wan sie in iren Messen ein gestaldt allein/ on die andere/
genissen. Domit wil ich die papistischen erschrecken und
erinnert haben/ das sie jetzo lernen/ wie sie ir Bapst ver-
furt hat. Ich wil sie mit iren aigen pfeilen schiessen.

Den frumen Christen darff ich nit anders sagen dan go-
tis wort/ weil ich dan oben gesagt hab/ das Ewangelium
klerlich spricht. Ir solt alle daraus drincken²⁷⁴/ und redet
das tzu denen/ ßo das broth gessen haben. Volget. Das
alle den kelch sollen brauchen/ ßo das brot genossen haben.
thund sie das nit/ ßo teylen²⁷⁵ sie die Messe/ und das hoch-
wirdig sacrament.

xxii^ke. Die schrifft setzet warheit und lugen oder ver-
maledeihung kegen und wider ein ander. Osee iiii.²⁷⁶

Gleich wie verheischung und betrohung^kf wider ein an-
der streben. Josue. xxiii.²⁷⁷ Deu. xxvii. et^kg xxviii.²⁷⁸

Welcher nit gottliche tzusag und warheit prediget/ und
verheischet dir doch etwas/ das tzu der seligkeit dienen sol/
der verkundigt dir luͤgen/ das wil auch Hieremi.^kh xxiii.²⁷⁹

Alß wan der Bapst saget/ welcher Ablas verdient oder
keufft/ dem werden seine sunde und peen²⁸⁰ vergeben. Das ist
ein merckliche lugen/ und wer das saget/ der leuget/ als der
Bapst/ und verkundigt fried^ki/ do kein fried ist.²⁸¹ Der glei-
chen haben wir vil fuder²⁸² und karn²⁸³ voller lugen von Moni-
chen^kj und Pfaffen horen mussen/ welcher sie keine ^kktzeigen mogen^kk
in der gschrifft. Wider umb wan dich einer traurig
macht/ und malet dir einen schwartzen hornichten^kl Teuffel vor.
und kan soliche troliche^km wort²⁸⁴ nit in der Biblien deuten/
der erschreckt dich mit luͤgen. alß Etzechiel saget. xiii.²⁸⁵

¶ Wan der Bapst einen alßo erschreckt und traurig
macht. den got durch sein wort nit erschrecket/ oder be-
trubt/ so verkundiget er/ erlogen vermaledeihung. Als
wan dich der Bapst tzaghafftig und kleinmutig macht
von wegen der geferlickeit/ die got nit groß acht/ oder fuͤ-
E1^rret dich von etwas/ das dir woll dienet/ wie wol er des
selben keinen schein oder grund in der heiligen schrifft hat.
ßo predigt er/ erdichte und erlogen/ vermaledeihung.

So hat er seinen Bann²⁸⁶ an tag gebracht. Alßo hat der
Bapst auch ein ferlickeit des gebluthes²⁸⁷erdicht/ do er den
kelch den leihen hat wollen nhemen/ und gesagt. Eß sey
ein grosse sunde/ wan einem ein tropfflin gesegnets Weins
empffall/ ßo er aus dem kelch drincket²⁸⁸/ und hat mit seiner
reverentz²⁸⁹ dem sacrament und menschen gewalt geton/ und
die Christen gantz von bedeutung der tzeichen frombd
gemacht〈.〉²⁹⁰ Nu hor/ der Bapst endsetzet sich nit sehr/
wan das gantz sacrament in ein menschen feelt/ dero^kn nit
weiß was er nimbt/ das doch Paulus mer strefflicher
acht. sagend. Welcher das Brot und Wein nit ur-
teilt/ der urteilet den leib des hern nit. Hat er kein urteil
und erkantnis des hern/ so wirt er des hern todes schul-
dig.²⁹¹ Nu hat der Bapst gemacht das vil tausent men-
schen/ an²⁹² urteil des hern soliche tzeichen empffahen/ die
doch alle unwirdiglich das sacrament nhemen/ und vil sche-
dlicher/ dan wan einer/ on fuͤrsatzt und willen/ einen gantz-
en kelch umbsturtzet. Jdoch acht das der Bapst klein.
wan soliche unverstendige und unglaubige menschen das
sacrament nyessen〈.〉^ko War ists/ ßo einer den gesegneten
wein mutwilliglich umbschutett/ das er sundiget/ und
wurde des bluts Christi schultig/ dan er urteilet nit den
hern. Das ist/ er veracht antwer^kp das bluth Christi/ aber^kq
glaubet nit/ das der wein das bluth Christi ist. Aber
wan einer angefeer²⁹³ einen kelch vergoß/ weiß ich nit das er
tzu straffen sey. Ursach〈/〉 Christus hat konden^kr leiden das
sein blut auff die erden vergossen ist/ von wegen unser se-
ligkeit/ wie solt im das entkegen sein/ wan einer in sicher-
heit seiner seligkeit/ und gottlicher tzusag wolt kumen^ks/ und
verseret²⁹⁴ wider seinen willen/ den gesegneten wein?

Liebe〈r〉 freund eß ist tausent mall geringer/ wan du unge-
ferlich ettliche tropfflin weins/ one willen lessest/ abtreu-
ffen^kt/ dan wan du brot geneussest/ und endheldest dich von
E1^v dem wein. Ursach. Christus spricht. Ir solt alle dar
aus drincken.²⁹⁵ Welcher disse wort veracht/ der sehe/ das
im nit geen/ alß den jenen die tzu der wirtschafft gebeten
waren/ und blyben auß.²⁹⁶

xxiii^ku. Ich weiß wol/ das du dein leben tag one das sacra-
ment bleiben mogest/ und das keiner datzu getzwungen
ist/ das er das sacrament eines oder offtmals nhemen soll.
wan er sonste vestiglich in den tzusagunghen Christi steht
und verhart. Aber wan du das sacrament nhemen wilt^kv/
solstu das nhemen/ wie dir Christus das giebt/ und nit
anders. Nun hat Christus seinen Jungern (und uns
volgend) tzwu gestaldt geben/ und wil haben/ das alle
vom kelch sollen drincken/ die sein brot gessen haben.

xxiiii^kw. Auff das du merkest/ was ferlickeit aus nachlass-
ung des kelches endstee/ wil ich furt sagen von eigen be-
deutnus beyder tzeichenn.²⁹⁷ Und am Wein anfahen/ dan
sein deutung ist leichter tzu vernhemen.

Wein^kx bedeut vergebung der sunden. Ursach. Christus
spricht/ das der wein sein bluth ist welches fur vil ver-
gossen wird tzu vergebung der sunden.²⁹⁸ Christus wort
volgen und lauten alßo. Das ist der kelch des neuen
und ewigen testaments/ in meinem blut^ky/ das fur euch/ und
fur vile vergossen wird/ tzu vergebung der sunden. Alßo
lauten^kz wort Christi/ so²⁹⁹ man Mattheum/ Marcum/ und Lu-
cam tzesamen stellet.³⁰⁰ Aus dißen worten/ wollen wir das
eigen und sonderlich bedeutnis des weins suchen und ler-
nen. Dan aus den worten/ der verheischung mogen wir
antzeig und bedeutung der tzeichen ergreuffen.

Demnach sag ich/ das der wein eigentlich und sonderlich
vergebung der sunden bedeutt. Alßo wen du ader ich den
kelch des hern trinken. Sollen wir sicher und gewiß sein/
das Christus seine wort und tzusag vestigklich und unver-
brochlich halten/ und das geben wil/ das er verheischt.

Nu hat er uns versprochen und gelobt/ das er sein blut
umb vergebung unßerer sunden wolt vergyssen/ und ver-
gossen hat. ¶ Das wort muß ich erstlich drincken oder
E2^r esszen/ ehr ich den kelch trinck/ das ist. dem wort muß ich/
on alle wider reed/ glauben〈.〉 Darnach magk ich das tzeichen
disses worts nemen/ dadurch ich eigentlich weiß/ das Chri-
stus seiner tzusag nit vergessen hat/ und das er/ seine wort
wil erfullen/ und das sein blut gleich meine sunde erseufft
und außgetilget hat. Wan ich das glaub/ ßo ist gott al-
hie und schatzet mir dißen glauben fur gerechtikeit/ und
wil meiner sunden in ewigkeit nit mehr gedencken oder stra-
ffen. Alß Esaias^la saget. Gedenck du deiner sund so wil ich
ir nit gedencken.³⁰¹ In solchem glauben solt ich frid haben
tzu got durch Christum. Und wan ich ein befridt und ge-
ruͤbich^lb gewissen het/ dorfft ich keines tzeichens. Aber/ o
got/ eß beschicht/ das sich manigfeltige gedancken und tzwei-
ffel erhebt/ der unser gewissen unsicher und forchtsam ma-
cht. Drumb hat uns Christus/ sein tzeichen/ geben. Nem-
lich den kelch und wein/ und hat uns ein solich tzeichen tzu
henden gereicht/ das wir brauchen mogen^lc/ ßo offt die ge-
wulcken der lufft/ das ist bedrenghung des gewissen/ uns
die Sonn/ das ist Christum verdecken und fern machen.
Durch welches tzeichen/ uns keine forcht/ keine hell^ld/ kein
Teuffell von gottlicher tzusag soll emfrombden³⁰². Das
ist die frucht des tzeichen weins. Nemlich sicherheit und
gewisse urkund tzu deuten/ das Christus sein blut tzuͤ ver-
gebung meiner und viler menschen sunde verschutt hatt.

xxv^le. Brot der Messe hat auch seine eigen und sonderliche
bedeutung/ welche durch disse tzusag gelernet wird.

^lfMein leib wird fur euch gegeben^lf.³⁰³ Ich beken hie das dis-
se zusag nit alltzu licht³⁰⁴ ist/ dan ich forcht/ das unszer vill
seind die nit wissen/ was disse wort begreuffen und inhalten.
In der summ. welcher nach der weit³⁰⁵ soliche wort außlegen
wolt/ der must Mosen. Propheten. Ewangelien〈/〉Paulum und
alle andere Aposteln wol durch suchen und vernhemen. Jtzo
wil ich kurtzlich gesagt haben. Das dissze wort Christi〈.〉
Mein leib wird fur euch gegeben. uberwinttung und obsig-
ung des todts und auffersteung des fleisch in glorien also ver-
heischen/ das Christus den todt uberwunten/ nidergelegt hat
und ym obsigt.

E2^v Alßo das alle menschen/ die hertzlich in Christum glau
ben/ durch solige tzusag Christi und durch den glauben/ disse
art in sich befinden/ das sie den tod nit forchten/ sie wissen.
das ihn^lg der tod nit schatt tzu der verdampnis/ und haben
fur gewiß/ das sie der leipliche tod nit in ewigen tod brengt.
sonder durch leiplich absterben tzu rhu und senfften schlaff
in Christo. in der sum/ vom tod tzu dem leben fuert.

Also wirt der bitter tod/ sueß. Der erschrecklich/ frolich.
Das verderbnis/ ein gewin.³⁰⁶ Also wird dir der tod ein
pfort und weg tzum leben³⁰⁷/ dero^lh dir ausserhalb des glaubens
den weeg tzu der ruh in Christo verlegt und verhindertt/
und macht dich vast scheu und abwendig. Das alles
erlangt der gerecht durch den glauben in Christum/ und
horet disse stuͤm von got. Glaub das mein Son fur dich
gegeben/ ßo wurd dir der tod nit schaden/ und ob du gleich
nit gern sterben wollest/ halte dich an den tod meines Son^li.
und glaub/ das er den tod uberstreitt/ und ym obgesigkt
hab/ so wil ich dir alle gebrechen/ im tod meines ßons
auffheben/ und alle sunde bedecken. Alßo ists mit^lj der au-
fferstehung des fleisch. dan gleicher weiß der tod Christi un-
ßern tod ertodet und frist. Also brengt auch die aufferste-
hung des leibs Christi/ unsere aufferstehung. das wir ge-
wiß sein. ßo wir Christo gelauben. das wir/ auch mit geist-
lichem leib auffstehen/ und dem tod sagen werden. O tod
wu ist dein dorn? Item der tod ist ertod/ oder verschlun-
cken.³⁰⁸ Alßo ists mit^lk erfullung des gesetz und gotlicher
gebotten/ und andern dingen. In der sum/ dysse verhei-
ssung^ll. Mein leib wirt fur euch geben.³⁰⁹ verheischet allen
glaubigen/ das alles leiden Christi unßer leyden sein soll.
Item das alle schetz seiner gnaden und gerechtickeiten/ unser
eigen gerechtikeit sein sollen. Seyne heilikeit/ unsere heilikeit.
seine steerk/ unser sterk. Und widerumb das Christus al-
le unßer sunde und gebrechen an sich genomen/ und sich
eigen gemacht hatt/ alß Esaias³¹⁰Paulus³¹¹Petrus³¹² und an-
dere sagen. Daß ich in dem buchlin von beeden tzuͤsagung-
hen des neuen testaments weiter angetzeigt hab.³¹³

E3^r Demnach sag ich. Wan einem soliche gotliche tzusag ym
hertzen grunet und auffgeet/ und wolt doch das er in einem
eusserlichem ding mogt lernen/ und alßo in sicherheit ku-
men/ das got seiner tzusag gedenckt/ und woll seine wort
gantzlich erfuͤllen/ soll er das brot nemen/ das yme der her Je-
sus gesegenet/ bricht/ giebt/ und sagt. Du salt das in mei-
nem gedechtnis essen³¹⁴/ und allen tzweiffel tzeruck schlahen/
keine sunde und unwirdikeit scheuhen. und gewißlich hal-
ten und wissen/ das got alle seine frucht der tzusag in dir
wircken wil. Darauff soll er sich verlassen/ und weder^lm tod
noch hell forchten. weder^ln erfullung das gesetz/ noch auffer-
stehung/ anders suchen dan durch den glauben tzu Christo.
xxvi^lo. Hier auß schepff mein frundt gutter bruder und
merck/ waß unß Bepstliche^lp regiment/ und seiner anhenger
reich/ schadens oder boses gemacht hatt. Ists nit ein
kleglich und jemmerlich sach. Daß under tausent Chri-
sten/ schwerlich einer ist tzu finden/ dero^lq wiß wartzu Chri-
stus seine tzeichen gegeben und eingesetzt hat? und dero^lr
nicht irret in ^lsden deutunghen^ls beyder tzeichen? Wie vil
ist unser gewest/ die vergebung der sunden ym tzeichen brot
haben gesucht? und vileicht^lt noch suchen? daß manigfeltig
unrecht und irrig ist. Ich wil euch tzwu irrungen jetz
furstellen^lu. Eyne ist. daß sie wenen/ tzeichen alß tzeichen/
oder in dem das sie deuten/ unß frum und selig schaffen^lv/ dar-
umb sagen sie/ das heilige sacrament sunde vergeb/ das ich
nit leuckel^lw/ wan sie von den tzeichen/ in das fleisch Christi
treden und hoffen in den leib Christi/ mit welchem das brot
und tzeichen ein ding geworden ist.³¹⁵ Aber wenig haben den
unterscheit〈/〉 derwegen irren yr nit wenig. Der ander irth-
umb ist/ das sie bedeutnis jedes^lx tzeichen verkert/ unorden-
lich/ und ungewiß gemacht haben. Ursach das die ley-
hen in vorigen und gegenwertigen zeiten. vergebung der
sunden/ im brot gesucht haben/ und suchen/ und nach lassen³¹⁶
das tzeichen/ das doch Christus/ von wegen der tzusag und
wort geben hat/ die allen glaubigen vergebung der sun-
den verheischt und verspricht. und verlassen alßo nicht allein
E3^v das tzeichen/ dar in/ der empfaher gewiß unnd sicher soll
werden/ das im Christus seine sunde abgewaschen hatt/
sonder dartzu verlassen sie seine wort und verheischung/
welche also lauten. Das bluth wird vergossen in verge-
bung der sunden eurer und viler menschen〈.〉³¹⁷ Disse tzu-
sag/ tzusampt ire tzeichen verlassen sie/ und suchen soliche
vergebung der sunden/ und sicherheit der vergebung/ im
brot/ das Christus derhalben nit eingestelt hatt. Und ver-
keren got seine satzung und ordenung. Das doch den Pa-
pistenn beschwerlich wurd/ ßo einer/ ire ordenung ver-
broch/ und verkeret. Also magk meniglicher verkerung
und unordenlikeit in den tzusagunghen und tzeichen vorstehn^ly.

Daraus volget ungewysßheit/ dan die tzeichen werden un-
gewiß/ wan ein Christ das Ewangelium liset/ und siht
das der gebenedeiheyt^lz wein der halben/ fur ein tzeichen ge-
ben ist/ das man in sicherheit mogt^ma kumen/ das dem empfa-
her alle sunde vergeben seind/ Und mercket widerumb
das die Christen disse sicherheit in eynem andern tzeichen
suchen. Dan er gedenckt bald/ eß muß ungewiß ding sein
mit den tzeichen/ und feelt alßo von dem gedechtnis Christi
des man doch solt indechtig sein/ wan man die fruͤchte
der tzeichen ergreiffen wil. Darffestu sprechen. Solten
die Christen biß anher geirret haben?^mb Antwort. Du hast
das Ewangelium vor augen/ und sihest bedeutung beyder
tzeichen/ darauß urteil deine vorgen〈g〉er^mc und alt veter^md. Mich
gemand³¹⁸ gleych/ disser frag/ alß der do die gleysszner tzu
Christo sagten/ warumb uberfaren deine Junger unßer alt
vetter traditionem und satzung? Dar auff anwurt Chri-
stus. warumb uberschreitt^me ir gotis gesetz von wegen des
gesetz eurer vetter?³¹⁹ Etzechiel spricht am .xx. c'apitel' Ir solt
nicht gen^mf in geboten und gerichten eurer vetter.³²⁰ Alter.
und gewonheit behuten nit vor irthumb. Sonste weren
die alten holtzschugschlepper^mg tzu Juͤterbock auch klug.³²¹
Drumb darffestu nit klappern/ solten unßer vetter geirret
haben/ dan es ist war one widerred das sie gestraucheltt^mh
und geirret haben/ wan sie wider gotliche einsetzung gelebt
E4^r haben. Gottis wort ist der weeg und warheit/ welcher
auß dem selbe kumpt der irret/ und geht^mi nebend dem weeg
und warheit.³²²

Du sprichst^mj ich magk mit den tzeichen umbgehen wie
ich wil. Antwort. Weiß mir disse macht in der schrifft.

Auch frag ich wan dem alßo ist. Warumb sihistu^mk nit
den regen bogen an/ wan du das hochwirdige sacrament
wilt genissen^ml? Aber³²³ warumb nimstu nit den schepper
wollen Gedeonis?³²⁴ oder richtest dir ein schlangen auff in
der wustung?³²⁵

Wan ich einen mißbrauch in den tzeichen tzugeb/ muß
ich alle andere mißbrauch tzugeben/ und sagen/ das man
das brot anders dan mit essen/ den wein anders dan mit
drincken brauchen mog^mm/ das sey mir frombd und fern.

Ich wil mich tzu dem gewisten^326mnund besten teyl^mn halten.
von tzeichen reden/ wie die schrifft redet/ dan got ist witzig³²⁷
und weiß genug.

Ja sprichestu/ ich mag das bluth nhemen oder nicht.
Antwurt. Das Ewangelium spricht. Trincket dar-
auß alle.³²⁸ Wiltu das brot Christi essen/ solstu seinen wein
auch trincken/ aber^mo eins mit dem andern emtperen^mp329.

Noch weiß ich³³⁰/ sprichestu/ das die Aposteln in der bre-
chung des brots geblieben sein/ das die schriefft lereth
Acto. ii.³³¹ und meldet nicht vom kelch. Antwurt.

Sie seind blieben in brechung des brots/ wie Paulus
tzu den Corinthiern lereth. i. Corinthi. xi^mq.³³² und nach or-
denung Christi/ dorann^mr ist kein tzweyffell. Drumb dar-
ffestu nicht gedencken/ das sie nach ordenung des Bapst
darinn blieben sein^ms.

Die Christen sollen/ mir nicht glauben sonder tuhn^mt/
wie die frume^mu Tessalonicenses theten/ welche Paulo nach
suchten/ und erfursten^mv333 die schrifften tag und nacht/ und
sahen das also geschrieben stund/ wie Paulus predigt/ und
gelaubten ir vil. Acto. xvii.³³⁴

E4^v Kurtzlich ich werff dir das Ewangelium inn bart³³⁵/ ob
du gleich aller menschen klugheit und vernunfft wider
mich stellest. Und sag noch das die leyhen im brot suchen
das ihn das brot nit giebt/ ist auch der halben nit ein ge-
setzt. Drumb empffahen sie nicht/ got wolte dan gestaten das
wir neu tzeichen/ und nach unserm hirn auffrichten mogten.

Du sprichst die emtpffaher^mw mogen durchs broth unnd
fleisch Christi auch gewiß und sicher werden/ das sie ver-
gebung irer sunden bekumen.

Szo sprech ich das Christus uns seinen kelch wein und
bluth giebt tzu trincken/ auff das wir sicher unnd gewiß
werden solicher gottlicher gnaden.

Ich hab das Ewangelium. Was hastu?

Ich fur die Christen tzu dem/ das gewiß und sicher ist.
Wartzu fuerestu sie?

Ich halt/ Christus hett eß uns nit verhalten³³⁶/ wan wir
an dem brot allein genug solten haben. Und hab diesse
schein und grund/ das^mx Christus saget. Trincket alle sampt
dar aus.³³⁷ Das hett er je nit geleret/ ßo wir des kelchs em-
peren³³⁸ dorfften/ das ist mein grund. Was hastu fur einen
grund und schein?

Du hast ein altherkumen^my/ gebrauch und ubung/ und weist
nit ab sie guth und gerecht ist/ aber³³⁹ nit.

Ich hab die alte und ewig warheit/ die on alle wider
red gut und gerecht ist. ¶ Darffestu an den Ewangelischen
buchernn tzweiffelnn. Du Teuffels kopff/ ßo leeg ich dir
gleich die bucher fur/ ßo du/ und deine Endchristen/ fur
Ewangelische gehalten^mz habt/ das sag ich nicht/ das sie
endchristische^na lerung aus dem heil'igen' Ewangelio getzogen
haben. Sonder^nb das sie gleich das Ewangelium niderdruckt^nc
haben/ das sie doch fur das warhafftig Ewangelium achten.

Dar aus^nd volget erstlich/ das die jene so das broth oder
gestalt des brots/ darumb nhemen/ das sie selig da durch
wollen werden tzweifeltig irren. Zum ersten. Das sie in
eusserlichen und leiplichen dingen/ gerechtickeit/ hielff und
trost suchen/ wieder^ne das wort Christi. Caro nichil^nf pro-
F1^rdest.³⁴⁰ Wie oben gnugsam gesagt ist/ die auch den kelch
nit wollen drincken/ und essen das brot allein. Erstlich.
Das sie eigen tzeichen machen/ halten das nit fur ein tzei-
chen/ vergebung der sunde/ das doch gott eingesetzt hatt.
Zum andern das sie wider das gebott Christi thun/ dero^ng
spricht. Trincket alle sampt dar aus ßo das broth gessen
haben.³⁴¹ Alß solt er sagen. Wiltu nit drincken/ solstu auch
nit essen. Christus verstendiget und leret uns/ das wir
frucht und gnad seines todes nit ervolgen³⁴²/ und bekumen.
wir haben dan vergebung der sunde tzuvorahn ervolgt.

Drumb saget ehr (meines bedunckes³⁴³) Trinckett^nh alle
sampt aus dem kelch/ deroⁿⁱ mein bluth ist/ welches in ver-
gebung der sunden wirt vergossen.³⁴⁴

Durch den tod kumen alle unglaubige in verdempnis^nj
und ewigem tod.

Durch die sund ging der tod in die welt.³⁴⁵ noch dem ge-
schrieben steht. Gen. ii. Du wirdest sterben/ ßo du wider
das verbott^nk wirdest essen.³⁴⁶ Item. Du bist aschen/ und
solst tzu aschen werden. Gen. 3.³⁴⁷ Das ist/ das Paulus i. Co.
xv. saget. Der dorn oder stachel des tods ist die sund³⁴⁸/
dan gleich wie der fatem^nl vermitelst der nalen³⁴⁹/ oder einer
stachell durch gewand geth. Also ist der tod/ durch vor-
gehn. der sund. in dise welt gangen/ alß mit einem spieß. Ro. v.³⁵⁰

Der tod Christi hat den erschrecklichen tod ertodt und
erwurgt. Der vater hat auch seinen Son/ Christum/ der
halben geschickt/ das er uns von allem ubell und scha-
den solt erloßen/ und uns verheischen/ das wir durch den
glauben tzu seinem Son selig werden/ und mogten den tod.
durch soliche gerechtigkeit des glaubenes/ auch erwurgen/
Und verdemnis verdumen^nm. Ro. iii. et iiii.³⁵¹ Also das uns
der tod von dem fleisch der anfechtung/ tzu dem fleisch
des gehorsams und frides soll furen/ und keinen schaden
thun. Aber ferlickeit und schaden des todes vorgehnⁿⁿ
nit eher dan des todes spitz. Das ist die sunde/ sey vor tzer-
brochen. Der wegen hat gott tzwu verheischung und
tzwey tzeychen geben. Eine tzusag belangt den tod und
F1^v aufferstehung Christi wirkung oder erfullung aller ding
ßo got von uns fordert^no/ die selbe tzusag deuttet auff den
leib Christi/ dan der leib Christi/ ist vor uns in tod geben.
und aufferstanden in seiner glorien/ und hat alßo den tod er-
todt/ das gesetz erfult. und das sterblich ist. außgetilgt. und
ist in unsterblikeit aufferstanden. Alles das kumpt uns
gewiß tzu gut/ und ist uns bereitt tzu gut gescheen/ wan
wir glauben/ das Christus alßo/ fur uns ertodt und auff-
gestanden^np ist. Die andere tzusag (durch welche got/ in
seinem testament und letzten willen oder abschied/ uns gnad
fried/ und freuͤd/ verheischen hat) ist das wir vergebung
der sunden/ on tzweiffell/ erlangen/ ßo wir glauben/ das
Christus sein bluth/ in vergebung unser sunden vergossen〈.〉
Drumb spricht er. Drinckett auß dißem kelch/ dero^nq in
vergebung der sunden vergossen ist.³⁵² Damit spricht Chri-
stus. Glaubt mir/ das ich mein bluth vergiessen werd/
und nu vergossen hab/ ßo werdt ir selig. Gleich das/ und
ßo vil ir wolt (Matth. xxi) solt ir sonder^nr tzweiffell/ gewiß-
lich empfahen/ ßo ir mir glaubet.³⁵³ Glaubt ir meinen wor-
ten nit/ ßo ist mein bluth ann euch verloren. Glaubt ir
aber/ und das fleisch/ betruͤbt euch (welches alletzeit ver-
sucht/ den geist tzu dem ergsten tzezyhen^ns/ und von dem glau-
ben tzu mißglauben tzebrengen) ßolt ir mein tzeichen nhe-
men/ den wein/ den selbigen trincken/ und da durch in sich-
erheit und gewißheit kumen/ das ich nit allein meiner wort
nit vergessen hab. Sonder ouch meine wort tzu euch ge-
rett hab/ und sollen euch eure sunde nit mehr uberdrengen.

Alßo wird durch das vergossen bluth Christi/ der sta-
chel und dorn des todes und der hellen forcht stumpff/ und
verleusset^nt seine spitzen/ dadurch er den tod vor^nu einfuret/ und
herschett nit mehr tzu der hell. Szo ir glaubt/ das
mein bluth in vergebung der sunde vergossen/ wird der
dorn des todes/ das ist die sunde in euren gewissen und her-
tzen keine forcht und angst des todes oder hellen geberen.

Alle ding werden euch trostlich und dinstpar werden/
Dan ich hab den tod und die sunde vertilgt.

F2^r Domit ir tzu solicher frolickeit und sicherheit kumend/ geb
ich euch ein leicht und lieplich^nv tzeichen/ den wein/ dero^nw mein
bluth ist/ den selben trinckent/ und gedenckt meiner/ gedenckt
das ich euch meinen trost verkundt und zugesagt habt. Und
wisset^nx das ßo gewiß ir meinen wein trincket/ und gedenckett
meiner wort/ ßo gewiß seind euch eure sund tzugedeckt
und vergeben. und das euch got nicht furrucken wil〈/〉 alß Jaco-
bi. i. steht. Er gibt allen und wurfft nimand sein sund fur.³⁵⁴

xxvii^ny. Daraus volget/ das vergebung der sunden in die-
sem sacrament steht/ alßo/ das ich glauben muß/ das Chri-
stus sein bluth/ durch geheissz seines hiemelischen vaters/
fur mich vergossen hat. Und das die jene/ ^nzßo von wegen
irer sunden/ beschwerung fuͤlen/ und wolten soliche beschwe-
rung gern abwerffen^nz/ dise tzusag Christi mit iren hertzen sol-
len greuffen und glauben/ das Christus durch sein bluth/ ire
sund abgewaschen und außgelescht hatt. Und das das tzei-
chen Wein (welcher das blut Christi ist) dem geniesser sich-
er und gewiß macht/ das im got seine sunde vergebe.

xxviii^oa. Volget auch das anfechtung der sunden/ die mate-
rien ist/ in welcher das tzeichen aller meinst^ob soll gebrau-
cht werden/ gleich wie die gewulcken in der lufft materien
seind dar inne der regenbog gebraucht wird/ wie oben
gesagt ist im x. und xii. artickel.

xxix^oc. Volget auch das disse verheischung des bluts in
aller vergebunghen der sunden soll gefast und vesticklich
geglaubt werden.

xxx^od. Volget auch/ das du keiner wirdickeit und geschi-
cklikeit bedarfst/ wan du dise tzeichen wilt/ one schaden/ ge-
brauchen. dan dastu ire beide tzusag tzuvor in deine hertz le-
gest/ und widerumb dein hertz in die verheischung tust legen.
und glaubest/ das gotis wort/ warhafftig/ mechtig/ und gut-
tig ist/ und das got seiner wort nit mog vergessen/ wan du
das glaubest/ so bistu wirdig und rechtgeschickt/ und gibst
got sein glorien/ die er gantz unverbrochlich wil ertzeigt ha-
ben. Das ist das recht gloria^oe in excelsis deo.³⁵⁵ Wan aber
einer den beiden Ewangelien³⁵⁶ oder tzusagung nit glaubet/ und
wolt die tzeichen/ die getzeugnis geben/ auch nit achten.
F2^v der soll wissen das er unwirdig und tzu dißem sacrament
ungeschickt ist. Dan Christus^of saget/ das tzeychen dem
wort getzeuknis geben. Joan. x.³⁵⁷ Und volgend.

Hetten sie die tzeichen nit gesehen/ weren sie on sunde ge-
west. Joan. xv^og.³⁵⁸ Das ^ohfuͤgk ich^oh frombd³⁵⁹ anher. Jdoch ists
bequem³⁶⁰ das Christus saget. Selig ist der/ dero^oi sich inn
mir nit ergert oder verletzt. Matth. xi.³⁶¹ das hat Christus
tzu den Jungern Joannis^oj geredt/ welchen ehr vor/ von
tzeichen seiner tzukunfft³⁶²/ bericht teth.³⁶³ Drumb sag ich
ouch/ selig ist dero^ok/ durch die tzeichen/ der tzusagunghen
in gewißheit und sicherheit kumpt/ das got seine wort vol-
brengen/ und volkumlich und gewißlich geben wil/ das
er verheischen hat. Von dißem glauben/ soll dich/ wider^ol
Teuffell noch sunde feyg und vertzag machen/ wan du
aller welt sunde begangen hettest/ bistu gleich ßo wol/ ja
besser geschickt/ alß der heiligist³⁶⁴/ wan^om du dem wort glau-
best/ und durch tzeichen sicher und gewiß wirdest.

Wider umb/ wan du nit glaubest/ und sicher wirdest
ßo lesterstu got/ und nennest oder achtest ihn/ in deinem
hertzen/ einen unreedlichen/ luͤgenhafftigen/ schwachen/ und
loßen^on365 gott. Der wegen wer eß tausent mall besser/ einer
huͤttet sich vor dissem sacrament/ dan das er als ein blin-
der tzugeht. Eß solt auch der mensch alle andere bereitung³⁶⁶
tzeruckschlahen/ und sich woll endsynnen/ wie sein hertz im
glauben bereytt ist.

xxxi^oo. Etliche fasten. Etliche betten lang tzeit. Etlich
^opsteuppen sich^op. Etlich thund andere ding/ dero^oq doch kei-
nes den menschen geschickt macht/ ja sie hindern mehr dan
sunde. Ursach. jene wollen sich durch ire nerrisch^or geberd
frum machen/ und solten frumbkeit aus dem wort und
gelauben erlangen. Aber die sunde haben und fuͤlen/ die mer-
cken ire kranckeit^os/ und flihen tzu Christo³⁶⁷/ welcher den schwa-
chen und sundern tzu hilff kumen ist.³⁶⁸ Fassen sein wort/ das sie
gesund macht und brauchen sein tzeichen das sie sicher macht.

xxxii^ot. Endlich wisse/ die weil alle sicherheit und ge-
wißheit/ der tzeichen (welche von got gegeben seind) auß
F3^r dem endspriessen/ das uns got seine tzeichen aus eygem be
wecknis selber geben hat. Und ist ein ferlich und Teuffelisch
dinng/ wan jmand der tzeichen bedeutung verwandelt/
oder macht/ das eine tzeichen das außrichten soll/ da tzu got
tzwei geben hat. Erstlich das menschlich weißheit stetz
wider got streitt. Ro. viii.³⁶⁹ und gefelt got mit nicht.

Zu dem andern das got/ weißheit diser welt fur thorheit
acht. i. Corin. ii.³⁷⁰ Zu dem drittem endsteet ein grausame^ou
hoffart und frevell/ das ein klein elend wurmelin/ ßo durstig³⁷¹
ist. Das dem aller hochsten konig seine ordenung min-
dert und bricht. Zu dem vierten endspreusset unglaub und
mißhoffenung/ dan der mensch muß forchten/ das er in kein
sicherheit kumpt/ wan er weiß/ das gott den wein nit der-
halben auffgericht hat/ das er vergebung der sunden/ ge-
wißlich erlangt. Der halben treiben ihn die wind und un-
gestumikeit/ wie Jacob saget .i. c.³⁷² das ist menschen sund und
tzweiffel/ und magk nicht erlangen. Dan der mensch darff
nit dencken das er was erlangen werd/ ßo er tzweiffelt. Ja-
cob .i^ov.³⁷³ Darein hatt uns der Bapst und seine anhenger
gefurt/ die sagen/ eß sey genug das einer das brot brauch^ow ßo
er dißes sacrament brauchen^ox wil/ und das bedeutnis des
weins im brot auch sey.³⁷⁴

xxxiii^oy. Alßo werden die figuren altes gesetz nit erfult^oz/ dan
eß ist nie kein sunde vergeben/ one bluth. heb. ix.³⁷⁵ War ists
das sie tirer^pa376 brachten/ wan die Juden irer sunden verge-
bung wolten bekumen^pb/ aber ire sund wurden nit/ sonder^pc
blut/ vergeben. Alßo solten wir betrachten wie das neu testa-
ment im bluth steht/ das doch der Bapst gehindert hat.

Nun solt ich vom brauch und mißbrauch der tzeichen/ der
Messe ertzelen und offenbar machen/ ßo ist diß buchlin be-
reit zu groß. derhalben wil ich disse materien in ein sonderlich
buchlin brengen/ das selbe nennen. Vom mißbrauch der tzeichen
des neue testaments.³⁷⁷ Eß solt auch angetzeigt werden/
der inhalt und begryff beider Ewangelien/ das ist/ beeder^pd
tzusagunghen/ dan alßo wurd bedeutnis der tzeichen/ ver-
nemlicher³⁷⁸ werden/ und der glaub mehr wachsen^pe.

F3^v Item von der Ewangelische Messe ist auch tzuschrei
ben.³⁷⁹ Disse buchlein seind allesampt den Christen von noten/
und wolt gott/ das wir alle/ den grund beider tzusag und
tzeichen/ hertzlich vernhemen/ one tzweiffell/ wir theten got
den aller annhemlichsten dinst.

Exempel oban getzeichter^pf reden wie du beydeEwangelien und tzeichen in deine^pghertz solst nhemen.³⁸⁰

Czu^ph letzten/ und am ende disses buchlins^pi/ will ich den
Christen ein exempell geben/ wie sie sich/ ahn^pj gottliche
wort und tzeichen sollen halten/ in iren noten/ und anfechten.
das also volgt.

Jacob der heilig patriarch. alß ehr wider anheim tzug/
forcht er/ seinen bruder Esau uber die massen sehr. Und
fing an tzu dencken/ und sagen. Got meines vaters Abra-
ham/ und got meines vatters Isaack. Her du hast gesagt.

Gehn umb in die erden und statt deiner geburd/ auff das
ich dir woll thun. Ich bin minder dan dein barmher-
tzigkeit und warheit/ welche du deinem knecht erfult hast etc.
Mach mich ledig/ von der hand meines bruders Esau.
dan ich forcht ihn sehr/ auff das er nit^pk kum/ und erschlag
die mutter mit den kindern. Du hast gesagt und geredt/
du wollest mir wol thun. Und meinen samen außbreiten^pl
alß das^pm sand des meres^pn. welchen nymand tzelhen kan. Ge'nesis' 32.³⁸¹

¶ Jacob begreufft gotis tzusag/ in angsten und forchten/
und spricht. O got du hast gesagt/ und geredt/ du wollest
mir wolthun/ und meinen samen außbreiten^po und gemeren.³⁸²

Disse tzusag ergreyff^ppJacob/ und erinnert got seiner ver-
heischung (welche got im^pq und seinen vettern versprochen
hett) und stellet sein hertz auff soliche gottliche tzusag.

Und saget. Die weil du mir vor gut gethan hast/ bitt ich
du wollest noch mehr woll thun. Ich bin minder und
weniger dan deine barmhertzigkeit und warheit.³⁸³ Jdoch
erloße mich von dem gewalt und grimmen meines Esau.
Dan du hast geredt du wollest mir ^pr woll thun^pr und meinen
samen außbreiten^ps.³⁸⁴ Alßo ßoll ein Christliches hertz/ in no-
F4^rten und unrhu/ todlicher forcht und angst/ gottliche tzu
sag ergreyffen/ und got mit seinem eigen wort^pt halten/ sagend.

Her du hast gesagt/ dastu deinen leib fur uns gegeben^pu/ und
du hast auch gered/ du wollest/ dein bluth in vergebung
unser sunden vergiessen. Das wort hab ich vor meinen
augen schwebend/ das halt ich in meinem hertzen. Wie woll
ich geringer bin dan alle deine verheischung. Jdoch hoff
ich in deinem wort. Ich weiß dastu warhafftig/ gutig/
almechtig bist und verlessest nymand/ dero^pv dich anruffet/
Sih do ist dein wort dem ich glaub. Sih/ ich handell
dein tzeichen/ ^pw dar in^pw ich lerne und gewiß bin/ dastu mich er-
loßen wilt. Alßo soll der mensch im wort endschlaffen
wie Jacob. Alßo solstu gewiß und sicher werden/ in den
tzeichen/ wie Gedeon ward/ und auffstehen im fried〈/^px〉 Jud'icum'
vi. und vii.³⁸⁵ Dan ab gleich sein tzeichen wunderbarlich
was/ und brot und wein^py naturlich und kunstlich/ dannest
machen naturliche^pz tzeichen nicht minder sicherheit/ dan
ubernaturliche^qa/ das^qb Levi. iiii.³⁸⁶ Gen. xv.³⁸⁷ Exo. 3.³⁸⁸ Alßo
ruht Salomon in gottlicher tzusag/ ßo got David ver-
sprochen hett. iii. Reg. viii.³⁸⁹