A1^vDem Christlichen heufflyn tzu Witten-
berg wunsch ich fried^g/ frolickeit/
unnd wolleben〈.〉 amen^h.
AndresⁱBodenstein. vonn
Carolstatt^j

Die weil ir/ aus gutter begird^k/ bewegt seyt/ das hoch-
wirdig sacrament tzu empfahen/ und Evangelische Messe¹
tzehalten^l geneigt/ wil ich euch ein kurtze vermanung^m/ form/
und weiß antzeigen/ wie irⁿ soliches sacrament empfahen
oder die Messe halten solt/ darnach die Evangelische^o
Messe ferner〈/〉^p wie ich angefangen hab²/ endecken und lernen.
Dan eure inbrunstige hitz/ und unmessige begird tzu der h'eiligen'^q
Messe/ dringet und treibt mich/ euch in fleiß und wollge-
fallen/ tzedienen^r. ßo ich das kont^s thun. Der lebendig got ge-
ruch^t3 sein gnad/ welche er euch reichlich gegeben/ alßo er-
halten und volstrecken^u. Amen〈.〉^v Datum tzu wittenberg am
Christag Anno^w xxi.⁴

i Welcher wissen und lernen will/ was ihn^x disses hoch-
wirdigen sacraments unwirdig macht/ der muß ach-
tung haben auff die historien/ geschicht/ und schriffte^y altes/
gesetzes^z/ und fleissig auff sehen/ was die Juden unwirdig
gemacht hat gotlicher tzusagunghen^aa/ unnd^ab darnach das
Neu testament kegen^ac dem alten verglichen/ gleich alß wan
einer die Sonne kegen den stern^ad des hiemels stellet^ae. Szo
wird^af er on tzeweiffell^ag mercken und einnhemen/ was/ ynen
unbegreufflich^ah macht disses sacraments. Dan solche un-
geschicklickeit^ai konden wir nindert lernen/ dan in gotlichen
gesetz/ wie Paulus sagt. Die sunde hab ich nit erkant/ dan^aj
durch das gesetz. Roma. 3.⁵ Du solst^ak tzu friden/ sicher^al/ und^am
gewiß sein/ das eitell^an luͤgen und funde⁶ sein/ wan dir einer
sagt. Das oder genes^ao macht dich gottlicher gnaden un-
vehig ader unwirdig/ wan^ap er dir nit^aq kan schrifft^ar tzeigen/
Derhalben spricht got das sie⁷ den leuthen erlogen vermale-
deihung predige^as. Osee iiii^at.⁸ und das sie die leuth mit luͤ-
gen erschrecken/ machen^au forcht/ do^av kein forcht verhanden
A2^r ist/ und betruͤben den gerechten da kein betrubtnis^aw ist.

Alß Etzechiell .c'apitel'^ax xiii. We euch Propheten/ ir faht^ay9 die
selen^az meines volcks von wegen eyner hand foll gersten.
und von wegen eines stucke^ba brots^bb/ auff das ir/ die selen todt/ die
doch nit sterben/ und macht die selen lebendig/ die doch nit le-
ben. Ir beliget mein volck/ welches den luͤgen glaubt. Ir
habt den gerechten/ mit luͤgen traurig gemacht/ den ich
nit hab betruͤbt. Darumb solt ir nit mer dreum^bc predigen/
und solche schnodickeit^bd sehen. Dan^be ich will mein volck
von euren henden nhemen^bf.¹⁰ Das^bg ist ßo vill gesagt. Die weil
ir/ Puben^bh/ die lebendige selen dorfft toden/ und den ge-
rechten mit lugen betruben/ den ich nit bedrubt hab/ der
wegen will ich euch mein schefflein aus euren rachen¹¹ und
henden nemen/ das sie euch nit mer sollen horen. Hiere^bi. xxiii.
Euer stuͤm sollen sie forchten und flihen. Ir solt sie nit mer
waiden und speißen. Etzechiel. xxxiiii.¹² Mein stuͤm sollen
sie horen. Wan ir¹³ sie erschreckt/ und saget. Wer nit fast/
der ißt^bj des sacraments unwirdig. Item. Welcher nit
wachet oder ^bk sich sonste^bk engstiget/ der ist nit geschickt tzu-
dießem^bl sacrament. Oder welcher nit beycht/ und seine
sund schmertzlich beweint der sol ^bmsich abhalten von die-
ßem Sacrament^bm etc.¹⁴ In der summ. Szo euch jemand
wil sagen/ das ^bnoder genes^bn macht dich ungeschickt und
unwirdig/ der sall dich das aus heil'iger'^bo schrifft lernen^bp/ dan^bq
ich speiße mein schefflein¹⁵ (spricht got Etzechiel 34) in
den bergen Israhel¹⁶/ und hab sie auß den tzenen falscher Pro-
pheten erloset¹⁷/ werden sie aber euren lugen/ gesicht/ dreumen^br
und schnottikeiten^bs18 nachvolgen^bt/ seind sie nicht meine sche-
fflin. Got schlecht soliche tolhe^bu schefflin mit unsinni-
keit und blindheit ires gemuͤtes^bv/ das sie ym mittag gre-
uffen/ wie ein blinder ym finsternis/ das^bw sie ire weeg nitt
mogen richten Deu. xxviii.¹⁹ Das ist. du magst nit thun/ was
recht ist/ wan^bx du gottis wort verleusest^by/ du^bz magst auch
nit deine weeg^ca bereiten^cb und richten/ drumb ists umb sunst
das eyner vil von ungeschicklikeit^cc dißes sacramentes wil^cd
sagen/ wen^ce er nit gottliche form und laher^cf vor augen hat.

A2^v Kurtzlich das Sacrament ist gottlich und hiemelisch^cg.
Derhalben kan/ fleisch/ blut/ und erden/ nicht von geschi-
cklickeit oder ungeschicklickeit^ch sagen. Daraus volgett/
das die muͤtterlein in^ci gottlich wort sehen sollen/ gleich
wie sie einen heimlichen spigell^cj sehen. i. Corin. xiii.²⁰ Und
sich dar ab^ck erkunden/ was^cl sie wirdig oder geschickt macht
tzu dießem Sacrament/ wiederumb was sie unwyrdig
und ungeschickt macht. Drumb wollen wir in die schri-
fft^cm sehen.

ii Dem nach wollen wir in die schrifft^cn sehen/ und mer-
cken was die Juden gottliches trosts unwirdig gemacht
hat. Und dar ab^co verstehn/ was den empffaher^cp disses^cq Sa-
craments unwirdig macht. Ich wil aber nit vil schriff-
ten^cr gebrauchen. Sonder eine ader²¹ tzwu/ nemlich disse^cs/
Welche von geschicht der Juden sagen/ als sie aus Aegip-
to^ct gefurth seind/ tzu dem verheischen^cu land.

Die schrifft^cv meldet/ wie die Juden in der wustnis/ Sinn^cw22
genant/ wandelten. do sie kein wasser hetten tzu drincken.
Der halben leinten sie sich auff/ wider yrenn Heuptman^cx
und fursten^cy Moysen/ sagend. Gieb uns wasser tzetrin-
cken. Das volck durstett sehr/ darumb sagten sie.
Hastu uns der halben^cz aus Aegipto^da gefurt/ dastu^db uns/
unsere Kinder/ und Vih^dc wilt durst sterben^dd? und erwurgen?²³

Also versuchten sie got. Aber der gutig got gab Moi-
si bevelh/ das ehr den felsch^de Oreb solt schlahen/ mit der
Ruthen/ mit welcher Moyses das mhere^df geschlagen hett.

Das thet Moyses/ und flueß wasser aus dem felsch^dg/ da
von das volck trincken mogt^dh. Exo. xvii.²⁴ Disse geschrey
der Juden kam auß unglauben und wider spennigkeit^di.

Derhalben spricht Moyses. Horend ir unglau-
bige/ und yhr wider peller²⁵? Konden wir nit aus dießem
felße wasser außbrengen?²⁶ Darnach schlug Moyses den
selben felße tzwirnett²⁷/ und flussen darab milde/ schone
wasser/ alßo das volck und vih^dj trancken. Nume.^dk xx.²⁸

Nhun merckt^dl gottis urteyl. Gott spricht tzu
A3^r Moysen und Aaron. Weil yhr mir nit geglaubt^dm habt
auff das yhr mich heylig macht/ vor den Kindern Isra-
hel. Drumb solt ihr das volck nit in daß erdtrich furen
welches ich euch gerett^dn hab.²⁹Sih^do wie got saget/ das
Moses^dp und Aaron nit gegleubt^dq haben/ das auch David
sagt psalmo cxl. sagend. Absorpti sunt iudices apud
petram³⁰/ hebreisch ists/ Die fursten oder obyrste^dr haben ym
glauben abgenumen bey dem felß/ do sie wasser aus dem
felß brengen wolten. waß saget aber got. Hor ehr
spricht. Ihr solt das volck nit in die erden furen wel-
ches ich jenen wil geben. Sih^ds das ist die ungeschickli-
keit^dt die sie gotlicher verheischung^du unwirdig macht/ Sih^dv
wie got spricht. Ir habt mich nit geheiliget vor den
kindern Ißrahel〈.〉³¹ Sih^dw wie alle unheilikeit/ alle unge-
schicklikeit auß dem unglauben endspreusset?

Sih^dx wie ein greulich sund ist unglauben?

Sih^dy wie der mensch an keiner hilff soll tzweiffeln/ wan^dz er
gotliche verheischung^ea horett? Sie^eb wie got Aaron ge-
strafft hatt.

iii Numeri am xx³² saget got tzu Mosen〈/〉 Laß Aaron
tzu seinem volck gehn/ dan^ec er wird nicht gehn in das la-
nd/ welches ich den kindern Ißrahel^ed geben hab.

Darumb das er meinem mund nit hat geglaubt^ee/ endkleite
Aaron/ dan er muß sterben etc. Alßo strafft got den
unglauben Aaron/ und wolt ynem^ef sein verheischung^eg
nicht halten. ¶ Mosen ließ der herr^eh auch abgehn/ und tzei-
get ym das verheischen^ei land/ auff dem berg Abarim³³ sa-
gendt. Sih^ej das land welches ych den kindern Ißrael
werd geben. Wan du das selbige gesehen hast/ sollstu^ek
ouch tzu deinem volck gehn/ wie Aaron/ Drumb das
ihr mich verletzt habt in der wustnis Sinn^el34. ym murmeln
des volckes/ und habt mich nit wellen heilig machen vor
dem volck.

A3^v iiii Nuhn kan meniglicher^em mit henden greuffen/ wie
ein greuliche sund der unglauben^en ist. dan^eo got acht den un-
glauben/ fur sein verletzung/ und spricht das der unglaubig〈/〉
got nit mog heilig achten und machen/ vor dem volck〈.〉
Sondern das ehr got uneer/ und ym seine eere^ep und redlikeit
verkurtzt und abhaubt^eq. das ist. das got sagt. Ir habt mich
nit vor dem volck heilig gemacht/ Ir habt mich beleydigt
und^er verletzt/ drumb soll mir^es keiner/ in das verheischen^et
land kumen. Got tett auch Moisen einen sunderlichen hon^eu35
do ehr ym das land tzeiget^ev/ und lies yn doch sterben〈.〉

v Das ist nit allein war von den heubtern^ew des volcks
gesagt/ das sie sich gotlicher verheischung^ex verlustig und
fellig gemacht haben/ von wegen des unglaubens/ son-
der^ey auch von dem gemeinen volck〈.〉^ez Wie wir. Nu〈.〉^fa am xiiii^fb36 lesen
und ich^fc neulich gepredigt hab.³⁷ wie sie nit wolten glauben
das/ das/ verheischen land lustig³⁸/ reich/ voller honigs und
milich waß.³⁹ Und das got tzu Moisi sagt. wie lang nach
redet mir das volck? Wie lang verkurtzet es mir mein glori-
en/ lob/ und eere? Wie lang glauben sie mir nit. in allen tzeich-
en? Ich wil sie mit pestellentzen schlahen^fd und vertzeren⁴⁰/
Drumb verschafft gott/ das die Juden .xl. jhar in der
wustung musten umbtzyhen/ auff das keyner lebendig
blieb/ und in das gelobt land mogt gehn/ dero uber .xx.
jhar alt war/ und gottlicher tzusag nit geglaubt hett.⁴¹
¶ Ich bitt euch habt achtung/ auff eingefurte^fe historien/
und vergesset ir beleib⁴² nit/ wie hoch gott/ den spott/ sch-
mach/ schympff/ und laster achtet/ das ym der unglau-
big beweist und tzufugt^ff. Gott spricht/ das die unglau-
bige ym nachreden/ verhauben^fg43 ym sein glorien und red-
lickeit/ und spricht offenlich/ das sie yhnn verletzen und
verwundten/ und machen ihn unheilig.

¶ Eyn jeder soll auch achtung haben/ das der unglaub/
vil tausent menschen/ ich dorst⁴⁴ schyr rathen ^fhmehr dan^fh et-
liche hundert tausent menner/ gottlicher tzusag^fi/ und trostes
unwirdig/ und unbegreufflich hatt gemacht und ertodt.

Alßo musten auch Aaron und Moyses sterben und ge-
A4^r niß oder frucht/ gottlicher verheischung^fj nit versuchen⁴⁵.

vi Kurtz umb eß ist alles verloren/ und hylfft keynen
menschen das er Evangelische reed horett/ oder gnedige
und^fk gunstige bottschafften vernimbt/ wan^fl er nit glau-
bet. Hebre. iiii.⁴⁶ Eß kan der mensch ouch in keinen fried^fm
und ruhe^fn kumen. alß geschrieben steht. Ich habs in ge-
schworen/ wu eyner in mein ruh^fo kumen wird⁴⁷/ drumb
wan eyner gottis wort horet/ soll^fp ehr sein hertz nit hertt^fq
machen/ das ist. Ehr sall nit unglaubig sein/ dan^fr der
unglaub macht unschicklickeit/ unwirdickeit/ ein hart^fs
hertz und erlangt gottis tzorn und grymmen.

vii Derhalben soll niemand dencken wie er sich dieses
sacraments wirdig und empffencklich konn^ft machenn/
durch Betten/ Fasten/ Beychten/ Casteyhen/ unnd der-
gleychen/ dan^fu ob du disse stuck alle sampte/ und aller weltt
reu und gut ubung hettest/ und mangelt dir der glaub/
ßo bistu disses Sacraments unwirdig/ und mit nicht da-
tzu geschickt.

viii Du darffest auch die sunde nit forchten^fv/ dan^fw Chri-
stus ist der halben kumenn/ das ehr sein volck/ von sey-
nen sund erlosen und rein wil machen. Matthei .i.⁴⁸ Chri-
stus beruffet^fx auch keine gerechten/ sonder allein die sunder
Matthei .ix.⁴⁹ Christus hatt ouch das sacrament allein
den sundern eingesetzt. Der halben sollen dich sunden
antzunnen^fy/ und treyben/ dastu tzu dießem Sacrament
lauffen thuest.

ix Ab du gleich nit hettest gebeycht/ solstu doch frolich
in gutter tzuversicht/ hoffnung/ und glauben tzugehn/
und disses Sacrament empffahen/ dan eß muß jhe war
sein/ das der glaub uns allein heilig und gerecht macht.

Das ist jhe war. Dein glaub hat dich selig gemacht.⁵⁰
Item. Dem dero glaubt seind alle dinng^fz muͤglich. Mar. ix.⁵¹

x Welcher wenig glaubt der erlangt wenig. Wel-
cher starck und vill glaubt/ der erwirbet vil. Alß Chri-
stus saget. Dir widerfar/ wie du glaubst/ und wie du
wilt. Matth. viii. und xv.⁵²

A4^v xi Sunde solstu nit scheuhen^ga/ den Moses spricht. Ir
solt euch nit forchten/ dan die Egyptiern^gb/ welche ir jtzo^gc
seht. werdet ir nit mehr sehen. Got der arbeit und kriget^gd fur
euch〈/〉 ir solt still stehn und schweigen Exo. xiiii.⁵³ Die sunde
wirdestu^ge nit mehr sehen und forchten wan du dißes sacra-
ment ym rechten glauben nimbst. Dan ob dich dein ge-
wiessen bedrengt^gf und beschuldigt/ ist doch got grosser und
mher^gg/ dan dein hertz/ und er weiß^gh alle ding i Joan. 3.⁵⁴

xii Steh frey und menlich^gi in deinem glauben/ forcht^gj
keine that und^gk mißhandelung/ got gibt allen/ ßo ien^gl/ ym
glauben/ anruffen/ und rucket keinem seine laster fur. Jacob .i.⁵⁵
Du darffest^gm nit dencken. Ich hab got offtmalß ertzornet^gn
ader⁵⁶ ich bin etliche^go mal von yme abgefallen/ drumb wurd
er mir sagen. Solt ich dir helffen? Solt ich dir gnedig
sein? Du hast das und das gethan/ wie die tzornige men-
schen tzeiten^gp tzu den reden/ die sie tzu tzorn bewegt haben.
Nein got ist gnedig/ guͤtig/ barmhertzig/ gedultig/ unnd
vergibt boßheiten. Jone^gq .4.⁵⁷ Und gedenckt ir nit mher
Esa. xliii^gr.⁵⁸ Und^gs verweißet keinen gleubigen seine schuld
und schalckheytt.

xiii Gedenck nur. dastu nit mit unglauben tzu gehst/ wan
du das sacrament wilt empfahen/ dan got wirt dir sagen〈.〉

Drumb dastu nit glaubt hast⁵⁹/ bistu meines trostes un-
wirdig/ und wirdest frucht und gedeyhen nit sehen^gt.

Mercke wie Christus saget. tzu^gu dem/ dero kein hochtzeitt^gv
kleit angelegt hett. Werffet ynen^gw/ in das^gx ausserst finsternis〈.〉⁶⁰
Du magst got in dißem sacrament keinen grossern hon^gy thun〈/〉^gz
du kanst ien nit hefftiger beleydigen/ und vorkleinen/ dan
wan du ym nit gleubest/ wie^ha oben angetzeit ist. ym 2. 3.
und iiii. und .v. artickeln.

xiiii Beschließlich. Christus spricht. welcher^hb inn Son
gottis gleubt/ der wirt nit verdampt/ welcher^hc aber nit
gleubt/ der ist bereit verdampt/ Drumb das ehr nit gleubt
hat in den namen deß eingeborn Son gottis. Joan .3.⁶¹

Disser glaub begreufft die wort Christi/ Alßo das der
Christglaubig mensch/ Christlichen worten und tzusa-
B1^r gunghen mit begreufft. Derhalben sagt er/ welcher mein
reed horet/ und glaubet dem/ dero mich gesand hatt/ der
hat das ewig leben und kumpt nit in verdamnis. Joan. v.⁶²
Der wegen sagt er. Welcher mein reed bewart/ der wirtt
den tod nit in ewigkeit sehen. Joan. viii.⁶³

xv Demnach steht geschicklikeit^hd und wirdigkeit/ in
dem glauben allein/ alßo das ich den jenen/ so das sacra-
ment wollen empffahen/ nicht anders magk sagen/ dan
das Moises sagt. Furcht euch nit. Steht/ ßo werdet ir
große wunderwerck gottis sehen. Exo. xiiii.⁶⁴ und Josa-
phat. ii. para'lipomenon'. xx.⁶⁵ Steht allein in guttem vertrauhen/ ßo
werdet^he ir sicher werden und gottliche hulff empffinden.

xvi Nhu^hf mogt einer sagen was soll ich in diesem sacra-
ment glauben? Und war auff soll ich stehn? Antwort.
Du solst den reden Christi glauben/ den tzweien^hg Evan-
gelien die Christus tzu seinen tysch gesellen gesagt hatt.
Nemlich disse^hh. Mein leib wirt fur euch gegeben.⁶⁶ unnd.
Mein bluth wirt fur euch in vergebung der sunden ver-
gossen⁶⁷. Das seind die tzwu tzusagunghen^hi/ welche du in
dein hertz solst nehmen/ und ynen glauben must. Dan der
mund des hern hatt sie geredt/ glaubest ynen nit/ ßo mu-
stu sterben/ und bist geystlich tod/ ehr^hj du brot und wein
des hern yssest/ gleich wie Aaron starb. drumb das er got-
lichen mund nit hett glauben geben. Nume. xx.⁶⁸ Welcher^hk
disse wort nit ym glauben ergreufft/ der ist disses sacra-
ments gantz unwirdig/ und schneidet Christo/ seine eere
ab/ er verletzt ihn/ und ^hlspot seiner^hl/ ßo er tzu seinem tusch si-
tzet. Und gedencket des hern/ wie seiner die Juden und Ju-
das Iscariota gedacht haben/ nit wie die Junger.

xvii Derhalben solt yr gewar nhemen/ wie^hm Christus
tzu euch spricht/ und^hn was er euch saget. Kurtzlich disse
tzusag. Mein leib wirt fur euch tzerbrochen⁶⁹ oder geben/
verheischet^ho allen menschen einen unschedlichen tod/ und
frolich auff erstehung.

B1^v Dan Christus ist derhalben fur unß gestorben/ auff das
er den tod/ erwurget/ alß geschriben steht. O tod ich
werd dein tod werden. ich wil dich tod beissen und schlahen.
Osee. 13.⁷⁰ Christus macht unß gewiß das unß kein tod
tzu verdamnis wird furen/ wan wir mogen gleuben/ das
er unßern tod ertodt hatt. Alßo wird der tod ein pfordt^hp
und weg tzu einem bessern leben⁷¹/ und furet uns nit tzu
der helle^hq ader⁷² verdamnis/ sunder tzu dem leben. Welcher
nu das weiß^hr/ dem wirt der tod ßuͤß und lustig⁷³/ annem-
lich und lieplich. welcher im doch vor bitter und greulich
war/ Disse frucht empfehestu^hs auß disser tzusag. Mein leip
wirt fur euch gegeben.⁷⁴ Du erlangest auch gewisse hoffe-
nung/ frolicher aufferstehung/ da^ht Christus sagt. Das sein
leip fur uns gegeben ist. Christus todet unßern tod mitt
seinem tod/ und brengt uns das^hu auffstehen/ mit seiner
aufferstehung⁷⁵/ gleich wie wir mit Christo begraben seind
und seines todes teilhafftig geworden^hv/ Alßo sein wir
mit ym aufferstanden/ in gewißer hoffenung/ und werden
ouch gewißlich auffstehn. Das hat uns Christus ange-
tzeigt. Joan. vi. sagend. Welcher in mich glaubt Der
hat das ewig leben/ und ich werd inen ^hwauff erwecken ym^hw
jungsten tag.⁷⁶ Item welcher^hx mein fleisch isset/ und mein
blut trincket der hat das ewig leben.⁷⁷ Dyß/ und andere selig-
barliche fruchten sollen wir in dißer tzusag Christi schopf-
en/ alß erfullung des gesetz/ und teglich tragen des^hy creutz
Christi.⁷⁸ In der sum〈/〉 Allerley^hz woltatt .etc. Die ich jtzt
nit kan ertzelen.

xviii Das tzeichen brot wircket nicht anderß/ dan^ia ge-
wißheit und sicherheit gemelter tzusag/ alßo das der mensch
in dem brot gewiß und sicher soll sein/ das ym got/ alles^ib
das gnediglich wil geben/ das er verheischen^ic hat〈/〉 Du solst
dencken/ nun bin ich gewiß und sicher/ das mir Christus
gesagt hat/ mein leip ist fur dich gegeben⁷⁹/ und bin gewiß
das mir der tod nit schatet^id80/ sunder tzu besserm und gewun-
stem⁸¹ leben furet/ Item ich bin des tzukunfftige lebens ßo
gewiß und begirig/ das ich vor begirlikeit^ie den tod nit acht〈.〉

B2^r Mir ist gleich alß einem der ein grossen schatz/ durch ey-
nen harten^if felß siht. dero vor grossen freuden^ig/ sein arbeit und
muͤhe nit fulet^ih/ da durch er den felß tzerspilt⁸². Ich waiß
das ich tzu dem ewigen leben kumen werd/ durch den tod/ war-
umb solt ich mich dan vor der bitterkeit des tods⁸³ forchten?
warumb solt ich nit trostlich mit im kempffen? warumb
solt ich ynenⁱⁱ nit gern versuchen?

xix Das brot genossen macht dich ouch gewiß. Dastu/
durch Christum. dem tzorn und vermaledeyhung des gesetz kanst
endweichen. Dieweil Christus fur alle gleubige ein verma-
ledeyhung ist geworden gala. 3.^ij84 Du must dencken unnd
sprechen. Ich waiß/ das ich in Christo gebenedeyhett
bin/ unnd das mich das gesetz nitt mher magk todenn^ik〈/〉
Dan Christus macht mich aller seiner gerechtikeit/ unnd
erfullung des gesetz/ teylhafftig.

xx Alßo furt^il soll ich gewiß sein/ das mir der schaden
des Creutz nicht schaden wirt/ dan Christus steht for mir
und tregt gleich das Creutz/ das er mir geben und auff
gelegt hat.⁸⁵ In der summ. Ich muß sicher sein/ das mir
kein teuffel/ kein hell/ kein boßheit schaden wirtt.

xxi Ob dir einfiel/ got strafft in gerechtigkeit/ und/ in
das vird geschlegt.⁸⁶ Solstu^im widerum denckenⁱⁿ/ got wil vil
mer das leben/ den^io den tod des menschen/ Laß dir tzu^ip hertzen
gehn. Das Jonas gotis barmhertzikeit/ ßo sehr forcht/
das er der statt Ninive/ yr verderben nit wolt vorkundigen^iq.
sagend. Ich wyst^ir dastu ein gutiger/ barmhertziger/ und
gedultiger got bist/ und vergibst bosßheiten. Drumb bin
ich geflogen⁸⁷ unnd hab dein traywort^is88nit wollen verkun-
digen. Jone .4.⁸⁹

xxii Das Evangelium (welchem das drinck vaß⁹⁰ oder
kelch^it tzugeeignet ist) bringt dir vergebung der sunden/ ßo
du gleubest. Dan^iu Christus spricht/ Mein bluth wird
fur ouch^iv vergossen in vergebung der sunden⁹¹/ Disse reed
reiniget jeden/ dero sie gleubt/ dan der glaub macht allein^iw
gotis wort den jenen nutz/ die gotliche promission⁹² im glau-
ben annhemen. Hebre. iiii.⁹³ Wan du gotis trostliche
B2^v tzusagung mit glauben ein nymbst/ wirdestu reyn und
sauber^ix/ alß Christus betzeugt sprechend. Ihr seyt jtzt rein
von wegen des sermon/ ßo ich euch gesagt hab. Joan. xv.⁹⁴

Gottis wort reiniget und heiliget alle/ die eß ym glau-
ben empffahen. Drumb spricht Christus. O vater.
mache sie heilig durch deine warheit.⁹⁵Sih^iy wie Chri-
stus seinen vater flehet^iz/ und bittet/ das ehr seine Junger
woll heilig machen durch seine warheit. Und antwort
dem hertzen/ das fragen mocht. Was ist die warheit?^ja
sagend. Dein reed oder wort ist die warheit/ die heilig
macht. Nuhn hore was Christus volgend saget.

Ich mache mich selber fur^jb sie heilig/ auff das sie auch
geheiligt werden durch die warheit.⁹⁶ Hiemerck^jc die grunt-
lose frolickkeit^jd/ welche Christus seinen Jungern verkun-
diget. Was mocht ein Junger Christi trostlicher horen.
dan das Christus spricht? Ich mach mich selber heilig von
meiner Junger wegen. Dan er spricht hie mit dießen wor-
ten heimlich/ das er Joa. 3 und sunste offenlich sagt.
Eyn jeder/ dero in mich gleubt der wirt selig.⁹⁷ ab⁹⁸ er wolt
sagen. Du bedarffest keiner arbeit und muhe/ dir ist auff
erdtrich nicht^je von noten/ dan das du mich ansihst und
glaubest/ das ich/ von meinem vatter geschickt bin/ diße
welt selig tzu machen. Sih^jf wie dich^jg Christus seiner se-
ligkeit teylhafftig macht/ ßo du glaubest. Sih^jh wie ehr
dich/ durch sein verheischung^ji heiliget und reiniget. Sih^jj
noch mehr/ das Christus vor dir steht/ und endhebt dich
aller deiner arbeit/ und nymbt allen tzweyffell von dir/
dastu je gewißlich ßolst wissen/ das ehr dich durch seyne
wort selig macht. Nuhn^jk muß gott je sund vergeben/
ßo er heilig macht/ als geschriben. Selig seind die/ den^jl
yre sunde vergeben seind.⁹⁹ Welcher^jm nhun^jn gottlicher war-
heit und gnad verkundigung^jo glaubt/ der ist heilig/ und
ist unmuͤglich/ das ym Christus nit sage. Sthe auff/
dein glaub hatt dich selig gemacht. Sthe auff/ deine
sunde seind dir vergeben.¹⁰⁰ Welcher^jp aber dem wort nitt
B3^r glaubt/ der verletzt got/ der macht yhn unheilig/ der
verspott seyn wort/ und ist das Schwein/ das das Berlin¹⁰¹
unther die fueß dritt¹⁰²/ und der Hund dero wider gottlich
reed pillet¹⁰³/ und felt mit tzenen an den verkundigern^jq.

Alhie sag mir/ du. ßo du sprichst. Solt oder dorfft ich
ungebeicht den kelch und sein verheischung^jr drincken/ ßo
ging ich frevelich und seuhisch^js tzu dißem sacrament.

Antwort. Gemach liber gesell. Ich frag dich ab Chri-
stus warhafftig spricht. Nembt hyn und trincket. das
drinck vaß/ ist das neu testament/ in meinem blut/ das vor-
gossen wird/ fur euch und vil/ in vergebung der sunden.¹⁰⁴
Item/ ap Christus recht spricht. Mache sie heilig durch
dein wort.¹⁰⁵ Glaubestu das Christus disse reed recht und
warhafftiglich gesagt hat. Szo mustu je glauben/ das
ehr die sunde vergibt/ ßo du seine wort fassest/ den^jt ehr den^ju
kelch tzu hat gegeben^jv. Furt^jw/ wiltu vergebung der sun-
den tzuvor yn der beicht erlangen. Waß wiltu dan^jx mit
dem sacrament thuen?^jy Furt^jz. Wan du vergebung
der sunden/ vor wilt haben eher du das sacrament empffest^ka
und darnach deß sacrament gebrauchen^kb. Szo mustu je
den worten Christi keinen glauben geben. Unnd wehr^kc
dir nuͤtzer du thrunckest ein Schwein suͤden^kd/ dan^ke dastu
des hernn kelch trinckest. oder wehr dir nutzer du eessest
eyn eselß feygen¹⁰⁶dan dastu das brot Christi yssest.

Furt^kf. Wan eyner den worthen Christi nit glaubt/ ßo
ist ehr gleich das Schwein/ welches das edell steinlin
^kgyhn katt^kg oder mysten dritt.¹⁰⁷ Furtt^kh. Ap gleich verge-
bung heimlicher sunden/ in dem^ki oren beichten ehrlangt
wurt (das ich nit glaub¹⁰⁸) mustu jhe sunde mit dir tragen
welche dir das sacrament abnhemen mogt.

Dan die verheischung^kj deut auff vergebung der sunden/
die dyß wort nit kan vergeben wan sund nit sein.

Furt^kk. Disse wort/ Alles das yhr pindet^kl/ soll gepun-
den seynn.

B3^v Alles das ir loßet/ soll gelost werden¹⁰⁹/ gehoren auff offenliche^km
sunde/ Und ap sie gleich andere sund begriffen/ kanstu ye^kn
mir kein gewißer wort/ der absolution^ko furlegen/ dan diße
seind/ ßo ob¹¹⁰ vom kelch gemelt seind. Du kanst auch keine
hertzlicher und deurere¹¹¹ wort antzeigen/ dan wort des kelchs.
Ursach〈/〉 Christus hat sye alß sein testament hinder sich^kp ge-
lassen/ und sie uns bevolhen/ als seinen letzten willen/ und
uns furgesagt/ vor seinem bittern leiden/ Diße stuck mustu
allesampt klein achten/ oder nit glauben/ wan du^kq verge-
bung der sunden/ nit darffest oder wilt suchen in dem evan-
gelio^kr des kelches. Kurztlich ich wolt eynem rathen
das er fest vor dyßem sacrament fliehen ßoll/ ßo er nitt
glauben kan/ das er durchs sacrament des kelches/ nit
kan ader¹¹² wil/ vergebung der sunden bekummen. Dan^ks got
sprich alßo tzu Mosen. Drumb das Aaron meinem mund
nit hat gegleubt^kt wirt er nit eingehn in die erden/ welche
ich den kindern Ißrahel geben hab. Numeri〈.〉 xx.¹¹³ Damit
lernet uns got/ das eyner in dem nun.¹¹⁴ und ougen blicken^ku/ seiner
tzusag unwirdig wird/ do er anfeht^kv/ an gotlicher tzusag
tzetzweyffeln^kw. Got wil gleich sagen/ Weil du nit glau-
best/ das ich tzu dir red/ und sag/ derhalben solstu^kx meynes
trost verlustig sein. Ja du must auch gestrafft werden/
wie Aaron sterben must. Eß ist je ein jemerlich und
greulich dingk/ das ich eynem pfaffen gleube^ky/ ßo er mich
absolviert/ und kan im nit glauben/ ßo er das wort Christi
in seiner art/ form/ und weiß spricht/ wie das Christus/ tzu
vergebung der sunden spricht/. Eß ist nichts dan des
Teuffelß spilh und Endchristis laher^kz das mir das wortt
des kelches nit ßo vil gelten soll/ alß eyn erdicht form¹¹⁵ eyn-
nes elenden pfaffen. Angesehen das sie¹¹⁶ allein form yrer
macht von Christo verhort¹¹⁷/ Welche alßo laudet. Waß
yr pindet/ das ist gepunden. Waß yr abloßet^la/ das ist ge-
loset.¹¹⁸ Daß ist ein form und wort〈/〉^lb der macht das sie¹¹⁹/ und^lc
leyhen/ mogen und kuͤnden absolviren und pinden.

Aber gern wolt ich sehen oder horen/ das sie mir form und
wort/ yrer absolution tzeigten.

B4^r Ich weiß wol welch form und wort paulus^ld gehalten hat
in außwerffung und absunderung des offenbare sonders^le120 den
er dem teuffel gab zu verderbtnis seinis fleisch .i. Co. v.¹²¹ Pau-
lus hat ouch sein form und wort von Christo genumen〈/〉
das wir Mat. xviii.¹²² geschriben haben. Dar auß vol-
get das kein pfaff/ on einen Christlichen hauffen/ kan bin-
den/ dan^lf Paulus spricht. Congregatis vobis et^lg spiritu
meo. i. Co. v.¹²³ und Christus sagt. Dic ecclesie. Si non
audierit ecclesiam etc.¹²⁴ volget. Alles das ir pindet oder loßen
werdet/ das ist gepunden^lh oder erlost. Matt.^li xviii¹²⁵〈.〉

Szo^lj hat Christus petro^lk die schluͤssel geben/ alß er fur den
gantzen hauffen antwurt¹²⁶. Matt. xv〈i〉^ll.

xxiii Nu ob ich gleich gestuͤhn^lm. Das die heymliche
beicht/ gotlich und gut wer/ Mustu mir doch auch beken-
nen/ das die wort des kelches/ sunden auch vergeben/ und
das eyner nit minder vergebung der sunden erlangt im kelch.
dan^ln in der beicht. Weil dem alßo/ acht ich/ das die jene
so ire augen auff die beicht keren. das sie dißen worten des kelchs
ßo wenig vertrauhen/ ßo vil sie der beicht getrauhen/ und
alß vil sie an der beicht kleben/ ßo vil seind sie von dießem
sacrament frombd^lo. Dan yr beicht thund sie darumb das
sie vergebung der sunden nit in^lp empfahung des sacramen-
tes suchen/ das ist ferlich und schedlich/ wie wol das die
fleischliche menschen nit kunden begreuffen. Dan ir got
ist der Bapst den forchten sie/ dem volgen sie. Wan^lq aber
der heer^lr/ ir got wer/ und wan^ls sie got furchten/ und nach-
volgten/ wer yn^lt das evangelium des dranckes/ ein suͤß/
liplich/ frundlich^lu/ und lebendig wort. Die Aposteln
seind sunder gewest wie wir und haben nit gebeicht.

xxiiii Ich solt auffhoren^lv/ ßo muß ich von noten^lw ferner^lx
antzeigen/ das uns gotis wort/ ym glauben angenhomen^ly
reiniget/ Christus spricht alß〈o〉. Ir seit rein/ von wegen
des sermon/ den^lz ich euch gesagt hab. Joa.^ma xv.¹²⁷ Das
wort gots ist rein/ drumb muß eß den^mb rein machen/ in dem
eß begreufft/ ja das wort gotis gebirt und macht neue^mc
Jacob .1. Er hat uns geborn ym wort seiner warheitt
B4^v auff das wir anfeng^md seiner geistlichen creaturen.¹²⁸ Sih^me da
wie uns gott/ in seinem wort gebirt und macht uns ein
geistlich creatur. Das sagt auch Petrus .i. c'apitel' i. Wir seind
aus einem unsterblichem samen/ durch die reed des leben-
digen gotis geborn.¹²⁹

xxv Welcher aber hartes^mf hertzes ist/ das ist/ der un-
glaubig ist/ der hutte^mg sich vor disem sacrament/ dan^mh ehr
sucht Christum wie Judas/ der den herren verrit/ unnd
die Juden/ die Christum wolten fahen¹³⁰/ unnd filehn^mi tzur
erden/ wan ynen Christus sagt. Ich bin Jesus Nazarenus den^mj
ir sucht¹³¹/ dan (gott behuͤtt^mk uns) wan wir dem wort Chri-
sti nit glauben/ das eß in uns wircket/ das eß verkundigt.
Drumb spricht Joan. viii. Ihr sucht mich tzu toden.
drumb kan mein wort kein statt in euch haben¹³²/
Den^ml text und andere/ wil ich mit der tzeiht
erkleren.¹³³ Der fried sey ^mmmit euch amen.^mm

^mnGedruckt tzu Wittenberg Nickell Schyr-
lentzssss im Jar M.D. xxii. ^mn