A1^v1

A2^r Dem Erwirdigen und Achtparem hern Nicolao De-
muth^a Probst und Archidiacon des neuen wercks zu-
Hall² meynem geliebtem gebieder und furderer^b. Wunsch^c
ich Andres^dCarolstat D'octor'^e gesuntheit unnd wollebenn
durch Christum Amen.

¶ Eremwirdiger^f/ groszgunstiger her/ Nach dem
etzliche abdrunnige^g vonn dem glaubenn/ nit unter-
lassen/ die trostliche und Evangelische leer zuhindern/
und machen/ das sich die ^h klein glaubige^h/ vor Christo
forchten³/ dero yhnen/ zu gut/ erlosung/ und hulff/ ge-
kummenⁱ ist. Sunderlich das die kranckenn/ yhren artzt⁴
und ertzney meyden und flihen. Derwegen hab ich ^jkur-
tze antzeig^j hiemit thuen^k wollen/ das sich keyner von em-
pfahung des fleisch und bluet^l Christi sol enthalten sey-
ner sund halben/ und durch^m heylig schrifft deuten wol-
len/ das die/ so sunder seynt/ von wegen yhrer sundenⁿ/
den hern frolich/ wie Zacheus/ in yhre arme und hauzs
nehmen sollen.⁵ Unnd das yhnen der spruch Centurio-
nis nicht entgegen sey/ welchen die kirch gebraucht/ nem-
lich. Her ich bin nit wirdig/ dastu in meyn hausz geest.⁶
Dem doch Christus antwort. Ich hab keynen^o grossern
glauben in Israhel gefunden.⁷ Dan durch solche^p wort
hat Christus den Centurionem nit gelobt/ das er sich
seiner gegenwertickeit unwirdig schatzt^q/ szonder allein
das er glaubet^r/ Christus mocht yhm/ abwesende hel-
ffen. Also hat Centurio Christum geystlich umbgrieffen⁸
und empfangen^s/ wie yhn Zacheus geystlich und leyp-
lich annham. Zu dem Christus saget. Heut ist diessem
Luce. xixhausz seligkeit gemacht/ dan er ist ein son Abrahae⁹/ das
ist/ ein glaubiger/ Centurio hat das groste/ auff das
Luce. vij.wort gesetzt/ Zacheus hat das zeychen in dem wort umb-
fangen. welches wort?^t Heut muesz ich in deynem hausz
A2^v bleyben¹⁰/ Alszo bleyb Christus auch mit Centurione/
dan er machet yhm seinen diener gesunt.¹¹ Kurtzlich/ sie
haben Christum beyde in dem wort empfangen. unnd
ist wunder/ warumb man den jhenen/ szo zu dem sa-
crament gehen^u/ nit fursaget/ sprich^v/ Ich nehm den hern
frolich. wie Zacheus thet/ dan das wort Centurionis
Non sum dignus etc.¹² hat Christus noch¹³ nit gelobt/ wie
er Zacheum lobet. Ich weisz nit was die lerer¹⁴/ mehr zu
dissem wort Centurionis beweget hat. Her ich bin nit
wirdig/ dastu^w unter mein dach^x gehest^y.¹⁵ Dann Zacheus
hat seine sunde/ gebrechen und ungeschicklickeit^z nichts
minder bekent/ dan Centurio/ dero den hern ym geyst
auch angenummen hat. Nach diessem/ hab ich wollen be-
richt thuen/ das/ zeychen in den sacramenten weniger/ und
von wegen der zusagung sein/ Das auch niemants/ dan
ein sunder/ das sacrament des brotes empfae^aa. Item das
jeglicher wissen kan/ ap^ab er solch sacrament wirdiglich
nhem/ Das hab ich euren Erenwierden/ mein dinstper-
keit damit zu weiszenn^ac/ zugeschriebenn/ euer gunst di-
enstliches fleisz hochlich bitend^ad/ E'uer' E'renwierden' wollen hiemit/
biszlang^ae das ander buchlin getruckt wurd/ gedueld^af ha-
ben.¹⁶ Dan^ag E'uer' E'rwürden' und allen euren geliebten zu dienen/
unnd szunderlich hern ^ahAndres Czeitlasz^ah vonn Carol-
stat¹⁷/ eurem^ai Kemerer¹⁸ zu Wilfharen^aj/ bin ich alletzeit/
gutwillig bereit/ Dat. wittenberg^ak. Johannis Bap-
tistae. ^al Im .xxi. Jar.^al

¶ Damit disse red dester leichter und vernhemlicher^am
werd/ wil ich zwue frag thun. Orstlich/ ap sich die sun-
der/ gethaner missetat und sundhalben/ sollen von dem
hochwirdigen sacrament enthalten unnd sich abtzie-
hen. Fur den andern teyl/ frag ich/ nach dem in diessem
A3^rsacrament zwey ding syndt/ die es volmachenn/ nem-
lich/ das zeychen/ unnd gotlich zusag/ welches ist das
hochste/ und dar an sich der mensch allermeynst sol hal-
ten? ap das fleisch und blut Christi mehr sey/ aber^an got-
liche vorheyschung^ao/ die dem zeychen angeheffet ist.

Fur das erst stueck/ beschliessen etzliche/ das sich der
mensch/ sundhalben/ von empfahung des hochwirdi-
gen sacraments/ sol abhalten. Und fuessen auff einem
scheyn der schrifften/ Nemlich/ das sie lesenn/ Unszere
sunde teilen uns von got¹⁹/ Teylen sunde vonn got? szo
musz sich einer〈/〉 getaner schuld halben/ des sacraments
enthalten/ dan ehr sol das meyden/ davon er abgeteylt
ist.

Item/ Got spricht zu dem sunder/ warumb niemest
Psal.xlixdu mein testament in deynen mund?²⁰ darff ein sunder
gebot unnd testament gottis/ nicht nehmen in seinenn
mund/ wie solt yhm erlaubt sein/ das fleisch Christi in
seinen mundt zunehmenn? Missehagetzt^ap got/ das ein
szunder/ gotlich wort/ in mundt setzt? vil weniger ge-
stat ehr/ das ein sunder sein fleisch esse. Dartzu laudtet
Esa.i.Esaias/ durch welchen got alszo redet/ Wan yhr eure
hende auffhebend zu mir/ szo wil ich meine augen ab-
kerenn/ unnd wan ihr mich anbetet/ szo wil ich nit ho-
ren.²¹ Vil weniger wurt ehr seine gnad/ zu dem szunder
habenn/ szo ehr das hochwirdig Sacrament brau-
chet/ denn ehr zu denen hat/ die yhnn mit henden unnd
wortten anrueffenn. Dartzu fuerenn sie²² denn spruch
i.Cor. xii.Pauli/ dero saget/ welcher das brot isset/ unnd vonn
dem tranck unwirdiglich trincket/ der wurt des to-
des Christi schuldig.²³ Nun saget Paulus zuvor/ von
den sundern/ szo spennig waren/ und hetten keynen un-
terscheyd und urteil/ des leybes Christi/ wan sie/ das
A3^v fleisch Christi unwirdig^aq essen/ das sie des bluets unnd
todes Christi gleich schuldig wurden/ wie die heyden
und Juden/ so Christum erwurgten. Mit dieszen schri-
fften²⁴ schrecken sie die sunder vonn gebrauch/ des sacra-
ments/ und gemeinschafft der heyligen. Ja sie sagenn/
heymlich²⁵/ wie Christus/ zu den sundern/ durff einkeren
und machen ausz unserm erloszer/ einen vorderber/ ausz
Christo/ der allen sundern zu frolickeit geboren/ einen er-
schrecklichen mann/ Hierumb will ich diessen beschlusz
setzen.

Sunde/ szo einer gethan hat/ szollen den menschenn
nit abtzihen von der emphahung des hochwirdigen sa-
craments/ sunder viel mehr treyben und antzunden^ar/ das
er bald und schwind lauff zu dem hochwirdigen sacrament.

Math. ix.Ursach/ Christus spricht/ Ich bin nit kommenn/ die
gerechten zuberuffen/ szonder die sunder.²⁶ Hiemit horen
wir clar/ das Christus/ von wegen der sunder gekummen
ist/ yhre sunde und ungeschicklickeit abtzunemen/ War-
umb solt er sagen/ Ich bin nit kummen/ die gerechten zu-
ruffen/ wan er den fruemen geborn ist? Und wan Chri-
stus wolt/ das wir yhnen/ sund halben flihen soltenn/
warumb spricht er/ Ich bin kummen die sunder zuruffen?
Wann er uns ruffet/ so sollen wir kummen. Nun horestu/
das er die sunder ruffet/ und ist derwegen gekommen/
Mat.xv.auff das er die irrende/ und verloren schaff²⁷/ zu sich hey-
schen und ruffen wollt/ Ist dem also/ so solten die schaff
den hirtten/ nit von wegen yhres vorlust und irren/ fliehen.

Item wan du dich deiner sund halben solst vor dem
hochwirdigen sacrament forchten und scheuen/ was
Luce. xv.hette Christus gesagt/ szo er spricht/ Der hiert vorlesset
xcix.^as gerechten schaff/ und suchet das eynig yrrig schaff?²⁸
Luce. xv.Was dinet uns auch die historien von dem verloren
pfennig?²⁹ Ich sage dir flihe Christum nit sund halben/
A4^r dero darumb gekummen/ und dich suchet/ das er dich von
sunden empienden und erloeszen will.

Math. i.Sein namen heysset darumb Jesus/ das er geborn
ist/ sein volck von yhren sunden heylig zumachen.³⁰

Bedenck ein jeglicher der wort Christi/ die er zu den
Math. ix.heyligfressern³¹ gesagt hat/ sprechende. Die gesundten be-
Luce. v.durffen keynis artztes/ sunder die krancken und schwa-
chen.³² Diesse wort antwort Christus/ als die phariseyr
und schrifftgelarten (welche in grossen/ loblichen/ und
scheynlichen^at wercken giengen/ wie jtzt Monchen und
pfaffen und andere kirche dreter³³ gehen)/ fragten. War-
umb essent und trincken yhr mit den sundern? Darauff
antwort Christus. Die gesundten bedurffen keines artz-
tes. und setzet clare ursachen/ warumb er gekummen/ sa-
gende. Ich bin nit kummen/ zuruffen die gerechten/ son-
der allein die sunder³⁴ zu der buesz. Mit dieszen worten
vergleichet Christus die sunder den krancken/ dan was
kranckheit ym leyb wircket/ das thuen sunde in dem geist.
Psal. xl.Derhalben spricht David/ Her mach mein Seel gesunt
dan ich hab dir gesundiget.³⁵ Nun weysz jdermenniglich
das die gesundten keines artztes begerenn/ sie suchenn
auch keinen/ das er sie gesunt mach. Aber die krancken
szo ^auyhre suechten und kranckheyten^au mercken/ die bege-
ren des artztes/ und schauen^av sich gar nicht vor dem
artzte yhrer gebrechen halben/ Ja wie^aw herter sie yhre kran-
ckheit fuelen^ax/ jhe schneller und empsiger sie zu dem artzt
flihen/ und betrachten nichts/ dan des artztes hulff/
und eygen kranckheit. Alszo ist es mit den sundern/ sie
sollen sich nit forchten vor Christo/ weil Christus der-
halbenn kommen ist/ das ehr sunder wil ruffenn/ an sich
tziehen/ sie gesunt zumachen/ Je mehr und je greulicher
einer sunde hat/ Je schwinder und hitziger einer zu Chri-
sto sol lauffen und eylen. Hastu gesundet/ du bedarffest
A4^v nicht^ay auff erdtrich mehr/ dan dastu deine kranckheit
und sunden erkendest/ und befindest bey dir/ dastu dey-
nes hern Jesu bedurffest/ und glaub/ das ehr dir/ deine
sunde vorgeben kan und wiel/ so bistu wirdig der hulff
Christi/ Dan jhene szo mit gutten wercken anfahen zu-
lauffen/ die horen/ das die gesundten bedurffen keynes
artztes. Item/ Ich bin nit kummen die gerechten zefodern etc.³⁶

Lasz das deinen ewigen trost sein/ das Christus ge-
sagt hat/ Die krancken bedurffen des artztes.³⁷ Bekenne
deine kranckheit/ szo hastu Christum vor dir/ als einen
artzt/ stehend dir zuhelffen.

Derhalben^az sag ich/ es solt sich keyner vor dem hoch-
wirdigen sacrament enthalten/ so ehr offenbarlich oder
heymlich gesundet/ grosse oder cleine sund/ laster unnd
schand gethan het.

Dan ap gleich die taet fruesch/ grosz und^ba lesterlich ist/
dannest^bb soltu Christum nit forchten/ szo du dein kran-
Mat. xxj.^bcckheit merckest. Die weil Christus spricht/ Huren und
offenbare sunder werden euch zu dem reich gotis/ vorgen.³⁸

Stehe fest darauff/ das Christus den^bd kummen ist/ die
von sunden kranck seynt/ sie gesunt zumachen/ lasz dich
nicht hindern/ glaub das/ unnd fuel deine sunde/ und
kum frolich/ fruesch und an³⁹ zweiffel.

Ich sag noch mer/ ap gleich einer mercket/ das yhm
sein sunde nit fast leyd/ und wolte sie doch gern gelassen^be
und bereuhen/ szo sol er trostlich zu diessem sacrament
kummen. Alszo horestu/ das viel sunde sollen dich seher^bf
antzunden/ zu empfahung diesses sacraments/ und sol-
len dich zutreyben/ nit abhalten. Derwegen sagete Chri-
Luce. vij.stus/ von Maria magdalena. Yhr sein viel sunden ver-
geben/ das sie den artzte^bg vil geliebet⁴⁰/ Und saget/ welchem
wenig zuvorgebenn^bh ist/ der liebet wenig. Das ist/ das
Roma.v.Paulus spricht^bi/ Do die sunde ubirgeflossen/ do ist die
B1^r gnad heuffig und uberfluessig gewest.⁴¹

Das sag ich nit/ das man auff die gutheit gottis sol
sundigen/ wie die ^bj listig gleyszner^bj pflegen zu arguiren/ szo
man gnad gottis prediget.⁴² Nein/ Ich sag/ szo du gesun-
diget hast/ solstu dein kranckheit befinden/ und in gutem
trost/ an⁴³ forcht/ zu Christo fliehen/ und gar nicht zwey-
ffel/ das dir deine sunde vergeben werden/ Das hat dich
i. Timo. iPaulus gelert/ sagende/ Disse ist ein^bk getreue rede/ wil-
che wir in aller weisz annehmen sollen/ das Christus
in diesse welt kummen ist/ sunder heilig zumachenn.⁴⁴ Ist
das eine gedreu reed/ szo musz sie auch gewisz sein unnd
wahrhafftig und niemants betriegen/ szo soltestu auch
Christo/ wie ein sunder/ begegnen/ und yhn nit flihen/
weyl er von deyner sund wegen/ dir entgegen gaht/ halt
dich an sein wort/ und breng deine sund mit dir frolich
Canti. ij.zu dem hern. Derwegen stehet geschrieben/ mein tau-
ben ist in den holern odder lochern des fels.⁴⁵ der fels ist
Christus/ die locher oder hohler/ seint seine tieffe wun-
den/ die er von wegen unser sund empfangen hat⁴⁶/ zu den sel-
Psal. c.iijbigen holern flihen die sunder/ Als der psalm spricht/ Pe-
tra refugium herinaceis.⁴⁷ Der feels/ das ist Christus/ ist
den purstigen⁴⁸ ygeln/ das ist den sundern/ ein zuflucht/ zu
welchem alle sunder fliehen sollen. Warumb solt ich sund
halben den flihen/ der mir zu einer huelff^bl/ sicherheit und
zuflucht gestelt/ mich von meinen sunden zuerloszen?^bm

Beschlieszlich/ Christus hat das hochwirdig sacra-
ment/ seines teuren^bn fleisch und bluets/ derhalben einge-
setzt/ das er den sundern und krancken/ nit den gerech-
ten und gesunden/ hat wollen helffen. Dan vor seinem
Lu. xxij.letzten abgang/ nham der herr brot/ und zerprach das-
selbe/ und gab es seinen jungern/ sagende. Nement und
essent/ das ist mein leyb/ der fur euch gegeben ist⁴⁹/ oder
i. Cor. xi.wie Paulus/ der fur euch zerbrochenn wirt⁵⁰. Wan^bo wir
B1^v nit sund gethan hetten/ wie were der leyp Christi/ fur
unsz in leyden unnd^bp todt gegebenn?^bq Ist aber sein leyp
fur unsz gegeben/ szo ist er von wegen unszer sund gestor-
ben. Nun wie er fur unsz gegeben/ gepeyniget und ver-
storben^br ist. In solcher weysz und meynung/ hat er seynn
sacrament eingesetzt. Er ist aber fur die sunder/ gestorben.
Szo hat er auch sein sacrament den sundern zu gut ver-
i. Cor. xi.ordnet. Der halben spricht Paulus/ das wir/ des hern
tod sollen vorkundigen/ so offt wir das sacrament nehmen.⁵¹

Den todt Christi verkundigen und bekennen/ heyst
sagen warumb Christus gestorben/ wie er mit seynem
tod unszere sunde ertodtet und begraben hat/ und wan^bs
ich sein fleysch esse^bt/ szo sol ich wissen/ das mir Christus
mein sund vergiebet/ wo ich das in starckem glauben
thuenn/ szo emphag^bu ich wirdiglich.⁵² Warumb solt ich
dan Christum sund halben flihen? weyl⁵³ er von wegen
der sunde zu mir kummet^bv/ und fur mich stirbet.

Ja sagenn etzliche/ Man sol sich dem sacrament zu
ehren/ sund halben enthalten. Mein lieber/ was lernest⁵⁴
du?^bw Ist das die eher Jhristi^bx/ yhn von wegenn der sun-
den meyden? Aber^by thuen ich yhm ehre/ szo er mich su-
chet/ und ich wil mich nit lassen finden? wol solt ich den
artzt ehren/ wan ich yhnem^bz meine suecht^ca nit vortrauet.
Kurtzlich/ die negest und erste wirdige empfahung/ ste-
het in befindung deyner sunden/ unnd dastu glaubest/
das dich Christus gewisz/ an^cb verdienst/ ^ccumb sunst^cc/ ge-
sunt mach. Das ist die negste und wirdig schicklickeit zu
dem artzte/ wan^cd der kranck sein kranckheit erkent/ und wolt
gern gesund werden/ unnd zweyfelt gar nicht/ das yhn
der artzt wol kann/ und wil gesundt machen.

Die pfaffen haben mit yhrer reverentz des heyligen sa-
craments⁵⁵/ vil leuthe umb yhr selen bracht^ce/ weyl sie die
bedrengte gewissen vor yhrem artzt und ertzney erschreckt
B2^r haben. Mach es wie du wilt/ szo emphegestu^cf nummer
mehr Christum wirdiglich/ du fuelest^cg dan dein gebrechen.
Job. xiij.Aber so sie dir zu hoch seynd/ sprechest mit sanct Job/
i. Cor. iiij.Meyne laster/ und missetaten zeyg mir⁵⁶/ und mit Paulo.
Ich bin darumb nit gerecht/ das ich nichts weysz.⁵⁷

Wan^ch du wol thuest/ szo sundigestu^ci/ als geschrieben
Ecclesiasti. vij.stehet/ Es ist kein gerechter^cj auff erdtrich/ der wol thut
und sundiget nit.^58ck Der wegen^ck beten wir ym vater unser/
Math. v.Vergieb unsz unszere schulde.⁵⁹ Hirumb ist keyner/ dero
one sund und des hochwirdigen sacraments nit bedor-
ffen ist. Antwort zu dem gegen satz^cl ym anfang.⁶⁰

Dieszem grunde und beschluesz mogen obvermelte schri-
efften nicht nhemen odder abbrechen.

Die sunde/ so einer mit willen gern hat/ die einer nit
fuelen^cm wil/ und welche got forchten und flihen/ als kon-
den yhre sunde nit vergeben werden/ die haben sunde/
die sie von got scheyden und fern setzen.

Mit einem wort/ sag ich zu allen/ das die sunder von got
gescheyden seind/ und sollen sein gesetz nicht in yhren mund
nehmen/ und das got yhre gebet und werck nit ach-
tet/ die auff den heubt gehen^cn/ das ist/ die got mit wercken
suchen und wollen yhre sunden erstlich/ mit andacht/
fasten/ gebet/ trauren/ casteyen^co/ und anderen werken/
ausztielgen/ dieselbe wil got nit erhoren/ sunder sein augen
von yhnen keren. Dan du must dein hertz/ mit dem glauben
reynigen und gar zufrieden stellen. Nichts anders wissen/
dan dastu ein sunder bist/ und das Christus dein erloser
ist. Dein vertrauen und glaub reyniget dich/ dan er bin-
det dich an got/ und vergeystet dich/ und macht dich ey-
nen geyst mit got und abweschet deine sunden.

Dich sollen auch die schriften ^cp so von sunden und werken^cp nit ab-
schrecken. ursach/ Alles leyden/ so die schrifft treuet^cq/ und al-
les verachten und abwerffen/ und alle gotlich ungnad gotis
B2^v ereyget^cr sich derhalben wider uns/ auff das wir weysze
und verstendige werden. Des haben wir einen lustigen⁶¹
Numeri ulti.text Numeri. Ich werde wider sie wandernn (spricht
got) und werde sie/ mit feindschafft umbgeben/ so lang/
bisz sich yhr unbeschnieten hertz schemen wurt/ als dan
werden sie fur yhre boszheyten bitten.⁶² Hoer〈/〉 alszo lang/
wandert got wider dich/ bistu dich selber erkennest/ und
bittest eyniglich^cs fur deine sunden. Got wil kurtz haben
das du dich deiner entsinnest/ und bittest fur deine sun-
de. Auff das entsinnen oder fuelen^ct/ und bekennen dey-
ner sunden/ deuten und furen alle straffen/ ungnad/ und
zorn gottis. Derwegen wiltu got nahen/ und sein wort
in deinen mundt nehmen/ oder recht fasten/ betten/ und
feyhern⁶³/ szo mustu dich endsinnen/ das ist/ deine sunden
befinden/ dir musz we werden und ubel/ du must vor-
langen haben zu got.

Was ein artzt gedencken wurd/ wan du mit krancken
zerbrochen fuesen/ und als ein gesunder zu yhm lieffest/
das wurt got auch gedencken/ wan du ein sunder bist/
und woldest doch mit wercken zu got lauffen. Dan wie
einer nit wol gehen kann/ mit krancken fuessen/ also kan
ein sunder/ nit wohl oder nit an schaden zu got kummen/
mit werckenn/ eher^cu er gesuntheit erlanget hat. Das ist
Esa. i.die ursach des spruechs^cvEsaie. Ich wil euer gebet nit ho-
ren etc.⁶⁴ das dieselben gleyszner^cw/^cx wie unszere Monichen
und pfaffen/ und andere heyligen fresser^cy mit den wer-
Rom. iij.cken anfahen zu^cz got gehen. Derwegen Paulus geschrie-
ben. Dem jhenen/ dero nit arbeit/ gelaubet aber/ in den
dero den ungutigen gerecht schafft/ wurd der glaub zu
der gerechtickeit geschatzt.⁶⁵ Wiltu got fern werden/ szo
kum mit deinen werken und frumkeit^da/ wiltu got nhaen
und gerecht werden/ so kum mit bekentnisz deyner sunden.

Job. xiij.Das ist das Job saget/ Ich weisz das ^dbso ich meine
Scio quod non stabit in
conspectu eius hypocrita.B3^r weeg vor seinem angesicht straffe^db/ szo wird er mein er-
loszer⁶⁶/ das weysz ich das kein gleyszner^dc/ kein heyligenn
fresser^dd67/ fur sein angesicht kummen wurd.⁶⁸

Hiemit hoer/ welcher zu/ oder von got kummet und ke-
ret/ und merck dastu auff erdtrich nichts anders bedar-
ffest/ wan du das sacrament wirdiglich wilt empfahen/
dan dastu dich deiner schuld und sunden schuldig be-
Mat. xi.kondest/ dastu deine wundenn fuelest. Christus saget/
Kumendt zu mir alle/ die beschwert seynt.⁶⁹ Szo spricht
Job/ Ich weiß/ wan ich mein weeg straffenn werd/
das ist/ so ich mein burden fuel/ szo wurd ehr/ mein er-
loszer werden.⁷⁰

Aber den heyligen fresser^de/ die sich des sacraments/ mit
scheynlichen und gutten wercken wollen vehig und wir-
dig machen. Spricht Christus/ Ich bin den gerechten nit
gekummen.⁷¹ und Job/ Esz wurd kein gleiszner^df vor yhn kum-
men.⁷² Gleyszner seyndt alle und jede/ so mit wercken und
frumekeit kummen/ dan sie mugen nit gotliche personen
geseyn.

Ausz dissem leben kannstu wissen/ ap du dasz sacrament
wirdig empfahest/ oder unwirdiglich und zuschaden.
Job. ix.Dan wie Job kunlich^dg saget/ Ich weisz das ich gerecht
werd/ wan ich geurteylet werd^dh.⁷³ Alszo magstu trostig-
lich^di sagen/ Ich weiß/ das ich das sacrament wirdig-
lich und zu nutz nhem/ weil ich mein sunden/ und mey-
nen widerwillen fuel^dj (aber szo du den nit merckest in
dir/^dk sprichst) O das ich einen verdriesz uber/ und wider
meynen willen und sunde haben mocht. Item ich weisz
das mir got meine sunde gewiszlich durch das hoch-
wirdig sacrament wurt^dl vergeben.

¶ Nun sol ich auff den andern artickel⁷⁴ antwortten/
szo gefragt/ Nach dem in dem hochwirdigen sacrament
des fleisch und blutes Christi/ zweyerley seint/ nemlich
B3^v fleisch und wort/ oder das brot und die vorheyschung^dm/
welches ist das hochste^dn/ daran am meysten gelegen.

Ehr^do ich antwurt/ sol man wissenn/ das ich mit der
schrifft reed/ und acht das fur ein ding/ szo ich sag/ das
sacrament des brotes/ fleisch und bluethes/ Dan Chri-
stus nennet es zeytten brot/ zeytten fleisch^75dpund bluet^dp/ zey-
ten leyp⁷⁶.

Fur das ander/ sol ein ding vornummen werden/ So
ich sprech/ das wort/ die vorheyschung^dq/ verpindnisz oder
zusag. Ich wil euch auch nit vorhaltenn/ das die zusag
oder wort an etzlichen enden/ der schrifft/ testament ge-
nent ist/ Derhalbenn solt yhr euch nit hyndern⁷⁷/ ap ich
durch viel wort/ ein ding aussagen^dr wurd.

Zu dem dritten/ horet/ wie Christus/ das sacrament
einsetzet Luce am .xxii. Als der her und seine junger assen/
nham Jhesus das brot/ dancket got/ brach das brot/
und gab es den jungern/ sagende/ Nhement und essend⁷⁸〈.〉
Matthei .xxvi. das ist mein leyp/ der fur euch unter^ds ge-
geben wurd.⁷⁹ Allhie hastu brot und zusag. Brot/ er nham
das Brot/ sprechende/ das ist mein leib. Das wort oder
vorheyschung^dt ist/ disser trost/ Der fur euch gegebenn/
das ist/ geopffert/ vorfolget/ ertodtet^du wurd. Alszo saget
Paulus .i. Corint .xi. Unser her Jhesus/ in der nacht/
szo er den feynden ubergeben wasz⁸⁰/ nham er das brot/
zerbrach es/ und gab es den jungern/ sagende/ Nhement
und essend/ das ist mein leyp/ welcher fur euch zerbricht⁸¹/
abstehet/ abgehet/ oder verdirbet und stirbet.

Fur das vierdte/ damit wir kurtz^dv von dem sacrament
reden/ mercket/ Das brot/ fleisch und bluet/ ein zeichen
genant ist/ als Christus selber spricht Johan. iii. Wie
Moses die schlange in der wustung auffgehangen hat/
B4^r alszo musz der son des menschen auch auffgehengt und
erhoget^dw werden.⁸² Nun spricht die schrift clar/ Numeri .xxi.
das Moses ein eryn^dx schlangen gemacht/ und fur ein zey-
chen auffgestelt hat/ auff das ein jglicher dero verwun-
det wasz/ und dieselbe schlangen ansach/ gesunt wurd.⁸³
Weil nun Christus selber saget/ Er sol auffgestelt werden
wie Moses die ertznen schlangen auffgehangen hat⁸⁴/ so
folget/ das Christi fleisch/ blut/ leyp/ oder brot ein zey-
chen ist. Dartzu lautet Esaias am .lv. cap. sagende/ das
der her ist ein zeychen genent/ welches ewig sein wurd/
und nicht vergehen oder abgenummen⁸⁵/ Die andere zeychen
deuten und enden sich in diesen zeychen des fleisch und
bluets/ und seint yhr vil abgegangen/ als ausz dem alten
und neuen gesetz zuvermercken ist/ aber das zeychenn/
welches der her selber ist/ wurt ewiglich stehen^dy.

Alhie seind etzliche die machen unterscheyd zwischen
dem fleisch oder brot an einem/ und zwuschen dem zey-
chen diesses sacramentes fur den andern teyl/ und haben
das wort Christi fur einen grund/ so Christus spricht/
Nhemend und essend/ das brot ist mein leyp.⁸⁶ Darausz
ziehen sie das essen/ des fleisch Christi/ ein zeychenn sein
des wirdigen sacraments/ und sagen/ das brot oder
der leyp/ aber^dz Fleisch Christi/ an^ea essung aber^eb gebrau-
chung der speysz/ nicht das zeychen sey/ unnd folgende
sagen^ec sie/ wan du das fleisch Christi nit yssest/ und sein
bluet nit trinckest/ das du das zeychenn der zusag aber^ed
des wortes/ so ^ee zu hoch^ee obgenantem sacrament gehort/
nit haben mugest.⁸⁷

Ich fechte disse subtilickeit mit nicht an/ ich weysz
aber/ das speysz/ speysz ist/ ap sie gleich nit genossenn
wurd/ szo fern das selbige/ szo speysz genendt/ zu dem
mund/ unnd magen bereyd unnd dienlich seinn.

B4^v Nun spricht Christus Johan. vi. Mein fleisch ist war
lich ein speysz und mein bluet ein tranck.⁸⁸ Jdoch kumet
speysz nummer⁸⁹ zu yhrem endlichen weszen ehr sie wurde
geessenn/ derhalben saget Christus volgende. welcher
mich isset/ der bleybt in mir⁹⁰/ als solt er sprechenn/ Du
must mich essen/ szo du meyner teylhafftig wilt werden.
Darausz beschliessen/ das Christus/ kein zeychen ist/
des heylsamen sacraments/ er werde dan geessen. Doch
szo einer subtil sein wolt/ mocht er sagen/ das Christus
ein zeychen sey disses sacraments/ ap du yhn gleich nit
issest/ und trinckest. und mocht den text Johan. iii. fur-
wenden/ do Christus also spricht/ Gleycher weysz Mo-
ses die schlangen in der wustung erhohet/ also musz der
son des menschen erhocht werden/ auff das ein jglicher/
szo in den son glaubet/ nit verderb/ sunder hab das ewig
leben⁹¹ (Den glauben nennet die schrifft zeitten^ef ansehen)
Ausz jtzt vormelten wortten folget/ weyl zeychen unnd
wort gotis oder vorheyschung^eg/ ein sacrament sollen ma-
chen. das Christus erhohet^eh und angesehen ein zeychen
sey/ und disse wort. Ein jeglicher/ so in yhnen glaubet/
nit verderb/ sunder das ewig leben hab⁹²/ die trostliche
^ei zusag ist^ei/ und das solche zwey stuck/ ein sacrament ma-
chen/ Aber ich wil angefangne subtilickeit nit verfolgen.

Das ist gewisz/ das etzliche zeichen der sacramenten
mit dasten/ etzliche mit sehen/ etzliche durch andere syn-
lickeit/ gebraucht werden.⁹³ Beschneydung greyffestu^ej/ dan
sie beschicht an dem leyp/ mit dem sinn/ der greuffenn
genant/ als Genesis am .xvii. cap. Beschneydung ist mit
henden geschehen und hat schmertzen gemacht⁹⁴/ und ein
zeychen gewest des glaubens. wie Paulus Roma. iiii.⁹⁵.
Das zeychenn hat zu disser zusag gottis gehort/ das
Abraham solt gemeert/ und in seinem samen grosz und
vil werden/ wie die stern an dem himel Gen .xv. und .xvii.⁹⁶

C1^rAuch haben wir mehr zeychen/ szo mit dem syn/ dero^ek
Greuffen genent/ gebraucht werden. Als nemlich des
sacraments/ szo zu bekentnisz und vergebung der sunden
etwan eingesetzt gewest. Dan/ so ein Furst des volckes
durch yrtumb und unwissenheit/ etwas wider ein got-
lich gebot het gehandelt/ und erkant^el/ das er unwissende
wider gottis verpot etwas gewircket het/ must er einen
bock opffern/ unnd seine hand/ auff das heubte/ des
opffers legen. Darnach todtet der priester das opffer etc.
und bathe fur den Fursten/ und wurden yhm seine ver-
handelung^em oder sunden vorgebenn/ Levitici .iiii.⁹⁷. Sich⁹⁸
du horest/ das/ das zeychen/ szo zu bekenntnisz unnd ver-
gebung der sunden gegeben wurt/ mit henden must ge-
ruret und gebraucht werden. Alszo ist die schlangenn/
welche Moses in der wustung^en auffrichtet/ mit den au-
gen angesehen/ gebraucht und angerurt. Numeri .xxi.⁹⁹

Alszo verhiesch got den regenbogen in den gewulcken
Gene.ix.¹⁰⁰ denn selben regenbogen hat man nit anders/
dan mit den augen kon^eo antasten und gebrauchen. Der
zeychen manchfeltiger^ep gebrauch/ fiend man hyn und her
in der schrifft/ und kan nit wissen/ warumb die beschney-
dung ein sacrament sein solt/ und obgemelte zeychen und
zusag kein sacrament machen.

Endlich/ ich fechte das nit seer an/ das fleisch Chri-
sti kein zeychen sey/ so es nit genossen/ und mit dem mund an-
getast^eq und begrieffen wurt. doch will ich das mit einschli-
ssen/ szo einer Christum mit den augen des glauben¹⁰¹ sieht/
das er nicht desz minder^er ein zeychen hab/ als Johan. iii.
clar und offenbar ist.¹⁰² Ausz diessem langen umbganck/ ha-
ben wir/ das zeychen diszes friedsames^es sacrament/ nemlich
brot und tranck genossen/ szo^et fleisch und bluet ist Christi.

¶ Nun volget vonn der verheyschung^eu. Die verhey-
schung^ev und zusag/ hanget in diessen wortten. Der leyp/
C1^v so fur euch gegeben/ das blut/ welches fur euch auszgo
ssen wurd Lu. xxii.¹⁰³ Aber^ew wie Paulus sagt .i. Cor.xi. das
ist mein leip der fur euch gebrochen.¹⁰⁴ Das wort/ der^ex fur euch
gebrochen/ ist die zusag. Dan Christus saget uns gewisz-
lich mit solchen worten/ das der leyp/ welchen er uns heysset
nemen und essen^ey/ uns zur erlosung und gut entleybet/ und getot
werd. Das ist ein Evangelisch wort/ das uns ein froli-
che und trostliche botschafft brengt. Was ist uns trostli-
cher und frolicher zuhoren/ dan das uns/ der leyp (den wir
eynnehmen und genissen^ez sollen) zu unserm gedeyhen und er-
losung in den tod und zerbrechung sol gegeben werden?^fa An
dieszen wortten/ soll mein willen/ leben/ und gemut vestig-
lich hangen/ und gar nicht^fb zweiffeln/ das der leyp Christi
dero meine speysz ist/ fur mich gestorben ist. Derwegen^fc
spricht Paulus/ Das wir den tod/ des hern/ sollen vor-
kundigen/ szo offt wir sein fleisch essen. Was ist tod verkun-
digen?^fd Sagen wie Christus gestorben?^fe Nein/ das konden
die Juden und galgenritter.¹⁰⁵ Der geyst musz sich alhie fu-
len^ff/ und wissen ursachen^fg des todes Christi. Er muesz be-
finden/ das der tod Christi umb unser erlosung kummen/
auff das er unszer sunde/ mit sich^fh an den galgen¹⁰⁶ hencken
theet/ und sterbet¹⁰⁷ unsern alten boszen Adam/ betzalet alle
unsere schuld/ und begrueb unser boesz leben/ und macht
endtlich/ das uns kein ubel/ schadet/ und sein gerechti-
ckeit/ unszere gerechtickeit wurd. Das und noch vil mer
das wir in der heyligen Biblien lesen/ und sunderlich in
Paulo/ sollen wir hochlichen^fi mit hertzen betrachten/ so
offt/ wir das sacrament handeln. wer das wirdiglich
wil essen/ der musz nicht mehr thun/ dan^fj wunden seyner
sunden/ und boszhafftig^fk leben fuelen^fl/ und vestiglich glau-
ben den worten/ das der leyp Christi (^fmden er essen will)^fn
fur seine sunde und kranckeiten^fo gestorben ist/ und seine bosz-
heit und sund mit dem tod Christi abfallen und sterben.
Welcher diesen glauben nit hat/ der ysset^fp unwirdiglich
C2^r welcher solches bedencken^fq nit hat/ so er das brot Chri-
sti empfehet^fr/ der isset das fleisch Christi/ wie es die Co-
rinthern^fs assen/ die es fur leyplichen hunger und wollust
nhomen^ft.¹⁰⁸Du must achtung haben auff die verheischung^fu/
das wort gotis/ ist ein wort des glaubens/ und leret dich
den geyst des sacramentes. welcher^fv nit achtung giebt/
auff die zusag/ dem ist das sacrament gleich szo wenig
nutze/ als das fleisch Christi/ szo er saget/ Johan.vi. das
fleisch ist nicht^fw nutze/ szonder der geyst/ der machet leben-
dig.¹⁰⁹ Gotliche zusag ist ein wort des glaubens/ und ver-
kundiget den fruchtbaren geyst/ dero mit trostlicher und
Evangelischer botschafft in begirige oren einfelt/ Und den
geist des menschen/ lebendig/ neu/ gerecht/ und geystlich
machet/ szo du dem wort glaubst. Dan zusag gotis dienet
nit zu der selickeit/ so man nicht glaubet/ Hebre.iiii.¹¹⁰ Szo
kan auch keiner/ sonder glauben zu frid kummen/ und sein hertz
zu rhue stellen/ er glaub dan. Als psal. xciiii. geschrieben/
Quib'us'^fx iuravi in ira mea etc.¹¹¹/ das ist/ ich hab es den unglau-
bigen geschworen/ daß sie nit in mein ruhe werden gehen^fy.

Nach diesen reden/ sag ich/ das ein zeychen minder ist/
dan das wort/ und das das zeichen/ von wegen der zusag/
furgestelt wurt.¹¹² Kurtzlich/ das fleisch Christi ist von we-
gen des wort gottis/ das wir offt eine zusag oder verhey-
schung^fz genent haben. Ursach/ das Christus selber spricht/
das er von wegen der schrifft^ga hat mussen sterben/ und also
eingehen^gb in die glorien seines vaters ^gc Lu'cae' ult'imo'^gc 113. Szo ist Chri-
stus auch ein befeltrager^gd seines vetterlichen wortes Jo.
xii.¹¹⁴ Und hat got durch Christum geredet/ wie er in alten zeiten
durch die propheten^ge gered hat Hebre. i.¹¹⁵Derhalben folgt/
das Christus/ nach^gf fleisch und blut/ ein zeichen ist/ von we-
gen der zusagung auffgestelt/ und wir uns zuvor/ und mer an
sein wort/ dan^gg an sein fleisch/ halten und anpinden sollen/
wie wol das frembd und seltzam lauttet/ dannest^gh lernen
C2^v wir das aus der schrifft/ sunderlich in dem Evangelio
Johannis¹¹⁶/ das nit unrecht kan reden oder leren.¹¹⁷

Das aber/ das zeychen/ von wegen der zusag odder
verheyschung^gi/ auffgericht sey/ und das wir uns durch
erkentnisz der zeychen/ sollen erynnern/ verstendiget uns
das .ix. cap. Genesis. Daselbst spricht got zu Noe also.
Das verpintnisz/ aber diesse^gj zusag/ und verheyschung/
wil ich mit euch dingen und vorpinden/ Das ich hyn-
furt das erdtrich/ nit wil mit sindfluesz und wasser ver-
terben.¹¹⁸ Hoer das ist die zusag/ Sich auch von dem zey-
chen. Ich werd (spricht got) meynen bogen in die ge-
wulcken setzen/ fur ein zeychen des verpintnisz oder zu-
sag.¹¹⁹ Sich^gk das der bog ein zeychen ist/ der trostlichen zu-
sag^gl/ das got/ numer mehr/ das erdtrich/ mit sindfluesz
wil verwustenn. Und das der bog/ nur ein zeychenn ist
gotlicher zusag. Nun mercke/ was du ausz dem zeychen
lernen salst^gm. So ich (spricht got) die lufft/ mit wolcken
ubertzogen hab/ so wurt der bog in den wulcken erschey-
nen/ und ich werd meiner zusag gedencken.¹²⁰ Volget auch/
Ich werde den bogen ansehen/ und des vorpintnisz ge-
dencken/ das ich zwischen got und aller lebendiger seel^gn
gestelt und verheyschen^go hab.¹²¹ Ausz dieszen wortten Ge-
ne. ix. ist wol zulernen^gp/ das wir/ nicht^gq anders/ dan ge-
wissen trost/ ausz den zeychen nehmen sollen/ und allen
zweyffel auszwerffen. Dan^gr wir sollen wissen/ das got/
seiner zusag/ wil indechtig^gs sein/ und hat seynis worttis
gar nicht vergessen. Das ist/ wir sollen/ ausz den zeychen
vest und starck werden in dem wort gotis/ das got/ son-
der¹²² zweyffel/ sein wort wil erfullen/ und zugesagten trost
und hulff geben. Alszo/ wan du das brot/ fleisch/ unnd
bluet Christi/ trinckest unnd yssest/ solstu in gewiszheit
kummen/ das Christus/ sein wort unverbrochlich wil hal-
ten/ unnd solst^gt nit zweyffeln an seiner huelff/ sundern ve-
stiglich glauben/ und nichts gewissers haben/ dann
C3^r das das fleisch unnd bluet Christi/ szo du einniembst/
deine sunde todtet/ und dir zu einer ertzney sey/ und zu
gerechtickeit unnd neuheit deines geystes. Got der ist
warhafftig und mechtig¹²³/ und acht es fur ein grosz iniu-
rien¹²⁴/ ^gu unrecht unnd hon^gu/ wan du/ an yhm und seinem
wort zweyffelst. Darumb^gv hat er zeychen zu den zusagun-
gen gesetzt/ dastu des der^gw sicherer/ fridsamer/ und ruhi-
ger werdest/ und das du in einem lebendigen sabbath¹²⁵ stehest.
Aber szo einer an dem wort unnd zeychen gottis wan-
ckelt/ wurt er hertiglich gestrafft umb sein unglauben^gx/
unnd szoviel dester herter/ das er weder zeychenn noch
wortten gleubet.

Alszo ist gesagt und beweyszet/ das zeychen/ den vor-
heyschung^gy und verpindnisz gottis^gz dienen/ und das wort
mehr ist/ dan sein zeychenn/ exemplum^ha/ die fleischlich be-
schneydung ist weniger/ dan der glaub und zusag.

Volgende lernet/ wie yhr euch an den besten^hb teyl hal-
ten solt^hc/ das ist/ wie yhr/ das wort gottis festiglich solt^hd
glauben/ und ym hertzen behalten.

Das wil ich kurtz halbenn/ durch ein historienn der
schriefft lernen^he/ die Gene.xxxii. geschrieben stehet.¹²⁶ Do
Jacob seinen bruder Esau ubir die massen sehr forcht^hf.
hyldet^hg er sich eyniglich/ mit vollem glauben/ an gotlich
zusag/ szo yhm disser masse zugesagt wasz/ Nemlich Ge-
ne. am^hh .xxviii. cap. Saget got zu Jacob/ Das erdtrich
darynne du schleffest/ wil ich dir und deynem samen/ ge-
ben. Dein samen sol werden/ wie der staub des erdt-
richs/ das ist/ dein geschlecht/ sol sovil werden/ wie die
korner des staubes ym erdtrich. Volget/ und in deinem
samen/ sollen alle geschlecht gebenedeyet werden/ und
ich wil dein hutter^hi sein/ und dich wider in das erdtrich
brengen/ und wil dich nit vorlassen/ ich hab dan alle ding
volbracht/ die ich dir gered hab.¹²⁷ Disse zusag und vor-
C3^vheyschung^hj gottis mercket Jacob wol/ da er mit sich^hk un-
ruglich^hl/ traurich und forchtsam wurd/ von wegen sey-
nes bruders Esau¹²⁸/ und saget/ in angsten alszo/ Her^hm du
hast mir gesagt/ du wollest mir wol thuen/ du hast gered
das ich mein gesyp und samen auszbreytten sol/ wie der
sand des mehres^hn/ den man nit zehlen kann.¹²⁹ Ich binn
minder dan alle deine barmhertzickeit/ und dein war-
hafftige verheyschung^ho. Erloesz mich von der macht mey-
nes bruders Esau/ dan ich forcht^hp yhn seer/ auff das er
nit mutter und kinder erschlag.¹³⁰Jacob hieng an gotlichem
wort/ wie ein schieff am ancker ym meer^hq hanget.

Also sol ein Christ/ sich an die wort und zusag Christi
vestiglich anhefften/ wan yhn sein bruder Esau/ der
alt Adam und der teuffel/ und die sunde/ betruben oder
verfolgen/ und yhm ein unfridlich gewissen machen/ wan
er mercket/ das yhn die sunden anfahen zu angstigenn/
sol er/ das sacrament/ welches dem geyst fried und rhue
gebiert^hr/ suchen. Und das wort Christi ^hs der massen^hs hal-
ten/ wie Jacob die zusag/ so yhm got gethan het/ in her-
tzen und munde hield/ ^htauch halten^ht.

Das wort/ Der leyp wurd fur euch in todt gegeben^hu/
und der^hv dranck wurd fur euch vergossen/ sol er ym her-
tzen und munde also haben. Her mein got/ ein got aller
glaubigen/ Abraham/ Isaac etc. du hast gesagt/ Neemet und
essent/ das brot/ das ist mein leyp/ dero fur euch gegeben
wurt.¹³¹ Her^hw132 an das wort/ das du sprichest/ Ich sol essen
dein fleisch/ dan es sey fur mich/ und uns allen^hx/ in not/
angst/ und tod gegeben/ verlasz ich mich/ und verman^hy
dich deyner zusag/ und zweyffel nicht/ du werdest mir/
die frucht deynes bittern^hz todes¹³³ geben/ so ich dein fleisch
esse. Dan du hast das vorheyschen^ia/ du bist almechtig/
gutig und wahrhafftig/ dir gebricht nichts/ szo betreu-
gistu niemandts/ szo ist dein wort ja ja¹³⁴/ nit heute ja mor-
ij.Cor.i.C4^rgen neyn/ auff deynem wort fuesz und stehen^ib ich. Du hast
mir mit solchen worten gesagt/ du wollest mir gut thun/
sunde vergeben/ fried schaffen/ sicher/ neu und geystlich
Ro. iiij.machen/ An deynen wortten kleeb ich und hang an der
zusag/ wie Abraham an seyner zusag hieng/ dero gar
nicht zweyffelt/ das du yhm geben wurst^ic/ das jene/ szo
du geredt¹³⁵. Alszo baue ich auff deine zusag/ ich zweyfel
nit/ du kondest und werdest mir geben erlosung von sun-
den/ ap¹³⁶ das mein Adam nit zugeben will. Ich rucke dir
dein wort fur/ wie Jacob/ got/ seine gotliche zusag vor-
rueckt. Du hast gesagt/ Her du hast geredet/ Ich bin nit
den gerechten kummen^id/ und den gesundten/ szonder den
krancken und sundern.¹³⁷ Und her du hast gesagt/ Ich sol
dein fleysch frolich darauff essen/ und dein bluet trin-
cken/ dastu deynen leyp in todt gebenn hast/ fur mich/
Cophinus Aegyptiusfur meyne sunde und boszheyten^ie alles mir zugut. Dar-
auff kum ich unfletiger korp¹³⁸/ ich verwunter sunder/ und
unfridlicher/ bedrengter mensch/ unnd rueck dir deyne
wort fur in gebet und glauben.

Du bist nit wie die menschlichen vorheyscher^if/ als ko-
nig/ fursten/ unnd hern und andere seynt/ die vil verhey-
schen/ und mugen nit leyden/ das man yhnen/ yhre zu-
sag fur rueck^ig/ aber^ih sie in krafft gethaner vorheyschungⁱⁱ
Josue. i.¹³⁹mane. und foder das jene/ szo sie gelobt haben. Neyn du
Exo.iij.¹⁴⁰bist ein anderer herre/ und wilt das uns dein wort/ ym
Psal.c.x.¹⁴¹hertzen und mund liegen sollen/ das wir auch hertz und ge-
mut/ willen und syn/ und alles auff deine zusag stellen/
und sprechen trostlich/ Her^ij/ du hast gesagt/ du hast ge-
redt/ wir sollen dein fleisch nemen unnd essen/ darumb
du dich in tod/ zu unserm heyl begeben hast. Auff dein^ik
wort steht mein glaub/ trost/^il hoffnung/ ich laesz mich
weder sunde/ noch mein boszheit verhindern/ dan du
hast gesagt/ dastu geborn unnd gestorbenn seyst/ unszern
C4^v kranckheiten und sunden/ zuvorgeben und gesunt zumachen.

Abraham stund vest/ an deiner zusag/ er zweiffelt nit
dastu yhm geben wurdest/ szo du yhm geredt/ wie wol
er wisset/ das es der natur was unmuglich/ dennest^im gab er
nicht achtung auff seinen alten und todten leyp/ unnd
du erfullest dein wort/ Wasz solt ich dan andersz beden-
cken/ dan dein zusag? wasz solten mich sunde und bosz-
heyten abtzihenn/ weyl¹⁴²Abraham sein aldtheitⁱⁿ nit ab-
tzueg von deinem wort?^io

Jacob rucket got sein zusag fur/ das er gered het/ er
wulte Jacob wol thuen/ und yhm seinen samen auszbrey-
ten¹⁴³/ das wust Jacob/ derhalben er festiglich glaubet/
das yhm seyn weyber unnd kinder nit erschlagen wur-
den/ und vermant^ip got seiner vorheischung/ und wurd
alszo starck in gotlichem wort unnd in seinem glauben/
das er mit got durfft streytten und ringen/ und hielt got
szo fest im glaubenn/ das ehr got nit wolt lassen ^iq ehe er^iq
Ge. xxxij.ym wolgethan wasz. In solchem glauben und be-
stendigem anhangen^ir in gotlicher zusag/ wurd Jacob
in der natur und namen verneuet^is/ dan die schrifft spricht
Du must Israel heyssen/ du bist wider got stark ge-
west^it/ wie viel mehr wurdestu wider die menschen starck.¹⁴⁴

Ist nit das trostlich/ das ein fester anhang und glaub
in gotlichem wort/ got halten/ unnd ubirwinden kan?
Des sollen wir uns mehr/ den himels und erderichsz ge-
trosten/ Do sol unser grund sein. Es ist unmuglich das
einer verderb/ der gotlicher zusag festiglich und besten-
diglich^iu glaubet. Als wenig got ligen kann/ szo wenig
kan er dich vorterben lassen/ wan du fest/ starck/ und
menlich^iv/ in seyner vorheischung hangest. Es ist unmug-
lich/ das got einen menschen vorlaesz/ dero in solchem
vortrauen verhart^iw. Es musz yhm alles zu gut kummen/
und besser dan es der mensch vorsteet^ix. Im^iy festen unnd
C5^r ernstlichem anhang/ an dem wort gottis stehet^iz alle seli-
ckeit. Wider¹⁴⁵/ ym^ja unglauben/ verlust und schad/ und alle
unwirdige empfahung des sacraments/ Das Christus
Johan'nis' iii. selber spricht/ Welcher glaubt der wurt nicht
verurteylet/ Welcher nit glaubt/ der ist bereit verloren.¹⁴⁶
Got kan dich nichts weniger verlassen/ dan er Jacob
verliesz/ wan du gleich wie Jacob/ starck und stetlich^jb
an gotlicher verheyschung^jc klebest.

Alszo kummet^jd auch einer in wohrhafftigen frid/ unnd
wurd yhm alle bitterckeit suesz/ widerwertickeit freunt-
lich/ und boesz zu gut verwandelt. wie das dan Jacob
Ge. xxxiijgeschach/ Jacob betet siben mal/ und szo lang/ bisz sein
Esau/ das ist/ sein feynd unnd verfolger nahete.¹⁴⁷ Was
geschach/ Als Jacob/ an gotlicher zusag/ mit glauben und
gebet/ hafftet/ do keret sich seinn verfolger unnd feynd
Esau in einen wolteter unnd freund. Dan Esau viel
Jacob umb seinen halsz/ er drucket yhn freuntlich/ und
kusset yhn/ und weynet/ und wolt^jeJacoben sein hab und
gut geben. Alszo wendet sich alles boesz in gut/ alle spehn
und unfrid/ in gutten fried und ruh. Das geschicht al-
len denen jenen^jf/ szo stetz und vest in gotlicher zusag fuessen
und verharrenn.

Exo.xiiijIn solchem glauben spricht Moses/ Steend unnd
sehend die grosz wunder werck gottis/ und forcht euch
nicht. Dan die Aegyptier/ welche yhr jtzt sehend/ wer-
det yhr nicht mehr sehen/ got der wurt fur euch streyten/
und yhr werdet stiel schweygen.¹⁴⁸ Stehend^jg vest an der zu-
sag gottis/ furchtet euch nit/ zweyffelt^jh mit nicht an sey-
ner vorheyschung^ji/ dan ^jj ehr seinn^jj wort unvolbracht solt^jk
bleyben/ eehr^jl muesten hiemel und erdtrich zerbrechen¹⁴⁹.
Alszo wurd auch das mehr^jm gehorsam/ und teylet sich/
und gab den glaubigen stadt und weeg/ und verterbet
die Egyptern/ die unszer sunde bedeutenn. Alszo ist es
C5^v auch in der empfahung des freudenreichen sacraments.
Welcher das wirdiglich wil empfahen/ der sol sich nit
forchten/ das ist/ er sol nit zweyffeln/ das Christus sey-
ne zusag volenden werd. Und sollen yhn die Egyptiern/
nit vom^jn gotlichen wort abschrecken/ das seind seine bosz
hendel und sunde/ die widder got fechten/ Dan got ist
der streyttet/ dero sundenn erwurget^jo/ ^jpwir stehenn stiel/
und schweygen stiel^jp/ und seind in vergebung der sunden gar
werckloesz. Ursach/ wan got sein grosse und wunderber-
liche werck wircken wil/ szo durffenn wir nicht^jq mher/
dan das wir unszer augen auff zu got richten/ und steend
ii. Para. xx.in guter zuvorsicht/ als Josaphat spricht/ Steend allein
trostlich und in starcker zuvorsicht zu got/ szo werdet yhr
die gotlich hulff uber euch sehen/ glaubet got/ szo wer-
det yhr sicher.¹⁵⁰ Das ist/ das Moses sagt/ Schweyget yr
stiel/ got ist der^jr streyttet¹⁵¹/ wir durffen nit sorg haben/ ab
wir viel gebet/ gefast^js/ kirchen gekeert und gesucht/ licht-
lin verbrent/ und der gleichen werck gethan habenn/ szo
wir das hochwirdig sacrament wollen empfahen/ dan
wir sollen stiel^jt sein mit oren und fuessen/ als geschrieben
Eccle. iiijstehet/ Szo du in gotis hausz gehest/ bewar deinen fuesz
und hoer.¹⁵² Das ist/ mit keinem werck durffen wir furkum-
men/ dan/ solten unsz werck zutragen/ und uns wirdige
empfaher machen/ szo weer got nit der/ dero allein krie-
get fur unsz/ und die Egyptiern ertodtet. Szo ich das sa-
crament wil einnhemen/ sol ich nichts anders thuen/
dan gotlichem wort glauben/ das Christus sein fleisch
und bluet fur uns in tod gegeben und vorgossen hat/ und
das er uns sein fleisch zu einer speysz/ und sein bluet zu ei-
nem tranck/ fur ein gewisz zeychen geben. wan ich das
glaub/ szo werde ich sicher/ szo ich anders in gotlicher zu-
sag/ mit gantzem vertrauen/ stehen bleyb/ das ich die
Egyptier nit mehr sehen/ das ist/ mein sunde werden
C6^r mich nit mehr anfechten und zu unfried machen.

Alszo befinde ich seine hulff und wohltat. In meiner
person darff^ju ich ^jv nicht anders fuelenn^jv/ dan menlichenn
dapffern/ und vesten glauben/ und getrauen zu got/ das
er mich nit vorlasz/ fur eines/ fur das andere/ sol ich kei-
ne sterck/ keine gesuntheit/ keine vermugenheit/ keine gut
werck/ und keine frumkeit fuelen^jw/ die ich zu dem heyligen
sacrament wolt tragen. Sonder ich sal/ mein nichtickeit/
machtlosickeit/ boszheit/ und sunden fur dasselb mal se-
hen. Als Josaphat saget/ in uns ist kein stercke/ das wir
die feinde ubirwinden¹⁵³/ die unsere sundenn seind. Alszo
sehen wir unsere schwacheit und Egyptiern/ und flihen
Ge. xxxiijzu diessem sacrament/ das sie alle niederschleegt und ver-
Josu. xvi.sauffet^jx/ und macht uns lebendig/ gibet sterck und werck/
Judicum ij. et. iij.und machet uns Esau zu einem der uns sein habe unnd
gutter^jy giebt¹⁵⁴/ wie die heyden tribut gaben den Juden.¹⁵⁵

Alszo haben wir beschlieszlich/ das ein wirdiger em-
pfaher nicht anders bedarff/ dan das er seiner sunden/
wunden fuel^jz/ das er seinen Esau/ die Egyptiern/ oder
andere belediger^ka ansege^kb/ und steen allein ritterlich und
menlich/ stiel^kc in gotlicher zusag/ szo kan yhnen got mit
nicht^kd verlossen/ er heldet^ke got und verwandelt seine feyn-
de/ in dienstpoten/ wie oben gesagt.¹⁵⁶ Auch ist gehort/ das
in den sacramenten das wort mehr ist/ dan das zeychen/
und das die zeychen uns erynnern/ das got seiner zusag
wil gedencken/ und ^kf halten glauben^kf/ uns in keinem weeg
unnd anfechten^kg lassenn vorterbenn^kh. Das helff uns got
durch unsern hern^ki Jesum Christum/ Amen.

Beilage: Lateinisches Grußwort zu Von den Empfängern
A1^v Lectori Salutem

Quoniam dominum deum posui in conspectu meo semper¹⁵⁷〈.〉 Immo ego ab eo positus sum〈.〉
Adeoque libere de singulis et sine periculo iudico〈.〉 Novi equidem^kj solum deum
esse bonum¹⁵⁸ et eum cui nemo dicere potest〈:〉 Quid facis?¹⁵⁹ Homo autem cum sit vanitas
ipsa¹⁶⁰/ quid vanius, quam quod prodit ab ipso〈.〉 Proinde soli deo gloria¹⁶¹〈.〉 Deo autem^kk deberi^kl
gloria^km pauci intelligunt nec scimus quid sit deo dari gloriam. Omnes tamen interim canimus
voce〈,〉 cor autem nostrum longe est a domino venerantes deum doctrinis et mandatis hominum¹⁶²
et id in vanum quidem/ quia nunquam hoc quaesivit dominus a nobis〈.〉 Si enim gloria soli Deo
fieret ut decet, pestilentissimum certe iudicaremus esse eum qui super testamentum dei
superstruat.¹⁶³ Tantum abest ut verum dei cultorem astruamus. Testamentum enim dei quam
sit deformatum et in alium ritum translatum Nemo non videt Nisi quem iuxta
Isaie vocem excecavit^kn dominus¹⁶⁴ et hic prorsus^ko nihil videt qui lumen non dignoscit
in tenebris¹⁶⁵〈.〉 Ita cecus est qui divina ab humanis non secernit/ Lucerna
pedibus meis verbum tuum et lumen semitis meis Ait propheta psal:〈mo〉 119¹⁶⁶ Ne
auferas de ore meo verbum veritatis usquequaque¹⁶⁷〈.〉 Soli ergo deo gloria Nobis
autem confusio et humiliatio¹⁶⁸〈.〉 Vale in Christo〈.〉^kp