A1^v Dem Achtbarn und namhafftigem Albrech-
ten Durern¹ tzu Nurmbergk meynem
geliebtem gonder²/ Wunsch ich
Andres Bo'tenstein' etc. gottis
gnad unnd
frid.

¶ Gunstiger furderer³/ nach dem/ der haß und neyd/
mancherley luͤgen und nachred uns Wittembergern/ yn
ruck⁴/ erdicht. und boeßheyt alwegen yhre schlyfflocher
sucht/ darauß sie bellen/ schelten/ und clappern kan. und et-
liche dreumen sucher⁵ von uns sagen/ als solten wir alhie
predigen und disputieren/ das dem hochwirdigen sacra-
ment kein eere/ lob/ und furtzuck⁶ tzu^c geben sein. Hab ich
euch ein kurz buͤchlin wollen zu schreiben. von anbettung
und eererbietung hochobgenants sacraments. Dadurch^d
euch und gantzer Christenheit schuldige dienste ertzeygen.
Dan eure gutheiten⁷ haben mich vorpflicht/ euch nach
vermogen zudienen. Gott bevolhen. Datum Wittemberg
am tag allerheyligen.⁸ Im .xxi. uber M.D.

A2^r i〈.〉 Erstlich soll hie gemerckt werden/ das anbeten ein
frucht des glaubens ist. Dan warhafftige anbetter/ die
muͤssen im geist und der warheyt anbeten Joha. iiii.⁹ Der
glaub macht geistlich/ dan er vereyndt die glaubige mit
Christo/ in wilchen alle creaturen neu und geistlich wer-
den.¹⁰ Wie eyner Christlich durch den glauben Christi wirt.
ßo wirt auch eyner geistlich/ als geschrieben stett. Er hatt
yhnen macht geben/ gottis sohn zu werden/ ßo vil yr glaub-
ten/ yn seynem namen Joh. i.¹¹ On solchen geist. ist alles
gebet/ gottis lesterung/ gottis verachtung/ luͤgen und be-
trug. kan auch gott nicht behagen^e/ es wer vil besser^f/ eyner
bettet nicht/ dan das er außerhalb des glaubens bettet/
wie die schriefft saget. Peccatori dixit deus. Dem sunder
saget gott. Warumb nympstu meyn^g testament in deynen
mund? Psal. xlix.¹² und Esai. i. Ich wil meyne augen von
euch keren wan yhr bettend.¹³ On glauben ists unmuglich
das eyner gott behag^h. Heb. x.¹⁴ Der selb glaub/ hatt sein ey-
gen warheit und wort/ als wir leßen. Der glaub ist auͤß
dem gehor des wort Christi. Ro. x.¹⁵ Mein schefflin horen
meyne stům. Joh. x.¹⁶ Ich werde sie weyden und speyßen
in den bergen Israel. Etzech. xxxiiii.¹⁷ Item. Wilcher den
nit horet/ der soll von dem volck ausgereut werden. Act.
iii.¹⁸ Gleich wie der glaub Christum vor augen hat/ alßo hat
er das wort Christi/ und aller seyner propheten.

Wilcherⁱ gottliche zusag nit ym hertzen hatt/ wan er
bett/ der bett nit in der warheit/ er bett in gesichten¹⁹ und
funden²⁰ seynes hertzens. Darauß volget/ das keyner
recht und zur seligkeit betten kan. er bette dan gott an/ im
glauben/ der yhnen zu Christo. und durch Christum zu got
brengt. Volget auch/ das yhm Christus/ kein weg/ kein
warheit/ kein leben²¹ wirt. wan er nicht stracks ynn reden
Christi bleibt. als geschrieben ist. Meyne junger bleyben
in meynen reden. Joh. viii.²² Es ist kurtz^j nit muͤglich. dastu
wol glaubest. und seyest auß²³ der warheit gotlicher zusag.
So wenig^k der glaub one wort endtsprissen und erhalten
mag werden. ßo wenig kanstu warhafftiglich ausszerhalb
A2^v gottliches worts betten. Disse tzwey stuck/ des gebets/
beschleusset Christus also. So yhr bettend. glaubt/ das
yhr nhemen werd/ ßo wirt euch gegeben.²⁴ In dissen worten
hastu den geist. und warheit. Den geyst in dissem wort/
glaubt. Die warheit/ das yhr empfahen werd. Alles das
wir im gebett begern/ muͤssen wir glauben/ das uns ge-
geben wirt. Gott hatt uns seyne verheischung^l geben/ da-
durch angetzeygt/ was er geben wil/ und wir bitten sol-
len/ an^m das/ wissen wir nit was uns nuͤtz und gut ist.

Sihⁿ ßo horen wir/ das ich im gebet was warten²⁵ muß/
von dem/ den ich anbet. Darauß flichtet²⁶ sich disser grund〈.〉
Das ich das nit soll anbetten/ ^oda von^o ich nicht^p nhemen.
und das mir nichts geben kan. Der ist ein narr/ der eynen
umb ettwas ansucht und bitt/ und waiß das er/ dasselb
nit geben magk. ¶ Hie mit solt ich vom brot und wein
yn dem sacrament sagen/ und besehen/ was uns brot und
wein geben/ und wie wir sie anbetten dorffen. Aber ich
behalte das/ biß an gebuͤrlich stell^q.²⁷

Anbetten in hebreischer art/ heist auch offt knie bigen/
nider fallen/ eere geben/ und wirt offt ßo gebraucht/ als
Gene. xlix. geschrieben ist. Dich sollen kinder deynes vat-
ters anbettenn.²⁸

Das anbetten wie wol es gering und gemeyn²⁹ ist/ dan-
nest³⁰ hatts^r gott vorbotten/ das wir den creaturen/ solche
eer thun. die wir als gotter eeren mochten. Alßo hatt gott
verbotten/ das wir wider^s Sonn noch Mon anbetten
sollenn.³¹

ii. Von dem brott und wein will ich nun sagen/ unnd
gesagt haben/ das ich nicht gern das menschlich/ Pa-
pistisch und vorfurisch wort gebrauch/ gestalt des brots/
gestalt des weinß/ wie ich in dem buchlin von beyden ge-
stalten/ Jorgen Reychen tzugeschrieben hab/ und will
gott bald werd^t lassen drucken.³²

iii. Demnach frag ich/ ob das brot/ daruber der Priester
gott gedanckt odder wollgesagt/ aber^u benedeyhung ge-
A3^rsprochen hatt/ antzubetten sey/ von dem gesagt wirt/ das
brott ist der leyb^v Christi.

iiii. Erstlich bekenn ich und sag/ das brot und wein/
(welche Papisten gestalt³³brots und weinß nennen)^w nicht
derhalben ein gesetzt sein^x/ das wir sie mit knie bygen eren.
und yhnen dergleychen ceremonien ertzeygen sollen.

Das Evangelium erclert offentlich/ wie man brott und
wein brauchen soll/ und ist nit heimlich/ das er³⁴ das brot
tzu essen/ und den wein tzu drincken fur tregt/ sagende.
Essend^y/ das brot/ ist meyn leyb. Drincket den wein/ der^z
meyn bluth ist.³⁵ Hett Christus lust und gevallen gehabt/
das wir brott und wein/ mit augen/ mit kniebiegen/ mit
kuͤssen/ und umbtragen/ solten eren/ er wer jhe ßo klug
und gesprech³⁶ gewest/ das er uns das selbe nit verborgen
hett. Darumb weiß ich die Engell messen³⁷ (die auff
umbtragen/ des wirdigen Sacraments³⁸ gewidempt^aa und
gestifft seind) nicht sonderlich zu loben. Dan ich weiß/ ßo
ich gott mit eusserlichen dingen hoffiren und dienen wil.
das ich seynes gesetzs und antzeyg geleben und nachvol-
gen soll. Mir ist auch bewust/ das ich die cerimonien nit
anders brauchen soll/ dan wie sie gott annhemen wil.

Nun hatt Christus jhe gesagt/ das wir seynn fleysch
essen/ und seyn bluth drincken sollen.³⁹ Derhalben sag ich/
das das hochwirdig Sacrament nit derhalben eingesetzt
ist/ das wir es mit anbetten^ab eren sollen.

v. Es volget aber nit/ Christus hatt brott und weyn
derhalben nit auffgericht/ das wir es anbetten/ odder
yhm andere ere thun sollenn/ drumb solt yhr dem brott
und wein kein ere thun.^40acDan wir wissen alls^ac/ das Chri-
stus sagt. Ich bin nit derhalben kummen/ das yhr mir
dienen solt/ sonder das ich euch diene. Johannis .xiii.⁴¹

Nichts dester mynder lobt er dienst unnd wolthat des
weybs/ die yhm seyne fueß mit augen trehern^ad wusch/ mit
yhren haren treuget^ae/ und mit yrem mund kuͤsset Lu. vii.⁴²
Des gleichen sprach Christus. das das weib wol. und ein gut
A3^v werck gethan/ die yhm sein haubt mit kostlicher salben
begoß. Matt. xxvi.⁴³ Er hat auch Marthan nit gescholten.
Zacheum nit gestrafft/ das sie yhnen mit freuden^af zu hauß
nhamen. Lu. x.⁴⁴ et^ag .xix.⁴⁵

Moses was den kindern von Israhel disser ursach hal-
ben gegeben^ah/ das er sie auß Aegypto solt furen/ vor ubell
behuͤten/ und sie tragen solt/ gleich wie ein mutter yhre
kindlin in der schoß oder auff dem ruck treget. Exodi .iii.⁴⁶
Nume. xi.⁴⁷ Jdoch wolt gott nit leyden/ das ym jemant
uneher^ai odder verdrieß thun solt/ das die historien/ von
Maria und Aaron beweist. Nume. xii.⁴⁸ Item von Chore
Dathan und Abiron. Nu. xvi.⁴⁹ und andere vil.

Dem nach volget es auch nit/ Christus hatt brot und
wein oder sein fleisch und bluth nit der ursach halben uns
bevolhen/ das wir yhm eer thun sollen/ odder das wir es
anbetten sollen. Drumb solt yhr yhm kein eere/ lobsam/
und preiß geben.⁵⁰ Wir seind yhm eere zugeben pflichtig.
und muͤssen es eeren. Das Paul'us' zu den Corinthiern gnug-
sam auß druckt/ sprechende.⁵¹ Wan yhr tzusamen kumpt/
seind yhr spennig und in secten geteylt. und drincket gleich
als in eynem ^aj tzechhauß und kretzschmar^aj52/ ein jeder ver-
sucht/ das er ym esszen und drincken dem andern oblig/
Drumb ist eyner druncken und voll/ der ander nuͤchtern
und hungerig. Wan yhr des willens seyd/ so tzimet euch
nit/ das hoch wirdig Sacrament tzunhemen.

Habt yhr nit heußer alßo zu essen und drincken?^ak oder ver-
acht yhr gottis hauß?^al Und wolt die beschemen die nichts
haben? In dem stuck kan ich euch nit loben. saget Paulus
i. Corinth. xi.⁵³ Und leret^am/ das wir das sacrament wirdig-
lich geniessen^an sollen/ sagende. Wilcher das sacrament
unwirdiglich braucht. Wilcher das brot unwirdig isset.
und^ao von dem kelch des hern unwirdig drincket/ der ist
des todts/ des hern/ schuldig/ und der eynem gleich/ die
sich am leib und bluth Christi vorgriffen. und yhnen ge-
todt haben.⁵⁴ Das wir aber/ das hochwirdig Sacrament
mit eererbietung und urteyl sollen eynnhemen/ gibt Pau-
A4^rlus disse ursach/ sprechende. Ihr solt den leyb des hernn
urteyln⁵⁵. Hoer^ap Paulus sagt oben von brot und wein/ das
die Corinthier^aq dasselb mit wirdiger eere empfahen sollen.
und gibt disse ursach/ das die empfaher/ den leyb des hern
urteylen můssen. damit sagt Paulus heimlich⁵⁶/ das er oben^ar
offenbarlich⁵⁷ geschrieben/ nemlich. Das brot der leyb des
hern ist/ das ist die ursach/ darumb wir dem brot eere thun
sollen. Wilcher das ym brot nicht sucht/ der nympt das
brot unwirdig. Darumb das er des hern leyb nicht
urteylt. Das ist das Paulus im^asat .x. c'apitel'.^at davor^au gesagt hat. Der
kelch/ den wir gebenedeyhen ist gemeinschafft des bluts
Christi. und das brot/ wilches wir brechen/ ist ein gemein-
schafft des leybs Christi.⁵⁸ Sih^av das ist die ursach/ das wir
dem sacrament eere thun sollen/ die Paulus offt/ nach Chri-
sto geben hatt. das brot/ der leyb Christi/ und der wein/
das blut Christi ist. Wilcher nun sagen darff/ das wir
brot und wein nit eren〈/〉 ßo der leyb und blut Christi gewor-
den seind/ der spricht/ das wir dem leyb/ und dem bluth
Christi kein eere sollen thun/ das sagt niemand/ dan eyn
feynd Pauli/ und aller propheten/ gottis lesterer/ wirt
auch keyner alhie⁵⁹ in ewigkeit verhort werden. Wiewol die
gleyßner⁶⁰sich mit nicht anders dan mit erdtichen⁶¹ luͤgen
rechnen⁶².

vi. Nu muß die auffgebloßen kroten^aw (der die augen vor
boßheit und lugen feuren schimern und blicken) dannest
horen/ das sie nit gern hort/ und sich in yhr finger beys-
sen/ das sie gesagt/ die von Wittemberg wollen Christo^ax im
hymel angreuffen⁶³/ den selben auch niderdrucken/ das sey
fern von uns. du gifftiger drach^ay und elender linckwurm^az.⁶⁴
wir haben eynen lawhen^ba de tribu Juda⁶⁵/ der kan dir dein
luͤgenhafftig maul wol stopfen/ dem werden die leyhen/ nit uns glauben〈.〉 Darumb hoer was ich von dem selben
gelernet/ der mich verstendigt^bb hatt/ was ich in dießem
val behalten soll.⁶⁶

vii. Drumb thun ich den zeychen (das ist brot und wein)
eere/ das ich weiß/ das gebenedeyht brot/ der leyb/ und
A4^v wein/ das bluth Christi ist/ wie ich nach der leng/ das
durch schrifft beweist habe/ in dem buchlin/ von beyden
gestalten⁶⁷. Sih^bc wie ich glaub/ das Christus war gott und
mensch ist. Alßo glaub ich/ das gesegnet brot der leyb
Christi ist⁶⁸/ und das brot bleibt/ das er in die hende genhu-
men^bd hatt/ oder das der ^be becker gebacken^be hatt.⁶⁹ Derhalben.
das die schrifft sagt. das brot ist der leyb Christi. Und ist
mir eynes ßo leicht tzu glauben/ wie^bf das ander/ dan ich
glaubs^bg beyd. Und weiß ßo die leyhen das Evangelium
lenger gelernet/ und diß thema. brot ist der leyb Christi〈/〉
yn solcher langweriger ubung gehabt hetten. als sie das
thema. Der mensch ist gott worden. geuͤbt haben. das yn
eynes ßo leicht und wol zuglauben wer/ als das ander.

viii. Ich acht das ein geborner blinder disse red gewiß-
lich seltzam achten wirt/ die wand oder der mensch ist weiiß.⁷⁰
dan er hatt der keynis gesehen/ alßo ists der natur auch
unglaublich/ das ein mensch gott sein soll/ und das natur-
lich brot der leyb Christi soll sein. Aber dem glauben seind
sie beyde leicht und glaublich. Gleich wie ich weiß/ das
das brot weiß und rundt ist/ drumb ^bh das ichs seh^bh/ ßo weiß
ich auch/ das brot der leyb Christi ist. drumb das ichs im
Evangelio seh^bi geschrieben. Ich hab auch keynen tzweyfel.
an dem wort Christi/ und glaub yhm/ ob mirs^bj. und mei-
nem adam⁷¹ tzusauer und wichtig⁷² ist.

ix. Die weil ich dan/ sonder wanckel⁷³/ eygentlich weiß/
das gebenedeyht brot/ der leyb Christi ist/ und alßo Chri-
sti/ wie er das gesagt. das ist des gantzen und lebendigen
Christi/ und der gesegnet wein/ das blut Christi ist. Hab
ich gar keynen tzweyfell/ das ich dem leyb und bluth Chri-
sti eere thun soll/ und magk tzu yhm sagen/ wie Thomas
sagt. Mein herr/ mein gott.⁷⁴ Und wie Centurio. Ich byn
nit wirdig/ dastu unter meyn dach gehst/ sonder sprich
ein wort/ ßo wirt meyn seel selig.⁷⁵ Aber^bk mag es mit fro-
lickeit empfahen wie Zacheus⁷⁶/ das loblicher/ trostlicher
und Christo einlicher^bl.⁷⁷

B1^r x. Alßo mag ich das brot/ das Christus ist/ anbeten/ von
yhm hilff biten/ wie wol es doch zu essen eingesetzt/ und
als ein tzeychen gegeben^bm/ drumb das ich Christum anbett/
mit welchem das broth ein dingk/ wie gott und mensch
ein person ist.⁷⁸

xi. Nicht das mir von dem brot ursprincklich gnad und
hilff gegeben^bn werd. Oder das ich dem natuͤrlichen brot bey
dem becker^bo/ aber⁷⁹ alhie⁸⁰ wan es der leyb Christi ist. furnem-
lich solche macht geben wil/ oder das ich endlich yn dem
brot. mit lieb. glauben/ hoffnung⁸¹/ anbeten/ eergebung fussen
und stilstehn wol. Dan also hett ich das angebett/ das der
becker^bp gemacht/ aber^bq die creatur gewirckt hatt. sonder ich
trett^br und gehn furt in Christum/ und eere das brot lau-
terlich⁸² darumb/ das es der leyb Christi geworden ist/ und
den wein/ das er das bluth Christi worden ist⁸³/ wan ich
das brot von seyner art wegen/ oder darumb das ein tzey-
chen allein ist anbettet/ mogt^bs mirs ergehen/ wie es dem
Babylonischen konig Baltasar ergieng/ davon Daniel.
v. geschrieben.⁸⁴

xii. Unsere Papisten mogen yhre gestalt mit gutem ge-
wissen nit eren oder anbetten/ dan sie haben kein ursachen
rechtes anbeten/ die Christus/ darnach Paulus und ich
jtzt geben haben. Ursach. Sie dorffen nit sagen/ gestalt des
brots ist der leib Christi. gestalt des weinß ist das bluth
Christi/ dan sie haben kein schrifft.⁸⁵ Derwegen seind sie die
jene/ ßo das Sacrament nit eeren mogen. in wilche aller
unflatt flissen soll. Wir wissen durch das Evangelium/
das broth/ der leyb/ unnd wein/ das bluth Christi ist.

Drumb urteln^bt wir den leyb des hern/ den sie jhe nit ur-
teyln⁸⁶ konden^bu.

xiii. Wir faren aber furt durchs brot in Christum.⁸⁷ des
leyb/ brot ist/ alßo eren wir das brot/ und eren es nit. Wir
eren es das wir wissen/ das brot der leyb Christi ist/ und
eren es nit/ das wir nit im brot/ sonder in Christo hafften〈.〉

xiiii. Das soll eynem frumen Christen nit fremd sein/
dan unser glaub steht auch nit endlich yn der menscheit
B1^v Christi/ sonder dringt durch alle creaturen zu gott. Der
wegen spricht Christus. Wilcher yn mich glaubt/ der
glaubet nit in mich/ sonder in den/ der mich gesandt hat.
Joh. xii.⁸⁸ Sih^bv da/ du neyd und haß⁸⁹/ was Christus spricht.
Der in mich glaubt/ der glaubet nit in mich/ alßo sprich
ich/ der dem brott glaubt/ der glaubet nit^bw dem brot. Soll
ich ynn gott glauben/ ßo muß ich jhe vor in Christum
glauben/ dan durch Christum haben wir eynen zuganck
zu gott⁹⁰/ dannest⁹¹ glauben wir nit in Christum/ sonder in
seynen vatter/ als Christus saget. Sich wie der glaub
durch alle hymeln und creaturn fleucht⁹²/ und eyniglich in
gott hafft. Was hatt Christus anders gesagt. Wilcher
in mich glaubt/ der glaubt nit in mich.⁹³ Dan der in Chri-
stum glaubt/ der steht nit endlich still in dem menschen
Christo/ sonder steygt auff tzu seynem^bx vatter/ des gebott
und wort Christus gepredigt hat.

Alßo sagt Christus. Wilcher mich siht/ der sicht den
/ der mich geschickt hatt. Johan. xii.⁹⁴ Es huͤlff^by die Juden
nicht/ das sie Christum sahen. Aber den glaubigen dients
zur seligkeit. das sie Christum sahen. dan^bz sie sahen ettwas
in Christo/ das uber alle creaturn^ca was. Derwegen sagt
Christus. Selig seind die augen/ die sehen/ was yhr seht.⁹⁵
Christus furt seyne junger stetz ubir sich in seynen vatter.
Alßo wer das brot anbetten/ und eren/ odder hilff daryn
suchen wil/ der muß uber sich in das hymelsch brot gehn
das Christus ist/ als er selber spricht. Ich bin das leben-
dig brot wilches vom hymell gestigen ist. ^cb Johannis .vi.^cb96
In solcher weyß mag ich das brott/ das der leyb Christi
ist anbetten/ eren/ loben und preysen. Wan ich aber/ das
brott von dem leyb Christi teylen/ unnd nicht glauben
wolt. oder kand^cc (davor mich gott bewar) das brot/ der
leyb/ und wein das bluth ist Christi/ wie das Christus
mit hellen worten gesagt hatt⁹⁷/ ßo solt ich yn yhm keyne
hielff suchen/ mochts auch nit anbetten und eren/ dan
ich stellet mir alßo eyne creatur zu eynem Abgott^cd. Drumb
woll sich jeder endsynnen^ce/ ob er Christo glaub oder nit.
B2^r Darnach ßo er den worten Christi geglaubt^cf hatt/ dem
brott und weyn eher geben yn dem das sie leyb und bluth
Christi ^cg geworden sein^cg/ wie ich oben geschrieben hab.

xv. Brot und wein seind nit allein tzeychen/ wie der
Regenbog war⁹⁸. und das vih^ch Abrahe Gene. xv.⁹⁹ Aber^ci der
schepper wolln¹⁰⁰ Gedeonis.¹⁰¹ sonder sie seind tzeychen/ und
das ding geworden/ das fur uns gelieden^cj und vergossen
ist/ Das ist. Brot und wein seind der leyb Christi/ und
das bluth Christi geworden^ck/ die wir anbeten sollen/ wie
gesagt ist oben ym. xiiii Artickell.

xvi. Ettliche stossen sich/ und sagen/ das sich vil leuth
ergern/ das wir¹⁰² das Sacrament ein tzeychen nennen.
Antwort/ die selben nennens vil ubler zeychen/ dan wir. wir
nennen brot und wein tzeychen/ nicht des leybs und bluths
Christi/ oder brots und weins/ sonder des worts/ das
ist bey der tzusag Christi. Was kumert uns/ das sich ett-
liche auß dem wort gottis ergern? Haben sich doch viell
auß den worten Christi geergert/ das er und seyne junger
bekennen. Christus ist ein eckstein aller unglaubigen/ das
sie sich an yhm ergern und verwunden sollen. Als Pet. i.
c. ii.¹⁰³ Spricht nit Simeon/ das Christus vil menschen ge-
stelt sein tzu eynem verderben? Lu. ii.¹⁰⁴Sollen wir die scheu-
hen/ die mensche fund eher einnhemen und loben/ dan
gottlich geschrifft? Soll das licht und gottis wort alßo
unter dem scheffel verdeckt bleiben?^105cl Nein das wort^cl got-
tis muß offenlich gesagt und geschrieben sein. Wilcher
das selb aus forcht oder umb gelt vorschweyget/ den wil
Christus auch nit erkennen.¹⁰⁶ Brott und wein seind tzey-
chen/ gottlichen tzusagen/ tzugegeben/ unser tzweyfell tzu
dempfen. Wiltu dich des wundern/ und unnutzlich oder
unchristlich von uns reden/ das wir obgenante ding zey-
chen heyssen/ was^cm wollen sie sagen/ wan sie wort Christi
leeßen/ der spricht. Wie Moses die schlangen in der wus-
tung erhocht hatt/ alßo muß der Sohn des menschen
B2^v auch auffgehenckt werden/ auff das meniglicher/ der yn
yhnen glaubet/ nit verderb/ sondern das ewig leben hab.
Joan .iii.¹⁰⁷ Mit disem wort gibt uns Christus zuerkennen.
das er am Creutz ein tzeychen gewest ist/ wie die schlang
Moisi^cn in der wuͤstnis^co/ die zu eynem zeychen auffgeworffen
war. Num.〈x〉xi^cp.¹⁰⁸ Was wollen sie nu sagen. wan sie gotlichs
wort clar verstendigt/ das Christus ein zeychen am creutz
gewest? wie die schlang Moisi^cq den gebissen und ansehern
was auffgehenckt? Wilche die schlangen ansahen/ die war-
den gesund gemacht/ wilche Christum/ ym glauben/ an-
sahen. die hetten das ewig leben/ und waren vor verdam-
niß versichert. Die schlangen^cr was ein tzeychen der ver-
heyschung^cs/ ^ctdie leypliche gesundheit verkundiget. Christus
ein tzeychen der zusag^ct/ die allen glaubigen/ geistlich gesund-
heit/ verhutung des verderbenß/ und ewig leben verhiesch^cu.
Sih^cv das Christus ein zeychen ist. Sih^cw wie Christus alle
gerechtigkeit uber sich¹⁰⁹ in seynen vatter aufftregt/ der al-
lein gott ist/ und mit keyner creaturn vereint/ als Chri-
stus vereint was〈.〉 Sih^cx das ist/ das Paulus spricht.
Er ist ein gerechter/ der gerecht macht/ den jhenen/ der
durch den glauben Christi ist. Rho. iii.¹¹⁰

xvii〈.〉 Wiewol das gnug solt sein. Dannest sollen unser feind
wissen/ das der herr ein zeychen ym Esa'ia' genant ist. Wilcher
in .lv. c'ap'. also spricht. Der herr wird yhn zu eynem namen/ und
ewigem zeychen^cy sein/ das nicht vergehn wirt.¹¹¹ Sich der
herr soll ein ewig unvergencklich zeychen sein. Wie er selber
spricht. Ich werd bey euch bleyben/ biß anß end der werlt〈.〉¹¹²
Alßo ist uns Christus ein ewig tzeychen. Den unglau-
bigen ist er ein tzeychen/ des widerpellen/ das jderman
anficht/ das sie widersprechen/ als Simeon gesagt hatt.
Luce .ii.¹¹³

xviii. Esaias saget auch/ das der herr uns tzu eynem
namen wirt werden.¹¹⁴ das ist. Wir werden uns in seynem
namen nennen/ drumb nennen wir uns Christen/ von
Christo/ und wie wir ^cz yn yhm^cz eynen namen haben/ alßo
seind wir in Christo/ ein leyb. Demnach spricht Paulus
B3^r auch. Wir seind alle/ ein brot. die von eynem brott essen¹¹⁵/
alßo ist uns der herr genent/ oder tzu eynem namen/ das
wir ein brott/ ein leyb/ ein Christlicher hauff seind. Dar-
auß^da volget/ weil Christus ein zeichen ist/ das auch brott
und wein tzwey tzeychen woll mogen genent werden/
und das die ßo tzeychen brauchen und genissen yhre na-
men erlangen. mogen brot genant werden. Derwegen soll
sich kein Christ hyndern¹¹⁶/ ßo man brott und wein tzey-
chen heist. wil er tzurnen/ ßo tzurnet er mit der schrifft.

xix. Nun soll auch niemant anfencklich und endlich in
dem brott und wein/ mit anbetten oder glauben fuessen/
dan sie seind jhe creaturen. Das brott ist gleich woll das
brott/ das der becker^db gebacken^dc hatt/ ^ddob es der leyb^dd Chri-
sti geworden ist. Wie auch Christus gleich der mensche
bleibt. den^de er in mutter leyb empfangen hat/ ob gleich der
selbe menschlich leyb gott ist. Derwegen wan ich das sa-
crament anruff/ wan ich glauben/ lieb und hoffnung auff
das selbe richt/ hafft ich nit in dem/ das ich seh^df/ sonder
in dem/ das das unsichtbarlich ist/ das ist/ ym leyb und
bluth Christi.

xx. Derhalben lob ich die nit/ ßo das brot im sacrament
achten/ wie sie ander brot halten. das man von den Bic-
karden¹¹⁷ redet. Dan richtet alle uneheren/ ßo dem
gebenedeyte broth geschehen (wilches der leyb Christi ist)
auff den leyb Christi/ wie oben gesagt.¹¹⁸ Darnach wisse
sich meniglicher zu richten. Doch alßo das er der schrifft
nach leeße/ und erkunde sich ob mein schreiben gottis wort
gemeß und gleich sey.

Wiewol ich von neuen tzeyten¹¹⁹ nicht willens gewest bin.
ettwas hiemit zu schreiben/ sie gehoren auch nit in das
buͤchlin. Dannest weil ich gots gnad sonderlich jtzo^dg hoer
loben und preysen/ wil ich euch¹²⁰ nit bergen^dh. Des meynn
gnedigister her von Magdeburgk Ertzbischoff und pri-
mas etc.¹²¹ Uber das/ das s'eine' Curf 'ürstlich' g'naden' gott lob/ eere und glorien
gibt. s'eine' Curf 'ürstlich' g'naden' furstenstam trefflichen erleucht 〈werde〉/ das s'eine'
Curf 'ürstlich' g'naden'
B3^v anfahen/ die Evangelische warheit/ mit ernst tzu lesen
und erwegen. Man sagt hie¹²²/ das s'eine' Curf 'ürstlich' g'naden'^di das obirste und
aller erlichst Bischoffampt selber (wann sie dartzu ge-
schickt sein¹²³) wollen verwesen/ und das Evangelium pre-
digen/ das mir unsegliche freud gemacht hatt. Ich weiß
nit. was ich liebers erfaren mocht. Der lebendig got geruch¹²⁴
seyne gnad alßo erhalten und mehren/ ßo werden andere
nachvolgen/ und gewißlich/ das Romisch jog^dj/ und kerc-
ker vom halß werffen. Es ist jhe schad fur unsere Teut-
schen prelaten (den gott grossen verstand geben/ die auch
mercken/ das Bepstlich regiment auff platterichten^dk125 fue-
ssen geth) das sie Teutsche Nation nit selber. unversucht¹²⁶
Bepstliche einsetzung oder confirmation/ regiren. Ange-
sehen/ das sie gen Rom vil gelts schickten/ und nicht an-
ders dan briefflin und lufftwort heim brengen. Wir dor-
ffen¹²⁷ des Bapsts tzu nicht anders/ dan tzu eynem beutell-
feger/ und verleydter^dl128 Christlicher Seelen/ das ich gern
war machen wil. und mit der hilff gottis wol vormag.
Ich weyß auch/ das mir prelaten ym hertzen tzufallen¹²⁹
muͤssen. Wan yhr mund/ mit yhrem gewissen vereint wer
ich wolt yhr jawort bereit haben.

Wolt gott das sie den willen hetten/ wie sie die macht.
fug/ und ursach haben. das Romisch netz zubrechen. Es
solt balt reyssen unnd knartzen¹³⁰ (Jdoch wurd^dm der sachen
wol geratten¹³¹/ das kein pfaff nach brot gen must^dn/ oder am
leib beleidigt^do werden. wer das begert/ der ist nit Evange-
lisch)〈.〉 Ihnen¹³² gebrist^dp nicht dan gutter will. Mir gebricht
die macht. Hetten sie meynen willen/ oder ich yhre sterck/
heut/ heut. wolten wir Papistische und unchristliche
leer/ tugend/ sitten/ und religion auß ^dqDeutschen landen^dq ver-
weißen/ und wolten uber den Popel^dr133 tzu Rhom das ana-
thema leeßen. Wir seind in seynem reych/ wie die Juden
in Babylonia gefangen.¹³⁴ jha schedlicher/ das wir nit al-
lein gottlich hostien und opfer mangel muͤssen. wie die Ju-
den/ sonder datzu das wort gottis/ das¹³⁵ vil ferlicher ist.
Osee am sechsten.¹³⁶ Danielis .ix.¹³⁷

B4^r Der Priester. ßo des eestands halben gefangen gelegen¹³⁸/
ist/ ledig unnd^ds frey geben/ und behelt sein pfar/ unnd
sein eeweib dartzu/ das hat mir ein glaubwirdiger gesagt.
und gibt scheinlich¹³⁹ antzeyg/ das ^dt m'ein' g'nädiger' h'err'^dt von Magdeburg^du140
tzunhemen wirt in Evangelischer freyheit und warheit〈.〉
Das ^dv s'eine' Curf 'ürstlich' g'nad'^dv auch tzimen und gebuͤren will/ als eynem
Primaten Germanie. Der barmhertzig got woll ^dw s'ein' Curf ürstlich-
gnad^dw stercken und alßo behalten.

¶ Gedruckt tzu Wittembergk / Nach Christ
gepurt Tausent funffhundert und
ayn und tzwantzigsten
Jar