Czum^d ersten, wie^e das ein große sache ist und das
gantze Commun gemeyner^f christenheit betrifft, sollen
wir uns nicht ubireilen; den es mocht durch uns
als den kleinsten hauffen swerlich erhalden werden.³

Czum^g andern〈,〉 wo auch solchs im heiligen ewangelio
gegrundet, szo werden ungezcweiffelt, das auch mehr
leut daraus vormercken und dem anhengig werden,
ßo mochte die voranderung mit dem gemeynen hauffen
bestendiglich und sunder beswerunge vorgenommen werden.⁴

Czum^h dritten〈,〉 dan s'eine' k'ur'f 'urstlich' g'naden' mag nicht bericht werden, wan
disse ordenung messe zu halden, die nuh villeicht viel
hundert jhar durch die gantze christenheit gehalden,
angefangen und die, der sich die apostelen gebraucht,
auffgehoret habe〈.〉⁵

Czumⁱ virden〈,〉 die weil die kirchen und closter gemeint-
lich auff messe halden gestifft sein, wen man dan^j
die messe fallen ließ, ßo worden die folg und wir-
kung der ursachen der messen auch fallen und ab-
gehen, und wurd den ^kkirchen und klosteren^k die ein-
kommen enthalten und abzcihen〈.〉

Czum^l funfften〈,〉 ßo dan sich understanden, derhalben
ymandts aufflegunge^m zu thun, ketzer ader vorfolger
der kirchen zu schelden, ßo mochten mannicherlei be-
swerung, unenikeitⁿ, zcwitracht erwachssen, derhalben
wir^o sampt dem capitel und universitet sollen
einsehen, das nichts vorgenommen noch^p understanden
werde, daraus zcwispeldikeit und aufruhr erfolgen
mocht〈.〉⁶

11^v Diß alles haben wir^q mit weiterem seinem^r innehalt
in aller underthenikeit vornommen und nach^s
gehabtem^t vleissigen rathslag uff s'eine' k'ur'f 'urstlich' g'naden' bevehlch
wie volget bedacht〈,〉 undertheniglich bitende〈,〉 s'eine' k'ur'f 'urstlich' g'naden'
welde uns gnediglich hoͤrn und mit vleis der
sachen nochdencken,

Und nochdem wir^u s'eine' k'ur'f 'urstlich' g'naden' vorhyn von den grobsten
tzweien misbrauch der messen geschriben haben⁷,
von den, die, umb eigen nutz willen ader aus georden-
ther und gestiffter fundation alzo gezcwungen〈,〉
an alle begierde und dorst der gnaden messe halten〈,〉
Szo ßagen wir noch, das disse tzwen missebrauch der
messen sollen abgethan werden, welchs an⁸ alle be-
swerung ^vund entporunge^v wol gescheen kan. Und wen es auch^w gleich
nit gesein^x kunde, szo ßal darinnen gar kein
ergerniß noch schande angesehen noch geacht
werden. Wie Christus zu den phariseis, die
sich auch an seiner lere, darumb das sy widder
yre mentzschen ^ytradicion und gesetz wahr^y, erger-
ten, Mathei am^z xv. sprach; last sie fahren; sie
seind blind und blinden fuhrer.⁹ Man ßal yhe
got mehr gehorßam sein dan den mentzschen〈,〉 Actuum v.¹⁰
Und ob wir wol der kleinste hauffe sein, szo ßal
doch darumb die warheit des gotlichen wortes, welchs
ubir alle engel und creaturen ist, die weil es klar
im ewangelio und Apostolo stehet, nit voracht
werden〈.〉 Dan es hath alweg der kleinste und vorach-
teste^aa hauffe die warheit gepredigt und angenommen〈,〉
und wirdt auch alzo bleiben bis zu ende der welt〈.〉¹¹
Hat doch Christus vorachte〈,〉 geringe〈,〉 arme〈,〉 einfel-
dige〈,〉 ungelerte und wenig personen, die warheit
zu vorkundigen^ab in die welt geschickt, Und yhn allein
die gotliche weißheit geoffenwaret, welche er vor
den grossen〈,〉^ac hochen〈,〉^ad klugen und weißen disser welt
vorborgen hat〈,〉 Mathei am^ae elfften〈.〉¹² Do mit ist der erst
artickel unßers bedunckens gnucsam voranthwort〈.〉
12^r Auff den andern artickel^af〈.〉 Stundt doch auch im gesetz
Mose^ag gantz klar und mehr dan an einem ort, das
Christus solt als ein vorachte perßon in disse welt ein
seligmacher geborn werden.¹³ Und kunde^ah noch wolt nymant
vorstehen, darinnen finden〈,〉 noch Christum annehmen
den die, den es vom vater gegeben wardt,¹⁴ die geringen〈,〉
einfaltigen und armen, welche mit dem geist gots
erleucht waren. Alzo auch, ^ai ab wol^ai im heiligen ewan-
gelio disser vorangezceigter und warhaftiger brauch
der messen und viel ander christlicher dingk klar
steht, szo kunden yn^aj die hohen priester〈,〉 klugen und
weissen, eygen nutz halben, und das aus blinder〈,〉 vor-
stockter mistrau yrer stende, ere, zcinße und seckels
forchten, nit vorstehn noch zulassen, dan sie seind
durch mentzschen ^ak tradicion〈,〉 lere und gesetz^ak gantz und
gar vorblendt, wie die pharisei〈,〉 hochen priester und
schrifftweissen zu der zceit Christi durch yre selbst
tradicion und gesetz vorblendet warn, das sie Christum
nit alleyne nicht vorstunden noch annahmen〈,〉 sondern
auch aus allen iren krefften yme^al gantz und gar
wutende widderstrebeten^am〈.〉 Derhalben〈,〉 ob es wol im
ewangelio steht, ^anwie man messehalten ßal, szo wirdt
doch^an solch einfahltig recht christlich messehalten, do
fuhrnehmlich das wort gots alzceit gepredigt werde〈,〉^ao
nymandts zugeben ader nachlasssen, es werde yhm den
von oben erab gegeben^ap.

Von den fundationibus und wen disse itzige messen erst-
lich angefangen haben zu reden, wie der dritte und virdte
artickel vermerckt, szo finden wir〈,〉 das die alten stifft
und closter nit seind darumb gestifft und fundirt〈,〉 das
man solle messehalden und horas canonicas ane alle
besserung der kirchen und des christlichen hauffens
heulen, wie man itzt ^aqtag und nacht^aq thut.¹⁵ Sie seind aber
do zu ^arvorordent und gestifft^ar worden〈,〉 das darinne die
jungen leuthe in der heiligen schrifft und christlichem
glauben solten ertzogen und unterweist werden〈,〉¹⁶ und^as
12^v alzo alle alde ^atthumstifft und closter^at der christen
kinder schulen gewest^au zcur zceit sancti Augustini
und noch lenger bis uff die zceit s'ancti' Bernhardi〈.〉
Darzu seind alle gutter der kirchen vorordent und^av
gegeben wurden〈,〉 als ein lohn und solt der prediger
und leßer〈.〉 Auch zu enthaltung der schuler und
armen leuthe, wie den das klar in den historien
bfunden^aw wirdt.¹⁷ Die nauen stifft und
closter〈,〉 welche inwendig vier ader funffhundert
jharen gefundirt sein, seind allein umb messe-
halten und singens willen, wie itzt fur augen〈,〉
auffgericht. Und die weil dan die selbigen
stifft die personen zu gewisser zcal der messen
wochlich¹⁸ dringen〈,〉 welchs ane sunden, wie oben
angezceigt〈,〉 nicht gescheen kan^ax, szo ßal man
solche stifftung ader zcwangk ane alle hindernis
abethun. Und ob auch gleich ethliche stiftung
zu gewisser zcall der messen nymand dringen,
die weil sie doch darauff gestifft und fundirt
seind, das die messe als ein opfer und gut werck
fur ein ander ^ay moge und ßal^ay gehalten werden〈,〉 szo
ßal man solche stifftung auch abethun und ver-
andern. Wan die warhafftige messe eines
fromen pristers nymand dan ime selbs^az, keinem
andern nutz ist und auch nit mehr noch besser〈,〉
dan wan ein leyhe zum sacrament geth, wie
wir s'eine' k'ur'f 'urstlich' g'naden' in unßerem vorigen schreiben¹⁹ unterricht
haben〈.〉 Und geschicht derhalben den
stifftern gar kein nachteil〈,〉 dan sie seind durch
die pfaffen betrogen worden und haben gemeint〈,〉
sie haben fur sich und ire freunthschafft ethwas
nutzbarlich und fruchtbarlichs, das inen zu irer
ßelen heill und trost kommen solt, gethan, Und
ane zcweiffel〈,〉 wo sie itzunder uffstunden〈,〉 worden
sie solchs selbst anderen, wol wissend〈,〉 das es
13^r umb sunst und^ba geitz willn der pfaffen er-
dacht were, Und es ist auch gewisse〈,〉 das
disse weiße und form fur ein andern〈,〉 sonderlich
vor einen vorstorben〈,〉 umb geldes willen uff^bb
gnante und^bc gewisse zceit messe zu halten〈,〉 neulich^bd〈,〉
vor ethlich hundert jharen, erfunden ist〈.〉 Und wirdt
solcher anniversarien und begengnußen in alten
fundationibus mit keynem wort gedacht〈.〉^be20 Und
wan auch gleich solch messe vorkauffen, zu der
zceit s'ancti' Petri gewest were, szo solt es doch〈,〉 die
weil es eitel sunde und gots lesterung ist〈,〉 abgethan
werden, Paulus klagt gereit^bf21 zu seinen zceiten, das
des antichristi regiment in ceremoniis und anderen
eußern^bg wercken sich anfahen wolt,²² Darumb ßal
solcher missebrauch der messen umb keiner creatur
willen〈,〉 sie sei im hymel ader auff erden〈,〉²³ geduldet
ader geliden werden.

Man hath auch auff die erste und alte weiße〈,〉 das
man den umbstandt mit beider gestalt bericht hat〈,〉
bis uff die zceit Cipriani²⁴ messe gehalden, Und
ist disse weisse ^bh noch in^bh gantz Krichenland und
in^bi orientalischer kirchen bis auff dissen heutigen
tag, und halten messe〈,〉 wie die aposteln gethan
haben〈.〉

Und das disse weiße und forme〈,〉 wie itzt messe
bei uns geleßen wirdt, gantz nau sei, zceigt an
das gantz bistum zu Meylandt, welchs nit
weit von Rohm ist und das fuhrnehmste teil〈,〉
den^bj canonem^bk der messe〈,〉 gar nicht haben^bl〈.〉²⁵ Und
kan kein Romischer aus den Meylandischen buchern
messehalden. Szo ist auch die weis und form der
messen geandert und gemert worden durch die
bebste Damasum^bm26〈,〉 Gelasium²⁷〈,〉 Celestinum²⁸〈,〉 Gregorium²⁹〈,〉 die
neulich geweßen sind,

Derhalben solt man den alten ersten gebrauch〈,〉
13^v die weise und form der aposteln〈,〉 nicht verachten
und ßo frevehlich ane alle ^bngrundt und schrifft^bn
dovon weichen〈.〉 Dan Paulus spricht〈,〉 Ich hab es
von dem herren ^boentpfangen und genommen^bo〈,〉 das
ich euch gegeben habe.³⁰ Wie wol wir von der
^bpform und weiße^bp nicht vornehmlich reden〈,〉 und
ist wenig an der form und weiße gelegen〈,〉 wen
die heubtstucke unvorruckt bleiben, Darvon
reden wir aber, das itzund ubir die weiße
und form〈,〉 ßo geandert ist, mechtige〈,〉 grosse
misbrauch und gotslesterung vast in alln
messen geschicht, und das widder Christus
ordnung und einsatzung³¹ die eine gestalt dem
armen volck mit gewalt genommen ist,

Und ob wol daraus große beswerunge und
zcwispeldikeit erwachssen wurden, szo ist es
nit unßer noch der schult, die die warheit
gotlichs worts lern und predigen,³² sonder der,
die es aus neid und hasse umb eigen ere und
nutz willen nicht annehmen wollen, dulden
noch leiden, jha vorhindern und underdrucken〈.〉
Wan die selbigen hochen priester〈,〉 pharisei
sampt mit^bq den schrifftweißen^br33, die heilige
gotliche schrifft, offentlich horen〈,〉 predigen und
leßen ließen, ab sie es schon nit annehmen〈,〉 und〈,〉
wo^bs sie es^bt kunden, mit grund und schrifft widder-
legeten und nicht mit gewalt alzo unterdruckten〈,〉
Szo wurde keine zcwitracht〈,〉 auffruhr ader uneni-
keit, Die Weil sie aber an alle grund und schrifft
widder yr eigen gewissen den weltlichen fursten
einbilden und blaßen, das solche lere ketzerrisch
und unrecht sei, Szo ists keyn wunder, das die
prediger gotlichs worts sampt iren anhengeren
verfolgt und erwurgt werden. Darumb ßal man
14^r solche beswerung nicht ßo hoch achten ader furchten.
Dan wo Christus solche beswerung〈,〉 zcwitracht〈,〉 auff-
ruhr^bu〈,〉 krige und ander todtslege und durch sein
ewangelium veranderung der gantzen welt het
sollen ansehen und furchten, szo hette er sein pre-
digen nachlassen mussen〈,〉 desgleichen die aposteln〈.〉
Und wie wol durch yr predigen ein solcher tumult〈,〉
auffruhr und sedicion unter den Juden zu Hieru-
salem wardt umb des gesetz willen,³⁴ das von
got gesetzt und gegeben was³⁵, doch ließen sie yr
predigen nicht nach. Der teuffel wurfft uns solche
leipliche und eußerliche fehrlikeit fuhr, do mit
er gots wort, das er nit leiden kan, vorhindern
mocht, Derhalben sollen wir den teuffel nit zu ßere
furchten und das got bevehlen und heimgeben〈.〉
Die schrifft muß yh^bv erfullet werden, das ein solche
grose verfolgung ubir die christenheit kummen ßal〈,〉
der gleichen nie gewest ist von anbegin der welt,
Mathei am^bw xxiiii.³⁶ Szo hat auch Christus klar ge-
sagt Mathei x. Ich bin nit kummen, frid zu machen
auff erden, sonder unenikeit zcwischen^bx vater und ßon〈,〉
mutter und tochter, mann und weip,³⁷ alzo das eins
das ander umb gots willen ertzornen und ubirgeben
ßal. Dan wer mich nicht mehr lieb hat, spricht
Christus do selbst〈,〉 dan sein vater und mutter, sein
eigen ere〈,〉 leib und gut〈,〉 der ist meyn nit wirdig〈.〉³⁸
Das ist, Der umb meynes worts willen nit leib〈,〉
ere und gut vorlassen darff, der ist nit ein war-
hafftiger Christ.³⁹ Es ßal sich auch nymand daran
stossen, das groß und viel ergernis daraus
erwachssen wirdt. Dan Christus〈,〉 wie geschriben
steht〈,〉 ist wol in die Welt kummen und gegeben
den〈,〉 die in yn und sein wort glauben, das sie
sich an yme besseren sollen, das ewige leben zu er-
langen,⁴⁰ Aber den〈,〉 die in yn ader in sein wort
nicht gleuben, ist er gesatzt und gegeben, das sie sich
an ym ergern und do durch ewig sterben〈,〉^by wie
14^v Lucas am anderen^bz sagt〈,〉 Hic positus est in ruinam
et resurrectionem multorum in lsrahel.⁴¹ Und am
xx.⁴² Den stein, den die bauleut verborffen^ca haben〈,〉
der ist ein heubt eckstein worden〈.〉 Und ein itzlicher〈,〉
der auff yn fallen wirdt, der^cb wirdt sich zu-
knirschen〈.〉 Und uff wen er fallen wirdt〈,〉 den
wirdt er zu pulver mahlen〈.〉⁴³ Dan Christus ist
gesatzt und gegeben zu einem zceichen〈,〉 welchem
ßal widdersprochen werden〈,〉 Luce ii.^cc44