Ersamer gonder und furderer/ Die weil ich euch
als einen liebhaber/ reyner Christlicher warheit (szo in
Biblischen buchern eingeleybt)² in eygner person/ und
auch durch eur gonder (der yhr nit wenig/ umb eur
dienst/ leuthselickeit/ und gutheit/ habt erlangt) vermer-
cket und erkant/ hab ich allen Christen/ sunderlich euch/
zu gut und ehren/ ein kurtz antzeyg und berichtung thuen
wollen/ Auff das yhr eygentlich sehen unnd verstehen
mugt^h/ welche bucher/ in der Biblienn warhafftiglich
Biblische und Gotliche bucher/ und widerumb wilche
unbiblisch seint. Item welche zu ernst/ und widder star-
cke gewappente feynd furtzuwenden. Widderumb wel-
che allein den hauffen gemehren/ und zuschumpff oder
widder plosse einfeltige krieger (als Parfuesser holtzschugerⁱ seint³) dienen.⁴ Das thu ich derhalben/ das euch
die graue gesellen/ und andere keszyeger⁵/ nit an der seel
beschedigen/ wie sie sich/ an euren guttern/ gesuntheit
und leben/ vortzeitten/ zuvorletzen^j unterstanden haben.
Ich hoff yhr werdet^k mir nicht verargern/ dan/ der wir-
dige her und magister Johan Sturtz/ eur bruder (der
anher/ den rechten Christlichen glauben zulernen)⁶ gekum-
men/ hat mich vertrost/ das euch/ diesses zuschreyben/
zu keinen ungefallen gereichen wurt/ Damit got befol-
len. Datum eylung/ Wittemberg Sontags nach aller
heyligen. Im Jar. M. D. XX.⁷

A2^rVorred.

Nach dem ittzt^l/ wie ich bericht/ neu und
deutsche Biblien/ sollen gedruckt wer-
den⁸/ und alle Christen geystliche und ley-
hen/ gelarte aber^m9 ungelarten/ die heylige
schrifft/ zuleszen odder horen leszen (und
in solchem vleysz) schuldig seint/ das sie
widderumb andere Christen leren mugen und wollen/
hab ich obgenanter/ auff anregen unnd begerung etzli-
cher gotforchtiger menschen/ allen und yeglichenⁿ Chri-
sten/ alden und iungen/ geweichten und ungeweichten¹⁰/
menner und weyber¹¹/ ein kurtze unterricht thun wollen.
Welche bucher/ an^o12 yemandts widerred/ Gotlich und
Biblische seint/ welche auch widerumb von etzlichen
nit angenummen oder zugelassen/ Damit der fruem^p und
getraue^q diener gottis/ sich auff die allerbeste schrifft le-
gen mug/ und der leer obligen/ die yhnen/ durch alle ke-
tzerische feynd tragen/ unnd ausz aller ferlickeit brengen
mag. Und das er (wie ein klueg lamblin^r) die beste weid
erstlich suchen kan/ Aber ich wil das allis auffs kurtz-
te versuchen. Szo ymandts weitter berichtung bedarff
odder begert/ der lesze mein lateinisch buchlin de scrip-
turis Canonicis intitulirt und genennet¹³/ das wurt yhn
ferner furen und verstendigen.

Biblisch bucher des alten testaments.

In dem alten gesetz/ seint nachgeschriebenn bucher
Canonici/ das ist/ gotlich oder Biblische/ Funff bu-
cher Moysi/ die selben .v. bucher sein zeitten von Christo
das gesetz genant.¹⁴ Unnd die Juden nennen auch noch
heut die selbe funff bucher/ das gesetz/ hebraisch thora.

Darnach machen sie/ die Juden (unnd ist alszo bey
den gelarten Christen in ubung und gewonheit) die anA2^v
dere ordnung der Prophetenn/ nemliche disser bucher.

Josue.i.Zum ersten zelen sie unter den propheten/ Jesum ein -
son Nave/ das ist/ das buch Josue.

Judicum.iiDarnach das buch der richter/ zu dem selben hen-
cken sie das buchlin Ruth.Ruth.

Samuel.iii.An die dritte stelh ordnen sie Samuel/ das ist/ das
erste und ander buch der konig.

buch der konig.iiii.In die vierde stad setzen sie das buch der konig/ das
seint/ die zwey letzte bucher der konigen.

Esaias.vAn das funffte glid/ stellen sie Esaiam.

Hiere.vi.Hieremiam in das sechste.

Die sibendeEzech.vii stadt geben sie Ezechiel.

Und die achte stelh behalten die .xii. klein propheten/xii. kleinpropheten
die ein buchlin bey den Juden seint〈/〉 besitzen und inhaben.

Disse bucher heyssen prophetische/ szo in diesser an-
dere ordenung begriffen.¹⁵

Driet^s ordnung gotlicher bucher.

Die driet ordenung begreuffet^t bucher/ der yene/ szo
die Juden heylig schreyber/ odder heylige leerer genant
haben/ wie wol sie etzliche lerern/ ausz den selben/ als
David/ Moysi vergleichen.¹⁶

Job.i.In disser ordnung stehet das buch Job zufodderst.

David.iiDarnach David/ den sie mit einem psalmen buch
beschliessenn. Do auch zumercken ist/ das die psalmen
der yenen seint/ der titel sie haben/ welcher aber an^u17 uber-
schrifft ist/ der selbige gehort zu denn schreybern odder
meystern/ die sich uber negest vorgehenden psalmen ge-
schrieben. Ich weysz wol/ das Augustinus in der zalh
disser bucher vil anders redet/ dan Hieronymus. Ich
weysz auch/ das er andere meynung hat/ von den psal-
men/ aber yhr sollent^v wissen/ das Hieronymus in di-
ssem vahl^w/ Augustino weyd uberleit/ und grosser zuach-
ten/ und Hieronymo auch nachtzufolgen ist.¹⁸

Es ist auch szo offenbar/ das der heylig Augustinus A3^r
geyrret/ das einer greuffen kondt/ und wir mugen yhe
nit leugnen/ das er geyrret.

In ytzt obangetzeygter ordnung haben drey bucher
Proverbia.iii.Salomonis.

Die driet stelh/ nemlich proverbiorum aber¹⁹ Beyspilen
odder gemeyner reden.

Eccle.iiiiZu dem vierdten/ das buch Ecclesiastes.

Canti.v.Zu dem funfften/ das buch Canticum canticorum.

daniel.vi.Zu dem Sechsten Daniel.

Para.vii.Zu dem sibenden Paralipomenon.

Esdras.viIi.^xDie achte stadt behelt Esdras/ nemlich seinn zwey
erste buchlin.

Hester.ixAn neundter stelh stehet Hester.²⁰

Summa der bucher.Und also zelen sie nit mehr/ dan .xxii. bucher des alten
gesetzes/ aber auff das allermeinst .xxiiii. so man die bu-
cher Ruth/ und der Drehen Jeremie²¹ sonderlich abtzelen wil〈.〉²²

Alle bucher/ die unszer bucher dem alten gesetz zuschrey-
ben/ und seint nicht in obgemelten ordenungen begriffen/
die seint/ nit von allen gleubigen angenommen/ und fur
Gotliche odder Biblisch schrifft gerechnet. Ja ich sag
Apocryphi.frey mit sanct Hieronymo/ sie seint Apocryphi²³/ das ist
unbekanter autoriteten/ und haben kein Biblische hey-
lickeit/ Darausz folget/ das Augustinus viel bucher ze-
let/ und fur heylig schrifft achtet/ die doch nit fur heyli-
ge schrifft/ solten getzelt^y und geschatzt werdenn.²⁴ Es ist
auch unverborgen^z/ allen den yenen/ szo heylig schrifft des
alten gesetz/ odder testaments/ in der sprach/ der Juden (von
welchen das alt testament zu unsz gekummen) leesen/ das
nicht mehr/ auch keine andere bucher dem alten gesetz zuge-
horig seint/ dan .xxii. obertzelte bucher. Es sol auch nie-
mants andere bucher/ mit dem alten gesetz zelen/ dan die
ytzt oben vermeldet seint.²⁵

ManasseDarausz folgt^aa/ das gebet odder Oration Manasse
nit als heylig schrifft zubrauchen ist.²⁶

A3^vItem/ das die letzte zwey bucher (szo Esdre/ durch
yrthumb/ unterschrieben)^ab auch nit fur heylig biblische
schrifft sollen gehalten werden.²⁷ Und sol sich niemants
entsetzen/ szo er in den heyligen lerern (als Augustino/
odder Ambrosio und der gleichen) obgenant bucher
(nebendt heyliger gotlicher schrifft eingefuret) leszenn
wurt/ Dan wir mugen in diessen zeitten schrifften Au-
gustini/ und seiner gleichen/ auch einfuren/ Aber wan
wir yhre lerungen/ als heylige biblische schrifft/ und in
solcher wirden wolten gebrauchenn/ szo tethen wir un-
recht/Vide de scripturis Canonicis und ertzurneten den heyligen Augustinum hertig-
lich/^ac Das ich reichlich^ad in dem buchlin von unterscheyd
heyliger geschrifft/ und heyliger lerern/ beweysen wert/
wil got/ und in obgedachtem buchlin de scripturis Ca-
nonicis beweyst hab.²⁸

Tobias.iii.Item/ ausz obvermelter ordenung folget auch das/
das buchlinn Tobie auch nit als heylige/ Biblische
schrifft/ in dem alten gesetz beschlossen.

Judit. v.Item/ das Judith auch nit zu den^ae alten gesetz geteylet ist.

Sapien.viDergleichen nachgeschrieben bucher/ nemlich das
Eccle.viibuch Sapientie/ Ecclesiastici/ ii. bucher Machabeo-
rum.Machabeorum. viii Item Baruch/ die zwey letzte capittel Danielis/
Dani.ix.und ein gut teyl Danielis in dem .iii. capittel/ nit gotli-
cher schrifft seint. Dan der bucher und gedachte capit-
tel/ ist keynes/ unter den buchern/ des alten gesetzes ge-
schrieben.

Ich glaub wol/ und gestehe/ das die Juden der sel-
ben ein teyl itzt (wie wir die Christliche lerer) haben/
aber in der Biblien stehen sie yhe nit vertzeychendt/ es
sol sie auch keyner wirdigen als die Biblische bucher.²⁹

Unter dissen buchern itzt ertzelt/ die unbiblische ver-
urteylt/ und in Hebraischen Biblien nit beschlossen/ sol
doch unterscheyd der Apocryphenn bucher gehaldenn
werden/ als diesser.³⁰

A4^rDas die zwey letzte bucher Esdre ye und ye/ fur kein
Esdre .iii. et .iiii.heylig biblische schrifft gehalten seint.

Dergleichen ist das gebet Manasse und Baruch
und die zwey letzte capittel Danielis/ von der Susanna
von dem abtgot Bel/ und drachen/ und von Abakuk.³¹

Wiewol in itzt gemeltenn buchern/ nicht wenig^af ge-
schrieben stehet/ das niemants verneynen darff/ Dan-
noch ist niemant getzwungen/ die sententz und wort der-
selben bucher antzunehmen/ derhalben das sie in solchen
buchern geleszen werdenn/ szondern derwegen/ Das
sie in andern (die heylige gotliche schrifft genant) auch
mugen gefunden werden/ Derhalben ist erstlich zumer-
cken/ das viel schrifften in heyliger kirchen geleszen wer-
den/ die doch nit Biblisch und gotlich gewest/ und noch
itzt nit heylig schrifft sein. Dan es werden spruchen und
reden (Augustini/ Hieronymi/ Ambrosii/ Gregorii/
Bede³²/ Chrysostomi/ Cyrilli/ letynischer und kriechi-
scher lerern) geleszen/ und gesungen. Die sich gar nicht
wollen als biblische^ag geehret haben/ odder das wir/ yhre
bucher odder schrifften/ der heyligen gotlichen schrifft/
vorgleichen/ aber³³ Biblische und gotliche sollen halten.³⁴

Ubung der kirchen.Alszo lieszet die Christliche kirche manicherley bu-
cher/ ygliche in eygner krafft/ und in seiner macht und wir-
den. Sie machet auch durch yhrem gebrauch/ kein schrift
hoher oder mehr wirdiger/ dan sie in yhr selber ist.

Augustinus und Jeronymusah (unnd der gleychen)
seint wol heylig Christliche lerer/ yhre Homileyen und
anderer lerern/ lieszet die kirch/ Aber sie heldet sie/ der bi-
blischen schrifft ungleich/ und unvergleichlich geringer.
Unnd ab^ai wol etzliche dolle Monichen^aj/ gedachte lerer/
szo grosz machen und schatzen/ sprechende/ das yhren le-
rungen niemands darff widdersagen.³⁵ Yedoch ist offen-
bar/ wie obberurte doctores alle Christen/ von sich/ in
die schrifft/ furen/ und sprechen/ Das sich ein yeglicher A4^v
mensch/ in die Biblische schrifft eyniglich unnd festig-
lich anhefften sol.³⁶ Und das sie einer durch heyli-
ge schrifft teylen³⁷ unnd straffen mug/ szo befunden/ das
sie gotlicher schrifft gefelt hetten. Derhalben/ apgleich^ak
die Christliche kirchen/ solcher spruchen und reden/ hey-
liger lerer/ teglich gebraucht/ dannoch bleyben sie heyli-
ge doctores/ unnd yhre bucher solche heyligen/ den wir
widersagen dorffen/ und werden nummer^al mehr³⁸ Biblische.

Alszo sol ein yeglicher/ von den Apocryphen reden/
das sie/ und ein yeglich in seiner krafft und macht bley-
ben/ wie wol sie die kirchen gebraucht/ oder die heylige
lerer/ zeytten (yhren sachen zu gut) einfuren.

Darumb werden die zwey letzten bucher Esdre/ nin-
dert³⁹ grosser odder mehr durch gebrauchung/ ya sie wer-
den nummer^am mehr⁴⁰ den Biblischen gleichmessig.

Unter den Apocryphen/ das ist/ die nicht in dem alten
gesetz (davon ich itzt sage und handel)^an begriffen/ seint/
etliche als die heylige bucher/ und fur heylige angenummen
und doch nit gotlich odder Biblische geschatzt.

Nemlich/

Disse bucher und yhren ynhalt/ sol keyner/ als Bi-
blische halten/ aber er mag sie wol fur alte heylige schrifft
gebrauchen/ wie einer sonste heyliger lerern schrifft ge-
braucht.

Unnd wie wol sie/ wie gemeldet/ nit als Biblische
leer seint zuachten/ dannoch radt ich niemandts/ sie in
leychtfertickeit/ und loesem gemut und spotheyten zu vor-
werffen/ auff das sich keiner selber zu schanden mache/
Dan esz wer zumalh spotlich/ das du in dem buch der
Weiszheit verlachest/ dastu^ao mit aller ehererpiettung/ in
bewerttenn buchern Moysi odder Danielis/ aber⁴¹ der
gleichen/ lesen/ annehmen/ und kussen mussest.⁴²

B1^rIch beken/ das Hieronymus obvertzeygte⁴³ bucher
nit szo starck achtet und helt/ das sie einen oder yemants
der feind/ fellen und fahen⁴⁴ und pinden mugen/ dannoch
sein sie mehr und mechtiger/ den Hiero'nymo'. August'ino'. und der
selben gleichen lerer/ krigisch und lateynisch.⁴⁵

Ich sag auch/ das wir spruchen gedachter bucher/ und
sententz/ an⁴⁶ ander bestendige Biblische red/ wider key-
nen feyndt werffen unnd fur rucken sollen. Aber doch
mugen sie nebent andern schrifften stehen/ den hauffen
gemehren und tzyren/ Dan yderman wurt bekennen/
das loblich (wie wol nit von notten)^ap szo einer mit einem
grossen und schonen heerhauffen^aq zihen mag.

Exemplum.^arDie kriegsknecht haben nit alle harnisch die ym he〈e〉r-
hauffen^as seint/ dennest⁴⁷ vorwerffen sie nit die heubtleut.
Alszo ist es mit den schrifften in obbeschrieben^at ordnung
begriffen/ und den andern/ szo auszerhalb derselben or-
denung/ uber viel Jar vor Christ geburt gemacht unnd
gebraucht sein. Die Biblische seint die geschickte unnd
gewappente sententz/ Aber die andere obvermelt seint
plosz nacket und schwach/ aber sie mehren den hauffen/
und dienen zu dem parat⁴⁸ und vorfechten⁴⁹ nit ubel. In dem^au
parat und vorschirmen⁵⁰ pflegt man schumpff⁵¹/ und^av spil/ und
lust zuhaben.

Aber ym kampff/ und ernstlichen streychen⁵²/ ist kein
schumpff/ und gehoren geschickter leuth zum ernst/ dan
zu dem spiel. Alszo ist es mit den schrifften Sapientie/
und der gleichen/ dienen sie wol zu einem vorfechten und
parat/ aber zu dem ernst/ und kampff und wunden/ seint
sie zu schwache/ Sie machen kein todliche wunden/ sie
fahen keinen feynd/ sie machen auch niemandts zu einem
ketzer/ dero^aw sie leugnet. Dann Hieronymus hat sich
nicht dorffen unterstehen/ des buchs Sapientie/ wid-
der sein feynd an^ax53 andere Biblische buchern/ zugebrau-
chen. Er hat alwegen geforcht/ die ketzer mochten dasB1^v
selb vorwerffen. Darumb er steets andere schrifft fur ge-
wend/ und desselbe zu zyrh⁵⁴ bey getzogen und auff der
seyden⁵⁵ gebraucht.⁵⁶

Ich sage nit das solche gering und schwach bucher/
erlogen sententz inhalten (wie mich villeicht einer mocht
vernehmen)⁵⁷〈.〉 Neyn ich sag/ das keiner fur einenn ketzer
ist zuachten/ dero^ay solche bucher nit annymbt/ das halt
ich nach sanct Hieronymi leer/ das sie keinen feynd ny-
derwerffen/ pinden unnd gefencklich machen/ und doch
mehr und krefftiger seint/ dan sanct Augustini/ Hiero-
nymi/ Ambrosii/ unnd Gregorii/ unnd der gleychenn/
schrifft und lerungen.⁵⁸

Das ist auch war/ wan ich widder einen schreyben
odder mit wortten fechten solt/ dero^az sich mit einer red
Moysi/ Josue/ der bucher der konig odder eyns Pro-
pheten sententz geharnischt unnd bekleydt het/ Unnd
ich wolt yhn/ mit einer schrifft/ ausz den buchern/ die nit
in der zal altes testaments vortzeychent^ba und mit getzelt
seint/ anfechten/ das er sich gar nicht gegen mir weren
solt/ er mocht mich auch verachten/ und mein argument
achten/ gleich als pfiff ein gansz/ und pliesz yhn an/ dan
es ist yhe spotlich/ das einer gegen Gotlicher und Bi-
blischer schrifft/ mit einer/ die nit fur Biblisch gesch-
tzet/ streytten sol.

Darumb seint die/ grosse doren/ so menschen red und
sentenz (sie heyssen Bepstliche^bb aber⁵⁹ der heyligenn lerern
Augustini/ und seiner gleichen/ wort odder leer^bc) wider
Biblische grundfesten dorffen furtragen.

Endtlich sollen die leyhen/ den orsten^bd hunger unnd
duerst/ nit ausz den buchern Sapientie/ Ecclesiastici/
Thobie/ Judith/ und andern/ welche^be in der zal aldes
gesetz nit eingeleybt^bf/ loeschen und styllen/ Das sol yhr vleisz
sein/ das sie Christenliche geyst/ und iugent/ ausz denen
buchern/ formiren/ speysen/ und aufftzyhen/ die an^bg60 eyniB2^r
ges menschen gegenred Gotlich und Biblisch geacht/
und das wollen sie sich yhe embsig bevleyszen/ und vor
allen dingen sich ausz geferdten des glaubens tragen. Wan
sie aber in den^bh glauben wol erwachsen und sich gnuglich
ausz Biblischen schrifften bewart und bewapent haben/
als dan mugen sie unbiblische buchern durchleszen.⁶¹

Das ich von den buchern oben in einer kleynen figur
beschrieben/ nemlich Thobie und der gleichen gesagt/
solt yhr auch von nachfolgenden buchern und capitteln
urteylen und halten/ ya dartzu minder und geringer.⁶²

Dan wie wol/ viel gutter unnd lieplicher sententz/ in
diessen buchern verleybt und ingehalten seint/ unnd die
kirchen sie^bi zeitten gebraucht/ dannoch bleyben sie unbi-
blisch/ und gibt yhn heylig kirch/ kein grosser herlickeit/
dan das wir solche bucher nebent den andern/ in einem
hauffen gebrauchen mugen.

Ich werde auch keinen nachlassenn/ sich mit den la-
teynischen odder deutschen Biblien zu weren/ und be-
helffen/ das ytzt gemelte bucher und capittel/ in solchen
Biblien beschlossen und begriffen seint.⁶³ Dan fur das
erst/ weysz ich/ das die Hebraischen getrucktenn Bi-
blien (den wir in zweyffeligen und dunckeln sachen^bj) so
das alt testament belangend/ zuglauben und nachfol-
gen schuldig/ berurte buchlin und capittel nit haben.⁶⁴

Fur das ander/ wiewol lateynisch und deutsche Bi-
blien/ obgenante bucher und capittel auch behalten ha-
ben/ dannoch haben sie stets/ zeychen/ und yhre vorach-
tung in den vorreden Hieronymi auch gehabt/ das sie
nit Biblisch seint.⁶⁵

Ich geb auch zu/ das Ba-
ruch und andere buchlin offtgemelt/ vil sententz und wort
haben/ die auch gotlich und Biblische sein/ dannoch seint
solche sententien^bk ye nit Biblisch/ derhalben/ das sie in sol-
che unbiblischen buchern steend/ sonder derhalben/ das
wir sie in unvertegtigen⁶⁶ und Biblischen buchern finden⁶⁷/ B2^v
Sonste/ solten alle reden und spruch Biblisch sein/ die
in solchen buchern begriffen/ und doch auch in der hey-
ligen schrifft gefunden werden/ wurt folgenn/ das wir
vil spruch ausz Vergilio^bl und Ovidio musten horen und
annehmen als Biblisch. Kurtzlich/ wil einer erhalten⁶⁸
das ein schrifft Biblische/ und mit yhr (als Biblische)
schlissen und brangen⁶⁹/ szo musz er sie an^bm70 alle mittel ausz
einem Biblischen buch nehmen und furwenden.

Hester.Alhie sol auch niemandts nit wissenn/ das in dem
buchle Hester/ auch etzliche sententz und wort eingeley-
bet/ die doch frombd eingefurt und zugesetzt seint/ das
wurt meniglicher in dem .xi .xii .xiii. und .xv. capittel ver-
mercken.⁷¹

Neu Testament.

Das neu testament mag auch in drey ordnung ge-
teylt und gespelt^bn werden.

Oberste und furtrefflichgiste ordenung begreufft die
Evangelische bucher/ der^bo die heylige kirchen vier ange-
nommen hat/ disse/ Evangelium Mathei/ Evangelium
Marci/ Evangelium Luce/ und Evangelium Johannis.
Zu disser ornenung^bp gehoren geschicht unnd hendel der
Aposteln.⁷²

Marcus.Evangelium Marci halten die alte vetter fur einen
kurtzen begriff Mathei/ Derhalben/ das/ das Mat-
theus nach der leng und breyt geschrieben/ das hat Mar-
cus mit kurtzem schreyben verneuhet/ und ertzelt.

Evangelium Marci wurt von etzlichen/ Evangelium
Petri genant/ die zweyffeln/ ap^bq esz vonn Petro/ odder
Marco/ gemacht/ Aber ich bin durch Hieronymum
bericht/ das Petrus das Evangelium Marci beste-
tiget hat. Das letzt capittel Marci ist unbiblisch/ wie
etzliche sagen. wer weitter berichtung begeret/ der leesz
mein buchlin de scripturis Canonicis.⁷³

B3^rActus das seint der Apostel handelung odder ge-
schicht/ hat Lucas beschrieben/ derhalben seint sie Evan-
gelischmessig.⁷⁴

Die andere Evangelia (als Nicodemi/ das itzt ge-
druckt umbher getragen wurt⁷⁵) und andere der gleichen/
seint nicht Gotlich odder Biblische/ ap^br sie gleich gutte
sententz haben. Derwegen sollen die prediger und lesze-
meyster sich fursehen/ und besinnen/ was sie den scheff-
lin Christi fur weyd furgeben/ unnd unterscheyd zwu-
schen Biblischen und unbiblischen haben.⁷⁶

Andere Ordenung.

In die andere ordenung/ oder an das ander glid/ stel-
len Christlich lerer/ die Episteln^bs Pauli/ auszgenommen
die Epistel zu denn Hebreyern^bt/ Dan disse Epistel/ ist
in zeytten/ des heyligen Hieronymi/ nit von allen kirchen
angenommen gewest/ und stehet noch in zweiffel/ wer sie
gemacht.⁷⁷ Aber alle andere sanct Paulsbu Epistel/ haben
negest^bv wirden/ digniteten/ und autoriteten/ nach Evan-
gelischer maiestet. Nemlich/ i. zu den Romern. ii〈.〉 zu den
Corinthern. i. zu den Galatern. i. zu den Ephesern.^bw i. zu
den Philipensern. i. zu den Colosensern .ii. zu den Thessa-
loni'censern' Diesse hat er zu Christlichen kirchen geschrieben.

Paulus hat auch etzliche zu seinen iungern geschrie-
ben/ als .ii. zu Timotheo. i. zu Tito. zu Philemonen ei-
ne. Szo haben wir in den Summen .xiii. Epistel Pauli.⁷⁸
Zu diessem glid gehoren die ostern^bx sanct Peters unnd
sanct Johannes Episteln.

In der unterste und letzte stell/ neues testament/ ste-
hen volgende bucher. i. Epistel Jacobi/ die andere Pe-
tri. ii. letzte Johannis/ und eine Jude. Item die epistel
zu den Hebreyern und Apocalipsis Johannis/ Disse
hab ich derhalben zusamen geordent/ das vor zeittenn
getzweyffelt/ und noch fur ungewisz geacht wurt/ wer B3^v
oder welche solche buchlin gemacht〈.〉⁷⁹/ von sanct Jacobs
Epistel ist gesagt/ das sie ein ander gemacht/ dero Ja-
cobus genant/ aber doch kein Apostel ist/ Derwegen sie
von etzlichen klein geschatzt/ und fur unbiblisch gerech-
net. Aber ich weysz mein gewissen nit zubewarenn/ szo
ich der gleichen saget/ dan der kriegische tittel deutet auff
den Jacobum/ des schrifft sich auch lateynische und krie-
chische lerer/ als Biblische und heylsame geschrifft ge-
brauchen. und spricht Hieronymus (dero^by uns den zwey-
ffel gelernet hat⁸⁰) das die selbe Epistel Biblisch autori-
teten ynbehalten hab/ dartzu nennen sie Hieronymus/
Augustinus/ und alle andere Canonicam oder catho-
licam. Szo hab ich auch nyndert geleszen/ das ein lerer
seinen widersachern gestat und nachgelassen hat/ solche
Epistel zu vorachten und verwerffen. Es hat auch key-
ner (szo vil mir ytzt bewust) widder obgemelt Epistel
dorffen sagen/ das etzliche Pelagianer wider das buch
der Sapientie geredt habenn〈.〉⁸¹/ Derhalben kan ich nie-
mandts rathen (^bz ap^ca sie gleich in der untersten stel wa-
net) das er sie vorwerff/ oder schumfflich handel.⁸²

Das ich von diesser Epistel gesagt/ das sol auch von
andren Episteln/ szo ym dritten glidt vertzeychent/ ver-
standen sein.

Doch ist zuwissen/ das unter alle buchern/ die drit-
te ordnung Apocalipsis Johannis/ das geringst ist/ ur-
sach/ das in zeytten Hieronymi und darnach vil Chri-
sten/ dasselb buch noch nit angenummen.

Zu dem andern/ das der krigische^cb titel nicht lautet
Apocalipsis Johannis Apostoli/ szonder alszo/ Apo-
calipsis Johannis Theologi.

Fur das dritte/ das der stilus/ red/ und Sermon/
gemut und art des buchs der heymlichen offenbarung
der macht/ ingenii/ und art und schicklickeit (so in andern
buchern Johannis Apostoli) gespurt unnd vermerckt/ B4^r
meines bedunckes fast uneinlich ist und nit gleich.⁸³ yedoch
wil ich dasselb/ und die andere bucher der letzten ordenung
nit vorworffen habenn/ sunder/ wie obvermelt/ unter-
scheyd geben/ Wurt aber yemandts die selbigen vorwer-
ffen/ der thu es uff sein verlust oder gewin/ dan dieweil
wir kein andere urkunt/ den⁸⁴ schreyben Christlicher lerer^cc/
als Hieronymi und seiner gleichen/ haben/ Und der selbig
schreybt und nent offtmals/ die siben Epistel/ Jacobi/
Johannis/ Jude/ dartzu auch die epistel zu den Hebrey-
ern^cd/ Apostolicas/ Canonicas et catholicas/ und Apoca-
lipsim ein gotlich Biblisch buch/ kan ich diszmal nicht
furuber und anders schreyben/ das solche bucher Bi-
blisch/ und der untersten wirden sein.⁸⁵

Ich rath auch niemandts/ das er sich erstlich auff die
schwertste/ dunckele und verdeckte bucher heyliger schrifft
lege/ auff das er sein arbeit und zeit nicht unnutzlich ver-
lyre/ oder finsternusz durch finsternusz verkere^ce/ aber^cf et-
war einen vorstand^cg thuen fassen der heyligen schrifft und heyligen
geyst (dero^ch in der schrifft/ wie er vor zeiten durch menschen
redt/ noch redet und lernet) zuwider und engegen sein.⁸⁶ Dan
es ist kein neyn⁸⁷/ das etzliche bucher allegorien^ci/ figuren
und verdeckte sententz haben/ welche durch warheit und
licht (das man hyn und her in der schrifft findt)^cj solten er-
clert und erleucht werden/ Darumb sol der christlich leser
vor allen dingen/ Christum in der schrifft suchen/ das ist/ solche
schrifften lesen/ die Christum mit seinem leyden/ mit seiner
kraft/ mit seiner ^ckguttickeit/ mit seiner^ck heylickeit abmalen/Ad galat. iii.⁸⁸
und fur die augen des lesers setzen/ so kan er nicht yrren/ nach
den Christus selbst gesagt/ Ich bin das licht/ und der mir
qui sequitur me/ Jo. viii.nachfolget/ der wandert nicht in finsternisz.⁸⁹ Hastu Chri-
stum und sein wort vor augen/ szo prichstu durch alle schrifft/
und magst alle finsternusz erleuchten/ wie er gepotten hat/
sagende/ Das ich euch in finster⁹⁰ und geheym gesagt/ das
solt yhr/ ym licht und auff techern predigen und erleuchten.⁹¹ B4^v
Derhalben/ sollen sich die menschen erstlich/ auff klare
wort Christi legen/ die selb einnemen/ und wie ein licht
zu allen verporgen schrifften tragen/ und erleuchten. Sol-
che bucher obgemelt/ seint alle die yene^cl/ szo den rechten
warhafftigen glauben haben〈.〉/ An die selbig/ das ist/ an^cm
das wort Christi sollen sich all Christen/ und kein an-
dereAd Galat. 1.⁹² wort anhefften/ und sich kein creatur davon lassen
dringen/ Ap^cn gleich ein Engel von hymel/ oder ein Apo-
stel/ odder ein Bapst von Rhom/ aber^co ein weyszer der
welt/ als ein Theologus/ ehr sey pfaff⁹³ oder Monich^cp/
hochgelart odder unverstendig/ heylig oder sundig. In
summa/ er sol sich nichts von dem Wort Christi lassen ab-
tzyhen. Derhalben/ und damit/ das den Christlichen
menschen lustig⁹⁴ und leicht werd/ wolt ich geratten ha-
ben/ das sie des morgens/ ein zeit/ klein odder grosz/ in
lesung odder anhorung/ heyliger Evangelien/ und nach
mittem tag/ odder abent essen/ ein zeit in der heyligenn
schrifft/ altes gesetz/ vortryeben/ ja gewinnen. Nemlich
zu dem ersten/ das einer frue Matheum leesz odder horet
leszen/ und nach abent essen Deuteronomium Moysi/
und fuget das alte gesetz zu den neuen Evangelien.⁹⁵ Aber
wie wol das nit alwegen und yglichem geschehen kan/
unnd bescheert werden/ sunderlich dem/ dero nit vil ge-
ubet/ und in heyliger schrifft erfaren. Doch weysz ich/
szo einer Mattheum unnd Deuteronomium gar auszliest/
das er einen mechtigen unnd tieffen geyst Christi in der
schrifft auff das wenigst⁹⁶ richen wurt/ und endtlich da-
hyn kummen/ das ehr versuchen⁹⁷ wirt/ wie susz der geyst
Christi〈.〉⁹⁸/ das sol er aber vor wissen/ das die bruderliche
gemeyne lieb unnd guttickeit (szo ym buch der andern
ehe⁹⁹ oder gesetz/ auff tag gestellet) yn Mattheo auff ei-
nen tag/ unnd auff ein teglich Christlich leben gericht
ist. Exemplum/ Das Deuteronomium ym. xv. capittel dem
sybende iar/ und vorgeben gelt schulden hat gesagt¹⁰⁰/ das C1^r
sollen die Christen alle tag halten. Dan wir haben nicht
mehr/ dan einen tag/ nach dem geschrieben. Hec est dies
quam fecit dominus exultemus et letemur in ea.¹⁰¹ Das ist
der tag/ in dem alle christliche bruder ein gemeyne freunt-
liche frolickeit haben/ und sollen keinen/ arm lassen bleyben.¹⁰²

Von diessen/ welche (von ersten zu lesen seint) wolt
ich wol ein eyges¹⁰³ buchlin machen. Aber diesse materien
leydet es nit/ doch welcher einen schonen geyst des glau-
bens/ ausz Historien schopffen/ unnd Paulum dartzu
vergleichen wil/ das unser selickeit nicht in wercken/ son-
der ym glauben stehet/ der leesz das .xx. capittel in dem
andern buch Paralipomenon¹⁰⁴/ und der gleichen hysto-
rien und bucher/ als die bucher der konige/ Josue und
Judicum etc.¹⁰⁵

Endtlich/ damit die einfeltige/ die nach dem pradt^cq
gottis/ und wasser/ das Christus gibt/ verlangen haben
und hungern aber^cr dursten/ ein sicher unverdechtig schaff-
driefft^cs106 erlangen/ hab ich fur nutz und gut geacht/ das ich
alle bucher/ szo (an^ct107 eynige widersprechen) Biblisch und
gotlich seint gehalten/ widderumb in eyner figur repe-
tirt/ Die folget alszo.

Alszo mugen auch drey stell aber^cu ordenungen neues
geseez fur augen gestelt werden/ nemlich.

Ander Ordenung.

C2^r
Diesse Episteln/ seint an^cv108 eyniges widerred/ von den
Aposteln (wie angetzeigt) geschrieben. derhalben/ und
^cwdie weyl^cw sie das wort Christi und gotlichen willen er-
kleren/ und uns an heylsame schrifft pinden/ und ist un-
getzweyffelt das sie den podenlauffer^cx Christi zustehen/
haben sie die andere stadt der wirden.

Driet Ordnung.

Die folgende bucher/ hab ich in das drit glid/ Bi-
blischer schrifften derhalben gestelt/ das von yhren wer-
ck meystern getzweyffelt wurt/ und noch nit allenthal-
ben beschlossen/ weer odder welche/ sie geschrieben od-
der gemacht. Ich hab sie aber/ solches^cy zweyffels halben
nit von Biblischer eer und wirden dorffen entschliessen¹⁰⁹
und werffen/ dan ich sehe bey kriechischen und Latey-
nischenn lerern/ das sie (doch mit unterscheyd/ wie vor
gesagt) als heylige Biblische schrifft geacht/ genendt/
und gebraucht werden. Unnd wan die lerer auff einen
teyl fallen¹¹⁰/ szo sprechen sie/ das wir siben catholicas/ ca-
nonicas et Apostolicas haben/ sie sagen auch/ das S.
Paulus die Epistolen^cz zu den Hebreyern^da gemacht/ und
sanct Jacob der Apostel/ die Epistel welche in der Bi-
blien geschrieben. Item sanct Peter .ii. unnd sanct Jo-
hannes der Apostel^db .iii. und sanct Judas der Apostel ein
Epistel gemacht haben. Aber was von dem buch Apo-
calypsisApocalipsis. zuhalten sey/ hab ich nit verhalten¹¹¹/ das ich nit
glaub/ das der Johannes/ welcher ein Apostel genant/
unnd das Evangelium Johannis/ unnd drey andere
Episteln sol geschriebenn/ hab gemacht/ Ursach/ das
gedachtes buch/ nach art/ nach gemuet¹¹² hat/ der ande-
ren bucher/ szo von Johannesdc dem Apostel auszgan-
gen/ unnd ist^dd yhe einn merckliche anderung des stili/
das ist/ des fatem unnd tuchs¹¹³/ der red unnd der krafft/ C2^v
die sich in Apocalypsi ereygen^de und beweyszen thut¹¹⁴/ die
red ist anders/ szo ist das ingenium anders/ unnd ist dem
vierten buch (das Esdre untergelegt¹¹⁵)^df einlicher¹¹⁶ und gley-
cher/ dan den buchlin Johannis. Derwegen/ unnd die-
weyl es szo seher^dg dunckel/ und mit gewulcken der gesicht
verdecket/ kan ichs schwerlich zu Biblischen schrifften
setzen/ aber doch/ dieweil ich den ersten Canonen unnd
begriff Biblischer bucher/ szo dem neuenn testament
zu gehoret/ noch nit hab zuhenden gehabt¹¹⁷/ und Apoca-
lypsis zu den buchern des neuen gesetzes angepunden/
wil ich nicht urteylen/ und ytzt ein figur der Biblischen
bucher letztes gradts auch zaygen/ alszo.

i.

i. Epistel zu den Hebreyern^dh

ii.

Ein Epistel Jacobi

iii.

Die andere Epistel Petri

iiii.

Die letzte zwue Johannis

v.

Eine Jude

vi.

Und das aller nyderst buch/ Apocalypsis Johan-
nis des Theologen.

Nun folgen Apocryphen altes und neues ge-
setzes/ der sich die kirch/ kegen starcken feynden/ nit ge-
braucht^di/ und alszo sie nit erkendet/ Nemlich/

i.

Sapientie

ii.

Ecclesiastici/ das die kugeln¹¹⁸ geystlich zucht nennen.¹¹⁹

iii.

Judith

iiii.

Tobie/ des sich etzliche ertichte petler¹²⁰/ den armen
zuschaden/ behelffen.¹²¹

v.

ii. bucher Machabeorum¹²²/ des gebrauchen sich die
pfarhern pro requiem eternam/ und pro dona no-
bis/ widder pauren.¹²³

vi.

Baruch ist ein schreyber Hieremiae gewest/ und
hat gut reed.¹²⁴ Disse bucher gebrauchen etzliche Ju-
den zeitten¹²⁵ (wie wir Augustinum und Hieronymum/
und der gleychen/ in yhn schreyben und disputieren furC3^r
tragen) unnd nennen sie heylige bucher/ aber kein
verstendiger gebraucht sie/ als und fur Biblisch.

vii.

Das gebet Manasse.¹²⁶

viii.

Zwey letzte bucher/ szo Esdre mit frevel zuge-
schrieben/ werden offtmals von Hieronymo ver-
lacht/ und abwitzig und tholl reed genent.¹²⁷

ix.

Ein gut teyl/ des .iii. capittels Danielis verlachen
etzlich/ und spotten der Christen mit dem gesang
der .iii. kinder/ die in feurigen oven sollen gesun-
gen haben.¹²⁸

x.

Die .ii. letzte capittel Danielis/ Nemlich die hi-
storien Susanne/ von dem abtgot Bel genant/ von
dem Drachen und Abakuk.

xi.

Das letzte capittel Marci.

xii.

Die Epistel die man Pauli (zu den Laodiciern)
achtet/ ist gar vorworffen.

Das hab ich kurtzlich/ wie obgemelt/ geschrieben/ da-
mit antzeygung zuthun/ das ich euch und den euern/ sonder-
lich den doctor und magister^dj/ euren brudern/ zudienen und
wilfaren altzeit gewertig und gutwillig wil bereit erfunden
werden/ Grusset mein gonder ym Talh¹²⁹/ und lebet wol.

Volgent notabilia: sein zuwurff.¹³⁰

Fur das letzte sollen etlich notabilia germerckt werden〈.〉

Das erst/ das der Bapst unvergleicher weysz/ min-
der ist/ dan die Biblischen schrifften/ und er sol yhm das
Ne innitaris prudentie tue¹³¹/ nicht weniger lassen gesagt
sein/ dan dem allergeringsten handtwercks man.

Das ander/ sag ich/ unnd ist war/ das Biblische
schrifft/ ein gemein^dk Concilium uberwindt/ unnd szo ein
paur vom pflug/ dem Concilio ein schrifft kont zeygen/
das sein synn gut/ und des Concilii boesz were/ szo solt
das Concilium dem pauren weychen und ehr geben/ von
wegen Biblischer schrifft.

C3^vFur das driet/ ist zumercken/ das Biblische schrifft
wirdiger ist/ dan die Christliche kirche/ und das sich die
Christliche kirch/ nach heyliger schrifft richten/ und leben
und halten sol/ und nicht widderumb/ die schrifft nach der
kirchen leben und sich denen sol.

Fur das vierdt sag ich mit ernst und warheit/ das
ein yeglicher/ der kirchen/ von wegen heyliger/ schrifft gleu-
ben sol/ und nit der schrifft derhalben glauben/ das sie in der
kirchen geubt/ dan wir glauben Biblischen buchern/ das
sie der heylig geyst zu der kirchen geret. Alhie hore/ das der
Bapst diesse red Augustini (Non crederem Evangelio
nisi crederem Ecclesiae¹³²) unrecht und widder meynung Au-
gustini/ mit den^dl horen/ zu seinem forteyl^dm gebraucht/ Dan er
zeucht sie dahyn/ es solt keyner der schrifft glauben/ das
sie gerecht und warhafftig und gut ist/ er glaube dan der
kirchen. Das ist Augustino wol in .vi. enden zuwider/
dan er saget/ das man durch heylige schrifft ein gantz und
volkummen Concilium straffen kan/ und ist das sein gemut/
Durch antzeyg heyliger kirchen lerne ich/ das disz aber
ein ander buch Evangelisch odder nit Evangelisch ist.Leo ketzer.
Derwegen hette der Bapst sein ketzerisch Bulle wol zu
andern sachen gebraucht/ dan das er sich ubir die schrift
uberheben unterfegt.¹³³ Ich sag clar/ das dieser bapst Leo
ist ein ketzer/ und erbiet mich das mit schrifften zubewey-
szen/ und alle die yhm in solcher sach/ seiner Bullen anhen-
gig sein/ die seint in der vermaledeyung/ bann/ acht und
anathema gottis/ und Christlicher kirchen feyndt.¹³⁴

Fur das funfft/ ist zumercken/ das ich gemeiner ubung
nachgefolgt hab/ in dem wort Biblisch^dn bucher. dan wan
man spricht/ das stehet in der Biblien heldet und acht^do/
ydermeniglich/ das dasselbe in den buchern beschlossen
sey/ daryn der Christlich glaub abgemalt und auszge-
truckt. Weil dan unverborgen ist/ das unsere bucher die
wir Biblien nennen/ vil frombde bucher haben/ in welC4^r
chen wir den glauben nit sollen suchen/^dp hab ich (damit
unterscheyd zumachen) etzliche bucher Biblische/ etz-
liche unbiblische benent.

Zu dem sechsten/ mercke/ das die Biblische bucher
krichisch Canonici/ lateynisch regulares/ zu deutsch re-
geln geheyssen werden/ Derhalben/ das sie form/ ma-
ssen/ und regeln des rechten glaubens seint/ und das wir
keynes menschen wort sollen fur ein regel und richtmasz
Christliches glaubens achten/ sonder allein gottis wort
das er in^dq die propheten und aposteln geredt und gegeben/
uns zusagenn. Den^dr Paulus spricht alszo ad Thessa. ii.
wir sagen got unableszlich danck/ das yhr/ ein leer ange-
nummen/ dadurch yhr got habt erkant/ das yhr nit einem^ds
sermon der menschen/ sonder warhafftiglich ein sermon
gottis empfangen hat.¹³⁵ Das sol mir der Bapst wol mer-
cken/ das Paulus die von Thessalica lobet/ das sie kein
menschen gesetz angenummen¹³⁶/ derhalben thut der bapst
heyliger schriftt gewalt/ das er sein hellische^dt Decretalen
lasset Canones nennen/ dan sie seint nicht regel der chri-
stglaubigen/ sunder der gleyszner.¹³⁷ Der heylig Paulus
preyszet Timotheum. ii. c. iii. das er die heylige geschrifften
von kind auff erkant/ die yhn gelart machet durch^du den
glauben zu der selickeit/ und beschleust/ das der mensch
volkummen werd/ zu allen gutten wercken durch gotliche
lerung.¹³⁸ Nun ist die heylige schrifft/ den Christen genug-
sam/ szo seint Bepstliche traditionen uberflussig und un-
nutz. Folget auch/ das keyner durch Bepstliche statu-
ten zu der selickeit gefurt wurt. Ja der teuffel henck sich
(an meyner stadt) an des yrrischen gottis Decretlin/
dan sie seint yhe kein regel des glaubens/ sollen auch gar
nicht Canonice oder Catholice genent werden.

C4^vdxBeschlußred¹⁴⁰

Von Pharo (wem ist es unbewüßt? Daz er ain neuer kü-
nig in Egipto und von Joseph kain wissen het/ wie er z sey-
nemExo. viii.¹⁴¹ volck saget. Komment/ wir woͤllen die Sün Israel/ weiß-
lich nidertrucken/ auff das ir nit z vil werd/ unn z unsern fein-
den tredten/ so uns schaden z fyegen moͤchten/ unn in regen-
ten und trucket sy/ und überwuge sy mit arbaiten.

Aber ye hefftyger Pharo die glaubyge nydertrucket/ Ye
meer und heüffyger sy wchsen.¹⁴²

Syhe/ dise historien beschleüsset/ vor gehandelte reden/ Das
auch Layen/ dem glaubigen/ die warlich gottes reich seind/
gewalt gethon haben. Und gibt uns ainen gten ztrit/ z-
sagen. Das gottes reich/ in engsten und nydertrucken/ Mitt
macht/ und hauffen auff wechsset. Dann es ye mß war wer-
den. So ain korn in die erden foͤlt/ und stirbt/ so bringt es vill
früchten.¹⁴³ Alles dencken ist verloren. Nem im ja kayner für¹⁴⁴/
das er gotes reich/ klainer und geringer wel¹⁴⁵ machen/ mit ver-
folgen. nidertrucken und abstechen. Dann wir wissen/ das^dw die
Juden mit irem verbieten/ die Apostel anzünten/ das wort
gottes manhafftiger z predigen.¹⁴⁶ Und ist kainem veborgen
wie Gamaliel geraten/ und wie die junger trutzig und voller
Acto. v.mts wurden z predigen.

Obgleich ainer zway drey fünff/ hundert/ drühundet. etc. er-
moͤrden wurd/ Es wurd nit helffen. Ee gottes wort muͤssyg
und styem blib/ ee myesten die Kinder in wiegen anfahen z
predigen. Es war alles verloren/ speyß und arbait/ die Pha-
ro der halben verthet/ das er/ das volck der glaubygen nider-
trucken wolt.^dx