A2^r Erkentnis des Barmhertzigenn
willen Gottis/¹ welchen Got vatter/ durch seinen
sohn Jesum erklert hat.² Wunsch ich allen
heyligen Gottis/³ in sonderheit euch von
Orlamuͤnde/ so gotfurchtigk
seindt^c Amen.

Gros^d unnd vil ist gelegen an dem er-
kentnis^e Christi/⁴ das eyner wiß/ ob
Christus noch heut eyn opffer sey.
Denn es leygt^f seligkeyt und vorthuͤm-
nis^g dran.⁵ Seligkeyt/ dem yenen/ der
ein recht goͤtlich erkentnis^h hat.⁶ Vor-
thuͤmnisⁱ und hell/ dem/ der Christum
im unglauben verspricht/⁷ und schneidt Christo darzů sein
ehre ab/⁸ und voracht⁹ yhm sein leben und todt/ auch sein
liebe und gehorsam. Welcher Christum fuͤr eynen Priester
und opffer helt/ nach^j ordnung goͤtlicher gerechtigkeyt/¹⁰
und thut das auß hertzlicher liebe/ der dinet got dem^k vatter
Christi/ einen wolbeheglichen¹¹ dienst/ und ist ein warhaff-
tiger freundt Christi.¹² Denn er glaubt recht unnd nahet
gottis reich.¹³ Widerumb der unglaubig ist/ der leuffet zů
des teuffels reich/ darumb das er Christum nach^l seinem
eygen synn/ wider antzeygung goͤttlicher warheyt/ fuͤr
ein opffer schatzet. Denn/ seine luͤgen haben yhn
betrogen und verfuͤrt/ und der teuffel ist sein vatter.¹⁴ Demnach solt
yr etwas/ kuͤrtzlich/¹⁵ von dem Priesterthum/ und opffer
Christi hoͤren und vernemen. Ich wil euch reytzen¹⁶ zů er-
kentnis. So solt yr mir ursach geben/ sonderlich in diser
sach/ got woll uns seine goͤtliche weißheit verleihen^m Amen.

A2^v

Priester.

Der priester ist eyner/ der innerlich oder eusserlich vonn
got unnd menschen gesetzt ist/ das er opffer und gaben/
fuͤr die sunde des volckes/ oder auch fuͤr sein eigne sunde/
dem herrn und gott oben im hymel gibt.¹⁷

Zweyerley Priester.

Wyr haben zweyerley Priester/ etliche seindt von dem ge-
setz kommen. Etliche vonn Got uber das gesetz.¹⁸ Die von
dem gesetz verordent sein/ die selben werden durch menschen
ire beruffung haben/ die ungewiß ist. Es wer dann. das die
menschen/ ⁿgottis willen zuͤvorⁿ erkant hetten.¹⁹ Und das die
gesetzische priester²⁰ das testament der warheyt/^o der gerech-
tigkeit/ und des frides/ in der warheit/ und nit in der boß-
heit/ hyelten/ als vil Leviten/ gehalten haben.²¹ Die gottis
kunst und vorstandt goͤtlicher warheit/²² und des frides nit
haben/ die seindt vor Got auch nit priester/ als der geyst
spricht.²³ Darumb das du die kunst und weißheit verworffen
hast/ so hab ich dich von dem priester stand verworffen.²⁴
Item.²⁵ Ir seyt/ von meynem wege gangen/ und habet yr vil
geergert/ und das gesetz Levi²⁶ zů nichte gemacht/ dem ich
eynen bund des lebens und frides/²⁷ der warheit und gerech-
tigkeit/ des gerichts und raths gab. Darumb seit ir abge-
setzt/ und verechtig/ und weniger worden/ denn die leihen/
uber welche yr stund.²⁸ Es wirt die pfaffen auch nit ent-
schuldigen/ das sie ein gebetlein sprechen oder eynen prust
latz tragen/²⁹ auff welchem/ diße uberschrifft³⁰ stedt. Hie
findt man ursachen der rechten weyßheyt und warheyt/³¹
so unther yrem prustlatz/ ein prust oder hertz bedeckt ist/
das voller weltlicher weißheit/ voller sauerteigs/ voller
narheit/³² voller luͤgen/ und voller unrechts ist. Sie seindt
vor got nit priester/ die nit inwendig seint als^p yre eussere
A3^r kleyder und zyrung anzeigen/ got hat sie auch nit beruffen/
auch ist es gottis meinung nie gewest/ das Jm³³ eusserliche
fodderung^q/ glantz oder scheyn³⁴ behagen soll.³⁵ Sondern gott
wolt das die priester und der gemein man/ durch eusserlichen
schmuck (den ihn³⁶ gott anhing) verstehen mochten/³⁷ wie
die priester inwendigk im geyst sollen geschmuckt seyn/
welche Gott erwelet hat. Als/ wie³⁸ gerecht/ warhafftig/
weiß unnd fridsam³⁹ die priester sein muͤssen. Man findt
aber unther den gesetzischen priestern mangell und vehll
aller ertzelten⁴⁰ tugenden oder schmuckung/ auff das man
spuer/ das das gesetz nit frum und rechtfertigk macht.⁴¹

Wir aber haben disen schluß. Das die gesetzische priester/
von ymant erwelet und eingehn⁴² muͤssen/ als auß gottis
befehll/ als Levi und sein hauff/ oder von menschen/ als an-
dere/ und keiner auß eignem furnemen auff stehn^r soll.⁴³ Wie
wol ir eusserliche fodderung ferlich⁴⁴ und ungewiß ist.

Die/ uber das gesetz seindt priester gesetzt/⁴⁵ die gehn in-
wendig in den tugenden her/ welche die gesetzische prie-
ster außwendigk ann kleidern/ durch figurliche zeychen⁴⁶
tragen. Sie werden auch/ nit von fleysch und bluͤth/ son-
dern von oben raber^s47 auß gott/ in goͤtlicher warheyt/ ge-
rechtigkeit und frid geporn/ und haben ein recht goͤtlich
weßen und leben/ denn sie sein inwendig von got beruffen/
und auff erweckt/⁴⁸ nicht von menschen.⁴⁹ Solche achten nicht/
wie sie eusserlich geschmuckt/ sonder wie ir geyst und in-
wendigkeit fur got gezirt sey. Auff das sie got und nit den
menschen gefallen.⁵⁰ ¶ Ich nenne diese priester/ priester uber
das gesetz/ und nit drunder/ nach schrifftlicher aussag des ge-
setzes.⁵¹ Derhalben/ das gesetz (nach dem buchstaben welcher gantz
gesetzisch ist) von eusserlichem schmuck/ so vil fest und wort
macht/⁵² als wer das gantz priesterthumb an eusserlichen
dingen gelegen.

A3^v

Zweyerley salbung.

Die gesetzische Prister/ seindt eusserlich gesalbt/⁵³ durch
ein salb/ die den gesalbten/ weder leren/ noch besser machen
kan. Sie ist aber ein figur/⁵⁴ der rechten salben. Drumb dul-
det sie got. Aber platten unnd papistisch schmer/⁵⁵ seindt
wider⁵⁶ figurn der gaben gottis/ noch zů etwas nuͤtz/ dann
zů torheyt und betruͤg. Drumb hat got platten und sau
schmer⁵⁷ verbotten und alle heydnische sitten unnd geber-
den verstossen.⁵⁸

Die ubergesetzische priester hat Got in yrer inwendig-
keit gesalbt/ mit eyner kuͤnstperligen^t59 salben/ die klugk/
weyß/ gerecht/ warhafftigk/ unnd heylig macht/ unnd
leret den gesalbten/ alles/ des er ernstlich begert/ unnd
des er zů besserung des nechsten bedarff/ unnd im ist nit
not/ das yhn eyner leren thu/ als .1. Joan. 2. steht.⁶⁰ Und
da bey sihe/ das ein rechter priester ein hoche creatur ist/
als⁶¹ das gantze volck gottis/ hoch und priesterlich ist.⁶²

Was opffer.

Opffer ist ein gabe/ welche ein mensch zů dem priester
tregt/ das ers gott fur seyne sunde opffert/ und versune
yhn. Oder opffer ist das ein priester selber nympt/ und an
gottis erwelte stadt⁶³ brengt/ und opfferts Gott vor⁶⁴ seine
sunde.⁶⁵ Ich will nicht von allerley opffere reden. Denn
der selbigen ist so vil/ und haben so mancherley bedeut-
nis (nach^u ygkliches sonderlicher deutung zů reden) das
eyner ein eygen buͤchlein muͤst machen/ wenn er von allen
teylen der opffer schreyben wolt.⁶⁶ Denn es seindt opffer/
auß geluͤbden/ unnd freywillige.⁶⁷ Die freywillige seindt
mancherley. Es seindt brandtopffer/ todtopffer/ speyß-
opffer/ fridopffer/ erste fruchten/ Zehenden/ unnd der
A4^r gleychen.⁶⁸ Ich aber wil alhye ^vvon dem^v hauptopffer
reden/ dahin sich/ gemeinigklich/ die figuren tzihen.⁶⁹ Und
sag. Opffer ist ein gab gottis/ welche Got erlaubt oder
erlaubt hat/ yhm fur sunde tzů opffern/ tzů erlangen
frid und versunung kegen^w Got.⁷⁰

Zweyerley Opffer.

Alle opffer/ des alten Testaments seindt/ den meysten
teyl/ auß den unvernunfftigen tyren⁷¹ gewest/ die ein sun-
der nam/ und trug sie zů dem priester/ das sie der priester
gott opfferte/ und vergebung der sunde erwurb. Do ist
zů mercken/ das die geopfferte tyrer unschuldig waren/
und es hett ir keynes den todt verwuͤrcket/⁷² man thet sie
unschuldig ab/ das Moses gebotten hett/⁷³ und weyssaget
von Christo. Das ein unschuldiger mensch kommen/ und
unsere sunde auff sich laden/ und sie mit gehorsam/ und
unschuld/ fur uns/ tzalen^x wurd.⁷⁴ Unnd Moses wolt die
Juden der überschwengklichen^y liebe Gottis erinnern/
unnd sie verstendigen/ das die unschuldige tyrer/ umb
schuldt willen sterben solten. Das dann ein gewisse an-
tzeyg was/⁷⁵ goͤtlicher lieb und barmhertzigkeyt/ zů seynem
erblichen volcke. Und was das die meinung⁷⁶ Mosi (welcher
vonn Christo schreyb) das Gottis volck auß erkentnis
solcher vetterlichen lieb/ in eynen hoͤhern vorstandt kemen^z/⁷⁷
und lerneten eyne groͤssere liebe des vaters kegen^aa der sun-
dige welt verstehn/ also das Got seynes eygen sohnes nit
wurd verschonen/⁷⁸ sondern yhnen^ab senden/ mit unver-
schultem todt unsere sund zů bezalen/ das yhe⁷⁹ der namen
Jesus/⁸⁰ mit Christus priesterthumb unnd opffer gleych
stymmet/ das er sein volck seligk machen welt von seynen
sunden.⁸¹ Das hab ich tzůfelligklich gesagt.⁸²

A4^v Do mit man lerne/ wie Moses von Christo geschrieben
hab/ das uberauß lustig/⁸³ unnd auch vonn noͤten ist zů
wissen. Die weyl Moses von Christo mit worten unnd
geschichten/ mit wercken und allerley theten^ac/ geschrieben hat.

In dem steht dieser artickel/ das die unschultige/ un-
vornunfftige thyer/ des altenn testaments unvolkom-
mene opffer waren/ wie wol sie unschuldigk waren. Denn
sie verstunden nit die ursachen ires unschuldigen leydens.
Merckten auch nit/ was der will Gottis war.⁸⁴ Waren
auch wider⁸⁵ gerecht noch gehorsam/ dieweyll Gottis ge-
rechtigkeit unnd rechter gehorsam/ ein gehoͤr goͤtlicher
stym zůvor haben/⁸⁶ darnoch volgt gehorsam und gerech-
tigkeyt dem vorstandt⁸⁷ und goͤtlicher weyßheit. Als Chri-
stus allenthalben hat angetzeygt.⁸⁸ Auß dem volget/ das
die selbige thier/ keyn gerechtigkeyt geben konten.⁸⁹ Das
ist eins. Das ander/ sie seindt auch unvolkommen ge-
west. Zům drittenn/ hat yr bluͤth keyne sunde abge-
waschen. Zum vierden habenn sie keynen frid kegen^ad
Gott gemacht/⁹⁰ wenn gleych die sundopffer inwendigk
und außwendigk/ gnugsam erkandt⁹¹ wurden. Die leyp-
liche ungerechtigkeit wusche ir bluͤt und besprengung ab/
reyniget aber nicht das gewissen.⁹² Drumb waren sie un-
volkommen/ unnd deuten mit aller art auff ein volkommen
opffer Christi/ der selb⁹³ reiniget gewissen und sele/ so bald
sein opffer recht erkant ist.

Alle opffer des neuen testaments seindt vernůnfftig⁹⁴/
das ist/ der sie opffert/ der ist weyse und klugk/ und das
geopffert wirt/ ist auch verstendig und voller kunst⁹⁵ got-
tis/ unnd es solt unschuldigk und gerecht sein/ das man
opffert/ und der leyp dem schatten gleych antworten⁹⁶ und
B1^r das neu fullig^ae97 und gůt sein/ als das alte figurlich anzey-
get/⁹⁸ das ist gesagt. Ich wil mehr die kunst Gottis dann
opffer haben. Osee.6.⁹⁹

Ampt des Priesters/ und art des Opffers.

Das ampt ygliches Priesters steht in dem/ das er Got
vor sunde¹⁰⁰ etwas opfferr.¹⁰¹ Fůr sein eygne sunde/ wo er ein
sunder ist/ als¹⁰² alle priester sein/ von dem willen des fleisch
geborn/ wenn sie gleych auch auß Gott geborn weren/¹⁰³ und
hetten die siebenfeltigk besprengung/ des fuͤrhanges im
bluͤt nicht erlyden.¹⁰⁴ Oder allein fuͤr fremde sunde/ wen
er kein sunder ist. Und in dem letzten steht das warhaff-
tigk und ewigk priesterthum.¹⁰⁵

Das opffer soll sunde vertilgen/ ist es anders ein war-
hafftigk opffer. Denn wers recht erkent/ dem muß es
sein sunde abwaschen. Und es soll ein lebendige creatur
seyn/ die stirbt/ und sol sein sterben vorstehn/ unnd un-
schuldigk seyn.

Unther allen priestern in hymel und erden/ ist nye ey-
ner gefunden/ der so rein gewest were/ das er nicht be-
duͤrfft hett/ etwas fuͤr sein eygne sunde zů opffern. dann
allein Christus.¹⁰⁶ Drumb ist Christus ein haupt aller
priester/ und ir Fuͤrst genant/ und der erst gesalbter prie-
ster.¹⁰⁷ Es ist auch kein opffer gesehen worden/ das gantz
unschuldigk unnd vornunfftigk wer gewest/ oder/ das
sunde hett mit voller gerechtigkeit vorgeben. Das opffer
Christi/ allein auß genommen.¹⁰⁸

Got setzet durch Mosen manicherley opffer/ eyn/ als¹⁰⁹
sie oben genandt sein.¹¹⁰ Das aber geschach derhalben/ das
yr keyner volkommen war/ unnd ein ygliches/ ein sonder-
liche eigenschafft und art hett/ dar durchs besser uff das
recht opffer Christi thet deutten/ denn ein anders/ das
B1^v solche eygenschafft nit hett. Drumb auch verbrenten sie^af
etliche. Etliche assen sie^ag. Etlicher genoß der priester/ und
der da opfferet mit den armen.¹¹¹ Etliche nicht. Die speyß
opffer hetten ein sonderliche figur Christi/¹¹² welche die
brandopffer und fridopffer¹¹³ nicht hetten.

Die ding oder opffer des neuen Testaments/ so man
opffern soll/ in der neuen unnd unsichtparlichen hůtten/
und uff dem altar/ den kein geschaffen hand uff gericht
hat/¹¹⁴ mag¹¹⁵ man also nennen. Unser leben. Unser sele. Un-
ser geyst. Unser fleysch. Unnser blůth. Unser gůter will
zů got. Gottis lobe oder preyß. Gottis sterck. Und weyß-
heyt. Gottis namen und bekentnis. ^ahMit der^ah hůlff/ radt/
und dienstpergkeyt des nehsten. Oder also. Ertoͤdtung
des fleyschs. Mitleyden. Schlachtopffer. Brandopffer in
verfolgung. Verbrand todopffer. Nidergang unnsers
willens. Haß und neyd unserer selen.¹¹⁶ Verderbung eygner
luͤsten. Item uff der ander seyten. Priesterthum. Her-
liche auffersteung.¹¹⁷ Hymelfart. Handlung in den himeln.¹¹⁸
Das priesterthumb ist auch ein opffer. Der priester ein
opffer. Ein ding in der person/^ai Zweyerley sachen. Moses
sagt von dem opffer und priesterthum/ Christus von dem
sterben und auffersteung.¹¹⁹ Paulus von der toͤdtung des
fleyschs oder glydmas/ und von der handlung im hymel/
und auch von aufferstehung und leben Christi.¹²⁰

Christus aber/ hats alles außgericht unnd uns alleyn
erworben/ opffer unnd priesterthum/ nidergang des to-
des/ und ufferstehung des lebens. Christus ist gestorben fůr
unsere sunde/ unnd aufferstanden umb unsere gerechtig-
keit willen/¹²¹ in dem fleysch/ welches das recht opffer war/¹²²
durch seynen geyst/ der auch ein rechter priester ist.¹²³ Jdoch
ist ygliches¹²⁴ ein opffer und priester. Christus hat nit alleyn
B2^r seynem vatter auff dem brandroste/ des galgens/ seyn
fleysch und blůt/ sondern seynen geyst geopffert/ und in
die hende des vatters geben.¹²⁵ Hat sich also allenthalben
geopffert/ und ist uns vorgangen/ uff das wir ym noch-
folgen/¹²⁶ mit unserm fleysch/ leyp/ blůt/ leben/ sele unnd
geyst.

Christus opffer heyst/ gehorsam/ leyp/ blůt/ leben und
herligkeyt^aj seynes vatters. Und in der Summa. Christus thet
gottis willen im hoͤchisten fleyß/¹²⁷ mehr dann alle creaturen/
fleyssiger denn all engeln und heyligen. Reyniglicher denn
sein gantzer leyp/ der sein heylige gemeyne ist.¹²⁸ Und der
gehorsam was¹²⁹ sein hoͤchistes opffer/ auß welchem alle
andere opffere in Christo ire gerechtigkeit nemen.¹³⁰ Denn
es was anfencklich von Christo geschrieben/ das er gottis
willen thun solt¹³¹ und wurde/ welchen er auch mehr vol-
bracht hat/ denn alle creaturen volbrengen kuͤnden. Drumb
ist Christus ein furst und haupt/¹³² nit allein der priester/
sondernn ein rechtfertigung aller opffer/ in hymel und
erden/ welche die engelen im hymell oder die heyligen
menschen auff erden Gott opffern.¹³³

¶ Von Christus priesterschafft und opffer.

Christus Priesterschafft ist ein priesterthum des frides
unnd gerechtigkeyt nach der ordenung Melchisedeck
des Koͤniges Salem. des frides.¹³⁴ Das alle gewissen zů
friden werden/ durch Christus priesterthum und opffer/¹³⁵
die Christum grůntlich unnd wol erkennen.¹³⁶ Dieweyll sie
sehen das Christus der unstreflich priester ist/ in welchem
Gott gantzen wolgefallen hat/¹³⁷ und der fuͤr¹³⁸ Got mechtig
ist/ und das yhm Gott nit wegerenn darff/¹³⁹ unnd was
er fůr Gott thut/ darinn hat Gott ewigen wolgefallen.
B2^v Der gerechtigkeit aber ist Christus ein priester/ nach^ak der
ordnung Melchisedeck/ das Christus alle gebresten¹⁴⁰ aller
sunder in hymel unnd erdenn erstatt hat/¹⁴¹ unnd heyst
derhalben Gott unsere gerechtigkeyt/¹⁴²das er alles ver-
geltet/ darinn wir ungerecht und strefflich seind. Sein
leyp und blůt ist one sunde/ von dem heyligen geyst em-
pfangen.¹⁴³ Sein leben ^alone tadell^al. Sein todt voller gehor-
sams. Sein weyßheit und vorstandt am hoͤchisten. Sein
will am volkummesten. Darumb ist Christus ein gerechter
priester/ der ein warhafftigk gerecht priesterlich ampt
fůret/ unnd ist auch ein gerecht unschuldig^am opffer/^an das er
Gott selbs opfferet.

Das war die ordnung Melchisedeck des koͤniges Sa-
lem/ das ist/ des Koͤniges der gerechtigkeit und frides/
noch¹⁴⁴ welcher Christus einn ewiger priester/ mitt eyds
bekrefftigung/ gesetzt ward.¹⁴⁵

Alle die Christum in seyner gerechtigkeit hertzlich er-
kennen/¹⁴⁶ die begeren/ das sie seyner gerechtigkeit geniß-
lich wůrden/¹⁴⁷ und lieben doch Christum nit mit findung
eygner sele/¹⁴⁸ sondern mit gestrackter¹⁴⁹ liebe/ unnd welten
gern/ alle ire ungerechtigkeiten durch Christus gerech-
tigkeit ablegen/ und sich durch Christum/ gott dem hern
voreynigen/ unnd wolgefellig machen.¹⁵⁰ Wenn sie diesen
verstand¹⁵¹ von dem vatter gehoͤrt und gelernt haben (der
alleyn tzeuget/ unnd an Christum bindt)¹⁵² so freuet sich
yr hertz und lobesingt Got und Christo/ und hat hitzige
begerung/ zů eim solchen priester zůkommen/ seyne weyß-
heit/ frid/ gerechtigkeit/ gehorsam/ und gericht/ und alles
von yhm/ unnd durch yhn entpfahen/ das eynem priester
tzůgehoͤret.¹⁵³

Noch mehr. Ein liebreicher erkenner Christi ist in dem
B3^r schon zů friden unnd gerechtfertigt/ das er an Christum
sieht und in Christo erkent/¹⁵⁴ das Christus ein solcher ho-
her/ Got beheglicher¹⁵⁵ priester unnd opffer ist/ das er alle
Sachen der seynen fuͤr Gott tregt.¹⁵⁶

Drumb helt er sich an Christum mit ernstlicher an-
nemligkeyt/¹⁵⁷ unnd geht durch Christum zů dem vatter.¹⁵⁸
Christus ist mit seyner lieb bereyt/ seyne gůtter/ dem
freuntlichen erkenner/ mit zůteylen/ und gibt auch seine
pristerliche schetze/ zyrunge/ und geschmucke/ miltigklich
hyn/ und macht also/ alle gleubige (so Christum anne-
men/ das ist/ lieben und bekennen¹⁵⁹) zů priestern.¹⁶⁰ Das sie
vor gottis augen one geferden/ bestehn moͤgen/ als ange-
nemme sohne Gottis unnd bruͤder^ao des/ den/ der hoͤchste
priester figurirt¹⁶¹ hat. Das ist das sie sagen/ du hast uns
priester gemacht/ vor Gott froͤlich und unstrefflich/ als
du bist.¹⁶²

Wie ich vonn dem dienst unnd priesterthum Christi
gesagt hab/¹⁶³ das kein geyst¹⁶⁴ vor got/ als ein unstrefflicher
priester bestehn magk/¹⁶⁵ wenn^ap er den ewigen und gerechten
hohen priester Christum nicht mit liebreichem glauben
erkant/ und begert hat/ sich nach ymm^aq zuͤrichten.¹⁶⁶ So auch
mussen alle priesterliche geyster/¹⁶⁷ das opffer Christi/ mit
fleyß/ ansehen/ was Christus geopffert hat/ in welchem
gemuͤt¹⁶⁸ und willen. Und muͤssen durch Christum weyß¹⁶⁹ werden/
und sich noch¹⁷⁰ yhm richten/ und allerley ruͤstung Christi
behertzen.¹⁷¹ Und drauß leren¹⁷² das alle ire opffer gebrechlich¹⁷³
sein/ und zu gering/ und wenig/ das sie irgent eins/ got
opffern moͤgen.¹⁷⁴ Denn wellen sie ir fleysch schlachten^ar/ yre
glidmas wuͤrgen¹⁷⁵ unnd gott opffern/ so finden sie/ so vil
mangels in der schlachtung^as und opfferung/ so vil ver-
dris und unwillens/ das sie sprechen. Ich darff vor gott
B3^v nit gehn/ wenn er moͤchte mich vorthůmen^at176 mit meynem
opffer. Wellen aber sie/ yren geyst/ in die hende des vat-
ters opffern/¹⁷⁷ so wirt yhnen tausenterley mangels fuͤr-
fallen.¹⁷⁸ An lieb. An glauben. An rechtem vertrauen. An
hoffenung. An lob. An heyligkeit/ unnd auch an andern
stůcken. Das sie abermals tzůruͤck tretten/ und von gottis
angesichte flihen můssen. Wollen sie aber yren gehorsam
unnd gůtten willen/ kegen^au Gott ermessen/ und opffern
(welcher doch ein recht opffer ist) so vermercken sie/ so
vile befleckunge^av/ das sie sich schemen muͤssen. Und muͤssen
yre gerechtigkeyt (als ein tůch eyner blůtflůssigenn
frauen)¹⁷⁹ verbergen.

Demnoch haben sie keynen antridt oder weg zů Got/
koͤnden auch Gott nichts opffern/ denn es ist in yhn¹⁸⁰ die
schuldt und nit unschuld.¹⁸¹ Torheit und nit weyßheit. Ley-
den on erkentnis. Geyst on innerlichen schmůck. Unge-
tzeumpt fleysch/ und boͤß blůt. Und vorstehn doch/ das
Got/ nicht ochsen oder andere tyre/ zů opffer nemen wil/
sondern das sie yr fleyschs mit leyden. Leben mit bitter-
keit. Sele mit haß.¹⁸² Liebe mit gantzem hertzen. Lob mit
gantzer sele.¹⁸³ Gůtten willen auß gantzem gemuͤt/ unnd
allerley opffer/ auß allen krefften/ opffern sollen.¹⁸⁴ Das
yhnen unmoͤglich ist/ dann sie verstehen unnd wissen nit
wo sie nauß sollen. Derhalben das sie opffern sollen/ und
haben doch kein opffer.

Aber durch das koͤstlich unbefleckt¹⁸⁵ priesterampt und
opffer Christi/ nemen sie keckheit/ und freydigkeit/ ein
opffer fůr¹⁸⁶ Gott/ durch Christum/ unnd von Christo tzů
brengen.¹⁸⁷ Sie sagen mit seufftzen/^aw mein herr/ und meyn
got/ dein sohn/ hat dir ein opffer geben/ als¹⁸⁸ du eins haben
B4^r wilt/ und begeren kanst. Und hat das fuͤr mich/ und andere/
geopfferet/ auff das wir allesampt/ durch sein opffer
gerecht wurden/ und fuͤr¹⁸⁹ dir angenem. Zů dem selben halt
ich mich/ und mein opffer. Und bekenn dir/ das Christus
allein gerecht ist/ vor dir/ und das Christus opfferr/ fůr
dir/ allein on gebresten oder tadtel ist.¹⁹⁰ Und sein opffer/
ist in meynen augen so hoch/ das ich meines fůr nichts
halten muͤß. Das selbe nehm ich ahn/ und halt mich drann/
mit gedancken und hertzen. Herr nyms fůr mein opffer auff/
oder meines in dem selben/ dann sein opffer/ ist meinem zů
eyner fůlle und gerechtigkeit.¹⁹¹

Christus fleysch ist one sunde/¹⁹² und tregt meine sunde.
Das opffer ich dir fůr mein sundiges fleisch/ denn Chri-
stus fleysch ist mein/ und mein fleisch ist Christus fleysch
geworden/¹⁹³ durch das liebreich erkentnis¹⁹⁴ und seines fley-
schs/ in welchem mein brand und schlachtopffer zu nicht/
und seines allein etwas ist.

¶ Dreyerley personen haben
Christum geopffert.

Das opffer Christi haben dreyerley personen geopffert.
Gott der vatter Christi. Christus selber. Unnd uff der
dritten seyten/ die grosse pfaffen¹⁹⁵ unnd Pilatus und die
hescher und hencker. Gott der vatter seinen sohn in
diese welt sandte/ auß groͤsser lieb/ die er tzů seinen
außerwelten hatte unnd noch/ unnd ewigklich haben wirt.
Und gab yhnen¹⁹⁶ in tod fůr unns/ auff das Christus die
gantze welt/ der gleubigen erloͤset/ unnd tzů Gott sey-
nem vatter broͤcht.¹⁹⁷ Also ist des vatters liebe ein ur-
sach/ des opffers Christi/ das yhn Gott sein vatter vor
unns opfferet.¹⁹⁸

B4^v Der sohn gottis/ Jesus von Nazareth/ hat sich auß
seinem freyen willen/ und auß gehorsam/ got seinem vat-
ter/ geopffert.¹⁹⁹ Unnd er gab sich selber/ in die hende des
verreters Jude/ der grossen pfaffen/ und in die hende der
Heyden/ Pylati/ und der hencker. Und sein leben und tod
stunden mechtigklich in seyner eygen macht und willen.
Hett er seine sele²⁰⁰ wollen behalten/ niemant hett sie yhm
genommen. Mit eynem wort hett er sich gerett unnd vor-
teydingt. Denn/ wie Christus die schaͤr^ax der hescher im
oͤlgarten/ mit eynem wort/ zweymal/ nieder wurff/²⁰¹ also
hett er alle gewaltig alletzeyt umbgeblosen. Denn Chri-
stus hat/ durch seyn wunderbarliche krafft ym garten
beweyst/ das yhnn keyn macht toͤdten kunt/ wenn ers nit
leyden wolt.

Derhalben gab er sich aus eygem willen hyn/²⁰² und also
ertoͤdtet und opfferet er sich selbs/²⁰³ und ließ sich haschen/
auß eygnem^ay fursatz.²⁰⁴

Auß groͤsserer lieb zů seynen freunden unnd brůdern/²⁰⁵
und auß gehorsam/ den er seynem vatter erzeygen must/
unnd gern mit willenn leystet/ war Christus gehorsam
biß in todt/ und in todt des kreutzes/²⁰⁶ und ist geopffert/
Hett er nit gewelt/²⁰⁷ so wer er nit geopffert.

Die dritte personen seind die yene/ so uff Judas/ Pilati
und der grossen pfaffen seyten stunden (als ein person)
die auch Christum zuͤ eynem brandopffer/ und sundopffer
machten. Denn mit yrem hitzigen neydt/ unnd heyssen ge-
schrey/ haben sie Christum verbrandt/ uff eynem holtz/²⁰⁸ uff
welchem man nur grosse sunder/ unnd todt verwuͤrcker²⁰⁹
hencken solt/ die auch der vormaledeiung²¹⁰ wirdig waren.
Seintemal²¹¹ vonn den gehenckten ^azalso Got^az spricht. Ver-
maledeygt^ba ist/ der/ der am holtz hanget.²¹² Die selbige
C1^r maledeyung was²¹³ so greulich vor gott/ das got gebott/
man solt keynen gehenckten/ am galgen/ uber nacht lassen
hangen/ auff das nicht die erden vermaledeyht wurde.²¹⁴
Aber wie greulich und schentlich der todt am kreutz was²¹⁵/
dennest^bb kuelten die pfaffen yren tzorn/ wider das tzarte
kindt gottis Christum/ unnd hyssen yhnen/ one ursach/²¹⁶
mit dem aller schnoͤttigsten todt ermordten.²¹⁷ Und alßo
opfferten sie Christum/ durch yren feurigen haß/ tzů
eynem brandopffer.²¹⁸

Der vater opfferet auch den sohn/ und der sohn opffe-
ret sich selbs/²¹⁹ sonste wer/ der Juden und Heiden/ grymmi-
ge wuetterey nach yrem willen nit ergangen. Aber der
will und meynung was anders/²²⁰ und voranderet auch die
that. Die pfaffen als Annas und Cayphas/ opfferten
Christum/²²¹ nit auß lieb/ als²²² der vater/ noch auß gehor-
sam/ als Christus sich opfferet/ sondern auß neyd unnd
haß opfferten sie Christum/²²³ nicht gott dem hern/ sondern
der vormaledeyung.²²⁴ Wenn aber sie Christum auß gottis
forcht/ und auß gehorsam/ oder gepott gottis geopfferet
hetten. Als²²⁵ Abraham seynen sohn Isaak opffern wolt.²²⁶
Und weren schlechte²²⁷ gehorsame diener/ des ewigen wil-
len gottis/ gewesen/ weren sie got mit abthuung Christi
wilferig worden.²²⁸ Es steht aber also von yhnen geschri-
ben. Sie haben Christum gehaßt/ one ursach/ umb sonst.²²⁹
Item Pylatus sprach. Ich finde kein ursach des todes
in yhm.²³⁰ Drumb hetten sie kein redliche ursach/ das sie
Christum opfferten.

Wer aber gottis gepott volbringt/ der hat redliche
ursachen. Die pfaffen auch²³¹ dienten nicht Gott. Sondern
yrem haß.²³² Denn sie hetten keinen bevelh/ von got/ Christum
zů toͤdten/ als²³³ Christus ein mandat hett/ sich zů opffern.
C1^v Drumb seind sie moͤrder und blůtvergisser worden/ durch
den todt Christi/ unnd Christus ist gehorsam one sunde
gewest. Also ist der sohn gottis hingangen/ der herr und
meyster des lebens/²³⁴ tzů dem tod/ in mancherley weyse.
Und hat der boßhafftigen pfaffen todßurteil unnd hals
gericht unverwirckter Sachen²³⁵ nicht geflogen/ sondern on
widerpellen geliden.²³⁶ Gleych wie es Gott/ von anbegin/
erkant.²³⁷ Wee aber denen/ durch welche Christus ging/²³⁸ denn
sie seind vorfluchte unnd moͤrderische ertzpuben.

Der vater aber ist nit schuldig/ am blůt Christi/ denn er/
ist²³⁹ aller ding/ unnd creaturen mechtiger herr. Christus
bleyb²⁴⁰ auch unschuldig/ denn er was dem hern gehorsam/²⁴¹
der gůt recht hat zů erwuͤrgen^bc die lebendigen/ unnd auff
zů wecken die todten.²⁴²

¶ Was uns Christus opffer
gebracht hab.

Wenn Christus nicht gestorben were/ so weren wir alle
verlorn/ weyl aber Christus gestorben ist/ so haben
wir/ ein erloͤßung durch yhn.²⁴³ Denn Christus hat/ als
ein hoͤchister priester/ das allerbeste und hoͤchste opffer/
Got seinem vater geopffert/ fůr unsere sunde/²⁴⁴ und hat uns/
vergebung aller sunden verdient/ und reichlich erworben/
und uns seynem vater gnugsam vorsunet/²⁴⁵ dem wir ferne
waren durch unßere sunde/ die uns von Got weyt scheyd-
ten. Als²⁴⁶ Christus spricht/ das ist meyn leyp/ der wirt
fuͤr euch gegeben/ Das ist mein blůt/ welchs fuͤr euch vor-
gossen wirt/ tzů vergebung der sunden.²⁴⁷

Die priester des alten testaments/ kamen mit ochßen
C2^r blůt/ oder anderer tyrer blůt/ fur Gott/ unnd umgossen
den altar/ oder schuttens bey/²⁴⁸ oder besprengten mit dem
blůt den Fůrhanck²⁴⁹ an/ unnd opfferten den leyp des un-
schultigen tyres/ und theten das/ auff das dem jhenen/
sein sunde vorgeben wurden/ der die unschultige thyrer
brachte. Das alles umb figur willen geschach des blůts
Christi.²⁵⁰ Seintemal²⁵¹/ Moses nichts anders mit solchem
blůtvergissen/ oder besprengung gethan hat/ dann das er/
mit verdeckten geschichten/²⁵² antzeygett/ das aller men-
schen sunde/ abgewaschen wurden im blůt Christi.²⁵³

Darnach ist auch Christus ein priester des neuen gesetzes²⁵⁴
gekommen/ als Moses auch von yhm schryb.²⁵⁵ Unnd hat
sein blůt vergossen/ auff das wir alle drinne²⁵⁶ von sunden
gewaschen wurden/ so die vergissung des blůts Christi
fůr ein grosse hochschetzige²⁵⁷ gnade hielten/ und begerten/
das uns Christus mit seynem blůte welt²⁵⁸ besprengen und
drinne waschen oder teuffen.²⁵⁹ So wunderbarlich hat
Moses vonn Christo geschrieben/ mit schrifften/ unnd
theten^bd/ oder geschichten. Dem nach ist liederlich²⁶⁰
abtzůnemen das unns der geopfferte leyp und vorgossen
blůt Christi/ erloͤsung unnd vergebung aller sunden ge-
bracht hat/ unns allen tzů heyligkeit/^be die das wissen und
begeren.²⁶¹

Wiewol es am tag ligt/ das Christus blůth/
aller welt sunde abgewaschenn hat/²⁶² wenn die welt das
verstehn welt.²⁶³ Denn Christus gelassenheyt²⁶⁴ ist hoͤcher
unnd lautherer gewest/ dann aller welt ungelassenheyt²⁶⁵
gewest ist/ oder yetzdt ist/ oder kůnfftigklich seynn
wurde.

C2^v Auch muͤste der glaub an Gott/ ein opffer haben/ das
keinen gebrechen hett/ und one wandell²⁶⁶ wer/ und den figur-
lichen opffern Mosi (welche uff Christum deutten) ant-
wortet²⁶⁷/ welche on flecken/ one grind/ one blindheit/ one
laumung^bf sein/ und keinen mangel haben musten.²⁶⁸ Da-
durch weißgesagt wurd/ das ein opffer uff erden/ komen
wůrde/ in welchem weder blintheit/ noch lamung/ wider
schebikeyt/²⁶⁹ noch einicherley^bg taddel sein solte. Und ein
solches opffer/ was²⁷⁰ dem glauben von noͤtten/ uff das er
gerecht vor Got wůrd.²⁷¹ Der glaub aber/ fand keines/
dann allein das opffer Christi.²⁷²

Der recht glaube/ must auch eynen priester haben/ one
wandell/²⁷³ der heylig/ der unschuldig/ der unbefleckt/ der
von den sunden abgesondert were/ wie er ein opffer one
taddell hett.²⁷⁴ Der war Christus/ der sich selbs/ one tad-
dell/ durch den heyligen geyst/ Got opffert/ unser gewiß-
sen zů reynigen/ von den todten wercken/ zů dienen dem
lebentigen Got.²⁷⁵

Also macht uns der glaub/ durch Christum zů Gott/
rechtfertig/ unstrefflich/ one taddell/ und one wandell.²⁷⁶
Denn Christus opffer/ ist unser opffer/ unnd sein priester-
thum ist unser priesterthum/ das ist war/ so²⁷⁷ das opffer
Christi/ teuer und hoch geacht ist/ in unsern hertzen und
augen. Seintemal es ye²⁷⁸ sein muß/ das uns der erhoͤhte
Christus/ an sich zeuget/²⁷⁹ und uns ein fleisch/ ein bluͤt/ mit
seinem fleysch und bluͤth/ eynen willen mit seinem willen/ und
eynen geist mit seinem geyste macht.²⁸⁰ So sein wir alle-
sampt (Engel und menschen) in dem willen Christi/ auff
ein mal/ durch das opffer/ dess leybs Jesu Christi/ und
durch den vollen gehorsam Christi/ gerecht worden/ auff
ein mal.²⁸¹

C3^r

Ab^bh Christus offt²⁸² ein opffer sein kuͤn.^bi

Die figurliche opffer des alten testaments/ kunten nit
offt geopffert werden. Als²⁸³ ein Ochße/ nůr ein mal/ und
so furt an/ geschah es mit den andern. Dann/ als we-
nig ein tier offt sterben kan/ so wenig warß muͤglich/ das
die priester ein opffer offtmals opfferten. Da durch
aber schreyb Moses/²⁸⁴ von der volkomenheyt Christi/ das
Christus uff ein mal/ aller wellt sunde/ vorgelten unnd
betzalen/ unnd sie mit eyner ewigen heyligkeit und erloͤ-
sung/ begaben wurde.²⁸⁵ Das er nit offt sterben/ noch offt
auffs neu/ seine außerwelten^bj/ mit neuer vorsonung hey-
ligen muste. Das ist ye²⁸⁶ schon von Christo/ durch die fi-
gurlichen opffer Mosi²⁸⁷ gesagt/ das der aller hoͤchste prie-
ster/ nur ein opffer/ und nur uff ein mal/ opffern wurd/²⁸⁸
das so volkomen/ so hoch/ so edel/ und so genugsam/ sein
wurde/ das alle ding/ uff ein mal/ außrichten koͤnt/
unnd woͤlt/²⁸⁹ das die figurlichen opffer/ nicht uff vil mal
auß richten. Die weyls²⁹⁰ alle sunde vorgeben. Alle gefan-
gen erloͤßen.²⁹¹ Alle befleckten/ waschen. Alle unfridliche
befriden/ und alle gewissen reinigen wurd.²⁹² Die das opffer
mit hoher achtung/ und begerung/ im glauben/ ansehen.
Es war groß an dem ansehen der schlangen/ gelegen/²⁹³
Darumb brauch ichs alhie/²⁹⁴ die schlang was²⁹⁵ ein figur/
Christus ist die warheyt.²⁹⁶ Derhalben muͤssen alle vor-
wundte und krancke/ gesunt werden/ die den uffgehenck-
ten und geopfferten Christum/ ansehen/ wenn sie Christum recht
ansehen/ und sehen/ das die heilige augen der Aposteln sahen.²⁹⁷

Demnach ist Christus ein mal gestorben/ und ein opffer/
nůr uff ein mal geopffert/²⁹⁸ fur alle geister/ die yhe gewest
seind/ und kuͤnfftiglich noch erfur komen werden/ so fern
sie/ das opffer annemen/ und ir eigen opffer durch Chri-
stus opffer rechtfertigen.²⁹⁹

C3^v Drumb ists nicht vonn noͤten/ das Christus den neu
geschaffen geystern/³⁰⁰ noch eins³⁰¹ sterbe/ Christus ist reich-
lich³⁰² gestorben/ und genugsam/ den neu geschaffnen/ als³⁰³
denen/ so zůr zeyt seynes leydens lebten.³⁰⁴

Ap^bk Christus in teglichen pfeffischen
Messen³⁰⁵ ein opffer sey.

Der teuffel hat meysterlich/ vil luͤgen und schaden/ in
die Christenheyt gefůrt/ da er zů wegen bracht/ das die
pfaffen/ auß dem herlichen³⁰⁶ abendtessen Christi/³⁰⁷ ein mess
und opffer machten/ und gab den pfaffen ein schoͤns maul-
werck fuͤr/³⁰⁸ wie sie der Sachen gestalt gaͤbenn/ das sie auß
dem brot und wein Christi/ ein opffer maͤchten/ und mehr
gelts draus marckten/³⁰⁹ dann Judas durch sein vorreterey³¹⁰
das sie auch grosse kloͤster als³¹¹ Schloͤsser/ Stifftkirchen/
und alle winckel vol Capellen/ und teuffels heuser/ auff
seinen gewihn unnd betrug^bl/ baueten/ unnd das messen
gestifft wurden/ und pfaffen vorordent/ die teglich messen
hielten/ und Christum teglich opfferten.³¹²

Das war ein lieblicher^bm glantz/ unnd listigs fůrgeben/
eynes neuen dienst Gottis/ unnd er gieng starck in die
hertzen der gotlosen. Also wurd ein mess und opffer/
auß dem brot und kelch Christi.

Was aber die pfaffen gelts und guͤtter/ mit dem teg-
ligen geopfferten Christo/ erwůchert oder erworben/ ist
nit noͤtlich^bn hie zů ertzelen. Dieweil mans fuͤr augen sihet/
und die sachen solcher betriegerey zů gering³¹³ ist/ das ich sie
hin und her werff.³¹⁴ Drumb wil ich sie faren lassen/ und
nuͤr den geystlichen schein des teuffels/ angreyffen unnd
ruͤgen.

C4^r Der teuffel ^bobrengt gemenigklich^bo ein bekante warheyt
herfůr/³¹⁵ wenn er luͤgen einbrocken wil/³¹⁶ als er in der vor-
suchung Christi thet.³¹⁷ So thet^bp auch der teuffel hie. Er
sprach (durch seine pfaffen) die menschen sundigen alle
tag. Drumb durffen^bq318 sie eynes teglichen opffers/ fuͤr yre
sunde/ das ist war/ wens recht wirt vorstanden.³¹⁹ Drumb
sprach er. Ir habet kein opffer/ denn³²⁰ den leyp und das
blůt Christi/ drumb moͤcht ir³²¹ Christum/ teglich/ fůr euer
tegliche sunden opffern/ unnd ein messe auffrichten/ die
solt yr machen auß Christus abendessen.³²² Also ist die
mess auffkomen/ in welcher/ die pfaffen/ unnsern hern
Christum alle tag opffern/ und yhn/³²³ in einer stund unnd
stadt/ mehr dann tausent mal/ das nit wunder were/ das
Christus gantz vortzert were.³²⁴

Ich wil kurtz die Ursachen setzen/ das alle pfaffen/
Gott luͤgenhafftig sprechen/ die sagen/ das Christus in
yrer mess/ ein opffer sey/ oder die Christum in der mess
opffern. Denn sie sprechen/ mit der that/ oder werck/³²⁵
das Christus opffer/ nicht so krefftig unnd mechtig und
gnugsam sey/ wie es Got der vater gelobt/ und verhey-
schen³²⁶ hat. Der vater im hymel/ hat uns seinen sohne
vorheysschen/ durch gesetzische opffer/³²⁷ unnd durch klare
zusagung der propheten/ das sein sohne/ unser gerechtig-
keyt sein/ und das er sich opffern wurde/ fuͤr unser sunde/
und wurd unser sund auff sich laden/ und durch seinen todt/
und vergiessung seynes blůts/ betzalen wurd.³²⁸ In der weise/
krafft/ macht/ frommen^br329 unnd nuͤtz/ hat unns Gott der
vater seynen sohne vorheyschen^bs/ das er unns/ in solcher
krafft/ seligkeyt/ und zů solchem nutz solt khomen.

C4^v Nů aber seind die pfaffen herfur dretten/ und sagen.
Es ist nit also mit dem todt und opffer Christi/ als yhn
Got vorheischen hat/ und thun/ wie die neun hauptleut
teten/ so³³⁰ von Mose/ mit andern dreien/ geschickt waren/
ins vorheischen und gelobt landt/ dasselbe zů besichten/
ap^bt es were/ wie es Got preyst und vorhiesch^bu.³³¹ Denn/ wie
wol sie offentlich sahen/ dass gelobt land so gůt unnd
fruchtpar war/ dannest^bv widersprachen sie/ wissentlich/
dem mund Gottis/ und schnitten Got sein ehre ab/ und
strafften yhn/ einer luͤgen.

Also thun die pfaffen/ etlich auß geytz.³³² Etlich auß
hochfart und mutwill/^bw die sagen/ das Christus opffer teg-
lich/ uffs neu/ fůr neue tegliche sunde/ muͤg geopffert
werden. Denn sie widersprechen der ^bxvorheyschung got-
tis/^bx unnd machen das opffer Christi/ das Christus selber
ist/ geringer/ denns³³³ Gott der vatter ^byvorheyschenn unnd
vorkůndigt^by hat. Got spricht/ das Christus mit dem
opffer/ seins leibs unnd blůts/ aller welt sund/ betzalen
und außtilgen wurde/³³⁴ dawider aber sprechen die pfaffen
wenn sie sagen. Man muß Christum alle tag/ uffs neu/
fur neue sunde opffern.³³⁵ Und es ist ungenug/ das Chri-
stus ein mal geopffert ist.³³⁶ Das ein greuliche luͤgen ist/
Dann es volgt/ das Christus opffer ist ungenugsam ge-
west/ vor³³⁷ alle sunde/ und das sein todt/ uns nicht so vil
heyligkeit gebracht hat/ als Got furgab.³³⁸ Also wider-
sprechen unsere pfaffen/ Gott/ denn sie sprechen/ das sie
Christum alle tag/ opffern sollen fuͤr sunde/ so aber luͤg got
der spricht. Christus mein sone/ hat aller welt sund be-
tzalt/ und ist mir darumb gehorsam gewest/ biß in todt.³³⁹
Das ^bzwurd aber^bz mit nichte bestehn moͤgen/³⁴⁰ wenn Christus
durch seynen einigen todt unnd eintzelig opffer/³⁴¹ die neu
D1^r teglich sunde/ nicht betzalt unnd außgetilgt hett.

Nů/ es ist ye³⁴² nit moͤglich das Got liege/³⁴³ drumb seind
die pfaffen ertzlůgner^ca/ die sagen/ das Christus ein opffer
sey/ in yren teglichen messen. Denn sie straffen Gottis
warheyt einer luͤgen/ und lestern Gott/ unnd strecken yr
zungen auß/³⁴⁴ wider Gottis wort/ und thun als die neun³⁴⁵
puben theten/ vonn welchen gesagt.³⁴⁶ Das ist ein ursach
das Christus in der Messe kein opffer ist.

Wenn aber ein behelff redner³⁴⁷ sagen woͤlt. Christus ist
kein opffer/ sondern das brot und der wein Christi/ ist
ein opffer. Das wer ein subtile schutzrede/³⁴⁸ als hette sie ein
Esel in eyne sackpfeyffen gesungen.³⁴⁹ Ursach/ das hies
Christum zerspelten/³⁵⁰ und gar zu nichts machen/ und alle
figuͤrliche opffer in einen klumpen stossen.³⁵¹ Seintemal³⁵² es
offentlich ist/ das Christus gelebt hat/ und ist nit one
leben komen/ als brod.³⁵³ Und lebet noch/ und mehr dann alle
creaturen/ in hymel und erden. Dieweyl Christus auch
durch sein blůt/ die geystlichen und hymelischen gefess/
gewaschen und gereiniget hat.³⁵⁴ Unnd alles in solcher her-
lickeit und wesen/ das yhm kein engel nachtun vermoͤcht.³⁵⁵

Das aber/ woͤllen die pfaffen/ einer todten creatur/
nemblich dem brodt das der Becker gebacken hat/ oder
dem wein/ der durch die kalter^cb ist auß getruckt/ zumeß-
sen.³⁵⁶ Und die uͤber engelische krafft und herlikeit Christi/
abtziehen und stelen/ und Christum also wuͤste machen.³⁵⁷

Auch wůrden sie durch ir synnloßs opffer/ des brods
und weins/ dem synnreichen³⁵⁸ Christo/ seine ehre/ weyßheit/
gehorsam/ liebe/ unnd gůten willen/ abhauen und vor-
wuͤsten. Es kan weder brot noch wein die krefften
oder gaben Christi/ an sich nemen. Wenn der pfaffen
synn bestuͤnd/³⁵⁹ wůrds klar volgen/ das brot und wein/
D1^v die pesten creaturen weren/ pesser dan alle heyligen und
engeln/ ya denn^cc der sone gottis Jesus Christus selberts.
Und sie muͤsten sagen/ das die speyßopffer des alten ge-
setzs/ volkoͤmlich gewest weren/ als³⁶⁰ Christus opffer/ das
wider den strahm³⁶¹ und wider Mosen und heyligen geyst/
und gar unmoͤglich ist.

Auch wurd das die pfaffen nit helffen/ das sich Chri-
stus ein lebentig brot nennet/ und wil/ das wir sein blůt
trincken/ unnd sein brodt essen.³⁶² Ursach/ das selb brodt
Christi/ ist ein^cd ewig/ und unvorgencklich^ce brodt/ als auch
das blůt Christi unvorgencklich ist.³⁶³ Aber das pfef-
fische^cf runde brodt/³⁶⁴ unnd ir wein/ vorgehn. Pfaffen
seind die weinschlugker/ als der geyst gottis spricht/ und
machen durch yre laher/³⁶⁵ die armen leyhen/ druncken/ und
von Got gehn. Sie sollen aber wissen das ir brod und wein
nit von oben herraber gestigen/ als das brod/ das christus
ist.³⁶⁶ Sondern frůchte der erden/ von unthen rauff gewachssen.^cg

Dem nach moͤgen³⁶⁷ sich die pfaffen nicht vermanteln/ mit
eynem schalcks mantell/³⁶⁸ und sagen das brodt oder wein
ist ein opffer (unnd nicht Christus) das wir vor³⁶⁹ teg-
liche sunde opffern/ denn wir woͤllen ir brodt oder wein
nit haben/ zů eynem opffer. Seintemal^ch unser gewissen/
^cinichts pesser^ci noch reiner/ dar durch werden koͤnnen^cj. So
besteht die ursach/ das Christus kein opffer in der Messe
ist/ und das vil teufflischer ist/ wenn sie sagen/ das brodt
unnd wein Christi/ ist ein opffer.

¶ Ein ander ursach/ das Christus kein
opffer ist in der Messe.

Andweders sie muͤssen unsinnig unnd nerrisch/ oder
kluge und můtwillige schaͤcher^ck370 sein/ die sagen/ das christus
ein opffer sey/ in pfeffischen Messen.³⁷¹ Ursach. Sie
muͤssen nit wissen/ was zů einem brand/ und sundopffer
D2^r gehoͤrt/ und von dem opffer Christi reden/ als ein blind-
ter von der farb/³⁷² und vor Got sein sie pferde und Eseln/
in welchen kein vorstandt ist.³⁷³ Oder wissen/ und reden
auß hochfart^cl/ wider Gottis warheyt/ unnd wellen den
wuͤrgen/³⁷⁴ der nicht sterben kan.

Die pfaffen schlachten die lebentigen tyer/ die sie op-
ferten/ den selben figuren nach/ můst Christus auch ab-
gehn/ als er ein opffer ward.³⁷⁵ Darumb ists gleych so
vil gesagt. Christus ist in der Messz ein opffer/ als das/
Christus wurd in der Messz erwuͤrgt^cm/ Das aber ist
unmoͤglich/ auch nach dem fleysch Christi/³⁷⁶ in welchem
Christus ein opffer was/³⁷⁷ denn Christus ist nůr einst³⁷⁸ ge-
storben/ und stirbt nit mehr/ sondern er lebt got ewigklich.³⁷⁹

Welcher aber fůrt fehrt/ unnd spricht/ das Christus ein
opffer sey/ der strafft³⁸⁰ den heyligen Paul'us'^cn der spricht/ das
Christus nicht mehr sterb.³⁸¹ Auch ist Christus in eynem
herlichen³⁸² und unsterblichen fleysch/ ufferstanden. Darumb/
die Christum ein opffer heyssen/ in der Messe/ die greyffen
yhm in sein herliche aufferstehung/ und sagen/ Christus
sey sterblich und unverklert/ als vor/ ehe er starb.³⁸³ Das
wer Christo eine grosse schmach^co/ unnd Got seynem vater
spoͤtlich/ und ein vorwuͤstung/ der herlichen auffersteung/
unnd unser gerechtickeyt zů nah/³⁸⁴ und wider die hoff-
nung der ufferstehung.

Sie machen auch ein erger³⁸⁵ opffer auß Christo/ denn
irgent ein opffer das alten testaments gewest ist. Kein
ochs oder kein ander tyer/ ist offtmals³⁸⁶ geschlacht^cp unnd
geopffert worden/ mit eynem leyden unnd todt/ kam er³⁸⁷
darvon. Aber Christus/ můß den Meßknechten/ offt
her halten/ offt leyden/ und vil mals sterben/ und ist kein
auffhoͤren. Also machen sie Christus sachen erger/ denn
des figurlichen opffers³⁸⁸ leyden und sterben was.

D2^v Christus priesterthumb/ wer auch erger³⁸⁹ und geringer/
denn des hohen priesters im alten gesetz/ der allein/ nůr eins/
in das heylig/ mit blůt ging (dennest^cq mit frembdem blut)³⁹⁰
weil Christus (als die pfaffen woͤllen³⁹¹) alle tag sein blůt
vergiessen můß. Und mit seinem eygen blůt/ nit im^cr iar
ein mal/ sondern alle tag/ in vierhundert teuffels heu-
sern/ eingehn sol.³⁹²

Do her wurd volgen/ das die sunde ewiglich bleybe/
denn uff die pfeffische meynung/³⁹³ nimpt das opffer Christi/
nůr ettliche sunde ab/ die vorgangen/³⁹⁴ oder die heuttige.
Aber die ein mensch morgen sundigen wurde/ hett Chri-
stus/ mit vorgetanem³⁹⁵ opffer/ nicht betzalt. So muͤsten
die zůkuͤnfftige/³⁹⁶ alle tag neu opffer haben. Unnd wurd
das neu testament/ uff eynen hauffen vorfallen/³⁹⁷ das die
sunde also abnehmen solt/ das keyne mehr bliben werden.³⁹⁸
Und es muͤste von noͤten zu nicht werden/³⁹⁹ wenn neue sunde/
mit neuem opffer Christi/ solten vortilgt^cs400 werden/ und
weren nicht durchs alt gethan opffer Christi/ vorgeben^ct/
das durch ein leyden/ unnd eynen todt/ und ein bluͤtver-
gissunng geopffert ist. Wenn man das/ den pfaffen/
gestatt/ so wurden sie Got/ die leng⁴⁰¹ auß seynem hymmel
vorstossen^cu.

Auch muͤst volgen/ das Christus alle tag/ in seynem
hymelischen unnd unsichtparlichen tabernackel/⁴⁰² durch
neu opffer/ widerumb ein gehn muͤste. Da durch wurd
das priesterampt und opffer/ und geystliche huͤtten/ des
aller hoͤchsten priesters Christi/ unachtparer^cv/ denn des
Aarons/ und anderer ^cwfigurlicher/ und vorgengklicher/
priestern^cw tabernackel war.⁴⁰³ Ursach. Aaron und seyne
nachkomen/ seind im jar/ nůr ein mal/ durch frembd ley-
den/ sterben/ unnd blůt eingangen^cx.⁴⁰⁴ Aber Christus
D3^r muͤste alle tag/ durch neu leyden/ und opffer/ uff in den
hymel gehn/ unnd wir doͤrfften⁴⁰⁵ nicht mehr wartten/ uff
Christum/ das er komen wuͤrd/ als yhn seine Apostel sahen
in hymel faren.⁴⁰⁶ So muͤst die herliche⁴⁰⁷ hymelfart Christi/
auch zů nichte werden. Nů aber/ wisset yr opffer-
fresser/⁴⁰⁸ das Christus sachen besser stehn/ denn yr yhm
goͤndet^cy.⁴⁰⁹ Wisset/ das er ein volkomen opffer geben/
und ist nůr eins^cz gestorben/ und mit eynem opffer/ durch
sein eygen blůt/ ein mal in das heylig eingangen/ unnd
hat dannest^da/ ein ewige erloͤsung der sunden/⁴¹⁰ nicht allein
der gegenwertigen^db/ sondern aller zůkůnfftigenn sun-
den.⁴¹¹ Und er ist nicht in euren leyplichen tempel/
als in das heylige/⁴¹² durch sein blůt gangen/ sondern in
die hohen hymel gefaren/ an die gerechte/ des stuͤls goͤt-
licher majestat im himel/⁴¹³ ein pfleger aller heiligen gůter
und vorwarer/ der hymelischen huͤtten. Welche got selb
auffgericht hat/ und ist nit mit menschen henden erbauet.⁴¹⁴

Er⁴¹⁵ ist euren henden entgangen/ ir koͤnt yn nit mehr
martern/ und lest sich nit mehr opffern/ und wil nit offt⁴¹⁶
geopffert sein. Er steht fuͤr dem vater/ fuͤr uns/ und
vorbitt/ und vortritt^dc uns/⁴¹⁷ nit durch neuen tranck/ seines
kelchs/ welchen er eins^dd getruncken hat/ unnd nicht mehr
trincken wil.⁴¹⁸ Christus trinckt einen neuen wein/ in seines
vaters reich/⁴¹⁹ do er sich nit lesset martern/ und ermoͤrdten.

Das alles rede ich nicht der halben/ das euch/⁴²⁰ die ley-
hen/ der massen schellten/ sondern das ir euch/ recht ent-
sinnen/ und uff hoͤren wolt/ Christum zů hoͤnen und mar-
tern. Ich wůnsch euch/ Gotis barmhertzigkeit/ und
sage euch eure laster/ mit schmelichen worten/ der ir wir-
dig seyt/ auff das euch vordrieß/⁴²¹ eynen solchenn boͤsen
namen⁴²² zů haben/ under den^de Christen.

D3^v Die Christum ein opffer (in den pfeffischen messen)⁴²³
heyssen/ und woͤllen yhn teglich/ fuͤr neu tegliche sunde
opffern/ die machen Christus todt unnd opffer/ unnuͤtz/
ungerecht/ unnd zů nicht. Seintemal Christus/ unser
sunden halben gestorben ist/⁴²⁴ unnd nicht allein fuͤr unser
sunde/ sondern auch/ der gantzen welt/⁴²⁵ unnd hat sie alle
sampt/ auß der ^dfsunden gewissen^df abgewaschen/ auff ein
mal/⁴²⁶ so Christum unnd sein blůt/ durch den glauben/ in
yrem hertzen und gewissen/ warhafftig erkennen/ unnd
er ist das lamb/ das der welt sunde hinweg trug.⁴²⁷ Das
hat er durch eynen todt/ und ein opffer gethan/ und uns
volle gerechtickeit erlangt.⁴²⁸ Welcher nů spricht/ das
Christus alle tag/ ein opffer sey/ derhalben/ das wir
durch die messe/ vorgebung^dg der sunden erlangen/ der můß
auch sagen/ das uns der todt unnd opffer Christi/ vorge-
bung der sunde nit erlangt hab/ unnd das Christus umb
sonst/ und vorgebens^dh gestorben/⁴²⁹ unnd das unser gerech-
tigkeit/ in dem gehorsam Christi/ durch welchen er in
todt gieng/ nit gestanden sey. Das wer aber nit anders/
dann Christum auff heben/ und wegnemen/ und Christum
zů nichts machen/ als offt gesagt ist.⁴³⁰

Sihe/ Paulus achtet das fuͤr ein groß uͤbel/ als ist/ das
etliche sagen/ das gerechtigkeyt durchs gesetz sey. Und
er spricht. Es muͤst volgen/ das Christus umb sonst ge-
storben were.⁴³¹ So auch sag ich euch/ wenn ir Christum
alle tag/ in euren messen/ opffern koͤnt/ fuͤr unsere neue
sunde/ muͤste volgen/ das Christus erster^di todt/⁴³² unnd
sein gethan opffer/ umb sonst geschehen wer. Und ent-
lich/ das unser gerechtigkeit/ nicht auß Christo/ sondern
auß euch ^djkom/⁴³³ den^dj ir habet die messe erdacht.⁴³⁴

D4^r Ich bekenn fuͤr mich/ unnd weis/ das wider Got unnd
Christum ist/ das Christus ein opffer sey/ in der messe.
Ich weis das Christus/ nůr ein mal/ durch ein opffer/ in
hymel gangen ist/ unnd hat uns ein^dk ewig und unentliche
erloͤsung/ unnd vorgebung aller sunden/ geschenckt/⁴³⁵ und
das er nů nymmer auß der heyligen stadt/⁴³⁶ unnd huͤtten
geht/ als ein priester/ sondern/ er steht vor seines vaters
angesicht/ als ein mitler/ ^dlfůrbitter/ und vorsoner.^dl437

Das aber Christus sprach. Nemet hin/ das ist meyn
leyp/ der fuͤr euch gegeben wurdt/ oder. Das ist der kelch
meins blůts/ welchs fuͤr euch vorgossen wuͤrt etc.⁴³⁸ Dienet
nicht zu eurem teuffelischen grund/ und fuͤrnemen. Denn
Christus hat euch nicht bevolhen/ das ir das thun solt/
als irs außlegt/ uff die meynung. Das ir Christus fleisch
unnd blůt/ teglich/ uffs neu/ opffern macht^dm. Wenn
das were/ was hetten die heyligen gethan/ die kein meß
halten/ noch^dn gehalten haben. Ir solt das brot unnd
blůt des herren geniessen/ zů seinem gedechtnis/⁴³⁹ das ist/
Ir solt ein hertzfreuntliche⁴⁴⁰ gedechtnis/ des leydens/ des
todes/ und opffers Christi/ haben/ wie einer/ eines lieben
bruders gedencken moͤcht/ der yhn vom todt/ durch seinen
todt/ erloͤßt hett/ oder fur yhn/ gestorben were/⁴⁴¹ das solt
ir thun. Das brot Christi essen/ und wein trincken/
in seinem namen/ und gedechtnis. Der name und ge-
dechtnis Christi/ sol euch dartzů antzunden/ und bezwin-
gen/ des ir zůvor indechtig⁴⁴² gewest seyt.

Demnach^do/ mag⁴⁴³ eyner teglich/ des gethanen opffers
Christi/ gedencken/ als auch meniglicher⁴⁴⁴ schultigk ist/
das hoch priesterlich gemuͤt⁴⁴⁵ Christi/ und sein unschultig und
vornunfftig opffer/ zů erfaren/⁴⁴⁶ welches er got geopffert.

D4^v Aber das heyst nit Christum uffs neu opffern/ sondern
yhm dancksagen/ und gedechtnis dess leydens und opffers
Christi haben/ unnd sich durch das freuntlich erkentnis
Christi/ des priesters/ unnd seynes ampts in Christum
vorsencken/ und in Christo bleyben.⁴⁴⁷

Das aber etliche heilige veter/⁴⁴⁸ von dem opffer Christi
schreyben/ und sagen sollen. Das die hostien/ in der messe/
ein opffer sey/ kan nicht bestehn in ewigkeit. Ich kans
auch nicht gleuben/ das⁴⁴⁹ der heyligen vaͤtter meynung
oder will gewest sey. Das Christus unther der runden
unnd gemalten⁴⁵⁰ hostien/ in der messz/ ein opffer sey/ als
vil ytzunder⁴⁵¹ gehalten. Denn sie hetten groͤblicher geirret/
in yren zeyten/ denn unsere pfaffen in dieser zeyt. Die
weyl die pfaffen/ jtzt/ in dem irthumb/ auffertzogen sein/
und haben von jugent uff/ biß her/ gehoͤrt/ das die messz
ein opffer sey. Aber eh die messe durch menschliche
synnen/⁴⁵² erfunden wart (als⁴⁵³ in den zeytten der heyligen
vaͤtter) was⁴⁵⁴ keyn ursach/ des greulichen irsals/ das
Christus in der Messz ein opffer sein solt. Auch wurd
die schrifft/ in der vaͤtter zeytten/ gar nah/ so hoch ge-
handelt/ und vorstanden/ als⁴⁵⁵ ytzt/ und die rechte urteyl
der schrifften/ giengen/ auch in besseren schwanck/⁴⁵⁶ dann
sie in unserer pfaffen zeyten⁴⁵⁷ biß her/ gangen seyn.

Derhalben ist mirs ungleublich/ das Augustinus oder
Ambrosius eynen dancken⁴⁵⁸ gehabt haben/ das brot unnd
wein/ ein messz/ oder opffer sein.⁴⁵⁹ Demnach/ achte ich/
das die selbige vaͤter/ Christum/ ein^dp heylig opffer/ ein
unbefleckte hostien/^{460 dq}ein bestettigts opffer/⁴⁶¹ ein vornůnf-
tigs opffer/⁴⁶² oder hostien^dq/ genent haben/⁴⁶³ als die Aposteln/⁴⁶⁴
Christus leyden/ todt/ blůtvorgiessen/ und ertoͤdten leib/
ein opffer genent haben/⁴⁶⁵ da durch^dr sie bekanten/ was
E1^r Christus gelitten haͤtt/ nicht was er noch heut/ leydt/
oder leyden mag^ds. Und das Christus/ ein opffer gewest/
und nit heut widerumb ein opffer sey.⁴⁶⁶

Als der Apostel Paulus/ Christum/ ein opffer der
gerechtigkeit^dt/ und ein vorgebung^du der sunden nennet⁴⁶⁷ Und
ertzelt/ was uns Christus/ mit seinem/ ein mal geopffer-
ten opffer/ erlanget. Nicht in der meynung/ das wir so
nerrisch weren/ das wir/ die krafft unnd den vordienst^dv
Christi/ geringerten. Oder das gedencken solten/ das von
noͤten wer/ das wir Christum alle tag/ widerumb fuͤr un-
ser tegliche sunde/ muͤsten opffern. Dann also wuͤrffen
wir Christum nider/ und traͤtten yhnen mit fuͤssen/ und
machten sein leyden/ zů nicht/ als ob vormelt ist.⁴⁶⁸

Wenn aber die heyligen vaͤtter/ so vorgessen^dw gewest
weren/ das sie ein solche unchristliche laͤher⁴⁶⁹/ erdacht (als⁴⁷⁰
sich die papistischen pfaffen rhuͤmen/ und den altvaͤttern
ufflegen⁴⁷¹) solt man die altvaͤtter/ nicht ansehenn/ noch
yren synn achten.⁴⁷² Sondern sprechen. Geht hin/ ir sata-
nische lehrer. Ir vorhindert das recht erkentnis Christi.

Das aber/ geschiedt Got und den heyligen/ zů keinem
nachteyl. Dann Petrus war auch heylig/ unnd Christus
sprach. Selig bistu Petre etc.⁴⁷³ Aber nicht lang darnach/
sprach auch Christus zů Petro (als er in dem erkentnis
Christi irret) gehe zů růck/ du Satan/ du bist mir zů ey-
nem vorhindernis.⁴⁷⁴ Dieweyl unns Christus da durch
vorstendiget^dx/ das wir unns/ die heylickeyt der heyligen/
nit sollen vorfuͤren lassen. Sondern im wege Gottis
stracks pleyben/ und nach keynem menschen umbsehen.

Paulus straffet Petrum/ drůmb das er nit mit rech-
tem fueß/ in der warheit gieng.⁴⁷⁵ Wer vorpeut^dy uns/ so wir
der Sachen gewiß sein/ auch wider alle altvaͤtter zů stehn?
E1^v Moͤgen⁴⁷⁶ wir doch engeln richten/ warumb nit menschen?⁴⁷⁷
Wir sollen den Satan/ in frembder form des liechts rich-
ten/⁴⁷⁸ solten wir nit heylige menschen urteyln/ und sehen/
ap^dz sie heylig seind oder nit? Wann die heyligkeyt/ nit
durch sieben fegfeur/ oder beschneyttung/ bewert⁴⁷⁹ ist/ so
kan sie liderlich⁴⁸⁰ irren/ und unrecht leren. Die irrige
blindtheit/ hoͤret nit eh auff/ dann die sunden.⁴⁸¹ Wenn
sunde gar nichts mehr/ im^ea menschen stadt habenn/ so
wuͤrt die blindheit/ unnd unvorstandt^eb/ sein ende haben.⁴⁸²

Wenn ein schreyber/ etwas auß seiner weyßheit schreybt
so ist es alles menschlich/ unnd nit goͤtlich.⁴⁸³ Drumb muͤß
man eben mercken/ was der geiste Gottis wircket/ wenn
er redt/ und sich nach dem geyste richten. Welcher des
geysts wircklickeit uberferet/ der feilet/⁴⁸⁴ er schreyb oder rede.
Demnach/ sal die heyligkeit Augustini/ nymandts vor-
stricken.⁴⁸⁵ Er wils⁴⁸⁶ auch nit haben/ das wir seiner/ oder
eines andern/ heilickeit/ fuͤr ein unbetrigliche schnůr⁴⁸⁷ ha-
ben.⁴⁸⁸ Drumb solt ir nicht so fleyssig sehen/ was die vil-
gedachte vaͤttere⁴⁸⁹ geredt oder geschrieben/ als yr besehen
solt/ was recht oder unrecht/ von yhnen ist geschrieben.

Die Christum in der Messe/ ein opffer heyssen/ die
seind des todes und bluͤts Christi schuldig/ weyl sie ubel
von Christo reden/ und Christum ubler handlen/ denn die
jhene/ so⁴⁹⁰ das brot und den kelch des herren on underschied
brauchten.⁴⁹¹ Denn sie seind nicht allein/ unachtsame/
als die Corinthier waren/ irer drunckenheit halben/⁴⁹² son-
dern/ sie hauen Got/ dem vater Christi/ seine zůsag (von
Christo) ab. Und vorsprechen^ec493 das leyden/ bluͤt vorgieß-
sung/ und den todt etc. Christi/ unnd sie doͤrfften^ed/ wenn sie
kuͤntten/ Christum uffs neu martern/ uff das ir seckell
voller goldts. Oder stifftung voller lobes. Oder vornunfft
E2^r voller achtparkeyt. Oder eygen synn voller herschafft
wůrd.⁴⁹⁴

Ap^ee sie sagen woͤlten/ wir meynens wol und gůt/ und
woͤllen Got mit unserm brauch dienen. Wir wissen nit
anders. Wisten wirs besser/ wir woͤlten dem besten vol-
gen. Antwort. Der Juden eins teyls/ wistens auch nit
besser/ dann das sie Christum/ ertoͤdten moͤchten/ unnd
meinten/ sie tethen Got eynen dienst dran.⁴⁹⁵ Aber Pe-
trus/ wolt sie nicht/ tzů Christlicher gemeynschafft neh-
men/ ehe sie sich erkanten/ und yre missethat bereueten.⁴⁹⁶
Also solten die rechte Christen auch thun. Und den pfaffen
sagen/ das es sund sey/ Meß halten/ wuͤrden sich ett-
liche bekeren/ die solten angenommen werden. Die sich
aber nit woͤlten erkennen/⁴⁹⁷ die solt man ausserhalb Christ-
licher gemeinschafft/ stehn lassen.

Es volgt^ef nit. Ich meins wol. Drumb bin ich ent-
schuldigt.⁴⁹⁸ Petrus meint es auch gůt/ und wol/ da er zů
seinem herren sprach. Es sey fern von dir/ das dich die
Juden so schmelich handeln sollen etc. Denn Christus
hies yhnen von sich^eg tretten/ und nennet yhn einen Satan/
als obgemelt ist.⁴⁹⁹ Derhalben/ werden sich/ die pfaffen/
auch nit schuͤtzen/ durch yren gůten dunckell.⁵⁰⁰

Man sol^eh stillhalten/ und zuͤ vor hoͤren/ was Got ha-
ben wil/ und unsere gedancken/ nach Gottis gedancken
richten. Darnach sol^ei die that/ oder wolmeynung/
und das werck/ der laͤher⁵⁰¹ Gottis volgen. ¶ Der uff ma-
nigerley ding sihet/ oder nit allein uff gottis wort sihet
der unkeuschet^ej fuͤr got/⁵⁰² und sundigt greulich. Nu. 15.⁵⁰³

Wuͤrde eyner sagen/ Christus kan ye⁵⁰⁴ nicht sterben/
wenn wir yhn opffern. Drumb sein wir den vorredtern^ek/
heschern und henckern/⁵⁰⁵ mit nichte gleych. Antwort.
E2^v Es ligt aller handel/ schad/ und gewin/ am hertzen.
Und Got hat nicht allein/ den eusserlichen todtschlagk
vorpotten. Sondern datzů/ gedancken zů todtschlahen.⁵⁰⁶
Drumb ist es ein ding fuͤr Gott/ todt schlahenn tedlich^el507/
oder mit willen. Der einen willen hat/ Christum zů toͤd-
ten/ und kan yhn nicht toͤdten/ der ist ein todtschlager.
Als auch der teuffel/ ein todtschlaher Christi was/⁵⁰⁸ ehe
Christus geporn wůrd. Nachdem Christus selber
sagt/ der teuffel ist ein todtschlaher/ von anbeginn ge-
west/⁵⁰⁹ welches eyner also meldet. Das lamb ist von
anfanck der welt erschlahen etc.⁵¹⁰ Nů wie der teuffel/
in der zeyt ein moͤrder wuͤrd/ ehe Christus sterben kůnt.⁵¹¹
Also jtzt auch/ werden die yene moͤrder Christi (der ytzt
nicht mehr stirbt) die an yhm thun woͤllen/ das die tet-
liche moͤrder tethen. Annas. Caiaphas. Judas. Herodes.
Pilatus. Phariseyer/ hescher und henger.⁵¹² Drumb
seind unnsere Priestere (welchen Gottis warheyt vor-
kuͤndigt ist) rechte phariseer/ die an Christum allerley
hoen/ spott/ streych/ schlege/ und todt legten.⁵¹³

O wie jemerliche ding/ můssen unsere augen sehen?
Sehen sie nit/ das gleych die heuser/ mordt gruben wor-
den seind?⁵¹⁴ die man Gott zů loben unnd ehren/ erbauen
wolt? Aigentlich seind sie speluncken⁵¹⁵ der dieben und moͤr-
der/ so vil ir/ uff das teglich blůtvorgiessen/ und uff den
teglichen todt/ oder opffer Christi/ gewidemet sein.

Die die aller heyligsten^em sein woͤllen/⁵¹⁶ seind die greulichsten^en
vorfolger/ und moͤrder Christi. Wo sihet man mehr
Messen/ denn in den heyligen Cloͤstern? Es kan kaumet⁵¹⁷
eyner auffhoͤren/ so kuͤmbt ein anderer herfuͤr. Ge-
schichts nit heute/ das vortzeyten/ im leyden Christi ge-
schah? Das Annas Christum Caiaphe/ ein priester dem
F1^r andern uberschickt?⁵¹⁸ Muͤssen wir nicht sehen/ das eyner
seine kleyder/ uber Christum zerreyst/ der ander Christo/
in sein angesichte speyhet?⁵¹⁹ Die leyhen fuͤren Christum
heraus/ als⁵²⁰ Pilatus/ und sprechen/ das sie kein schuldt/
mangell/ oder gebrechen/ an dem todt und blůtvorgieß-
sen/ finden.⁵²¹ Und das Christus mit eynem opffer/ versoͤn-
ung aller sunden erlangt hab.⁵²² Drumb woͤllen sie in^eo523 nit
uffs neu opffern. Aber die phariseenses/ schreyhen^ep
mit starcken stymmen. Man sol Christum/ teglich kreu-
tzigen/ oder opffern/ denn er hat sich des opffers wirdig
gemacht.⁵²⁴ Drumb das er nicht genug gethan hat/ fuͤr alle
tegliche sunde. Und brengen zů letzt/ die oͤbirste leyhen/
uff yre seytten.⁵²⁵ We aber euch/ denn ir můsset^eq als ein
schwantz fuͤrs trekloch⁵²⁶ gehefft/ werden/ die weil ir/ un-
ser haupt/ und unsern heyland/ also ^ervorsprecht⁵²⁷/ und den
vorlasset^er / der euch uber alle voͤlker dieser erden gesetzt.⁵²⁸

Ich hab euch/ von dreyen personen gesagt/ die Chri-
stum opfferten. Von Got seynem vater/ der seynen sohn
gab etc.⁵²⁹ Von Christo/ der sich selbert ubergab.⁵³⁰ Der per-
sonen ^essein zwůe^es/ und haben allein die sachen/ wol unnd
recht gemeind. Und es darff sich keiner/ auß den pfaffen/
fuͤr Got/ oder Christum/ außgeben. Drumb muͤssen
sie leyden/ das wir sie Phariseer/ hescher oder henger⁵³¹/
nennen/ so lang sie Christum teglich opffern.

Betruͤben sie disse abnamen⁵³²/ so sollen sie/ von boͤser
sach/ abtretten.⁵³³ Ich habe sie auch nicht der halben/
hescher etc. genent/ das ich lust/ ab irem unlust/⁵³⁴ und scha-
den/ habe. Sondern/ das sie auß den greulichen namen/⁵³⁵
einen ernsten grauhen/ zů der Meß gewinnen/ und sich
vom boͤsen/ zů dem gůtten wenden. Die leyhen wer-
den die vornunfft (hoff ich) haben/ das sie drumb/ nit
F1^v neue bettler/ auß den pfaffen und moͤnchen/ machen.

Mich dunckt/ das die leyhen/ mehr schultig seind/
an der widerchristlichen blindtheyt/ unnd boßheyt der
Messe/ denn die gesagte geistliche personen. Die weil
ein iglicher leyh/ einen pfaffen wolt haben. Und weyl
sie/ on auffhoͤren/ Messe gestifft/ und das gelt/ als koͤr-
ner uff den vogelherdt/⁵³⁶ geworffen/ die armen pfaffen/
mit gelt gekoͤrnet/ als die vogler/⁵³⁷ die unvornunfftigen
voͤgelein/ koͤrnen oder eßen^et. Hetten sie nit den pfaffen
gelt angebotten. So hetten sich die pfaffen/ der Messen
auch enthalten. Drumb solten sie billich⁵³⁸ die ersten
sein/ und die Messen faren lassen/ und den armen/ red-
lichen pfaffen oder můnchen^eu/ das ein komen/⁵³⁹ geben. Da
durch die^ev messe uffgebracht/ so lang sie lebten/ oder huͤlffen
yhnen/ in ein goͤtliche narung/ das besser wehr/ und danckten
got/ das sie/ nach der pfaffen todt/ wider zů yren gůtern
als im Jubill jar/ kommen/⁵⁴⁰ Des rede ich nit meiner person
halben/ ich will nit lang zyns haben/ nach pfarren besitzen.⁵⁴¹

Das wort Messe/ ist teuflisch/ und dem erlidten todt
Christi zů nah/⁵⁴² denn Meß ist zů teutsch/ ein opffer fuͤr
Got.⁵⁴³ Nů kans nit gesein⁵⁴⁴/ das du das herlich abend-
essen⁵⁴⁵ des brots und weins Christi/ ein opffer achten/ one
vorsprechung^ew/ des bittern leydens Christi.⁵⁴⁶ Drůmb ist es
unmoͤglich/ das eyner itzt/ die Meß/ on schaden/ brauchen
můg^ex. Derhalben/ bitt ich/ bedenckt euch/ unnd lasset
faren/ das wider Gotis barmhertzickeit ist.

Wisset das Christus alle opffer auffgehaben/ unnd
doch vil opffer/ gelassen/ dann wir muͤssen uns selbert/
ein vornunfftig opffer/⁵⁴⁷ in goͤtlicher weyßheit unnd vor-
standt opffern/ wie oben gesagt ist.⁵⁴⁸ Demnach sollen
wir vorstehn/ welcher weyse⁵⁴⁹ uns Christus/ ein exempell
geben/ das wir seinen fußstapffen nach volgen/⁵⁵⁰ und ley-
den/ als⁵⁵¹ er. Und vorstehn/ wie unser fleysch/ mit Christus
F2^r fleysch/ ans Creutz angehefft.⁵⁵² Denn ein zerbrochen hertz/
und zerriben geist ist das opffer/ in dem got wolgefallen hat/⁵⁵³
das auch Got/ allerley opffer des bekentnis/ erkentnis/
und preyßes oder lobes Got wol behagen/⁵⁵⁴ im fleisch und
geyste/ one disse/ haben wir keins.

Die aber/ uber das/ noch sagen doͤrffen/⁵⁵⁵ das Christus
ein opffer sey/ die vorlestern^ey die gebenedeyhung Christi/⁵⁵⁶
und vormaledeyhen⁵⁵⁷ Christum teglich uffs neu. Denn/
wo Christus/ unser aller vormaledeyhung/ nit hett am
holtz/ uff sich gelegt/⁵⁵⁸ und genugsam erliten/⁵⁵⁹ so moͤchts
bestehn/ das die pfaffen Christum/ alle tag/ fuͤr der welt
vormaledeyhung/ opfferten. Denn wir muͤssen ye von
unserer vorfluchung^ez ein erloͤsung haben/ durch den gebe-
nedeyten/ der unschultiglich^fa vorflucht ward. Die weil
Christus/ fuͤr uns ist vorflucht worden/ das wir alle/ in
yhm/ warhafftige gebenedeyhung erlangten.⁵⁶⁰

Nuͤ/ ist es recht/ das die pfaffen Christum/ alle tag/ auß
irem willen/ und fuͤrsatz/ ans creutz schlahen/ uff das uns Christus
alle tag/ mit neuerlitdner vorfluchung/ von unser vorfluch-
ung erloͤß? So ist auch das recht/ das sie Christum/ alle tage/
uffs neu vorfluchen^fb/ als er vor⁵⁶¹ am holtz hangende/ ward
vorflucht/⁵⁶² und das mag^fc nit anders gesein.⁵⁶³ Und wuͤrt
das/ darkegen^fd/ falsch unnd unrecht sein^fe/ das Christus uff
ein mal/ am greulichsten vorflucht gewest/ und also greu-
lich/ unnd so hoch vorflucht/ das er/ aller menschenn
vormaledeyhung/ uff ein mal betzalt hat. Also volgt/
das die meßhalter/ Christum uffs neu/ und alle tag vor-
fluchen/ weyls gantz unmuͤglich/ und unbegreyflich ist/ das
Christus teglich/ on vormaledeyhung moͤg geopffert werden.
Oder das Christus/ aller creaturen vormaledeihung/ erlit-
den hab/ durch ein ertragene vorfluchung/ und noch teglich/
unsere neue vorfluchung/ uffs neu/ trag und betzale/ und
werd nit ein tegliche vorfluchung.

F2^v Denn Christus muͤst ye/ heut/ als vor/⁵⁶⁴ das werden/ das
er uns abnympt. Demnach/ muͤst Christus/ noch
heuthe/ Ein sunde/ Ein torheyt/ Ein schmacheyt/ Ein
vorliesung^ff565/ Ein vorfluchung/ und alle die ding/ fuͤr uns
werden/ die Christus am kreutz fuͤr uns wurd.⁵⁶⁶ Daraus
ist wol zů mercken/ das gleich ein ding ist/ Christum teg-
lich opffern. Und Christum teglich vormaledeyhen. Und
es mag^fg567 nit anders sein. Derhalb ist erweyset/ das die
jhene/ Christum/ alle tage/ vorfluchen/ und vormaledey-
hen/ die Christum alle tage/ in der Messe opffern. Oder
sprechen/ das des herren brodt und wein/ ein Messe oder
opffer sey. Das noch widerchristlicher ist/ als oben er-
tzelt ist.⁵⁶⁸

Daraus magk⁵⁶⁹ jglicher vorstehn/ wie ein greuliche
Eulen/ die Meß ist/ die das liechte fleucht/ und in der
nacht/ nach den voͤgeln/ des hymels⁵⁷⁰ (so Got loben) for-
schet/ und fleyssiglich synnet/ wo sie eynen erhasch/ den
sie vorschlinke^fh.⁵⁷¹ Auff das ye das lichte gehaßt werd/
das Christus ist.⁵⁷² Seht eur wunder/ wie sie kegen^fi dem
liechte schimmeret/ unnd ein augenfel/ uber das ander/
tzirkelt.⁵⁷³ Verwaret euch/ ehe sie euch aufffrisset.

Nů/ das die yene/ der benedeyhung Christi/ abbrechen/⁵⁷⁴
die sagen (das Christus ein teglich opffer sey/ oder/ das
Christus brodt und wein/ eyne Messe oder opffer sey etc.
Das unchristlicher ist) wil ich also mit der kuͤrtz an-
tzeygen.

Got vorhiesch^fj Abraham eynen samen/ in welchem
alle Heiden/ gesegnet und gebenedeyhet werden solten.⁵⁷⁵

Der selbig samen/ ist Christus. In welchem alle voͤl-
ker/ ire benedeyhung erlangen/ und durch yhn/ alle voͤl-
ker/ auß den unbeschnitten unnd beschnitten/ geheyliget
F3^r und gebenedeyhet werden.⁵⁷⁶ Den selben samen/ hat Got/
mit solcher vaͤterlicher gůnst/ vorheyschen^fk. Das Christus
Got unnd mensch/ alle menschen/ ya alle burger Gotis/
engeln und menschen/ durch seynen todt/ gebenedeyhen⁵⁷⁷
und durch sein vorgossen blůt/ solt abwaschen unnd rey-
nigen.⁵⁷⁸ Und das alles/ wuͤrd der gehorsam Christi/ uff
ein mal/ uns außrichten unnd erlangen. Nemlich. Szo
bald Christus/ sein lieb und sein gehorsam/ mit seynem
hoͤchsten werck oder fruͤchte/ beweysen wurd. Das Chri-
stus dann am holtz beweyset/ da er seyne seel hingab.⁵⁷⁹

Das aber hett Moses vorlangest vonn dem gehorsam/
welchen er Gotis volck auf legt/ und stracks von yhn ha-
ben wolt/ geschriben.⁵⁸⁰ Denn alle segen oder gebene-
deyhungen/ deutten und lauten/ uff den gehorsam/ und
seind dem gehorsam vorheyschen.^fl Das meniglicher
vornehmen wurd/ der Mosen vorsteht.^fm581 Deutero. 28.⁵⁸²

Den gehorsam aber/ hat Christus am hoͤchsten fuͤr
uns gefuͤrt/⁵⁸³ als er am Creutz starb.⁵⁸⁴ Als⁵⁸⁵ auch Christus
das hoͤchste werck seyner liebe erweist/ in dem/ das er
seyne seele/ fuͤr uns uffgab.⁵⁸⁶ Welcher nů so keck unnd
frech ist/ das er sagen darff/ das unns Christus/ in der
Messe/ oder mit teglichem opffer/ gebenedey/⁵⁸⁷ der muͤß/
wider Christum/ auch sagen/ das Christus lieb unnd ge-
horsam/ nicht am hoͤchsten und treffenlichsten gewest sey/
als er seine sele/ oder seynen geyst/ durch seynen todt/ dem
vater/ fuͤr uns ubergabe. Und das Christus/ seynen
gehorsam/ nicht ins groͤssiste wesen/ gefuͤrt hat/ ym
todte. Das alles/ wider Christus laher⁵⁸⁸ strebet/ unnd
wider die figur Abrahams/ und seynes sohns Isaacks/⁵⁸⁹
auch wider die schrifft Mosi/ vonn Christo geschriben/⁵⁹⁰
trotzlich steht.⁵⁹¹ Und alle pflantzen Gotis auß reysset/
F3^v und alles zůstreuet^fn/ was Christus gesamelt.⁵⁹² Das
thun die ungeheuren Recken/⁵⁹³ so den hymel anlauffen/
und zerbrechen woͤllen.⁵⁹⁴ Das denn nichts anders ist/
denn den vater in seyner zůsage^fo straffen/ unnd Christus
gebenedeihung/ fuͤr nichts haben. Denn es ist offenbar/
das uns nuͤr der gehorsam Christi ym todt/ und blůt vor-
giessung gebenedeyhet/ und rechtfertigk gemacht hat.

Seintemal Christus in seinem leyden/ Got den vater/
am hoͤchsten bekant/⁵⁹⁵ seynem vater auch den hoͤchsten ge-
horsam/ und das aller edelste werck/ oder die aller beste
frucht/ der liebe und barmhertzigkeit/ kegen^fp seinen bruͤ-
dern ertzeigt hat. Alles das Christus vorher/ im leben/ in
seiner laher⁵⁹⁶/ und in seynen wunderwercken gethan/ oder ge-
litten. Das alles hat uff den hoͤchsten gehorsam/ und trefliche
liebe Christi/ gesehen/ und in dem selben/ sein end⁵⁹⁷ gehabt.
Das ich dissen langgeuͤbten sententz bekennen muͤß. Wenn
Christus gleych geborn/ und nit gestorben wer/ so wer uns
seyn gepurt nicht genugsam/ zů der vorsoͤnung gewest/
kegen^fq dem vater.⁵⁹⁸ Im leben/⁵⁹⁹ můssen wir Christum hoͤren.
Im todt und durchs blůtvorgiessen Christi/ vorsoͤnung
haben etc.⁶⁰⁰ ¶ Ich weis auch von keinem hoͤhern werck
des gehorsams/ noch vonn einer bessern frucht der liebe
Christi/ durch welche wir Christus gehorsam und liebe
erkennen moͤgen/ denn⁶⁰¹ der gehorsam und liebe Christi am
creutze. Es waͤr denn/ Christus laher⁶⁰² ungenugsam. Da-
růmb auch/ hat Christus/ alle seine bruͤder/ durch seinen
aller tapffersten gehorsam/ am creutze/ gesegnet oder gebe-
nedeihet.⁶⁰³ Durch keinen davor/ auch durch keinen hernach.⁶⁰⁴

Derwegen muͤssen sie offentlich bekennen (die Chri-
stum teglich opffern) das Christus/ entweder ein hoͤcher
werck seines gehorsams/ in der tegliche Messe ube/ denn
F4^r er am holtz oder creutze geůbt hat. Das der leidig teufel/
nit reden doͤrfft.⁶⁰⁵ Oder muͤssen sagen/ das Christus nit so
vil gelitten hab/ auch nit so gehorsam gewest ist/ das er
uns genugsam gebenedeyhung erlangt hab. Oder/
das wir nicht/ durch seyne gebenedeyhung/ benedeyhet
oder gesegnet sein. Das aber/ ist ein vormerte⁶⁰⁶ ketzerey/
und ein gotißlesterung.

Drůmb ist die meß ein teuflisch bekentnis/ das/ das
gethan opffer Christi/ ungenugsam sey. Das sein liebe
zů gering sey/ und sein gehorsam zů schwach. Und in der
Summa. Das der gantze Christus/ in seynem fleysch/
blůthe/ und geyste/ am creutze/ zů gering sey gewest/ das
er uns erloͤsung geben/ und wir durch yhnen⁶⁰⁷ gebenedey-
het worden sein. Das aber ist ein gleyche vorachtung⁶⁰⁸
Christi/ als die Juden und Heiden/ Christum am creutze
vorachten und vorspotten.⁶⁰⁹ Welche unsere Christen/
als hůnde/ halten/⁶¹⁰ und als schedliche vorwůster/ Christ-
lichens glaubens fliehen. Das sie⁶¹¹ aber mit dem můnde
unnd lippen^fr/ fuͤr⁶¹² Got außrichten/ das vorterben sie mit
irem hertzen. Unnd was sie fuͤr Christo/ mit yren lippen
besser seind/ dann⁶¹³ die Juden/ in dem selben gleych seind
sie in yren hertzen/ fuͤr Christo und Got/ je⁶¹⁴ so boßhafftig
arg unnd greulich wider Christum/ als⁶¹⁵ die Juden unnd
Heyden/ wider Christum am creutze waren.⁶¹⁶

Drůmb wer es zeyt/ das sie sich selbst erkennten/
unnd als hůnde/ welche die warheyt
anfallen/ flůgen^fs.⁶¹⁷ Datzů woll
yhnen Gott helffen.
Amen.

^ft¶ Gedrůckt tzů Jhen durch Michell
Bůchfuͤrer.⁶¹⁸ Anno. 1524.^ft