A2^r

was sund ist.

Man fragt tzeyten^a was sund sey³/ und
wer vilfeltiglich dar von tzů sagen. Obe
aber ich wil hyemit der besten unnd
treffelichgisten lerern antwort ertze-
len und ußfalten. und durch getzuch-
nis^b des heyligen geistes scheinlich^c an-
tzeygung thůn/ das wir nit obenhyn⁴
von sunden reden/ noch sunde gering
achten sollen. Dem nach setz ich fur das erste etlicher got-
forchtiger menschen meynung/ welche sunde also beschrey-
ben/ Sund ist nicht anders dan ein wyder will/ ander will
oder bey will/ der wyder oder anders wil dan got wyl.⁵ Das
verstehe also/ welcher eyn frund gotis sein wil/ und vor goͤt-
lichen ougen bestehen/ der můß gotis willen thůn/ und nach
goͤtlichem willen leben/ wollen/ thůn/ lassen/ wirken/ růhen^d〈/〉
arbeiten/ ader sabbatiseren. Welcher gotis willen in eyner
gerichter schnůr nyt nach geht/ unnd nyt in gleycher weys
das wil/ das got wil. oder lasset nit das gott nicht wil/ der
darff nyt gedencken/ das er gotis freund sey. oder das er et-
was dencken/ thůn/ oder laessen moͤghe/ das gott behagt.^e
Drumb spricht Christus/ ir seyd meyne freunde/ so ir thůt
was ich euch gebieten.^f Item/ Ich nenn euch itzt nit knechte
sonder freunde/ unnd gelybte/ das ich euch alle ding/ so ich
von meinem vatter gehort/ offenbar unnd bekant hab ge-
macht. Joan. xv.⁶ Sych^g7 welcher thůt das Christus gebeut
oder wil/ der ist seyn freund unnd liebgehabter. Oder wel-
cher den verborgen willen gotis erlernet/ unnd thůt/ das
got wil gethan haben/ der ist eyn freund gotis. Widerumb/
welcher seynen willen nicht in goͤtlichen willen eynsenckt/
oder vorleuset^h nit dryn seynen aygen willen/ der denck nur
nyt/ das er gots freund seyn moͤge.⁸ Exempel/ Man spricht
A2^v sye steend nit in eynem stalle/⁹ dann sye haben nicht eynen
willen/ dan so tzwen eynen wyllen haben/ so seynd sie einig
frydsam unnd freund. Wann sie tzweyerley willen habenⁱ
spricht man/ sie betragen sich ubel/ seind uneyns unnd un-
freund. Welcher nach deinem willenn lebet/ der ist deyn
freund/ unnd alles das er thůt oder lasset/ das behagt^j dir
so lang er deines willens ist und bleybt/ Wann^k aber seyn
will von deynem würd^l abgekert/ moͤcht dir nichts gefallen/
das er theet/ ob er sich vor deynen ougen schmucket unnd
drucket/ duldet oder wircket/ heulet oder lachet/ sprung und
dantzet/ oder saeß und laeg/ gesundt oder siech wehr^m/ dir hilf
oder der gleichen teet/ es wurd dir alles nicht schmeckenn
noch gefallen. Das ist das Christus auch saget/ Welcher
nit mit mir ist/ der ist wider mich. Lu. xi.¹⁰ Welcher nit wyder
euch ist/ der ist fur euch. Mar. ix.¹¹ Als woͤlt Christus sagen〈:〉
Welcher wyder meinen willen lebet/ wil/ thůt oder etwas les-
set/ der ist wyder mich. und alles das er wil/ thůt/ laesset/ das
ist auch wider mich. und in allen seinen thůn und lassen sun-
det er wider mich.¹² Nu ist Christus eyn geliebter son gots.
der nit kommen ist/ das er seynen willen thůn wille/ sonder
seines lieben vatters. Joan. v. et vi.¹³Wer nu mit Christo
einen willen wil haben/ der můß gots willen annemenn.
dan er spricht/ Ich byn nit kommen meynen willen zůthůn/
sonder den willen meines vatters/ des vatters der ym hy-
mel/¹⁴ nit des gesagten vater Joseph/ der in der erden ist. Das
hat auch Christus an seiner letzten marter angezeigt sagen-
de/ Vater nit meyn vyll/ sonder deyn will geschee.¹⁵ So dan
Christus einen willen mit got gehabt/ und sich im aller hoch-
sten mit got seynem vater vereyn willigt hat/ magk keiner eyn
freund Christi seyn/ er sey dan tzůvor eines willes mit got/
und well/ beger/ thůn/ und lasse nicht/ dan das got wil/ begert
tzůthůn oder lassen. Welcher das thůt/ der ist ein freundt
Christi/ ya eyn angeborner freund Christi. der nit Christo
A3^r auß fleischlicher geburt und sipschafft¹⁶ verwant/ sonder auß
got angeboren ist. und kan nit sundigen als Joannes spricht
i. Joan. iii. Ein selicher mensch ist nicht auß fleisch unnd
blůt/ sonder auß goͤtlicher gnad und willen geboren.¹⁷ Eyn ygli-
cher der den willen gotis thůt/ der ist ein mutter/ bruder oder
swester Christi/ als er selbert spricht〈:〉 Meyn mutter/ bruder
und swester seind die yene/ so thůn den willen meines vaters.
Mar. iii. Math. xii.¹⁸ Da mit ist nun gesagt/ das ich ein an-
geborner freund gotis und volgend Christi werd/ wannⁿ ich
leuterlich/ on alles umbsehen/ und an diß oder genes^o/ oder
on annemung eines andern dings/ gots willen annemen/
und das ich also mit got vereyndt/ ein geist/ und eyn dingk
werd/ als ich ferner werd reden.¹⁹ Wen ich aber ein freundt
gots byn/ so můß mir alles wolgefallen/ das gott mit mir/
mit den meynen/ und mit allen den meinen/ ya mit allen crea-
turen thůt/ schaffet/ oder lesset. Wyderumb gefelt auch gott
alles das ich schaff/ thůn/ lasse/ leyd/ ube/ und sundige nicht
als lang ich also in gots willen bleib und stehe. i. Joan. iii.
geschryben.²⁰Alle ding wircken tzů dem gůten/ denen so got
lieb haben. Ro. viii.²¹ Den gleubigen seind alle dingk reyn/
gut und dinlich. Titum. i.²² Hoͤrestu die stymm deines hern/ so
bist du/ und alles das deyn gebenedyhet. Deu. xxviii.²³

widerwillige gepresten²⁴
erfult Christus.

Syhe da stehet Christus und seyn vater/ und reyni-
gen alle unsauberkeit des/ der eines willens mit
yenen ist. Ist es das du in Christo steest/ und bist
eynes willens mit Christo/ als eyn weinrebe ey-
ner natur ist mit irem weynstock/ so tregestu fruchte^p/ und
got reyniget dich dastu mehr fruchte^q tragen moͤgest/ und das
deine fruchte fur^r goͤtlichen ougen ewiglich bleyben. Joan.
A3^v25 xv.²⁶ Wirdestu aber eygenwillich und eynen anderen willen
haben dan got hat/ so gefelt got nicht^s an dir/ wan^t du dich
gleich tzetod^u bettest^v/ hungerest/ casteyhest/ ein stymm heftest
als eyn engel/ almůsen gebest/ nackende cleydest/ gebest dey-
nen leib yns feur und ließ^w dich verbrennen.²⁷ Hettestu aller pro-
pheten gesicht und verkundigung/ ya einen glauben datzů/ wel-
cher berge moͤcht versetzen/ es wer dir alles undienlich/ unde
es wurd got nyt gefallen. dan du werest nit eyn freund/ son-
der eyn feynd gots/²⁸ der got eusserlich mit soͤlchen worten loben
thet/ und wehr doch innerlich fern von got. Der gott auß-
wendich mit lippen^x lobet/ und inwendich mit dem hertzenn
verspottet. Das ist das Paulus saget/ wann ich aller engel
reed het/ und einen glauben der berg abschieben koͤnd/ het aber
kein lieb gots/ vermoͤcht ich keinen nutz geschaffen. i. Coryn. xiii²⁹
Seintemal ein yeder gots liebhaber/ der in goͤtlicher lieb bleibt
auch in gots willen bleyben můß/ dieweil gott die lieb ist. i.
Joan. iiii.³⁰ Kurtzlich du můst in gots willen bleyben/ sol got
dein leben/ thůn und lassen ewiglich wolgefallenn. so offt ich
ausserhalb dem goͤtlichem willen steen/ so ist nit in mir und
meinem leben das got behagt.^y Ist einer ewiglich on gotis
willen/ so ist er ewiglich verdorben. Ist einer ein stund wider
oder on gots willen/ so ist er so lange verloren. Dan alletzeit
und alles leben wirken/ růhen/ thůn und lassen ist verloren das
nit in goͤtlichem willen angefangen/ gestanden und tzů end ko-
men ist. Er ist der baum/ welcher mit seynen fruchten und blet-
tern^zaatzů dem^aa feur bereit ist der nit seyn wortzel stammen/
und gewechse in gots willen hat.³¹Das koͤrnlyn bleibt alleyn
welchs nit in goͤtlichen willen feelt/ stirbt/ und uffs neu auff-
geet.³² Ob einer seyn adern³³ tzerdenet und tzůryß/ er wurd nit^ab
mit schaffen. so vil er lieff/ arbeit/ schwitzet/ wan^ac er synen willen
in einem ding spuret/ und nit mit haß und. neke³⁴ anfiel/ pusset
und bessert/ als Christus spricht/ Welcher seyn sele fyndt/
der verderbet sye. welcher seyn sele neydet und hasset/ der be-
A4^rwaret³⁵ sy tzů dem^ad ewigen leben.³⁶ des nym eyn exempel.

Exempel aus der schrifft das
weder leben noch werck gott gefelt/ das nit in
gots wellen auffgeet/ gelebt und gewirckt wirt.

Es seynd nicht wenich pfaffen〈/〉 leyhen/ und yn
sunderheyt Moͤnichen^ae/ die teglich tzur kirchen
lauffen/³⁷ und meynen sye sůchen got/ und woͤllenn
die weeg gots wissen/ als ein volck das recht ge-
than/ und gots urteil oder gericht nit verlassen hatt.³⁸ unnd
nahen got durch vilfeltige weysen.³⁹ Und wan^af sie gefast ha-
ben/ oder gefeyret/ oder gebeth/ oder lichtlyn angetzundt/
weyrach verbrant/ oder ire hende außgestreckt/ dye leng und
creutz weiß gelegen/ oder lang tzeyt gesungen/ oder gots hau-
ser gebauhet^ag/ oder vyh/ huener/ kelber/ ochsen/ silber unnd
golt tzů gots eren geben oder geopffert/ und der gleichen ge-
than haben/ und vermeinen ire gute wercke seind umb got wol
verdient. Wan^ah aber sye der werck vil gethan/ gefeyret und
gefast haben/ gedencken sye in iren hertzen/ und sagen heymlich〈:〉
Warumb haben wir gefast/ und du got hast uns nit angese-
hen?^ai Warumb kasteyhen wir unsere selen/ und du wilt kein wis-
sen haben uber unser qual und leyden.〈?〉 Antwort got unnd
gibt ursach/ das ym alle ire werck nicht behagen^aj/ wie schon
und heiliglich sie scheynen/ sagende/ Im tag euwers fastens ist
gefunden und vermerckt euer eyghen will. Esa. v.⁴⁰ Das ist
die ursach das got etlicher menschen werck nit annemen wil
das sie yn irem aygen willen bleyben. Dan got spricht mit
klaren worten/ Ich syhe euwer fasten derhalben nit an/ das eu-
wer aygen will dryn ist gefunden.⁴¹ Disse ursach gibt gott
auch uber den feyertag am selben cap. sagend/ Wan^ak deyn
fueß abgekert wird zůthůn deinen willen ym feyertag/ so wirt
der sabbat rein und zart seyn.⁴² Ist der heilig tag drumb gut/ heilig/
und got lieb/ das der mensch nit seinen aigen/ sonder gots willen
A4^v volbrengt/ volget/ das unser aigen will/ alle heilige taghe
verunreint und befleckt/ und das unser will alle/ werck voller
sund macht. Got wil auch einen man haben/ der seines goͤtlich-
en willens ist. Esa. xlvi.⁴³ Drumb spricht got/ du solt genennt
werden. Mein will in ir. Esa. lxii.⁴⁴ Welcher nu seinen aigen
willen hat/ der ist nit eyn mann gots. Ist er keyn man gots/ so ver-
magk er auch kein werck thůn das got behagt^al/ wie berurt ist/
das er keyn frund^am gots ist. volget auch/ das got uber alle unse-
re werck/ so auß unserem willen entsprissen/ einen grau-
hen haß unnd neid hat. Nach dem got unser herr spricht/
Eure feyertage haß ich. Euer opfer ist mir eyn greuel oder
grauen. Esa. i.⁴⁵ Derwegen spricht got/ Ir solt mir nit mer op-
fern. Esa. i.⁴⁶ Ir solt nit fasten wie ir bis an dissen tag gefast
habt/ ob ir gleich auß fasten moͤcht kreisten^an47/ und eure stymm moͤ-
cht in der hoͤhe verhort werden. Esa. lviii.⁴⁸ Wiewol das geschrey
und fasten der von Ninive^ao von got ward angenommen/⁴⁹ ydoch
wil got der^ap keines annemen oder loͤben/ das auß aygnem willen be-
schicht. Dan got der herr spricht/ hab ich nit eyn soliche fasten
erwelt und geliebt^aq/ das ir eure selen durch den tag peiniget und
quelet. Da^ar syhstu das ein fasten heissen/ und einen beheglichen
tag gots nennen/ wan^as einer seinen halß oder heubt umb bewegt
wie eine scheube^at oder ring. Esa. lviii.⁵⁰und bleibt nit destweini-
ger in seinem aigen willen. Welcher nun nit blindt ist/ und disse
wort gots durch die hand⁵¹Esaie verkundigt/ ym grunde be-
tracht/ und das exempel der fasten ermyst/ der merckt leichtlich das
got dem hern keyn leyden oder qualung/ keyn leben oder werck gefellig
ist/ welches nit leuterlich auß gotis willen auß geflossen ist.
das auch eyn iglicher verdorben ist/ der seine ougen und begirden auff
etwas anders dan uff den goͤtlichen wolgefallen richtet. das auch der
baum mit synen fruchten boͤß und vor got sundig ist/ welcher
nit yn goͤtlichem willen wechst und gruendt.^au52Weil aber dem
also ist/ und des Christen leben und tod/ gewin und verlust/ sely-
keyt und verdamnis in volbrengung oder nachlassung goͤt-
B1^rlicheß willens allein stehet. Sollen alle Christen jungk und
alt/ groß und klein/ yn sonderheit nun/ mit hohem ernst sych
befleissen/ gotlichem willen tzuvor antzu erkennen. Dan
sollen sie eynes guten willens/ und freywillig sein/ so mus-
sen sie den selben guten willen/ der got selber ist/ erkennen/
nach dem betten/ dein will geschecht.⁵³ Derhalben ist mir fur
gutt eingefallen/ das disse materien weider endeckt und
blosser werd/ und das dem gemeinen man anreitzung werd
gegeben/ disser hohen kunst tieffer und bedechtiger nach tze^av
suchen. Auff das sie ir christlich leben/ in christlicher gotli-
cher und saligberlicher^aw weiß leben^ax mogen.

Mannigerley beschrybung
der sundt.⁵⁴

Ehr^ay55 ich das thun/ wil ich etliche spruch vor^az mich
nemen so man pflegt tzu sagen. Sunde macht
der eigen will〈.〉 Sunde ist nichts anders/ dan nyt
willen wie Got wyl. In dem wortlin nyt willen
begreiff ich disse clausel. Weder^ba got wollen. Sinte mal eyn
yeder der anders oder nit wil/ als Got wil/ der ist wider gots will〈.〉⁵⁶
das mach man auch durch ander wort außlagen^bb so man sprecht〈:〉
Sund ist das sich die creatur abkert von dem schopffer/⁵⁷ oder
sund ist eyn abwendung von dem gantzen tzu den teylen.⁵⁸

Sund ist ungehorsam/ welchen eyn mensche kegen Got hat.⁵⁹

¶ Disse laher^bc60 hat eyn krefftig getzeucknis des heiligen geist-
es in der heiliger^bd geschrifft/ als Osee. x. do spricht der heilig
geist/ Israhel du wirdest verhont werden yn dinem willen.⁶¹
Item Osee. xiii. Israhel dein verderben ist auß dir.⁶² Got
beschemp oder verhont nymands/ dan seiner sunden hal-
ben/ die einer thut. So dan Israhel und ein yeder yn seinem
willen sal beschmept werden/ so gepiret aigner wil die sunde.

B1^v

Das eyner sundigt · wan^be er
Gottis willen nit volbringt.

Das auch eyner sundigt. wan^bf er Gottis willen
nicht gehorsamlich volbryngt/ leret Christus
sprechend. Ein knecht der den willen synes herren
weis/ und thut nicht nach dem willen seines herren der sal ge-
schlagen werden mit vyl streichen. Wilher^bg aber des herren
willen nit hat verstanden/ und thůt unwißlich wider den willen
seines herren/ der sal wenig werden geschlagen. Luce. xii.⁶³

¶ Sih tzwen knecht^bh/ werden gestrichen⁶⁴ und geschlagen/ das
sie nicht nach dem willen yres herren leben/ thun/ oder las-
sen/ aber eyner wirt herter gestrichen/ dan der ander. Welcher
seines herren willen weis/ der wirt vil gepleuet⁶⁵/ allein umb
der ursach willen/ das er nit den willen seines herren thůt
darnach arbeit ader ruwet · des gleichen ist der auch zů schla-
hen/ der wol mocht wyssen/ und wil niet wissen den willen sey-
nes herens. Aber der nicht kan wyssen/ was seynen heren gehe-
lybt/ und thut gleich^bi wol etwas das peenwyrdigh⁶⁶ ist/ der
wyrd lynder⁶⁷ gestrafft. Warumb werden disse knecht beyd
geschlagen?^bj ist es nit das sye nach irer hern willen und gehe-
fallen/ nit leben/ arbeiten/ oder růhen. Nun aber weil sie al-
lein der ursachen halben kasteyhet seindt/ das sie nyt nach
irer herren willen gelebt. haben. Volget das alle werck (so
wir got schultich seind tzůthůn) wydder got unnd sunde
seynd/ welche nicht nach seynem willen gescheen. Also ist es
klar/ das sund nichts anders ist/ dan anders willen/ ader
nit willen wye got will.⁶⁸

Der will scheidt die werck.

Wyderumb wol thůn oder laissen^bk/ heisset den wil-
len gots thůn/ und seinen unwillen lassen. Al-
so scheydt der will alleyn gut und boͤse wercke.
B2^r Boͤse werck geendt auß^bl unserm willenn. Guthe wercke
auß Gotts willenn. Werck unsers willens/ furenn tzů
der helle ab sye gleich am schoͤnste glytzen^bm unnd scheynen.
Wercke goͤtlichs willens/ furen tzů der selikeit alß geschrie-
ben ist/ Nicht ein yeder der spricht/ herr herre/ der wirt eyn-
geen yns reych der hymeln. sunder der thůt den willen mey-
nes vatters/ welcher ym hymel ist. Math. vii.⁶⁹ Nicht dye
sprechen/ herre herre/ ader eusserliche schone werck thůn/ wer-
den yns reich gots geen. sunder die thun den willen meines vaters〈.〉
Nycht die werden den hymel erlangen/ die vil opfer brengen/
oder grosse kirchen bauhen. sonder die schnurgleich⁷⁰ nach gots wil-
len leben. ye gleicher einer nach gots willen geet/ ye neher ist er
got. und dest gerichter er zů dem hymelreich kumpt. ye weiter
auch einer von goͤtlichem willen ist/ ye mehr sund er hat.

¶Samuel spricht/ das al werck tod sund seynt/ so wider gots
willen gescheen.⁷¹ das leret Samuel uberauß seuberlich/ als er
Saul strafft. drumb das er goͤtlichem willen wider strebt. Saul
hat bevelh von got/ und wyst das got im gebotten het und wolt
das man/ weyber/ soͤne/ doͤchter groß und klein/ ochsen und ca-
melen/ und alles das dem Amelech zůstendich war/ solt er wur-
gen und vertilgen. Aber Saul verschonte^bn des allerbesten vyhes^bo/
und wolt es got opferen etc.⁷² Und wiewol Saul das yn gůter
meynung tete/ das er got wolt vom besten vihe^bp opfer brennen.
yedoch sundet er/ drumb das er gots willen nit stracks ghele-
bet und gehorsam war.^bq Derhalben sprach Samuel zů Saul〈:〉
Wil nit got vil meher das man syner stym gehorsamlich vol-
ge/ dan das man im opfer gebe. Gehorsame ist vil besser dan
opfer. Bevolgig seyn ist meher/ dan das veiste und beste der
thyren opferen.⁷³Seintemal eyn tat wider gots willen eyn sun-
de ist/ gleich der zeuberey. und als das laster der abgoͤterey eyn
greuwlich sunde ist.⁷⁴ so ist ouch ungehorsame/ oder nyt willen
gehorsam syen gots wyllen/ eyn teuffelisch laster. i. Reg.xv.⁷⁵
B2^v Disse wort solt eyn yder an nemen/ forchten/ und nymer
vergessen/ das Samuel den ungehorsam (welcher gegen^br got
geschicht) tzweyen lastern vergleicht/ welche got grausam-
lich hasset/ und grymmiglich strafft/ nemlich dem^bs laster der tzeu-
berey/ und abgotterey. Weil nun offenlich am tag ist/ das
tzwey greüliche^bt laster seind/ tzeuberey und abgotterey/ ßo ist
auch der ungehorsam ein swerwichtig/ und grausam laster.

was ungehorsam yst.

Nun^bu ist ungehorsam nicht^bv anders/ dan nyt
willen/ wie got will〈.〉 Und auß dem selben nit
wellen/ volget die eussyrste tat/ die auch nit
nach gotis willen geschicht/ als itzt gemelte
Historien antzeigt〈.〉 Got offenbaret dem
Koningk Saul/ durch den Propheten
Samuel seinem Gotlichen willen/ das er da alles leben-
dig vih Amalechs solt ertoden/ denselben willen solt Saul
stracks gevolgt/ und nit eyns herlin breit uberschrieden ha-
ben/ auch nit understanden haben etwas ^bwbesser tzethun^bw das
doch der Saul thet.⁷⁶ Drumb ab ers gleich gut meinet/
und wolt es besser machen gleich^bx wol filen er in gotis tzorn
durch seynen ungehorsam/ das er nyt der stym Gotis ge-
horsam unnd nach volgig war.^by77 Wie dan auch Adam
durch synen ungehorsamkeit auch^bz hat gesundt/ das er/ die
stym seines weibes mehr erhort/ dan gotis stym.⁷⁸ Als auch
alle sunde nach heutes tages in dem ungehorsam bescheen
das ein mensch mehr seinem willen verbrenget^ca/ dan Got-
lichen. Das sie lieber dem willen ires bluts und fleisches
nach geen/ dan Gotis willens gehoryg seind/ und in vol-
lem gehorsam nach volgen.

¶ Auß diesen schrifften ist notturfftiglich angetzeigt/ das
B3^r disse erklerung/ Sund ist nit^cb anders/ dan anders willen/
dan Got wil⁷⁹/ der^cc seer^cd wol in der H'eiligen' schrifft begriffen und
gegrundt ist.

won manigfeltigkeit des
einfeltigen willen Gotis.⁸⁰

Nu solt ich sagen/ das dannest^ce tzeiten^cf die nit sunden/
so gotlichen willen nit stracks erfullen/ und also
von manigfeltigem gotis willen schriben/ auff das
der einfeltig man sich in dissem artikel recht und wol schick-
et an welchen leben und tod/ gewin und verlust stehet · solt
auch antzeigen/ wie gotlicher wil dem menschen offenbar wird
als nemlich durch die schrifft/ durch indruckung oder rathe
gotfruchtsamer menschen oder der gleichen. Unnd wie
tzwein willen gespurt werden in got. Auch das got ein un-
ergrundlichen und wunderdarlichen willen hat/ welchen
kein mensch durch grunden kan. welcher doch altzeit gerecht
und gut ist. wie wol der arm mensch den selben nit ergrunden kan.

¶ Ich wil aber tzum ersten melden/ wie der mensch durch un-
gehorsam und sunde got fern^cg/ und frimbde wirt/ wie auch
der mensch seinen aigen willen/ in allen dingen/ suchet/ thut
und lasset. Und wiewol disse obgemeltte artikel aygner
buchlin bedurften/⁸¹ dannest^ch wil ich mit der kurtz etwas an-
tzeigen/ und dem leeser ursach geben wider tzu dencken.

warumb ungehorsam
und sunde von got scheiden ☙

Man fyndt vil menschen die sich in diesem artikel lei-
chtfertig ertzeigen/ und dorffen das kegen Got als
gering schatzen/ das doch hoch und groß tzu ach-
ten ist〈.〉 Sie wenen es sey ein clein ding/ das ein me-
nsch wider gotis willen/ etwas thut ader laesset und wunderen
B3^v das ymand derhalben von got sol abgesondert und weyt
von seynen goͤtlichen ougen stehen/ drumb das er gesundt
hat. Aber sie mogen doch keynen schertz darauß flechten/
wan ymand wyder iren willenn/ můtwilliglich oder auch
sunst vergeslich und auß eynfeltikeit handelt. Bald ghe-
swylt ynen der bauch⁸²/ und das wurmlyn beisset sy bald yn
ire nasen⁸³/ wan eyner etwas redt/ thůt/ oder lasset/ das wyder
iren wolgefallen yst. Sye flyhen auch soͤlche leute/ so iren^ci
willen niet geleben. Sye schelten und flůchen. sye wellenn
keyn geselschafft mit ynen haben. Sye halten soͤlche wyder-
willige menschen vur feynd. ^cjvergonden⁸⁴ ynen ougen und
antzlitz.^cj und wollen der gleychen cleyn achten/ wan^ck sye et-
was wyder got reden/ thůn/ lassen/ haben/ behaltenn/ oder
uben.

Und wiewol sy gemeynlich sprechen/ ich unnd ihener^cl
seynd fern von eynander. derhalben das ihener^cm nyt wil als
ich. dannest^cn willen sye got nahe seyn/ wan sy wyder gottes
willen leben/ thůn/ oder růhen. Es ist keyner auch der einen
fursten underthan ist. der nit bekent das er gesundet habe
und der ougen seynes hern unwirdig sey/ so er seynes fur-
sten gebot verbrochen hat. Aber sye wollen weder^co gotlich-
er gutheyten noch gotts gnaden und antzlytze beraubt seyn
wan^cp sye alle tage tausent mal wyder got thůn. Sye beken-
nen das eyn sun/ der seynen elteren ubel nachredt. oder ynen
sonst ungehorsam ist. nicht lanck uff erden wonen/ son-
der bald soll sterben. Unnd ob sye irem hymelischen vat-
ter/ von welchem alle vatterschafft als auß eynem abgrun-
de^cq/ fleusset. teglich ungehorsam weren solt es nicht^cr seyn. und
welten gleych^cs wollang unnd wol leben. Sye sagen/ Wel-
cher seynes koͤnygs beger nyt erfult/ der ist aller ungnade
wirdich. und sal von dem koͤnigklichen hoͤff werden gestos-
sen. Aber so sei^ct irem allerhochsten konyg entgehgen unnd
wyderspennich⁸⁵ seyn/ wollen sye auff seyner erden bleyben/
B4^r welche er selbest gemacht hat. und nichts dest wenyger sey
nen koͤnyglichen sall eyn wonen. Koͤniglich wirde unnd
hohe besweret alle missetat/ so wyder einen konyg bescheen.
und sol doch nicht^cu bedeuten in got. Aber es wirt sy kein leicht-
fertykeit entschultigen. und sye sollen wyssen/ das sy alleyn
ires ungehorsams halben/ auß welchen alle sunde entspros-
sen seyn/ von gots ougen gefernet und geweydert seyn. wie
Adam des ungehorsams halben/ auß dem paradyß wart
verstossen.⁸⁶ darumb moiß^cv das bekentnyß da syn.^cw und die sund
nyt cleyn achten. Der wegen spricht Esaias/ Die hant oder
macht des herren ist nye geswecht oder mynder worden und
abgehouwen/ das er euch nu nyt mocht helffen. Auch ist syn^cx
gotlichs ore nye verstopfft oder swer worden/ uff das er euch
nyt erhoͤren mocht. Er kan noch heut helffen. und euch
wol hoͤren. Aber euwer sunde haben eyn tzerteylung tzwys-
schen euch unnd euwerm got gemacht. Und euwere sun-
de haben gottes angesicht verborgen. drumb erhoret euch
got nyt. Esa. lix⁸⁷ Es mocht eyner gedencken oder sagenn/
got ist vor tzeyten mechtich gewest. er hat hymel und erden
geschaffen/ groß wunderwerck gethůn. er hat die verdruck-
ten⁸⁸ erloset/ das groyß mhere drucken oder dreuch^cy gemacht⁸⁹〈/〉
myt den menschen geredt/ wunderberliche tzeychen gewirc-
ket. Aber ytzt thůt er der keyns. So spricht Christus noch
heut in der schryfft^cz/ werdet ir mich lieb haben/ so wurt euch
got lieben. und wir werden in euch eyn wonung machenn.⁹⁰
Welcher in mich glaubt oder eynen glauben hat als groß
als eyn Senffkorn das doch sier kleyn ist/ der wyrt vil groser
dynge wircken/ das ist/ er wyrt tzů dissem berg sprechen/ gee
yns mere. unnd der berch wurt sych auff heben unnd yns
mere geen.⁹¹ Welche yn mich gleubenn/ dye werden auch sol-
che tzeychen thůn/ als ich gethan habe.⁹² unnd wyrt ym der
hillige gheist alle dinck eyngebenn. Deß gleichenn spricht
auch Gott yn dem Prophetenn/ nemlychenn also.
B4^v Wannen^da93 ist/ der scheid brieff/ euer erscheydung/ von mir kom-
men/ durch welches ich euer mutter hab auß gestoͤssen.〈?〉
Welchem/ byn ich schuldich dem ich uch verkaufft habe.
Ich hab uch nit von mir geworffen und abgesneden^db/ sonder
euer sunde〈.〉 In euren boßheiten seind ir verkaufft und in
euren lastren/ hab ich eure mutter von mir verlassen.⁹⁴ das
merke und sehe/ das laster und sunde von got scheiden. und
machen das uns got nit hilfft und kein wunder tzeichen thut
dan Got spricht also. Ist mein hant verkurtzt und tzu kleyn
worden/ das ich dir nit kan helffen. Ist meyn krafft/ so
swach worden das ich dich nit mer magk erlosen. Sihe das
ich noch der alt mechtigk und starck Got byn. Nimwar in
meinem harten wort mach ich das Merr wust. und die fle-
sende wasser dreuch.^dc Die Fysch verfaulen^dd ane wasser und
sterben ym durste. Isaie. 1.⁹⁵ Got hat nicht^de von seiner kegen-
wertigkeit und macht und gutheyt/ verloren. Er ist noch
ein alter got/ dere ein got oben in den hymeln/ und unthen
in dem erdrich ist.⁹⁶ Aber unser sunde wenden got von uns/
wie sie uns von got keren. Er ist heutes tages bereitt sich mit
dir tzu vereynen/ so du gutwillig und gleubig und in allen
deinen krefften bloß/ und aller creaturen ledig/ und deiner
werken und vermogenheit^df bist vertzeihen und veriehen.
Er ist noch wartende/ auff alle/ die yne mit hertzen/ in no-
ten anruffen/ yenen tzu helffen und allerley wunderbarliche
wercke tzemachen〈.〉 Aber dein aigen will/ und dein lust der cre-
aturen und dein lieb tzu deiner sele/ und in der summa/ deine
sunde und boßheiten haben dich von gottis augen getzogen
auß seinem Gotlichen sale geworffen und gemacht/ das dich
Got nit erhoret/ so du schreyhest/ und hilfft dir auch nicht/ so
du in noten liegst/ in deinen thun und lassen wirt dein aigen
wil vermirckt/ und nit meiner/ sprich Got. derhalben bistu mein
feind und stehest nit bey mir. drum steh ich wider dich/ und byn
dir wie du mich achtest/ als geschrieben steth/ cum perverso perver'teris'.⁹⁷

C1^r

wie aigener will sund
gepyret⁹⁸.

Nach dissen reden mocht ymant fragenn.
Ich merck das^dg aigner will sunde gepiret/
und. wurffet von gots augen. drumb fraig
ich wie das geschicht.^dhAntwort das wir das
unser annemen/ und mehr lieben/ dan got
als Christus saget/ Welcher seyn vatter
oder můter meher liebet dan mich/ der ist meyner niet wir-
dig.⁹⁹ das ist auch mit unser aigner sele/ mit unser aigner per-
son/ welcher sich meher liebet dan got/ der ist gottes unwir-
dich/ und ist got volgende frembd und fern. Das ist so bald
gescheen als einer sich in thůn oder lassen meynet/ oder syne^di
sele vyndt. Drumb sprach Christus/ Welcher nach myr
wil komen/ und hasset nit vatter/ můter/ bruder und swe-
ster ja darzů seyn aigne sele/ das ist/ sich selber. der magk nit
meyn junger seyn. Luc. xiiii.¹⁰⁰ Welcher in dissem haß sey-
ner selbers kommet/ der ist eyn leer jung Christi. aber disser
haß ist ein absterben unsers aigen willens von grund und
boden. Dieweil Christus sollichen haß aigner persone ey-
nem korn vergleicht/ das yns ertrych felt und styrbet/ und
darnach fruchte dregt. Joan. xii.¹⁰¹ Felt die sele und stirbt ir
selber ab von gründ auff/ so brengt sye goͤtliche fruchte die
altzeyt bleyben.¹⁰² das ist das eynpflantzen/ in den gutigen re-
ben stock gesetzt werd/ welcher Christus ist¹⁰³/ welchen der hy-
melisch vater eynpflantzet in seynem lieben son/ der verleuset^dj104 sy-
nen aigen willen von poden und grund. unnd nympt an
sich das leben/ thůn und lassen/ wachsen und frucht tragen
nach der art unnd aigenschafft Christi. dem keyn creatur
gleich ist ghewest in hymel oder erden/ der synem willen so
gruntlich wer abgestorben. und allein gots willen in alle
seynem leben/ leher/ predig/ wunder wirken/ essen/ dryncken/ ar-
C1^vbeyten/ und ruhen gesůcht hat. Drumb spracht Christus zů
seynen elderen/ was suchet ir mich/ wisset ir nit/ das ich yn
den dyngen mynes vatters seyn můst. Luc. ii.¹⁰⁵ Und anders-
wů/ disse synd mir verwant/ meyn můter/ brůder und swe-
ster/ so meynen willen thůn. Math.^dk106 Als welt Christus sa-
gen/ Ich byn eyn weynstock/ alle die in mir bleyben/ das ist
iren wyllen von grund absterben. als ich gestorben byn.
und sůchen und meinen allein gots willen/ die seynd mey-
ne junger/ meyne frund. und das kornlyn/ wekhs nit alleyn
yns ertrych gefallen/ sonder auch gestorben ist. Welchen
ir leben/ thůn/ und lassen ein anfechten unnd creutz ist. wel-
che ire sele und sich selbert hassen unnd neyden/ das seynd
myne junger.¹⁰⁷ Wů aber lieb/ lust/ und gefallen/ oder zůney-
ung bleibt tzů aigner person und sele/ da magk keyn frucht
wachssen/ ob gleich das korn eynen tag tausent mal. vervolgt
nider viel. dan eß ist hopfen und maltz/ tzach¹⁰⁸ und ole ver-
loren.¹⁰⁹ und alles das eyn mensch thůt oder lasset/ das ist al-
les vergeblich und verschut/ wan^dl er syn sele oder aigne per-
son nyt feyndtlich hasset/ und seynen willen/ in einem ding nit
versmacht¹¹⁰ und fleucht. Das hat auch got durch Esaiam
tzů den juden gesacht/ die sich mager mit fasten machten/
und kasteyhten^dm sich/ und krumpten iren halß vor qualung/
als einen ryng oder reyff/ das alles nicht^dn was das sy teten/
drumb das sye iren willen suchtenn.¹¹¹ Unnd als Christus
spricht/ sy fasten/ unnd liessen gescheen/ das sye da durch ge-
sehen und gelobt wurden. und wolten in den selben wercken bes-
ser seyn/ dan die yene/ so soliche wercke nyt ubtenn.¹¹² Aber in
dem Esa.¹¹³ greiffet got soliche faster mit fleischlichen gebre-
sten an/ unnd spricht/ Ir welt mir fasten/ und habet doch
euren willen in euerm fasten/ unnd nyt meynen. Ir solt nit
das eure suchen/ sonder euch hassenn. Ir welt euch etwas
abbrechen/ yedoch behalt ir/ das ir ernstlich abbrechen solt〈.〉
Drumb suchet ir euern nutz. ir liebet euch selber. Welt yr
C2^r mir fastenn. Syhet^do das ir euern schultigerh ire hantschrif-
ten gebet/ unnd die bande unnd verschreibung^dp des ungu-
tigen gutes uberantwert. Machet euch freunde mit dem
brot unnd reychtumb der boßheyt〈/〉 Pyndet ab die hende
voller bryeff. welche eure schuldigern drucken/ lasset dye
ledich und frey/ welche von dynsperkeit oder schult eyn trau-
rich unnd tzerrutt gemut tragen. unnd tzerreyst alle hant-
schryfften. Esa. lviii.¹¹⁴ unnd verbrengt^dq meynen willenn/ so
werdet ir und euer fasten mir behagen.^dr Deut. xv.¹¹⁵ Levit.
xxv.^ds xxvii.¹¹⁶ Ich byt alle Christen/ sie wellen Esaiam in ab-
beruerten^dt capittel fleißlich leesen/ unnd versteen/ wie der
mensch seiner aigner sele und person/ myt willen und werc-
ken muß seyn abgestorben. thut er das nyt/ so ist er eyn korn-
lyn/ das felt und bleybt alleyn. welches mit seinem lebenn
und fruchten allein bleybt/ und der helle vorbehalten wirt.

Es mus aigen willen in ande-
ren stucken auch vergehen.

Ja mocht einer sagen/ Ich wenet es wer gnung-
sam/ das eyner in den stucken seinem aigen wil-
len wer abgestorben/ die seyn thun oder lassenn
sonderlich belangen und antreffen. als in fasten. das
er weder lob noch rům/ in seynem fasten suche. und sey im gleich/
als het er nie gefast. Aber itzt merck ich/ das der mensch sich des
synen^du auch sonste und in frembden stucken so fasten nit betreffen/
muß verzeihen. Dan du syhest/ wie got das fasten der juden derhalben
straffet und verwurffet. das sie den armen juden ire schuldt nit
vergaben und uffhuben. sonder behielten ire hantschryfft uber ir verly-
hen gelt.¹¹⁷das ist dem fasten frembd/ unnd eyn thun welches
nit gehort tzum fasten. yedoch wil gott das der reich dem
armen hyelff thu. das ist gottis will/ und got wil es haben
so einer fasten/ feyren/ oder sich kasteyhen^dv wil. Dan darumb
C2^v machet got leuth reych/ das sie iren armen bruderen tzehilf
komen. thun sy das nit/ sonder behalten verschreybung und
pende des verlyhen geldes. so erfullen sye iren aigen willen
thund auch das Got nit wil/ mogen in ewichkeit got nit ge-
fallen. Ob sie ire heuthe wie ein paucken denten^dw118/ und sich als
eyn poͤß kugel umb weltzten/ so wenig ein grausamer feint
seinem widersacher gefelt/ wan^dx er etwas thut wider seinen
willen. Das ist auch das Christus saget/ wolt ir mir dye-
nen/ und lasset mich bloß^dy vor euch gheen. Ich byn hunge-
rich gewest/ und ir habt mich nit gespeyset. durstig/ und ich
byn niet gedrenckt worden von euch. Nacket gewest/ unnd
ir habet mich nit bekleidet.¹¹⁹Hette〈t〉 ir mir wollen dienen/ solt
ir meinen willen erfult/ und dehn meinen geholffen haben.
Weil ir aber meinen willen nit gethan/ seynd ir die junck-
frauen so lere lampeln trugen/ und tragt wercke ane¹²⁰ oͤle/ le-
ben ane geiste/ leyden ane rechtfertigung/ das got nit will
kennen. Math. xxiiii.¹²¹Drumb wirt euch gesacht/ geet hyn
in das ewig feur/ welches euch unnd dem teuffel bereit ist.
Math. xxv.¹²² Also spricht auch Esaias tzu den gekrump-
ten fasthelsenn/ Brich dein brot dem hungerichem. die ar-
me und pilgeram fur in dein hauß. Syhestu einen nacken-
de/ kleide inen. und dein fleisch nit vernichte. als dann ruff
tzu got/ so wurt er dich erhoren. Schreyhe/ so wurd er spre-
chen/ Syhe alhie byn ich bey dir. Esai. lviii.^dz123 Syhe da/ wie
das got nah ist/ und hat auffgethane oren tzu horen.¹²⁴ und
wil helffen als ein starcker herr/ wan du synen willen thust.
Aber wan^ea du auch in desen wercken/ die got wil haben/ nyt
leuterlich gottis willen heftest/ wer dein thun/ und du dem
teuffel bereit. so du deinen willen nit bekendist und pussest.
Also magk ich wol sagen/ Welcher in einem schuldig wirt/
der wirt aller gotis verbotten schuldig. als Jacob der apo-
stel spricht.¹²⁵ Dan es ist ein ewiger und unverrucklicher will
in allen verbotten unnd gebotten gottis. Drumb welcher
C3^r gottis willen in einem uberfert/ der ist ein uberfarer aller
gebotten gotis/ und schuldig geworden.^eb das ist ein ewigkeit
nit tzu vergessen/ das sich der mensch nit alleinn vor dem
kegenteil/ gotlicher gaben forchten muß/ sonder da tzu vor
allen stucken/ welche got hat verboten. ab sy sich gleich nit
reymen auff das werck das eyner thut. als der feyern und
fasten wil/ der sol gots willen in allen synen gebotten und
verbotten volbringen. er sal sich nicht allein vor annemli-
keit synes fastens fursehen. Auch nit allein fresserey flyhen
und nůchterheit suchen/ das der fasten aiget/ sonder auch
auff sein fleisch/ das ist uff seinen bruder achtung gebenn
auff das er den blossen bedeck/ die schultige ledig geb/ und
der gleichen thun/ das got wil haben/ und gleich wol der fa-
sten nit sonderlich ist anhangen. Man wolt dan soliche wer-
ke (welche Esa. lviii. und Christus Matth. xxv. ertzelen¹²⁶)
derhalben tzu der fasten rechnen und setzen/ das der mensch
durch fasten etwas muß gelassenn/ das auch der thut der
hungeriche speyset. da von ich nit disputiere.^ec Aber das
ist war/ alle fasten und feyertage seyn unnutz/ so ausserhal-
ber gotlichs willens gescheen. so on einen vesten glauben
gehalten. so nit auß gotlicher lieb unnd gots kunst kommen.
und summa summarum/ so nit auch auß unser selen haß ent-
spryssen. Kurtz umb/ du must ein creutze in deinem leben/
wercken/ arbeiten und ruhen fuelen^ed/ wiltu in Christo steen.
und must deinem willen absterben/ wie obgesagt.¹²⁷ Ist dyn^ee
will nach in dir, spricht Christus/ und die weil du nit todt
bist/ so bleibstu allein.¹²⁸ hast auch nicht dann bletter/ wie der
feygen paum den Christus verflucht und verderret. Mat.
xxi.¹²⁹ Derhalb spricht der vater Christi/ Euer person/ werck
thun und lassen/ opfer/ gebeth/ hasset meyn sele/ dan in euch
und in dem eueren ist euer will/ nit meiner. Euer hende
seynd voller blutes/ das ist neydes unnd hasses. euch selber
liebet ir/ und suchet das eure. und habet lust unnd wolge-
C3^vfallen/ begirden^ef und sorg umb euch/ und hasset nicht das
ich wil/ sonder das ir welt. Auch libet ir was ir welt/ nit das
ich wil. der wegen seind ir voller bluthes. dann welcher sei-
nen bruder hasset/ der ist eyn todtschlaher ein bluth hundt.
i. Johan. iii.¹³⁰ Aber welcher seynenn bruder lybet/ den lybett
meyn vatter. unnd das ist der wyll meynes vatters/ das
ir eynander lyeb habt.¹³¹ Disse lyb sol nyt fleyschlich oder na-
turlich/ sonder gotlich unnd hymelisch seyn. sonst wer der
außfluß seynem ursprungh ungleich. Derhalbenn wiltu
deynen bruder lieb habenn/ hab yn nyt noch deynem wil-
len (spricht got) sonder nach meynem^eg/ als du bittest^eh/ deynn
wille geschee.¹³²

In gottis willen wirt der
mensch neu.

Unsere geistliche geburt geschicht in grundlichem
absterben unsers aigen willens/ dann wir mus-
sen mit Christo sterben. unnd alda mit gedanc-
ken unnd willen seyn/ da Christus sytzet. Das
bedeut auch der tauff/ domit die aposteln besprengt haben
unnd wir itzt eyn tauchenn. das die hitze unnd begirdenn
und lusten sollen auß getilget seyn/ wie man feur mit was-
ser dempffet oder außleschet. unnd is das begrebnis in und
mit Christo.¹³³ Dann wie Christus im verneuten lebenn ist
uffgestanden/ unnd das sterblich leben/ in eyn unsterblich
verwandelt hat.¹³⁴ also solt der alt Adam in unß mit allenn
seynen begirden unnd lusten/ aigen willen unnd ungehor-
sam sterben/ unnd im grab lygen/ unnd unser lebenn neu
sey/ in gehorsam unnd gottis willen. Also das unser will
weder in weltlichen unnd leiplichen/ weder in goͤtlichen und
geistlichen dyngen mocht vermerckt werdenn. Dann die
warheit kan nit liegen.¹³⁵ welche vergleicht eynen menschen/ der
C4^r sich selbertz oder seyne sele liebet und nit verderbet/ eynem
korn/ das in die erden felt und stirbet nit. unnd widerumb
einem menschen/ der sich und seine sele hasset. und also tzů
dem ewigen leben verhutt. einem korn vergleicht. welches
yns ertrich felt und stirbet. Auch spricht die warheit/ das
untod korn alleyn bleibt/ aber das gestorben fruchten trag.¹³⁶
dar auß ervolget/ das aigen will und lieb (der das seyn in
allen winckeln suchet) eyn ungestorben korn ist/ und den me-
nschen verderbet. Unnd wyderumb haß unnd neyd aigner
sele/ das gestorben kornn ist/ das fruchte brenght. Also yst
unser heilikeit neuheit unnd widergeburd alhye in abster-
ben aigens willens. dann wů lieb tzů uns/ und unserheyt
tzů meyn unnd meynheit ist. unnd wů ich byn/ unnd wů
meyn will steet/ da ist unnd steit^ei meyn verderben unnd hel-
le/ unheilikeyt/ altheit/ unnd die fleischlyche geburd und le-
ben das nicht dan fleisch synnen kan.¹³⁷

Antwort uff eyn
kegen rede.

So mocht ich warhafftiglich vertzweyfeln. dann
wyl ich mich/ meyn leben/ meyn arbeyth/ unnd
ruhe recht betrachten. so vynd ich nicht meher
dan meynen willen/ lust/ und thet mir wee/ das
ich nit etwas solt gethan haben. Auch syhe ich das der heilig Pau-
lus synen willen ist/ nit abgestorben. dan wan^ej her disse stym/ das
fleisch wil und thut wyder den geist. Gal. v.¹³⁸ Item ich syhe yn my-
nen gelidern eyn gesetz und pand/ das do wider strebt dem gesetz my-
nes^ek geistes/ und furet mich gefangen zů der sunde. welche ist yn
mynen glidern. Und ich selbert (spricht Paulus) byn der/ welcher
mit dem gemuth dem gesetze gots/ und mit dem fleisch der sunde die-
net. xxvii.¹³⁹Das ußerwelt vas gots¹⁴⁰ bekent das er fleischlich
sy.^el und hab in synem leip das anligende looeß¹⁴¹ und sunde. welche
C4^v men auch mit gewalt und gefencklich furet und tzwinget/
das er mit seinem fleisch der sunde muß dienen. unnd thut
nit alleyn das er nit wyl/ sonder dartzu was er wil/ das kan
er nit gethun.^em Auch wil seyn fleisch das der gheist nit wyl.
weil das fleisch ist wyder den geist begeren.¹⁴² Demnach synd^en
nit alleyn tzweyerley thun oder lassen/ in dem heiligen vaß
gewest/ sonder tzween willen. ja tzween menschen/ ein fleisch-
licher/ eyn geistlicher/ ein alter/ eyn neuer/ eyn außwendiger
eyn ynnerlicher. Christus und Adam. Ein leben und werck
Christi/ ein leben und werck Adams.¹⁴³ Nu sprichestu〈:〉 ich muß
meinem willen von grund absterben/ so syhe ich das Pau-
lo gefelt¹⁴⁴ und gebresten¹⁴⁵ hat der wunderbarlich bekert wart¹⁴⁶/
was solt mir armen widerfaren.^eo〈?〉 machestu mich nit tzwey-
felhafftich.^ep〈?〉 soltestu nit ein kranckes scheflin/ welchs du starck
und gesunt machen solst/ verderben und tzerknyrschen.^eq147

Vertzweyfelung des
Menschenn.

Ich macht dich gern/ an allen creaturen verzweyfe-
ln^er/ und an dir selber. also das dir dyn leben wer-
de/ wie es eynem lagerhafftigen siechen wirt/ dem
seyn leben langweilich unnd verdrieslich ist/ un-
de einen verdroß dar uber hat. unnd fuelt^es aigentlich das
creütz.^et wan^eu ich den menschen also ansyhe/ an seynen krefften
mach vertzweyfeln/ wil ich das er sprech. Wer wirt mich
vor mir behueten.^ev Wer wirt mich von dissem leib des to-
des und sunde erlosen. Nymants dan gotis gunst unnd
gnade durch unseren hern Jhesum Christum. 〈Rom.〉 vii.^ew148 Das
ruffen tzů dem starcken/ macht starck und gesunt. dan got
verlasset keynen/ der yen in warheit und hertzlich anruffet¹⁴⁹
Auch hat er seinen lieben sone darumb geschickt/ das wyr
durch inen fryd sollen erlangen und haben. Als offt wyr
D1^r unser sunde befynden und wollen pussen. sehen wir das un
serer krefften alletzeit tzewenich ist/ und das wir eynes erlo-
sers bedurffen/ der ist Jesus christus eyn son gots. ein erful-
lung des gesetzt¹⁵⁰/ ein betzaler und gelder¹⁵¹ aller mangel. Gleu-
ben wir an ynen/ das er uns geschickt sy^ex/ so seynd wir sicher
und gewyß/ das er unser sunde auff sich leget und bezalet.
der halben er vom vatter gesant ist.

Die wydergepurd ist alhie
yn anfangen.

Darumb ist disser nyderganck und absterben un-
sers aigen willens alhie yn anfengen nit in vol-
brenghung und volkommenheit. Sonder als
vil einer sich seines willens ergibt/ und gots wil-
len gern wil annemen/ so vil ist er neue/ gestlich^ey/ christlich/
und so vil entfelt^ez er der altheit/ fleischlicheit/ unnd dem le-
ben Ade. Wir mussen unser fleisch alhie hassen/ unnd
keyn erbermbde¹⁵² uber seine begirden haben/ und unß in ho-
hem fleiß verhuten/ das wir mit unserm willen keyn ghe-
ding machen/ oder mit im beyleib^fa nit vermelhen. Got hatt
allen gleubigen. das ist Israhel macht geben und bevolhen/
das sye ir fleisch sollen dempffen und erwindten. Aber das
geschicht sychtiglich und mit langer tzyt/ uff das der arme
unsauber^fb mensch seyner ungeschicklikeit yndechtich bleibe/
und erheb sich nit/ in disem^fc greulichen leben. Das mocht
bedeuten/ das got den juden geboit/¹⁵³ so sy in das land wur-
den kommen/ welches got yren vettern het verheischen/ solten
sie ire feynde erwurgen/ keyn verpyndnis mit ynen machen/
sich yrer nyt erbarmen/ keyn vermelhung myt ynen gesellen
und vermischen. auff das die ungleubige das Israel nytt
verleyten. Aber Moyses saget/ das mocht^fd ir nyt tzůgleich
und in eynem streich tzůwegen bryngen/ auff das sich dye wy-
D1^vlde thyerer der erden nyt gemerten wyder Israel. Deut. vii.¹⁵⁴

Der alt Adam stirbt von tag
tzů tag/ nit mit einander auff ein mail.

Das erst ist/ das got gebeüt/ unnd thut es selber/
als in dem selben. vii. tage stehet〈:〉 got wird dye
ungleubige heyden vertzeren unnd vertilgen/
aber durch stuck gemachlich unnd sachtiglich.^fe
Deu. vii.¹⁵⁵ ii. Corin. iiii. der eusser mensch tzerbricht von ta-
ge tzů tage.¹⁵⁶

Annemlikeit¹⁵⁷ eyn greulich thier tragt^ff nach
dem menschen.

¶ Das ander das disse wilde thiere und wurm der erden/
die rasen^fg und reyssen^fh sich mochten gemeren¹⁵⁸ wider israhel.
Was seind die thyrer in unserm fleisch (das yrdisch ist) an-
ders dan hochfart/ annemlikeit/ und andere geferde.^fi159 Wan^fj
wir in dieser erden unser fleisch hetten gedempfet/ so mochten
wir stoltz/ ubermutig/ unnd hochfartigh werden. hette der
pfau nit ungestalte fuesse/ wie solt er stoltzieren und pran-
gen.〈?〉¹⁶⁰ Hette der mensche nit seyn boͤß wydespenig und un-
lustig fleisch an sich^fk kleben. eya wie wurd er sich erhebenn
und auffblossen. Die grobe peyne vermanen den pfauen^fl
das er ein vogel ist. Das kranck boßhafftig fleisch erryn-
dert alle heiligen das sy gebrechliche menschen synd^fm/ die auß
gotis werck in ere aigne werck treden mogen. Drumb ver-
tilget got das fleisch nit mit einander/ sonder von tag tzu
tage meher und meher/ uff das sich die grymige thyrer nyt
wyder den geist versameln/ unnd die sele anfallenn unnd
tzerreysenn.

Fleisch schadt.

Syhe/ das fleisch hanget an unß mit seynen be-
girden. es feyert nicht/ den geist in syn^fn reich tze-
D2^rbringen. Gewynt der mensch lust und lieb tzů seynem aigen
fleisch und begirden/ machet er fruntschafft mit seiner na-
tur. so ist ym seyn feyndlich fleisch eyn tzaune stacken in sey-
nen ougen/ eyn grube unnd stricke/ in welchen er sich fahen
thut/ so lang biß got leib und sele verderbet. Josue. xxiii.¹⁶¹

Fleisch schadt nicht.

So aber der geist/ und neue mensch gemeynschafft
und fryd des fleisches flehen/ und welten es gern
dempfen/ erbarmet sich auch fleischlicher begirden
und willens mit nichte. so gybt ym das fleisch tribut/ wye
die heyden den juden rendte gaben und dienten/¹⁶² unnd ver-
hut den geist vor hochfart und boser sicherheit. und wirt der
mensch befunden/ das die eingelassen feynde got derhalben
nit eyns mals hat vertilgt das sie versteen/ wie got den geist
ubet/ versucht und leret streyten. Judi. iii. a. ii. d.¹⁶³ welcher ke-
gen seyn fleisch/ das ist wider sein natur/ wider synen aygen
willen kan ritterlich streyten/ der kan wol fechten wider al-
le versuchung.

Got lesset gut und boes
ym menschen bleyben.

Also und darumb wil got den menschen nicht
durch auß neu machen. sonder ein altheit yn
yme lassen/ und boß bey dem guten lassen bley-
ben/ uff das der mensch einen ewigen kampff
hab mit dem bosen. und demutige sich/ und crutziche synen
alten Adam mit allen seinen begirden/ willen und wollusten.

wie der mensch aignem
willen abfeelt.

D2^v Dar auß ist tzemercken/ wie der mensch seinen wil
len alhye abstirbet/ nemlich ym ynnerlichen men-
schen. und der aigen will ym fleisch bleibt. Der
geist ist bereit/ aber das fleisch ist swach. Matth.
xxvi.¹⁶⁴ Und das fleisch steetz sein unkraude mit einbrockt
und vermengt.¹⁶⁵ Aber aigen will/ der natur schadet/ dannest^fo
nit tzum tod/ so der geist den selben befyndt/ und yme feind
ist/ und erbarmet sich nit uber ynen/ sonder hasset und fleu-
get ine/ und schreyhet seyner halben umb hilff tzů got. und
begert Christi unsers seligkmachers. und welt warhafftig-
lich und hertzlich/ das er seynen aignen willen/ lusten/ unde
begerden von grund entgangen und abgestorben wer.

wie man gotts willen
magk erkennen

Nu fragestu villeicht/ und sprigst/ wů bey und
in welchem stuck oder tzeichen mocht ich gottis
willen lernen.〈?〉 Ist nicht got oben in den hohen
hymeln/ und der mensch hernider in der erden?^fp
wurd mich got seinen willen lernen/ und weysen was er welt/
ich welt seinen willen gern/ in allem meynem leben voltzyhen/
und darnach leben. So mir got seynen willen offenbaret/
wie ein mensch seinen wolgefallen oder begerung durch re-
de/ tzeichen oder tat kentlich machet/ ich wolt ym gehorsam-
lich geleben. Antwort/

Gots will ist in manigerley
weysen tzů lernen.

Dorfft ich nyt antwerten/ das wort ist dir nahe in
deinem hertzen/ welchem alle gleubige sollen ge-
folgig seyn.〈?〉 du darfest wider uff gen hymel/ noch
tyff/ undersich^fq reysen. Seynen willen hat got
D3^r den propheten durch tzůreden^fr/ gesichte und dunckelheiten^fs
angetzeigt. und ist syn ewiger/ bestendiger und unwandel-
barlicher will in heiliger schrifft^ft yn solcher einhellikeit durch
propheten/ Christum und aposteln angesacht oder tzů gehe-
schryben/ das wir gots willen in H'eiliger' gschrifft gnugsam er-
studieren mogen. unnd mogen auch durch gots gnad eyn-
druckung und swynde^fu gedancken gelernen^fv/ was gott von
uns fodert/ was got haben wil/ was got walgefelt und be-
hagt. Auch hat got seynem volck von dem berg Oreb¹⁶⁶ ym
feur/ ym finsternis und ym rauch/ mit lebentiger und wun-
derbarlicher stym tzůgeredt/ und seyn volck geleret was eyn
mensch sol thun/ der in seynen gotlichen oughen wol thun
wil/ und alhye wil eyn langweriges leben haben Deu. iiii. v. vi.¹⁶⁷
Gottes rede stund in x. Worten und artickeln. Deute. iiii.¹⁶⁸

Welchem got an seinem sone Jesum christum tzeuget/ eyn-
pflantzet/ und durch den geist syner^fw gotlicher kunst eyngibt/
das er die selbe tzehen gebot mit warhafftigem licht durch-
syhet/ und lebendiger lieb annymbt. Der waißt^fx was got wol-
gefelt/ und was got hasset. Syhe wie ein konyg seinen wil-
len/ durch seine gebot und verbot oder gesetz außdrucket.
Also offenbaret got seynen willen auch durch seyn gesetz.
Dan der will ist der geist oder sele und leben des gesetzes.
wů dem willen gnug geschicht/ do ist dem gesetz gnugsam
bescheen.^fy Welcher aber die pantschelen¹⁶⁹/ rynden oder buch-
staben eines gesetzes volbringt/¹⁷⁰ unnd untherlesset doch des
gesetzes meynung und gemuth/ der dienet dem gesetze nicht〈.〉
Das gesetz wilferet/ dem willen des gesetz gebers. unde ist
gleich wie ein bot/ der synes^fz herren meynung eynem verkun-
diget.

Das sunde on gottis
willen nit gescheen.

D3^v Nu merck ich (spricht ein leeser disses buchlyns)
das den menschen durch gotliche gebot und ver-
bot/ durch trostbare^ga verheischung und erschre-
ckliche betreyhung durch benedeyhung unnd
vermaledeyhung/ durch gesichte und der gleychen gottes
will erkleert wirt. und das syn^gb gotlich gemuth in heiliger
schrifft verschlossen ist/ wie eyn kern in einer schalenn. wel-
cher den kern welt essen/ der musset die schalen uffbeissen und
hynwerffen/ und muß die rynden von wegen des kerns oder
marcks suchen/ und disse ordnung nit brechen.¹⁷¹ Aber wie dem
sey/ so ist dannest^gc gotlicher will in^gd H'eiligen' geschryfft klerlicher
tzů mercken dan in dreymen/ in gesichten¹⁷²/ unde verwickelten
geleychniß. das betzughen Hieremias/ Ezechiel/ Daniel/
Zacharias/ und andere Propheten/ so got vil mals gefraget
haben/ was ire vorswebende gesichte bedeuten.¹⁷³ Drumb
wil ich mich der lichten schrifft behelfen/ und sagen/ das die
sunder mit iren sundigen wercken/ gotts willen volbracht
haben/ und noch heute volbrengen. Ursach/ das sich keyn
bletlyn mocht bewegen on gots willen. Der mensch kann
noch^ge gedencken noch wollen/ noch hant noch peyn regen/
wans^gf got nit wil. wie man sagt das die niederichste ding nit
konden wercken/ wan^gg ynen der oberist werckmeister seine
macht abtzeucht und enthelt. weil den^gh offenbar ist/ das wir
weder gedencken noch wollen mogen/ so das got nit haben
wil. volget/ das wir nicht boß moͤgen gedencken/ keyn ubel
wollen und thun/ es sey dan das got das verhenge und well.
Das hyndert mich nichts/ das etliche guten unterscheyd
geben tzwischen gots ewigem und zeytlichem willenn/ oder
tzwischen bestendigem und verhencklichem gots willen.¹⁷⁴
Seyntemal der verhencklich wyll/ gleich wol eyn will ist.
So ich etwas verhenck und nachlaß oder tzůgeb. das selb
ist nit wider meinen willenn. Ab gleich der ^ginach ghebende^gi
oder verhencklich will laubig^gj und kuel ist/ yedoch ist er ein
D4^r will/ sonderlich in gott/ welchs verhencklicher will/ ein star
cke wirkliche krafft ist/ welchem kein macht kan wydersteen.
und darumb pricht er auß yns werck unnd wesen/ uff das
wir wyssen sollen/ das gottis verhencklycher will/ ein wyrc-
kende krafft ist. Wan^gk aber wir gots willen gehorsamlych
sollen annemen. so wirt volgen/ das wir sundigen/ so wir nit wel-
len das got wil. und wie er wil. Dan man spricht〈,〉 das Py-
latus syn^gl macht von oben er aber entfangen hab/ und dan-
nest^gm gesundet hat/ das er Christum ertodet/ ursach/ ab Pila-
tus gleich nit so swere gesundt hat/ als Judas und die juden.
ydoch hat Pilatus sundt gethan/ das er Christum ertodt.
Wie wol yme soliche macht von got verlihenn war.^gn unnd
das der gotlich rath het beslossen/ das Christus sterben solt
Joan. xix. Actuum. iiii.¹⁷⁵ Wie wirt dan obverzelt red bestehn〈:〉^go
Sund ist/ nyt wellen wie got wil.¹⁷⁶ Eyn ander exempel ha-
ben wir vom Endechrist/ der nach seynem willen thun wirt
und sich erheben und groß mechtig/ wider got werden sall/
so lang biß gots tzorn volbracht wirt. Daniel. xi.¹⁷⁷ Syhe
wie greuliche sund auß gots verhencknys werden geschehe-
en. wie sich der Endechrist wider den got/ der ein got ist al-
ler goͤtter/ setzen und auffplasen wirt. das alles nach dem
verhencklichen willen gottis sol gescheenn.

¶ Das dryt exempel ist klerer/ das got offenlich spricht/ er well
einen bosen hirten auffwecken. welcher die verlassen nit sucht/ die
zerstreite nit samelt/ zerriben nit gesunt macht. und die steen der
nit speiset und behelt. der das fleisch der veisten ochsen/ und ir huff-
horn tzerspelten wirt. von welchen die schrifft spricht/ das der
selbe pastor eyn oligetz sey. Zacha. xi.¹⁷⁸ Auch saget got/ das einem
solichen pastor we und wezůgehoͤrt. Ezech. xxxiiii.¹⁷⁹ Dyß exem-
pel ist lauter und gnugsam/ das got we schreihet/ uber soliche hir-
ten. Jedoch wil got einen solichen schetlichen wolff erwecken/ der
syn lieben scheflyn in der wustnis lesset. und die kegenwertig schaff
frisset. Und wil ein geben/ darauß wirt nachmals ervolgen/ das
D4^v Sund mit gotts willen gescheen. als auch Ezech. xvi.¹⁸⁰ be-
weyst von einem lugenhafftigem prophetenn.

¶ Das viert exempel ist von Christo/ welcher kommen ist
auff das die sehende blynd werden. Joan. ix.¹⁸¹ Auch gebraucht
Christus den spruch Esa. vi. Sye konden derhalben nytt
gleuben das got ir ougen blynd/ und ir hertzen verhert hat.
Joan. xii. Actuum ultimo.¹⁸² Welcher die H'eilige' schryfft durch-
lieset und versteit/ der syht allenthalben das got nicht me-
her und fleissiger von dem menschen erfodert/ dan das sye
ein gantz gleubig hertz tzu yme haben. demnach muß der
unglauben ye eyn mechtig swere sund sein. als er auch in der
warheit ist/ wie Cristus leret/ Welcher nicht gleubet/ der ist
itzt verurteilt und verdampt. Joan. iii.¹⁸³ und Paulus/ Den
ungleubigen ist nichts gut und reyn. Titum. i.¹⁸⁴ und Moses.
Got wirt alle werck straffen/ der yene/ so seyn wort nit horen
willen. Deut.^gp xxviii.¹⁸⁵ Nu wiewol der ungleub ein soliche
schwere sunde ist/ und Got macht dannest^gq/ das etliche nyt
konden gleuben/ so ists ye gots will/ das sy nit gleuben. Weil
got alle ding macht/ die er wil. Psalm.¹⁸⁶Volget/ das sunde
nyt das ist/ anders wellen dan gott wil. sonder das auch
der sundigt/ welcher wil das got wil/ und wie gott wyl.

Datzů mocht ich einfuren/ das ym Psal. cxxiiii. geschrie-
ben stehet/〈:〉 Got hat ir hertz gekert/ das sy syn volck hassen.¹⁸⁷
Keret got eynes menschen hertz das er gots volck hasset/ so
is die schult gots/ und er thut wol/ wan^gr er gots willen volendt.

Ab sunde in gots ougen
gut seynd.

Uber das bedenck ich/ das alle ding gut seyndt
in gots ougen/ als geschrieben steht/ Got sahe
alle dyng die er het geschaffen/ und waren sehr
guth/ Gene. i.¹⁸⁸ Disse reed beschleusset/ das alle
E1^r ding in gotis ougen gut seyn/ durch das wortlyn Vidit.¹⁸⁹ das
ist/ Er hat gesehen. Nu hat Got^gs gesehen/ alle dinck gutt. so
mussen alle creaturen gut seyn in gotis ougen. Auch steht
geschrieben/ Du hast der ding keyns gehasset/ welche du ge-
schaffen hast. Sapien. xi.¹⁹⁰ und sonste gotis werck seynd vol-
komen. Deu. xxxii.¹⁹¹ So muß ich tzů geben/ das obertzelte
sunde und boßheiten in gotis ougen gut seyn/ und nach sy-
nem willen geschehen. Darauß volget ferner/ das soliche
sunde und boßheyten weder fern von got setzeen/ noch von
gotis ougen scheyden/ noch wider gotis willen geschehen.
und das alle disse disputatien^gt unnutz ist gewest.¹⁹² Auch hab
ich gute und bewegliche ursachen auß der schryfft/ das sun-
de/ boßheyten und ungerechtikeyten gut seyn. Das wil Pau-
lus sagend/ Got hat zweyerley vaß geschaffen/ etliche zum
tzorn/ die andern tzů glorien und seynen gnaden. das aber
gut ist/ das vaß des tzorns geschaffen seynd/ ist dar ab tzů
mercken/ das die vasse der glorien/ gotis reichtumb unnd
gutheit ermessen. Als wan^gu sie sehen wie got seinen tzorn in
die vasse seines tzorns leesset fliessen. wie und welcher weiß
got mit ynen gepierd und handelt/ konten sy ym kegen teil
verstehn/ wie got seine glorien/ reichtumb unnd schetze wey-
set. in den vassen der barmhertzikeit. welche got tzů der glo-
rien bereit hat.^gv Ro. ix.¹⁹³ Wie mocht einer gerechtikeyt allent-
halben erkennen/ wan er nit ym kegenteil sehe die ungerechti-
keit.^gw Bitterkeit wust keyner besser/ dann der sussikeyt recht
versucht hat. Wan^gx wir gotis gutheit wol hetten geschmeckt/
ungetzweifelt/ ein ougenblick one got/ wer unß smertzlicher
dan ein jar ym kerker/ ya in der helle. Widerumb so wir go-
tis gutheit werden grundlich versteen/ ^gyals dan^gy werden wir ver-
lorne tzeit verfluchen/ und unser leben vermaledyhen. Derhal-
ben ist sund nicht so boß. wen sy dienet tzů etwas das gut ist.¹⁹⁴

Antwort〈:〉 got hat sund nit geschaffen.

E1^v Du hast noch nit erweist das got sunde anfenck
lich/ als er alle ding schuff/ ghemacht hab/ was
doch die selbe zeyt keyn fochel^gz195 geschaffen^ha/ als got
hymel und erden/ mit allen iren zirden¹⁹⁶ volbracht.¹⁹⁷
und als er auffhoret von allen wercken/ dye er geschuff. Dar-
umb dienen dir disse spruch nit (kegen einen widerteyl) Got
hat alle ding gut gesehenn.¹⁹⁸ Und gott hat nichts gehasset etc.¹⁹⁹
Auch das auß Paulo getzogen/ das ist nycht bequemlich
und getreulich entlehend. dan Paulus hat noch nit gsagt
das got in anfangk/ als er alle ding in yrem schmuck und
tzierung schuff/ die vaß des tzorns geschaffen. sonder das
got sye gedult und geliden hab. Ro. i. et. ix.²⁰⁰

Eyn ides ding wirt in syenem
kegennsatz kentlicher.

War ist/ das gerechtikeit im kegenteil besser^hb erkant
wirt/ als in der ungerechtikeit und gnad in un-
gnad/ gunst in tzorn/ sussikeyt in bytterkeyt. und
das got den valh Ade drumb hab lassen gesche-
en. Aber das boßheyt in gotis ougen solt gutt seyn/ unnd
nach seynem ewygem willen geschehen mocht/ ist noch nytt
beweyst/ ob es uns gut ist/ oder auch got/ das gotis glorien
dester gruntlicher erkant wird. drumb ist es nyt gut als es
ist und geschicht. sonder von eines anderen wegen/ also wer-
de ich noch sagen/ und erhalten/ das dye wol und recht re-
den/ die sprechen/ Sunde ist nichts anders/ dan nit wellen
wie got wil. und alles das auß dem anders wellen (dann
got wil) entsteet entsprusset oder grunet/ das ist sunde/ es sy
leben oder tod/ hymel oder helle/ ruh oder arbeyt/ feyertage
oder werckeltag/ froͤlicheit oder traurikeit/ essetag oder fast-
tage.²⁰¹

Gotis will macht die helle
tzum hymelreich.

E2^r Ja es ist keyn helle so greulich die gotis will/ der
ewig ist/ nyt tzů einem hymel und ewigem leben
kan machen. fuer ich in die helle/ mit vollem uber-
geben meynes willens/ unnd neem an mich den
ewigen gotis willen/ die helle must mir eyn reich gotis wer-
den und seyn/ der tod tzů ewigem leben.

Wie gotis will der sunden macht/ reich
und gerechtikeit bricht.

¶ Also durch einsenckung unsers aigen willens in den ab-
grund/ auß welchem alle dyng yns wesen fallen/ und durch
grundlich erwegen und absterben unsers willens/ moͤgen
wir herren seyn aller potestaten des teuffels/ todes/ sunde/
hellen/ und trotz allen Teuffeln/ das sy uns eyn herlyn krum-
pten tzů schaden oder verderbnys.

Verhencklicher will ist ein
wirckende krafft.

Ich geb dir krafft auch vast williglich tzů/ das
got sunde verhenckt/ und das der selb verhenck-
lich will/ ein wirkende krafft ist/ als Paulus spr-
icht. darumb hat sy got durch begirden irer her-
tzen/ in unreynikeit/ und ynen ein verkert hertz geben. als Ro.
i.²⁰² Und sagt got durch Esaian/ Ich byn der got/ welcher dem
lichte form gybt/ und schaffet finsternys. der fryd machet/
und schafft das boͤß. Ich byn der herre der alle disse ding macht
Esa. xlv.²⁰³ Schaffet eine machte oder krafft etwas/ so wirket
sye auch dasselb/^hc gibet oder treibet ymand einen tzů etwas/
so muß er werken der treibt. Weil nu got das boeß schaffet/
und lyferet einen sunder seynen bosen begirden/ unnd thut
das durch synen^hd verhencklichen willen/ wil ich nit widersprechen
das gots will/ der verhenget unnd nachlesset/ ein wirckende
krafft sey. Ich weiß wol/ das der wirket/ der ein ruden und
E2^v stecken bewegt und schlecht ymand. und das thut gottis
verhencklicher will. er schlegt mit dem Assur gleich als mit
einer ruden/ stecken. Esa. x.²⁰⁴

werke des verhencklichen willen
synd wider die werke des ewigen willen gotis.

Aber alles das creaturen durch solichen verhen-
cklichen willen thun oder lassen/ das ist wider den
ewigen gotlichen willen. drumb spricht got/ we
assur meyner ruden. Esa. x.²⁰⁵ Syh das ich mey-
nen bruder wolthun/ das ist gots ewiger wyll. das ich yn besche-
dige/ das ist gotis verhencklicher will. und ist meyn besche-
digung wyder got/ und got tzornet wider mich. Nym ein
ander exempel. Das ist gotis ewiger will/ das wir seynen
verwanten wol thun/ und sy hertzlich lieben. nach dem Chri-
stus spricht/ das ist der will meynes vatters/ das ir eyn an-
der lieb habt.²⁰⁶ Item was ir dem mynsten auß den meinen
thut/ das habet ir mir gethan.²⁰⁷ Das ist auch Esa. i. et. xlix²⁰⁸
tzů mercken in allenn episteln der aposteln. Nu lesset gott
gleichwol^he gescheen/ das bose leuthe gottis glydmaß vervol-
gen/ und ist gar noh^hf unmuglich/ das einer eyn son der ver-
heischung sey/ und hab nit einen grymmigen Esau/ der yne
vervolget.²⁰⁹ das einer eyn junger Christi sey/ und werde nyt
uberdrengt²¹⁰/ als sein maister Christus/ das ist seltzam. Ge-
dencke dirs nit/ das dir Annas und Caiphas/ Pilatus und
Herodes mangeln werden/ bistu anders ein rechter Christ.
die weil Christus spricht/ Haben sy den haußvatter beel-
tzepub genent/ wie werden sye seine knechte heissen. Math.
x.²¹¹ In der summ/ alle die in Christo gutlich wellen lebenn/
die werden vervolgung leyden. ii. Timoth. iii.²¹² und das al-
les verhenckt got und leest es gescheen. Jedoch ist es got ent-
kegen und wider/ das ein mensch. einen vergotten knecht got-
tis vervolgen magk.²¹³

E3^r

Ein ander exempel das gottis
verhencklicher will/ und syn ewiger will/ ver-
schrenckte werck habenn.

Christus spricht/ der son des menschen geet als
geschrieben ist/ aber we dem durch welchen.^hg214 Item
wie es geschrieben was²¹⁵/ also must Christus ley-
den und aufferstehen. Luce ulti.²¹⁶ Wiewol Chri-
stus must leyden und sterben/ dannest^hh theten die theter ubel/
so Christum engstigten und ertodten. derhalben spricht er/ wee
dem etc.²¹⁷ Do bey merck auch/ das disser will (welchen man
permissivam, das ist verhencklich nennet) muß erfult werden.
und wirt doch wider gottis wollende willen erfult. sonste
sprach Christus nit/ we dem durch welchen der sone geht. So
saget auch christus/ Es mussen ergerniß gescheen/ aber we
dem menschen der ergeret.²¹⁸ Item welcher einen kleinen auß dem
ergeret/ so in mich gleuben/ dem wer vil nutzer/ das er myt
einer esels muheln/ anß hals gepunden/ yns tiff mehr gewor-
ffen wurd.²¹⁹ Christus der straffet nit die wercke/ welche nach
gotis ewigem oder bestendigen willen gescheen/ weil er uns
leret betten. dein will geschee.²²⁰ Sonder die werck die wider got-
tis ewigen willen gewirckt werden/ und mussen doch gesche-
hen. drumb das gots tzůgebender will sein werck auch ins
wesen muß brengen. als Christus spricht/ Es ist von noten
das ergernis oder Verletzung bescheen.²²¹ Aber disse werck has-
set got/ und straffet die teter. Disser will mocht der hartma-
chende will gotis genent werden/ als yen Moses und Pau-
lus nennen. Item/ verhencklicher/ nachlassender/ tzugebender
will oder tzorniger will/ als auch der ewich/ bestendig will
gotis mocht heissen/ der barmhertzich will/ nach dem Mo-
ses und Paulus sprechen/ got macht hart welchen er wil. und
erbarmet sich wes er wil.²²²

Underscheit zwischen beiden willen.

E3^v Dysse beide willenn/ die wir durch ir außwirken
erkennen/ und tzween heissen (wiewol nichts yn
got geteilt oder gespelt ist) haben tzweyerley auß-
wircklikeit. Der barmhertzig/ gunstich/ ewige
und bestendig will macht waich/ nymbt ab das styneren^hi
hertz〈/〉 erleucht/ und tzeucht tzů Christo/ gibt guten willenn
und gute werck. Im kegenteil der verhencklich will machtt
hart/ styneren^hj/ blyndt/ taub/ lam/ und wercke des irthumbs
als geschrieben steet/ Er hat ynen geben arbeit des irthumbs〈.〉²²³
Item verplyndt das hertze und die ougen disses volcks/
auff das sie sich nit bekeren etc. Esa.²²⁴ Christus Joan. x.²²⁵

Der barmhertzig will keret das boͤs tzům guten. Als Jo-
seph spricht tzů seinen brudern/ Ir habet ubel wider mich
gedacht/ aber got hat das selb ubel gewendt tzů dem guten.
Gene. l.²²⁶ das der boͤs will der brudern Joseph von gott ist
gewest/ leret Joseph sagende/ Ich byn nit durch euren rath
gen Egypten gesendet/ sonder auß gottis willenn. Gene.
xlv.²²⁷ Mercke/ wie got in einer verkeuffung unnd in eynem
thun/ tzweyerley willen gehabt/ und den brudern Joseph ei-
nen boͤsen willen eyngeben hat/ und das boͤse/ doch ins be-
ste verwandelt/ wie er es ewiglich wolt haben. Welcher ge-
tzeucknys disser beyder willen (welche ein will in got seyn)
wil haben/ der habe achtung auff Mosen/ Propheten〈/〉 Chri-
stum und Aposteln. Wie aber das gseyn magk/ das eyn
wyll/ zweyerley und wyderartige werck hat/ das wil ich got
an heim gestelt haben/ mir ists nit swere/ drumb das ich gleu-
be das ich durch kein vernunfft vermocht erreichenn. So
aber ymandts voller weltlicher kunst wer/ und wolt gotli-
che krefften nach den menschlichen richten und schatzenn/
dem wil ich nit verbergen/ das ym der hymel tzů hoch ist.
Gott wol mir verleyhenn das ich seynes gotlichen unnd
barmhertzigen willen geleben mag. und in ewigkeit geleben/
Auch darff ich das nicht helen/ das der ewig will/ eyn wyll
E4^r wyder/ oder ye das mynste/ uber unsern willen und natur ist.

^hkZorniger unnd verhencklicher^hk

wyll neight der menschenn hertzenn tzů dem irenn. unnd
der tzeitlich oder verhencklich will/ eyn will noch unserem
hertzen ist/ unnd nach lusth unser natur ist. Derhalbenn
spricht Paulus/ Gott hat sye geben der unreynikeyt/ durch
begirden irer hertzen. Ro. i.²²⁸ unnd leret also/ das der ver-
hencklich will/ mitt den lustenn unnd begirden/ unsers her-
tzenns/ oder aygen wyllens uber eyn kumpt. Als auch die
bruder Joseph lust unnd begirde hettenn/ Joseph tzů ver-
keuffenn/²²⁹ unnd die pfaffen Christum tzů todten. und steet
doch das der teuffel eynen solychenn fursatz yn das hertze
Jude ghelassen hat etc.²³⁰ der boß gheist gottis lauert^hl tzeyten.
i. Regum. xlvi. tzů unseren lusten und wollusten.²³¹

wie man den barmhertzigen
und bestendigen gots willen erkennen magk.

Das yst eyn antzeig unnd tzeichen/ des gotlychen
ewigenn/ unnd bestendigen willens/ das er un-
ser natur und unserm willenn saur unnd herb
ist/ da bey kann eyn Christ verstehen/ waßerley
willen gottis ym eynfall/ dann ist er mit unserm aigen wil-
len vereyndt sueß unnd mildt/ so schat er uns. Unnd wir
sollen hertzlich bitten/ O herre meyn gott/ deyn gunstigher
will geschee/ das ich dein reich werd/ und du meyn konich.²³²
Ich dein erden/ unnd du meyn schopffer. der gerechtikeit
und barmhertzicheit in seyner erden schaffet. Hiere. ix.²³³ das
ich in mir klein und nicht^hm werd. und du in mir groß und alle
ding werdest. Mach deyn namen yn mir heilig und werd groß-
mechtig gesprochen. Mach das yderman sprech/ Syh der ist eyn
armer/ ellender und verachter mensch. und got hat ynen gutwillich
und nah synen wolgefallen gemacht. Verschaff (myn got) das
E4^v ich und alle menschen deinen namen preysen/ sagende/ wye
eyn uberhoher und mechtiger herr/ ist unser got. und nimbt
doch kleyne wurmelyn an/ den^hn er gnad ertzeicht²³⁴/ die er groß
macht. mache das ich^ho mir nicht^hp gefall/ dan allein du^hq/ das
mir/ on dich/ angstlich ubel sey/ und ein hellisch peen²³⁵ anlig/
das ich dir lebe/ arbeit/ ruh/ schlaff/ leid und sterbe. das mir
das meyn/ mein weißheit/ vermogenheit/ und machte alles
gruen gyfft und gelb ayter/ und ich mir selbertz eyn bitter ge-
schwer werd/ und in meinen ougen also greulich scheyn/ das
ich auß mir gern flyhen welt. Welcher sich selber nicht also
tzů einem creutze hat/ der ist nit in erfarung gotliches willens〈/〉
begeret er aber〈,〉 das ym seyne gelusten und begirden abfallen/
und werden ym als eyn grymmiger feind/ der hat gute bege-
rung. und sal nyt ablassen mit ewigen seufftzen got tzebitten/
das er sich selber myt allen anhangenden begirden gelaß/
als ding von welchem er smertzlichen grauhen hat/ und dye
er gern außspeyen welt. dann das unser muß unthergeen
und verswyndten/ sol gotis wil in uns gescheen/ uffgehn und
herschen.²³⁶ Drumb sprach Christus/ Nit wie ich wil/ sonder
wie du wilt.²³⁷ und leret unß also betten/ vatter unser dein wil
geschee.²³⁸ das nicht minder gesacht ist/ vatter unser laß unsern
willen unthergeen/ verwelken und ersterben wie eyn boß och-
se.^hr und du vatter schaff deinen willen in unß/ den ewigen
und barmhertzigen willen/ der wyder unsern wyllen ist/ und
dye luste unsers willens außtreibt. Wir bitten〈/〉 das unser
will myt synen umbsteende aygenschafften verderb/ als nem-
lich/ das wir in keynem ding das unser meinen/ begeren oder
suchen. Verschaff o got/ das ich/ mich/ und das meyn/ dir (o
herr) frolich und gentzlich ubergeeb/ und nymer wydernem/
noch beger wydertzenemen. und wel versmacht²³⁹ und verspott
werden. Das ist alles wider unsern willen und begirdenn
unser aygner natur. Dar auß magk einer erkennen/ ob er
gots willen hab/ oder seynen willen befynd. ob er dem ewi-
F1^rgen/ oder verhencklichem willen gotis bevolgig sey. Fuelet^hs
einer gotis ewigen willen/ also das goͤtlicher will in ym le-
bet/ und gewaltig ist/ so mueß er gewyß fuelen/ das er wil-
lenloß werde und seynem aignem willen absterbe.

Tauff der Christen.

Das ist/ das einer eyn getauffter Christ sey/ wel-
cher tzůdem leben Christi ist gekommen^ht/ und yn
tod Christi gestorben. und synen sunden tod und
erlosschen ist. und geet in einem neuen leben/ im
glauben in gerechtikeit/ in warheit. und sprech/ ich lebe nit.
sonder Christus der lebt in mir. Ro. vi.²⁴⁰Den ewigen wil-
len můß man nyt yn vernunfftiger/ sonder in synlicher weiß
lernen und smecken/ befynden und bekennen/ das gottis ewy-
ger will/ in uns nit on bitterkeit und creutzes schmertzenn
sich ereyget. so es nyt moͤglich ist/ das einer seyn naturlich
begirden und willen behalt/ und gotis ewigen willen emphah.

Kegen wercke des zorni-
gen wyllens.

Aber gotis tzorniger unnd verhencklicher will/
der belustet den menschen. dan wie der barm-
hertzig will eynen andern und neuen menschen
macht. also behelt gotis tzorniger und verhenck-
licher will/ in altem ungehorsam/ und macht hart mehr har-
te. das ist/ von Pharaone dem koͤnig Egypti/ und Semeo
einem koͤnig Amorreorum gut abtzenemen. Deut. ii.²⁴¹ Auch ist
die hystorien^hu von Semeo (einem sone Gera) lycht unnd
klar. welcher den koͤnig David myt vil smech Worten bele-
stigt/ und hieß den David einen son Belials/²⁴² das ist des
aller ergsten teuffels. und das was des Semei lust und le-
F1^vben. und kulet yme seyn brennedes hertz. Dan Semeus
was eyn man auß der sipschafft und fruntschafft Saul.²⁴³
derhalben het er auch gern gesehen/ das einer von Sauls
freundtschafft das reich behalten hett. Auß desym grunde
was Semeus wider David angetzund/ und brant in sy-
nem tzorn/ unnd schuttet auß seynes naturlichen willens
begirden unnd anlighenn. Jdoch sprach David/ das got
soliche hoͤnrede dem Semeo het geboten.²⁴⁴ und das merket
David vil besser/ dann der rasende Semeus. Derwegen
sprach David/ Welcher darff saghen/ warumb macht es
got also. ii. Regum. xvi.²⁴⁵ Demnach geb ich tzů/ und bekenn
das got wil/ das eyn boͤser/ tzeyten eynen frommen schelde
unnd flůch. Aber das ist nyt der ewich will/ umb welchen
wir bitten. Ewiger will macht/ das wir nicht^hv angreiffenn
dan blosse notturfft. und das selb greyffen wir an mit gros-
ser forcht. unnd enthaltenn unß aller vermanungh/ leher
unnd straffe/ kegen allenn menschen. es sey dann das uns
gottis lieb unnd Christlich treu datzů bewegh unnd trei-
be. Ich geschweyg^hw/ das eyn mensch den andern hertyglich
mach anfaren. Darumb waren des Semey Scheltwort
nicht auß dem ewygenn unnd gunstyghem wyllen gotis/
welcher den menschen aller naturlicher gelusten entsetzt.

Antwort auff dye histo-
ryen Achab.²⁴⁶

Nu uff die historien von Achab tzů antworteen
frag ych/ ob eyn werck nicht antzeygh den wyl-
len eynes gepieters.^hx Du moist ya antworten.
unnd es ist war. Weyl dan gotis geyst sprach〈:〉
Ich wyl den koͤnig Achab bedryegen/ eyn lugenhafftiger
geist seyn ym maul aller propheten. Darauff gebot ym got
unng sagt/ Gehe hyn/ unnd thů also.²⁴⁷ Syhe da wye got sey-
F2^rnem boͤsen geist hatt geboten/ und geheissen/ das er Achab
bedryegen/ und in allen seynen Propheten lyegen solt. das
was gottis tzornyger unnd verhencklicher will. weil klar-
lich in der schrifft volgt/ Nym war/ got gab eynen geist der
lughen yns maul aller Propheten. iii. Regum ulti.²⁴⁸

wie der zornig will mit
dem menschlichen ubertrifft.

Das aber disser verhencklicher will/ mitt dem
vernunfftigem oder naturlichem willen gleich
ubertreff/ kanstu darauß lernen/ das got spricht〈:〉
Die soͤne der menschenn seynd lugenhafftich.
Psalm. lxi.²⁴⁹ Item eyn yeder mensch ist eyn lugner. Psalm.
cxv.²⁵⁰ Disse aigenschafft hat der geist auch. er ist auch eyn
lugner unnd vatter der lughen. Joan. viij〈/〉 iii. Regum ul-
timo.²⁵¹ unnd ist myßlich ob eyner von sich^hy/ oder von dem
teuffel/ ab ym Eva oder die schlangh den apfel geb. Auch
ist der boͤß geyst/ eyn geyst des tzorns. Als geschrieben steet/
der schalckhafftig gheyst erschottert unnd schuttelt Saul
i. Regum. xvi.²⁵² wyr seynd auch naturlich oder auß unser
natur/ soͤne des tzorns/ als Paulus spricht²⁵³ unnd gott/ Al-
le synn unnd gedancken des menschenn seyndt gheneygt
tzum boͤsen. Gene. vi. et. v.²⁵⁴ Drumb wolt gott seynen gu-
ten geist/ nycht ym fleysche (das yst menschen) bleyben lassen/
Gene. vi.²⁵⁵ Dye weyl wir nun von jugendt auff/ und also
von natur/ soͤne des tzorns seyndt/ wye der boͤß gheist/ eyn
gheist des tzorns ist. unnd wye der geyst des tzorns/ schalck-
hafftig yst/ so seyndt auch alle soͤne des tzorns schalckhaff-
tig. Dar ab yst lyderlich tzů lernenn/ wye unser wyll nyt
untergeht yn gottis tzornyghem unnd verhenclklichenn
wyllen sonder stercker unnd ergher unnd tobiger²⁵⁶ unnd
rasender wyrt.

F2^v

Der ewig und barmherzig
will gotis ist wyder der creatur aigen willen.

Dem nach bitten wir nit/ das gotis tzorniger und
verhenckender will in uns geschee/ sonder goͤt-
licher ewiger und woͤllender will geschaffenn
werd/ so wir bitten/ Deyn will geschee. Math.
vi.²⁵⁷ das so vil ist/ Mache uns willenloͤß/ und aller aighen be-
girden tod. Dan in disser absterbender weiß und art/ steet go-
tis willen ym hymel. Do selbst ist got yn allen heiligen/ al-
le dyng. und wů got nyt verswebet²⁵⁸/ do ist wyder gedancken
noch will. Auch ysts unmoͤglich das eynem heilighen wol
sey/ on got. Psal.²⁵⁹ Die außerwelte und gutwillige habenn
nichts lieb dan got. haben auch nichts neben got lieb. wenn^hz
got wil/ das wir ynen alleyn lieben. welcher etwas mehr lieb
hat/ oder mit got lieb hat/ der hat gott nyt lieb.²⁶⁰ Das bewe-
ret unß Christus/ als er dem antwert der fraget/ Was thu
ich/ das ich selig werd. und sprach/ was steet ym Mose ghes-
chrieben.^ia darauff sagt er/ Du solst got mit gantzem hertzen
lieben.²⁶¹ Wů ein hertz etwas gantz liebet/ do magk keyn ding
mehr/ oder nebent got gelibt werden. derhalben schneit got
alle creaturen vom hertzen/ und macht es bloß und letig al-
ler creaturen/ und tzů einem fynster abgrund oder clarheyt der
selen. und so das gescheen ist/ dan^ib swebet der geist gotis auff
dem angesicht der wusten und ungetzierten erden/ unde uber-
geust die sele mit goͤtlicher kunst und lycht. Gene. i.²⁶² welchs
licht und kunst das einyg warhafftig gut (das got ist) tzey-
get/ und vereynt. Psal. iiii.²⁶³ Als dann umbgeusset der. H'eilig'
geist goͤtliche lieb yns hertze.²⁶⁴ und do wirt ein recht und gantz
hertz tzů got gekert/ und mit got vereynt und vergoͤtt.²⁶⁵ Also
magk es nit gescheen/ das einer got mit eynem gantzen her-
tzen liebe. und hab etwas nebend oder mit got lieb. Das ist
das Christus spricht/ Welcher vater oder můter mehr lieb
F3^r hat dan mich/ der ist meyner unwirdich.²⁶⁶ Und welcher seyn
kynder uber mich liebet/ der ist meiner unwirdich. Das vor
das ander.²⁶⁷

Sele fynden.

Vor das dryt. Welcher seyn sele verderb/ der fyndt sye
Math. v.²⁶⁸ Auff erden ist nicht^ic dem wir weyniger verdriß
thůn doͤrffen dan unsern elteren. Auch haben wir nymandt
auff erdtrych dem wir hertzlichere liebe schultig seind/ dann
unsern kyndern und eltern. Jdoch muß die selbige lieb ver-
leschen und versmeltzen in gotis lieb.²⁶⁹ Welcher aber vatter
und můter/ seyn eeweib/ syne kynder oder etwas anders/ als
sein aigne sele^id und leben/ mehr lieb hat dan got/ der hat gott
nit lieb/ und ist des son gotis unwirdig. er ist Christo weder
mit leben oder leher^ie vergleicht. Drumb entschleusset goͤt-
lich und warhafftich lieb tzů got/ aller creaturen/ aller engel
und heiligen lieb/ und setzet alle lieb tzeruck. Es ist keyn cre-
atur so geistlich und hoch/ die wir mehr dan got/ oder nebent
got mochten mit gantzem hertzen lieben. Es ist auch unmoͤ-
glich das wir eine creatur mit got lieben/ und das unser her-
tze seinen willen und gantze lieb tzů got hab.²⁷⁰ Als wenig es
moͤglich ist/ das ich dir ein gantz brot geb/ und geb das selb
brot einem anderen mehr/ oder geb ein teil eynem anderen.
Was geteilt wirt/ das blei〈b〉t nit gantz. So unmoͤglig ist es/
das du got deyn gantze lieb und gantz hertze gebest/ und ge-
best doch die selb liebe eynem andern mehr dann got. oder
got und einem andern samptlich. Des hastu eyn theure histo-
rien. ii. Paralip. xvi. von dem koͤnig Asa.²⁷¹ die lyß und ver-
gyß er nit. Uberließe Esaiam. xxxi. Hiere. ii. et. vii. ^ifet ali-
is locis. et^if Parali. xxxii.²⁷² die wort Ezechielis verstehe/²⁷³ das
unser hertz aller creaturen vergessen und alles gelassen můß
was in hymel/ und was in der erden ist/ wan^ig es got ganß wil
lieben. Got můß allein geliebt werden. unde welcher etwas
F3^v anders liebet dan got/ der hat got nyt lieb. Vatter und mů
ter/ weyb unnd kynder můssen wyr umb gottis wyllen las-
sen. můssen sey^ih auch in eyner ander meynungh hassenn/ ob
sye gleich die kyrch hett geheyligt unnd canonizyrt.²⁷⁴ So vil
der mensch lieb gotis hatt/ so vil hat er des ewyghen gotis
willen. dann was yst liebe anders/ dann gunstlicher wyll/
oder danckbarer wyll. Hat er got lieb/ so hat er gottis wyl-
len. unnd yst seynes aygen willens letig. Derhalben ist un-
ser aygner wyll/ wyder gotis ewyghen unnd barmhertzy-
gen willen. und da bey magk man prufen und lernen/ das
wir nach gotis willen thůn/ oder nyt. Es gehoͤrt aber gros-
se kunst unnd vil ubung dartzů/ das eyner seynen aygenn
willen prueff und lerne. Wanⁱⁱ eyn mensch den gantzen tag
auff seynen aygen willen theet achten/ unnd studiert denn
selben alle augenblick/ er thet recht unnd wol. unnd er wur-
de versteen/ wye unser wyll alletzeit ubel wyl. unnd yn al-
le unsere thůn unnd lassen besulpert²⁷⁵ unnd befleckt. Aber
es ist unmoͤglich das eyner seyn hertz yn einem jar auß ler-
ne/ unnd wysse was es boͤsses willes in einem. tag volbren-
get. thůn auff erden wie du mugist unnd wilt/ so offt deyn
aygen will plicket/ so offte sůchet er das seyn/²⁷⁶ es sey yn thu-
ender unnd wirckender/ oder leydender unnd mussigher
weiß. Aber der ewig gottis will/ sůchet das beste gutt/ das
gott ist. derweghen^ij seyndt sye keghen eynander/ gottis ewy-
ger wyll/ unnd unser aygenn wyll. Unser natur unnd
gotis tzorniger oder verhencklicher will/ tragen uber eyns.
aber der ewig gotis wyll/ ist wyder unsern willen. Ursach
Gotis ewyger wyll/ vor eyn teil ist/ das wyr nicht yn hyme-
lenn oder erden sollen forchten/ sonder gott alleyn. wann^ik
der selb fur uns ist/ was mocht wyder unß seyn.²⁷⁷ Derhal-
ben gebot Moses dem volck Israhel/ yn hohem fleys/ das
sye gott/ unnd nichts anders solten forchtenn. Als auch
Moses gebott/ das sye alleyn den gott myt gantzem her-
F4^rtzen solten lieb haben.²⁷⁸ welcher etwas anders forchtet/ der
gleubte nicht das gott bey yme was. So nun eyner tzwei-
felt/ das gott nyt ist bey yme. so ist er keyn gleubiger. Auch
wye er gleubet/ so wyderfeert yme. drumb můß alle forcht
hyndan gestelt seyn/ wan du got recht furchtest. Du můst
dich vor deynen feynden nit forchten. du must dich vor irem
wesen nyt forchten/ sonder alleyn got. der mechtig ist/ dych
oder deyne feynd zeschlahen.^il demnach solten wir got alleyn
forchten/ unnd unser feynd nycht forchten. des Moses hi-
storien/ unnd Propheten voll seyn.²⁷⁹ Aber welcher ist so dur-
stich^im das er alleyn sich vor tausent geharnischen/ tzornigen
unnd reyssende feynden/ bern/²⁸⁰ unnd lawhen²⁸¹ nicht forchte.
oder welcher ist so gotforchtsam/ das er allem seynen gott
vor ougen steen seh/ und vergeß vor empsigem ansehen go-
tis/ aller feynden macht. Nu solt das ye seyn/ so wir nach
gotis ewigem unnd wolgunstigem willen (der unß aller
sorgh frey haben wil) welten wandeln. Aber wir forchtenn
schlangen/ gyfft/ pfeyl/ büchsenⁱⁿ/²⁸² wilde thire/ unnd allerley
schaden. und vermochten doch den kleinsten schaden nytt
verhuten. dannest^io rathschlagen wir/ und seynd bey der welt klůg
vor got narren.²⁸³ Da syhe wie gotis ewiger will wyder unsern
willen ist/ mit welchem gotis verhencklicher wyll uber ein-
tryfft. das tzorniger oder verhenclycher will gibt forcht/ rath-
schleg/ trost auff aigne macht/ und angstlich sorg kegen den
feynden. wann eyn ungeheur weder kompt/ sůchenn unnd
begeren wir bald hulff. Der seynd wol tausen gleyche stuck
yn der schrifft betzeugk. als das wyr nicht sorgkfeltigh
sollen sein/ und sorgen was wir des tzokunfftigen tags wer-
den essen.²⁸⁴ das ist gottis ewiger will. welcher ist aber/ oder
wie wenyg seyn ir/ die nit ein pfenyng/ auff tzů den zukunfft-
ig tag behalten. Das unser aigner will wil und got ver-
henckt das wir gelt und gut uff einen furrath wellen behalten.
Sag mir/ ist nyt unser natur nerrisch/ das wir dem gott
F4^v gleuben sollen/ den wir fleischlich weder sehen nach hoͤren.
Ist den welt weysen nit alle gottis kunst eyne toͤrheit/ das
wir durch den glauben selich und ewig werden leben.²⁸⁵ Das
magk keyn vernunfft erlangen/ und keyn geschaffen will
annemen. Disse blyndheit unsers verstentnys und heyli-
keyt unsers aigen willens sterket der verhencklich will go-
tis. Gelibt ymand seyn natur/ sein verstant/ seyn weyßheit
sein aigen will/ so kan er gott nit geleuben. vermagk auch
Christum nit antzenemen. Er wil auch weder got gleuben
noch sein wort begreiffen. ya gotis wort ist ym eyn spot und
hoͤn.²⁸⁶ Daher kumpt gotis tzorniger will/ und schaffet mit
seynem verhencknis blindte ougen/ taube oren/ harte hertz/
das der verstockt mensch gotis wort lieset oder hoͤret. und
in seinem hertzen handelt. aber gleubet ym nichts. Dye tzey-
chen ader wunderwerck/ und geschichte sehen und hoͤren sie
und bleyben dannoch blynd unnd harthertzig. Auß disser
schryfft merkestu/ wie man ym hertzen bruefen und befyn-
den magk/ ob du nach dem ewigen und barmhertzigen wil-
len gotis lebest/ oder nach dem verhencklichem und tzorny-
gem willen. Lebet einer nach dem tzornigen willen/ so bleibt
er eyn son des tzorns/ und sundigt stetz. Gevolgt er gottis
ewigen willen/ so ist er ein verneueter mensch/ oder eyn neu-
geborn son gotis/ und eyn bruder Christi/ und thut wol. und
alles das er thut oder lesset/ das behagt^ip got. Dan er ist go-
tis freund/ und synem aigen willen abgrundlich entfallen/
und ist ym sein aigen will eyn creutze. welches er tragen und
fuelen můß. Also magk einer wissen/ ob er nach seynem ay-
gen willen/ oder nach gotis willen thůt oder lasset.

Gotis ewiger will ist nye
verwandelt in der H'eiligen' schrifft.^iq Aber das
werck des verhencklichen willen vergeeth.

G1^rAuch seynd andere tzeychenn auß welchen wir
den ewigen gotis willen erlernen moghen. als
das ewig gotis will unwandelberlich ist/ unnd
bleibt stetz in seinem gang oder lauff. Aber der
verhencklich will lesset von seinem werck/ und hat der hal-
ben seyn außwirken/ das sein werck fallen unnd vergeen.
Exempel/ Got schlecht seyn außerwelte/ die seinem ewigen
willen ungehorsam sein/ mit forcht/ er gibt yen ein erschroc-
ken in ire hertzen/ das sye vor eynem flyhende laube/ oder
rauschende bletlyn erschrecken/ und in die flucht springen.
das sye ein blat/ wie ein swert flyhen. und dorffen oder mo-
gen nit besteen vor iren feynden. Levi. xxvi.²⁸⁷ Das verhen-
get und wircket gotis tzorniger will/ in den eygenwilligenn
menschen/ so lang bis sye sich irer sunde schemen. Auch yst
got so lang wyder sye/ biß sich das unbeschnyden hertz er-
kennet. Levi. eodem.^ir288 Also erfult gotis verhencklicher will/
des menschen aigen willen/ mit naturlichen begirden. macht sie
vol und druncken/ das sye vor naturlichen lusten verspott
und verhoent werden/ und durch die purden ires aigen wil-
len/ wie eyn drunckner skaukeln/ und also anfahen sich er-
kennen. Wye es geschach mit dem sone/ der sein erbgelt ver-
schlempt. Luc. xv.²⁸⁹ Dohyn tzeugt sich die reed Christi. hů-
ren und půben werden euch vorgeen.²⁹⁰ das ist/ sy werden yr
flaischliche^is begirden/ und volheit ires aigen willens und un-
gehorsams/ vil eher erkennen dan die gleißner. unde werden
den ewigen willen gottis annemen/ dem sic durch aigenwil-
likeit absachten. als Maria magdalena thet Luce. vii.²⁹¹

Aber die gleissende heyligen erkennen iren aygen willen nit.
und wellen nit leyden das man sagt/ Sie dienen got nyt.
drumb werden sye nicht/ oder gar langksam in gotis reich
geen. Es ist tausent mal moͤglicher/ das sich ein huer sche-
me unnd gotis gunstigen willen sůch unnd annem/ dann
ein zerschliffner^it holtzschůch²⁹²/ sych erkenn unnd beklag. oder
G1^v sonste ein monich der alle seyne tag in scheynlichen werken
gangen ist/ von seinem leben laß/ und sich tzů got kere. Al-
so ist gesagt/ das gotis verhencklicher will fleischlichen be-
girden dient/ und schut den menschen voller sunden unnd
schanden. unnd tregt unableßlich tzů/ byß der ewig will
vol unnd sat wirt/ unnd vor grosser boßheyt nycht mehr
geen kann. unnd hebt an tzů gotis ewigen willen tzůlauf-
fen. unnd als dan steet ab das werck des tzornige willens
und vergeet.

Es ist nit eyn dingk zeitlicher
und verhencklicher/ oder tzorniger will gots.

Es ist tzů merken/ wie wol got gantz einfeltigh
ist/ das sein vilfeltige werk eynen untherscheyd
yn unserm erkentnis machen/ wye von dem ewi-
gen und verhencklichem willen gsagt ist. Dar-
umb mocht man wol untherscheid machen/ zwischen dem
tzornigem willen gots/ unnd tzwischen dem zeitlichem oder
verhencklichem. Also/ das got eynen willen hat/ damit er
wyl/ das eyn dingk eyn tzeitlang gebraucht und geubt wer-
de/ und darnach vergeh. von dem selbigen willen wer vil ze
sagen. dan in dem/ das ich den ewygen oder tzeitlychen wil-
len erfull oder nach laße/ steent disse tzween spruch Pauli〈:〉
Fide stabilimus legem. Fide antiquamus legem.²⁹³Aber
kurtz halben wil ich exempel fur legen. welche krefftiglych
und kurtzlych lernen^iu/ das die beschneydung nyt ist auß dem
ewygen wyllen gots kommen/ sonder auß tzeitlichen willen〈.〉
Ursach/ Ir seynd vil gots knechte vor Abrahams tzeyten
gewest/ welche nach gotis ewygen willen gelebt haben/ und
seynd doch nye beschnyden fleischlich. als Nohe. von wel-
chem die schrifft sagt/ das er gerecht und volkomen gewest
sey in seynem geschlecht etc. Gene. vi.²⁹⁴ Es ist auch Abraham
G2^r eyn tzeit langk gherecht gewest/ eher er beschnyden wart/ vil
leicht meher dan tzehen jar/ als Gene. xv. xvi. und xvii.
tzů rechnen ist.²⁹⁵ Auch seynd dye gleubige weyblyn und meg-
deleyn nye beschnieden/ und doch behalten. unnd ist dye be-
schneydungh des fleisch durch etliche Propheten veracht
unnd versprochen/ als durch Mosen unnd Hieremiam.²⁹⁶
Es ist auch die beschneydungh des fleysch gar letztlich ab-
gefallen unnd vergangen bey den gleubygen Christenn.
So blyeben yn tzeyten des ghesetz etliche judenn. xl. jar in
der wůstnis unbeschnyden ym fleisch. Josue. v.²⁹⁷ Dye be-
schneydunh vereynet gott nycht/ wye auch dye tauff oder
wasser got nit vereynt unnd anpyndt. Sye macht wol ein
vermeinte unnd gesagt volck gottis/ yn welchem vile be-
schnyden waren/ dye gott nycht tzůstunden. Got hyelt sye
auch als unbeschnyden vor seynen ougen/ unnd fur fremde
leuthe. als Hierem. ix. ist angetzeygt also/ Dye heyden ha-
ben ire verstopfung/ und dye juden unbeschnyden hertzen.²⁹⁸
gleych als dye ghesagten Christenn macht/ wan sey glaub
loß seyndt. dann der glaub oder beschneydungh des her-
tzen²⁹⁹ alleynn warhafftigh Christen unnd volck gottis ge-
peren. Hiere. iiii. Mar. ult. Joan. iii. Ro. ii.³⁰⁰

Eusserliche Zeichen ver-
eynen gott nicht.

Wie wol dye beschneydungh unnd tauff/
unnd andere eusserlyche tzeychenn/ we-
der frum/ weder boͤß machenn. vereinen
auch gott nycht/ als der ewygh gottis
wyll/ myt hertzen angenommen/ denn
menschenn got vereynt unnd anleymbt
dannest^iv můstenn dye gleubyghe solyche
eusserlich dyng yn irer weyß annemen/ unnd als tzeychen
G2^v der ynnerlichen gerechtikeit und eynikeit gebrauchen. was
unnd wartzů gebrauchten sie soliche tzeichenn.〈?〉 datzů/ das
sie den hern/ vor einen gerechten/ warhafftigen und lebenti-
gen got hielten/ des zeichen sye gebrauchten. Exempel. die
yene/ so die beschneydung recht gebrauchen/ bekanten/ das der
herr/ welcher hymel und erden schůff/ ir lebendiger got war
und kont und wolt ynen alles das geben/ das er ynen ver-
hische. als gemerung des samens/ und andere guttheyten.
Nym ein exempel der tauff/ und merck/ was ym vor gsagt
wirt/ wan^iw er sol getaufft werden. Christus spricht/ ir solt sye
teuffen in dem namen des vatters und^ix sons und des heili-
gen geistes/ Math. ult.³⁰¹ Welcher sich in dem namen leßt teu-
ffen/ der nymbt die eusserlich tauff derhalben/ das ehr eusser-
lich vor yder menyglich wil antzeygen/ das er den dryfeltigen
got bekent/ und vor seinem schepper³⁰² hymels und ertrichs helt
der ym alles das geben kann und wil/ das ym von noͤten und
gut ist. und alles das er ym verheischt.³⁰³ Wů disse gerechtikeit
nit ym geyst ist/ do ist das tzeichen falsch/ und von got unge-
acht. drumb koͤnnen sich die alten ires tauffs nit getroͤsten/ wan^iy
sy den niderganck ires lebens nit fuelen.^izDerhalben ist der geist-
lich mensch an eusserliche ding nit gepundten/ oder von noͤ-
ten/ das ynnerlich eynikeit mit dem äusserste tzeichen můst be-
wert und bezeucht werden. oder das der geist on leiplich din-
ge sein leben und werck nit koͤnt volbrengen. Joan. iiii.³⁰⁴ sonder
schlechthyn on trost und vertrauhen in eusserlichen dingen. Wů
aber einer etliche wist/ die vermeinten/ das in den eusserlichen tzey-
chen selikeit und rechte vereynung stund/ den selbigen solt er dye
eusserste tzeichen versprechen³⁰⁵ und verachten/ doch bequemlich und
geschickerlich/ wie Paulus die beschnydung³⁰⁶/ Hieremias die
arken und gots hauß³⁰⁷/ David und Esaias eusserste leipli-
che ubung.³⁰⁸

Durch eusserliche dingk kan
G3^r sich nymand mit gott vereynenn.

Ein ander exempel. schepff von den ceremonien
das ist/ von leiplichen andachten/ oder geistlichen
antzeygungen. ¶ Got hat nicht^ja ym bergh Oreb
von opfern geredt/ als er seynem volck sein ge-
setz gab/ Hiere. vii.³⁰⁹ Auch hat got opfer und andere eusserli-
che geberde verwerffen lassen durch seyn propheten als Esa.
i. Psal. 1.³¹⁰ und anderen vil enden geschrieben steht. und hat
damit wollen weysen und lernen^jb/ das sein ewig will/ mit eus-
serlichenn opfern nicht wurd erfueltt. das sich auch keyn
creatur mit got durch eusserliche ding vereynen kann. das
auch eyn andere meynung yn den ceremonien begriffen ist/
nemlich das die juden durch so manigfeltige eusserliche ubun-
gen und purden/ von der abgoͤtterey abgehalten und tzů
got getzogen wurden. Levi. xvii. Esa. xix.³¹¹ gleicher weyß
Christus die menschen von der eergeyrikeit^jc312 tzeucht durch
kurtz gebeth.³¹³ Durch disse exempel versteht einer/ das gottis
ewiger will nit ein tzeitlicher will ist. Item das der verhenc-
klich oder tzornich will nit allenthalben der tzeitlich ist. dan
opfer geben was gots tzeitlicher wyll/ und nit auß seinem zor-
nigen willen meines bedunckens/ man woͤlt dann subtilig
dar von reden.

was ewiger gotis will ist.

Ewiger gotis will steht in keiner eusserlicher ubung
oder leiplicher andacht. dan das kan alles falsch
und lugenhafftig seyn/ und ist nicht warhafftig in
dem menschen eher got seynen ewigen willen ym menschen
yns werck bringt. das ist/ das er den menschen macht wellen/
das er wyl/ und sein goͤtlich werck wircken. Auch ist es alles
tzeitlich und vergencklich/ und kleinschetzich³¹⁴/ das got eusser-
lich fodert/ gepeut/ und wil. man kan auch seynen wolge-
felligen willen/ one alle eusserheit volbrengen. Man gehe-
G3^vwynt auch nichts mit synlicher oder eusserlicher antzeich. Ja
man ertzornet got mehr/ wan^jd eusserheit den ynnerlichenn
geist gots antzeicht/ der nit vorhanden ist/ dann sye leugt.³¹⁵
Aber das seyn můß/ unnd unenderlich ist/ unnd ewig soll
bleyben/ das schůff got inwendich in der blossen sele. Dan
got ist ein geist³¹⁶/ derhalben můß sich die geschaffen creatur/
mit unnd durch den geist/ mit gots ungeschaffen geist ver-
eynen. Demnach. magk/ und sol/ ein yeder den gheist des
bustabs/ unnd nit die rynder oder schalen des bustaben³¹⁷ er-
grunden/ so er got beheglich^je wil dienen. Dem geist der schrifft
das ist/ dem ewigen gots willen můstu nach sůchen/ unnd
darnach thůn oder lassen/ was der bustaben ghebeut oder
verbeut/ nit nach dem bustaben/ sonder nach dem beschlos-
sen^jf oder erdeckten geist.³¹⁸

Eyn dingk von notenn.

Auch so wirdestu bekennen/ das eyn ding von noͤ-
ten ist/ welches nit vergeen/ oder von den men-
schen genomen wird. Nemlich gott anhangen/
das ist/ das not ist/ und sein můß/ und ewiglich
bleiben sal/ wil anders ein sele wolfaren/ unnd ewig leben
in got. Disse vereynung/ oder anhencklikeit an got/ geschicht
in dem/ das du gotis stymm gehorsam bist. das ist Moses
vall.³¹⁹ oder das du got lieb habst/ als Josue spricht.³²⁰ das ist
aber nit fern von eynander. Ursach. welcher gottis stymm
wyl recht hoͤren/ der můß durch den glauben/ allen dyngenn
urlaub geben/ tzů der letze gesegnen/ und got lieben/ und im
alleyn anhangen. und keyn etwas haben/ dan allein eyn etwas
in got. Das leret Christus sagend/ Es sey dan das sich ey-
ner allerding vertzeich/ so magk er nit meyn discipel seyn.
Luc.^jg xiiii.³²¹ der sich mit got wil vereynen/ und eyn schůler Chri-
sti seyn/ der můß/ und sal sych aller ding ewiglich erwegen.
G4^r Dan das ist der sele von noͤten/ und můß sein/ nemlich/ ver
tzeyhung aller ding. welche nit anders ist/ dan das die sele aller
lusten bloß und letig sey. Wem die lusten der creaturen nit em-
pfallen/ der kan nit ein leerjungher Christi seyn. Magk er
kein leerjung Christi sein/ der noch etwas hat/ das geschaf-
fen ist/ und yen gelustet/ oder et- was da von helt/ so vermagk
er keyn junger Christi zů sein. Ist er kein junger/ so hoͤret er
auch nit gots stymm. hoͤret er gots stymm nicht/ so ist er unge-
horsam/ und sundigt mit allem dem das er thůt oder lesset.
wan^jh er got nit voreynt ist/ oder hanget nicht an got alleyn/
das ist/ das Christus spricht sagend/ Eyn yeder der in gotis
son geleubt/ der wirt nit verderben/ sonder das ewig leben haben.
Joan. iii.³²² Das wir in den son gots gleuben/ das ist gots ewy-
ger will/ das wir auch das ewig leben ym glauben erlangen moͤ-
gen und sollen/ das ist auch gots ewiger will. als Christus spri-
cht/ Das ist der will meines vatters/ der mich geschickt^ji hat/ das
eyn yeder das ewig leben sol haben/ der den Son sicht/ und gleubet
in yen. Joan. vi.³²³ Gots ougen sehen an den glauben. Hiere. v.³²⁴ und
got vereynt ym unsere selen durch den glauben. Osee. ii.³²⁵ Drumb
wů der glaub nit ist/ da wirt got nit vereynt. und got ist auch un-
bekant. und ist nit moͤglich/ das die geschaffen sele in ir selbert
recht und gut sey. Abakuc. ii.³²⁶In dem glauben zů got/ steet gei-
stlich und goͤtlich leben/ und gerechtikeit und alles das got beha-
get.^jj Wie eyn braut sich mit irem breutgam vereint/ in dem/ das
sie nach synem gesetz und willen unabscheidlich wil leben.³²⁷ Also
vereint sich die sele mit got/ in dem/ das sie allen vertrauhen/ lieb/ tzů-
flucht/ und glauben zů got wil unabscheidlich setzen/ dar yn
steet gots will. Auch des gemalhen Christi verpindtung ist mit
got sorgfetiglich wandeln/ das ist dem menschen gut. Miche. vi³²⁸
dem nechsten ertzeygen was got wil und geordent hat/ das ist
gut. am selbigen capittel.³²⁹

Aus den fruchten erkent man gots frund.³³⁰

G4^vWů recht erkentnis gots ist ym glauben/ do ist
recht lieb und fruntschafft gotis.³³¹ wů gots lieb
gewaltig ist/ do ist auch lieb des nehsten und ein
ordentliche.³³² Auff das erste spricht Christus/ Ir
seind meyne freund^jk/ drumb das ich euch alle ding offenbar
gemacht/ welche ich von meynem vatter gehort hab. Joan.
xv.³³³ Auff das ander spricht Christus/ Welcher mich liebet
der thut meyn gebot. und das ist meyn geboth/ das ir euch
tzesamen lieben/ so ich euch gheliebt hab. Joan.^jl xv.³³⁴ Item
hab ich euch eure fůssen gewaschen/ solt ir auch einer dem
anderen seyne fusse waschen. Dan der knecht sal seyn wie
seyn herre/ und der schůler wie sein meister. Joan. xiii.³³⁵ Auß
neuen fruchten erkent man eynen neuen paumen. auß alten
einen alten.³³⁶ Welcher mensch neu ist/ und in gotis willenn
steht/ der grunet auch mit neuen wercken. ist er vor karch ge-
west/ so wirt er mild. hat^jm gestolen/ so arbeit er mit henden und
gewynt seyn brot mit arbeyten etc. Auß den fruchten magk
sich einer selbert/ und einen andern verstehn. derwegen^jn seh ye-
glicher/ was er thůt. dan warhafftig erkentnis gots unnd
goͤtlicher will angenomen breggen auß und stellen sich/ sam^jo
sich der hymelisch vatter stelt. Matti. v.³³⁷ Jdoch ist das ein
eyniges eyn/ das von noͤten ist.

Der inner mensch hat eyn
ding/ und der eusser vil.

Der ynner mensch sol an dem eynfeltigen unde
ewygen gots willen einfeltiglich und ewiglich
bleyben/ sich mit dem selben stetz bekommern.
Aber der eusserst mensch swebet in seynem leypli-
chen bewecknis/ und feert itzt uff/ itzt nyder. itzt zů dieser/ itzt
tzů gener³³⁸ seyten. itzt steet er in bitterk〈ei〉t/ itzt in sussikeit. itzt
in froͤlicheit/ itzt in traurikeit. itzt in arbeit/ itzt in růh. itzt in
H1^r leben/ itzt in tod. itzt in hymel/ itzt in der hell. und wiewol
disse eusserliche tzůfelh tausenterley synd/ ydoch werden sye
in ein ainikeyt getzogen. dan wů sich der mensch gantz het
in goͤtlichem willen versmeltz unnd verloren/ do wer dem
menschen hell als hymel. wann^jp der ewigh gotis will mit
gantzen hertzen angenomen/ macht auß der hell einen hymel/
auß dem tod ein leben. und machet das der mensch nit an-
ders begeret und haben wil/ dan gots willen. und helt/ unnd
achtet alleyn gots willen. Sonste werden im alle ding tzů
nicht/ feur/ swert/ tod/ hell/ werden alle sampt in eines soli-
chen menschen ougen tzů nicht. Das merck in David/ do
er verjagt wart/ sagt er/ hab ich gnad in gots ougen/ so wirt
er mych wyder tzů der Arcan^jq und tabernakel brengenn.
Aber spricht got/ du behagest^jr mir nyt/ so geschee was gut
ist yn seynen ougen. ii. Regum. xv.³³⁹ Also auch sprach. Hely/
Got ist der herr/ es geschee das gut yst yn seynen ougen. i.
Reg.iii.³⁴⁰ Der gleichen sagt Job/ Ob er mich gleich ermor-
det/ so weit ich yn ynen hoffen/ Job. xiii.³⁴¹ In dem selben wil-
len ist Moses verschluncken Num. xxvii.³⁴²Es ist dem men-
schen gleich als eyn schyff/ das in greulichen und ungestym-
migen ferlykeyten des meres swebet/ und wyrt hyn unnd
her geworffen. aber es verdirbet nyt/ alle dye weil es an den
ancker gebunden ist/ und der ancker ym ertrich eingesteckt
bleibt. Also schaden eynem wyllelosen menschen keyne dyng/
wye boͤse sye seynd/ alle die weil er an seynem ancker/ unde
der ancker yn gots ewigem wyllen versuncken ist. der ancker
ists^js absterben und gantz entwerden allen creaturen/ durch
den glauben/ welcher ist sam^jt eyn senffkorn³⁴³/ Das erdtrich oder
feelß/ yn welchem der ancker hafftet/ ist gots ewigher will.
auß welchem der mensch gekomen ist.

was got nit wil das ist sund
so du es wylt oder thůst.

H1^v Zemercken ist/ das etliche sunde uber aller men
schen vernufft seynd/ also das sie kein mensch fur
sunde helt/ oder halten moͤcht. und seynd auch al-
leyn derhalben sunde/ das sye got verbotten hat/ und nytt
wil haben. Syhe welcher moͤcht yn seyner vernunfft fyn-
den/ das begerung fremdes guts sund ist.^ju Ich geen fur ey-
nen fruchtbarn acker fur/ und gedenck wer der acker mein.
disse gedencken oder begeren ist sund/ wyewol es keynem
menschen schat^jv/ wan^jw auch die begerung nyt außwyrket. dannest^jx
wer sy eyn sund/ allein darumb/ das sye got nyt haben wil/
und verbeut soliche begerung sagend/ du salst eynen acker
deynes negsten nit begeren. Exo. xx.³⁴⁴ Welcher wolt spre-
chen das soliche gedancken sundigen.^jy wan Paulus spricht〈:〉
Begerung hab ich nyt gewyst/ het sye auch fur keyn sunde
gehalten/ wan^jz das gesetz nyt sprech/ Du salt nyt begeren.
Ro. vii.³⁴⁵ Das gesetz verkundigt gots willen/ das nymand
leucket/ und offenbaret sunde/ als Paulus leret. also das
wir sunde durch das gesetz gotis erkennen/ und erkenten sie
nicht/ wan^ka wir nit eyn gesetz hetten. Also verkundigt das ge-
setz/ gots willen. und leret in welchem stuck wyr wider got-
tis willen thůn/ unnd also sundigenn. Wir sollen auch
wenig^kb gesůch unnd gefrag haben/ warumb got das oder
genes³⁴⁶/ behagt^kc oder myßhagt.^kd und nit mit got disputieren und
sagen/ warumb hastu das fur eyn sund geschetzt/ unnd ge-
nugigh sey/ das unß got seynen wyllen hat gnediglich las-
sen auffdecken/ unnd wyssen/ das boͤß unnd unrecht yst.
alles das gotis wort verbeut. ob es unser vernunfft seltzam
ist/ unnd unbegreyflich/ das boͤß und unrecht seyn mocht〈.〉
Als wenygh ich got darff fragenn〈:〉 warumb hastu mich
also unnd nycht anders geschaffen/〈?〉 so wenyg darff ich got
fragenn〈:〉 warumb hastu das verbotten/ und boͤß gemacht^ke
als das boͤß seyn sal/ das^kf Christen bylder machenn/ oder
gemachte bilder in gotis heuseren halten etc.〈?〉³⁴⁷ das ist uber al-
H2^rle vernunfft. dannest^kg ist es boͤß unnd unrecht in gotis ou-
gen. Das leret unß gotis gesetz Deute. iiii. vii. Exo. xx.³⁴⁸
Das auch die oͤlgoͤtzen/ kirchen/ stette/ unnd weeg sollenn
beflecken/ ist uber alle synnlikeyt/ das eyn unverstendiger
mensch/ der sich kegen eynem byld neyget/ seyne Christlich
ee verseert³⁴⁹ unnd eyn geistlicher eebrecher wirt. unnd swerer
sundigt/ dan wan^kh er seyn fleischlich ee verbrech.³⁵⁰ Das kan
keyn weltlich weyßheit versteen. das einer ym glauben sun-
digt/ so er sich auff seynes harnisch oder swerth getroͤst^ki/ und
verlosset auff eyn menig volcks/ das ist der vernunfft spot-
tisch. Jdoch seind alle vertzelte^kj stuck boͤß unnd unrecht/
darumb das sye got verbotten/ unnd seinen wyder willen
kegen den selben dingen endeckt hat. Der sunde seint grau-
sam viel in der schryfft^kk angetzeigt/ die keyn menschlich weiß-
heit für sunde oder boͤse schatzet. unnd verdammen nichts
dester mynder alle die yene/ so sie wyßlich oder unwyßlich
thůn/ und nit pussen. Dan Paulus spricht/ alle die ausser-
halb dem gesetz sundigen/ die werden ausserhalb dem ghe-
setz verderben. Ro. ii.³⁵¹ Es wirt sie nit helffen/ ob sye das ge-
setz nit haben gelernet und verstanden. Wyderumb alle dye
ym gesetz sundigen/ die wirt das gesetz verorteylen und rych-
ten. Es wurd unß auch wenig tzůtraghen das wir nicht
wissen. dan got hat das sein gethan/ und lassen ertzellen/ was
ym geliebt und behagt.^kl tzů sampt dem das er hasset und fleu-
cht/ vil weniger wird es helffen/ das wir nyt wellen wissen.
und bleyben als ein pferd und maule one verstandt.³⁵² Drumb
solten wir die kynder von jugent auff/ gots wort leren. uff das
sye wisten was got wolgefelt/ was gut/ und was boͤß. da mit
sie das gut erwelen/ das boͤße fliehen mochten.

Ein wunderbarlicher und verdeck-
ter will gots/ welcher ein werck einem tzů gut/
dem andern tzů tzorn stelt.

H2^v Es yst auch gots will tzeyten so dunckel unde
mit solichem fynsternis verwickelt/ das wir swer-
lich moͤgen wissen/ was wir thůn sollen. und yst
uns unwißlich/ warumb got eynem das tzů guth
gehalten/ das er dem andern tzů arg und ungnaden gestelt
hat. Dan ich sehe das got etlichen gleich das fur ubel gerech-
net/ das er dem andern tzů gnaden gestelt/ als leuthe tzelenn.
Moses und Aaron tzelten das volck Israhel/ und got tzornet
nit. Num. i.³⁵³Josue zelet auch sein gesellen/ und got bleib im
gnedig/ Josu. viii.³⁵⁴Saul zelet seyn volck/ und got wurd im
derhalben nit ungnedig. i. Reg.xi.³⁵⁵ Aber ken³⁵⁶David war^km
es ein tod sunde/ das er sein volck tzelet. Dan die schrifft spri-
cht/ der Sathan hat Daviden angetzundt/ das er Israhel
zelet. i. Para. xxi.³⁵⁷ Got hat auch der selben sund halben. lxx.
tausent menner mit der pestilentz erwurgt.³⁵⁸ darzů. hat Da-
vid bekant/ das er gesundt hab. ii. Reg.ult.³⁵⁹ darab yglicher
verstehn magk das David in dem gesund hat/ das er seyn volk
tzelen thet. Ist aber das nit eyn wunderbarlicher will gots/ der
das David tzů argk und ungnaden stelt/ das er Mosi/ Josue
und Saul hat lassen tzů gut hyngeen.

kegensatz und antwort.

Nu ob einer welt sagen/ got hat das
tzelen noch^kn der tzeit Mosy verbotten/
vor den tzeiten Davidis war tzelen
erlaubt. in der tzeit David und vol-
gend ists verbotten. so wurden ym
andere historien entkegen lauffenn/
als die/ Achab hat Israhel ghetzelt/
unnd ist derhalben nit gescholtenen.
Achab hatt nach den tzeitenn David regirt sein volck ge-
H3^rtzelt/ unnd ist nicht gestrafft.³⁶⁰ Datzů das mehr yst〈/〉 spricht
Neemias/ Got gab mir yn meyn hertz/ das ich versamelt
die oͤberste regenten/ unnd das gemein volck/ und das ich
sie tzelet. ii. Esdre. vii.³⁶¹ das ist eyn langhe zeit nach den ja-
ren David gescheen/ unnd sal eyn werck gotis sein. unde
hat doch des gleichen der Sathan dem Propheten und
koͤnig David eingeben. Welcher wil dissen dunckeln wil-
len gotis ergrunden/ und bey seinem ayd sagen/ das Da-
vid eyn andere meinungh gehabt hab/ dan vor yme Mo-
ses/ Josue/ unnd Saul/ unnd nach yme Acham und Ne-
emias gehabt haben. Gott hat seynen willen ye nyt offen-
bar gemacht/ er hat weder gebot noch verbot geben. Auch
erscheynt keyn tzeychen oder ghesicht/ das eyner wol/ der
ander ubel ge〈t〉hůn hett. Alleyn Joab vermande David/
das er von seynem vurnemen solt ablassenn/ unnd das
volck nycht tzelenn.³⁶² welches nicht mehr was/ dan wan^ko ey-
ner ymand eyn gemeyn werck weret. Derhalben David
fortfůr/ unnd tzelet seyn volck/ unnd verstundt tzo letzten^kp
das er nerrisch unnd sundtlich gehandelt. iii. Regum ul-
ti.³⁶³ Ich kan dye ursach nicht wissen sonderlich die weil Da-
vid seyn torheit und sund erst erkant hat/ als ym got seyn
hertz schlůg. halt ichs dafur/ unnd ist meyn won und ver-
mutung/ das David seyner grossen gelassenheyt vergessen
hab/ unnd hab seynen syg/ unnd macht/ ym grossen houf-
fen unnd menygh des volcks gesůcht/ wie jtzt alle heubt-
leuth unnd kryger gemeynlich thůn. so yr volck tzelen/ und
geschicklicheit der rustung unnd aller dyngh lassen bese-
hen. unnd wan^kq sye vil volcks unnd manigherley kryegs-
tzeugs haben/ unnd stehen yn gutem vorteyl/ so hoffen sie/
sye werden die wolstat in behalten. Wan^kr sye aber wenig
leuthe unnd swache waffen und wehre haben/ verlyessen^ks
sye bald ire manheil/ unnd felt in das hertz/ weyß nit wů-
H3^vhyn.³⁶⁴ und vergessen also schultiger forcht/ das sye alleynn
gott forchten sollen. Deute. iii. et 〈ii.〉 Esdre. vi. Esaie. li. iiii.
Regum. xvii.³⁶⁵ Sye haben auch nicht gedancken/ das got
eyn mechtyge und starcke handt/ und eynen außgestreck-
ten arm hat.³⁶⁶ unnd das got gleych eyn dyngk ist/ myt we-
nig unnd swachen leuthen/ vil unnd starcke menner schla-
hen. oder mit vil eysseren/ ein boͤß kleyn heufflyn verwů-
sten. Ein gantz here mit eym rauschende laub yn flucht ze
brengen/ oder mit donner schlegen veryaghen.³⁶⁷ Derhalben
můssen sye sunden/ das sye got tzo kleyn und swach machen. und
haben mehr hoffnungh und vertrauhens yn ir volck/ dan
in iren gott. Oder verlassen sich auff ir gewapendt^kt volck/
unnd uff Got samptlich/ das ist eyn grosse sunde. und sol-
ten alle krygher derhalben fallen/ wye Petrus am mehre
eynsanck/ als er tzeweynigh glaubt. Matth. xiiii.³⁶⁸ Ir hoff-
nung solt alleyn unnd gantz yn got steen. ii. Paralip. xiiij
et. xvi. Judicum. vii.³⁶⁹ Wye sye steet/ das weyset ire sorgh und
trost auffs volck. Unnd ich forcht das David seynen ver-
trauhen (welchen er eyniglich tzů got vor gehabt hat) gehe-
teilt oder gemyndert hab/ als er das volck tzelet. unnd das
er yn das urteyl gotis ghefallen sey/ welches Got durch
Esaiam verkundigt also/ Ir habt vertruhenn auff eue-
re waghen das ir vil ist.³⁷⁰ Darumb hat er gesundigt/ das er
seyn volck villeicht yn solichem mißtrauhenn ghetzelt/
das dye ander nicht haben gethan. Wer David yn sey-
ner voryghen tzůversicht gestanden/ als er Golyam an-
gyeng und nyder wurff/³⁷¹ ungetzweyfelt er wer disser myssetat
erhaben^ku gewest. Ist etwas anders in der tat David ver-
porgen/ das weiß ich itzun nit. wil auch nit so vermessen und
kuehn seyn/ das ich vermelte ursach für war^kv weiß. wil auch
got mit nichte in seyn heimliche urteil fallenn. Gott verly-
he mir/ das ich seynen wyllenn erkenn/ den er wil erkannt
H4^r haben. unnd erkenn in durch sein aygen lycht. welches er
gibt und uffhebt/ das warhafftich gut tzů sehen und lieben.

Von der loeszungh.

Oben ist tzům teyl beweyst/ das leben
unnd tod an gottis willen ist gele-
gen. also/ das eyn yeder vor gottis
ougen lebet/ unnd besteet als eyn lie-
ber freund. der goͤtlichen ewyghen
willen myt gantzem hertzenn an-
nympt. Auch ist berurt/ das Gott
seynen ewygen willenn/ durch seyn
stym ym bergh Oreb verkundigt/ unnd beschrieben/ und
volgend durch seyne Propheten/ Christum/ unnd Aposte-
len yn aller welt oren hat geen/ unnd begreyffen lassen/ und
den altvettern yn gesychten unnd lebentigher stymm eynsa-
gen.³⁷² Auch das Gott den toden seyn evangelium lest ver-
kundighen/ das er sey^kw myt recht urtelen kan. i. Petri. iiii.³⁷³ des
gleichen in der selber epistel Petri am iii. ca. geschrieben stehet.³⁷⁴
Das auch Gott genůgsam durch heylige schryfft unß
wyl gelernet habenn/ tzewyssen was seynen oughen wol-
gefelt/ oder myßhagt.^kx Es begeben sych aber tzeytenn
felh³⁷⁵ unnd Sachen dye nycht in heyligher schryfft begryf-
fen seyn/ unnd solt doch nymandt etwas frevelich an-
fahen oder thůn. Dann wyr můssen von allen unseren
worten unnd werckenn rechenschafft gheben/ unnd ant-
wortenn/ ob wir gottis wyllenn dryn gesůcht und gern
gesůcht hetten/ oder not. Darumb welt ych nicht unger-
en/ das dye Christlyche leuthe den gheschichtenn der
Apostelen nach volgtenn unnd nyt varen liessen/ unnd
plapten^ky nycht myt fuessen also yns můß. sonder ernstlych
H4^v begerten gotis willen tze wissenn. unnd wan^kz sye got nicht
gnůgsam welt verstendighen/ das sye eyn loͤß wurffenn/
yn den Sachen/ welche sye durch goͤtliche schrifft nit moch-
ten fahen unnd ordtern. als dye Aposteln Mathiam/ an
die stat Jude Scharioth/ durch losungh genommen ha-
ben. Actuum. i.³⁷⁶ Wiewol dye Aposteln itzt auch vermo-
genn/ der schryfft nach erwelt werden. Aber wann^la tzwen
oder drey tzegleich in allen stucken gheschickt weren/ solte
man meynes bedunckens tzů ersten gott die sach gantz
heym geben^lb/ unnd bitten/ das gott seynen wyllenn yn ye-
nem schůff.

Die alte vetter³⁷⁷ fragten
vor allen fleissig noch gots willen.

Mir lyght nychts drann/ das meynn
wohn³⁷⁸ den Sophisten unbillich ge-
sehenn wird. dan so ich welt/ vermoͤ-
cht ich villeicht vil exempel gheben
das gottis knecht vor dem ghesetz/
ym gesetz/ unnd nach dem gesetz/ ire
handelungh mit groisser forcht got-
tis angefangen/ habenn sich auch in
hohem fleyß gemuhet/ tzuvor gotis willen vernemen/ itzt
kurtzhalb untherlaß ich soliche antzeyg. Aber das wil ich
gerathen habenn/ das sich Christen der alten loͤsungh be-
fleyssen/ welche ublich ghewest seyn/ unnd welten hertzlych
sprechen/ Syhe meyn gott/ meyn herre/ und meyn vatter/
gern welt ich dir leben/ thůn/ unnd lassen/ unnd deynenn
willen nicht alleyn ym groͤsten/ sonder auch aller kleyn-
sten verneinen und volbryngen. Wann^lc mir bewust wer
was du welsth/ und was dir gefiel. dissen weeg/ das handt-
I1^rwerck/ dysse muhe und arbeit hab ich vor mir/ als du bes
ser weist dann ich/ meyn got offenbar mir deinen willenn/
auff das ich nyt unwysselich wyder dich thůn. Du weyst
was dir behagt^ld/ unnd was mir nutz ist. verschaffe das ich
deinen^le willenn gelebe/ machs nach deynem ewigem und
barmhertzigem willen. verlyhe/ das dys loß nach deynem
goͤtlichem willen tzů gehe unnd treff.³⁷⁹ Wann^lf disse bedun-
gung (das der mensch in gotis namen unnd in der mey-
nungh loͤssenn wil) gescheh/ unnd der mensch in ein gantze
ubergebung eygens willens kaͤme^lg unnd stund/ es wurd
ym vil guts drauß kommen. Josue wurff des loß vor got
dem heren etc. Josue. xviii.³⁸⁰ unnd teylt dye erden nach dem
gluck oder loßungh/ des ist das bůch Josue vol.³⁸¹ Also sol-
ten wir auch in solchen ungeordenten sachen loßen/ unnd
gottis willen empsiglich lernen. da von ich ein andere tzeyt
handlen werd/ wil got.³⁸²

Ferlikeyt menschlicher leher
unnd tradicion.

Vorflucht ist alles das uns hyndert
an studirungh gotis willen/ und ver-
maledeyhet sey der unß abhelt von
erkundung des willen gotis. Dan
Moses stellet dem volck gots zwey-
erley fur ougen/ nemlich/ Benedey-
hung unnd verfluchung/ oder ma-
ledeyhung. Benedeyhung gibt er al-
len den/ so gotis worten gehorsam seyn/ unnd wellen thůn
oder lassen was got gebeut/ oder verbeut. Maledeyhung
wurfft Moses allen menschen uff iren nacken/ werck unde
guter/ die gotis wort oder gebothen ungehorsam seynn.
I1^v Deute. xi. das auch Josue gethan hat/ Josue. xxiii. Esa-
ias unnd andere.³⁸³ Got spricht durch Esaiam also/ Welt
ir unnd werd ir mich hoͤren/ solt ir die guter der erden essen/
das ist gotis benedeyhungen geniessenn. Aber welt ir nicht
unnd werdet mich tzů tzorn reytzenn/ sal euch das swert
verschlyncken. Esaie. i.³⁸⁴ Du můst den willenn gotis unnd
seyn werck haben/ wiltu goͤtlicher benedeyhung empfenck-
lich seyn. Darumb spricht David/ vil selikeyten des manns
welcher seynen willen in gotis gesetz hat/ unnd studiert yn
gotis gesetz tag unnd nacht. Psalm. i.³⁸⁵ Ich weis nicht/ das
Moses seynem volck hefftiger unnd dicker bevilht/ dann
das sye gotis wort stetz sollen vor iren ougen/ und ym her-
tzen haben. Das syhe Deute. am. vi. xi. xvii. xxxii. und
an vil andern enden.³⁸⁶Moses bitt unnd flehet/ gebeut unde
betreyhet/ die eltern/ das sye iren kyndern gotis wort sollen
verkundigen.³⁸⁷ Warumb thůt er das.〈?〉^lh darumb das dem volck gots/
nit noͤtlicher und nutzer ist/ dan gotis willen tzů lernen unnd
thůn. Wyderumb/ das nicht^li ferlicher^lj und verderblicher ist/ dan
gotis willen nit erkennen/ und nachlassen das gott haben wil.
Dann steet der mensch in gotis wyllen/ so steht er vor got
wol. unnd was er thůt oder lasset/ das besteeht. Wyder-
umb steet ein mensch ausserhalb gotis willen/ so steet er
gantz ubel. unnd alles das er gedenckt/ wyl/ thůt/ oder les-
set/ das steet in vermaledeyhungh. Nun ist es unmoͤglich
das eyn creatur yn hymeln oder erden gotis willen und
wyderwillen moͤg erklerenn/ es sey dann/ das ir got tzů er-
sten seynen willen erkler. Es ist tausent mal/ ya untze-
liger weys unmoͤglicher/ das eyn mensch gotis willen er-
far/ dann das ich eynes großmechtigen koͤniges gedanc-
ken oder willen (der hundert meyl von mir ist) durch meyn
weißheit moͤge erfaren. Ich kan eyns andern willen/ der
mir nah wonet/ durch meyn vernunfft oder krafft nicht er-
I2^rforschen. wye solt ich eines frembdenn mensches heymlich
en willen ergreyffenn.〈?〉^lk Wie vil weiniger moͤcht ich goͤt-
lichen willen und wolgefallen ervolgen/ oder wissen was
Gott wil/ der ferner^ll von mir ist/ dann der hymel von
der erden/ wan^lm ich seinen willen durch meyn gescheitikeit³⁸⁸
wil erlanghen. Meyn gedancken seynd menschen gedanc-
kenn gleich. ob der mensch gleych eyn keyser/ oder ein synn-
reicher Mercurius wer³⁸⁹/ unnd kan dannest^ln nycht außrich-
tenn eines anderen willen/ von mir selbert tzůlernen. was
moͤcht ich gethůn/ unnd was moͤchten alle menschen ver-
moͤghen unnd thůn/ das sye gottis willen durch aygne
weißheiten erlangten. wan aller menschen^lo krefften und ge-
dancken/ gotis gedancken ungleich seind/ unnd nymmer
goͤtlych moͤgen werdenn. Nach dem Gott selbert spricht/
Meine gedancken seynd nicht wie eure gedancken. unnd
meyne weeg seyndt nit wie eure weegh. Ja als fern die hy-
meln uber die erden erhoͤcht seynd/ so seind meyn gedanc-
kenn unnd weeg/ uber eure gedancken unnd weegh erha-
ben. spricht Got tzů den menschen/ Esaie. lv.³⁹⁰Derhalben
spricht Christus/ das alle dienste vergebens unnd umb-
sonste geschehen/ die umb menscher gesetzen beschehenn.³⁹¹
Es ist warlich ein grob esellische blyntheyt/ das die men-
schen so vermessen gewest seyn gesetz tzemachen/ wie man
got gefellich sol dienen/ der oben yn den hymeln/ unnd sy
hernyer seyndt. Aber das haben dye verfurische Bepste
gethan/ sie haben von gott gesetz gemacht/ unnd unß nit
mynder an ire dreume gepunden/ dann an gotis wort ghe-
leydt. haben auch furgeben/ ire gedancken seind gott tzů
loͤb unnd eeren gewest. unnd woͤllen den menschen vilfel-
tig tzů Gott furen/ also malen sy den besmeisten wedel³⁹²/
unnd woͤllen nicht versteen/ das aller Bepsten/ Bischo-
ven/ pfaffenn und moͤnichen gedancken erlogne und stinc-
I2^vkende gedancken seyn/ unnd seyn gots gedancken unglei
cher/ dann die gedancken eynes misthansen iren furstlich-
en gedancken ungleich seyn/ unnd sagen doch/ wye mocht
der paur oder mysthanß das erraten/ oder unß eyn gehe-
setz machenn/ der nye in eynes herren hoff kommen yst.
Aber was wurd yen Gott saghen anders/ dann er spri-
cht/ Geen unnd opfer solich dyngh deinem fursten.^lp Ma-
lachie. i.³⁹³ Aber wiewol sye des keynen befelh gehabt/ ha-
ben/ sye dannach^lq dem volck gottis gotliche leher (auß
iren tollen koͤpffen) wellen furschreyben/ wie sye dan (als
am tagh leyder ist) furgechrieben haben/ auch unß arme
leuthe an der studirungh unde erkundigung gottis willen
(welcher Got allein durch seinen eygen mund/ wort/ oder
werck offenbaret) verhyndert. Sye haben unß bedreyht^lr
iren willenn unnd meinungh/ nyt gotis willen tzů lernen/
oder der teuffel hat durch dye unsynnige romische pfaffen
und synnlose tropffen/ seyn lugenhafftig wort/ als ich vest
gleub. mit gesmuckten worten/ unnd heilighem furgeben
an tag geben. Wye der teuffel sein versůchungh Christo
furleegt mit angehefften schryfften/ also hat der teuffel auch
durch Bebiste/ Bischoven unnd moͤnichen/ statuta/ cano-
nes/ regel unnd form Christlicher tzucht unnd goͤtliches
lebens gemacht/ unnd die heilich schryfft^ls eyngeflochtenn
unnd kegen uns armen scheefflyn gebraucht/ wie er auch
heilighe schryfft kegen unserm hirten Christo Jhesu brau-
chen dorfft.³⁹⁴ unnd hat uns do hyn bracht/ das wir verkert
worden seyn/ unnd gottis willen auß menschlichen wor-
ten gesůcht haben. Darumb spricht Christus/ das volck
eeret got mit lippen^lt/ aber ir hertz ist fern.³⁹⁵ Solt es nit fern
seyn/ wen es den willen der menschen/ unnd nit gots vol-
brengt. Wir seind ergen dran gewest dann die juden/ wel-
che tzů Mosen sagten/ Geen tzů dem herren unnd hoͤr
I3^r was er sagt/ unnd verkundig uns was er will/ so woͤl
len wir es thůn. Deute. v.³⁹⁶ Dan wir haben eyn zeit lang
gesagt/ geen tzů dem Bapst unnd Bischoven syhe was
sie schreiben/ unnd das woͤllen wir thůn. nicht was got be-
hagt^lu/ sonder was sye gebieten. unnd haben dannest^lv got-
tis willen/ als ein volck gotis wellen volbrengen/ da tzů
hat uns der leytig teuffel/ durch seyne kopler tzewegen ghe-
bracht.³⁹⁷ Uns ist gleich gewest/ als wan^lw eyner sprach/ Wil-
tu thůn was dem koͤnig gefelt/ so geen tzů einem wann-
synnigenn narren unnd fraeg yen/ oder lerne was er wil/
unnd thůn das selb. Der teuffel hat seyn leher durch
Bischoven unnd Moͤnichen/ als eyn netz oder garn uber
aller menschen fluegel geworffen/ sie meisterlich gefangen
unnd gefencklich gehaltenn/ das sie gotis willenn nicht
haben erlernen moͤghen/ unnd seind noͤt halben in gottis
tzorn ersuffen.^lx Drumb seind alle Bebste/ Bischovenn
unnd moͤnichen billich des teuffels spurhund/ verflucht
unnd vermaledeyhet/ unnd allesampt in dem grymmi-
gen bann gotis verstorben unnd begraben. die unsere ar-
me eltern an erkundigung gotis willen verhyndert haben.
dann nicht alleyn seind die verflucht und vermaledeyhet
die gottis ghebot/ unnd leher nicht gehorsam seynd/ oder
nicht hoͤren/ sonder die helffer unnd verwilliger/ die verhel-
fen das gotis willen ungestudirt und unerkundt bleybt/
Ich wil eins auff den bergh Hebal steygen unnd aller-
ley vermaledeyhungh uber sye speyhenn.³⁹⁸ Gott geb das
sye das swert Esaie eins beisse unnd tzů rechte brengh.³⁹⁹
got wel seyn swert auß seiner scheyden rucken/ und uns von
dem pubischen verfurern erloͤsen Amen. Wir haben nit
von des teuffels koplern tzů warten dan schaden und nach-
teil/ leibs und sele. Es ist yen tzewenig/ das uns schaben/
kratzen und berauben/ das sye dibische geistliche fursten sein/
I3^v richten vil ungluckes tzů/ unnd helffen tzů keynem rechten/
sonder dartzů woͤllen sie unß mit sehenden^ly ougen blyndt
machen/ unde von dem wort gotis dyplich reyssenn/ unnd
irem hern dem teuffel/ des der Bapst vicarius ist/ tzů ja-
ghen. O Gott erloͤß deyn gefangen volck. laß synckenn
deynen außgestreckten arm/ dryff sye/ das sie deynen na-
men nicht lenger verkleynen.⁴⁰⁰ Hilff Gott es ist itzt tzeyt.
lere unß deynen willenn/ unnd mach das wir wellenn
unnd moͤgenn thůn/ das du wilt/ es sey tod oder leben/

Amen.

^lzGedruckt ym jair Tausent funffhundert
und dryundtzwentzick am freytag
nach Gregorii.^lz401