A1^v Frid und gnad gottes wünsch ich

Andres Bodenstain von Carolstat/ dem Er-
samen und gotforchtsamen Joͤrgen
Schencken³/ Burger zů
Schlesingen.

Nach dem du/ günstiger lieber brůder/ von mir auß
krafft Christlicher liebe/ forderst und wilt^b haben/
das ich dir dise woͤrtlin/ gelassen und gelassenhait/^c
außleg/ und sage/ waher^d sy kommen/ Bin ich gůtwillig und be-
rayt dir zůwilfaren/ zůvor angesehen/ das mein wilfaͤrig
schreyben und außlegung/ villeicht auch anderen Christen
zů nutz geraichen mag/ als ich vermůt/ dann dieweyl du das
bůchlin^e/ teütsche Theologia⁴ genant/ versteest/ und wolest
dannocht gern wissen/ waserlay bedeütung und ursprung
obgemelts woͤrtlin⁵ hett/ ist ungezweyfelt/ ir werden meer
sein/ so begern zůsehen und wissen/ was obgedachte woͤrtlein
bedeüten/ unnd waher sy kommen. Das du auch zwo bit im Va-
ter unser⁶ zůsamen geflochten/ und als widerspenig⁷ sententz
fürgetragen hast/ Nemlich/ du sprichst/ wann ich bete/ dein
wil geschech/⁸ so můß ich gelassen sein/ bette ich anders recht.
Aber so ich sprech/ Nitt fuͤre^f unns ein in versůchung/ da
(sprichst du) bin ich ungelassen/ und wil gottes willen für-
buwen⁹/ und dunckt dich gleich/ als weren dise zwen bitar-
tickel wider ainander und streyttig. Derhalben bitestu/ ich
woͤll dir auß diser schlingen helffen. Lieber brůder/ ich bin
gewertig und berait/ dir/ sonderlich in solcher sach/ nach
hoͤchstem fleyß und vermügen zůdienen. Wann aber dise zwo
fragen^g weitter umb sich greyffen/ dann man waͤnet/ ob ich
allhie kurtz und verhaben^h10 sein wurde/ das solt du mir nitt
verargen/ damit Got dem lebendigen herrn bevolhen.
Datum zů Wittenberg am Zwaintzigsten tag Apprilis.
Anno domini ⁱM. D. XXiii.ⁱ

A2^r Ob¹¹ das wort gelassen^j und gelassenhait/ ursprünck-
lich hie in Sachsen/ oder andern landen erschol-
len sey/ ist mir nit wissend^k. Das waiß ich aber/
das die Merckischen baurn^l brauchen/ und halt
es dafür/ das bey inen gemainlicher^m und breüchlicher sey/
dann bey andern/ vileicht moͤcht es inen in sonnderhait zů-
steen/ als den Mechelburgischen das wort vehlich¹² und un-
vehlich¹³/ den Düringen das woͤrtlin schleunig¹⁴/ den Bayern
verheyrn¹⁵/ den Francken dise wort mißlich¹⁶ und gelingen¹⁷/
den Schwaben jehen¹⁸ und necken. Ich rede von den bauren
und gemainem man/ unnd nit von den jhenen/ die auß der
tabulaturⁿ reden/¹⁹ unnd sag/ das gar nach²⁰ in ainem yeden
landt/ ain hoflich woͤrtlin/ als aigen gebraucht wirt. Wa
aber das woͤrtlin gelassen und gelassenhait entsprossen ist/
das laß ich auch unerkandt beleyben^o. Auch hab ichs ge-
braucht/ das²¹ ichs vermerckt^p22 hab/ bey anderen schreyben.

Was gelassen bedeüt^q.

Gelassen bedeüt sovil und geleich das/ was das wort ver-
lassen bedeüt/ wann ich wolt schreyben oder sagen/ wir sollen
frembde müntz verlassen/ moͤcht ich für das wort verlassen
das woͤrtlin gelasen setzen/ und sagen/ Wir sollen fremb-
de müntz gelassen. Als wann ainer sagt/ ich hab ain sicher ge-
lait/ dafür sprech ain Mechelbergischer/ Ich hab ain veh-
lich²³ gelait/ das seind zwayerlay wort und ain mainung²⁴/
und haben kain underschaid dann im bůchstaben und silla-
ben/ und in dem/ das ains lieplicher lautet/ oder frembder
ist dann das ander/ Bey unsern teütschen Francken ist das
wort vehlich/ seltzam und frembd/ darumb²⁵ brauchens die
Cantzelschreyber. Aber der gemain man/ paurn/ kinder/
und weyber am Rein²⁶/ im Niderland/ tragen das wort veh-
lich alle tag im mund. Also^r ist es mit dem wort gelassen/
des sich der gemain man/ pauren/ kinder und weyber/ nit
in allen landen gebrauchen. Aber in etlichen doͤrffern ists
A2^v bekandt wie keß unnd brot. Wa es frembd ist/ da wirdt es
meer geschriben dann geredt/ und von den mündtlich geuͤbt^s/
die gespreche redner sein woͤllen. Es gilt aber ain ding/ ge-
lassen und verlassen/ gelassenhait und verlassenhait. Auch
sol dich nit kümmern/ das ich zůzeiten gelasen/ durch ain
s. zůzeiten durch zway schreyb/ dann ich sihe das auch thůn/
die sich fur schreybmaister²⁷ woͤllen gehalten haben.

Welcher ain gelassen mensch ist.

¶ Der ist ain gelassen mensch/ der gelaßt oder verlaßt/ und
wiewol auch der ain gelasen mensch haissen moͤcht/ der ver-
lassen ist/ dannocht steet sein gemainer brauch in dem/ das
ainer etwas verlassen můß und abwerden²⁸/ des er will ain ge-
lassen mensch sein. Demnach steet das wort active/ das ist/
wircklich²⁹/ und in thuͤender³⁰ weiß in diser red. Ain gelassen
mensch/ und in dem ists etwas annders dann verlassen. Ur-
sach/ wann ich schreib/ der ist ain verlassen mensch/ wurdest
du ainen abnemen³¹ der verlassen ist/ passive/ das ist leydlich/
oder in leydender weiß. Yedoch leügne ich nit/ das diß woͤrt-
lin gelassen auch verlassen haißt passive/ und du gelassen
bist/ so du verlassen bist. So^t du ain lateinisch wort dar-
auff wilt haben/ waiß ich dir kain bessers zůgeben/ dann das
wort Christi/ der spricht. Woͤlcher vatter und můtter ver-
laßt etc.³² Relinquo/ sprechen die lateinischen/ und wir layen³³
sagen/ Ich gelaß oder verlaß.³⁴ Als wir haben geschriben/
der mann wirt von wegen seines weybs vater und můter ge-
lassen/ und seinem weyb anhangen.³⁵ Yedoch moͤgen wir das
wort gelasen oder verlassen durch mangerlay lateinische
woͤrtlin außreden³⁶/ als durch das wort deserere und renun-
ciare/ dimittere und der geleichen.³⁷ Sihe/ gleich wie die lieb
des weybs die lieb zů vater und můter übertrifft und ab-
schneyt/ also sol die lieb zůt got/ alle lieb und lust (so wir in
ainiger creatur haben) abschneyden/ und dem mennschen
niendert³⁸ wol sein dann in got/ ja wir můssen alle creaturen
A3^r gelasen/ woͤllen wir got zů ainem beschützer und inwoner
oder herrscher haben.

Gaistliche Ee zwischen
got und ainer geschaffen Seele.

Das ist auch die ursach/ das zwischen got und ainer glau-
bigen seele ain warhafftige vermehlung und ee steet/ unnd darumb
nennet sich Christus ainen breütigam/³⁹ und got zů^u
zeyten unsern man. Osee. ii.⁴⁰ Hie. iii.⁴¹ zůzeyten^v unser weyb.
Esaie. xlvi.⁴² Das wir auß eelicher verainung unnd pflicht
sollen versteen/ woͤlcher weiß wir alle ding gelassen/ unnd
Got allain anhangen sollen/ unnd dadurch lernen/ das
wir flaisch und gebain von Christo haben/ unnd zway ding
in ainem gaist sein sollen/ als man unnd weyb zwo per-
son in ainem flaisch seind. Ephe. v.⁴³ Das wir auch unser au-
gen zů got aufheben/ und auß seinen augen mercken sollen/
was got geliebt/ das selbe zůthůn/ oder verdreüst/ dasselb zů
meyden/ auff das wir durch absterben unnsers aigen wil-
lens/ in seinem goͤtlichem willen leben/ und werden ain ding
mit got/ als Christus und got aines ewigen willens geweßt
seind/ unnd unverenderlich bleyben. Das alles durch an-
hangung zů got geschicht/ als Paulus spricht/ Welcher
got anhanget/ der ist ain gaist mit got/⁴⁴ Und Moses/ got
ist eüch angeleymbt Deutro. x.⁴⁵

Warumb sich got mit unnser
Seele verainet.

Got stifft ain ee mit dem menschen/ das der mensch merck
und wiß/ woͤlcher massen er seynem got ist verbunden/ und
das er seinem vater/ můter/ hauß/ hof/ hab und guͤter umb
gotes willen gelassen sol/⁴⁶ und got irem eeman zů allen stel-
len/ wercken und weysen anhencklich nachvolg/ und so die
seel eeliche pflicht oder band verbricht/ das sy ain hymelhůr
und ain lesterlicher sack/ und ain stinckende eebrecherin sey
A3^v in gotes augen. Darumb nennet got alle menschen hůren
und Eebrecherin/ die wider das gebott thůn/⁴⁷ Du solt nitt
frembde goͤtter haben/⁴⁸ oder Israhel wisse das dein got ain
got ist.⁴⁹ Den selben gott sollen wir also fürchten/ das wir
kain andere macht dürffen fürchten. Deütro. iii. Esa. li.⁵⁰
Dem selben got sollen wir der massen dienen/^w das wir nie-
mandt anders dienen/ auch unns selber nit dienen/ so wir
in gotes wercken geen. Derhalben spricht Moises. Du solt
got mit gantzem hertzen und gantzer seel dienen. Deü. x. et xi.⁵¹
Got soll unser lust sein/ und er soll allain gemain werden/
Sůchen wir aber das unser/ oder schepffen lust auß gottes ga-
ben/ und ziehen sy in das unser/ so verlassen wir got/ woͤlch-
en wir nit sollen verlassen/ und überfaren⁵² eeliche gelübt/
und werden stinckende hůren und ungelassen^x seck. Auch sol
len wir got mit gantzer^y seel/ vollem hertzen/ und allen kreff-
ten lieben. Deütro. vi. et xxx.⁵³ Lieben wir uns und das un-
ser/ so gelassen wir nit alles/ und werden auch nit ain gaist
oder willen mit unnserem eeman/ welcher got ist/ von wel-
chem alle eeschafft ist entsprossen in himel und erden. Wir
muͤssen got allain anhangen/ woͤllen wir redliche breüt und
frumme eeweyber gotes sein/ und von gottes wegen unsere
eltern^z/ kinder/ unnd alle hab gelassen/ ja dartzů unser aigen
seel verlassen/ unnd ir fern^aa werden/ und mit nicht⁵⁴ meer an-
hangen.⁵⁵ Es ist aber so mißlich/ das schwerlich geschicht
das ainer gott genůgsam anhange^ab. Darumb můß das boͤß
und die sünd bekant werden/ woͤlche in unserm flaisch won-
hafftig ligt. Es ist unnser natur fast leüchter/ ainem ge-
schaffen eeweyb anzůhangen/ dann das sy irem schoͤpffer an-
hang. Deßhalben^ac ist die gelassenhait der eeleüt etwas be-
kanter/ unnd in sinnlicher weiß fast mer gebruͤfft/ dann die
verlassenhait/ welche wir got schuldig seind. Aber wir sol-
ten auß gelassenhait die eeleüt lernen/ wie wir unns aller
ding umb gottes willen solten entschlahen⁵⁶ und eüssern⁵⁷/ und
über alle creaturische wesen schwingen/ und allzeyt in go-
A4^r tes augen sehen/ wie der magt augen auff irer frauen au-
gen warten⁵⁸/ ja besser und hoͤher/ als den/ die geschaffne tu-
genten ungeschaffne und hoͤher ding anzaigen.⁵⁹ Ich hoff/
du wissest yetz baser⁶⁰/ was das wort gelassenhait bedeüt dann
vor⁶¹/ und ^adwiewol ich^ad dir gnůg gethon hab/ dannocht^ae will ich
ain rede oder zwů Christi handlen⁶²/ damit auch das boͤß la-
ster ungelassenhait/ erkant und geflogen werd.

Was ainer gelassen soll.

Darumb ist zůmercken/ das ich das mein in kainerlay
weiß und weg solt sůchen oder mainen/ wann ich got behagen
wil/ Diß wort/ mein/ begreyffet mein eere/ mein uneere/ meinen
nutz/ meinen schaden/ meinen lust/ meinen unlust/ meinen
lon/ mein pein^af/ mein leben/ meinen tod/ bitterkait/ froͤlich
hait⁶³/ und alles das ainen menschen mag anrieren/ es sey
an eüsserlichen gůtern/ unnd leyplichen oder innerlichen
dingen/ als vernunfft/ woͤllende krafft⁶⁴ und begirden. Al-
les darinn/ ich/ und ichait/ mich/ und meinhait⁶⁵ kleben⁶⁶ mag/
das selb můß außgeen und abfallen/ soll ich gelassen sein/
dann gelassenhait tringt unnd fleüßt durchauß/ über alles
das geschaffen ist/ und kumpt in ir ungeschaffen nicht/ da
sy ungeschaffen und nicht geweßt/ das ist in iren ursprung
und schoͤpffer/ wann als du nicht geweßt bist/ da bistu in er-
kantnuß und willen gotes gantz mit ainander gestanden/
und ist auf erden und himel nichts geweßt/ des du dich het-
test moͤgen mit recht annemen⁶⁷. Also soll ich und menigklich-
er noch heüt thůn/ und von mir und von den meynen nicht
wissen oder finden/ des mich gelusten moͤcht/ und solt in go-
tes willen also versuncken⁶⁸ sein/ das ich mir warhafftig-
klich erstorben⁶⁹ wer/ unnd wer mir noch übler/ also/ das ich
herbe bitterkait⁷⁰ empfund^ag und het/ das ich mit meinen be-
girden můß umbgeen/ unnd sy in mir wissen. Darumb solt
ich wünschen/ das ich an ain bitter schmachcreütz⁷¹ geschla-
gen were/ das ich auch ainen erschrecklichen grauwen vor
A4^v mir selber het/ das ich vor meinen gedancken/ begirden
und wercken/ als vor aim greülichen laster schemet/ wie ain
gelb eyterig geschwerflug⁷²/ das ich in meiner seele und kreff-
ten nichts anders sihe/ dann unvermügenhait zů allem das
gůt ist/ und widerumb vermoͤgenhait und zůnaig/ zů allem
dem/ das boͤß/ strefflich/ lesterlich und schmechlich ist/ deren^ah
ich kaines moͤcht und wolt annemen/ sonder vil lieber ver-
leügnen^ai/ als ain boͤß missethat⁷³/ das aber gůt und lobwir-
dig ist/ das solt ich alles auff⁷⁴ in den ursprung tragen/ und
dem zůerkennen/ bloß und frey und gantz/ der es geschaffen
und geben hat.

Blosse noturfft suͤchen.

Auch sollt ich nichts sůchen in allen anderen creaturen/
dann allain blosse und lautere notturfft⁷⁵/ und die selbe nit ob-
enhin/ sonder mitt grosser forcht/⁷⁶ dann wie ich mein hailig-
kait můß in grosser^aj forcht und bidmen⁷⁷ wircken/ als Pau-
lus sagt/ und David spricht/ sagend. Dienet got mit forcht
und springet im auf mit ziterung Psal. ii.⁷⁸ Also solt ich al-
ler creaturen zů blosser notturfft geniessen oder brauchen/
Wir muͤssen got dienen/ unnd das ist verlich⁷⁹. Aber da soll
nicht gesůcht werden/ dann allain/ das wir dienen muͤssen/
das ist noturfft⁸⁰. Aber dannocht soll die selb noturfft mit
grosser forcht unnd erschrecken gesůcht werden/ gleich wie
ain krancker mit grausen sein speiß nimpt zů grosser not-
turfft/ oder ertzney nimpt on lust zů schlechter erhaltung⁸¹/
darumb bat David unnsern herren/^ak sagend/ Durchheffte
mein flaisch in deiner forcht/⁸² oder als Hebreisch⁸³ innhelt/
Mein flaisch hatt sich also gefürcht/ dann mein hare gen
berg steygen.⁸⁴ Psal.⁸⁵ Als sagt David/ Mein flaisch hatt
ain grausame forcht in deiner forcht/ gewißlich ain grau-
sames bidmen⁸⁶/ das sy sich ye nicht anneme das gůtt ist/⁸⁷
ja essen und trincken ist des leybs noturfft/ dannocht sůcht
der gotforchtsam mennsch das selb mit grosser forcht/ und
B1^r huͤte sich ye/ das er des nit vergeß/ der im essen und trincken
beschert hat/ der allain got ist. Deutro. viii. et vi.⁸⁸

Aller lust/ on gotes ist sünd.

Es ist aller lust sünd/ und ist bald geschehen/ das sich ai-
ner an essen und trincken vergreyfft und verbrennet/ und
wer uns nützer/ wir besprengten essen und trincken mitt aͤsch-
en^al89/ dann das wir unser maltzeit lassen besingen/ dann des lu-
stes art thůt uns an gotes erkantnuß/ und goͤtlichem werck
verhindern/ derhalben spricht Esaias/ Ir hapt harpffen/
Leyren/ baucken⁹⁰/ schalmeyen/ und wein in euwerm wolle-
ben/ und haben nit achtung auff gottes werck/ unnd be-
tracht nit die werck seiner hend/ Esaie v.^am91 Es ist ferlich⁹²/
das allerminst⁹³ ding mit lüsten zůbrauchen/ dann alles das ai-
nen gelust/ das ist sein hertz und schatz/ als Christus⁹⁴ spricht^an/
und macht in^ao zů ainem knecht/ unnd besitzt in als ain herr
sein vich besitzet. Darumb sollen wir alle noturfft⁹⁵ (mitt
forcht) bitten/ sůchen/ nemen unnd geniessen/ unnd derhalb
mit forcht/ das wir kaines gůtten wirdig seyen/ dann so ich
mich ansich^ap und erkenn/ so find ich/ das ich und meine krefft/
und alles das mir zůsteen mag/ nichts werdt ist/ das nichts
gůttes in mir und in den meinen ist/ unnd scheme mich des
meinen/ wie moͤcht ichs dann annemen und lieben? In mir
find ich boͤse gifftige zůnaigung zů dem boͤsen/ nach dem als
got sagt/ die gedancken des mennschen seind zů dem argen
genaigt/⁹⁶ Allerlay gebresten⁹⁷ und untugent find ich in mir/
welche ich meer woͤlt fliehen dann sůchen. Derwegen dringt
gelassenhait durch alles das mein/ und urtailet mich und
alles das mein ist/ aller gůthait unwirdig und spricht/ Mir
gebür nicht gůtes von recht/ das gott oder ain creatur ge-
ben kan/⁹⁸ das ich auch solt in allem^aq dem meinen gestrafft
werden/ und das ich der straff kaum^ar wirdig bin.⁹⁹ Also fleügt
gelassenhait überauß/ und wirfft den menschen in ain ge-
strenge verachtung und gruwen^as seyn selber/ unnd machet/
B1^v das der mensch denckt/ es ist zimlich¹⁰⁰ und recht/ das gott und
alle sein creaturen wider mich seind/¹⁰¹ als geschriben steet/
vermaledeyet ist der/ der da spricht/ Warumb machest du
mich also.¹⁰²

Ungelassenhait.

Aber die teüffelisch untugent/ annemligkait¹⁰³ oder unge-
lassenhait/ greyffet nach frembder eer und gůt (als der Lu-
cifer nach gotes glorie griff¹⁰⁴) die hat ainen blinden kopff/ und
kan des menschen umbstend/ grobhait¹⁰⁵/ und anhengig gebre-
sten¹⁰⁶ oder boßhaiten nit erkennen. Sy besicht¹⁰⁷ sich/ aber findt
kain unwirdigkait in ir/ und felschet also gottes urtayl und ge-
rechtigkait. Diße gifftig boßhait/ schetzt sich alles^at gůtten
wirdig/ und sůcht lust und aigen thůn in allem dem/ das
got gibt/ und zürnet/ so ir etwas gůtes abgezogen wirt/ das
ir ist stets das best/ lobt man yemandts/ so rimpfft sy das
maul/ das^au nit das ir gelobt würt^av. Empfacht^aw ain andrer
etwas gůts/ und sy nitt/ so zürnet sy hefftigklich/ und spricht/
got sey ungerecht. Zů allen dingen wil sy recht/ und in al-
len nottürfften^ax ergetzlichait und wolust haben/ ir sol nicht
abgeen¹⁰⁸/ sonder stets wol sein. So sy überwunden¹⁰⁹ ist/ das sy
unrecht hat/ wendt¹¹⁰ sy vil behelffred für/ und bedeckt (mitt ent-
schuldigung) was sy kan. Darumb hayßt sy billich¹¹¹ ungelas-
senhait/ weyl sy nichts gůts wil verlassen/ und Annemlig-
kait¹¹²/ das sy sich aller tugent fast annimpt/ und in sich mi
lüsten zeücht/ und für das ir achtet.

Underschaid zwischen gelas-
senhait und ungelassenhait.

Gelassenhait hat alle lieb und lust on mittel/ in got lau-
ter¹¹³/ und liebet got nicht als das oder jhenes/ sonder als ain
wesenlich güt. Ungelassenhait hat lust und lieb/ in dem/
das geschaffen ist/ und liebet diß oder jhenes gůt/ als ir ai-
gen gůt. Ob sy auch gleych tausent mal von gott thet reden
B2^r und predigen^ay/ dannocht steet ir lust in dem/ das sy reden kan/
oder in irer weißhait/ oder in dem bůchstaben/ welchen sy zů
aigem rům/ lob/ gelust und schatz gefaßt/ und in sich gezo-
gen hat/ und nit bloßlich¹¹⁴ in got. Exempel/ Ich wenet〈/〉 ich
wer ain Christ geweßt/ wann ich tieff unnd schoͤn sprüch auß
Hiere.¹¹⁵ geschrifft klaubet/ und behielt sy zů der disputation/
lection/ predig/ oder ander reden und schreyben/ und es solt
got auß der massen wolgefallen/ Aber als ich mich recht be-
san unnd bedacht/ da fand ich/ das ich weder got erkant/
noch das hoͤchst gůt/ als gůt liebet. Ich sach〈/〉 das der geschaf-
fen bůchstabe^az/ das was^ba/ das ich erkant und liebet/ in dem-
selben růwet ich/ und der selb was mein got/ und mercket
nicht/ das got durch Hieremiam gesprochen hat. Die mein
gesetz halten/ die erkennen mich nit/ und sy haben auch nicht
nach mir gefragt Hiere. ii.¹¹⁶ Sich da/ wie kan ainer das ge-
setz gottes handeln und halten/ unnd got weder erkennen/
oder^bb nach ime fragen/ den bůchstaben erkent ainer wol/ oder
hat lust in ime/ aber gott erkennet er nit/ wann er mit lieb und
lust in dem bůchstaben steet/ dann die gottes süne¹¹⁷ seind/ die
werden^bc von gott^bd getriben/ nit vonn dem bůchstaben.^be118 Ja〈/〉
es ist dise weißhait vermaledeyt/ und nit ain goͤtliche/ son-
der ain menschliche weißhait/ über welche got spricht. Wee
eüch/ so weiß seind in eüwern augen/ und vor eüch selber für-
sichtig. Esaie. v.¹¹⁹ Was ist dise weißhait anders/ dann ain
weißhait in menschen augen/¹²⁰ wann wir die schrifft und ande-
re creaturen (auß welchen wir got solten erkennen und lie-
ben) zů unnserm lust eintragen¹²¹/ und woͤllen etwas vor ai-
nem anndern wissen/ als layder vil layen yetz/ die schrifft
fassen und lernen/ das sy in zaichen wol leben und reden/ et-
was vor ainem andern wissen/ ist das nitt ain weißhait in un-
sern augen? frag dein hertz/ und antwurt mir. Ists nit ain
verflůchte weißhait? liß Esaiam/ Paulum und Christum/ und
merck das du got nit sůchest/ sonder dich/ dann du můst hoͤrn
in deinem hertzen/ das Christus zů ainem gleichen fal sprach.
B2^v Ir sůcht mich nit darumb das ir zaychen habt gesehen/ son-
der derhalb/ das ir geessen^bf hapt und satt seind. Joan. vi.¹²²
Also sůchen wir got auch nitt in diser weiß/ als angezaigt
ist/ darumb das er got ist oder uns sein wort geben hat/¹²³ son-
der derhalben/ das wir wol von der geschrifft reden künden/
und werden gesehen unnd gelobt/ Sihe da merck wie lüstig-
klich^bg dise untugent handelt/ welche ich annemlichait¹²⁴ und
ungelassenhait nenn/ wie bald sy sich sůcht. Wann aber ich/
mein ich/ unnd ichait/¹²⁵ ichts¹²⁶ und etwas künd^bh zůboden und grund¹²⁷
gelassen/ und leyden/ das ich in aller menschen augen nicht
wer und wurd/ so mecht ich in recht erkantnuß und lieb go-
tes kommen/ und ain gelassen mennsch werden. Wann das
geschech/ ungezweyfelt/ ich wurd weder schreyben noch pre-
digen/ vermanen oder verhindern/ weder loben noch schel-
ten/ und sagen. Ich habe meine fuͤß gewaschen/ meine klay-
der außgezogen/ und ich schlaff/ aber meyn hertz das wach-
et/ solt ich wider auff steen/ Ich erfreu mich in innerlich-
em hoͤren/ solt ich leeren oder predigen und mich beflecken/
Canti. v.¹²⁸ Ich wurde mich aller reden enthalten/ und nicht
leeren/ ich wer dann auß goͤtlichem gehorsam/ bruͤderlicher
lieb/ und Christlicher treuw dartzů getriben/ doch wurd
ich das alles/ auß grosser forcht umb Gottes willen und ere/
und so wenig thůn als müglich ist/¹²⁹ dann es ist grosse ferlig-
kait¹³⁰ allenthalben/ Darumb/ das uns ungelassenhait mech-
tigklich anficht. Christus spricht/ Ain yeder auß eüch/ der
nit allen dingen urlaub gibt/ so er besitzet/ der mag nitt
mein leerjunger^bi sein. Luce xiiii.¹³¹

Gelassenhait berait die Seel
zů der Studierung goͤtlicher ding^bj.¹³²

Es ist kain geringere beraitung¹³³/ dann dise/ das ainer ain
leerjunger^bk oder discipul werd. Wann ainer ain handtwerck
wil lernen/ so bedarff er nit der ains/ der sein maister tau-
sent behofft¹³⁴. Under allen schicklichaiten^bl135/ ist das die minst/
B3^r woͤlche leerjung haben miessen/ wiewol sy groß und etwas
ist/ ist sy geringschetziger dann geschicklichait des maisters/
Aber Christus fordert von seinen leerjungern^bm ain soliche ge-
schicklichait/ welche über alle natürliche krefften ist. Er
will das wir alles gelassen sollen/ das wir besitzen¹³⁶/ und das
wir kain creaturisch ding in unser seel lassen eingeen/ und
das die seele alle ding überwind. Aber das ist aller vernunfft
unmüglich/ als Christus bekent/ sagend. Das bey den men-
schen unmüglich ist/ das ist müglich bey Gott.¹³⁷ Das ain
mensch sein guͤtter verlaß umb gottes willen/ das vermag
er nit/ es sey dann/ das ims got in sonnderhait und wunder-
barlich ain solchen gelaß verleych.¹³⁸ Socrates¹³⁹ und andere
alte gesellen/ haben reichtumb an gelt gering geschetzt/ ab-
er reichtumb der weißhait/ ist inen so werd und hochschetzig
geweßt/ das sy nit zeytliche guͤter verliessen/ sonder umb
bessere güeter wechselten oder verkaufften/ Darumb haben
sy nit guͤtter verlassen umb gotes willen/ sonder umb weiß-
hait/ willen die doch vor gotes augen ain thorhait ist/ als ge-
schriben steet/ Weißhait diser welt/ ist ain thorhait vor got.¹⁴⁰
Derhalben muͤssen alle menschen/ weltliche fürsichtigkait
auch gelassen/ und bey der welt narren werden/ woͤllen sy
klůg unnd weiß vor got werden. i. Corinth. iii.¹⁴¹ Demnach ist
scheinlich/ das die alten Philosophi guͤtter nit gentzlich
verlassen/ sonder bley für gold gelassen haben. Diser gelaß
ist nit ain geschicklichait¹⁴² aines leerknaben Christi/ mit sol-
ichen gewin gelassen/ sonder umb gotes willen verzeyhen/
dann es ye zwayerlay ist/ wechseln und verzeyhen/ oder ge-
lassen und beytten. Derhalben sag ich/ das dise beraitung¹⁴³
(so ain schůler Christi soll haben) wichtiger ist/ dann alle an-
dere beraitung aines leerjungen/ der weltliche künst oder
handtwerck gedaͤchte zůlernen.

Erste forderung aines Maisters.

Vor allem fordert^bn ain maister von seinem schůler/ das
B3^v er lieb und lust zů seinem handtwerck hab. Wa ain lustige
begerung zů ainer leer nit verhanden ist/ da ist hopffen und
maltz verloren/ hat er aber lust und lieb zů der kunst seines
maisters/ zweyfelt man nitt/ das der jung bequem¹⁴⁴ sey zů
lernen. Auch můß der leerjunger^bo neydes unnd hasses ledig
sein zů dem Maister und seiner kunst/ das volget von noͤ-
ten auß dem ersten.

Geschicklichait des leerjun-
gen Christi/ ist die hoͤchst^bp.

Aber Christus leget seinen leerjungen ain geschicklichait
für¹⁴⁵/ die überauß meer ist/ als das der mensch aller lusten
und troͤsten bloß¹⁴⁶ und letig sey/ und spricht glat auß/ Wel-
cher nit alle ding verlaßt/ der kan nitt mein discipul oder
leerknab sein. Luce xiiii.¹⁴⁷ Das ist sovil gesagt/ Es ist un-
müglich das yemand mein leerjunger sey/ ^bqweil er^bq ain klains
dinglin besitzt/ Das ist hoffnung oder trost/ lust oder lieb/
in ainem minsten¹⁴⁸ oder hoͤchsten ding hat. Gůt haben/ ist
vertrauwen in gůtt/ dann als sich Christus selber verklert/
Gelt haben/ ist vertrauwen und trost in gelt und gůt hab-
en. Marci. xi.¹⁴⁹ Derhalben ist gelt verlassen so vil/ als weder
hoffnung/ noch trost/ noch lust oder lieb in gelt haben/ das
ist besser dann gelt leyplich lassen/ oder mit der that gelassen/
und in begirden behalten. Nun wie Christus dise gelassen-
hait im gelt erleütert hat/ also ist sy auch in andern stucken
zůvernemen/ und ist das zil/ darauff Moses/ Propheten/
Christus/ und seine Apostel deyten und weysen/ das die jhene/
so etwas haben/ sollen sein/ als hetten sy nicht/ und wider-
umb die unhabende und arme sollen sein/ als die habenden
und reichen/¹⁵⁰ Die arm seind/ sollen kain sorg haben/ was sy
morgen essen/ oder wer sy speysen würt/¹⁵¹ die habenden^br sollen
auch mit nicht sich ires gelts getroͤsten/ ob sy aller guͤter be-
raubt weren/ sollen sy sagen/ got hat sy geben/ got hatt sy
genommen/ wie es got behagt/ also ists gescheen/ der namen
B4^r gotes sey gelobt und wolgesagt. Job i.¹⁵² Sy miessen gedenck-
en/ das sy got gleich so wol bloß^bs auff erdtrich biß ins grab
ernoͤrn¹⁵³ mag/ als er sy bloß zum leben bracht hat/ wie Job
sagt. Ich bin nackend geborn/ und würd nackend oder bloß
in die erden geen¹⁵⁴/ und es ist auch also in der warhait/ wann
uns got nit speyset und fůret^bt/ ob wir gleych essen und trunck-
en/ wurden wir doch nit satt/ als Osee. iiii.¹⁵⁵ steet. Darumb
nur freysamlich¹⁵⁶ gearbait/ aber doch on sorg/ so mügen wir
gottes leerjunger^bu werden/ in disem fal/ sunst ist es unmüg-
lich/ das wir etwas in der warhait und im gaist von got ler-
nen unnd einnemen. Also sichst du das gelassenhait ain an-
fang Christlichs leben ist/ und můß alle goͤtliche tugent er-
halten/ wa sy nit wachet/ da felt der leerjunger^bv vonn der
schůl Christi/¹⁵⁷ dann Christus spricht. Non potest meus disci-
pulus.¹⁵⁸ Es ist nit müglich/ das ain sollicher ungelaßner
mensch mein junger werd/ der ain dinglin besitzt^bw/ oder nit
aller ding gelassen ist. Demnach miessen alle ding verlas-
sen werden/ und unser annemen zůboden sincken/ und wie der
wind ain steüblin verweet/^bx zerstreüt werden.

Gelassenhait in gelassenhait.

So můstu auch achtung haben/ das du gelassenhait in
gelassenhait habest/ das ist/ das du dich deiner gelassenhait
nit annemest/ das du nit deine hoͤchste tugent mit lieb und
lust besitzest/¹⁵⁹ die dich in got tragen solt/ und das du nit da
steest/ da du vor^by fliehen soltest. Ob du in thůender und wirck-
ender weiß¹⁶⁰ werest gelassen geweßt/ und hettest weder in dei-
nem leyden oder wercken lust und lieb gehabt/ sonder es waͤr
in deinem gemůt gar nichts gesehen oder geacht/ unnd ge-
daͤchtest bey dir/ Ich darff nit das minst brot oder korn/
(von rechts wegen) von gott fordern^bz/ unnd wissest das dir
^carecht geschech^ca/ so dir gott weder narung noch leben/ noch
himelreych geben solt/ unnd thet dir recht/ wann du ver-
derben soltest. So muͤssest du dannocht dise edle tugent
B4^v auch gelassen/ und ernstlich verwarten/ das du nit dein ge-
lassenhait mit gunst/ lieb/ lust und aigenschafft besetzest/
dann Christus spricht mit liechten worten/ es sey dann/ das
ainer alle ding gelaß/ die er besitzt/ so mag er nit mein jung-
er sein¹⁶¹. Sihe nun/ wie bitter und herb die schůl Christi ist/
und ob es unser vernunfft/ willen und natur nit ain greü-
lich jemerlich ding ist/ Und merck ob Christus recht gesagt
hatt/ Woͤlcher nit sein Creütz tregt/ und geet nach mir/ der
kan nit mein leerjunger sein Luce. xiiii.¹⁶² Das sagt Cristus
ee er dise gemain schlußred setzt/ die ich obgehandelt hab¹⁶³/ da-
mit leeret Christus/ das solliche gelassenhait/ die alle ding
übergibt/ ain teglich Creütz ist/ welches wir teglich¹⁶⁴ tragen
muͤssen und nicht stilsteen/ sonder Christo nachvolgen/ und
da sein mit willen/ gedancken/ lieb/ lust/ layd/ unnd allem
dem unsern/ da Christus ist zů der gerechten gottes/ in go-
tes ewigen willen verschmeltzen und zů nicht werden.¹⁶⁵

Fürschlag¹⁶⁶ oder rechnung¹⁶⁷
der geschicklichait¹⁶⁸.

Auch hatt Christus nit ainmal/ noch an ainem ende/ son-
der an vil enden/ und an ainem end offt von diser tugendt
gesagt/ das ain leerjunger thůn můß/ sam¹⁶⁹ ainer thůn woͤlt
der ain hauß oder thurn¹⁷⁰ gedechte zůbuwen^cb/ der zůvor^cc sein
taschen und beütel klopffet/ unnd sein vermoͤgen rechnen
woͤlt/ ob er sollichen bau moͤcht volbringen/ und so er merck
et/ das er genůgsam vermag/ so hebt er an zůbauwen.¹⁷¹ Deß-
geleichen sollen alle Christen thůn/ yegkliche/ so Christi
schůler werden woͤllen/ die muͤssen sich erstlich aller ding er-
wegen^cd und verzeyhen/ Ja sy muͤssen alle ding letzlich abge-
segnen/ und in der weiß und mainung gelassen/ als ainer
etwas entlich verlaßt/ das er hasset/ unnd nit meer zů sich
nemen wil/ das ist/ renunciare/ letzlich urlauben und von
sich treyben. Woͤlcher also alle ding gelaßt/ der mag ain
discipul und leerjung Christi werden/ dise seel můß noch auff
C1^r disen heüttigen tag formloß^ce sein/ das ist/ bloß und wuͤst¹⁷² sein
aller Creaturen/ wann sy got sol einnemen unnd geschehen
lassen/ das sy got besitzet/ herrschet unnd zyeret/ als in der er-
sten schaffung was (himels und erden). Woͤlcher dann nitt
findt/ das er sich verzeyhen kan aller creaturen/ hailigen/
und unhailigen/ gaistlichen und leyplichen/ himlischen und
irdischen/ der denck nur nit/ das er ain leerjunger Christi
werden müg/ laß im kainer traumen/ das got eingee/ wann
creaturen die seel erfüllen/ troͤsten oder gelusten Hie. vii.¹⁷³
Sy seind in iren gelüsten und boßhaitten ires hertzens von
mir gangen/ unnd haben mich nit woͤllen hoͤrn. Hiere. vii.¹⁷⁴
Wann wir ainem solchen herrn den ruck zůkerten¹⁷⁵ und weiß-
ten/ solt er uns sein angesicht zůkeren und günnen? Nain
die doppelbůben (etliche keßjeger)¹⁷⁶ haben auß diser verzey-
hung ain lotterspil gemacht/ und das/ renunciare genent/
vor den leüten nicht haben/ und im kloster voller reichtumb
sein/ Eüsserlich nicht gůts thůn/ und inwendig voller
blůts (das ist/ ha? und neydes) seind. Der welt sich mit wor-
ten erwegen und widersagen/ und dem teüfel und ainer welt-
lichen^cf welt in ir garn fliehen.¹⁷⁷ Das laß ich yetz faren/ aber
das ist erlogen und ain bůbenstuck/ das sy sprechen. Es ge-
hoͤrt den München zů/ sich aller ding verzeyhen.¹⁷⁸ Dann Chri-
stus sagt/ das ain leerjunger allen dingen urlaub¹⁷⁹ geben/
und sy zů letsten gesegnen soll/ mit verzeyhung aller hoff-
nung wider zůbesitzen/ woͤlcher das nit thůt/ der wirt ver-
spot/ als der ainer/ so ainen bau anhebt¹⁸⁰/ den er nit kan
volbringen.¹⁸¹

Waserlay ding zuverlassen seind.

Nu moͤcht ainer fragen/ woͤlche ding soll ich gelassen/ so
ich ain leerjunger Christi werden wil? Und wie haissen die
guͤter/ woͤlchen ainer solt widersagen/ so er getaufft/ oder
ain leerjunger Christi würt? Darauff antwurten Prophe-
ten also.¹⁸² Aller ding/ so in himel und erden seind/ můstu dich
C1^v verzeyhen/ unnd hertzlich unnd ewigklich entschlahen/ sy
nimmermeer mit trost und lust zuhaben/ dann sovil got haben
wil/ und fordert Christus macht solche guͤter namhaffti-
ger/ dann etliche Propheten/ als er auch ain außleüchtend
liecht ist.¹⁸³ Wann ich der Propheten sprüch solt erzelen/ můst
ich ain gantz bůchlin machen/ das nitt tauglich ist. Dar-
umb wil ich ainen tapffern spruch nemen/ des allergelas
senste knecht gotes Mosi/ der also spricht/ Du solt got lie-
ben auß gantzem hertzen/ auß gantzer seel/ und auß gantzen
krefften^cg Deutro. vi. x. xxx.¹⁸⁴ Sihe da/ das ich got allain lie-
ben sol/ ist dem also/ so ist mir verbotten/ das ich etwas mit
lieb und lust annem/ das nit got ist/ das geschicht im glau-
ben/ woͤlcher ist als ain senffkoͤrnlin^ch.¹⁸⁵ Het ich etwas neben
got lieb/ so liebet ich gott nit mit gantzem hertzen/ dann die
stat meines hertzens/ die ain annder ding lieb hat/ die wirt
got entzogen/ und moͤcht nit gesein/ das ich got mit gantzem
hertzen liebet. Dise lieb ist ain gaistliche beschneydung/¹⁸⁶ diß
ist ain abschneydung aller creaturen vom hertzen. Deutro.
xxx. Hiere. iii.¹⁸⁷ Wann nit alle creaturen vom hertzen geschai-
den seind/ so kan das hertz got nit gentzlich lieben. Wann
hilff/ trost/ vertrauwen/ in ainigem ding gesůcht wer/ das
nit got ist/ so wer das hertz unbeschnitten.

Der glaub beschneyt das hertz.

Derwegen spricht man/ das der glaub das hertz beschney-
de/ derhalben/ das er das hertz auff/ in gottes vertrauwen
hebt/ und macht es sonst aller ding trostloß.

Unbeschnitten oren.

Sihe/ Hieremias spricht/ Unbeschnitten oren künden
nit hoͤrn〈/〉 was got leeret. Hiere. vi.¹⁸⁸ Was ist das anders/ dann
das Christus saget/ woͤlcher nit alle ding gelasset/ der kan
nit mein junger sein Luce. xiiii.¹⁸⁹ So merck ich klaͤrlich/ das
ain ungelassen ore/ ain unbeschniten or ist/ und kan darumb
C2^r nit hoͤrn/ das mit lüsten und vertruwen anderer leeren und
creaturen ist besessen/ das ist/ das auch gott spricht durch
Hieremiam. Ich sagt/ hoͤrend mein stimm/ so würde ich eü-
er got/ und ir mein volck. Aber sy haben nitt gehoͤrt/ und
haben ire oren nit genaigt/ sonder sy seind in iren wollusten
hinweg gangen etc. Hiere. vii.¹⁹⁰ Ist nit das klar/ das ain un-
beschnitten hertz oder ore/ ain hertz oder ore ist/ das wollust
hat in andern leeren/ so nit von got geben seind/ oder das
sunst in andern dingen lust/ lieb/ trost oder forcht und be-
sorg hat/ und nit alle lieb oder laid in got hat/ von gotes we-
gen hat. Darab mag menigklicher versteen/ das ain beschni-
ten hertz/ sich aller creaturen vor verzeicht und alles/ das
nit got ist/ gelasset/¹⁹¹ das auch kain hertz got gentzlich/ mit
gantzem umbgriff¹⁹² und voller^ci lieben kan/ wann sichs mit ewi-
ger^cj creatur verainet oder vermischt/ ursach/ welcher gott
gantz anhangt/ der vermag nit/ an etwas anders hangen/
Nu alleweil wir got allain/ und gantz můssen anhangen/
(Deu. x. Josue xxiii.¹⁹³) volget/ das unser hertz nit zum tail an
got/ zum tail an engeln oder hailigen hangen darff/ sonst
hieng es nit allain an got/ sonder auch an andern dingen.¹⁹⁴

Gelassenhait der hailigen.

Gleicherweiß alle voͤlcker gotse seind/ und got hat sich
doch sonnderlich und allain an sein außerwoͤlt volck ge-
leimbt¹⁹⁵/ und nit andere voͤlcker. Deut. x.¹⁹⁶ Also můß sich das
hertz allain an got binden und anleymen/ wiewol es sunst
vil hailigen/ Engel und menschen vor augen/ oder in ge-
dechtnuß moͤcht haben/ das ist/ das got spricht. Ich hab das
hauß Israhel und Juda an mich geleimbt/ das mein volck
werd/ zů meinem namen/ zů meiner glorien und lob. Hiere.
xiii. et xxx.¹⁹⁷ Wir můssen nit zů den hailigen schreyen oder
lauffen/ sonder zů got/ der unns derhalben an sich gehefft
hat/ das wir nach im geen/ und verlassen Engel und haili-
gen/ můst ich dann zůerrettung schreyben/ das leym ist lieb.
C2^v Auch ist zůmercken/ das gott mit dem leymen an sich ley-
met und anhenckt/ den Moses die lieb haißt/ das magst du
sehen Josue. xxiii.¹⁹⁸ Was er ankleben oder anhangen haißt/
i. Regum. xviii.^ck et xix.^cl199 Dieweil dann ain recht gelaubig
hertz an nicht anders klebet/ dann an got/ und die lieb got-
tes der leym ist/ welcher an gott bindet/ volget/ das ain be-
schniten unnd liebhabend hertz/ alle creaturen mitainan-
der gelassen hat/ und an nicht anders mit lieb klebt/ dann
an got. Es ist auch unmüglich/ das gotes lieb in ain hertz
eingee/ es sey dann/ das lieb/ lust/ trost und vertrauwen aller
creaturen von ainem hertzen fallen/ Derhalben spricht Mo-
ses/ das got das hertz zů erst beschneyd/ das ist/ die creatu-
ren auß dem hertzen treybt/ und das sollich beschneydung
und außtreybung der creaturen derhalben geschicht/ das
wir got mit gantzem hertzen mügen liebhaben. Sagend/
Got wirt dein hertz beschneyden/ auf das du in mit gantz-
em hertzen liebhabest. Deutro. xxx.²⁰⁰

Niemandt kan sich sel-
ber beschneyden.

Nicht das solche lieb auß unnsern krefften wachs. Nain.
Got můß seinen leym selber^cm anstreychen/ dann got spricht/
Ja ich wird in zů mir zůfuͤgen²⁰¹ oder mir zůaigen/ und er wirt
zů mir kommen/ dann warumb? Woͤlcher moͤcht sich zů mir
naigen/ auff das er mir nah^cn werd? Hiere. xxx.²⁰² Es kan sich
kain hertz/ der creaturen ledig und bloß machen/ auß aigen
krefften/ sonder got der beschneydt/ darumb warden die kin-
der von andern beschnitten/ damit angezaigt würd/ das
sich kainer der creaturen moͤcht hertzlich und ewigklich er-
wegen und verzeyhen. Es vermag auch kain hertz/ das es
sich auß aigen vermoͤgen zů got naig oder fuͤg/ sonder got
můß alle ding in seinem hauß oder tempel selber schaffen
und ordnen/ die er darein haben will.

Prepucium verstopffung.

Die Juden verteütschen das wortt prepucium²⁰³/ mitt ai-
nem bequemen²⁰⁴ wort/ sagend/ es haiß ain verstopffung/ und
beschneydung/ sey ain wegnemung der verstopffung.²⁰⁵ Ai-
gentlich ist das hertz verstopfft und verhoͤrt/ das unbeschnit-
ten ist/ und es ist gewiß/ das die creaturen/ menschlich hertz
verstopffen/ also/ das got nit will eingeen/ und sein hauß be-
sitzen/ ee die creaturen abfallen/ und seel bloß und letig wirt.

Es ist ain ding/ gelassen sein/
und ain beschnitten hertz haben.

Nu sich/ ob nit ain mainung ist. Es kan niemant got
lieben/ es sey dann/ das sein hertz beschnitten werd/ von al-
len gelüsten/ vertrauwen/ troͤsten und forchten der creatu-
ren. Das Moses sagt/ und das Christus spricht. Es sey
dann/ das ainer alle ding gelaß/ welche er besitzt (das ist/ dar-
inn er trost/ lust/ vertruwen/ oder forcht hat) so mag er mein
leerjunger nit sein.²⁰⁶ Wir lesen/ das Cristus mangerlay leüt
zů seinem abentmal berůfft/ der kainer kam/ sonder ain ye-
der entschuldiget sich. Der ain/ mit ainem erkaufften dorff/
der ander mit Ochssen/ der drit durch Eestifftung etc. Lu-
ce xiiii.²⁰⁷ Die selben entdeckten ire verstopfften und ungelaß-
ne hertzen in dem allensampt/ das sy gotes stimm und ladung
zů ainem gůtten mal/ nit mochten oder wolten annemen/
und Christus gab das exempel/ sonderlich das wir lerneten
wie sy der haußwirt zů gast und froͤlichait gebeten hab/ und
nit für gericht oder rechnung/ dannocht wollten sy nit kom-
men/ das die warhait ye bekant wurd/ das kain hertz got-
tes stimm annemen mag/ das lust/ lieb/ sorg/ unnd forcht in
creaturen hat/ mag es nit ain freüntliche ladung gottes
annemen/ wie moͤcht es feindtliche und zornige forderung
leyden? Darumb spricht Christus/ es sey dann/ das ainer alle
ding gelaß etc.²⁰⁸ Es hat auch Cristus in gedachter Parabol
C3^v stucke der creaturen genent/ die wir verlassen moͤssen/ so wir
sein leer oder stimm woͤllen annemen^co und behalten/ got war-
hafftigklich erkennen und lieb haben. Christus nennt ain
dorff/ Ochssen/ und Eeweyb/ und wiewol dise genente creatu-
ren/ auch alle andern creaturen anzaigen/ woͤlche wir ge-
lassen sollen. Yedoch wil ich euch andre namhafftig mach-
en/ die auch Christus hat namhafftig gemacht/ Christus
nennet heüser^cp/ aͤcker. Matthei. xix. Marci. am x.²⁰⁹ Brůder
Schwester/ vatter/ můtter/ kinder/ eeweyb. Mat.^cq et Mar-
ci^cr eodem. Luce. xviii.²¹⁰ Item unser aigen seele. Luce. xiiii.
xvii. Marci. viii. Joan. xii.²¹¹

Grad des Sichhait²¹² und ichhait.

Bey dißen creaturen sollen wir auch andere versteen/
und ob gleich kain creatur benent/ wer doch das genůg/ das
sich der mensch selber sol verlassen/ dann der mensch ist das
gantz/ und die niderst creaturen/ die tail/ also/ der mensch
zeitten alle creatur gehaissen/ und von etlichen die klaine
welt.²¹³ Seintemal^cs214 die menschlich natur in sich/ aller irdi-
schen creaturen〈/〉 wesen oder art beschleüßt²¹⁵/ als nemlich. Der
mensch hat in sich das wesen/ welches allen elementen/
stain und holtz gemain ist/ das ist/ ain gemain wesenlich selb-
stendigkait. Darnach hat der mensch ain lebendig wesen/
welches er gemain hat/ mit graß/ laub/ baumen/ und der
geleychen/ woͤlche ain wachsendes und lebendiges wesen
haben/ das für das ander. Für das drit/ hat der mensch ain
befindtlichs²¹⁶ leben/ woͤlches fület und empfindt^ct/ das hat er
mit thieren und vich gemain/ als kuͤ/ Ochssen/ schaff/ zy-
gen/ boͤck/ hirsch etc. haben. Für das vierdt/ hat er ain son-
derlich vernünfftig leben/ er ist vernünfftig/ fürsichtig/
und weyß/ er will und begeret/ er underschaidet und erwoͤ-
let.²¹⁷ In dem grad^cu uberdritt^cv er alle niderste creaturen/ er
wer auch ir herre geweßt/ unnd bliben/ wann er seinen ober-
herrn/ got/ erkant/ und ewige gehorsam gelaist hett. Aber
C4^r als er von der ordnung fiel²¹⁸/ da fielen auch die andern thier
auß irem gehorsam/ und eingesatzter forcht/ Woͤlcher ab-
er gott widerumb in vollem gehorsam erkennen und lieben
moͤcht/ der wurd ain herrscher aller creaturn/ es vermoͤcht
im weder gyfft/ noch schlangen/ noch Basalisck beschedi-
gen〈.〉 Esaie. xi.²¹⁹ Unns gebrist²²⁰ der glaub unnd gottes kunst/
Hebreo. xi.²²¹ Das laß ich steen. Für das fünfft/ ist der mensch
auch ain abgesünderte person/ von allen andern mensch-
en/ hat auch sein aigne pfund unnd gaben gotes/²²² ain yeder
sovil im got gibt und verleyhet^cw〈.〉 Matthei. xxv.²²³

Ain yeder grad machet ain
aigne ichhait oder sichhait.

Woͤlcher nun ain gelassen mensch sein will/ unnd ain leer-
junger Christi werden/ der můß alles gelassen unnd überge-
ben/ das in²²⁴ in ainigerlay weiß anruͤrt/ als nemlich/ er soll
sich nichts gůts annemen/ er soll sich noch wesen/ noch le-
ben/ noch wachsen/ noch verstentnuß und weißhait/ noch
sein aigne seel lassen gelusten. Das ist gewißlich^cx war/ wann
du dahyn kommest/ das du dich deiner aignen person verzi-
gen²²⁵ hast/ so bist du von allen dingen ledig/ dann haut für
haut/ klaid für klaid/ gibt ain yeder. Aber laß dir die seel/
und dein aigen flaisch treffen/ und sich/ ob du besteen mügest.
Ich main es sey ^cyon not^cy auffs neüw zůsagen/ das dise gelas-
senhait nit in dem steet/ das ainer alle ding gelaß/ als ai-
ner ainen pfenning verlaßt. Woͤlcher tarff oder mag sich
also verlassen? Wir sollen weder vatter noch můtter/ noch
uns selber erwürgen. Darumb ist dise gelassenhait/ ain ab-
schneydung aller lieb/ lust/ sorg/ vertruwen und forcht/ die
wir zů uns/ und zů dem unsern haben. Kurtzlich/ diser ge-
laß ist/ vernichten alles das du bist/ und ain abker von al-
len dingen/ so dich moͤgen gelusten/ Also/ das got dein lieb/
lust/ sorg/ vertrauen/ hilff/ forcht/ und alles ist/ daran du
klebest/ umb das solt du dise gelassenhait nit weltlich/ son-
C4^v der goͤttlich vernemen/ doch also/ das die warhait im hertzen
stee/ das wir ain^cz wesen moͤgen bleyben/ das sollen wir gott
lauterlich haim stellen/ und weder sorg/ noch forcht/ noch
lieb/ noch laid/ lust oder unlust haben/ wie und welche weiß
du groß werdest/ das soltu got bevelhen/ welcher kan durch
sein sorgfeltig gedancken/ ain leng zů seiner groͤß setzen/
Matthei. vi.²²⁶ Auch sollen wir sorgloß sein/ gegen dem ge-
wechse des korns/ früchten und grases/ dann wir moͤgen durch
unser sorg nicht machen/ das ain klain loͤblin^da wuchs^db/ setz/
pflantze/ geüß wasser zů/ es ist alles nicht/ das du thůst/ und
bleybt alles unfruchtbar/ wann got nit das gewechs gibt/
es ist gotes werck/ frucht tragen/ und kumpt auß gotes ge-
naden/ und^dc nit auß deinen krefften. Got machet dürr^dd/ gruͤn/
und verdoͤrret das graß/ feüchte wandelt got ins traid^de227/ und
macht ain yedes nach seinem gefallen. Darumb wirff dein
sorg auff got/ laß den alten haußvater sorgen und regieren〈/〉
welches sorg gůt ist/ und regiment gerecht ist/ lege du hend
an in gotes namen/ und danck im/ das er dir genedigklich
verlihen hat/ das du arbaiten kanst und bevilch im arbait/
gewechs und eeren^df. Mit thieren und vihe hast du gemain-
schafft/ das du nach speiß und trincken geest/ dein eltern
und kinder erkennest/ aber^dg das hastu nit mit inen gemain/
das du sorgfeltig²²⁸ bist. Wir sollen sorgloß seyn wie die thier/
unnd alle speiß allain zů ainer blossen noturfft geniessen/
als das vich thůt/ aber in dem seind wir erger/ dann pferd
und esel/ und wirt in uns war/ das ain weiser man kain ge-
ringe torhait begint/ das wir mer essen und trincken/ dann
unser noturfft erfordert/ unnd gesunthait ertragen kan/
über das/ werden wir auß volhait²²⁹ blind/ und erzürnen got/
und setzen uns unsern bauch/ für ainen got. Auch seind wir
sorgfeltiger dann die spatzen^dh/ die nit sorgen/ wa und was sy
morgen essen.²³⁰ Aber wir/ über das/ das uns angst gegenwer-
tiges tages truckt/ laden wir auch sorg unnd angst des zů-
künfftigen tags auf uns/²³¹ gedencken wie/ wamitt/ und durch
D1^r was wir uns morgen speysen/ trencken/ und beklaiden woͤl-
len. Auß gotes wercken lernen wir nit/ das gott waist und
versteet/ wes wir bedürffen/ und das er lilien und voͤgel be-
klaidet und speyset/²³² welche doch vil weniger seind/ dann ain
mensch ist. Wir solten unsere augen auffthůn/ und zů den
lilien oder blůmen und voͤgeln kern/ und auß den selben crea-
turen lernen/ wer sy klaidet und^di speyset/ und mercken/ ob sy
sorg haben oder nit/ theten wir das/ ungezweyfelt wir fun-
den/ das sy kain sorg haben/ für klaider und essen/ und got
beklait und speyset sy gleich wol/ dieweil wir aber sorg ha-
ben auff klaider und bette/ speiß und trincken/ muͤssen wir
von noͤtten/ den selben creaturen anhangen unnd dienen/
mit trost und vertrauwen/ das ist/ das Christus spricht. O
ir klaines glaubens/ und wenigs vertrauwens zů got〈.〉 Mat-
thei vi.²³³ Dartzů setze/ das Christus seine junger ^djstraffet/ sa-
gend^dj/ O ir klain vertruwenden/ warumb denckt ir in eüch/
das ir nit brot mit eüch habt genommen. Matthei xvi.²³⁴ Liß
und erwege dise Historien daselbst/ und sich/ ob dise gelassen-
hait gering sey.

Unglaub gebürt^dk den un-
gelaß²³⁵ irdischer narung.²³⁶

Woͤlcher vertrauen/ trost/ lust/ sorg und forcht/ gelts
oder narung halben tregt/ der sündigt^dl im glauben/ sovil
unnd hart/ so vil er umb gelts oder narung willen sorgfel-
tig²³⁷ ist/ Ursach. Christus spricht/ das wir alltzeit klaines
trostes und vertrauwens zů seinem himlischen vater seind/
wann wir sorgsüchtig seind/ auff speiß/ tranck/ oder klayder〈.〉
Matthei. vi.²³⁸

Zwayen Herren dienen.

Auch gibt gott da selbs/ schoͤne ursachen/ sagend/ Nie-
mand kan zwayen herren dienen. Kainer mag got und reich-
tumb dienen/ dann auff das minst²³⁹ můß das geschehen/ das
D1^v er ainem anhangt/ und den anndern versaumpt²⁴⁰/ weil ye²⁴¹
war ist/ wa dein schatz ist/ da ist dein aug und hertz/ und wann
ainer fleyssig auff das ain sicht/ so verlaßt er das annder/
Matthei. vi.²⁴² Wann aber wir got mit gantzem hertzen sollen
dienen und anhangen. Deutro. x.²⁴³ Můß von noͤten volgen/
das ainer got versaumen und verlassen můß/ wann er seine
augen mit sorgen unnd vertrauwen auff narung richtet/
Darauß mercke/ das wir toͤdtlich sünden²⁴⁴/ so offt wir uns
narung halben fürchten/ bekümern/ befaren²⁴⁵/ oder trost/
lust und hoffung zů gelt und hab tragen/ und das diese sünd
auß dem unglauben fleüßt/ wiewol sy teglich in uns ist/ das
merck wol/ und das diese sünd (oder ungelassenhait) ain un-
beschnitten hertz verrat/ und offenbar macht/ und das der
mensch durch ain solche sünd/ got můß hassen/ oder auffs
minst versaumen/ und nichts oder wenig achten. Mat. vi.²⁴⁶
Darauß erklere/ das ich oben gesagt/ das wir got mit gan-
tzer lieb muͤssen anhangen/ und das ainer zwayerlay ding
nit zůgleich anhangen mag. Mat. vi.²⁴⁷ Dabey^dm merck/ wann
Moses spricht/ du solt got fürchten oder got anhangen/ das so
vil gesagt ist/ du solt got allain fürchten.²⁴⁸ Noli timere eos
qui occidunt corpus/²⁴⁹ Und du solt gott allain ankleben oder
anhangen/ Aut uni adherebit/ et alterum negliget. Mat-
thei vi.²⁵⁰ Sicut servorum in manibus dominorum suorum. Ita
oculi nostri etc.²⁵¹ Darumb muͤssen wir gotes reich allain sůch-
en/ in starckem vertrauwen/ in hertzlicher lieb/ in bestendi-
ger forcht/ so werden unns alle noturfften zůgeworffen.
Matthei. vi.²⁵²

Gelassenhait laßt nit zůrucksehen.

Ja also vestigklich und mitt unwanckelten^dn253 augen muͤssen
wir gott allain und bloß²⁵⁴ sůchen/ das wir lieber sterben woͤl-
ten/ dann zurucksehen/ gleycherweiß wir tausent mal lieber
solten sterben erwoͤlen/ dann ain mal willigklich von gott
tretten. Nun muͤssen wir got verlassen/ wenn wir unsere au-
D2^r gen auff zeytliche guͤter wendten. Da spricht Christus/ sa-
gend/ Es ist kainer zum reich gotes bequem²⁵⁵/ der sein hand
an pflůg legt/ und sicht zůruck. Luce. ix.²⁵⁶ Da hoͤr mein brů-
der/ das wir zů der schůl Christi²⁵⁷ ungeschickt sein/ so wir zů-
ruck sehen/ Dabey verstee/ wie du alle ding můst gelassen/
oder von deinem hertzen abschneyden/ und dein hauß rain-
keren/ wann du ain leerjunger^do Christi wilt sein/ setze und ver-
gleiche die zway capittel/ das ix. und xiiii. Luce/ zůsamen am
end/²⁵⁸ und flichte den sin und verstand zůsamen/ so würdestu
on zweyfel erschrecken und schreyen. O wie arme leüt seind
wir/ O wir bedirffen des leyden Christi alle augenblick.

Damit du dannest ferrer merckest/ das got nit wil ley-
den/ das wir züruck sehen/ und uns fürchten oder besorgen
moͤgen (das uns etwas werd gebresten²⁵⁹/ wann wir got glaub-
ten) will ich dir ain andere rede Christi fürlegen/ unnd²⁶⁰ dise/
Wann der sun des menschen erkleret wirt/ unnd ainer oben
auff ainem dach²⁶¹ ist/ und hat etwas herniden im hauß/ der
soll nit absteygen/ seinen haußrat zuhollen/ der im acker ist/
der soll nit zůruck geen zů seinen haim gelassen guͤtern. Lu-
ce. xvii.²⁶² Sihe da/ wie Christus verbeüt und wil/ das die jhe-
ne/ den er einblicken²⁶³ und erscheinen wirt/ das ir so hertzlich
sollen gelasen/ das sy nit nach dem iren steygen oder geen
türffen/ das were gnůg gesagt/ Aber zů dempffung unsers
Adams boßhait/ sprich ich/ als Christus sprach. Ir solt ge-
dencken des eeweibs Loth/ welche zůruck sach/ unnd wurd
in ain saltzbild verwandelt Gen. xix.²⁶⁴ Es ist vermuͤtlich das
weyb des Loth/ nach iren gůtern/^dp einnemen²⁶⁵/ oder freinden^dq266
gesehen hatt/ als got schwebel und feür über Sodoma und
Gomorra regnet und verderbet alles das gruͤn was.²⁶⁷ Auch
můß es im mennschen innwendig geschehen/ dem Christus
haimlich einleücht/ wie es außwendig ergeen wirt/ wann
Christus offentlich werd scheinen. Daher kompt^dr/ das alle
hadermetzen²⁶⁸ sündigen/ so umb gelt oder gůtt hadern/ als
Christus Luce. xii. und Paulus zůn I.^ds Corinth.²⁶⁹ Und das der
D2^v Juristen jarmarckt ferlich²⁷⁰ ist. Kurtzumb/ gelt und gůt'/
kan uns unser leben weder geben noch nemen/ vil tausent
leben ser wol/ die mit iren guͤtern auffspringen/²⁷¹ vil tau-
sent leben übel und traurig/^dt die vil guͤter haben. Wann sy
alle keller^du und scheüren²⁷² vol gesteckt haben/ als bald sterben
sy. Luce. xii.²⁷³ Derwegen solten wir nicht sorgfeltig²⁷⁴ sein/
^dvvil gůtter^dv zůeroberen/ und ^dwdie selben^dw lang zůhalten/ wir sol-
ten auch nit erschrecken/ wann schon ersparte gůter in aim
augenblick verschwunden/ woͤllen wir gelassen Christen
sein. Auch sollen uns gegenwertige gůter/ weder getroͤsten
noch endtroͤsten²⁷⁵/ wir sollen noch fürchten noch besorgen/
das wir sy verliern/ sonder das reich gottes/ das ist/ seinen
ewigen willen/ mit lieb und lust annemen. Werden wir un-
sere augen auff silber/ gold und gůter richten oder strecken/
so wirt uns gott verlassen/ und sagen. Ich hab eüch verlas-
sen/ darumb/ das eüwer erden oder land erfült ist mit silber
und gold. Esai. ii.²⁷⁶ Demnach muͤssen wir aintweder got ge-
lassen/ oder sorgfeltigkait der narung hin werffen. In di-
ser ungelassenhait/ seind wir boßhafftiger/ dann die unver-
nünfftigen thier/ dann Pferdt und Esel erkennen/ das sy gott
speyset²⁷⁷/ oder ir herr/ und lassen iren herren sorgen/ will er sy
schoͤn/ glat/ und starck haben/ so můß er speyß und schmuck
dartzů schicken/ hetten wir rechten glauben zů got/ und ver-
trauweten got mit gantzem hertzen/ unnd wißten/ das gott
unser vater ist/ und embsiger für uns sorget/ dann wir sorg-
en/ und das er uns nicht weniger speyset/ dann unvernünff-
tige thier/ so wurden wir sorgloß/ unnd geliessen alle nar-
ung/ und muͤßt uns gott genůgsam versorgen nach unserm
besten/ und nach seiner glorien und rům. Woͤlt er uns faißt
und dick haben/ so muͤßt er volle krippen geben/ wer es uns
nütz/ got wurd uns sonder zweyfel/ vil fürschitten^dx278. Es ge-
schicht aber selten/ das ainer got und dem bauch diene/²⁷⁹ dar-
umb speyset got die seinen mit wasser und brot/ und schlech-
ter noturfft/ aber alßo/ das sy stets nach hilff růffen/ und
D3^r das er ain reicher got bleyb/ der gern helffen will/ zů dem/
das uns nützlich sein mag.

Gelassenhait der vernunfft.

Der mensch hat auch ain vernunfft/ dadurch er weyß
und fürsichtig ist/ bauwet im Stet und heüser/ waffen und
mangerlay gschütz/ in dem wirt der mensch bald ungelas-
sen/ dann er solt schütz und schirm an got/ und an nicht meer
haben/ das solt ich durch vil Propheten anzaigen/ aber
kürtz halben/ laß ichs nach bleyben/ und nim das got spricht/
Ir hapt vertruwen in eüwern sicherhaiten/ die ir eüch habt
gemacht. Hiere. xxxxviii. Esa. ii. ix. xvi. xxxi.²⁸⁰ Darumb wil
got eüch verlassen/ unnd eüch eüwern feinden übergeben/
darinn verderben vil Fürsten und krieger/ die sunst moͤchten
bleyben vor got genesen. Da solt ich sagen/ wie David kai-
nen trost het in ainen bogen oder schwert/ und ertoͤdtet doch
Goliam mit der schleüdern/²⁸¹ aber es ist leycht/ und wer zů-
vil zůschreyben. Da sollen auch die krancken mercken/ so
betruͤglichen vertrauwen auff aͤrtzt unnd kreüter setzen. ii.
Paral. xvi.²⁸² Da seind alle eüsserliche ding recht zůmeyden/
und gelassen/ auf das sy nit betriegen/ als die Juden betro-
gen wurden/ die sprachen/ Templum domini/ templum domini.
Hiere. vii.²⁸³ Oder zů der Archen flogen. Hiere. iii.²⁸⁴

Gelaß der schrifft.

Alhie solt ich auch sagen/ wie ain recht gelaßner mensch
die hailig schrifft můß gelasen/ und nicht umb bůchstaben
wissen/ sonder eingeen in die macht des herren (als David
spricht)²⁸⁵ unnd got den herren/ on ablassen bitten/ das er im
waren verstand woͤl eingeben/als wenn ainer etwas nit ver-
steet/ oder ain urtail gern woͤlt vernemen/ so soll er in der ge-
lassenhait steen/ das ist/ auß im²⁸⁶ geen/ unnd mit seiner ver-
nunfft still halten/ unnd gestrencklich von got begern sein
kunst/ und hoͤren was im²⁸⁷ got will sagen/ so werden im ge-
D3^v schwinde gedechtnuß einfallen/ dieselben sol er mit gezeügk-
nuß hailiger schrifft beweren²⁸⁸ und gerechtfertigen/ das ich
ferrer anzaigen solt/ aber alhie leydet²⁸⁹ sichs nit. Liß die
teütschen Theologiam/²⁹⁰ bist du nitt zůfriden/ so warte^dy/ biß
meyn bůchlin von der schůl gotes²⁹¹ außgee.

Ich will mit disen graden weder zil noch regel geben ha-
ben/ red und schreyb ain yeder die warhait gotes/ nach sei-
ner eingetruckte vermanung/ Das ich solt sagen/ das al-
le obgemelten^dz grad flaischlich und den flaischlichen men-
schen anhangen/ so waiß ich nit/ ob ichs moͤcht erhalten/
Aber das ist war/ das du in dem groͤssern fleiß solt haben/
wann du etwas gelassest/ das du dich deiner gelassenhait nit
annemest. Sihe/ so du obberuͤrte gebresten²⁹² des unglaubens
erkentest/ beychtest unnd fleüchst/ das durch gelassenhait auch
geschicht/ alßdann můst du warten/ das dir dein erkennen/
dein beicht und flucht/ nit lieb und lustig werd/ auf das du
nit in der gelassenhait verderbest. Es kumpt offt/ das ai-
ner umb gotes willen ainen backenstraich erleydet²⁹³/ und will
des straichs nit zů rach oder übel gedencken/ unnd er woͤlt
doch gern/ das sein gedult gelobt wurd/ oder das er für ai-
nen Cristen gehalten wurd/ von wegen seiner gedult/ oder
es gelüstet in innerlich/ das er so starck geweßt/ das er sich
hat lassen schlahen/ und hat nit wider geschlagen/ oder das
er sich hat lassen hoͤnen/ ainen Esel/ bachanten²⁹⁴/ ainen rump-
ler²⁹⁵ unnd baurn^ea schelten/ und hatt nit wider gebollen²⁹⁶/ das
hat er von gotes wegen dultigklich erlitten. Aber doch hat
er ain aug auff sein leyden/ und steet da/ mit lust und lieb/
darüber er auch umb gotes willen lauffen/ und got allain
dienen/ und seine augen allein auff got halten solt.

Got dienen.

Das lerne also/ welcher got will dienen/ der sol im nit
mit halbem hertzen dienen/ sonder mit gantzer seel und gan-
tzem willen Deutro. x.²⁹⁷ Das ist/ Er sol und můß got allain
D4^r anhangen und ankleben/ und nit ainem andern neben got/
oder mitt got dienen/ dann du hast das wort Christi gehoͤrt/
wann ainer zwayerlay herrn wil dienen/ so můß ainem das
abgeen/ das dem andern zůgeet/ liebet er ainen/ so můß er
den anndern hassen/ klebet er an ainem/ so schaidet er von
dem andern.²⁹⁸ Also hangt er an ainer creatur mit lieb/ lust/
forcht/ sorg/ vertrauwen/ und der geleichen/ so můß er ge-
leich in den selben mangel haben/ an got/ und in thůn oder
lassen/ wircken oder leyden/ dester minder an got mit lieb/
lust/ forcht/ sorg/ laid/ vertruwen und der geleichen hangen.

Wa²⁹⁹ dein schatz ist/ dahin
gugken deine augen.

Das hertz volget den augen/ wa die augen seind/ da ist
der schatz deines hertzens/³⁰⁰ da seind dein begirden und affect.
Darumb můst du dem dienen/ das du^eb ansichst/ und auff den
du mit lieb oder laid/ froͤligkait oder traurigkait/ lust oder
unlust/ grauwen/ vertrauwen oder mißglauben fůssest/ ob
du gleich nitt lang steest/ dann dise gaistliche dienstlein/ ge-
schehen schnelligklich und augenblicklich. Derhalben wa
du auff dein thůn oder leyden sichst/ und wa dich dein dienst
gelustet/ so dienstu nit got/ sonder dir/ und deinen wercken/
damit du got woltest dienen. Da merck/ wie ainer sich kan
mainen/ und wann er sich maint/ oder sein seel findt/ so die-
net er nit got/ sonder sich selber/ dem er anhangt/ und got
verlaßt.

Sich.

Darauß ist zů mercken/ was das woͤrtlin sich bedeüt/ und
wie ain warhafftiger und gelaßner dienst gotes/ der seelen
augen auffschwinget/ in den abgründigen willen gottes/
und in das grundloß gůt kreücht/ woͤlches got selber ist/ da
kain sich oder ich sein mag.³⁰¹ Alledieweyl ain seel auff nicht
anders sicht/ dann auff gotes willen und das ewig gůt/ das
D4^v got ist/ so fůsset auch ir hertz an kainer creatur/ ja sy dring-
et auch durch ir auffschwingung/ und sencket sich in got-
tes willen/ und stirbt da ir selber ab von grund an/ und ver-
leürt sich/ und ir sichait gantz zůmal/ und das můß sein und
geschehen. Darumb moͤcht ich wol sagen/ mit andern leü-
ten/ woͤlcher sein ich/ und ichait/ oder sich/ und sein sichait
recht geließ/ der het wol gelassen. Der mensch ist anfenck-
lich nicht geweßt/ will^ec er sein icht³⁰²/ und etwas/ oder sich und
sichait gelassen/ und ordenlich übergeben/ so můß er es dem
übergeben/ der in etwas icht/ oder sich hatt gemacht/ das
ist/ Er můß sich/ und alles das etwas in im ist/ mit seinem
sich/ und ichait/ got auffgeben/ und in seinem willen nider
tauchen/ wann ainer das thet/ er wer in leyden und wercken
gelassen. Alda freünd/ můst du abermals achtung geben/
das dich nit gelust/ dem gelaß/ das du nit dein ichait/ in
solchem gelaß übersehest/ so du in solcher gelassenhait und
aufftragung³⁰³ in got steest (würdest du dich in disem gelaß
teglich brauchen) will ich dir birg^ed sein/ du wurdest dich vor
dir firchten und fliehen/ und menschliche kranckhait besser
erkennen/ und nach Gottes gnad mer und mer ruͤffen.

Kurtz/ Welcher von grund wil gelassen sein/ und der sein/
der sich gelassen hat/ der můß im³⁰⁴ unwidernemlich³⁰⁵ entwer-
den³⁰⁶/ und sein ichhait/ oder sichhait frey außgeben/ so wirt diß
gelassen sich/ oder sichait/ ain Christfoͤrmigs ich/ von welch-
en Christus spricht/³⁰⁷ Kürtzlich/ Woͤlcher von grund/ und
in rechter warhait begert gelassen werden/ der soll im selbs
(und allem dem seinen/ das in etwas dunckt) unwidernem-
lich abgeen/ und entwerden/ und mit dem goͤtlichen ewig-
en willen ains werden³⁰⁸/ das er nicht sech/ hoͤr/ schmeck/ be-
ger/ verstee/ und woͤll/ dann das got wil/ unnd das im alles
ain marter werd/ das in in annemung goͤtliches willens
hindert oder abruckt/ das ist unnser creütz/ welches wir teg-
lich tragen muͤssen. Luce ix.³⁰⁹

E1^r

Neu leben Christi.

Als dann wirt/ diß gelassen sich/ oder veracht und verlas-
sen ich/ Sichhait oder ichhait/ ain Christfoͤrmigs³¹⁰ ich oder
sich/ und ain neu Christlich leben/ da ainer befindt unnd
merkt^ee311/ das sein leben nit ain menschlich/ sonder ain goͤtlich
leben/ und er nit lebt/ sonder Christus in im. Gala. ii.³¹² Lasse
dich dise woͤrtlein Sich und ich/ Sichhait und ichhait nit
bevilen³¹³/ dann du waist/ das sy in deiner teütschen Theolo-
gia vil mal steen^ef. Ain gelassen/ Sich oder sichhait/ ist nicht
anders/ dann das ainer sich/ unnd alles das sein übergeben
und gelassen hat/ und wer sich verleügnet^eg/ als aines des er
sich schempt/ der ist gelassen Luce. ix.³¹⁴ Ain gelassen Ich oder
Ichhait ist/ wann ich mich veracht und übergib/ unnd gib
dem alles das gůt/ der mirs geben hat/ dann die flüßlin můs-
sen in ire brunnen und in ir moͤr wider fliessen und keren/ wann
sy ordenlich widerkeren woͤllen. Diße Ich oder Sich werden
dann nützlich gelassen/ wann aigner wil gelassen wirt/ wann
aigner wil verschmiltzt/ und gotes wil sein werck in der crea-
tur bekompt/ und wurd nicht anders gewoͤlt/ dann das/ und
wie got will/ alßdann werden Ich und sich übergeben/ und
alles/ das dem geschaffen willen nachvolgt/ oder auß im
entspreüßt/ das wirt alles samptlich recht gelassen. Das
ainer sein Ich oder sich/ also hab gelassen oder nit/ das mag
er dabey mercken und abnemen³¹⁵/ wann im nichts geliebt/
dann das got geliebt/ oder von der creatur nicht begerdt/ dann
das got wil/ so ist er gelassen/ ursach/ er hat kain lieb in dem/
das er wil/ sonder in dem/ das gotes wil will/ und woͤlt auch
das alle creaturen das woͤlten/ das gott will/ und in der
weiß woͤlten/ wie gott will/ und darinn/ das ist in gotes willen/
steet sein lieb/ lust/ froͤlichait/ rům/ leben unnd seligkait.
Darumb bitt er hertzlich/ herr dein will geschech auff erden
als im himel/³¹⁶ In allen irdischen creaturen/ als in himli-
schen/ verschaff wircklich und krefftigklich deinen willen.
E1^v Im gegentail der lieb gottes/ wann yemand sein Ich oder
Sich lauterlich³¹⁷ gelassen hatt/ můß im nicht layd sein oder
werden/ dann das wider got ist. Merckt er/ das ain creatur
wider gottes willen will oder thůt/ so felt er in hefftigen
schmertzen/ und hat laid/ unlust/ traurigkait/ angst/ tod/
hell/ und ewig feur/ bey der selben widerwilligen creatur.
Sihe/ wann alles (das den menschen anrüeren^eh kan) also go-
tes wirt/ und von seines willen oder widerwillen halben be-
geben/ oder von got auff uns genommen ist/ so steet die gelas-
senhait wol. Yedoch das des selben gelaß/ ichait oder sich-
hait ernstlich verurtailt und auffgeben werd/ darauff můst
du unableßlich wachen/ dann der teüfel wartet auff den un-
gelaß³¹⁸ der ungelassenhait/ als ain Fuchs auff huͤner/ der sy
fressen will.

Christus ist der weg/
warhait und leben.³¹⁹

Got hat unns Christum/ seinen sun/ als ainen weg/ war-
hait und leben gesant/ in sonnderhait von wegen diser tu-
gent/ gelassenhait/ auff das wir ainen warhafftigen und
lebendigen weg hetten (der sollichs gelassen leben am hoͤch-
sten und besten gefiert hat) welchem wir moͤchten dester ge-
wiser nachvolgen/ und wissen/ das wir unbetrogen seind/
so wir im nachschreytten/ und geen/ als er gangen ist. Dem-
nach woͤllen wir sehen/ was Christus unnser weg/ und die un-
betruͤglich warhait leren thůt. Ich hab gesagt/ und seind
ir nit wenig geweßt/ die gesaget haben/ das der mensch wol
gelassen wer/ wann er sein Ich und Sich het verlassen/ das
wirt uns Christus auch leeren.

Zwayerlay koͤrnlin Joan. XII.³²⁰

Christus vergleicht zway ding zůsamen/ als nemlich/
ain korn/ welches ins ertrich gefallen ist/ stirbt/ und dar-
nach frucht tregt. Dem selben koren/ vergleicht er ainen
E2^r menschen/ woͤlcher sein seel hasset/ und zů dem ewigen leben
verhůt^ei321. Joan. xii.³²² Christus hat auch ain andere gleichnuß
geben/ sam³²³ das/ So ain korn nitt gestorben ist/ bringt es
kain frucht/ es bleybt allain. Disem korn vergleicht Chri-
stus ainen menschen/ welcher sein seel lieb hat/ und sy ver-
derbt Joan. xii.³²⁴ Also vergleicht Christus ain seel/ die sich
lieb hat/ ainem korn das lebendig bleibt/ und allain oder
one frucht. Demnach kan der mensch kain neüw leben/ und
kain gůt werck haben/ wann er sich liebt. Darumb ist es al-
les verlorn/ umbsunst/ und nicht vor got/ das ain mennsch
vil thet/ zerriß haut unnd har/ rock und hembd/ wann er in
aigner lieb bleybt. Er verderbt sich und alles das sein/ und
got vermaledeyet solchen baume^ej und seine bleter/ und urtai-
let in zů dem feuer/ weil er kain frucht tregt.³²⁵ Laß ain men-
schen lauffen/ arbaiten/ singen/ vasten/ beeten/ betruͤbtnuß
leyden/ es ist alles nichts vor gotes augen/ wann er sein seel
liebet/ Wie ain korn in unsern augen ist/ das allain bleybt
und unfruchtbar/ Also ist ain mensch/ der sein seel liebet/
vor gottes angesicht/ unnd můß zům teüfel farn/ ob er ge-
sprech³²⁶ wer als alle engel/ und het aller Propheten kunst/
dartzů/ weil er ist als ain korn oder baum^ek on frucht/ so wirt
er gewißlich/ hellischem feuer gericht/ und ob er im schein
frücht trieg/ waͤren die frücht vor got boͤß/ und solt der baͤum^el
zum feuer werden behalten. Matth. vii.³²⁷ Demnach volget
und steet diser grund fest/ welcher sein seel liebet/ der verder-
bet sy/ und ist als ain unverstorben korn/ das kain frucht
tregt.³²⁸ Darauß fleüßt der annder grund/ das ain yeder das
sein/ und sich můß verachten/ will er anderst vor got besteen
und angenommen sein. Und also merckst du was das ist/
Sich gelassen.

Warumb wir das gůt lieben mügen.

Er můß nit sůchen unnd mainen/ seiner seel zů lieb und
gůt/ in allem dem/ das gůt ist/ sonder alles gůt darumb lie-
E2^v ben/ und thůn das gůt ist/ in wirckender weiß oder leyden-
der weiß³²⁹/ das ist/ darumb/ das got ist/ unnd nit derhalben/
das sein/ oder der seinen gůt unnd nütz sey/ dann da steet die
warhait/ welcher sein seel lieb hatt/ der verderbt sy/ dann er
bleybt ain korn des alten lebens on frucht.³³⁰ Got acht nitt
ob das korn geworffen/ geseet/ oder geschlagen werd/ wann
es nitt auch stirbt/ sonder lebendig bleybt. Darauß merck-
est du lieber brůder/ wie der mensch seiner seel můß entwer-
den/ und ir nichts zůgůt thůn/ thůt er aber oder laßt etwas
von seyner seel wegen/ so bleybt er in sich und seiner sichhait/
oder ichhait lebendig/ und verderbt sein seel.

Der mensch soll lonloß³³¹ sein.

Da sich und erschrick wie die besteen werden/ so ir seel mit
vasten und beeten darumb quellen³³²/ das sy ire seelen erloͤsen
und zů dem himelreich woͤllen bringen.³³³ Es sollt allain go-
tes wil vor allem unserm leben schweben/ und nit gunst oder
lieb unser seelen/ wir solten auch on forcht der straff sein/
wann wir unser seelen nit liebten/ dann die jhene/ so etwas
thůn oder lassen umb forcht willen/ das sy nit gestrafft wer-
den oder verdampt. Die fürchten irer haut und die straff/
aber got fürchten sy nit/ von wegen seiner gerechtigkait/
was mainst du das sorg/ forcht/ schmertzen/ tod unnd hell
uns moͤchten schaden/ wann wir aigner lieb feind wern? Nu
můß lieb/ gunst und zůnaig/ zů unser aigen^em seel ersterben^en/³³⁴
und als staub von ainem Sturmwind verwaͤt³³⁵ werden/³³⁶ so wir
unser seelen in gotes gnad haben/ und behalten gedachten.
Alhie sich wider/ wie von grossen noͤtten unns Christus
ist/ das er alle unser sünd und gebresten trag/ bůß und besser/
das ist/ das er das recht und reych der sünden und des todts
brech. Ich wißte kainen trost/ wann ich gotes barmhertzig-
kait nit west/ dann es ist war/ woͤlcher sein seel liebet/ der ver-
derbt sy/ und ist als ain lebendig korn/ das on frucht bleibt³³⁷/
dieweil das die warhait spricht/ welche nit anders dann war
reden kan/ so můß also sein und nit anders.

E3^r

Haß der Seelen.

Yedoch ist es noch ungenůg/ kain lieb zů der seel zůhab-
en/ es můß ain bitter saltzen³³⁸ kommen/ nemlich/ für unser na-
türliche lieb/ můß übernatürlicher^eo haß und neyd steen.

Wie lusten abfallen.

Da da můß das korn sterben und frucht bringen/ da da
stirbt lieb/ lust/ gunst/ und leben unser seele/ und alle bege-
rung/ da da entwirt³³⁹ ir die seel unwidernemlich³⁴⁰/ das ist/ die
Tauff im tod Christi/ das alt natürlich leben/ ans creütz
Christi auffhencken/ durchstechen und ermoͤrden/ mit Chri-
sto durch den tauff begraben werden/ und nitt mit dem al-
ten natürlichen leben/ sonder mit neüwem widernatürlich-
em^ep leben aufferstehen Roma. vi.³⁴¹ Das du mügest in warhait
sagen/ Ich lebe nit/ sonder Christus lebet in mir〈.〉 Ga. ii.³⁴² Das
můstu empfinden^eq und bekenen/ als der Apostel bekent hatt/
willtu ain gelassen mensch sein/ als der Apostel geweßt ist.
Mich dunckt du werdest neu fragen schicken.³⁴³

Alt und neu leben.

Es seind zway widerwertige und spennige³⁴⁴ leben/ das alt
und natürlich/ das neu und übernatürlich/ des alten
Adams leben/ und des neüwen Christi/ des irdischen und des
himlischen leben. Das alt leben/ sein lieb und gunst etc. kom-
men von unden herauff^er/ von der erden/ und von dem flaisch/
und ist irdisch und flaischlich/ dann was geborn ist von flaisch
das ist flaisch. Jo. iii.³⁴⁵ Aber das neu leben/ neüwe lieb/ neu
gunst/ unnd neue forcht etc. kompt oben herab^es von dem hi-
mel/ da die widergeburt geschicht. Joan. iii.³⁴⁶

Was alt leben sey.³⁴⁷

Das alt leben/ ist lauter ungehorsam/ aigen wil/ und lie-
bet sein seel in allem thůn und lassen/ und kurret³⁴⁸ und mur-
ret/ so man im ist zůnach³⁴⁹.

E3^v

Neu leben.

Das neu leben/ ist der rain gottes will und gehorsam/³⁵⁰
und hasset des menschen seel in aller thůender unnd wircken-
der weiß/ unnd kusset die růten seines vaters/ er streych wie
er wil/ und so lang er wil. Nun solt du vernemen/ wie der
mensch můß gelassen/ und wie er im unwiderhollich³⁵¹ sol ent-
werden/ dann soll der mensch sein seel und sein^et sich/ alltzeit has-
sen (als er thůn můß) můß er gewißlich seiner seel unnd sich
selber entwerden unwiderrůfflich. Wie moͤcht ainer ainem
ferner^eu entwerden/ dann er durch haß und neyd entwirt. Neid
und haß schaiden krefftigklicher/ dann mauren und stet. Die
warhait ligt vor augen/ und spricht/ woͤlcher sein seel has-
set/ der behuͤt sy zů dem ewigen leben.³⁵² Woͤlcher nit thůt/ oder
lasset das seiner seel wolgefelt/ der wirt selig/ woͤlcher sei-
ner seel nit gibt/ das sy haben wil/ der verwaret³⁵³ sy. Welch-
er seiner seel gibt das sy fleücht/ und entruckt ir/ das sy ha-
ben wil/ der behuͤt sy/ zů dem himelreich. Welcher seiner seel
das ire zůweyset/ das ist/ boßhait/ laster/ schand und sünd/
des sy ain ursach ist/ der hasset sy/ und steet mit ir im kampff.
Welcher der seel alles gůt nimpt/ unnd got dem schoͤpffer
bringt/ der streytet mit seiner seel. Welcher allain gottes
willen sůcht/ der zeücht³⁵⁴ seiner seelen ir brot auß irem maul.
Aber er ist ain gestorben korn/ das allen aigen begirden/ lü-
sten/ willen und leben ist abgestorben/ und brotzet^ev355 oder spreüs-
set eytel gottes willen³⁵⁶/ in dem got spricht/ Du bist gehais-
sen mein wil. Esa. v. viii. et lxii.³⁵⁷ Das wesen scheinet als sey
es der natur leicht und lieb/ und moͤcht ainer gotes willen
stets wünschen und woͤllen. Aber so sich ainer recht und ernst-
lich ain stund erkennen thet/ er wurd im³⁵⁸ ain creütz und tau-
sent todsünd in sich spüren/ und sich hassen/ meyden und flie-
hen/ nit anders/ dann ainen boͤsen feindtlichen menschen/
und sich ansehen/ wie ainer seinen grimmigen feind ansicht.
Sihe/ sol ainer ainem armen brůder helffen/ mit gelt ley-
E4^r hen/ so fürcht er/ das ers nit wider dürff fordern (Darumb
das sibend jar bey den Christen/ ain ewig tag ist)〈.〉³⁵⁹ Aber der
reich mennsch hat verflůcht gedancken/ so er sich des seinen
sol verzeyhen³⁶⁰/ unnd verlaßt sein flaisch/^ew schweig^exeyee er^ey gelt
gelassen wil. Deütro. xv. Matthei. v.³⁶¹ Unnd wirt und hatt nit
auffmercken auff sein teüfelische gedancken/ und das in³⁶² got
umb aines sollichen gedancken wegen/ wil vermaledeyen/
Deutro. xv.³⁶³ Wie moͤcht oder solt ain mensch ernstlich ach-
tung haben/ auff seine boͤß gedancken/ die er hat wider go-
tes verderbt in gaistlichen stucken/ weil der mensch sein boͤ-
se gedancken in leyplichen dingen nitt versteet. Es ist ain
yeder gedancken und aigen will/ der hell wirdig/ wie klain
er ist/ wann er seiner seel zůlieb geschicht/ in allerlay gottes
dienst/ dann Christus leügt nit/ Welcher sein seel liebt/ der
verderbet sy.³⁶⁴

Todtsünd:

Darbey lerne/ das annemligkait³⁶⁵ und ungelassenhait
todsünde und teüfelische laster seind/ woͤlche Lucifer gehabt
hat. Esaie. xiii.³⁶⁶

Geferligkait unsers lebens.

Darauß merck/ in was greülicher geferligkait unser le-
ben steet/ und wie bald ain ungelaßner mensch sein seel ver-
derbt hat/ dann so bald er sich liebet/ und nit lauterlich umb
gotes willen/ so ist er verdorben. Ich halt/ das dise gelassen-
hait/ wann ainer sich alles/ das etwas und gůt ist/ soll verzei-
hen³⁶⁷/ in disen wortten Mosi moͤcht vermerckt werden/ als er
spricht/ Du solt mit ainem erstgebornen Ochssen nit aͤcke-
ren oder pflůgen. Du sollt ainem erstgebornen schaff/ sein
wollen nit abscheren/ darumb/ das sy got gehailigt seind.
Deutro. xv.³⁶⁸ Was solt uns das aͤckern oder pflůgen anders
bedeuten/ dann das wir/ uns/ mit gotes gaben nit sollen die-
nen? Ain erstgeborn Ochs stůnd got zů/ darumb dorfft kain
E4^v mensch aͤckern mit ainem erstgebornen Ochssen. Alle gůte
werck/ und alles das got will haben/ das schafft got in sei-
nen knechten/ und ist alles/ das gůt ist/ gottes/ und nit un-
ser/ darumb dürffen wir unns auch nit mit gůten dingen
dienen/ sonder gott. Was solt auch das anders bedeüten/
Du solt nit die erstgebornen woll der schaff bescheren/ dann
du solt deinen nutz/ deine eer/ dein glorien/ oder nit ain ding-
lin sůchen/ dir zů gůt/ in den dingen/ welche im got gehai-
ligt hat/ das ist in allem dem/ das got schůff. Ist aber nit
das/ das Christus leret/ du solt dein seel nit liebhaben/ dann
liebest du dich oder dein seel/ so verderbest du sy/³⁶⁹ Es ist ain
todsünd/ unnd wider gotes willen/ sich lieben/ sich nit has-
sen/ wir künden auch got weder vertrauwen oder glauben/
noch liebhaben/ so wir das unnser/ ain yeder das sein/ und
sich sůcht oder maint. Christus spricht/ wie mügt ir glau-
ben/ so ir eer^ez von ainander nemet/ unnd sůchet nit dise eer^fa/
die allain von got herkompt. Joan. v.³⁷⁰ Davor spricht Chri-
stus. Ich hab eüch erkannt/ das ir gotes lieb nit habt in
eüch. Eodem cap.³⁷¹ Weren wir gotforchtsam leüt/ ungezwey-
felt/ unsere oren wurden uns klingen und bidmen³⁷²/ vor yetz
erzelten worten Christi/ welche Christus nit allain zů den
Juden/ sonnder zů allen den jhenen spricht/ so den Juden
geleich sein. Fürwar fürwar/ es bewegen sich aller gott-
forchtsammen menschen hertzen/ unnd das wasser oder der
glaub/ hat seine můden^fb373 und bulgen³⁷⁴/ ^fcoder unden^fc375/ wann ainer dise wort
Christi mit erschrockem unnd zittertem gemuͤt einnimpt/
dann Christus spricht mit liechten worten/ wie mügt^fd ir glau-
ben/ weil ir eer vonainander nempt/ als woͤlt Christus sa-
gen/ Es ist unmüglich/ das ir gott glauben^fe/ alledieweil^ff ir/
ainer von dem andern eer nimpt. Da brůfe^fg376 sich ain yeder/
und lůg³⁷⁷/ ob er gern aller mennschen fůßtůch/ und schůch-
fleck³⁷⁸ woͤlt oder moͤcht sein/ in sonderhait bey denen/ die et-
was scheinlicher³⁷⁹ hailigkait diser welt haben/³⁸⁰ Brůffe^fh381 sich
menigklicher/ ob er hertzlich leyden künd/ das er/ als ain
F1^r lautrer narr und unsinniger mennsch verlacht/ verspot/
und geschetzt wurd.

Hohe Schulen.

In den hohen schůlen/ was sůcht man anders/ dann eere
von den andern. Derhalben wirt ainer Magister/ der an-
der Doctor/ und dartzů Doctor der hailigen geschrifft/ ge-
ben auch gůt und gab umb die eer/³⁸² die Christus seinen leer-
jungern^fi verbotten hat/³⁸³ unnd woͤllen dannocht die jhenen
sein/ die Christlichen glauben leeren und erhalten/ woͤllen
unsere maister unnd Doctores genent seyn/ wiewol sy Do-
ctorliche eer/ mit solchem geytz und fraß sůchen/ das sy al-
le andere/ gleichmessiger leer/ neyden und vervolgen/ wann
sy ire eer erkaufft haben/ und woͤllen auch kainen lassen auf-
kommen/ oder bey sich lassen sitzen/ der nit gleichen namen³⁸⁴
hat/ und ob ich oder ain ander/ das woͤlten vernainen/
wurden uns doch gottes augen mit irem durchscheinenden
blick treffen/ und überzeügen/ das wir von wegen univer-
sitetischer^fj glorien/ nider knyen/ gelt geben/ hochzeit oder
kostliche maltzeit auffrichten/ als darumb/ das wir bey den
leüten ain authoritet haben/ und angesehen werden/ und
woͤllen dannocht nit hoͤrn/ das wir ungleubig seind. Nu
mag es nit sein/ das ainer gott glaub und vertrauw/ wann
er eere annimpt/ Christus spricht/ nitt woͤlcher eer sůch/
sonder er spant den strick enger/ und sagt/ welcher eer nimpt
von aim andern/ der kan got nit glauben.³⁸⁵ Sihe nu/ waser-
lay³⁸⁶ wurm annemligkait³⁸⁷ oder ungelassenhait ist/ und das
er den glauben außbeyßt oder abnaget/ und wie unns got
nach der scherpff macht urtailen und richten/³⁸⁸ und das ain
yeder solt sprechen/ O herr/ nitt gee ein ins gericht mit dei-
nem knecht/ dann es mag kain lebendiger bey dir gerecht
sein/³⁸⁹ Was ich von den universiteten gesagt/ das soll zůvor
von den münchen verstanden/ und von den bischoffen und
pfaffen. Wie woͤllen wir vor got besteen/ in seinem gericht/
F1^v wann er wirt sagen/ Ir habt mich allesampt verlassen. Du
hast vertruwen in gůt gehabt/ du hast eer genommen von ai-
nem andern/ und kumpst anher als ain glaubiger. Entsin-
ne sich yeder menigklich und sehe/ ob er nit lieb/ lust und gefal-
len hab/ wann er oder sein werck gelobt würd/ und widerumb/
ob in³⁹⁰ das würmlin in seiner nasen nit wurd kützeln/³⁹¹ so man
sagt. Es ist ain grober esell/ alles das er hatt/ das gibt im
ain andrer etc. Es ist aber ye war/ wie solt ir glauben/ die-
weyl ir eer von ainander nemet. Unmüglich ists/ das du ge-
laubest/ seytmal³⁹² dir dein eer gefelt. Dein eer und begerung
deiner eeren můß ersterben/ und als ain ayterig geschwer/
durch ain beyssen^fk393 außgeetzt/ abfallen/ das ist/ du můst dich
gelassen/ und der glaub/ woͤllicher ainem klainen^fl bittern und
sauren senffkoͤrnlin^fm vergleicht ist. Mat. xiii.³⁹⁴ Christus ver-
birgt nit/ woͤlche glauben moͤgen. Die eer gotes solt ir sůch-
en/ welche allain von got kumpt (spricht Christus)³⁹⁵ woͤlt ir
glauben/ wann gotes glorien/ eere/ lob/ willen und lieb/ mit
allem gewalt in uns herschet/ so můß uns/ ich/ ichhait/ und
aines yetlichen sich oder sichhait verwelcken/ und zůnicht^fn
werden. Das ist auch des glaubens art und natur/ Gotes
glorien und unser schand sehen/ gotes tugent und krefften/
und unsere boßhaiten und gebresten³⁹⁶/ gottes etwas und icht³⁹⁷/
und auff der andern seyten/ unser nicht erkennen/ derweg-
en ist es unmüglich/ das ainer got glaub/ und bleyb unge-
lassen/ und můß von noͤten/ gotes ere in got/ nit in uns al-
lain gewendt werden. Christus spricht auch verborgenlich〈/〉
Ich waiß/ das ir gotes lieb in eüch nit habt/ dann ir sůcht
eüer eer〈.〉 Joan. v.³⁹⁸ Das sach Christus in dem/ das sy ir aig-
en lieb hetten/ derhalben ervolgt auch das übel/ das sy go-
tes lieb nit mochten haben. Goͤtliche lieb/ und lieb unserer
seel/ moͤgen nit bey ainander steen/ aber gotes lieb/ und haß
aigner seel/ steend vest bey ainander/ als dise zway stuck/
got lieben/ und unser seel behůten/ und das/ sein seel hassen
und sy zů dem ewigen leben bewaren.³⁹⁹ Wann aber haß unnd
F2^r neid/ gegen aigner seele/ aines yeden/ sich oder sichhait ver-
dempffen⁴⁰⁰ und vertilcken kan/ und Christus leret und will/
das ain yeder sein seel haß/ so will auch Christus/ das sich
menigklicher unwidernemlich⁴⁰¹ gelaß/ Wann sich der mensch
selber ernstlich verlassen hat/ so hat er alle ding übergeben/
und wolgelassen/ Aber es moͤcht kummen/ das ainer aͤcker/
wisen/ eltern/ kinder/ und sein eeweib geließ/ und wer in sei-
ner seel ungelassen/ das also geschehe/ wann er lust und lieb
in sollicher übergebung und gelassung hat/ so het er lieb zů
seiner seel/ und het sich nit gelasse/ dann sein sich/ und ich⁴⁰²/
und etwas stůnd im vor augen/ als ain schatz/ darnach sein
hertz lauschet. Die verdampten teüfel und seelen/ steend in
der helle auch der creaturen und lusten ledig/ aber sy behal-
ten gleichwol begerung zů den creaturen und gelusten/ als
die Propheten Esaias/ Hieremias/ und andere schreyben/
darumb ists nichts außgericht durch ainen sollichen gelaß.
vater und můter/ weib unnd kinder sollen wir lieben/ desge-
leichen ainen yegklichen nechsten/ umb gotes willen/ und
nit umb unsers willen wegen/ wann unser aigen will gegen
ainem menschen stůnd/ so wer die selb liebe und will unrecht
und wider got/ Derhalben spricht Christus/ welcher nach
mir kompt/ und hasset nit vater und můter/ weib und kin-
der/ brůder und schwester/ und dartzů sein aigne seele/ der kan nitt
mein junger sein. Luce xiiii.⁴⁰³ Das ist/ das ich oben gesagt
hab/ das unmüglich sey/ das ainer ain leerjunger^fo Christi
werd/ und übergeb nit alle ding〈.〉 Luce eodem/⁴⁰⁴ Dann wa ich
aigen willen hab/ und nit gottes willen/ so bin ich ungelas-
sen/ wider gott mit unglauben und unlieb. Alles das ich lie-
ben sol/ das sol ich umb gotes willen lieben/ und darumb/
das got behagt.⁴⁰⁵ Lieb ich umb gotes willen/ so bleybt die lie-
be stets/ ob sich gleich die personen bewegen und verendern.
Lieb ich die person umb treu^fp406 willen/ und umb meinetweg-
en/ so můß abtreten/ so offt die person wider gott ist. Also
steet lieb und haß gegen dem nechsten/ davon ich ain ande-
F2^v re zeit will schreyben.⁴⁰⁷ Woͤlcher gottes willen nachforschen
will/ der leeß die hailigen geschrifft/ unnd wa⁴⁰⁸ mein arbait
(woͤlche^fq mir^fr got verlihen) fürdern/ moͤcht^fs er mein bůch-
lin von der sünd und gotes manigfaltigen willen⁴⁰⁹ durchle-
sen/ villeicht würd er besser erinnert^ft werden/ dann ich in⁴¹⁰ yetz
erinner. Mein lieber brůder/ du mainst/ ich hab dise tugent
gelassenhait/ ain allerhoͤchste tugendt in meinem vorigen
bůchlin genent/ und woltest nit ungern ursach wissen.⁴¹¹ Nu
geb ich dir zůerkennen/ ob ich unbillich⁴¹² geschriben/ unnd
hoff/ du werdest erkennen und sprechen/ wa⁴¹³ gelassenhait ist/
von welcher ich hab geredt/ das daselbst der glaub/ hoff-
nung und liebe sey zů got/ wa ungelassenhait lebt/ das da-
selbst eytel unglaub/ aigen lieb stee/ und nicht/ dann verder-
ben vorhanden sey/ wann so ich zeit und raum het/ du wur-
dest auß den stucken/ welche gott zůstendig seind/ mercken/
das aller gewin und verlust^fu in der gelassenhait und annem-
likait⁴¹⁴ steen. Die stuck/ woͤlche got angehoͤrn/ seind volgende^fv.⁴¹⁵

Gotes glorien und eer sůchen/ sein wort verkündigen und der-
gleichen. In den wercken gegen dem nechsten/ frist ungelas-
senhait/ auch alles marck und gebain/ und machet sy alle
sampt wurmaͤssig⁴¹⁶. Yetz wolt ich beschliessen/ als soltest du
nun wissen/ was das wort gelassen und gelassenhait bedeüt/
Aber weil die gifftig schlang/ ungelassenhait oder annem-
ligkait⁴¹⁷/ so haimlich und listigklich^fw/ sich/ und ir sichhait/ und
etwas in das verwickelt/ des sy sich mit kainem rechten an-
ziehen und zůmessen mag/ wil ich noch ain exempel geben/
ob sich villeicht ainer in aim/ und nit in dem andern moͤcht
erinneren^fx/ was/ und wie grossen fleß ain gotforchtsammer
F3^r mensch/ alle stund und augenblick haben můß/ das er sei-
nen schaden der ungelassenhait/ got müg bekennen und beich-
ten/ und gnůgthůung Christi begern/ und glauben/ das Chri-
stus der sey/ der unsere sünd auff sich gelegt/ gebůßt und ge-
bessert hat/ Seyntemal^fy das offt geschicht/ das ainer ain
tugent am^fz besten erkent in irem gegentail/ als gerechtig-
kait/ gunst/ in aim zorn/ Honig gegen gallen. Es lere ainer
wie er kan/ allain das er recht lerne⁴¹⁸. Unser vernunfft und
woͤllende krafft/ und dartzů alle unsere krefften haben nit
aines klainstes steüblins recht/ sich gůtter werck oder ley-
dens antzůnemen unnd erheben/ dann alles das gůt ist/ das
schaffet gott allain/ on uns/ in uns/ unnd wir thůn nicht
meer darbey/ dann wir gethon haben/ als unns got schůff.⁴¹⁹
Zů unnser erschaffung haben wir nichts gethon/ darumb
haben wir kain recht dartzů/ Weil wir kain recht und zů-
spruch⁴²⁰ haben/ so künden wir nicht mit recht/ das unser/ ich-
hait/ meinhait/ oder sichhait haben oder sůchen/ und můß
von noͤten ervolgen/ das ich das mein/ in meiner erschoͤpf-
fung wider billichhait sůch/ und bin verflůcht und verma-
ledeyt/ wann ich meinem schoͤpffer oder vater sag/ warumb
hastu mich also geschaffen. Esaie. xxv.⁴²¹ oder du hast mich
nit gemacht〈.〉 Esa. xxix.⁴²² Nu ist er ain schoͤpffer/ der die wů-
ste und bloß erden schůff/ und der iren schmuck unnd zierde
gab. Gen. i.⁴²³ Derhalben vergleicht got alles das gůt ist/ im
menschen/ der ersten erschaffung/ sagend/ Got hat uns ge-
macht zů gůten wercken/ woͤlche got schůff/ auff das wir in
inen^ga wandern. Ephes.^gb424 Ist ain gůtter gedanck/ ain gůtter will/
ain gůtte wircklichhait/ oder ain gůtt wercklin in uns/ es
steet got allain zů/ als ainem schoͤpffer/ und wir haben kain
recht darinn/ und so offt wir mit gedancken oder willen/ uns
darinn mainen und gedencken. Ich/ wir etc. So messen wir
uns das zů/ dartzů wir weder fůg noch recht/ noch glimpff⁴²⁵
haben/ und stelen und rauben got das sein. Darauß lerne
noch ains/ das wir gelassen sein můssen/ und das ungelas-
F3^v senhait ain diebische rauberin ist. Wann gott ainen mensch-
en zů gůtem bewegt/ so ists gleich/ als wann wir ainen steck-
en zů hilff bewegen/ und moͤgen uns des/ das durch uns ge-
schicht/ nicht weniger zůmessen/ dann der stecken gethoner
hilff.⁴²⁶ Exemplum/⁴²⁷ Der künig Assur/ was ain růte des zo-
ren gottes/⁴²⁸ durch welchen gott seinen zorn außschut/ und das
boͤß straffet/ Darumb kund gott nit leyden/ das der Assur^gc
sprach. Ich hab gesteübt⁴²⁹ oder geschlagen/ dann das ich und
ichhait/ mein und meinhait/ brachten den Assur in grosse
not/ angst und unüberwintlichen^gd schaden/ wiewol ye⁴³⁰ war
was/ das Assur die ungehorsamen Juden straffet/ in ayner
sterck und grossen macht. Yedoch verderbt er seine sach/ das
er sagt/ in der stercke meiner hand/ hab ichs gethon.⁴³¹ Sihe/
Assur hett stercke/ als er krieget und obsiget/ aber dieselb
stercke was gleich sein/ als sy ainer růten geweßt waͤr/ wel-
che růt ain schwaches kindlin bewegt het/ Derhalben rau-
bet und stal Assur die selb stercke/ sam⁴³² er språch/ In meiner
sterck/ oder in der stercke meiner hand/ hab ich gestritten/⁴³³
Het er gesagt/ Gott ist mein stercke/ mein weißhait/ mein
schütz/ schirm und hůt geweßt/ er het recht geredt/⁴³⁴ aber als
er gestracks sprach/ Ich habe meine feind mit meiner sterck
unnd macht geschlagen/ da sündigt er. Auß disem exempel
vernimm/ das unsere gedancken uns selber verderben/ und al-
les unrecht machen/ das sunst recht wer/ Es was ye⁴³⁵ recht
unnd war/ das Assur in ainer macht thet/ aber das war un-
recht und unwar/ das Assur in seiner aigen sterck krieget/
demnach versteest du/ das der Assur/ durch sein seinhait/
oder ungelassen sichhait/ sich verderbt/ das ye war ist/ was
Christus leret/ woͤlcher sein seel liebet/ der verderbt sy. Jo.
xii.⁴³⁶ Auch muͤssen die krieger weißhait und fürsichtigkait⁴³⁷ ha-
ben/ woͤlche Assur het/ aber von got/ nit irem sich. Darumb
sündigt der Assur/ als er sprach/ in meiner weißhait hab ichs
verstanden/ dann er schrib im⁴³⁸ die weißhait und verstentnuß
zů/ welche er von gott het/ Wann got yemand brauchen wil/
F4^r so gibt er im weißhait/ red und sterck. Derhalben kund Assur
nit warhafftigklich/ und mit recht sagen/ In meiner weiß-
hait etc. Het er aber gesagt/ in gotes weißhait/ das wer recht
geredt geweßt. Nu wilt du hoͤren/ wie got solch gedancken
und wort schetzt? Hoͤr was got spricht/ gott sagt/ es ist gleich
sovil geredt/ in meiner sterck hab ichs gethon/ oder in mei-
ner weißhait hab ichs verstanden/ als wann ainer ain růt-
ten auffhebt/ und die růten spricht wider den auffheber/ ich
hab mich auffgehaben/ und ist doch die růten ain holtz/ das
sich weder bewegen noch auffheben kan. Esa. x.⁴³⁹ Auß disen
worten volget/ das ain ding ist vor got/ Sich erheben/ und
wider got erheben/ dann die schrifft meldet/ wie Assur gesagt
hab/ In meiner sterck/ und in meiner weißhait etc. Wir fin-
den aber minder⁴⁴⁰/ das Assur wider gott anders geredt hab/
dann mit yetzgemelten worten/ dannest gibt got exempel⁴⁴¹ von
ainer agst^ge/ oder von ainem beyhel/ unnd von ainer segen/
von ainer růten und stecken/ woͤlcher sich seiner wircklich-
hait annimpt/ unnd ruͤmpt sich wider seinen beweger⁴⁴²/ Al-
lain in dem/ das die seg spricht/ Ich hab gesegt/ unnd das
beyhel/ ich habe gehauen/ und die růten/ ich hab gesteübt/
und der steck/ ich hab geschlagen. Got der sicht unsere hertz-
en und gedancken an/ unnd gilt vor^gf got ain ding/ schlecht
gedencken das ich das thůn〈/〉 das doch got durch mich thůt/
und gedencken/ got hats nit gethon. Es wurd auch volgen
bey den creaturen/ ich hab das gemacht oder gethon/ dar-
umb hats kain andrer gethon/ derhalben spricht man zůzei-
ten^gg/ wie ruͤmet sich der des wercks oder der that/ und er hats
ye⁴⁴³ nit allain gethon/ oder nit gethon. Also ists ain ding.
Nit mit got sein/ und wider got sein/ als Christus spricht/
woͤlcher nit mit mir ist/ der ist wider mich.⁴⁴⁴ Derhalben woͤlch-
er spricht/ Ich hab das verstanden/ erdacht/ erfunden/ ge-
wirckt/ gelitten/ der ist nit mit got/ dann er ruͤmet unnd er-
hebt sich in seinem flaisch/ und nit in got/ und ist in dem sel-
ben rům wider got. Also volget/ das annemligkait⁴⁴⁵ und un-
F4^v gelassenhait allwegen wider got ist/ so still unnd haimlich
sy gesein mag/ das merck/ und sinne dem nach/ und erwege
ob unsere tegliche sünd nit todtsünd sein/ und ob wir sy mit
weichwasser⁴⁴⁶ abweschen künden.

Ungelassenhait ist hoffart⁴⁴⁷.

Liß Esaiam von dem Assur/ in dem zehenden capitel⁴⁴⁸/
und hab auffmercken/ was got in im straffet/ so würdestu
bald versteen/ das Assur in dem gesündt⁴⁴⁹ hat/ das er sprach/
In meiner sterck hab ich die Fürsten und voͤlcker getault⁴⁵⁰.
Item/ Mein hand hatt die macht der voͤlcker/ gleich als
ain nest gefunden. Item ich hab sy gesamelt/ als ainer ay-
er samelt. Item in weißhait hab ich entsunnen⁴⁵¹ etc.⁴⁵² Das seind
gedancken und die wort des Assurs/ woͤlche wider gott wa-
ren/ und got irhalben/ den Assur strafft/ unnd spricht/ das
rům und glorien den hohen augen/ und hoffertigen hertzen
zůsteen/⁴⁵³ Deßgleychen werden wir offt im Esaias finden/
das dise wort/ ich/ in meiner/ unnd der gleichen/ wort auß
der hoffart fliessen. Esaie ii. v. et xiii.⁴⁵⁴ Ezechielis. xxviii. et
xxix.⁴⁵⁵ Weil aber alle menschen sagen/ das hoffart ain tod-
sünd ist/ und ungelassenhait die allerteglichst sünd ist/ muͤs-
sen sy auch zůgeben/ das unser tegliche sünd/ todsünd sein/
und das ungelassenhait/ nit ain verachtlich^gh blater und
sünd ist. Das sag ich/ auff das wir erenstlich auffsehen auff
unser teglich/ ja sündtlich⁴⁵⁶/ ja augenblicklich leben/ und wis-
sen/ das unnser leben voller todtsünd ist/ dann ain yegkliche^gi
ungelassenhait ist des hellischen feuers wirdig. Esaie. xiiii.
Dein hoffart^gj ist zů der hell nider gezogen etc.⁴⁵⁷ Nu sag/ ob
Christi leer nitt diene/ woͤlche er zů allen sprach/ als dise/
Woͤlcher nach mir wil kommen/ der můß sich selber verleüg-
nen/ und sein creütz teglich tragen/ und mir nachvolgen/
Luce. ix.⁴⁵⁸ Woͤlcher ain Christ will sein/ unnd seinem herren
Christo Jhesu nachvolgen/ der můß sich verleügnen/ das ist
F5^r gelassen/ und sein sich oder ich verlieren oder verwerffen/
sunst mag er Christo nit nachvolgen/ oder ain Christ sein/
dann er gott weder lieben noch glauben kan. Dise verleüg-
nung můß nit lau^gk und kuͤl sein/ sonder hertzlich und hi-
tzig/ nicht ainen tag/ sonnder ewig weren. Auch soll er alle
tag/ auff die ungelassenhait und annemligkait⁴⁵⁹ wachen/
und warten/ gleich als ain zorniger Beer/ und grimmiger
loͤw auff^gl ire feinde warten/ so ire jungen fressen und ver-
schlinden/ und můß der mensch sein creütz des zorns/ hasses
und neydes/ wider seine seel teglich ertragen/ und nimmer ab-
legen/ so er Christo nachvolgen^gm/ und ain leerjunger^gn gotes
und Christi will werden/ dartzů helff uns got/ durch unse-
ren herren Jesum Christum Amen.⁴⁶⁰

Von Himlischer
gelassenhait.

Am end ist zůwissen/ wann der gaist der růw⁴⁶¹ den mensch-
en angreyfft⁴⁶²/ und das hauß oder tempel gottes/ das ist/ die
seel mitt seiner glorien erfült/ das alßdann die gelassenhait
an ir end kompt/ und ungelassenhait wirt/⁴⁶³ dann es ist nichts
laͤre und ledig in der seele/ dieweil sy der gaist gotes unver-
gotet laßt/ durchgeet und erfült/ und ewigklich in der seel
bleybt/ unnd in ain goͤtlich leben bringt/ auch haben die
creaturen/ und lusten/ und begirden kainen zůgang meer
zů der sele/ nach dem der mensch in der gantzen sele ist/ und
die seel in ainem vollen frid und gehorsam fuͤrt. Also wirdt
creaturisch gelassenhait/ ain goͤtlich ungelassenhait/⁴⁶⁴ dar-
tzů helff uns got Amen.

Auff die anndere frag Antwurt/ wann du in der warhait
sprichst/ Nit fuͤr^go mich ein in versůchung/⁴⁶⁵ so bittest du/ das
dich got vor den boͤßen woͤll behuͤten/ nit vor anfechten und
kasteyung/ Nach dem Christus sagt/ Ich bitt nit/ das du
meine junger von der welt nemest/ sonder vor übel oder vor
dem boͤßen bewarest. Joannis am xvii.⁴⁶⁶ Also bittestu auch/
das got seinen ewigen willen in dir schaffen woͤll/ und das
du recht gelassen seyest/ Du bittest kürtz- lich/ das dich gott
vor ainem verkerten urtail bewar/ unnd nicht in die welt
geb/ die alle ding gotes/ verkert und unrecht spricht/
davon will ich in kürtzen meer schreyben/⁴⁶⁷ biß⁴⁶⁸
mengklich und gestreng/ in begerung-
en zů got. Amen.

Finis.