a2^r Uf^b den heütigen tag begadt man
das fest der Englen/ unnd sonder-
lich Sanct Michaels¹/ welcher der
oͤbersten einer seyn sol/ den auch
die schrifft^c unther den ersten unnd
Danie. 10.²fürnemlichsten fürsten der engel^d
Danie. 12.³nent/ unnd er ist auch eyn grosser
fürste/ und ein Ertzengel.⁴ Drumb
woͤllen wir oͤrdenlich faren⁵/ unnd
versůchen/ ob wir etwas von den Engeln^e koͤnden an tag
bringen/ gott zů lob/ euch zů besserung/ das vor nit vil
behertzet⁶/ und doch von noͤten ist zů wissen.

¶ Vor allem solt ir wissen/ das man den Engeln^f keynen
tag zůmessen kan/ weder disen heütigen/ noch einen an-
dern/ denn sye schaffen keyne zeit. Auch ists unrecht/ das
wir den Engeln^g feyren/ alle dieweyl wir kein heyligkeit
von inen empfahen^h. Die aber keyn heyligkeit von inen
warten⁷/ und feyren sy/ die wissen nit was feyren oder rů-
henⁱ in Gott heysset/ und sy seind blinde^j narren.⁸

¶ Engel/ das wort engel/ lautet dem grekischen gleich-
er dann dem lateynischen/⁹ den lateynisch heysset es nun-
cius/ das ist zů teütsch/ ein bott/ der botschafft bringt/
aber kriechisch heysset er Angelus/ den wir einen engel
nennen/ und haben nit achtung/ das ein wort eines bot-
ten ist/ das wort Engel/ Hebreisch heyssets Malach/¹⁰
das auch einen botten heysset/ welches^k von dem hebre-
ischen wort Loach¹¹ entspreüsset¹²/ das so vil ist/ er hat ge-
sandt oder geschickt/ demnach weren die geyster enge-
len/ die gott schickt. Aber es ist zů wissen/ das die schrifft
Matthe. 11.auch menschen engel nent/ als Joannem den Teüffer/
Malach. 3.¹³von welchem Gott sprach/ Ich werd meynen engel vor
dir schicken¹⁴ etc. Also auch seind propheten engeln/ das
a2^v Haggei. 1.offenlich von Haggeo geschriben ist etc. Das ist aber
kein wunder/ das menschen engel seind/ weil es auch nit
seltzam ist/ das menschen gottes botten seind gewest/ und
noch sein/ als rechtschaffene prediger/ welche gott uff-
erwecket hat/ und getriben zů predigen seinen verbor-
gen willen etc.¹⁵ Das ist von dem wort engel gesagt/ das
einen botten bedeütt.

Was ein Engel ist

Gůt wer es/ das wir verstünden und wisten/ was ein
Engel ist/ aber wir verstehn unns selberts nit/ drumb
ists nit wunder/ das uns die engelische selbstendigkeyt¹⁶
verborgen ist. Auch seind vil meynungen der gelerten/
etliche sagen/ das der engel keinen leyb hab/ und das er
ein lauter¹⁷ geist sey.¹⁸ Etliche aber sprechen〈/〉 die engeln^l ha-
ben leybe/ als der hymel ein natürlicher^m leyb ist/ und sa-
gen/ das ir leyb unsichtbarlich ist von unseren augen/
seyntemalⁿ ir leyb subtiler ist dann unsere augen/ und er-
kleren sich mit dem/ das der lufft auch unsichtbarlich
ist/ der nach^o19 dicker²⁰ ist/ denn der engelisch leyb/²¹ So kün-
den wir das recht Elementisch feüwer über dem lufft
auch nit sehen/ und den hymel da er nit dicht ist. Stern〈/〉
Sonn/ unnd Mon sehen wir/ drumb das sye dick²² seind.²³
Aber den keüligten²⁴ hymel sehen wir nit.

Von unterscheyd der Engeln und Teüfeln^p.

¶ Die geyster so man Engel nent/ seind unter sich spen-
nig²⁵ geworden/ und haben sich geteylet/²⁶ Etliche verdroß
es das gott einen menschen erwelet hat/ unnd wolt den
selben menschen mit seynem sůn personlich vereynen/
und über alle engel setzen/ und zů einem haupt und für-
sten der gantzen gemeyn gottes machen/ von welchem
sye allesampt Gottes schatz entpfahen und nemen soͤlt-
en/ unnd sich gegen im²⁷ neygen unnd krümmen〈/〉 der
a3^r doch einen groͤbern leyb het/²⁸ dann sy/ der ein sterblich
fleysch würd erstlich haben/ In sunderheit stach sy das
in ire teüfelische nasen/ das sy den selben menschen sol-
ten einen gott heyssen/ unnd sehen solten/ das er an der
gerechten²⁹ gottes würd sitzen/³⁰ das machet die boßhaff-
tige und neydische geyster wider Christum grimmig/
darumb würd auß dem engel ein teüfel und drach/³¹ der
von anbegin den selben menschen hasset/³² und het in³³ auch
gern todt geschlagen/ so ers vermoͤcht hett/³⁴ unnd so die
zeit were gewest/ als sy ward da er Judam Iscarioth³⁵
wider das unschuldig lamb anzündet/ und die phari-
seier wider Christum reytzet/ und schlůg Christum todt/
Iohan. 8.³⁶Derhalben ist der teüfel von anbegin ein moͤrder gewest〈/〉
ehe er Adam betrůg^q/ denn er hat den willen vorgehabt/
Christum todt zů schlahen/ eher Adam fiel/ so war auch
der teüffel eher ein drach und schlang/ denn Adam ver-
sůcht ward/ und er moͤrdet Christum ehe dann Adam/
und Christum ehe dann Christus geborn ward/ Derwe-
gen Apo〈.〉 12.³⁷ et 13³⁸ist geschriben/ das Christus das lemblin von anbe-
gin ist erschlagen/ nicht das im wesen erwürget were/
sonder in dem teüfelischen rath und fürsatz/ Als auch
Collo. 1.³⁹Christus der erstgeborn ist vor allen creaturen/ Nit das
Christus ehe er für uns^r inß wesen gebracht sey/ dann die an-
dere creaturen/ geborn oder geschaffen seind/ wenn Chri-
stus ist nach vilen geschlechten der menschen/ auß Da-
vid geborn/ sonder also ist Christus der erstgeboren/ das
in⁴⁰ Gott in seinem ewigen rath/ für alle creaturn erwe-
let und gesetzet hat/ und wolt das alle außerwelten von
Christo und durch Christum seine goͤtliche schaͤtz nemen/
und durch in⁴¹ allein eyngehn solten/⁴² Demnach ist Chri-
stus der erstgeborn im radt und willen Gottes/ wie er
auch erst erschlagen ist im radt und willen des teüfels/
a3^v unnd in der weyse ist Christus das lamb von anbegin
erwürgt/ unnd der teüffel ist des Christus moͤrder von
anbegin.⁴³

¶ Es hat sich auch ungezweyflet der Teüffel beflissen/
alle Engeln in seynen hassz und neyd/ wider Christum/
zůfuͤren/ und er hatt inen vileicht fürgepredigt eine so-
liche meynung. Sehet/ wir seind engelischer und geyst-
licher natur/ unnd uns gebürt von recht diser vorzug〈/〉
den Gott Christo geben hat/ darumb lasset uns synnen
und trachten/ das wir den sterblichen menschen erwür-
gen/ welchen Gott zů seiner rechten über unns und zů
unserm oͤbersten setzen wil.⁴⁴

¶ Er hat sye auch alle so hoch versůchet/ und so subtil^s
angesprenget⁴⁵/ das etliche des teüffels versůchung zům
fall bracht hatt. Etliche aber seind bestanden/ und ha-
ben Apo. 12.⁴⁶den greulichen drachen/ im blůt Christi/ überwun-
den/ und die warheyt Gottes hat sy gestercket/ und fest
gemacht wider den teüffel.

Aber wiewol die frummen engeln Christum annamen〈/〉
Apoc. 12.dennest hatt sy der drach etwas beweget/ und so weyt
Accusator fratrum.⁴⁷gebracht/ das er sy all beklagen kan vor Gott/ und das
sy alle sprechen muͤssen/ Wir haben im blůt des lambs
überwünden/ oder ^tvon wegen des blůts/ unnd^t von we-
gen des gezeügniß der reden überwunden/⁴⁸ als ob sy sag-
ten/ Apo. 17.Hetten wir unns nit ans blůt des unschuldigen
lambs gehalten (Welches lamb mit dem teüffel strey-
ten und in⁴⁹ überwinden würd/ denn er ist ein herr der hee-
ren^u/ und ein künig der künig)⁵⁰ so weren wir verloren ge-
west/ Apo. 5.⁵¹Aber dieweyl das lamb rechtlich und redlich den
drachen überwunden hatt/ so ist sein gerechtigkeit un-
ser gerechtigkeyt⁵²/ unnd wir bekennen dem Christo/ das
er uns durch sein blůt erloͤset hat/ unnd das er wirdig
a4^r ist/ das wir in⁵³ bekennen unnd im⁵⁴ unser macht/ reych-
tumer/ sterck/ eere/ herligkeyt/ unnd gebenedeyung/ zů-
erkennen^v〈/〉 Ephe. 1.⁵⁵wir und alle creaturen/ weliche ist in dem hy-
mel/ uff erden/^w unther der erden und im meer. Christus
Collo. 1.⁵⁶hatt alle ding im hymel und erden/ durch sein blůt am
kreütz versuͤnet und erstat. Darumb bekennen wir Chri-
sto sterck/ kampff/ und sig zů/ nit uns.

¶ Mit einem solchen bekantnis machen sye den teüffel
klagloß⁵⁷/ und verstopffen das boßhafftig maul des teü-
fels/ der wider sye boßheit redet/ unnd spricht/ sye seind
im gleich.⁵⁸ Denn sye seind im ungleich in der boßheit/ ob
sye gleich schwach würden im kempffen und streyten/
Der drach hasset Christum/ und vergündt⁵⁹ im⁶⁰/ das in⁶¹
Gott so hoch setzen wolt/ über alle Engelische krefften.
Die bestendige⁶² Engelen gündten⁶³ Christo sein eere und
fürzug/ namen in⁶⁴ gern an als einen fürsten und ir haupt/
drumb seind sye dem beschuldiger ungleich.⁶⁵

¶ Aber die andern so dem teüffel und drachen zůfielen
und recht gaben/ unnd sagten/ Gott ist ungerecht〈/〉 das
er einen sterblichen menschen über uns setzet/ unnd be-
willigten⁶⁶ in den todtschlag Christi/ und wolten die re-
de des gezeückniß Christi falsch machen/ als sye hofften/
Wenn Christus todt ist/ so wirt er nit über unns sitzen
unnd herschen. Alle die darzů hulffen〈/〉 die seind botten
Apo. 12.⁶⁷des teüffels unnd Satane^x/ diser verfuͤret die gantzen
welt/ und widerstrebet dem reych Christi/ und ein oͤber-
ster Capitaneus der teüffel〈/〉 welche sich^y samptlich uffge-
leynet haben gegen den andern Engelen/ welche Chri-
stum annamen/ und wolten sye wider Christum anzün-
den und uffwecken.

a4^v ¶ Apo. 12.⁶⁸Und da ward der groß streyt im himel/ da streyt der
Drach und seyne Engel uff einer/ unnd der Ertzengel
Michael unnd seyne engel uff der andern seyten/ wider
einander/ und der drach verluͤre^z seyne statt im hymel.

¶ So seind die Engel gezweyspalten^aa/ als auch die men-
schen/ die auß Gott waren/ die horeten gern vonn der
große herligkeyt Christi/ und überwunden von wegen
Iohan. 8.⁶⁹der rede dises gezeügniß. Aber die auß dem teüfel wa-
ren/ der in der warheyt nit stůnd/ die horten es ungern/
das Gott Christum der massen über alle creaturen setz-
en wolt zů einem haupt unnd erloͤser/ drum namen sye
die verheyssung von Christo nicht an/ unnd verachten
auch das blůt Christi/ unnd den warhafftigen und ge-
rechten Gott.

Vom Teüffel.

¶ Der Teüffel uͤbet sein ampt und art/ wider uns alle
die Christum annemen/ als er vor⁷⁰ im hymel than^ab hat/
wo er einen findt dem Christus blůt koͤstlich ist/ den ver-
sůchet er/ unnd wil in⁷¹ wider Christum/ mit hassz unnd
neydt reytzen und brengen/ so bleibt er ewiglich ein ver-
fuͤrer der welt und widerstreber Christi/ und zerstrauer^ac72
des reych Gottes.⁷³

¶ Nu merck der Teüffel ist so mechtig/ das er heüt des
tags/ den bestendigen Engeln arbeyt machet/ und hin-
deret/ das sye nit fürkommen/ unnd můß^ad zeyten ein engel
des andern hülff zůlassen/ als Gabriel von dem teüffel
Daniel. 10.⁷⁴der Perser gehindert ward und solchen widerstand het/
das im⁷⁵ Sanct Michael zů hülff kommen můst/ Darab
zůnemen^ae ist〈/〉⁷⁶ wie grosser sterck wir bedürffen wider den
teüffel/ der yetzt umb uns ist/ in dem lufft/ und uns ver-
sůchet und verfuͤret als sein gewonheit ist/ Wir bedürf-
b1^r fen eygentlich grosser sterck/ unnd das wir uns fest ans
blůt und Evangelium Christi halten/ Derhalben hat
uns Paulus treulich vermanet und gebetten/ das wir
uns bekrefftigen in dem herrn Jesu von Nazareth/ und
Ephe. 6.⁷⁷starck machen mit seiner sterck/ uff das wir in allen
dingen gerüst sein/ und bestehn künden/ wider den subtilen
feynd und listigen teüffel. Denn wir haben mit den teüf-
feln^af zůkempffen/ welche fürstenn seind diser welt.⁷⁸ Dise
boͤse geyster seind unther dem hymel/ und unsaͤglicher^ag
weyse stercker/ dann unser fleysch und blůt/ welchs auch
nicht zů schaͤtzen ist gegen der grossen unnd scharpffen
macht des teüffels.

¶ Drumb ist uns von noͤten das wir den harnisch und
die streytwaffen der Engeln erwischen/ und setzen uns
mit dem schilde wider die geyster der boßheit/ mit wel-
chem die Engel wider den grausamen drachen bestůn-
den/ unnd fassen das schwerdt/ mit welchem Michael
und seine Engelen den Satan auß dem hymel jagten
eodem Apoca'lypsi'⁷⁹unnd verstiessen. Nemlich Gottes wort/ das wort des
gezeügniß von Jesu von Nazaret/ in welchem die En-
gel obsigten/ unnd den teüffel niderschlůgen/ als auch
Christus den drachen unnd versůcher überwand und
abweyset.^ah Und unsere lenden muͤssen wir mit der war-
heit Matt. 4.⁸⁰umbgürten⁸¹ und zůsamen binden/ dann warheit ist
das aller sterckst unnd bricht durch. Auch muͤssen wir
alle macht im glauben haben/ Welcher glaub Gottes
wort und die warheit fürwendet⁸²/ Und muͤssen die feu-
rigen pfeyl des boͤßwichts verstehn/ durch den glauben/
und sye außleschen/ unnd die teüffelische spitz stumpff
machen.⁸³ Wir bedoͤrffen warlich grosser und Engelisch-
er sterck/ und gleich das harnisch/ mit welchem sich die
b1^v Engeln gewapnet haben und nach^ai84 wapnen wider den
subtilen feynd.

¶ Der teüffel hat sein alte macht unnd sterck noch/ die
er vor⁸⁵ im hymel hett/ und ist noch so mechtig/ das er ey-
nen Engel alhie uff erden kan halten⁸⁶/ das er in seinem
ampt verhindert oder verzogen⁸⁷ wirt/ wenn er nit seinen
geyst/ unnd Gottes verlihene^aj sterck eben versteht.⁸⁸ Das
kanstu lernen auß dem geschicht des Engels Gabriel/
welcher Danielem leren solt die verwickelte gesichte uß
zůfalten/ daruß wir ein sonderliche weyßheit des En-
gels Gabriel abnemen⁸⁹/ Unnd dannest war ein teüffel/
ein fürst über Persien/ so witzig/ scharpff/ clůg/ mech-
tig unnd starck/ das er den Engel Gabriel hemmet und
hielt/ und der Gabriel (oder ein ander Engel seins or-
dens) bedürfft der hülff und beystant S'anct' Michaels.⁹⁰

¶ Es kan meniglicher auß der selbigen historien ver-
stehn/ das die hohe teüffeln den heyligen Engeln etwas
künden abhaben⁹¹/ Und es seind under den engeln starcke
und sterckere und sterckste Engeln/ als under den men-
schen seind einer stercker denn der ander. Auch nach dem
geyst ist einer mechtiger denn der ander. Also auch ist es
under den teüffeln/ einer ist spitziger/ mechtiger denn der
ander. Wann nun ein starcker teüffel über ein schwache
seel oder geringeren Engel kumpt (denn er ist) so helt er
in so lang/ biß er gleiche sterck erlanget/ als die obberür-
ten Jude.historien anzeyget. Und so die historien und dispu-
tation des Ertzengels Sanct Michaels/ gegen dem
Judas.⁹²teüffel gehalten/ warhafftig were/ als in der Epistel
(welche man Jude zůrechnet) steht geschriben/ so koͤnd-
ten wir wol verstehn/ wie grosse mühe der ertzengel Sanct
Michael/ mit dem Satan gehabt hat/ über dem leyb
Mosy/ denn wenn im⁹³ der teüffel nitt so scharpffe ge-
genrede gesetzet het/ die S'anct' Michael schwerlich unnd
b2^r nit wol umbstossen/ het er nit gesagt. Straff dich gott〈/〉
Satan. Weyl aber der teüffel Sanct Michael dahin
bracht/ das der engel dem Satan ein straff von Gott
wünschet/ ist wol zůmercken/ wie hefftig der Satan wi-
der inen ist gewesen. Nun es sey oder sey^ak nit das die ge-
melte epistel⁹⁴ inhelt/ so ist das offenbar/ und keiner darffs
leücken⁹⁵/ dann das ein starcker teüffel einen schwachen En-
gel und ein unstarcke seel halten⁹⁶ kan. Und es mag wol
sein das ein teüffel in der geschaffen natur/ geweltiger
ist/ denn ein geringer engel in der genad gottes/ als auch
ein grosse anfechtung einem schwachen im glauben zů
Matth. 26.⁹⁷starck ist/ das alles uß der flůcht der junger Christi von
Christo ist zůmercken.

¶ Das hab ich gesagt das der mensch achtung hab uffs
teüffels stercke/ und lerne in⁹⁸ erkennen/ denn die unwissen-
heit ist ferlich^al99/ und gemeyniglich steht der uffs teüffels
seyten/ der seyne feurige und listige versuchung nit ver-
steht/ das für eines.

¶ Für das ander hab ich das gesetzet/ das der mensch nit
denck/ das des Satans^am boßheit jetzt geringer unther
dem hymel sey/ dann sy droben ist gewest im hymel.

¶ Zům dritten/ das der ewig widerwil der teüffeln ge-
gen den Engeln ewiglich bleybet/ des gleichen auch ge-
gen gottfoͤrchtige seelen.

¶ Der teüffel stůnd nit in der warheyt/ sonder er fiel in
Johan. 8.¹⁰⁰seiner eygenschafft¹⁰¹/ und sprach auß die lůgen/ unnd ist
worden ein vatter der lügen/ und alle seine macht steht
uff lügen/ und sein listigkeit ist gericht einen Engel oder
ein seel dahin zůfuͤren/ das der gottfoͤrchtige/ lügen faß/
und drinn bleyb/ und einen grauhen zů der warheit¹⁰² schoͤpf-
fe. Er vermantelt¹⁰³ aber die lügen mit einem scheyn der
warheyt/ und leget¹⁰⁴ in den engeln oder seelen zeiten^an105 auch
b2^v in schrifften^ao für als die warheit/ als der Satan Christo
Matth. 4.¹⁰⁶schrifften fürleget/ und wolt Christum durch fürgeleg-
te schrifften^ap in ein lugenhafftige vermessenheit oder be-
girden bringen. Also auch greyffet der verfuͤrisch Sa-
tan selen und engeln an/ mit warhafftigen urteyln/ und
verkeret sy doch als ein Sophist/ mit seiner sophisterey
einen menschen versůchet und eyntrybet¹⁰⁷/ und würffet
in¹⁰⁸ durch den glantz der warheit in lugen/ und das ist ein
groß mechtig übel/ wann sich einer ^aqder lugen^aq gefangen
gibt. Denn gleicherweyse die warheyt frey unnd ledig
machet/ also widerumb machet die lugen einen gefang-
nen knecht des teüffels.¹⁰⁹

¶ Derhalben solt sich der mensch mit warhafftigen ur-
teylen Gottis wapnen/ und den Satan überstreyten¹¹⁰/
als Christus den versůcher auch mit warhafftigen re-
den Gottes verjagt.¹¹¹

¶ Mit nichte^ar soltu vergessen/ das der teüffel ein fürst
der finsterniß ist/ und erzeyget sich nicht allein in geyst-
lichem finsterniß der warheit/ sonder in der nacht und
eüsserlichen finsterniß/ da versůcht der teüfel einen men-
schen mit forcht/ und machet gepolder und gerumpel/
alles derhalben/ das sich der mensch vor im foͤrchte/ das
dann wider Gott ist/^as112 Wenn aber der teüffel sein forcht
eingetryben hat in menschen/ und versteht durch eüsser-
liche geberden oder umbstend/ das sich der mensch vor
im foͤrchtet/ so fert er fort/ und gibt dem menschen ein/
er sol von Gott zů den creatüren flihen/ und hülff nemen
wo er sye finden kan/ also hatt der teüffel vil menschen
dahin bracht/ das sye zů den goͤtzen gelauffen/¹¹³ und sůn^at
der finsterniß¹¹⁴ geworden seind/ das des teüffels sig und
triumpff ist. Derhalben solt sich kein mensch vor dem
teüffel foͤrchten/ denn so bald sich einer gegen seinen feind
c1^r forchten thůt/ so geht etwas seinen krefften ab/¹¹⁵ und sein
feynd überwindt in¹¹⁶. Weyl aber sich der mensch pflegt
〈zu〉^au foͤrchten/ ist im¹¹⁷ von noͤten Gott emsiglich anzůruͤffen/
Mat. 14.¹¹⁸unnd mit Petro sagen/ Herr kumm mir zůhülff/ uff das
mich das wasser nit erseüff.

¶ Nun ist gesagt wie die teüfel worden sein/ wie sy enge-
len unnd menschen/ so in irem lande gefunden werden/
noch heütigs tags anfallen und versůchen/ und verfuͤren
woͤllen/ das auch die engel zůzeiten den teüfeln zů schwach
seind/ und künden inen allein nit widerstehn.¹¹⁹ Auch ist ge-
melt das luͤgen und liste des teüfels harnisch und pfeyl
seind. Widerumb das der mensch einfeltig als ein taub/
und fürsichtig als ein schlang můß sein¹²⁰/ und luͤgen mit
der warheit/ list mit goͤtlicher weißheit/ boßheit mit ge-
rechtigkeit niderwerffen. Was das ampt des teüfels
ist und seiner mitengeln/ ist auch gesagt.

¶ Der einfeltig man solt auch weyß¹²¹ werden/ das er sich
nit alwegen uff seinen Engel verließ/ sonder alzeyt sein
stercke in Gott sůchte.

¶ Es ist ein unsaͤglicher schade/ welchen ein erschrockner
und teüfelforchtsamer mensch leydet/ und ein grosse und
greüliche sünd/ die er thůt/ wenn er den teüfel anfaht zů
foͤrchten. Denn warumb/ gott hat an vil enden dem men-
schen gebotten/ das er gott allein foͤrchten soll und nichts
anders¹²²/ das aber hat gott dem menschen durch sein ge-
bott angezeygt/ das er solchen grossen und jemerlichen
schaden vorstehn¹²³/ und ein solchs greülichs laster werd
verhuͤtt/ und gott seine eere unabgebrochen und unver-
sprochen bleyb/ den schaden soltu also vernemen.

¶ Sihe Gott pflegt durch seine krefften in grund unse-
rer hertzen absteygen/¹²⁴ und sich selbs nach seiner abgeen-
der^av krafft offenbaren/ und außsprechen¹²⁵. Alles durch sei-
nen lebendigen mund/ der ein eynblickend liecht¹²⁶ ist/ und
c1^v lasset sein werck im grunde der selen/ und das selb werck
heysset der glaub/ welcher ein erkantnis gottes ist/ und
verheyeratet das hertz mit gott/¹²⁷ und das hertz/ wird als
bald starck/ wunnsam¹²⁸/ und voller freüden/ es verstehet/
und liebet gottes abgeende krafft die es verstanden hat/
und thůt im¹²⁹ eere/ und schetzet die erkante krafft über al-
les das sein hertz erkennen kan/ und fasset das berlin¹³⁰/ und
gibet alles das er besitzet drumb und verlasset alle sein
habe für das/¹³¹ und darinn hat Gott wolgefallen/ und in
dem selben wirt Gottes namen heylig/ sein eere groß
und voll.

¶ Als^aw wenn sich gott außsprichet/ nach seiner sterck/ und
macht das der geschaffen geyst seine goͤttliche stercke
und macht versteht/ und weiß das gott stercker ist/ dann
alle creaturn/ und das alle krafft macht und sterck von gott
kumpt/ und das sich wider gott kein gewald/ oder ober-
keit/ und herligkeit kan uffleynen/ und das aller creatu-
ren krefften vor seiner macht schmeltzen und verfliessen/
so würt der creaturisch geyst über die massen starck und
mechtig durch Gott/ und gegen allen widerspenstigen
gewelden¹³²/ trotzig/ und gibt gott sein gebürliche eere/ als
nemlich¹³³. Er ist sicher/ das mit seiner eygen sterck/ unnd
alle creaturen macht/ nichts/ oder auß ist/ das an got-
tes Esai.finger alle creaturische krefften hangen/ unnd das
gott sein sterck/ macht/ schild/ helffer/ zůflůcht/ felß/ bo-
gen/ unnd alles ist/ das schuͤtzen/ schirmen/ verhuͤten/
oder sterck geben kan.¹³⁴

¶ In dem stehet der recht liebreych glaub der alle ding
vermag durch Gott/¹³⁵ der auch alle teüfel die sich an in¹³⁶
legen verjaget/ so er gottes willen vernympt als Chris-
tus vom glauben spricht/ wenn ir einen glauben hett als
ein senffkoͤrnlin/ und saget zů disem berg/ verstürtz dich
ins meer/ so würd er weychen etc.¹³⁷ Das ist von dem nutz
c2^r des menschen/ und von gottes eere gesagt/ von unserm
schaden/ und gottes unere/ wil ich folgend reden/ denn
ein gegensatz machet den andern vernemlicher.

¶ Gott ist ein liecht das im^ax finsternis leüchtet/¹³⁸ aber es
ist nicht geacht/ würt auch nicht angenommen/ sonder ge-
hasset/ und ein finsterniß oder schatten darfür geliebet/
von den verkerten menschen/¹³⁹ das soltu durch die teyl
verstehen.

¶ Sihe/ wenn sich gott durch sein einblickende stralen/
nach seiner macht und sterck/ als ein starcker gott wey-
set/ und der mensch gottes nicht achtet sonder lasset in¹⁴⁰
faren/ und sein werck durch dreyffen^ay141. So kumpt dann uß
mangel des liechtes/ unnd auß unwissenheit goͤtlicher
sterck ein won¹⁴² und forcht/ das ein teüfel〈/〉 eine sele/ mensch〈/〉
schwerdt/ feur/ wasser/ oder etwas anders dem mensch-
en schaden mag. Daher fleüsset zagheit/ bydmen¹⁴³/ angst/
und forcht gegen den creaturen/ und das das nerrisch hertz
einen teüfel oder polder selen fürchtet/ als ob er gott we-
re/ der toͤdten und verderben kan/ und weyß nit anders/
denn der teüfel sey so mechtig/ das er koͤnn^az was er will〈/〉 da-
her würt denn ein mensch krafftloß/ voller aͤngsten/ und
schweyß/ und zweyfelt an goͤtlicher macht/ und steygen
im¹⁴⁴ denn wider gottes almechtigkeit/ gedancken auff/ im
hertzen/ das der arm mensch gedencket/ der teüfel ver-
mag was er will und gott koͤnn oder woͤll es nit hindern/
das ist gott nahe/ unnd wider sein eere/ und es wer keyn
wunder das gott einen solchen teüfels foͤrchter in den ab-
grund der hellen stieß und zerschmettert/ oder zerschey-
tert¹⁴⁵ in¹⁴⁶/ in tausent stuck.

¶ Auch sein ir¹⁴⁷ etlich/ die das leyd/ über ir sünd vor gros-
ser angste und forchte des teüfels verlassen^ba/ und die al-
lein in der glüde^bb und hitze der forcht stehn/ verstehn aber
nit das ir forcht wider gott ist/ drumb ist inen das nit leyd
c2^v und bitter^bc das sy sich vorm teüfel foͤrchten/ allein ist inen
leyd und bitter/ das der teüfel gegenwertig ist/ wenn sye
aber zů gott schreyhen mit seüfftzen/ und begeren hülff
oder rettung von Gott/ so finden sy trost/ Dise werden
in dem behalten/ das sye gott in irem leyden etwas we-
nig vornemen/ und nach seiner hülff schreyhen/ denn sye
bekennen heymlich die boßheit ires hertzens/ das sye Gott
zů nahe seind mit irer teüfels forchte/ und sagen verbor-
genlich〈/〉 Ich woͤlt das ich mich nicht foͤrchtet vor einer
creaturischen machte/ sonder allein vor Gott/ In der
weyse sprechen sye〈/〉 Ich thů/ das ich nit will und das ich
hassz/ das thů ich.¹⁴⁸ In dem bekentniß gehn sy in Got-
tes reych 〈ein/〉 ehe dann gleißner¹⁴⁹/ als auch hůren und bůben¹⁵⁰
ehr ein geen.

¶ Das laster/ und ein soliche greulich sünde/ und einen
solchen unerstattlichen¹⁵¹ schaden des menschen/ versteht
der Satan/ und befleysset sich drumb von aller ersten/
ein forcht ins menschen hertz zů setzen durch boldern und
rumpeln/ das er in¹⁵² von gott wende/ und mach/ das sich
der arm mensch vor im foͤrchte/ wider Gottes vilfal-
tigs verbott.

¶ Dise sünd ist ein boͤse blindheit/ die gottes reych nit
besehen¹⁵³ kan/ oder ist der unglaub der etwas verthumbt¹⁵⁴/
und in die helle¹⁵⁵ fuͤret/ Der den unglauben hat〈/〉 der wider-
spricht allen waren reden Gottes/ so im¹⁵⁶ von gottes sterck
und macht einfallen^bd/ und hat einen verkerten sinn und willen.¹⁵⁷

¶ Aber die blind sein und uß unwissenheit hindern/ die
muͤssen ^bedurchs fegfeur^be gehn und gefeget oder beschnit-
ten werden/ biß sy klůg werden/ und iren schaden verstehn.¹⁵⁸

¶ Vor des teüffels reych sol sich der mensch hefftiglich
huͤten/ und gott in sonderheit bitten/ das er in¹⁵⁹ nit einfuͤr in
versůchung/ sonder erloͤß von dem boͤsen/¹⁶⁰ das ist/ dem
menschen sal mehr zů hertzen sein/ das in¹⁶¹ gott vor der
c3^r sünd woͤll behuͤten/ uff das er dem teüffel nit anfahe zů
foͤrchten/ denn das im¹⁶² der teüfel verdrieß thůn/ wenn das
ist ein unsaͤglichs übel/ den teüfel mehr dann Gott foͤrch-
ten/ oder gleich als Gott foͤrchten/ und der mensch sol
ein solichen streyt senlich und ernstlich begeren/ und gott
bitten/ das er im¹⁶³ seine almechtige krafft offenbare/ die
weyl der glaub unser sterck ist/ und gottes kunst¹⁶⁴ vor al-
lem Iohan.¹⁶⁵
Esaie.¹⁶⁶
Matthei.¹⁶⁷boͤsen bewaret/ als geschriben/ Es wirt sye weder
feur noch wasser/ noch irgent ein macht beschedigen.

¶ Du solst nit gestracks bitten das gott den teüffel von
dir nem/ als Paulus thet¹⁶⁸/ sonder das dir kein forcht ein-
komm^bf/ die dich von gott bring/ denn der teüffel kan dir zů ei-
ner růten und zůcht geschickt sein/ die du dultiglich tragen
und leyden soltest/ als ein frommer sůne seines vatters
zůcht leydet¹⁶⁹/ Aber ins teüffels reych dretten ist teüffe-
lisch und abgoͤttisch/ und ein übel darin dich kein barm-
hertzig will Gottes brengt.

¶ Iohan.¹⁷⁰Den teüfel künden wir dapffer nider werffen/ und über-
winden/ in dem/ der in uns ist/ und groͤsser und mechti-
ger ist/ das ist/ durch got der mit uns ist/ für¹⁷¹ uns her geht/
und streyt und umbstürtzet/ alles das uns beschediget.

¶ Von Gott gnossen^bg172 Engeln.

¶ Die frummen heyligen Engel gottes/ so des hymelisch-
en vatters angesicht sehen/ und wilferige^bh geyster seind
haben ein mechtig sorg/ uff das sich ye niemants vor inen
foͤrcht. Derhalben/ wenn sy mercken/ das sich ein hertz vor
in¹⁷³ entsetzet/ fahen sy gemeyniglichen¹⁷⁴ an/ und sprechen
so bald/ Foͤrchte dich nicht. Als der Engel zů Maria
sprach/ Foͤrcht dich nit Maria/ Du hast gnad funden
Iudic. 6.¹⁷⁵bey Gott.¹⁷⁶ Also auch^bi sprach Gabrielder gůt Engel zů
Daniele/ Foͤrcht dich nicht.¹⁷⁷ Der gůtt Engel Gedeonis
sprach/ Foͤrcht dich nit/ und der gleichen findt man vil
c3^v historien/ auß welchen wir lernen/ das der gůten Engel
weyse sich dahin neyget/ und schicket/ das jeder menig-
lich sich nur für Gott fürchten sol/ der allein todt schla-
hen und lebendig machen kan¹⁷⁸/ ist allein zů foͤrchten. Deu.
6. et 10.¹⁷⁹ Hie. 2. et 10.¹⁸⁰ Esa. 8. et 43. et 51.¹⁸¹ Pro. 7.¹⁸² Darauß
mag ein jeglicher untherscheyd nemen zwischen den gů-
ten und boͤsen Engeln.

¶ Auch haben wir ein andere teylung zwischen den En-
geln und teüfeln. Von den teüffeln ist gesagt/ das sy sich
befleyssen/ und richten allen iren fleyß dahin/ das sy leüt
betriegen in unwarheit^bj/ unnd luͤgen füren. Und stellen
sich zů zeiten/ als menner des liechtes und warheit/ aber
alles darumb/ das sie uns in finsternüs und luͤgen fuͤ-
ren. Als auch der endtchrist wirt thůn/ der schoͤne gul-
den und groschen/ silber und gold streuen wirt/ das ist〈/〉
Er wirt gůte scheynliche gruͤnde der schrifften fürlegen/
und die leüt also an sich hencken/ darnach wirt er sie vor-
füren^bk/ wenn er ist des teüfels botschafft.

¶ Aber die gůte Engel keren allen iren fleyß/ arbeyt/ und
muͤhe dahin/ das sie gottes wort recht/ reyniglich/ und
zů gůtem ende verkuͤndigen/ unnd die anhoͤrer zů irem
heyl fuͤren/ und uns an Gott hencken/ und uff blosse war-
heit Gottes stellen. Denn die bestendige Engeln Gottes
leren uns warheit verstehn/ als die Engeln/ so zů Abra-
ham Gene.18kamen/ und zů Sara sprachen/ Ist auch Got et-
was Luc. 1^bl.schwer.¹⁸³ Unnd der Engel Gabriel. Nimm ware〈/〉 dein
mům¹⁸⁴ Elizabeth hat entpfangen/ denn es ist nichts un-
müglich für Gott.¹⁸⁵ Das die Engeln den menschen pre-
digen/ und sy Gottes urteyl leren künden/ das sy auch
Gott derhalben zeyten schicke/ werdet ir auß der histo-
rien des Engels Mosi vernemen. Exo. 23. Wo ir sie le-
c4^r sen oder hoͤren werdet. Denn Got sprach zů Mosen/ Si-
he ich schicke dir meinen Engel/ denck das du gescheyd
oder fürsichtig seiest. Hoͤre seine stym/ und sihe/ das du
inen¹⁸⁶ nit erbitterst/ wenn er württ eurer laster nit scho-
nen/ dieweyl mein namen in im¹⁸⁷ ist.¹⁸⁸ Stym hoͤren eines
Engels/ heysset von einem Engel lernen/ und eben mer-
ken was er sagt/ Also sagt Paulus/ Gott hat das ge-
setze durch die Engel verkuͤndiget.¹⁸⁹ Aber gesetz verkün-
digen/ heysset leren und untherweysen/ und von sach-
en reden/ so die gottheytt/ Gottes willen/ weyßheitt/
unnd der gleychen antreffen. Darumb sol es euch nit
seltzam sein/ so ich sage/ das uns Engeln leren künden
unnd woͤllen/ wenn sie Gott zů uns sendet/ finden wir
doch in den propheten^bm/ Ezechiel¹⁹⁰/ Daniel¹⁹¹/ Zacharia¹⁹²/
unnd Johannes in seiner offenbarung¹⁹³/ das sie gesichte
von den Engeln haben lernen verstehen/ welches denn
nicht ein gering ding ist/ als Esaias¹⁹⁴/ unnd Daniel¹⁹⁵ sa-
gen/ gleich als^bn etwas groß ist/ die figürlichen und ver-
knüpffte reden Gottes vernemen. Sie leren aber/ als
andere creaturen unns leren/ in Gottes stadt kuͤndenn
sie nichts bringen/ die stadt aber Gottes ist unnser in-
wendigkeit¹⁹⁶/ unnd blosse sele/ Als Hieremie. 31.¹⁹⁷ Lu-
ce. 14.¹⁹⁸ und Deuterono. 30.¹⁹⁹ angezeigt ist/ denen/ die es
verstehen. Das hab ich derhalben zůgesetzt/ das ir die
Engeln/ Engel lasset bleyben/ unnd Gott gebet/ das
allein sein ist. Ir auch solt wissen/ das die Engelen/
nicht auß irem eigen willen zů unns kommen/ sonnder
auß Gottes befell/ als der Engel Tobie²⁰⁰/ und Joannis²⁰¹
melden/ unnd in vilen historien der heyligen schrifft ge-
schrieben steht.²⁰² Also habet in der summ das uns die En-
gel nicht allein zůkuͤnfftige ding verkuͤndigen/ sonnder
auch zeiten den tieffen innhalt der schrifft und gesichten
leren/ als botschafften²⁰³/ nit als herren.

c4^v ¶ Darumb ist es ein nerrisch sach/ das die blinde selen/
als bald den Engeln zů fuͤssen fallen/ so bald sy mercken/
das engel gottes seind/ sonderlich ist es ein straͤffliche tor-
heit/ das man die Engeln anbetten und inen opffer geben
und sye feyren will oder soliche stuck beweysen/ die doch
Gott allein zůstehn.²⁰⁴ Das ein torheyt sey/ das auch die
gůte Engeln und warhafftige bottschafften soliche tor-
heit verbieten/ leren die Engel Tobie²⁰⁵/ Manue²⁰⁶/ Joan-
nis²⁰⁷/ unnd etlicher anderen historien. Dazů schreyet die
gantze schrifft/ das wir allein Gott anbetten/ dienen/
feyern/ opffern/ und der gleichen thůn soͤllen.²⁰⁸ Demnach
widerstreben wir den Engeln/ zů sampt Gott/ wenn wir
den Engeln eygen fest machen/ und liechtlin anzünden/
oder opffer bringen/ und zů inen als unsern huͤtern und
schützhern lauffen/ das doch jetzt in der welt gemeyn ist/
ist doch keiner nit/ der im²⁰⁹ nit einen besondern und eygen
Engel/ als auch einen eygen Apostel erdichten thůt/ zů
dem er alle hülff/ trost nebend gott stellet. So doch die
Engeln unsere mitbruͤder seind/ und uns nicht künden/
Ja auch nit woͤllen mehr oder weyter helffen/ denn sye
wissen/ das Gott haben will. Sye kommen auch nit eher
zů hülff oder leere/ eher sye Gott sendet. Derhalben sol
man Gott anruͤffen/ unnd gantzen vertrauen in Gott
stellen. Da helff uns Gott zů〈/〉 Amen.

^boGedruckt zů Straßburg
M. D. XXIIII. ^bo