A2^r Frid unnd erkantnis der gestrackten²
gerechtigkeyt Gotis/ von Gott dem
lebentigen vater Christi Jesu unsers
herren. Euch bruͤdern/ die yr mich be-
rufft. Amen.³

Bruͤder/ ir wundert das ich still sweig^c/ unnd nichts^d
schreib/ und beschuldigt meine faulheyt do mit/ und thut^e
als ettliche/ die teglich uber mich schreyhen.⁴ Ich verlaß
ein bessere arbeyt der lection/ und ube^f mich in eusserlicher
leihischer arbeit/⁵ und unthersteht euch mich zum schreiben
zedringen/ als wer ich euch pflichtig mit schreiben zu dienen/
gleich als moͤchte solcher dienst one ferligkeyt⁶ und nach-
teyl des geystes gescheen. Ich will aber (hoff ich) euch
genugsame ursachen antzeigen/ unnd euch mit schrifft-
lichem gezeugnis fahen/ und do hin fuͤren/ do ir bekennen
muͤst/ das keyn eusserlichs bekentnis (als schreiben und
predigen der warheit) one ferligkeyt/ und one schwinde^g
anfechtung des geystes gotis geschicht. Drumb auch mir
nutzer wer/ still stehn/ unnd alleyn hoͤrenn die stym des
preutgams^h7/ dan auß dem schlaff und gehoͤrⁱ lauffen.⁸

Vor allem wisset yhr die uberschwenckliche boßheit
diser zeytten⁹ in wellichen die lieb erkalt und erloschen/
das die welt keyner muͤh^j spart/ keynes scheltworts sich
schemet/ wider Gotis wort zu pellen. Man hoͤrt grym-
mig ^kzeen klappern^k/ unnd sihet die auffgesperte rachen
der Lauhen unnd Beren¹⁰/ derhalbenn die Evangelische
prediger vorursacht/ widerumb etwas zů vil scheltenn
und hoͤnen. Vorgessen auch das sie nit ubel reden sollen¹¹/
sondern nur ubel hoͤren/ und schemen sich nit das sie yhr
buͤchleyn mehr mit scheltworten erfuͤllen/ dan mit goͤt-
lichen reden und schrifftlichen ursachen ires syns und vor-
stands/ doher dan der grosse schade (als ich acht) ist her-
khomen/ das der gemeyn man so spitzige und Ygelische¹²
A2^v zungen erlangt/ das wenig von tapfern und ernstlichen
sachen/ ernstlich reden/ alles darumb/ das sie gut unnd
boͤse/ mit gleychem fleyß ingesoffen haben. Dadurch ist
auch zum teyl bruͤderliche liebe/ in der Aschenn erstickt/
und die schreiberey geneygter zů spotten und hoͤnen/ dan
zů untherweisen und leren.

Darin aber beschuldig ich den leser mehr/ dan den schrei-
ber/ das der leser on urteyl und erkentnis/ alles ins maul
und in bauch raffelt¹³/ das ym in den buͤchern/ furgetra-
gen ist und hellt das boͤß als^l gut.

Die aber geschriben haben/ seind durch ungestymikeit
der frevelichen^m widerparten bedrungen¹⁴/ sich in werken der
finsternis zu uͤben/ und boͤsen lust mit unlust zudempfen.
Noch heut hat der unlust kein ende. So seind die auser-
welten auch nit itzt zusamen bracht von den vier winden
und die boͤsen nit außgeworffen von den guͤten/ ya die
welt fuͤrt teglich ir boßheit insⁿ groͤste wesen/ und bau-
het berg der boßheit/ do sie zevor nur kleine huͤgelin bau-
hen tet/ und steht aller mutwill und duͤrstikeit in seiner
glud und hitz. Man betracht nit was zuthun ist/ sondern
so vil yeder man boͤß thun magk/ so vil thut er. Sie vor-
lachen Hiere. 48.¹⁵Israel als hetten sie es unther den dieben begriffen¹⁶
und zerpflockens^o17 als ein Weyh¹⁸ die jungen huͤnlin¹⁹/ unnd
springen uber yhm/ als ein geyl kalp uber frischer weyde/
und uber neuem suessem graße.²⁰ Sie tund nit wider Is-
rael nach irem vermoͤgen/ sonder uber ir vermuͤgen/ und
mehr dann sie thun kondten/ mit zungen/ mit worten/
mit teten^p und als Moabitische kinder.²¹

Lieben brůder/ wen einem uber seinen hals ein Moab
oder ein Babilonischer knecht koͤmpt/ so ist es schwer
das er sich in schultiger messikeit kegen ihm erzeig/ und vor
A3^r holhippelischem^q22 fluchen und vormaledeyhung enthalte.²³

Ir wisset^r auch/ wie sich die spothafftige Philistyner
umb uns gelagert/ und auß iren gezelten/ fur^s uns her tret-
ten/ gleicher massen sie/ in vorigen zeiten/ auß iren hůtten/²⁴
wider Gotis volck mit puchen^t und trotzen^u theten unnd
plerten/ als wer der got des Israhelischen volckes taub
und hoͤret nicht/ blindt und sehe nit/²⁵ oder ßo krafftloß/
das er sein volck nit koͤnt schutzen und erretten/ oder in
der massenn als wer der lebentig Got/ so liebloß unnd
grimmig/ das er sein volck wolt verlassen und in ewickeit
mit yhm zoͤrnnen.²⁶ Euch ist kund/ das wir mit den Mo-
abitern.²⁷ Amoniter.²⁸ Babyloniern und andern vilen feinden
gotis/ als mit heres^v krafft umbgeben/ und nichts ge-
wisser haben/ den zuhoͤren wie sie uns vorspotten/ unnd
schmehen werden.²⁹

Auch ist es euch unverborgen/ das ich mich schwerlich
vor inen bergen³⁰ kan/ und das ich uff ir unuͤtze scheltwort
one uppikeit nit antworten kan/ dadurch ich den unver-
stendigen/ einen strick ires erkentnis moͤcht legen (als
etlich than haben) unnd mich ein ursach setzen/ des ab-
bruchs Osee. 4.³¹goͤtlicher liebe unnd der spottworten/ welche die
narren mit den guͤten einlesen/ das dan got und seinem
volck/ zu unehren und nachteil gereichen moͤcht.

Da habt ir ein ursach/ worumb ich biß her/ in gutem
frid unnd still gesessen bin/ unnd hinfůrt^w sitzen wolt.
Nemlich das ich one hoͤnreden schwerlich schreiben/ und
durch boͤse wort/ meine bruͤder ergern moͤcht/ das yhnen
nicht fromen/ und mich ins gestreng gericht moͤcht bren-
gen/ in welchem meniglicher/ vonn itzlichem^x unnuͤtzen
wort/ rechenschafft geben/ und umb ein gering woͤrtlein
Racha oder Narr/ ein unertreglich hitz des feurs ley-
den muß.³²

A3^vDie ander sach ist/ derhalben ich nit gern schreib/ das
ich den grossen unfleyß/ in druckung meiner bůcher/ nit
one beswerung/ vermerckt hab. Ir wisset^y wol das mir
ettliche/ nit alleyn wort vorwechselt/ sonder dartzu die
sententzen^z vorfinstert/ unnd mit nebell der blindtheyt
uberschuttet haben/ und das mehr ist/ in ettlichen meinen
bůchern/ haben sie Columnen vorsetzt/ und den synn und
inhalt derselben bůcher/ gentzlich vorstoͤrt.³³

Nů weyß ich/ das sollicher unfleyß/ mir zu vil nach-
reden und dem nechsten zu keyner furderung und dienst
komen ist/ drumb hab ich auch an mich halten woͤllenn/
und nichts mehr schreyben.

Weyl ir aber sprecht/ unnd ^aageredt³⁴ mir^aa/ das ir selbert
notturfftigen^ab fleyß woldt furwenden/ unnd vorschaffen
das alle ding mit gnugsamer rechtfertigung auß gehnn
sollen/ wil ich diese ursach^ac faren lassenn. Sonderlich^ad die-
weyl ir disse ursach wider mich furwendet/ unnd sagt/
das ich dester lieber soldt schreyben/ uff das solche seu-
migkeit/ unfleyß und mangel/ durch euren grossen fleyß
erstatt und erfult werden. Das fur die andern ursach.

Was werdet ir aber zů dem sagen/ das niemants schrey-
ben/ ader predigen/ ader irgent ein offentlich ampt Gotis
eusserlich thun solt/ es wer dan/ das yhne Got darzů er-
welt hette. Das yr unnd andere meyne bruͤder/ mich be-
ruffen und auß schicken/ ist ein menschliche und eusser-
liche sendung/ die yhm grund vor Got nichts werdt sein
magk/ ja auch wider Got.

Und in der warheit/ ist solche menschliche beruffung/
ein ferlich³⁵ und betriglich pfandt³⁶/ und die nachvolgung
uff menschen beruffung/ ist vormessen und frevelich/ so
offt Gotis innerliche beruffung nit zu scheubet/ und den
beruffenen^ae nit vorsichert/ inwendig/ als ein uffgedruck-
ter sigill und gewiss pfandt.³⁷ Dan es ist ein erlogene und
gleißnerische^af nachvolgunge/ voller sauerteygs der Pha-
A4^rriseyer³⁸/ wenn sie allein vonn creaturen ist/ unnd nichts
drunter ist.

Und wen^ag sie nit vormessen und frevenlich/ oder ferlich
und betriglich wer/ dannest^ah must der rum in Got vorloren
sein und der beruffen^ai koͤnt nit (als Paulus) sich in Got
ruͤmen und freyen. Seintemal^aj Paulus unverholen spricht.
Ich byn nicht von menschen beruffen^ak/ nach^al39 durch eynen
Gall. 1.eintzlichen menschen/ sondern durch Jesum Christ^am/ und
Got den vater gesetzt etc.⁴⁰

Das bedingt sich Paulus gar herlich^an und gar noch^ao/ im
anfang aller sendbriefe/ das er nit durch menschen/ noch^ap
irgent von eynem menschen ein Apostel erwelt sey/ und
troͤstet sich des/ unnd trotzt^aq darauff/ nemlich in beyden
Episteln zu denn Corinthern/ onfencklich sagt Paulus.
Ich bin ein Apostell beruffen^ar durch Gotis willen/ zů den
Ephesern/ Collossern/ an Timotheon/ ein Apostel nach
dem befelh Gotis/ in der ersten und in der andern saget
er/ ein Apostell nach dem willen Gotis.⁴¹

Meint ir das Paulus vorgeblich sich beding/ das er
von Got/ durch Gotis willen unnd befelh ein Apostel
Christi sey? Was koͤnen aber^as42 moͤgen sich ettlich ruͤmen/
die Gotis lebentige beruffung abschneiden und vorlachen?
Wie woͤllen sie ir knechtschafft Christi und Apostell ampt
troͤstlich und frey vor Gotis augen fuͤren/ wen sie weder
von Gotis willen noch^at bevelh wissen? und mussen sich
allein des ruͤmen/ des sich Paulus schemet/ nemlich mensch-
licher beruffung. Wen ich von nichts anders dan von eurer
fodderung^au wisset/ was wurde mir Gott sagenn? unge-
tzweyfelt Hiere: 23.das. Er laufft und ich habe yn nit gesandt/ er
redet unnd prophezeyt in meynem namen/ unnd ich hab
yhm nit zůgeredt/ als Got den Propheten sagt/ die sich
yre eygen dancken und dreume^av liessen beruffen und jagen/
und saget. Sie lauffen und ich sandte sie nit. Sie prophe-
zeiten/ und ich redet yhn nit zů etc.⁴³

A4^v Ap ich gleich Gotis wort predigen und schreiben wolt/
hett ichs doch nicht macht offentlich zethun/ one Gotis
befelh/ den Got moͤcht mir sagen/ als er den ungesand-
ten saget. Sie gehn oder lauffen etc.⁴⁴

Setzt es do hin/ das ich Gotis wort/ one wandel/ son-
der gestrackt⁴⁵ vorkhundiget/ tet aber das vorkundigen
nit auß Gotis geheyß und willen/ muͤst ich nit foͤrchten
das mir Got moͤchte sagen/ hab ich dirs bevolhen/ das
du mein wort von dir selbert/ in deinen mund setzest/ und
vorkuͤndigst dem volk? das weis ich furwar/ predig oder
schreib ich offentlich/ one Gotis erkanten willen/ unnd
gepot/ das ich ein freveler und streflich bin.

Rho. 10.Es spricht Paulus selberst/ wie koͤndten sie predigen/
ehe⁴⁶ sie gesandt sein?⁴⁷ also auch/ wie kan einer fruchtpar-
lich schreiben/ zu dem volck/ wen er nit ist von Got dazů
verordent?⁴⁸

Die Aposteln seind nit so vormessen gewest/ das sie an
Act. 1.⁴⁹Judas Iscarioths stadt/ einen andern erwelten/ der
Christum zeuget und vorkuͤndiget/ eh sie durch ^awein loß^aw/
gotis willen erkanten. Dürfft^ax ir nů so frisch und keck sein/
das ir mich zuschreyben noͤtigen doͤrfft Gotis willenn
unerfaren?

Es ist fast ein ding⁵⁰ von Christo tzeuknis geben unnd
schreiben/ oder predigen/ denn der geist gibt alle disse ge-
tzeugnis^ay/ es vermagk auch keiner von Christo zeugen/ es
sey dann das Gotis geist erstlich yhm getzeugnis gebe/ als
Christus spricht. Er wurt getzeuknis von mir geben/ und
ir werdet^az auch zeugen von mir.⁵¹ So auch ^bakan keiner^ba in der
Johan. 15.warheit von Got schreyben oder predigen/ wenn yhn Gotis
geist nit zůvor in die warheit gefurt^bb/ und betzwungen hat
tzů schreyben/ reden/ oder beteuren.

Wir alle wissen auch das die Aposteln ir bekentnis und
zeucknis und lahr Got zůmessen/ und unverholen sagen das
gotis geist sie zů zeucknis getriben/ als Christus spricht.
B1^r Ir werdet die crafft des heiligen geistes enpfahen/ und
werdet mein zeugen sein.⁵² Das Gotis geist treib und dring
zu bezeugen Christum/ weiset auch an die historien Pauli/
den Gotis geist zwanck zubezeugen in Corintho den Ju-
den Jesum⁵³/ und am andern ort vorstopffet Got Paulo
seynenn mundt/ das er nicht von Christo reden vermoͤcht.⁵⁴

Nů ist Paulus vom geiste Gotis gefurt und bezwun-
gen/ das er Christum zeugen must/ und wo der geist nit
treyb^bc/ do kont Paulus auch nicht zeugen. So solt ich ein
laher auß dem vorgangen geschicht ziehen/ das ich auch
von Christo nicht zeugen solte/ ich wurd dann durch die
kreffte^bd des geists Gotis getriben unnd nicht vonn euch
menschen.

Wie es mit dem zeugen zugeht also geths mit vorkuͤn-
digung Gotis wort/ weil die Aposteln/ als dann Gotis
wort mit freidikeit redten/ als sie des heiligen geistes vol^be
waren.⁵⁵

Summa summarum/ sollen wir fruchtparlich und un-
streflich predigen oder schreiben von Got unnd Christo/
so muß uns Gotis geist datzu bereitten/ und verordnen⁵⁶/
troͤsten und treiben/ und wir muͤssen den befelh von got
durch Christum enpfahen. One gotis befelh^bf und one erkan-
ten willen Gottis/ ists^bg eittell vormessenheit/ wenn sich
einer in ein solchs hochs ampt setzen lesset^bh. Es wer dann/
das got stum wer wordenn/ unnd doͤrffte nit mehr leren
oder ziehen/ unnd Christus nit mehr bey uns seyn woͤlt/
biß zum ende der welt.⁵⁷ Ap gleich engeln und menschen/
einen/ zu predigen oder schreiben/ uffweckten/ es wer dan-
nest^bi vor got nit gut/ und den menschen unerschislich.^bj58

Das aber got allein seine knecht auffweck/ und uff ire
fuesse^bk stell und zů offenbarung gotis herlikeit dring/ und
fruchtpare arbeiter oder schniter in seyn erndte schicke/
und kein andere gewalt/ hauffen/ gemeinde/ oder eintzel-
lige^bl person/ weyset die warheyt/ welche spricht.^bm
B1^v Ir solt den herren der erndten bitten/ das er arbeiter oder
Matth. 9.diener in sein erndte send.⁵⁹ Stuͤnd es in menschen gewaldt
diener in die erndten zůordnen/ wer die erndt ir/ und nit
Gotis/ und menschen weren herren daruber/ unnd nicht
got. So wer auch die lahr Christi unnutz/ der sagt. Bitt
den hern der erndten etc.⁶⁰ Wer do bitten soll/ der hat das
nicht in seiner macht/ das er mit gebet erlangen muß. Nů
aber weyl got allein ein got und herr seines volcks unnd
seyner erndten ist/ zymet es nicht denn menschen in ein
frembd erndte diener zůschicken. Sie sollen Got bitten
das er hyrtten setze/ uber seynen schaffstal/ unnd sollen
sich der herde Gotis nicht mechtigen.⁶¹

Auß dieser ursach halt sich keiner fuͤr einen Pastor/ ec-
clesiasten oder Bischoff/ er sey dann von got/ dem selben
volck/ erwelt/ dem er obligt. Ich weiß das sich keiner ruͤ-
men darff/ das er eines volcks Pfarrer sey/ er wisse dann
fur war/ das er von got gesetzt sey/ des die erndte ist/ und
der die arbeiter allein dreyn gibt. Als wenig einer ein hirt
ist/ wenn yhn Got seinen scheflein nit geben hat/ unnd so
wenig einer gewißlich weiß^bn/ das er von got ein hyrt vor-
ordent ist/ wenn er nit eigentlich gotis willen und gemuͤt
erlernet hat/ das yhnn Got erwelt hab.

Das werck der arbeyter und hyrtten erinnert mich/ das
ich an mich halt/ denn die rechten hyrtten und schnitter
der ernden unnd volcks habenn ein oberkeyt/ uber die/
tzů denen sie got schickt (^bonicht das sie boͤses gewinß hal-
ben/ den leuthen sollen herschen)^bp sondern sie seind uber
das volck/ in der weyse/ das sie Gottis wort mechtigk-
lich/ und mit freydigkeit fuͤren/ und rauffen auß/ unnd
tzerbrechen/ und tzerstreyhen^bq/ unnd tzerknirschen mit
gotis wort/ als mit eynem scharffen^br schwerdt und wich-
tigen⁶² hamer⁶³/ ein igliches^bs hertz/ darnoch es geschickt ist/
und darnoch es trifft. Widerumb sollen die rechten hirten
B2^r das tzerstraut sameln^bt/ das zerbrochen gantz machen/ das
fluͤchtig und irrige widerbrengen/ das krancke gesundt
machen⁶⁴/ unnd durch Gottis wort alles außrichten/ das
sein eygenschafft foddert^bu/ unnd nymer one frucht wider
keren/ unnd der gleychen tausent wircken und thun/ der
ich keines vermagk. Weyl ich dann die fruͤchte
nicht in mir befinde/ wer mirs besser/ das ich mich des
baumes oder der wůrtzeln^bv nicht untherstuͤnd/ und war-
tet noch/ biß ich wunderbarlich angetzundt unnd uffge-
richt wuͤrd/ von dem geist/ der iglichen treybet zuͤ offen-
barlicher verkuͤndigung^bw/ und alle hertzen in seiner handt
hat/ und iglichen hyrten bewegt/ und reden macht/ und
auch stillet/ wenn er wil〈.〉 Das aber sich keiner fuͤr einen hirten
oder Pastor halten magk/ er pruͤfe^bx dann solliche kraffte/
des wort Gottis in sich/ ist in der schrifft^by angezeygt.
Ezechielis. 3. Hieremie. 1. 33. Johannis. 10.⁶⁵ und doher ge-
hoͤrt der spruch Pauli/ der geyst der prophetzeyen ist den
Propheten untherwurffen/⁶⁶ wie wol es den fleischlichen
augen frembdt ist.

Die innerliche beruffung ist koͤstlich/ sicher/ und nœt-
lich⁶⁷/ denn sie gibet ein warhafftig getzeugknis/ das der be-
ruffen^bz/ des herrn und gottis/ ein knecht ist/ des die scheff-
lein seindt. Wer sie befindt unnd recht versteht/ der geht
durch die thuͤr ein/ der sie aber nicht kan befinden/ der
geht uber die mauer ein/ unnd durch den weegk/ durch
welchen dieb und moͤrder^ca eingehn〈.〉⁶⁸

Wir seind aber unbedechtichge^cb leute (ich so wol als ein
ander) das wir in gotis sachen so bald furt faren/ unnd
lassen uns als ein roͤr einen kleinen wint uff heben/ und
tzu knechten gotis machen/ unnd gehn tzů groͤssern oder
faͤrlichern^cc Tyrannen/ oder ye zů gleichen/ dem Pharaoni⁶⁹/
und Sedechie⁷⁰/ und Nabuchodonosor⁷¹/ und wollen nicht
behertzen/ wie schwer sich Moses.⁷² Hieremias.⁷³ Ezechiell⁷⁴
B2^v und in gleicher sach Gedeon⁷⁵ machten/ als sie got beriff^cd
und zum volck schicket/ die uns billich ein exempell seyn
solten/ das wir mit grosser bedechtickeit^ce/ das ampt und
schwert gottis fuerten/ dann ichs meines teyls/ biß her
gefurth hab.

Nůh versteht doch fleisch und bluͤt/ das die geystliche
nit verstehn wollen/ unnd schemet sich mehr frevelicher
that/ dann die geistliche. Sih/ es ist keiner/ der sich/ fur
eines Fursten oder Koͤnigs diener halten darff/ er ver-
steh dann/ das yhn der Fürst oder Koͤnig darfur hab an-
genommen/ wenn^cf er nit von einem hern muͤntlich gefordert
oder sonst den willen des hern gewislich verstanden hat/
wil er sich fur keinen diener des Fuͤrsten halten/ geht er
aber ins fursten ampt/ so ist er ewiglich forchtsam/ und
in seinem gewissen unfridsam/ und zappelet^cg so lang biß
er seines dinstes ein gewisse antzeig^ch versteht/ das thund
die kinder der welt/ und seind kluͤger⁷⁶ den^ci die kinder des
lichtes.⁷⁷Den^cj unser lauffen vil tausent hin uff ein schlecht
geschrey/ und stellen uns in das ampt gotis/ und haben
kein eusserlich tzeichen/ das uns got datzů beruffen^ck hat.
Wissen auch nichts von der innerlichen beruffung/ und
schemen uns das nit fur^cl got zů thun/ des wir uns vor den
menschen schemen muͤssen. Dise ursach ist bey mir bewe-
glich⁷⁸ und erschrecklich/ wie frembd und seltzam sie ist/
denn^cm gotis will solt billich verstanden seyn.

Kegenrede.^cn

Du sprichest. Ich^co versteh gotis willen. Ich schreib oder
schreib nicht/ ich predig oder predig nit/ so weis ich das
gotis will ist. Wenn^cp one gotis willen vermagk ich nichts/
welt es got nicht haben/ das ich predigt oder schrieb/ so
muͤst ich still haltten. Antwort.

B3^r Der uff solchen verhencklichen⁷⁹ willen gotis schreiben
wil/ der thuns^cq uff seine unkost/ ich wils nit thun. Der
teuffel und verthuͤmpte^cr80 menschen/ diebe und moͤrder/
ertichte schoff^cs und reissende woͤlffe fussen^ct uff solichen
willen Gotis/ und thund/ das Got nit haben wil. Hett
doch der teuffell nit moͤgen ligen/ wens^cu yhm got nicht
verhenckt.⁸¹ So auch hett Judas der verrether Christum
nicht verraten wens^cv yhm got nit gestatt hett.⁸² Sie suͤn-
digten aber/ unnd wůrden Gotis gerichte^cw schuldig. Ich
wil Got bitten/ das er mir seinen geist der barmhertzig-
keyt geb/ der mich Gotis wolguͤnstigen willen⁸³versten-
digt/ dem wil ich gern gefoͤlgig sein/ der mich vor seynen
augen angenem⁸⁴ machet. Das beduͤrffen alle hyrten/ die
wol und recht weiden/ unnd sollen sollichen geyst auch
verstehn/ wenn sie rechte hyrten sein. Ursach. Sie muͤssen
ye den vetterlichen tzuck/ der an Christum/ den warhaff-
tigen hyrten der selen/ tzeucht/ befinden/ und das werck
des geistes Christi verstehnn. One das werenn sie wyder^cx
geistlich noch warhafftige^cy hyrten.

Das ir/ bruͤder/ die ordenung Pauli fuͤrwendt/ welcher
zů dem Tito sprach. Du solt die stedte^cz hin unnd her mit
priestern besetzen⁸⁵/ und wellet mich durch die laͤher Pauli
auffwecken/ und reitzen/ das ich one furchte/ und uner-
schrocken herfuͤr treht/ uff eure und andere beruffung/
und unthersteht euch mich mit dem zu uberwinden/ das
Titus ein eintzele^da person war/ und hett dannest^db den be-
felh unnd die macht/ das er knechte in die ernden dem
volcke Gotis moͤcht geben. Das vil mehr der gemeyn^dc be-
folhen oder yhe solt erleubt seyn/ eynen zů bestellen der
ein offentlich ampt gotis trieb.

Ich aber gesteh euch nicht/ das ir Paulo den gewalt
thut/ denn/ so das der synn und will Pauli wer/ muͤsten
B3^v vil andere sententzen Pauli/ unnd etliche schriefften un
tuͤglich^dd und zů nicht werden. Ich wil einen nemen^de.
.1. Timo. 5.Du solt nyemandt bald⁸⁶ die hende uff legen.⁸⁷ Die macht
Titi ist bestrickt/ durch das gebot Pauli/ du solt nymant
bald ufflegen. Drumb ist das die meynung Pauli. Das die
Christliche gemeyn oder eintzele^df personen/ sie seindt hoch
oder nider/ sich zuvor umbsehen sollen/ ehe sie ire hende uff
legen. Was ist aber das anders gesagt/ dann das. Ir
solt/ vor allem die leuthe erkennen/ und euch der inner-
lichen beruffung und Gottis heymlichen willen erkuͤn-
den und Gottis gnad in dem spůren/ dem ir eure hende
wolt auff legen.

Das einer Gottis gnade/ in einem andern menschen
erkennen mack/ das ist nyemants frembd/ denn nur dem/
dem Gottis geyst/ oder schrifft^dg/ unbekant ist/ den^dh ein
Pharao erkandt Gottis gnad in Abraham⁸⁸/ der ander
Pharao in dem Joseph.⁸⁹ Nabuchodonosor im Daniel⁹⁰/ und
das ich auch eines von den heyligen breng/ der Jacob im
Effraim.⁹¹ Sihe die hystorien auch der Apostolischen ge-
schichten im .6. Capitel.^di92

Das aber/ die Christliche gemein nicht schnell faren
sollen/ oder ires eygen willens und synns nicht geleben
moͤgen/ sondern das sie zůvor die personen erkennen/ und
Gottis innerliche beruffung/ tzů sampt seinen^dj goͤtlichen
willen erfaren unnd verstehnn sollen/ ehe sie eynen/ zů
eynem hyrtten oder pastor erwelen/ das wil Paulus/ in
dem/ das er verbeut hende bald uffzůlegen.⁹³ Also theten
Acto. 2.die Aposteln in der erwelung Matthei/⁹⁴ und Samuel vor
der salbung Davids.⁹⁵ Man sol goͤtlicher heym-
licher .1. Reg.16.beruffung gestrengklich und ernstlich nachforschen/
mit grossem fleyß/ mit innigem gebet/ mit hertzlichen
seufftzen. Das sie Gott inwendig unnd außwendig well
verstendigen/ wer der ist/ den er seinem volck geben/ und
den er in sein erndte geschickt hat.

B4^r Darnoch^dk sollen sie ire hende ufflegen/ unnd do durch
antzeygen/ das der selb/ dem/ ire hende uffgelegt seyn/
gnugsame goͤtliche weißheyt/ und guͤten willen hab/ und
von Got bereitt und begnadt sey/ Gottis schaffen treu-
lich furtzůstehn. Des haben wir geschicht und
exempell. Der geist Gottis sprach zů den Aposteln. Sun-
deret mir auß Barnabam und Paulum zů dem werck do
zů ich sie beruffen^dl hab. Die Aposteln fasten und betten
und legten yhnen die hend auff/ und lissen sie gehn unnd
do sie in die stadt Salmin⁹⁶ kamen/ verkuͤndigten sie got-
tis wort. Acto.^dm 13.⁹⁷ Das werck datzů gott Barnabam
unnd Paulum absonderet/ ist die verkuͤndigung gottis
wort^dn/ und der geyst rieff^do und sonderet sie/ ehe ab/ dann
die Aposteln. Und die Apostolische sendung volget goͤt-
licher sendung/ unnd die Aposteln erfuren tzůvor Gottis
willen/ ehe sie obgenante tzwen Aposteln abfertigten. wie
sie grossen ernst gehabt haben/ das tzeiget ir fasten/ gebett
und ufflegung der henden an. Man soll mercken/ das
nicht geschrieben steht/ der geyst sprach in gesichten/ im
schlaͤff/ oder im traum/ sondern one tzůsatz/ der geyst
sprach/ derhalben vermuͤtlich ist/ das Gottis geyst die
Aposteln innerlich angeredt/ unnd gelert hat/ wie sie
Barnabam und Paulum absondern solten.⁹⁸

Es volget klar/ das die yhene/ so hyrtten verordenen⁹⁹
oder setzen/ unnd ymant tzů verkuͤndigung gottis wort^dp
ruffen wellen/ gottis wolgefallen verstehn sollen/ ehe sie
welen/ uff das sie nit wider gottis willen eynen erwe-
len/ den Got verworffen hat.

Die fleyschliche/ kuͤnden nicht verstehn/ gottis willen
unnd gnad als die geystliche/¹⁰⁰ drumb solten die jene nur
welen/ ruffen/ unnd setzen/ welche Gottis geyst datzů
treybt/ die auch den geist Christi des alleroͤbersten hyrt-
ten haben.

B4^v Des habt ir allenthalben ein tapfer beyspeyl und ex
empell der Aposteln/ die zů den andern juͤngern sprachen.
Sie solten ynen menner/ zů der handreichung des tysches
erwelen/ die do beruͤmpt woͤren/ das sie voller heyliges
geystes und weißheit weren.¹⁰¹

Act .6.Darumb habt ir Paulum nit wol herfür^dq bracht/ noch
in seynem synn gebraucht/ datzů mich unweyßlich ange-
redt/ das ich uff menschen forderung widerumb/ als vor¹⁰²/
schreiben soll. Paulus hat Tito ein form und weyß
geben/ wie er prediger und andere verkuͤndiger gotis er-
welen sol/ unnd wie er die innerliche beruffung und ge-
schickligkeit vernemen¹⁰³ moͤg. Derhalben hat er Tito die
artickel und stuͤcke^dr fuͤrgemalt/ wie der sein sol/ und was
er fuͤr gaben von got sol entpfangen haben/ welcher laster
unnd verhindernis er ledigk sein muß/ den er zu einem
hyrten setzen soll.¹⁰⁴

Demnoch^ds solt yr niemandt bald hende ufflegenn/¹⁰⁵ er
sey wer er woll/ gelart oder ungelart/ hoch oder nieder/
junck oder alt. Ir solt zů vor sehen/ ab er gotis gaben hat/
oder ein menschliche weißheyt hab. Platzet nit bald tzů¹⁰⁶/
der mensch kan nicht schnell in grundt sehen/ lasset die
wercke unnd fruͤchten wol außschossen.^dt Etliche dringen
sich selber/ durch gepettelte furschrifft¹⁰⁷ oder furbit/ tzů
dem Apostell ampt/ etliche umb gelt/ etliche ehre halben/
etliche aber treibet Gottis wort unnd zwinget sie/ und
lesset yhn kein rug^du/ biß sie es offentlich bekennen/ des
wir vil Historien haben geschrieben. Aber der menschen
erkentnis ist mißlich und betriglich/ denn der reissende
wolffe seind vil mit scheffen peltzen bekleidt/ und etliche
fruͤchten als weren sie gůte peumen^dv/ die alle das ende des
werckes offenbar machet/ und der erfaren geistlich man
verstehn kan/ der alle ding urteylet oder richtet.¹⁰⁸

Das mir meine bruͤder/ den grauhen und meine forcht
mit dem brechen wellen/ das man die yene^dw hoͤren magk/
C1^r die uff dem stůl Mosi sitzen^dx/ und wercke wider Mosen
wircken.¹⁰⁹ Wirt sie nit helffen/ mich auch nicht bewegen/
denn die schaͤfflein hoͤren^dy sie mit grosser ferlickeyt¹¹⁰/ sie hoͤren
auch gleych so bald etwas wider den stuͤl Mosi/ als et-
was das Moses stuels^dz wirdig ist. Datzu find ich nit/ das
Got irgent ein schefflein (das nach gottis gerechtickeyt
duͤrstigk was) tzů eynem solchen fressigen¹¹¹ Ecclesiasten
oder geyrischen Bischoff ^eageweyst oder geleydt^ea/ als die
seind/ die ein ^ebwider Christlich^eb leben fuͤren.

Cornelium weyset Christus zů Petro/ das er den selben
hoͤren solt.¹¹² Und wie gott Cornelium zů Petro weyset/ also
weyset Gott alle seyne schaͤfflein tzů den hyrtten/ die
Christus geyst erliden oder geschmeckt. Wenn^ec derhalben
Ezech.^ed 34.spricht got. Ich wil meine schaͤflein auß denn henden der
falschen hyrtten erloͤsen/ und wil sie meinem knecht David
lassen weyden/ der Christus ist/ auß David geboren.¹¹³ Der
ursach halben sagt auch Christus. Huͤttet^ee euch vor denn
falschen Propheten.¹¹⁴ Huͤttet^ef euch vor dem sauerteigk der
gleyßner^eg.¹¹⁵ Meine schaͤfflein hoͤren einen frembden nicht.¹¹⁶
Drumb seydt weyß als die schlangen/^eh spricht Christus.¹¹⁷
Weyl dann Got solliche außerwelte menschen forderet/
die seyn wort verkuͤndegen sollen/ moͤcht ir one arbeyt
verstehn/ das ich ^eibillich mich ins^ei stillschweigen begeben
solt und warten biß mich Got tryeb.^ej Dem kein macht
widerstreben kan.

Uber^ek obertzalte ursachen/ so mein stillschweigen be-
langen/ wil ich noch eine setzen/ disse/ Gottis wort ist
rein und lauther/ und die lauthere^el und reine soltens allein
handeln/ unnd kein unsaubere. Denn der geyst Gottis
Psall. xi.spricht. Gottis wort ist rein/ als ein silber das sibenmal
gefeget ist in einer kapelln/ der erden.¹¹⁸ Das aber
hat Gott nicht vergeblich gesagt/ sondern unsert hal-
ben/ das wir verstuͤnden/ wie man gottis wort fuͤren sol.
Wer es fuͤren soll. Welcher sich sein enthalten soll. Es ist
C1^v yhe nit one ursach gesagt zů dem sunder/ warumb nimpst
du mein wort in deynen mundt? und warum vertzelestu^em119
meinen bund?¹²⁰ Nun welcher darff sagen/ vor Gott. Ich
bin rein? welcher also/ rein ist mein hertz?¹²¹ Nů setze auch/
das eyner ungestrafft sey von seynem gewissen/ wer er drumb
gerecht? Paulus hat sich des nicht vermessen/ der doch
ein außerwelt faß^en122 war^eo/ der auch keyn gewissen hett der
boßheit. Ist nit das hertz boßhafftig und unerforschlich?
Genn. 8.Seint nit unser gedancken und willen/ von jugent auff
zů dem boͤßen geneigt?¹²³ Mit gedancken aber gehn wir
auß/ so offt wir gottis wort reden oder schreiben. Wie
kan es dann moͤglich sein/ das wir gottis wort/ das rein
und lauther ist/ unstreflicher weyse handeln? Wenn^ep got-
tis wort nicht die hoͤchste lauterckeyt^eq hett/ mocht noch
hoffnung sein/ das es ein mensch/ one schuld/ handeln kuͤnt.
Nů ists^er aber das aller lauterist. Seintemal^es der geyst
Gottis/ durch die hand Davids/ saget. Gottis wort ist
rein/ als ein rein durchfeget Silber das siebenmal ist ge-
fegt.¹²⁴ Wer rein und heilige dinge unschultigklich wil
handeln/ der sol rein und heilig sein/ als die ding/ so er
begreyfft unnd handelt.

¶ Dem nach solt ein yglicher^et mensch sieben-
feltigklich gefegt seynn/ der Gottis wordt mit reden/
predigen oder disputirn/ wil handeln. Ursach. Das silber
ist siebenmal gefegt/ welchem gottis wort vergleicht ist/
Levi.das ist nit umm sonst gesagt. Als wenig die figur Mosi umb
sonste gepotten ward/ von der siebenfeltigen besprengung.¹²⁵

¶ Ich weis das der priester seynen finger ym blůt
one ursach nit teufft/ und darnach siebenmal kegen dem
furhanck mit dem eingetunckten finger sprenget.¹²⁶ Dann
wir mussen auch die besprengung des blůttes Christi/
siebenfeltigklich verstehn/ und erleyden/ ehe unsere fuͤr-
henge allenthalben abfallen/ unnd ehe wir auch ein rein
und weiß wolgefegt silber werden/ welchs siebenmal durch-
C2^rfegt Hie. 6.ist. Wir mussen ym feuer gefegt werden/ als
Zach. 13.silber/ denn got furet sein volck durchs feur.¹²⁷ Der im ersten
oder dritten feuer nit besser wirt/ der ist ein verworffen
Silber.¹²⁸ Der aber seine boßheyt faren lest/ oder seine un-
reinigkeit im feuer verbrendt/ der wirt rein. Idoch
ist er nicht gnugsam reine und sauber/ biß er durch sieben
Luce. 9.¹²⁹feuer gangen/ unnd durch siebenfeltige fegefeuer besser
ist worden und rein.¹³⁰ Die weyl Gottis wort ein vol-
komne reynigkeit haben wil/ als es selbs ist.

Ir wisset das wir unser kreutz/ des haß und neides zů eig-
ner selen/ teglich tragen muͤssen/¹³¹ und das sich der verderbet/
der es einen augenblick von sich^eu leget. Die weil Christus
spricht/ welcher seine sele findet in diser welt/ der verterbt
sie. Und der sein kreutz nicht tregt unnd mir nochfolget/
der ist nicht mein Junger.¹³² Dem nach solt ich meyne
sele/ on auffhoͤren^ev/ hassen/ meyn kreutz one untherloß
tragen/ und Christo volgen. In sonderheyt/ wenn
ich Gottis unvermackelts¹³³ wordt verkuͤndigenn wolt.
Denn^ew ich hab gar nichts dran. So ist es gottis und nit mein〈.〉¹³⁴

Aber es kuͤtzelt die sele so das wort gelobet wirt/ als
wer es yr eygen/ und sie dunckt^ex sich besser dadurch/ der-
halbenn solt ich sie ernstlich hassenn.¹³⁵ Ich aber
befindt nichts in mir/ dann nur willen unnd begerung.
Dann ich wolte/ das die liebe meyner selen tzerfroren/ und
als aschen^ey verweht were/ und stund an irer stadt ernster
neyd/ unnd gestrenger haß.

Ich wolt auch das ich Gottis wort one findung¹³⁶
meiner selen kunt handeln/ als ich pflichtig bin.

Aber wie fern^ez vonn mir ist die macht unnd that/ zů
thun/ das Gott foddert^fa/ unnd ich gern wolt. Yhe nehr
ligt mir an das ich thun muß/ das ich nit wil/ unnd ver-
stehe/ das ichs nit vermag zů thun/ das ich thun welt.¹³⁷

Nů mercket wie ferlich der außgangk ist/ unnd setzt
^fbmirs ans^fb ander.

C2^v Wenn^fc ich gleych ernste und außgestrackte¹³⁸ froͤligkeit hett
in verkuͤndigung gottis wort/ dannest^fd ubertrifft die in-
nerliche froͤlickeit die eusserliche in unsaͤglicher weyse und
masse.^fe139 Und es ist stedts besser heymlich im geyst auff-
springen/ dann mit eusserlichen fuͤssen. Und sicherer/ forcht-
same glidmas/ und nider gedruckte gebein/ und demuͤtige
krefften uff heben (wenn got redet) den¹⁴⁰ wenn^ff der mensch
außgeht mit goͤtlicher predig oder schrifft.¹⁴¹ Innebleiben
ist altzeit unferlicher/ dann außgehn. Nů ist doch grosse
ferligkeit/ bey der inwendigen handlung des wort gottis/
wens die sele frisch von Got hoͤret. Solte dann nit grosser^fg
ferligkeyt in dem sein/ wenn eyner mit Gottis wort auß-
bricht/ und durch seiner ^fhfeinden heer^fh dringt/ das ym ent-
kegen leufft/ das ich doch mir in ewigkeit nit zůmessen kan〈.〉

¶ Idoch wie dem allen ist/ ich seh^fi rath. Gottis wil-
len sol gescheen/ und ich wil ym gehorchen/ denn boͤsen lůst
und die ungelassenheyt¹⁴² oder lieb meiner sele/ werden die spot-
worte der gotloßen Philistiner und Moabiter meyster-
lich verbratten/ unnd als ein hitzig fegefeuer abfegen/
oder yhe dempffen unnd beseuren^fj143. Denn^fk ich weiß/ das ich
nicht freier sein werde/ denn^fl mein meister Jesus Christus
war/ der mirs^fm auch zůvor^fn gesagt/ das ich mich des erwe-
gen muß/ das ich spott und hoen leyden sol/ als er erlitten
hat.¹⁴⁴ Es ist yhe kein wunder/ das sie den knecht Beel-
tzepub heissen/ wenn^fo sie den gerechten hern also gescholten
haben.¹⁴⁵ Ich wil unnd beger auch/ das mir mein sched-
licher wollust/ durch unlust. Und die findung¹⁴⁶ meiner sele/
durch meiner hesser^fp stocherwort^fq147 und neid verprand^fr werd/
und die gebresten¹⁴⁸ meynes schultigen hasses/ den^fs ich tzů
klein unnd wenig hab/ wider meyne ßele/ durch yren
heuffigen haß unnd neid erstadt und erfullet werden. Also
(hoff ich) wirt meyne ferliche außfart¹⁴⁹ dem innebleiben
fast vergleicht. Denn mein leyden kan widerbrengen/ das
C3^r ich durch einen ungelassen außganck¹⁵⁰ verderbt hat. Drumb
laß herfaren¹⁵¹ ich beger/ wider^ft des teufels frid/ noch gesel-
schafft/ noch frideliche und freundtliche wort.

Wir můssen yhe allesampt christformig¹⁵² sein/ und Christo
nochfolgen/ und uns des befleyssen/ das wir unsers vat-
ters ehre und heyligkeit preysen/ als Christus gethan/ ein^fu
yglicher noch seynem pfunde. Dem nach/ solt jhe ey-
ner dem andern Gottis namen offenbaren/ und den na-
men gottis unsern bruͤdern verkuͤndigen/ nicht in einem
winckell/ sondern im mittel der gemeyne Gottis¹⁵³/ auff
das sie verursacht wůrden/ gottis gestrackte¹⁵⁴ reden anzů-
nemen und zů loben. Denn^fv es ist der guͤtwill gottis/ das
ein yglicher mit seynem pfunde/ dem andern wucher und
wilfar.¹⁵⁵ Ich soll umb des hern willen/ nicht allein kegen
mir/ mit seynen guͤttern treulich handeln/ und einen ge-
win uber die hauptgabe^fw widergeben/ sondern auch kegen
andern meinen mitbruͤdern/ die ich lieben sol/ als mich
selber.¹⁵⁶ Einer bedarff auch des andern/ seintemal^fx got-
tis gaben mancherley seind/ und ist keiner/ der sie alle hat.¹⁵⁷
Der aber etwas hat/ der solt yhe dem mitteylen/ der es
bedarff/ und den selben gewinnen/ und yhn mit dem pfunde
widergeben. Ich forchte mich vor dem urteyl das
Christus wider den faulen knecht setzt/ der sein pfundt
vergrub und forchte sich/ in dem er frisch solt gewest sein.¹⁵⁸
Ich hoer wie yhn Christus einen schalckhafftigen knecht
nent/ wie er ^fyauch yn^fy verthuͤmpt^fz159/ das mir und allen knechten
gottis/ ungezweyfelt/ tzů einem mercklichen exempel ^gaist
gesetzt^ga/ das wir uns alle/ in hohen ernst und bereyttem
willen/ muͤhen sollen/ mit den geschenckten pfunden kegen
uns unnd unsern bruͤdern.

Gehorsam ist besser dan opffer¹⁶⁰/ unnd es ist stets besser
man thu das Gott haben wil/ und bekenne die gebresten¹⁶¹
des werckes/ denn das man des gebrechens halben gottis
gebot nachlaß/ als Saul thet/ und darob seynes Koͤnigk-
C3^vreiches fellig¹⁶² unnd verlustig wůrde.¹⁶³Do steht Gottis
Deu.6.¹⁶⁴gepott zů allen haußvettern/ das sie yre kinder unnd ge-
sinde leren sollen/ und ein^gb yederman ist schuldig/ das er
gottis wort predig ym hauß/ ober tysch/ des morgens/
des abendes/ im acker/ in der scheuͤnen/ er stee můssig oder
arbeite/ so sol er gottis wort betrachten/ und erfuͤr^gc tret-
ten/ und verkuͤndigen den yenen/ so umb yhn stehn oder
sein.¹⁶⁵ Man sol gottis wort scherffen^gd/ das ist den mey-
sterlichen inhalt zů dem nehsten brengen. Das ist ein
gemein gepot zů allen geredt/ die gottis wort verstehn^ge/
und got hat sie alle/ durch das gepot/ prister gesetzt/ alle
menschen in gemein/ welchen er sein Offenbarung than hat.¹⁶⁶
Dann niemants ist auß geschlossen/ die weyl gotis gebot
alle menschenn/ und gottis unnd des nehsten lieb und ehre
belangt. Welcher das gebot umb eynes bessern fursatz
willen nachleßet/ der ist ungehorsam/ unnd hat nichts
gewisser zů warten/ denn das yhn Got entsetzen werde/
von Christlicher ehre/ als er Saul von koͤnigklicher ehre
umb des ungehorsams willen entsetzt hat.¹⁶⁷ Wir můssen un-
ser gedancken/ und sorg/ oder forcht/ zůsampt den bessern fuͤr-
satz schlachten oder hindan setzen/ und gotis willen volbringen.

Darumb ist es^gf besser/ ich speise meine hungerige^gg bruͤder/
mit der gebenedeyung gottis/ und das ich Christum unnd
seinen geist/ und got seinen vater bekenn/ und/ so vil mir
moͤglich/ verkuͤndig/ denn^gh das ich vonn gottis angesicht
verstossen wurd/ oder das mich Christus leucket^gi168/ on wel-
chen keiner fuͤr gottis antlitz gehn darff.¹⁶⁹ Wenn ich/
der sunden halben/ gottis wort wolt helen^gj170/ die ich nicht
umbgehn oder meiden kan/ solt ich wol/ ein klein wasser
flihen/ und ins mere fallen. Ein sunde mit willen thun/
umb der sunde willen/ die ich mit unwillen thun muß/ wenn
ich wol thun wil. Aber besser ist es/ ich thu/ das ich nit wil/
denn das ich nit well/ das ich thun kan. Und ist unschedlicher
und vergeblicher/ das ich/ meinen bruͤdern/ gott bekenn/ und
on fursatz/ und wider meinen willen/ sunde leide/ dan das
C4^r ich gottis namen/ mit stillschweigen verberg/ und vorsetzi
klich sunde wircke. Auch ist es Christlicher/ das ich den
schaden gůtter werck erkenn und klag/ dann das ich gottis ge-
bot gewaltigklich durch forchte und ein boͤß werck wil-
ligklich verprech^gk. ¶ Des bin ich sicher und gewiß/ das
Gott das aller kleinste fuͤncklein des glaubens nit lesset
verterben. Ich sehe/ das Christus den wolt unverhindert
Mar. 9.haben/ der ein klein funcklein hett des bekentnis Christi.
Nemlich den/ der teuffel auß treib/ und volgt den Aposteln
nit nach/ unangesehn/ das die Aposteln drumb murreten/
und Christo klagten/ das er yhn nit nach volgt. Christus
hat den kleynsten glauben versichert/ das er nit sol ver-
terben/ noch verlassen werden.¹⁷¹ Es kan auch nit gesein/
das gott einen gůtten willen verterben laß (wie wols war
ist/ das der kleinste glaub in gottis reich nit gehn kan/ biß
er das hertze/ in die aller kleinst niderkeit und kintheit brengt).
Matth. 18.Gůtter will zuͤ gott thut nit ubel/ ab^gl er gleich ubel thut.
Als ein kleyn unmuͤndig kindt nit sundiget/ abs^gm gleych
sundiget.¹⁷² Gottis furchte thut nit ubel/ sondern sie ist ein
bron¹⁷³ des lebens/ und behuͤtt vor dem fall des todes/ und wir-
ket einen grauhen oder flůchte von dem boͤsen/ und macht
das hertz sein boͤß verstehn/ und bekennet das er thut.

Esa. 43.Drumb wil ich mich des troͤsten/ das gott zůkeer¹⁷⁴ fordert/
und bereitt und guͤtwillig ist/ aller sunden zůvergessen/
und ir nit mer gedencken/ so wir armen sunder uns erkennen
oder der sunde gedencken.¹⁷⁵ ¶ Ich weis auch/ so ich got-
tis wort mit gůttem willen furen^gn werd/ das michs nicht
Joan. 15.mynder wirt reinigen/ denn der glaub. Denn^go Christus hat
seyne Juͤnger reyn gemacht durch sein wordt¹⁷⁶/ was solt
denn^gp dem wort gottis felen/ das die reiniget/ die es in goͤt-
licher furcht handeln¹⁷⁷? Weyl gottis wort ist als ein feur/
das brend und feget.¹⁷⁸ Derhalben gehn^gq ich in gottis namen
auß/ in vertrauen zu gott. Ist ymants der mich weysen
wil/ der hat es guͤt macht. Bittet^gr gott fur mich.¹⁷⁹ Datum
Orlamuͤnde. im December. Anno M.D.xxiii.