Wirdiger Er/ an mich gelanget. Wie yr offentlich unnd
auff eurem Predigstulh/ heilige schrifft/ ym nomen der
Wittemberger/ trefflich solt honen² und smehen^d.³ Und
das yr eur leib und leben wolt verloren haben. Wu yr
nit werdet erhalten und beweißen/ das meines lieben va-
ters Doctor Martinus Luther und meyne laher⁴ falsch und
unchristlich sey/ Sonderlich des artickelß halben/ ßo die
Messe betrifft〈.〉⁵ Man sagt wunder/ wie yr/ yn⁶ dem sel-
ben artickel prellet⁷ und wüdet. Do schreyt yr/ das wir
ketzerisch gebern⁸. unchristlich handeln/ und die Christgleu-
bige ferfuren.⁹ do muß das kleine heufflin alhie ubel ho-
ren. Und muß gleich das horen/ das verloren sey. Do ist
keiner frum. do meindt yr/ ir habt unß bey unßern horen¹⁰〈.〉
Aber yr wisset wol/ wie/ der arm ley betrogen und verfurt
ist. Szo mercket yr〈/〉 das sie in irthumb auffertzogen seint
und das sie kein ewangelium gelernet. Drumb halt yr
unß fast¹¹ warm¹²/ und verhondt unß nach eurem besten ver-
mogen. etc. wie man sagt und yr nit leucken¹³ kond.

Nu gefelt mir auß der massen wol〈/〉 das euch diße Christ-
lich sach ßo hert¹⁴ anligt. Und wolt got/ das yr euch nit sel-
ber waydet.¹⁵ und sucht kein eere/ dan gottis eere. Ich
forcht aber warlich/ das euch verdrissen thun/ das unßer
furnhemen/ eurem Turm¹⁶ (ßo yr for tzeiten/ wider die fru-
men Behemen erbaut habt) nachteil und schaden breng/
Ich laß mich beduncken/ das der selbe turm/ wider die nhe-
mer beyder gestalten/¹⁷ anfah tzu tzappeln und niderfallen.
Derwegen/ vermut ich/ das yr/ eurer aygen eere tzu gut/ unß
sonderlich mit euren nassen¹⁸ und süchtigen¹⁹ worten beschut/
und werffet unß inn kat^e20/ drumb das wir/ den gedachten
A2^r Turm enstigen²¹. Nuh/ wir wollen diß vermuttung hin-
dan setzen/ und erstlich^f sehen/ mit welchem schwerd yr euch
weren/ und unß uber windten solt. Darnach wellen
wir euch bey eurer redlikeit und eeren vermanen/ und un-
ableßlich ansuchen/ das ir eurer kecken erpietung²² gnug thuet.

¶ Paulus spricht das ein Bischoff Briester oder prediger
soll geschickt sein/ das ehr seine widersecher und veind/
durch heilsame reed uber windten mog. ad Titum .1.²³ Do
sehet ir Christen/ wie man euch und unß erstlich mit ge-
sundter²⁴ schrifft soll vermanen. und ßo wir wolten wider
pellen/ sollen unß unßere vermeinte pfaffen und regenten
mit solicher heilsamer schrifft uber winden.

Alhie saget mir/ lieber ochs/ und tzerstosset eure horner
nit/ was die heilsame schrifft ist? und welchen sermon
Paulus meynet/ wan er spricht/ Eyn Bischoff oder pfaff
sal die laher halten/ ßo einer getreuhen und glaublicher reed ist〈.〉²⁵
Item wan paulus saget. Ir solt eure widersecher mit
heilsamer schrifft niderwerffen.²⁶ Was ist heilsame oder
gesund reed und laher? Ich hoff/ ir werdet ye nit spre-
che/ das uns Aristoteles dafur gegeben sein. Dan Ari-
stoteles hat de Animalibus ventris²⁷ geschriben wie huner
und genß feyst werden. Und macht eynem vil ehr²⁸ tzu
einem hunner esser/ dan Christen. Ir dorfft auch nitt
sagenn/ das der Pauler²⁹ laher bey euch die heilsame reed
sey/ da von Paulus sagt. Ursach/ das ir laher den alten
einfeltigen mutterlin vil schedlicher ist/ dan ein kloster vol-
ler fuchs unnd wolff. Wan ir taußent wolff hett/ sie
freßen nit ßo vil kelber/ küh/ ochßen/ und pfeerd/ alß eure
Paulenßes/ sonderlich eure lands mann.³⁰ Sie wurden
auch nit ßo vil weins und birs trincken. Weil sie dan
allen fleiß dahin richten/ das sie sich speißen/ und die einfelti-
gen/ mit irer gleißnerey³¹ schaben³². Ist leichtlich tzu mercken
das ir/ der selben laher/ nit kond gesund und heilsam nennen.

¶ Ir dorfft auch nit sagen/ das alte gewonheit und ubung
A2^v die heilsam laher ist/³³ da von Paulus geschriben hatt/ und ihr
unß uberwinten sollt. Dan Christus spricht nit. Ego
sum consuetudo. sonder. Ich bin der weeg/ warheit und le-
ben.³⁴

Ir werdet nit dorffen klappern/ das der hei'ligen' vettern laher.
die heilsame laher sey/³⁵ damit ihr eure wider sprecher solt
dempffen/ nach ^gs'ankt' Pau'li' leerung^g. Dan ir wisset das der h'eilige' Au-
gustin getreulich verbeut. das wir om³⁶ ye nit glauben geben/
und nit er³⁷ anhange/ er³⁸ wir die h'eilige' schrifft und seine grund wol
ermessen haben/ ap sie inhalt und meynung h'eilige' schrifft haben
oder nit.³⁹ Disse vermanung hat August'inus' allen seinen leesern
und zuhorern/ jungk und alt/ klein und groß geben. Und wil〈/〉
das sie ynen/ durch h'eilige' schrifft urteiln/ loben/ schelten annhemen
oder verwerffen. Als ir wol lesen kond in dem c'apitulo' Noli meis⁴⁰
und c'apitulo' Ego solis.⁴¹ und andern c'apitulis' d'istinctionis' ix.⁴² Auß welchen wolget⁴³. das
die laher August'ini' mit nichte die schrifft ist/ damit du unß
ader andere wider sprecher kanst uber windten. Dan wir
mogen August'inum'^h selber durch h'eilige' schrifften niderwerffen/ das
er auch begeret.

Ir kond auch nit sagen/ das die Concilien die heilsame laher
seind/⁴⁴ do mit/ der Pfaff/ seine wider reder soll ⁱuber wal-
denⁱ⁴⁵. wie Pau'lus' leret.⁴⁶ Dan ir wisset/ das ein Concili'um' wider das
ander ist/ wie auch August'inus' schreibt.⁴⁷ So ists euch nit ver-
borgen/ das yhr Romische Pfaffen das Concili'um' der Aposteln
verworffen habt/ welche gesetz und geordenet haben/ das
die glaubige sich solten endhalten/ vor den opffern (ßo den ab-
gottern geben waren) und vom blut/ ersteckten⁴⁸ thiern. und un-
keuscheit. Acto. xv.⁴⁹ Das Concili'um' haben deine gotter nit an-
genomen. Dan rom ist voller hurheuser/ so lassen die geist-
lich Bischoffen tzu/ das ein yede statt ir eigen. hurhauß hat〈.〉
Item. ßo weistu wol/ das die gute haßen in irem. schweiß und
bluth nit ubel schmecken. ¶ Auch sehen wir/ wie die pfaffen
und Monichen^j/ nach ^kden opfern^k trachten/ wie die füchs nach
hünern. welche der einfeltig/ den heiligen opfert. Und kan
nymandt abreden/ Das allenthalben/ wider das Consilium
der Aposteln⁵⁰ gelebt. Weil ir aber der Aposteln Concilium
A3^r nit annhembt/ habt ir tzu achten/ das wir eure Concilia
auch nit sollen forchten. ¶ Wir sollen und wollen auch
in göttlichen rethen^l51 stehn/ wollen wir anders woll/ unnd
sicher stehn/ und vor boßen gedancken und weegen behuͤt^m
werden. alß Hiere. am xxiii.⁵² geschriben steht.

Der wegen dorffet ir nit gedencken/ ader versuchen/ wie
ir uns mit eurem Aristoteleⁿ/ mit dem wolffischen Monichen^o/
oder mit alter gewonheit/ und gehabten Concilien thutt
uberwindten/ dan der keines ist die gesunde und heilsame
laher/ do von Paulus schreibt. ¶ Wir forchten allein got-
tis wort/ welches der heil'ige' geyst/ durch seine diener geredt
hatt.⁵³ ¶ Das selbe schwerd musset ir tzu henden nhemen/
wolt ir unverspott/ vom planh⁵⁴/ gen haus kumen.

¶ Brenget ir ein anders schwerd oder schild werden wir
euers fechten lachen/ ir welt eß dan mit euren fatzelletlein⁵⁵
umbwinden. Das weiß ich/ ob^p mich gleych^q ymand/
mit einer andern schrifft niderwurff (die nit heilsame la-
her ist) das ehr mich nit in der warheit gefangen hett.

Im schein und schatten wer ich gefangen/^r nitt^s in der
warheit. Mann solt auch des blinden fechters nichst^t
minder lachen/ dan meiner. In der summa. Wir we-
ren beyde thoren/ und narren. der obsiger⁵⁶ und uberwund-
ten⁵⁷. Drumb mogt ihr euch auff das best umbsehen/
und heilige schrifft brengen/ do mit yhr euren rumehn^u
nach gnung thuett^v.

Ihr dorfft mir auch nit figuren⁵⁸ und dunckell schriff-
ten hertragen.⁵⁹ Ich wil klare und lichte schrifften haben/
ßo wil ich auch mit klaren schrifften antworten/ unnd
mit solichen/ das ydermann sehen und horen kan/ das ich
on frevell und unstrefflich schreib oder reed.

Domit^w wil ich nit leucken/ das Propheten und Apost-
eln figuren außgelegt haben. Aber ich werd dir nit ge-
stehn/ dastu alte figuren/ nach deinen wolduncken/ auß-
legest/ yhr must ye selber bekennen. und secundum Sanct.
thomam sagen. Scriptura symbolica non est argumen-
tativa.⁶⁰ Auch ist euch bewust/ das Hieronymus tropolo-
A3^v giam selber verlacht.⁶¹ Drumb dorfft yhr nit gedenckenn
das yhr mich mit außlegung^x der figuren werdet verletzen/
eß wer dan/ das die schrifft ire figuren außgelegt hett^y/ alß das
sie figur das Tabernackels und andere leiplicher dingen
erklert/ und Paulus den Tempell außlegt/⁶² und der gleichen
sonste geschehen^z/ die selbe auslegunghen werden mich dringen.
Ich wil yhn^aa auch auß willen gern weichen und sie annhemen.

Dem nach bedorfft ir nit vil arbeit/ wan ir saget/ das der
felß Christus ist/ von welchem wasser fleust/ das tzu dem ewige
leben springt/ das alle glaubige getruncken haben tzur seligkeit.⁶³

Alßo bekenn ich das die mayt Agar^ab64/ das alt testament
bedeut/ welches tzu dinsparkeit^ac und burden gebird/ das
auch alle Sone^ad Agar nach dem fleisch geboren seind/ und
vervolgen den menschen/ welcher auß der verheischung
ist geboren. Also glaub ich/ das Sarai frey gewest ist/
und gebird Sone der freiheit/ dan yre Sone seind Sone
der verheischung/ welche frey und Evangelisch und von
allen burden des gesetz letig. Gala. iiii.^ae65

Alßo laß ich nach/⁶⁶ das meer (dadurch die Juden gan-
gen) ein figur des tauffs ist. Drumb das Paulus alßo fi-
guriert und außlegt^af hat.^ag67

So geb ich tzu das wort gotis ein samen ist/ ein schwert ist/
ein feuer/ ein hamer ist/ ein lauter⁶⁸ wasser ist/ ein unver-
muschter wein ist etc.⁶⁹ Drumb das die schrifft alßo außlegt.

Aber wan ir neue und eigen deutnis uber die figurn welt
machen/ die nit in der schrifft geschriben stunden/ wurt ich
euren außlegen keinen glauben geben. Ja ich wil euch ein an-
ders sagen/ wan ir mir ein historien wolt geistlich außlegen/
die schlecht nach der historien/ gesetzt ist/ wurt ich eur lachen
ap eure außlegung sonste in der schrifft begriffen wer. Ex-
emplum. Ich beken/ das Christus unter seinen nehsten und be-
kanten nit gefunden wirt/ alß Joan. i. steht. Die seine haben
yhn nit angenomen/⁷⁰ das ir aber das durch den text Luce. 2.
wolt beweisen/ do wir lesen wie Maria und Joseph Jesum
tzwuschen den fruͤnden und bekanten suchten und fanden yhn nit/⁷¹
wert ich nit tzugeben/ damit wil ich euch gewarnet und ge-
sagt haben das ir bequeme schrifft solt brauchen.⁷²

A4^r Ir solt auch die schrifften nit mit den horen⁷³ tzihen/ und
sie bigen/ wie ein wichße naßen⁷⁴/ ir solt uns lauttere und
schone sententz furen die leuthe fahen und halten/ das ich
auch wil thun.

Endlich setze ich Paulum selber anher/ dero offentlich
leret/ welche laher gesund und heilßam ist/ dadurch eyner
streiten sol. S. Pauls wort lauten alßo. ¶ Die schrifft ßo
von got herab geben/ ist/ nutz zu einer laher/ zu straffen/ und
bessern/ und underrichtung in der gerechtickeit/ auff das
der mensch gotis/ gantz und volkomen/ und tzu einem yden guten
werck bereitt sey. ii. Timo. iii.⁷⁵ Sih da〈/〉 liber Ochßenfart〈/〉
du must mich mit gottlicher schrifft antasten/ wiltu an-
ders obsigen/ und deinem rümen^ah nach komen. du hast nur eine
schrifft/ die ein h'eilige' laher ist tzu straffen/ bessern/ tzu under-
richtung/ tzu underweißung/ wie ein mensch volkumen und
tzu allen gutten wercken geschickt wirdt. sih und merck〈/〉
das du nit werdest aus deinem kopff sagen. Das werck ist
gut/ und genes^ai boß. du kondest dan ouch schrifft tzeigen. und
das getzeucknis^aj geben/ das gott fodert. Wiltu sprechen〈/〉
Die von wittenberg/ handeln ubell und ketzerisch mit der
Messe. ßo mustu das durch getzeucknis h'eiliger' schriffte war
machen und beweißen/ wil ich sprechen/ das mit den Messen
ubel und schalcklich gehandelt/ muß ich das durch schri-
fften betzeugen. Dan die h'eilige' geschrifft ist reich/ warhafftig
und gnugsam tzu tzeugen und pindet unß an ir aigen tzeugk-
nis/ alß Christus spricht. Sye haben Moysen und Pro-
pheten. Item Moses hat von mir geschriben. Wan ir Mo-
si gleubet/ ßo wurdet ir mir auch gleuben.⁷⁶

Sih und halt das wol/ das gotliche schrifft eyn laher ist
tzu underweißen/ und eyn nutze uberwindung/ und eyn
fruchtbare besserung und underrichtung des menschen
das er volkumen werd. Durch gottliche schrifft mustu unß
leren/ anfechten/ uberwinden und bessern. Du darffest
dir nit furnhemen/ das wir unß/ vor deynen gifftigen otem^ak
und fürtzen endsetzen/ alte kacheln magestu tzytern machen〈/〉⁷⁷
aber Christen kanstu nit erschrecken.

A4^v Mercke auch du spitzhornichter ochße/ dastu die sch-
rifft nit nach deinem hirn darffest außlegen/ du must sie
gebrauchen und außlegen/ wie sie der heilig geist außlegtt〈.〉⁷⁸
Alß Petrus .ii. c. i. leret sagend. Prophetische schrifft.
soll nit nach aigem menschlichen willen erkleret werden.
Ursach. das sie nit durch menschlichen willen hergetragen
ist. Die heiligen gotis haben gerett wie sie von dem h'eiligen'
geist bewegt gewest seind.⁷⁹ Drumb mustu schrifften
durch schrifften erkleren/ außlegen und lautern/ und das
licht des heyli'gen' geistes furtragen/ wan du rumrettiger⁸⁰
schirmer beweyßen wilt. das wir irren/ leuth verfuren/ und
ketzerey machen.⁸¹ Bistu ein Doctor der h'eiligen' schrifft〈/〉 ßo
weistu wol dastu der schrifft offt geschworen und verayd
bist. und das dir die schrifft zu einer form/ regel/ weg/ und
weiß geben ist.

Demnach bekenn ich/ das Doctor Martinus Luther eth-
liche^al bucher und leer von der Meß hat lassen außgehn/⁸² und
hinfuro wirt außschicken/ welche ehr alle/ wol/ on meinen
beystand/ kan/ vor aller welt/ verteidigen. Derhalben
wil ich auff das mein sehen/ und beken mich auch dartzu.
das ich etliche buchlin (die Messe betreffen) hab fur man-
gerley augen gelegt/ wil auch furt mehr lassen furlegen^am/ den
Christen tzu gut.⁸³ Szo hab ich ouch die evangelische
Messe und weiß mit der tatt^an angetzeigt/⁸⁴ wie wol ich dan
noch vil stuck nachgelassen⁸⁵ hab.⁸⁶ die dich und deinergleichen
darumb seltzam und from⁸⁷/ boß und ketzerisch duncken〈/〉 das
du weiß und wort des ewangelien nit wilt annhemen. wie
du alten gebrauch/ und heidnisch laher annihmbst.

Dir sey aber trutz/ und ein schniplyn⁸⁸ geschnelt⁸⁹/ dastu mir
ein herlein krumest. Nicht derhalben/ das ich ßo vil von
mir halt. Sonder derwegen〈/〉 das ich weiß〈/〉 war auff ich
grunde und fuessze. Und das ich weiß/ das die warheitt
weder liegen/ noch bedrigen/ noch verfuren kan.

Bystu aber der Ochße/ der die wend umbstosset. den die
ougen feuren/ und der mit füssen scharret/ und wil Evan-
gelischen brauch und wort umbsturtzen/ ßo kum anher/
A5^r leine dich auff/ und versuch was du kanst/ beweiß deine
kreffte/ spring/ leck/ plerr/ stoß/ und gebrauch alle deine kre-
fften/ und laß doch fulen^ao/ wie vest deine horner stehnt.

¶ Mir ist vil an der sach gelegen/ dan ich weiß das got/ vil
an seinen tzusagunhen^ap und tzeichen gelegen ist.⁹⁰ Das man
om⁹¹ sein eere/ lob und glorien/ mit den Messen (wie/ sie bey
dir gehalten werden) abheubt⁹²/ verkurtzt/ und das got ge-
lestert wird.⁹³ Eß werden auch die schefflin Christi.
ym glauben verhindert und geergert.⁹⁴ Weyl du dan dye
kleine ergerst/ von welchin Christus spricht. Eß wer
besser man hieng eynem/ ein eselßmülen an hals/ und sencket
yen^aq in das wasser/ dan das er eynen kleinen (dero Christo
tzugehort) ym glauben verletzt.⁹⁵ Derhalben kan ich nit
mehr schweigen. Ich muß dich deines grosses ru-
mens^ar erinnern. Und kan nit stum sein/ Eß gebürt mir
auch/ dich aus deinem getzelt tzefodern/ dastu mein schrei-
ben und thun/ die Messe anlangend/ tzu nicht und ketzerysch
machest.⁹⁶ Thun deinen rum volg/ tzeig an die ketzerey. deut
uff unßern mißbrauch. Bistu eyner frumen mutter Son〈/〉
ßo vall mich an/ und straff mich mit der Schrifft.

Du rumest du wollest Leib und leben verlieren/ wan du nit
kanst beweißen/ das unßer schreiben ketzerysch ist〈.〉⁹⁷

Ich wil mit dir umb .c. guldin⁹⁸ schreiben/ das noch gerin-
ger ist dan dein nagel am kleinen tzehen/ oder um einen rock/
dan solt ich mit dir umbs leben disputiren. vermogt ich dich
nit besser tzumachen/ wan du aber lebendig bleibst. ßo hoff
ich du werdest gewinnen wie die andere widersecher.⁹⁹

Ich wil dir gern vergonnen/ und tzugeben/ dastu den grohen
Doctor tzu Torgau¹⁰⁰ / den Tollen grohen gesellen tzu Czerwick¹⁰¹ und gantz Convent^as der holtzuger tzu Brandenburgk¹⁰² nymbst.
und wan¹⁰³ du tzu dir bringen kanst. das sie dir helffen/ uff dastu
gut pfeil schissen^at mogst. Wirdestu aber an dich halten/ und
alßo mauchellich¹⁰⁴ pellen und nach reden/ Solstu wissen/ das
ich nit sweigen^au wil. Ich wil dich butzen¹⁰⁵ und mutzen¹⁰⁶ wie dir
von noten ist. Wiltu aber ablassen/ und die Christen nit ver-
furen/ ßo wil ich dir meine iniurien gern vergeben/ die ich
A5^v dir^av doch an¹⁰⁷ das vergeb/ doch dem Evangelio un-
schedlich. Ich wil dir auch hende und füssen tzu dienen
leyhen.

Du kanst selber dencken/ das Christus saget. Wer mich
bekendt/ den werde^aw ich vor meynem vatter auch bekennen〈.〉
Welcher mich verleucket/ den wil ich auch verleucken.¹⁰⁸

Ich byn gott mher schuldig dan aller welt.¹⁰⁹ Und will
meyne seligkeit nit/ deyner halben/ verlustig werden/ und des
warten〈/〉 darumb mich Christus mocht verlaucken^ax110 und dem
teuffel geben. Derhalben magstu selber abnhemen wu
mich der schugh thruckt. Auch weystu wol/ wie wir
auff nutz/ frumen/ und gedeihen^ay unßer negsten sollen trach-
ten/ und gar nicht das unßer suchen.¹¹¹ Wir wollenn
von nutz und gedeyhen der Selen handeln/ die ewig ist/
Derwegen laß unß sehen. das wir gotes eere/ wort/ unnd
glorien eyniglich meynen. Szo wirt unßer Selen seligkeit
mit auffgehn. Dar tzu helff unß got durch Christum
Amen.

^azGedruckt tzu Wittenberg

M.D. xxii. Jar.

Nick'las' Schyr'lentz'.^az