Nr. 398
Zinsverkauf Heinrich Zellers an Anna von Mochau über 100 Pfund
Basel, 1543, 12. November

fehlt

Ich Heinrich Zeller¹ der Kůffer² Burger zu Basel, Bekhenn unnd thun kunt menigclichem mit disem brief. Demnach ich uff Quirin Wenck³ von Thannenkilch⁴ und Bryda
Rup⁵ siner elichenn hůsfrowenn Jerlich funff pfůnd gelts stebler guter baßler werung, uff Mittfasten⁶ alles Innhalt und Vermög der Verschribung darumb von Vogt
unnd gricht zu Dannenkilch⁷ uffgricht, der dathůmb lůtet Menntag noch dem Sonntag Reminiscere⁸ inn der Vasten. Als man zalt, noch Christi unnsers lieben herren gepurt
funffzehennhůndert dreyssig unnd Nůn Jar, fallende gehept hab, Das ich da mit guter zitlicher vorbedrachtůng, umb mins bessern nůtzes unnd notdůrfft willen, merern minen
schaden, damit züverkomen inn uns uffrechten redlichen koůffs wyß, wie ich dann das nach recht harkomenn unnd gewonheit aller rechten und grichten geistlicher und weltlicher
aller formlichest unnd bast⁹ thun han unnd mag. Der Ersamen Anna¹⁰ wylend des hochgelerten Hernn Andresenn Karolstads der heiligenn gschrifft doctor unnd Predicant der stifft
sannt Petter zu Basel gloßner witwenn, ouch derselbenn kindernn¹¹, so sy by yetzvermeltem irm hernn uberkomen, fur und umb Hundert pfund guter stebler baßler werung¹², dero sy
mich ouch also bar bezalt, unnd usgricht¹³, dermaßen mich daran wol benügt hatt, fur mich und all mine erben, die ich harzü vestennigclich thun verbinden, die obbestimpten¹⁴ fůnf pfůnd
gelts, mit der Hundert pfůndenn irem houptgut¹⁵, recht¹⁶ unnd redlich¹⁷ wissenntlich¹⁸ unnd wolbedachtlich¹⁹. Inn und mit krafft dis brieffs geben unnd ubergebenn hab, Allso das gedachte
witwe oůch ire kind, unnd dero erbenn, sollich obbestimpte fůnff pfůnd gelts nun hinfur sollend unnd mögend, innemen, vordern, heischen²⁰ und inziehenn²¹, die mitsampt irer hoůpt-
summa, nutzen, niessen, besitzenn, versetzenn²², verkoůffen, Sonnders damit handlen, schalten, walten, thun unnd lassen, wie mit irem eigentlichen unnd fryem gut, on Irrůng, Intrag²³
min, miner erben, und sunst menigclichs von mit und derselben miner erben wegen, Dann ich mich vilgemelts zinses und hoůptzins, ouch aller ansprach²⁴ vordrung und rechtsame²⁵, so ich daran
gehept hab, ich unnd mine erbenn fůrer²⁶ daran haben soltenn, konten, oder möchten, fur mich und all mine erben, wissenntlich unnd wolbedachtlich entzigenn²⁷, Hab ouch gedachte witfrouwenn
ire kind, unnd deren erbenn, sollichen ubergeburen, zinses und hoůptzins, inn nůtzlich gwalt unnd gewer gesetzt, Oůch fůr mich unnd mine erbenn, by minen guten trůwen an eidstat
gebenn, Innkrafft des brieffs, glopt unnd versprochenn, ernempter²⁸ witfrowen der kaůferin, iren kinden, dero erbenn, und wer des bedarff, der bestimpten fůnff pfůnd gelts, und
dero hoůptgut halb, das sollichs bis uff hůtigenn tag, min frylidig²⁹ eigene, vormals niemanden zinsschafft beladen, verschribenn hafft,³⁰ nach³¹ verfanngen³², sonnders auch eröfftig³³ unnd
nit erläßt³⁴ sye, Derglichenn ob nachgonnder³⁵ zit, ettwas ann zins oder haůptgut, abgan, dero halb die keuffere oder ire erbenn, daran verlůstig sin můssten, umb das alles gut sicher redlich
unnd nutzlich werschafft³⁶ züthünd³⁷, fůr allem abgang³⁸ unnd abgewynnen³⁹, vor allen lůten, richtern und gerichten, geistlichen unnd weltlichen an allen stetten unnd enden, wa, wann, und
wie dick⁴⁰ sy des notdůrfftig werdenn, on allen iren costen und schaden, Deßglichenn diß ubergab, verzihůng⁴¹, insatzůng⁴², und was hieran gschriben stat, fur mich und mine erben, war
stät⁴³, vest, und unverbrachenlich⁴⁴ zühaltenn, darwider niemer züreden zükomen⁴⁵ nach züthund⁴⁶, weder mit nach one recht, heimlich nach offentlich, sůnst nach so. Inn dhem wyß nach wäg, Mitt
verzihung⁴⁷ aller unnd yeder gnadenn, fryheiten, rechten, und gerichten, geistlicher unnd weltlicher, burgkrechten, stettrechten, Landgrechten, uszugen fůnden, listen unnd geverdenn⁴⁸,
Ouch alles deß, so hiewider zü schirm fůrgewennd werden, Dann ich mich deß alles sampt dem rechten, so gmeiner verzihůng⁴⁹, one vorgang einer sonndrůng widersprechend, verzigenn⁵⁰
unnd begeben hab, geverd⁵¹ hierinn gentzlich vermitten⁵², Unns deß zu warem urkhůnd und stäthaltůng⁵³ vorgschribene dingen, hab ich Heinrich Zeller⁵⁴ inn anfang gmelt,
min eigen Insigel⁵⁵ fůr mich unnd mine erben, Unns damit zů ubersagennd⁵⁶ offentlich gehennckt an disenn brieff, der gebenn ist uff Menntag nach sannt Marthins der heilige
Bischoffstag,⁵⁷ Als mann zalt nach der gepurt Christi Unnsers Liebenn Herren unnd erlosers Thusennt funffhundert Viertzig Unnd Dri Jar,
fehlt Meister Heinrichen Zeller⁵⁸ des Kuffers Übergab brieff darin v lb gelts zů Tannenkilch etc.

1543.