Nr. 388
Hauptverschreibung über einen Zinskauf über 109 Pfund Basler Währung an Balthasar Schoulin und Elsbeth Marx
Basel, 1540, 26. April

fehlt

^aÖl und Spend ampt¹
Cwyl^2a

^bi. lb^b3

^cNo. 23^c

^d〈[…]〉^e funff pfůnd Neun schilling.⁴ Ist aber abgelost 4 lb 9 ß⁵ Rest 〈[…]〉^f lb

〈[…]〉^g uff tag sant Mathis inn hornung⁶ unangesehen des inwen〈dig〉 inn

brieff staͤts uff martin. Bit 〈l[…]〉^h dess brieffs 〈lin〉⁷ 〈[…]〉ⁱ

jetzt hans hodel⁸ 〈von〉 Wyl. Er kaufft von der Carolst〈adin〉⁹ 〈[…]154?〉

〈[…]〉^j 124 〈[…]plat?〉 〈[…]〉^k

brieff costen i lb xii ß¹⁰ hat der 〈[…]〉^l

der Carolstadin¹¹ betzalt

Item 〈het〉 geben den hennden〈?〉 findet imb brieff 〈[…]〉^m
〈[…]〉^nd

^oZinsbrieff herrn Andreas Bodenstein von Karolstat der heilgen
geschriftt doctors uber v lb gellts¹² uff Balthasar schouli¹³ von wil^o

^pDiser brieff zu schriben und versiglen costet i lb v ß zuvertigen vii ß
hatt der herr kauffer zalt^p14

^qrAnno xv^r xliii uff Samstag noch Sant Jacobs tag¹⁵

hat Hans Hodel¹⁶ von Wyl¹⁷ uff inwendig Sinn in

abloßung wyß zalt Sibentzig pfünd Baßler warung^s

bezug¹⁸ ich petrus Keßler¹⁹ mit mine eygen

handschrifft in gegenwertikeyt der mutter²⁰ und

adams²¹〈.〉^r

^ttAber hat heine Hodel²² abgeloßt x lb sint sampt

der margkzal²³ uff frittag noch valentin 44²⁴〈.〉

^uAber hat heine meyer²⁵ von Bettiken²⁶ abgelost

von inwendigs guttern iiii pfundt

bezug ich petrus Keßler²⁷ im Jar 44.^uq

fehlt

Ich^v fridlin schoni²⁸ Vogt zu weil²⁹, Richter, An statt und Innamen³⁰ des durchluchtigen Hochgebornen fürsten und herren, herrn Ernsten marggraven zu Baden und Hochberg, Landgraven zu Dusenberg, Herrn zu Röteln und Badenweiler etc.³¹ Meins gnedigen Herrn, Thun kunt menig-
lichen mit dissem brieff, Das uff hut datum fur mich und das offen verbannen gericht³² komen und erschinen sind die Erbern Balthassar Schoůlin³³ von weil, und mit ime Elsbeth marxin³⁴ sein eliche husfrau, Bekennendt dass sie umb irs bessern nutz und notturfft
willen merern irn infallenden³⁵ schaden damit zufürsehend³⁶, Eins〈?〉 steten vesten³⁷ kaůffs verkaůfft und zukaůffen geben hette, und gaben auch hiemit dem würdigen Hochgelerten hern Andreas Bodenstein von Karolstatt, der heiligen geschrifft doctor, zu Basel, Der
auch ime selbs, seinen erben, und sonderlich einer jeden person, so dissen brieff mit irm wissen, willen oder sonst Rechtem Tittel inhaben wurt, uffrecht³⁸ und Redlich kaufft hat, Namlich Funff pfund und Nun schilling stebler³⁹ guter Baßler werung, Rechts järlichs
Zins,⁴⁰ den sie verkeůffen oder ir erben. Ime keůffen oder seinen erben, oder der person als absteet⁴¹, Nun hinfur jarlichen und eins jeden jars besonder uff Sant Martins des heiligen Bischoffs tag,⁴² gen Basel in iren sichern habenden gewalt, Für alles. Entwören⁴³
verhefften⁴⁴ verbieten, Aucht⁴⁵ krieg⁴⁶ und Anleitin⁴⁷ sonder auch on allen iren costen und schaden, Richten wern und antwurten⁴⁸ sollen und wellen, Von uff usser und ab nachgeschriebnen gutern und underpfendern⁴⁹, Erstlich hus und hof mit allen zůgehord zu weil
einseit neben hans lotter⁵⁰, anderseit neben Steffan Schoůli⁵¹ des verkeůffers bruder, stosst hinden und vornen uff die strass oder almend, steet in einer versatzung⁵² fůr ein soum⁵³ wins und zween schilling der frůmess⁵⁴ zu weil, mit zwölff pfůnden ablosig⁵⁵
und der garten vier pfennig, heini Reinharten, Aber ein pfund dry Schilling der Stifft zu Sant peter, Ablosig mit Zwentzig und drii pfůnden, Item einem Zweithel⁵⁶ Reben im Schliff⁵⁷ einseit neben fridli Kremerlin anderseit neben wolff etenwalden
stosst oben nider uff peter böglin, und heini walter〈,〉 zinst ein Rappen gen Riehen⁵⁸, Item ein thauen matten⁵⁹ uff den Landsfeldern einseit neben fridli kremerlin〈,〉 anderseit neben Melchior Kleinman⁶⁰, stosst unden an die frauen von clingen thal,⁶¹ oben an grůnt-
matters erben, gibt Zins vier Schilling und zwei huner gen clingenthal, Item ein Jůchart⁶² Reben in des Abbts acker einseit neben Steffan schouli anderseit neben Elss schöchlin⁶³〈,〉 stosst oben abher uff lienhart wengen, Unden uffhin an ötlicker weg⁶⁴ zinst Sechs pfennig
einem Lůtpriester⁶⁵ zu weil, Item ein halben fiertel⁶⁶ Reben an der landgassen, einseit neben Elss Margin anderseit neben Enneli Ernis⁶⁷, stosst oben an lux meiger unden an fridlin weber〈,〉 ist eigen, Item ein halben Zweithel⁶⁸ garten hinder den höfen, einseit neben
heini schoůlin anderseit neben hans negellin, stosst unden an michel hütter⁶⁹, oben an almend weg, zinst ein schilling vier pfennig hans soder von halltingen⁷⁰, Item ein platz⁷¹ garten ist ein halber fiertel⁷² in den bůnden⁷³ beiderseits neben heini schouli, stosst unden uff Steffan
schoůli sein brůder, oben an Conrat Knip, ist eigen, Item ein halben zweithel⁷⁴ Reben am Menweg, einseit neben Lienhart schönig, anderseit neben Fridli kesselin dem Jungen, stosst an obern menweg stosst unden uff hans mergen, zinst vier schilling in ein
gůldin gellts⁷⁵ hans schuri zu Neuenburg⁷⁶, Item ein halbe Jůchart⁷⁷ Reben und hanffbundi⁷⁸ im Rebgarten, einsyt neben Elss schochlin⁷⁹ anderseit an peter bögli, stosst oben auch an in, unden an claus schoůli⁸⁰〈,〉 zinst fůnff schilling gen wertingen⁸¹, Item ein halbe Jůchart hanffland
und bundi⁸² vor dem berg einsyt neben Jorg mellingen, andersyt neben Jorg Marxen erben, zur obern seite an vogt schůchmachers erben, zinsst ein schilling werlin Erni von halltingen^wund zinsen dise zwei stůck vierzehen schilling ablösig heinrich friessen⁸³ zů Basel^w, Item ein Jůchart⁸⁴ Reben an der thorgassen in halltingen⁸⁵ B〈[…]?〉, neben Melchior schoůli⁸⁶
andersyt neben der thorgassen, stosst oben an frily hůfnagel⁸⁷ unden an fridli vogtli⁸⁸, zinst zween omen⁸⁹ wins dem Bůwhern⁹⁰ zů Basel, Item ein Jůchart Reben in des Jůnckhern acker einsyt neben hans Rheiner andersyt neben michel hütter zůr obern syten an claus Koger⁹¹
zůr undern seiten an claus becker, gibt den viertentheil⁹² wins gen Sant Blesii⁹³, Item ein Jůchart im Menweg einsyt Blesii Siplin, andersyt neben Caspar hodel, zůr obern syten am Menweg, zůr undern syten an frantz Kůfer gibt den fůnfften theil ge〈n〉 Sant Blesii, Sonst
ledig eigen, Behielten die verkeůffer by gůten treuen an eids statt/ Und ist disser kaůff beschehen umb Hundert und Nün pfund stebler⁹⁴, gůter Basler werůng, deren sich die verkeůffer also bar bezalt sein offen bekanten,⁹⁵ daran sie und ir erben Nůn hinfur
ewig benůgen sollt, Gelopten hierůff by vorgemellten treuen an eids statt dissen kaůff und verkaůff und was vor und nach an dissem brieff geschriben, war, steet, und vest zůhalten den zins jarlichen als oblut⁹⁶ zůrichten, dem keůffer und seinen erben gut
sicher Redlich werschafft verantwurtung und vertrettung zuthůnd, inn und uswendig gerichts, wo, wenn, wie offt, und an allen orten da sie deren notturfftig als Recht ist, Were aber〈,〉 das der zins einichs oder mer Jarn nit gericht, die underpfender in missbuw⁹⁷
gelegt oder was andern mangels dem keůffer, seinen erben, oder der person als obstet⁹⁸, hierinn begegnen, damit sie irs zins und haůptgůts in mangel sten wůrden, Alsdan sollen und mogen sie die verkeůffer ader ir erben mit oder one gericht geistlichem oder
weltlichem wol fürnemen⁹⁹, oder auch die underpfenden und wo daran abgieng, andere ire ligende und farende gůter angriffen, pfenden, heben¹⁰⁰, hefften¹⁰¹, ufbieten¹⁰², verganten¹⁰³, verkaůffen oder selbs behalten, Alles so lang und vil, Bis inen umb zins haůptgůts
und anderm mangel, sampt costen und schaden ein vermůgen beschehen, Vor solchem allem die verkeůffer noch ir erben nit sol fryen¹⁰⁴〈,〉 friden¹⁰⁵, fristen, schůtzen und schirmen einich geistlich noch weltlich fryheit, gnad, Recht noch gericht, deren sie sich aller und sonderlich die frau
des Rechts velleiani¹⁰⁶ wird verzigen¹⁰⁷, sampt dem Rechten gemeiner verzyhung¹⁰⁸ widersprechende, Das ist den verkeůfern hierin frůntlich zůgelassen, das sie oder ire erben wan Inen geliept den vilgemellten zins, samenthafft¹⁰⁹ mit obbestimpter haůptsumma und werung adertheilsamlich¹¹⁰
je mit zwentzig pfůnden haůptguts ein pfůnd zins, doch mit vorbezalung versessner¹¹¹ und nach marzal¹¹² ergangener zinsen sampt costen und schaden wol widerkaůffen und ablösen mögen, Es ist aůch hierin bedingt und von den verkeůffern versprochen, wan sie uber kůrtz oder
lang einich stuck von obgeschribnen underpfendern verkaůffen wůrden, das alsdan mergemellter her keůffer, den vorkaůff haben sol, on all geferd¹¹³, Und diewyl diser kaůf und verkaůff Nach lands und dis dorffs brůch¹¹⁴ zůgangen und gwertigt¹¹⁵, Ist er zů Recht krefftig¹¹⁶ erkannt
důrch die Ersamen hans vogelbach〈,〉 fridli hütter¹¹⁷, hans hodel¹¹⁸〈,〉 claus Koger¹¹⁹〈,〉 Jorg Konig, Steffan Zimerman und ander des gerichts, Des zů warem urkůnd ist von mein des Richters bitt wegen des Landtgerichts Insigel doch hochgemelltem meinem gnedigen hern An herlich
ober und gerechtigkeiten Auch sturen¹²⁰ und gefellen¹²¹ in allweg one schaden offenlich gehenckt an disen brieff, Der geben ist uff Montag nach Sant Marci des heiligen Evangelisten tag Als man zalt nach christi unsers lieben hern gepurt fůnffzehůndert und viertzig Jar,¹²²

^xP. Gebwiler¹²³ l'egum' Doctor
in Absentia subsc'ribit'.^x