280^v

In Zacchariam prophetam nonnulla, collecta
utcunque ex D. An'drea' Bo'denstein' Carl'stadio'

Zaccharias praecipue annunciat instaurationem civitatis
Jherusalem et domus domini atque animat Judaeos ut forti spiritu
rem inchoent et perficiant, Deinde regem populi et regnum
quale sit futurum depingit,¹ Texit quoque vaticinium
adversus oves occisionis et magnificos illos Cedros/
abietes, pastores et leones appellat.² Denique pollice-
tur dominum custoditurum Jerusalem summa custodia, praedicit
grandem afflictionem futuram contra Jherusalem, sed protectione domini
fieri, ne perdantur electi.³ Postremo mirabilem so-
tietatem et conventum filiis dei despondet, nempe
repurgatum a zizaniis〈.〉

Zacchariae prophetiam credo referendam esse ad prophetiam Hieremiae, facit enim mentionem 70 annorum edificandi templi dei.Deus olim per Hieremiam minabatur Iudaeis cap-
tivitatem atque illos metu iugi Babylonici compressit, quos
promissione liberationis erexit tandem. Nam minabatur
Iudeis se laturos ferreum iugum Nabuchodonosor
annos septuaginta, quibus decursis pollicebatur fu-
turum ut liberi exeuntes Caldeam edificarent Jherusalem
et domum domini. id quod occurret legenti Hiere: ca:
25.⁴ et ca. 29.⁵

Caeterum anni illi videntur
protelati et alium sensum habere. quam litera exprimit. Ideo
Daniel in intelligendo annorum numero septuaginta, non-
nihil laboris videtur insumpsisse. Da. 9.⁶ Nam quamquam
Deus spiritum Cyri regis Persarum incitaverat, ut pu-
blico edicto^a Iudaeos ad edificandam domum dei
non modo sineret, sed etiam hortaretur .2. Pa: 2.⁷ 1. Es: 1.⁸
Non sunt anni domini ut anni hoministamen impeditur edificatio et opus intermittitur per
Artaxersten regem Persarum .1. Es: 4.⁹ Absque dubio
Iudaei edificationem desperaverunt, tanto spatio annorum
post septuaginta impediti, illos itaque fractos re-
collegerunt duo prophetae Aggeus et Zaccharias 1. Esd: 5 et 6¹⁰〈.〉

281^r

Loci communes in Zaccharia

Locus conversionis hominis ad deum ca. 1.¹¹ Reversionis dei ad
hominem ca. 1.¹² Locus perversae maledictionis visionum .ca. 1.¹³
Locus orationis quae maxime ten〈[…]〉a^b sunt in oratione ca. 1.¹⁴ Locus
nimiae irae dei ca. 1.¹⁵ Zelati sunt Zion.¹⁶ Locus paternae
custodiae, Ego ero eis in murum ignis etc〈.〉¹⁷ Qualis
sit ecclesia dei ca. 2. Ecce ego venio et habitabo in
medio tui,¹⁸ Locus sacerdotii praelati ca. 3. Si in viis
meis .etc.¹⁹ Communione sanctorum ca. 3.²⁰ Locus gratiae
populi pro illis et nostratibus ca. 4.²¹ Locus iuramenti fri-
voli ca. 4.²² Et ad domum iurantis mendaciter, An
possint angeli per homines loqui ca. 5. Angelus qui loqueba-
tur in eo.²³ Locus ieiuniorum ca. 7. cum ieiunaveritis.²⁴
Locus operum proximis impendendorum ca. 7. Iuditium verum,²⁵
et ca. 8. Haec sunt quae facietis,²⁶ Locus potentie dei ca.
8. Dimisi homines etc.²⁷ Locus speciei et formae tam
regis Christi, quam regni eius. Qualis rex tale regnum ca. 9.²⁸
Locus vocationis gentium ca. 9.²⁹ Locus pacis populi dei, Locus
Antichristi et malorum pastorum ca. 10.³⁰ Locus afflictionis
quid possit, quid prosit ca. 13.³¹ Locus iugi Adami.
homo agricola ego sum. ca. 13.³²

Offitium prophetae peculiare est referre verbum Dei ad populum/
annunciare sensum domini populo dei, Sunt autem principes
populo/ at regnum eorum non est corporale, ipsi annunciant
verbum veritatis et pacis. Vehementiam irae dei exprimit,Iratus est dominus iracundia etc.³⁶
Hoc verbum spiritus domini ingessit cordi Zacchariae ut denun-
ciaret populo.

Viscera in scripturis intimum cordis significat quod post cir-
cumcisionem cordis relinquitur etc〈.〉

281^v

Convertimini ad me etc. et ego convertar ad vos³⁷

Hanc conversionem deus facit non homo〈.〉 Infra ca. 10. Con-
vertam eos quia miserebor eorum.³⁸ Christus, Non vos me
elegistis etc.³⁹ Haec est vox legis, lex exigit gratia
prestat, haec vox exigit conversionem. Lex annunciat
voluntatem dei, quid petere debeamus a deo. Sana
me domine et sanabor,⁴⁰ Converte me Deus.⁴¹ salva, rex
noster. Omnes angeli et sancti non possent convertere unum
cor, ipse exuit nos vestibus nostris et mutatoriis induit.
Haec conversio non fit nisi aliquis docilis deo reddatur
id est discipulus dei. Unus pater hanc conversionem efficit
cum cor radio luminis sui irradiat, Nihil eque durum
est cordi et rationi hominis quam vita Christi, Nemo venit ad patrem
nisi per me,⁴² Vita Christi in corde per cordis circumcisionem
facit illam conversionem, Circumcisio cordis avellit
quicquid placet cordi. Ezech. 18. Convertimini ad me
et relinquite vias vestras pessimas,⁴³ per odium excitatur
abiectio iniquitatis, oportet, ut crucient animum odium〈,〉
ira, avaritia, ambitio. etc〈.〉 Deute: 10. Deus cor
mundum exigit, ita hic exigit circumcisionem in conversione.⁴⁴
Et^c Moses pollicetur illam circumcisionem Deu: 30. etc.⁴⁵
Quando vita Christi incipit placere, adducitur odium
vitae nostrae et omnium creaturarum Hiere. 7. Hiere: 4.⁴⁶
omnia haec ad conversionem attinent, In Mose de hac
conversione, quaerite deum in toto corde ca〈.〉 4 Deu:⁴⁷
Conversio fructus est spiritus, et pertinet ad primum praeceptum,⁴⁸
Conversio illa requirit mortificationem veteris hominis
et Adae. Haec summa summarum est〈.〉

282^r

Et non audierunt neque attenderunt etc.⁴⁹

Hic locus est de sensu maledictionis. Maledicti et impii cog-
noscunt sensum domini, Deu〈.〉 28. Si non audieris appre-
hendent te maledictiones istae etc〈.〉⁵⁰ Deu: 31. Vere scio
pii dicunt〈:〉 iustus es dominus :–quia dominus non est nobiscum,⁵¹ Haec loquuntur eciam impii/
Impii eciam sciunt quia potens est dominus etc.⁵²

Impii cognoscunt se peccasse, atque eos pudet peccatorum, sed
pudor eorum neque ex turpitudine peccati, neque amore offen-
si dei oritur, Confusio illorum est, qualis est confusio
furis deprehensi in furto. Hiere: 2.⁵³ Item Hiere. 13.
Nudavi foemora tua et cognosces peccata tua etc〈.〉⁵⁴

De oratione etc〈.〉⁵⁵

Deus respicit cor humiliatum et afflictum, Oportet nos
in spiritu orare hoc est impulsu spiritus, qui praestat nobis
ut clamemus Abba pater,⁵⁶ Infra ca 10. Dabo ei
spiritum^d precum,⁵⁷ hoc nos non possumus habere, reve-
labo eis inquit. etc. Hiere: 22.⁵⁸ Nos nescimus, igitur
spiritus dat quid orandum sit, Vel est corde orare
spiritu novo corde novo, ita scriptura loquitur. Men-
datium esse quicquid ratio moliatur, prudentia carnis mors est,⁵⁹
In veritate orandum est. Sermo tuus veritas, qui
vere orant semper habent verbum cuius vi animati sunt. In ser-
mone id est promissione. Sic hic arripuit veritatem, ac si
dicat Respice pactum tuum, propter nomen tuum audi nos.
Deu: 4. Deus custodit pactum suum, etc.⁶⁰ Vel in veritate
orare est syncero ac mundo corde orare sine hypocrisi.
Quicunque orant vel petunt aliquid gratia sui in hypo-
crisi orant, Petenda sunt quae dei voluntati conveniunt〈,〉
Si manseritis in me etc〈.〉 quidcunque petieritis etc. Johannes 15⁶¹〈.〉

Hactenus in Zacchariam etc〈.〉