Nr. 223
Messordnung der Stadtkirche zu Wittenberg -- revidierte Fassung für Kurfürst Friedrich III.
[Eilenburg] , [1522, 13. Februar]

23^r Das^a teglich ein Meß in der alten weiß unnd
form gehalten werd, mit außlassung des
Canons,¹ unnd das die wort der benedeiung
teutzsch offenntlich,² gegen dem proth unnd
weyn gesprochen, das auch die Elevacion
geschee zu einem zceichen,³ und^b das darvon^c
das volck, ^d in der predig^d unndterweist wurd^e,
^f Und wu Communicanten vorhannden, die^f
das sacrament^g fordern, den soll^h es also nach
iremⁱ gefallen, vom priester selbs^j gereicht^k
werden,⁴ Hiertzu soll der priester auch
nit gezwungen sein, zu communicirn, doch
mag er〈,〉^lso er^l hunger hat, ime allein benedicirn
und sich communicirn.⁵

Dieweyl auch annder priester mehr in der
pfarr sein, sollen sie erinnert werden, wu
ir einer anstat des pfarrers, oder^m seiner caplan,
wu sie zu celebrirn ungeschigkt⁶, meß halten
bedacht, das er sich derwegen bey dem pfarrer
23^v zuvorn angebe, damit allenthalben in diesen
sachen Cristlich unnd ordentlich gehanndelt
werde.⁷

Nicht fleischⁿ zue essen in verbotten zeitten〈,〉 erger-
nus zuverhutten,^o8

^pUrsach dieser ordnung angehabner⁹ Verneue-
rung ist, das〈,〉 das wir durch manicherley
weiß¹⁰ und weg, die in der pfarrr mit der meß
furgenommen〈,〉 was bewegt sein, solchen Rathschlag
unnd unser bedengken, damit der große
Irrthum, so dadurch im gemeynen Man er-
wachssen, mocht verkommen¹¹ werden, furgewant
haben〈.〉

Dieweyl aber nu man hat orden mussen, so
hat es Cristlich anderes nit gescheen mogen
dann das die Worth der gebenedeiung zu teutzsch
vom priester gesprochen werden, auß Ursach
das alles communiciren vergebens ist an¹²
verstandt der Wort der gebenedeiung, dann
24^r alle krafft des Sacraments, steet in diesen wortten
unnd ist geboten im Ewangelio, das thut in
meinem gedechtnus¹³, auff das man auß diesen
wortten der Benedeyung, die frucht des tods
Cristi lernen sollen〈.〉^p14