Beilage: Auszug aus einem Bericht von Johann Valentin Furtmüller über Karlstadts Tätigkeit in Altstätten, um 1532

fehlt […]Dise botten¹² kamend, brachtend mit inen den
Carolstat, es sach grad als were diser handel langest überdoplet,¹³
Ich aber als^s der ain gute gwüssne hatt, und der warhait wol trüwet,
wartet also nit^t dister minder wenn man mir zur verantwurtun〈g〉
fehlt verkunte〈,〉 versach mich¹⁴ und hoffet man wurde mich nit onver-
hört verdammen, wust ouch wol das ich,^u von gots gnaden also glert
und glept hat, das ich mich vorm rechten nit must forchten.
Do nun Carolstad anfahen wolt predigen, verharret ich zu
Altstetten, wolt also der sach usswarten, und vor der ersten
predig, wie Carolstad schon in der kilchen was, gieng ich zu im¹⁵
grüsst inn¹⁶, batt dar by (dann ich versach mich etwas) ob im¹⁷
wurde von mir, angebenn wort oder werck, damit ich geacht
strafwirdig, solt er mich vorhin hören, und nit lichtlich,
böses von mir glouben^v, were urbütig ouch im¹⁸ rechnung ze-
geben etc.

Das volck ward hie zwüschend unwillig〈.〉¹⁹ Carolstad was ime²⁰
der sprach halb seltzam,²¹ der Furtmuller noch nit jederman
erlaidet²², hatt sich ouch danocht dermassen ghalten, das der war-
hait gunstige noch nit so übel von im²³ hieltend, so wolt er ouch
nit wychen sonder dess rechten erwarten und sich verantwurte,²⁴
Carolstad fieng an, an der Cantzlen, mich stupfen, maint
mich dem volck zelaiden²⁵, liess sich (doch noch nit so offentlich.)
merken als ob ich von unserm herren Christo gnug schlechtlich
geprediget, die lüt uff die werck meh dann uff den glouben
gewysen, und hat mich aber nie gehört predigen, noch spräch mit
mir ghalten von den dingen,^w so ich gedenck traduciert sin²⁶〈,〉
stupft so hefftig das ouch der gmain man, die sach anfieng
mercken, und ward Carolstads sach, hiemit nit besser, die
kilch hat sich gspalten, der furtmuller was noch vorhanden etc.
ich aber hielt mich still, gieng aber nümen²⁷ zpredig, sorget〈,〉
ich möcht etwan Carolstads luge nit ertragen, die er anfieng
offentlich über mich uß schryen, ich wer gern abzogen, so
kont ichs eeren halben nit thun, wolt das liecht nit fliehen〈.〉²⁸
darob aber Carolstad je lenger je wunderlicher ward, und maint,
er welt das volck unwillig machen, das (wie er sait) an
mir hanget, das er mich deshalb in ainer predig, mit na-
men nampt, und unwarhafftigklich mit luter stimm und
hessigen worten, sprach, der Furtmüller hatt üch antichristi〈sch〉
verfürt,O lieber Michel schow was für unrath hieruss ist
entstanden, gät noch hütigs tags, wie es vor ougen ist, der
armen kilchen zu Altstetten um die hennd,²⁹

Do ich nun nit wychen wolt wie ich ouch nit kont,³⁰ maint ouch
wie fürgeben ward, der Carolstad were nun gen Altstetten
gelichen, bis ich mich verantwurtete,³¹ understant³² Ama vogler³³
mich mit hunger abzetriben, dann wie mir von hoptman
Fryen³⁴ anwalten zu S. gallen, das predigen ward verbotten,
saitend sy mir danocht die narung oder pfrund nit ab,³⁵der
fehlt Vogler aber, lacht wol uss sin selbs gwalt one alle recht und ver-
hör, nam^x und brach mir min narung ab, wolt ich essen
und leben, ^ymust ich min handtwerch tryben^y und an den tagwan³⁶ gon, mit grosser arbait, min
narung gwünnen. Da was bim Vogler und Carolstad, wenig
barmhertzigkait, ouch by ander lüten, Den Vogler forcht
jederman, hat sin gwalt, by namhaften lüten, ouch bim
landvogt der massen erzaigt, das er mencklichen ein schrecken
was,³⁷Ach lieber Michel, ich entwirff dir den handel bloß,
wüstestu den rechten grund, du wurdest dich noch jetz uber
mich erbarmen. Da der herpst zuher kam und man schier
wimen³⁸ solt, ward mir der wingart, darin ich min armuͤtli
glait hat entweert, krutgart bomgart, darin ich vil hat
pflantzet ward mir uss ama Voglers befelch, in Carol-
stads und Voglers bysin, vom waibel, vor^z oder one
recht, desshalb mit gwalt gnommen, es bekumert mich ouch,
lieber Michel das Carolstad so unmilt gegen mir was, by
welchem man doch, als by ainem fürtreffenlichen glerten
man meh beschaidenhait solte funden haben.^aa) doch schlug
untrüw sin eignen herren, Carolstaden hat Ama Vogler in
sin aigen hus gsetzt〈,〉 ainem schloss glych, ich aber sass in
der herren von Altstetten hus, die haltend mich noch nit
geurloubet, Aber ich erlebt und sach, das der Vogler und
Carolstad, so unains ward, das sy gar von ainander tailtend
zoch Carolstad in ain armes hüsli uss des Voglers palast,
bis das er gar erbermklich, vom stettli Altstetten hinweg
für wie ain armer bettler etc.³⁹

Do ich nun sach das ich zu Altstetten nit mocht zurecht kommen
ouch mit Carolstaden, siner schmachred halb, zoch ich gen
Zürich, hie zwüschend hat sich vil mercklichs noch verloffen,
lass aber das selb ston bis zu siner zyt, Und erlanget von
minen gn'ädigen' herren ain tagsatzung, uff welche ich antwurten
solt uff die Voglerschen articul, dess ich mich von hertzen
frowt, dann gott hab lob, die warhait ist uff miner syten,⁴⁰
In dem aber〈,〉 ach gott, do fiel der ellend krieg yn, bald ka-
mend zu end dess kriegs die fünf ort gon Altstetten〈.〉⁴¹