Nr. 260
Kurfürst Friedrich III. von Sachsen an Andreas Karlstadt
Schweinitz, 1524, 10. Juni

fehlt

Friedrich etc.

Unnser grus zuvor, wirdiger hochgelerter lieber andechtiger,
Als Ir uns yetzt geschriben, mit anzaig, wie Ir,
von der Pfarr zu orlamünd weichen und abtretten
wellet, und thuet unns darneben, daz Archidia-
conat Resigniern, etc. haben wir horn lessen.¹ Und
weil Ir wisst, welher gestalt Ir von der universitet,
und dem Capitl zu wittennberg hievor ervordert,² so
Begern wir, Ir wellet Euch dahin³ fuegen. die werden
sich mit eurem verdienten lon,⁴ und annderm, daz Euch
zustendig⁵ gegen Euch wol geburlich, und dermassen zu
halten wissen, daz Ir Euch unnsers versehenns, keiner
unbilligkheit⁶ zubeclagen ursach habt, wie wir Inen
daz, solhs wellen schreiben, und bevelhen lassen,⁷ daz
haben wir Euch darnach zurichten, nit verhalten wellen.
Datum Sweinitz,⁸ freitags nach Bonifaci Anno xxiiii.⁹

An doctor Karlstatt.