fehlt Mich haben etliche studenten/ wie ir
hoͤren werdt/ gefragt. Nach dem
man zů Wittemberg/ ein disputa-
tion/² uff ettliche artickel/ hielte
und unther andern artickeln/ dießer
gesetzt ward. Das Got. Ein ursach
boͤßer wercken sein solt.³ Unnd ich
fuͤret ein laͤhr Christi darwider/ das nicht also sein kuͤnt
(wie denn der brauch/ in disputationen/ ist)⁴ und wolt
Joan. 8.das/ durch dieße lahr Christi beweysen. Der teuffel ist
ein luͤgner/ und wenn er leugt/ so redt er auß seynem ey-
genthum. Und sprach. Sih da/ Christus sagt/ das der
teuffel nit durch gottis eingeben oder willen lůgen redt/
sondern auß seinem eygen.⁵ Nuͤ ist es war/ das der teu-
fell/ auß seynen eygen leugt/ so ist Got/ keine ursach/ der
teuflischen lůgen oder falhs gewest. Demnach wehr
eur conclusion (herr Doctor⁶ sagt ich zů dem platz halter⁷)
nichts werd.

Das aber der Teuffell/ on Gotis eingeben/ gelogen
hab/ und das Got gar kein ursach/ dem teuffel/ zů liegen
Joan. 8.gegeben/ zeygt Christus ahn/ in dem das er spricht. Der
teuffel hat auß seinen eygen gelogen.⁸ Denn wo der
teuffel/ auß seinem eygen synn gelogen hat. So ist nicht
in Got/ oder ahn Got/ das den teuffel zuͤ liegen vor-
ursacht.

Sprichstu/ das Gottis zorniger will/⁹ den teuffel zů
liegen bewegt/ oder gereitzt hab. So mustu auch bald
sagen/ das der teuffell/ nicht auß seynem eygenthumb/
sondern auß goͤtlicher reytzung unnd bewegung/ gelogen
hat. Dieweyls offentlich am tag ligt/ das die mittele/
durch welche got/ die creaturische krefften des teuffels/
anzůndt oder bewegt/ nicht die bewegte krefften¹⁰ waren/
sondern/ sonderliche dinge.¹¹ Gleicher weyse/ die zornige
wort oder hoͤnrede meines feindes/ durch welche er mein
fehlt bluͤt anzuͤndt unnd bewegt/ weder ich selber/ noch mein
blůt/ noch die hitzige brůnst oder glude meynes hertzen/
seind. Sondere andere ding/ und sonderliche creaturen/
von meinen krefften abgescheiden.

Also auch ist der zornig will Gottis. Oder sein vor-
hencklicher will¹²/ ye¹³ nicht/ die creatur/ die von yhm ge-
Joan. 8.triben oder vorhenckt¹⁴ wuͤrd. Weil aber Christus spricht/
das der teuffel/ auß seinen eigen lieg/ wenn er leugt.¹⁵ Můß
es unmoͤglich sein/ das der Teuffel auß Gottis willen
lieg/ der des teuffels nichts eygen ist. Gottis zorniger
will/ kann auch nit liegen/ als der teuffel. Nach¹⁶ ungerecht
sein/ als der teuffel. Wie grimmich gotis zorn sein magk
oder gewest ist/ wie wol er zů flihen ist etc.¹⁷

War ist es/ das der teuffel/ nicht sein kuͤnte/ one gotis
verhencknis.¹⁸ Ya one gottis willen/ moͤcht der teuffel gar
kein wesen haben/ oder auch nit ein creatur sein/ und sey-
ne krefften/ koͤntten auch nicht sein/ one Gottis willen.¹⁹
Vil weniger/ moͤchten sich des teuffels krefften one gotis
willen regen oder bewegen. Das ist aber widerumb
auch war/ das der teuffel sein luͤgen/ auß seinen eygenn
leuget. Unnd ligt nichts an den beweglichen dingen/ so
den teuffel oder menschen/ innerlich oder eusserlich/ be-
wegen/ sie seind leipliche oder geistliche bewegnis. Dann
Got geb/ sie seind wie sie seind/ so ist dannest²⁰ ein klarer
untherschied/ zwůschen den beweglichen dingen/ und den
bewegten krefften. Gleicher maß auch/ ein merglicher
untherschied ist/ zwůschen gotis zornigen oder vorhenck-
lichen willen/ uff einer/ und zwůschen den bewegten kreff-
ten des Teuffels/ uff der andern seytten.

Joan. 14.Christus ist ye die warheit/ und vermack nicht unware
urteyle reden/²¹ der sagt also. Wenn der teuffel lůgen
redt/ so redet er/ von seinen eygen.²² Drumb muß das
gestracks²³ waer sein/ das Got kein ursach/ des verthuͤm-
nis²⁴ und der lůgen gewest. Und das der teuffel von anbe-
gynn/ und noch heutte/ auß seynen eygen krefften gelo-
fehltgen hab/ und noch heutes tages/ die luͤgen von seinen ey
gen krefften liege/ so offt er leugt/ und nichts durch gotis
eingeben oder treyben/ das ist auß dem zů mercken/ das
Christus nit spricht. Der teuffel hat auß seinem eygen
anfencklich gelogen/ sondern also/ wenn er luͤgen redt/
so redet er von sich selbst/ demnach leugt er heut als vor²⁵.

Ich weiß nit was dem teuffel/ eygenthůmblicher an-
hangt/ denn seine angeschaffene krefftenn/ die Got wol
schůffe/ und dem teuffel zů eygen gab/ drumb sage ich zey-
ten/ der teuffel leugt auß seinen eygen krefften/ wenn ich
sonst sagt/ der teuffel leugt auß seinem eygenthumb.

Nuͤ/ wenn einer sagen woͤlt/ das Got ein ursach der
krefften sey/ durch welche der teuffel leugt/ als durch sein
eygenthumb. Drůmb solt auch Got ein ursach sein des
teufflischen falhs. Darauff sag Ich. Das ist ein
Sophistische und betriegliche rede/ und ist nichts werd.²⁶
So aber ein solche rede bestuͤnde/ wuͤrd volgen/ das Got
Gen. 1.nichts guͤts geschaffen het/ wider das. Das sein goͤtliche
augen/ alle ding sahen/ das sie wol/ gůt/ und recht ge-
schaffen waren.²⁷ Wenn ich euch hochgelarten solt gestehn/
Das got ein ursach/ des teuffelischen falhs/ darumb sein
solt/ das er dem teuffel krefften anschuff/ dadurch sich
der teuffel bedrugk/ und drumb solt volgen/ das die teu-
felische krefften/ derhalben auch boͤß/ ubel/ und ungerecht
weren geschaffen. Wuͤrd auch volgen/ das Heva²⁸/ ubel
und boͤß/ unnd unrecht geschaffen wer/ welcher Adam
auch unrecht gebrauchet.²⁹ So wer auch die heilige schrifft
boͤß/ durch welche vil schrifftweysen vertorben/ und als
die teuffeln/ gefallen seind. Und muͤste zům letzten volgen
das die menschheit Christi/ nit wol/ gůt und recht/ von dem
heiligen geist entpfangen wer/ weil sich so vil verthuͤmbte/
an yme geergert/ und sich gefelt haben. Und můst darnach
auch volgen/ das got selbert nicht gůt wer/ die weil sich
ettliche geister/ an seiner gotheit/ verseert/ unnd sich in
ewigen falh gebracht haben.

fehltEs ist nit war/ das alles boͤß und unrecht ist/ daran
sich eyner zuͤ falh brengt. Heva wurd ye wol geschaffen/
und recht/ und Adam kuͤnt Got keine ursach geben/ sey-
nes falhs/ drumb das yhm Got die Heva schuff/ und zů
gab.³⁰ Ursach. Got wisset wol das dem Adam nit gůt
wehr/ wenn er allein/ sein blib. Derhalben schuff Got
Gene. 2.dem Adam eine geselline/ die solt dem Adam vor seynen
augen stehn/³¹ und uff Adams augen und willen achtung
haben/ und yhm dienen. Das alles thet got dem Adam
zů gůt/ das der Adam selbst bekandt. Druͤmb hieß
Adam seyne Hevam ein schridbein/ oder ein ganckbein/³²
das sie bereitte beine unnd fueß hette/ noch seynem gebot
und willen zůgehn.

Also was³³ ye kein mangell/ an der schoͤpffung Heve/
und Got gab Adam auch kein ursach seynes falhs/ als er
Gene. 3.³⁴durch Hevam fiel/ das Adam vorm falh selbert bezeugt/
als er Hevam ein schridbein/ oder ganckfueß nennet/ und
hieß sie Mennin.³⁵Wenn auch Adam/ seiner Heva/ recht
gebraucht hette/ unnd wer in der ordnung/ als sie Got
beyde geschaffen/ bliben. So wer Adam nicht gefallen.
Aber als Adam seine Heva/ nit zů eynem gehuͤlffen/ fuͤr
seinen augen/ datzů sie Got geschaffen hette/ sondern zů
einem haubt setzt.³⁶ Und sahe uber sich^a/ do er solt unther
sich oder stracks fuͤr sich sehen. Und do Adam des dinsts
Heve vergaß/ unnd setzet sie oben/ als einen herren/ des
stymm er hoͤren wolt/ unnd machet auß eynem schridbein
ein oͤberbein/³⁷ da mißbrauchet Adam seines gehilffen/ und
hoͤret ire stymm/ mehr/ dann Gottis stymme/ unnd das
yhm zuͤ nůtz und ehren geschaffen war/ das wandelt er zů
seinem schaden und unehr. Drumb fiel Adam durch
das weyb/ das got wol/ gůt/ und recht geschaffen haͤtt/
als der Adam selber bezeuget hat/ wie gesagt ist. Wie
Gene. 3.wol er sich nach dem falh wolt entschuldigen/ durch sein
Heva/ und sprach. Die du mir zům gehilffen geben hast/
fehlt die gab mir den apffel/ und ich assze etc.³⁸

So auch stets mit den naturlichen eygen krefften/
got hat sie wol/ und gůt geschaffen/ der sie auch helt und
gebraucht/ als sie got geschaffen hatt/ der feelt nit. Als
wenig Adam gefallen were/ wenn er aller ding/ im para-
diß/ und seiner Mennin gebraucht hett/ als sie ym Got
erleubte. So wenig wer der Teuffel gefallen/ wenn er sich
auch nach seynen krefften gehalten/ als yhm Got seyne
krefften anleymbt und eygen macht.

ursach des falhsAuß dem aber kůmbt der schad und falh her/ das die
vornunfftigen creaturen genuͤgde³⁹/ an yren natuͤrlichen
krefften/ haben/ und sprechen. Got hat mir einen freyen
willen/ und geystliche krefften/ eygenthuͤmblich geben/
und er hat mich und alle meine krefften/ gůt/ recht/ und
facere quod in se est⁴⁰wolgeschaffen. Drumb wil ich bey meinem willen und
krefften bleyben/ und zuͤ friden sein/ und so vil thun als
ich sol. Das aber ist ein teuffelische ungelaßenheit.⁴¹

Die also an yren krefften genuͤgig sein/ die woͤllen das
werck des heyligen geystes/ nit leyden nach⁴² annehmen.
Man predig yhnen was man wil/ so woͤllen sie bey yrer
natuͤrliche vernunfft bleyben. Unnd ir geschaffen licht/⁴³
fuͤrs beste und genugsam schatzen. Unnd vorsprechen⁴⁴ das
lichte/ und Gotis einreden⁴⁵. Das ist/ das Christus
Jo. 1.3.⁴⁶klagt. Das lichte leucht ym finsternis/ und die finster-
nis wellens nicht annemen.⁴⁷

Got/ hat die vornunfftige krefften/ nicht derhalben
geschaffen/ das wir genuͤgde dran hetten. Sondern/
das wir ein vorlangung entpfiengenn nach seynem geyste.⁴⁸
Und in rechte gelassenheit kemen/ unsers eigenthumbs/
und Gottis wuͤrden/ unnd begereten/ das uns Got selb
leeren/ weyßen und erfuͤllen woͤlt. Demnach solten unsere
krefften/ von uns außgehn/ als unsere arm unnd hende/
von unserm leip außgen/ und solten sich nach gotis werk auß-
streken/ als sich die arme und hende/ nach der spies⁴⁹ austrecken.

fehlt Die aber ire krefften/ nicht außbreytten nach gottis
Joan. 15.wirckung/ die achtens dafuͤr/ das sie etwas vermoͤgen/
one den geist Christi/ außrichten oder thun.⁵⁰ Darumb fal-
Deut. 32.len sie durch ire krefften/ welche got wol und gut schuff/
unnd verlassen den Got/ der sie/ und ire eygen krefften
gemacht/ und ins wesen außgefuͤrt hat.⁵¹

Also hat der teuffel than/ Got ließ yhm/ unnd allen
Apocal.engeln Jesum von Nazareth predigen/ das sie alle von
yhm entpfahen/ und durch yhnen⁵² eingehn/ und nach ym
sein solten.⁵³ Das wolt der teuffel nit annemen/ sondern/
er wolt bey seynen eygen krefften bleiben/ als er auch blieb.⁵⁴
Drumb beschloß der teuffel/ das er des geystes Christi nit
bedurfft/ nach⁵⁵ begeren woͤlt. Derwegen/ stund der teu-
fel nit in der warheit/ es war auch kein warheit mehr in
yhm. Sondern die luͤgen/ unnd er reddet/ die luͤgen/
auß seinen eygen krefften/ unnd fiel/ als⁵⁶Adam/ durch seyn
Heva fielh.

Do mercke/ sprach ich/ das Got kein ursach gewest ist/
des teuffelischen falhs/ oder luͤgen/ als⁵⁷ Christus spricht/
das der teuffel/ auß seinen eygen krefften leugt.⁵⁸ So gar⁵⁹
hat Got keine schuld/ des teuffelischen falhs/ das er dem
teuffel/ die warheit/ das leben/ und den weg/ der Christus
ist/⁶⁰ ließ vorkuͤndigen/ uff das er verstuͤnde/ das sich sein
eygne krefften/ nach eynem hoͤhern werk auß breyten
und erstrecken můsten denn das sie selber bekommen moͤ-
gen/ und das er auch wisset/ das kein vornuͤnfftige crea-
tur/ an iren eygen krefften/ genuͤgde haben solt. Nach⁶¹ ir-
gent eyne creatur/ one Christus geist etwas thun kuͤnt⁶²/
also ist der teuffel/ anfencklich⁶³/ durch sich selbs vorterbet.

Das ist war/ das ein treflicher untherscheydt ist
zwuͤschen der ersten teuflischer luͤgen oder boßheit/ und
zwyschen den boßheyten/ so der ersten boßheyt volgen.
Dann Got kan wol in sunde/ eyner vorgethaner sunde
halben/ treyben.⁶⁴ Aber anfencklich wist ich nit (herr
fehlt respondens⁶⁵/ sprach ich) zů sagen/ das Got einen/ zů sun-
den anfencklich⁶⁶ treybe. Dieweil Got erstlich zů den
seynen kuͤmpt/ und weyset iglichem seine warheit/ unnd
Christum seinen sohn/ darumb in diese welt gesandt hat/
alle menschen zů erleuchten/ und ahn sich zebrengen/ die
yhnen⁶⁷ nůr annehmen woͤllen.⁶⁸ Christus hatt fuͤr aller
welt sunde gelitten⁶⁹/ und genugthan/ und erweyset/ das
Got nit mit zorn/ sondern mit offenbarung seyner lieb
und barmhertzickeit/ zům ersten allen creaturen kuͤmbt.⁷⁰
Do her gehoͤrt das Got ein unendlich lichte ist/⁷¹ groͤsser/
weyter/ hoͤher/ und tiffer/⁷² in geystlicher groͤsse/ dann die
gantze welt/ und so vil an yhm ist/ ist er bereitt/ alle men-
schen zůruffen/ zů leren/ und an sich zebrengen.⁷³

Drumb magk ye⁷⁴ niemants/ von dem teuffel sagen/
das yhn Got anfencklich gereytzet hab/ zů lůgen. Als
Joan. 3.wenig yemants darff sagen/ das Christus/ von eyner
andern sach wegen komen sey/ dann die welt zůerloͤsen/
und nicht zů richten.⁷⁵

Joan. 8.Dieße materien/ ist als ein argument/ kuͤrtzer auff ge-
bracht/ dann ich sie hie ertzele/⁷⁶ unnd das wort Christi.
Wenn der teuffel luͤgen redt/ so redt er/ auß seinen eigen.⁷⁷
Stieß vil zuͤhoͤrer/ fuͤr ire stirn/ das sie alle/ gemenigklich
anfingen zů zweyfeln/ ap Got/ ein ursach/ der vorthuͤm-
nis⁷⁸ und des boͤsen sey/ die es vor unser disputation/ fůr
einen gewißen schlus hielten/ das got/ ein ursach des teu-
flischen falhs gewest.

Weyl dann Christus wort her schnydt⁷⁹/ als ein schar-
fes schwerdt/⁸⁰ unnd einen wohn⁸¹ machte/ das der teuffel/
selbs ein ursach sein solt/ seines verthuͤmnis⁸² unnd boͤses/
und nit Got. Und wie wol ich arguiret/ und nit schlus/⁸³
dannest⁸⁴ kamen etliche Studenten zů mir/ und sagten. Ich solt
yhnen meine meinung vertzelen⁸⁵/ was ich hielt/ angesehen/
das sich so vil schrifften/ also stossen⁸⁶/ das sie nit wisten/
was der grůnd/ und warheyt wehr.

fehltEhe aber ich anfieng zů reden/ sprachen sie/ das des
Osee. 13.Propheten Osee urteyl/ mit der rede Christi/ solt gleych
stymmen⁸⁷. Denn Oseas spricht. Israel/ dein vorterbnis
ist auß dir/ und allein dein heil oder huͤlff/ auß mir.⁸⁸ Sihe
sprachen/ sih/ wenn vorterbnis auß den menschen ist/ so
wer das boͤse/ unnd vorthuͤmbnis auch auß dem Israel/
und nit auß Got. Sondern gůt als gůt/ oder hilff unnd
heyl oder selickeit/ ist allein auß got. Nuͤ/ wenn nichts/
auß Got/ oder von Got kuͤmbt/ dann allein das gůt ist/
und hilflich⁸⁹/ und des menschen seligkheit ist. Muß von
noͤten volgen/ das Got/ kein ursach ist des verterbnis/
und kein schuldt des teuffelischen falhs hat/ der gleichen
got hat kein ursach des boͤsen und vorthuͤmnis der men-
schen/ das ist ye so vil gesagt/ als das. Wann der teuffel
luͤgen redt/ so redt er/ von seinen eygen luͤgen/⁹⁰ nicht von
Gottis eingeben. Got lest es wol geschehen/ und vor-
henckts⁹¹/ oder lest den teuffel und die vorkerten menschen/
mit yren natuͤrlichen krefften umbgehn/ wie sie woͤllen.
Wie wol Got die creaturische krefften/ nicht darumb
geschaffen hat/ das ymandts genuͤgde dran haben/ oder
sich untherstehn solt/ goͤtliche wercke von sich selber tzů
wircken/ unnd gottis des schepfers vergessen solt/ der sie
geschaffen und iglichem seine krefften angehefft⁹² hatt.⁹³

Der verkert will und synn/ seind ein ursache der ver-
thuͤmbnis/ und des teuffelischen falhs.⁹⁴ Der verkert synn
also. Der teuffel wolt nit synnen oder verstehn/ das er
one Christus geyst nichts thun moͤcht/ unnd es wer yhm
spoͤtlich/ das yhn Got so wol und gůt geschaffen/ unnd
solt dannest⁹⁵ mangell an seinen krefften haben/ und von
einem andern besser werden/ also was⁹⁶ sein verstůrtzter⁹⁷
synn/ ein ursach des falhs.

fehlt Der verkert will aber/ ist des teuffelischen falhs also
ein ursach/ das der teuffel mit seinen eygen krefften/ kuͤrtz-
weylet⁹⁸/ unnd sich mit belůstet/ und druff bleyben woͤlt/
Joan. 3.als er auch bleyb. Das ist das Christus saget/ das lichte ist
komen/ in die welt und die welt hat/ finsternis mehr gelibt/
denn das lichte/⁹⁹ drumb ist ir synn unnd will verkhert.
Da her kams auch/ das der teuffel/ Got nicht erkandt/
und das lamb nicht annehmen wolt/ durch welches er zů
Got gehn und komen solt.¹⁰⁰ Drumb kan der teu-
fel/ weder Got/ noch das lamb beschuldigen/ das er ver-
thuͤmbt ist/ weyl er sich selbert/ mit seynen eygen kreff-
ten verknuͤpffet/ unnd der vorkhuͤndigten warheyt wi-
dersprach.

Eyner auß den Studenten sprach. Mich sihet des
Augustini meynung¹⁰¹ gar nah¹⁰² anh/ als er unns verfuͤrt/
und unbillich¹⁰³ schlies¹⁰⁴. Das Got ein ursach der verthuͤm-
Joan. 8.nis sey/ und das er/ ob gehandelten¹⁰⁵ sententz Christi. Wenn der
teuffel leugt etc.¹⁰⁶ wissigklich uberlauffen¹⁰⁷/ und thun hab/ als
hett er yhn nit gesehen. Villeicht der halben/ das yhnen¹⁰⁸ das
wasser¹⁰⁹ Christi/ von seynem wohn¹¹⁰/ und da hyn fuͤeret do
er stecken¹¹¹ můß/ unnd nicht¹¹² tzů Christus rede sagen kuͤnn.
Drumb wil sich¹¹³ (sprach der selbe) hynfuͤrht¹¹⁴/ nicht so
trotzlich¹¹⁵/ auff der meynung/ Augustini/ stehn¹¹⁶/ auch nit
mehr půchen¹¹⁷ als vor¹¹⁸.

Was wanckelstu/ sagt sein bruͤder/ an dem wohne¹¹⁹
Augustini? Hat er sich nicht allenthalben wol gewap-
pendt? unnd ursachen des teuffelischen falhs/ Got zů-
gerechnet/ unnd durch viel schrifften/ erweyst unnd er-
langt/ das der teuffel/ auß Gottis verhencknis unnd
verhertung¹²⁰/ gefallen ist/ und vorthuͤmbt?¹²¹

fehltDie schrifft zůndet¹²²/ und beweget/ und jaget mich do-
hyn/ da tzů ich bekennen můß/ das Got ein ursacher ist
Gene. 32.¹²³der verthuͤmbnis¹²⁴ und des boͤßen. Steht nit also geschri-
Exo.ben. Ich wil mich erbarmen/ des ich mich erbarmen
werd/ und wil vorherten/ den ich vorherten werd?¹²⁵ Item
Ich werd das hertz Pharaonis vorherten/ unnd er wuͤrt
Exo. 4.mein volck nit verlassen.¹²⁶ Was ist erbarmen anders/
dann guͤnstige werck in der seelen/ oder im geyste wircken/
uber welchen sich Got erbarmet? Was ist vorherten/
dann gůnst/ genad/ barmhertzickeit/ abtziehen/ von dem/
Hier. 33.den Got vorhertet?¹²⁷ Welchem Got begerung und bitte
des frides/ oder barmhertzikeit eingibet/ der kan von got/
gůt als gůt/ und gotis begeren oder bitten.¹²⁸ Dem es aber
Ro. 9.got nit vorleihet/ der kan auch nicht begeren nach¹²⁹ bitten/
denn es ist nicht des der do wil/ sondern des barmhertzi-
gen Gottis.¹³⁰

2. Cor. 3.Die creaturen seindt ungenugsam tzů dencken/ vil
weniger vormoͤgen sie/ etwas vonn Got wuͤnschen oder
begeren.¹³¹ Nach dem ye/ die begerung/ den gedancken nach-
volgt. Und niemandt des begert/ das er nit vorsteht.

Nů hoͤrstu/ das der mensch/ des goͤtlichen geystes werck/
weyßheit/ sterck/ und der gleychen/ begeren sol/¹³² und das
dem menschen/ on gottis barmhertzigen willen/ unmoͤg-
Phil. 2.lich sey. Wenn warumb¹³³/ der barmhertzige will Gotis/
schafft und wirckt alleine/ guͤte gedancken und begerung/
nach seinem geyst/¹³⁴ und wie der selb veterlich will/ seynen
geyst den creaturen schicket/ unnd der geyst machet/ das
Ro. 8.
Gall. 4.sie zů got/ warhafftigklich sagen. Vater vater.¹³⁵ Gleich
also schaffet das der geyst/ ym menschen/ das er Gottis
begeren/ und goͤtliche gedancken/ nach Got haben kan.
Gene. 6. 8.Denn/ unsere naturliche krefften/ seind von jugent auff/
unnd alle stunden/ tzuͤ dem boͤßen geneygt.¹³⁶ Unnd stehn
Esa. 55.tieffer unnd ferner von Got/ denn die erden unther dem
hymmel.¹³⁷

fehltNů/ wenn dem also ist/ das unsere krefften/ nicht gůts
gedencken/ nach¹³⁸ begeren vormoͤgen/ ehe sie got angreifft¹³⁹.
Und der yene fallen můß/ den Got nit uber sich ruͤcket.
So wer ye¹⁴⁰ Got schuldig am falh. Sih/ wenn du mir nit
huͤlffest/ so ich fiel/ und kuͤntest mich retten/ so werestu
meines falhs schuldig. Sonderlich/ wo du mir wol helf-
fen moͤgest/ als du den andern geholffen hettist. Nuͤ
ist Got reich/ starck/ mechtig unnd klug genuck/ er weis
wie er helffen sol/ und sihet/ das ich durch meine krefften/
nichts anders kan/ dann nider fallen/ und nicht uff stehn
mack/ das ich ein geist bin/ der hin geht/ und nicht wider-
kuͤmpt/ und got kan mir one schaden helffen/ und thuts
nicht. Unnd zeugt¹⁴¹ mir seyne genad ab/ unnd lesset mich
fallen.

Dar kegen sprach der. N.¹⁴² Du redest von dem falh/
gleych als zuge¹⁴³ sich Got ab/ vonn den menschen/ wenn
sie fallen. Aber. Ich sage dir/ das Got alle menschen
erleucht/ und brengt alle geschaffene geyster/ in die war-
heyt/ und ist kein mangel an yhm/ denn er weyset seyne
warheit und gerechtickeit/ und neyget sich zů allen ge-
schaffen geystern. Aber sie wollen nit alle/ in der war-
heyt stehn bleyben. Bliben sie stehn/ so fiellen sie nit.

Nů/ weyl sie von goͤtlicher warheit tretten/ so fallen
sie. Das solstu wissen/ und da durch verstehn/ das got/
ein helles schoͤns und lieplichs licht ist/ welchs stets/ ein
gůte begerung mit sich brengt/ und ist der feel und man-
gel nicht an dem lůstparlichem lichte/ sondern an dem
teuflischen finsternis/ unnd falschem geschaffem lichte.¹⁴⁴
Wenn sich das falsche lichte/ seiner vortzeyhen¹⁴⁵ woͤlt/ und
ein bessers/ und warhafftigers lichte annehmen/ so wurd
es Got besser und warhafftiger machen.

Uber dieße untherrichtung/ sagt sein widerpart.
Ro. 9.Was kan ein mensch Got sagen? Was darff der offen-
fehlthafen¹⁴⁶/ der krausen¹⁴⁷ sagen/ das yhn der heffner oder toͤp-
fer/ tzů dem ofen unnd feur/ unnd die krausen zům tisch
Esa. 45.unnd lůst bereytt hat?¹⁴⁸ Was recht hat der stock/ dem
Esa. 10.tzů sagen/ der yhnen bewegt?¹⁴⁹ und der mensch kegen sey-
nem schoͤpffer zů reden? Got ist gerecht/ er toͤdt oder mach
lebendig. Er vorthuͤmb¹⁵⁰ oder mach selig.¹⁵¹

Esa. 45.Got schaffet das licht/ und finsternis/ gůt und boͤß/
und das finsternis und boͤß/ muß zů friden sein/ und kan/
unnd darff auch Got/ nicht umb seine schoͤpffung/ an-
sprechen/ oder Got zuͤ sagen¹⁵²:^b Warumb hastu mich boͤß/
und nit gůt geschaffen?¹⁵³ Dastu offinbarlich sehest/
das Got des boͤsen ein ursach sey/ nehm ich dießen text
Ezech. 14.Ezechielis. Wenn ein prophet lůgen redt/ so hab ich/
2. Paral. 18Got/ yhn betrogen.¹⁵⁴ Wenn Got macht/ das einer leugt/
so ist er ein ursach der lůgen/ betreugt er/ so ist er ein ur-
2. Reg. 16sach des betrugs.¹⁵⁵ Das gesteht David/ der zuͤ seinen
knechten sprach/ das sie dem lůgener nichts thun solten/
der den David mit eynem fuder¹⁵⁶ lůgen belestiget.¹⁵⁷ Dann
David sagt/ das Gottis will wehr.

Wiltu nů kluͤger sein/ dann David/ oder heyliger
denn David? Ist doch die lehr Pauli klar/ das Got vile
Ro. 1.getrieben hat/ in wolluste yres hertzens/ und hat sie yns
finsternis gestossen.¹⁵⁸ Auff dieße redt/ stunden man-
cherley reden auff/ eyner nahm ytzt vertzelte schrifften
ahn/ der ander sprach. Ists doch droben^c abgeredt/ das
Got/ umb voriger sunden willen/ in neue sunden treibt.¹⁵⁹
Das auch Paulus unheymlich und unverborgen antzeigt.¹⁶⁰
Ro. 1.Drůmb ist dein kegenwůrff¹⁶¹ seer unfuͤglich¹⁶². Der dritte
sprach. So kem die alte Scholasterey widerumb auff.
Datzů antwort einer/ und sagt. Nein. Aber der virte
sprach/ Seind denn alle urteyle der Schulesterey¹⁶³ uffge-
fehlthaben? Ist der artickel von der dreyheyt und gotheyt/
von der menschwerdung Christi/ unnd der gleychen etc.
auch^d umbgestossen? Oder mack es nicht gesein/ das die
Schullesterer/ etliche sachen/ vonn Got handeln/ die sie
nicht erfunden nach¹⁶⁴ erdacht haben? Die warheit
sagt jhe¹⁶⁵. Er leugt auß seinen eygen krefften.¹⁶⁶ Do be-
schlussen sie/ und wolten mich fragen/ und mey-
nen synn unnd verstandt/ uber obertzelte
schrifften hoͤren/ und untherwegen
verwunderten sie sich fast¹⁶⁷ sehr/
und giengen/ iglicher/
nach seyner wa-
nung.¹⁶⁸

¶ Gedrůckt zů Jhen durch Michell-
Bůchfuͤrer. Anno. 1524.