A2^rIch Andreas Botenstayn von-
Carolstat/ thů khundt yedermenigklich/ und
bekenn offentlich in krafft dyser geschrift/ daß
ich auff volgende artickel gefragt/ und betlich ange-
sucht/ der warhait gezeügknuß zůgeben/ nemlich auf
diß. Daß Maria die můtter Gottes ain warhaffti-
ge Mitlerin sey/ zwischen Got/ und uns armen sun-
dern/ daß auch kayner selig^b mag werden/ er růff dann
zu Maria/ unnd werd durch ire fürbitt behalten.
Dyse ketzerische stuck soll ain vermaynter Prediger
und můttwilliger pfaff/ villeicht Georg kirchner¹ ge-
nant/ und soͤlche leer das volck geleret^c/ unnd aynen
frommen man/ der desselben Kirchners predigen/ hai-
liger geschrifft anzaigung erfordert/ hat zů gefengk-
nuß² gepracht/ daß ettlich gesellen reden. Daß aber
der erstlich Artickel verfuͤrisch unnd Ketzerisch ist/
moͤcht ich durch vil schrifften beweisen. Aber ich will
das mit wenig und gnugsamen bewerungen³ thůn〈.〉
Erstlich irret der Kirchner/ unnd macht irren/ so er
prediget/ daß diß oder jhenes sey not zur seligkayt/
und vermag kainen buchstaben hailiger schrifft zů-
beweisen/ daß sein liedlein war sey/ und strafft also
den hayligen gaist/ und gottes wort/ das ungnug-
sam lere hab/ wider das. Du solt kain wortlein dar-
zů setzen. Deut. iiii.⁴ Apocal. ulti.⁵ wider Christum.
Der antwort/ was steet imm gesatz geschrieben Luce. x⁶
Erforschet die schrifften/⁷ und wider das. Sy haben
A2^vMoisen.⁸ Und wider Paulum .ii. Timo .iii. am endt.⁹
und wider vil schoͤne liepliche schrifften/ welche ich
kürtz halben nicht fürleg. Für das ander/ moͤcht ich
Arguieren/ nach der weyße Pauli. Ist Maria ayn
Mitlerin/ Gots/ und der menschen/ so hatt Christus
umb sunst/ und vergebenlich gelitten/ dann Paulus
spricht also. Ist gerechtigkait durch das gesetz/ so ist
Christus umb sunst gestorben. Gala .ii.¹⁰ Demnach
ist mir nicht verboten in gleichnuß zůsagen. Ist ma-
ria ain mitlerin/ oder yrgens ain haylig unser mit-
ler/ durch welchen wir soͤllen oder moͤgen selig wer-
den.¹¹ So ist Christus vergebenlich/ oder ye unfrucht-
bar unser mitler/ dann daß durch Mariam kann gesche-
hen/ darzů ist uns Christus nicht von noͤtten. Aber
grober gesell/ soͤlst Schweynen/ nicht menschen/ die
gern^d selig würden/ predigen. Es můß ain mensch nit
auß verrucktem samen geboren werden/ der unnser
sündt bessert unnd bůsset. Soͤllich sententz/ will ich
lassen steen/ und die staynere harten kirchen mit kla-
ren synnen hailiger schrifft/ als mit ainem hamer zer-
knürschen.¹² Das Paulus spricht/ Es ist ain got und
mitler/ oder versoͤner Gottes/ und der menschen. i.
Timo .ii.¹³ Fürcht sich der arm kirchner nit vor dieser
klaren rede. Nun/ ist es nit liecht und klar/ das Pau-
lus sagt? Es ist ain mitler/ der halben/ welcher zwen
mitler machen darff/ der darff auch Paulum lůgen-
straffen. Daß aber alle listigkait¹⁴ stumm werd/ verglei-
A3^rchet Paulus den aynigen mitler/ dem aynigen got/¹⁵
als ob Paulus woͤlt sagen Wie ain got ist/ so ist ain
mitler. Darzů hat Paulus den selbigen ainigen mit-
ler namhafftig gemacht sagendt/ der mensch Jesus
Christus/ der sich selber zů ainer bezalung geben hat/
ist diser mitler .i. Timo .ii.¹⁶Maria ist nicht für uns/
oder unser sünde gestorben/ sonder allain Christus〈/〉
wie darfstu dann sy ain mitlerin nennen. Es ist auch
kain hailig für unser boßhait gekreützigt/ als Paul'us'
sagt. Ist Paulus für euch gekreützigt/ oder seyt ir in
dem namen Pauli getaufft .i. Corint .ii.¹⁷ Als wenig
Maria für uns/ und unsere missethaten ist gestorben〈/〉
so wenig ist sy/ oder ain ander haylig unser mitler.
Für das dritt sagt Paulus/ daß nur ayn namen ist/
in welchem wir selig werden/ der ist Jesus Christus
Actuum .i.¹⁸Maria hat nicht den selbigen namen/ sonder
Christus Jesus ir herr unnd sun. Esa .liii.¹⁹ i. Pet .ii.²⁰
sprechen/ daß Christus unser sünde und kranckhait
hab getragen/ und daß got in in ain sünd und verma-
ledeyung für uns gemacht hab/ als Paul'us' leret/ der
kaynes Maria gethan/ oder^e erlitten hat. Darumb
maria kain mitlerin ist/ und der luͤgener prediget^f ey-
tel luͤgen/ und hat jhenem man gewalt gethan/²¹ wie
der^g Votivejegern²² und der verfürischen Propheten
art etwan was/ daß sy aynem kriegßhailigen uber
den/ der inen nit etwas ins maul steckt. Michee .iii.²³
und sy sagten. Ir thůn recht/ und was werdet ir den
A3^v oder jhenen vervolgen oder fahen. Sy namen ayn
handt voll gersten oder stuck brots/ unnd erwürck-
ten ain seel/ die annder machten sy lebendig. Ezechi.
xiii.²⁴ daß versůchen auch unser Meß plerrer/ und pa-
trocinen singer.²⁵

Mich verwundert/ daß die Votivisten²⁶/ und gelt-
süchtige Marien knecht/ Mariam Christo so vast ver-
gleichen/ moͤchten sich doch wol an die wort Christi
stossen/ die er zů seinen eltern saget. Was ist es/ daß
ir mich gesucht habt. Wist ir nit/ daß ich in den din-
gen meines vatters sein můß²⁷/ ich main das ist nider-
gesetzt.²⁸ Unnd am andern end. Die jhene sein mein
můtter/ bruͤder/ unnd schwester/ welche den willen
meines vatters thůn.²⁹ Christus antwort seiner můt-
ter hartigklich/ und vergleichet seiner můtter aynen
yeden Christen/ arm oder reych/ jungk oder alt/ der
gottes willen verbrengt.³⁰ Er hatt auch sein můtter
nit dahyn gesetzt/ da er sitzt/³¹ und sein tag nye gesagt〈:〉
Welcher an meyn můtter glaubt/ oder sy anruͤfft/
der wirt selig/ als doch Christus das von sich und
got dick³² spricht.³³

Der ander Artickel verfecht auch auß angezayg-
ten gründen/ wann so Christus unser mitler und erloͤser
ist/ und er spricht. Welcher in mich glaubt/ der wirt
selig. Joan. vi.³⁴ und gedenckt seiner můtter nicht/ ist
A4^r leichtlich abzůnemen/ daß wir fast^h wol selig werden
so wir zů Christo růffen/ ob wir gleich sein werde
můtter nymmer anrůffen. Auch ist nit gůt/ daß wir
zů Maria růffen oder schreyen/ wie das ketzerisch ge-
sang/ Salve regina³⁵/ meldet/ dann wir soͤllen alle zů
Christo růffen/ durch welchen wir allayn zů Gott
unnserm vatter kommen/ als Christus klar spricht.
Niemant khumpt zů dem vatter/ dann durch mich.
Ich bin der weg. Joan. xiiii.³⁶ Und Paulus nicht ver-
schweigt/ sagent. Durch Christum haben wir ainen zů-
gang/ in ainem gaist zů got. Ephe. ii.³⁷ Darzů lautet
die Epistel ⁱzum denⁱ Hebreern sprechende. Christus
ist in hymmel gangen/ auff daß er ytzt vor dem ange-
sicht gottes für uns erschein. Hebre. ix.³⁸ Dyse schrifft
würfft obgedachter Kirchner/ oder Gloͤckner³⁹ gantz
umb/ und tritt sy mit seinen mystigen fuͤssen/ wann
er⁴⁰ spricht/ daß wir on ruͤffung und zůflucht^j zů Ma-
ria/ nicht moͤgen selig werden/ oder daß wir durch
Maria fürbitt werden behalten. Weil es nit beysa-
men mag steen/ Kayner kumpt zů Got dem vatter
dann durch Christum.⁴¹ Unnd daß ainer durch Mariam
zů dem Vatter khommen moͤge/ oder daß von noͤten
sey/ daß ainer auch durch Mariam/ und nicht allayn
durch Christum/ zů dem vatter moͤge kommen. Al-
so verwürfft die tolle Capeln⁴² die warhayt/ unnd
macht Christum zů ainem luͤgener/ des gleichen thůt
die boßhafftige kirchen dem hailigen Paulo/ der ge-
A4^vsagt/ daß wir alle durch Christum aynen zůtritt zů
Got haben.⁴³Maria ist ye nit Christus/ ob gleich ma-
ria ain můtter Christi ist/ darumb muͤß volgen/ daß
wir on fürbitt marie nit moͤchten behalten⁴⁴ werden/
daß wir auch ainen zůgangk durch sy zů Gott ha-
ben. Wann die nerrische leut mit iren fabeln woͤl-
ten hanndeln (wie sy dann sprechen) Will ayner zů
ainem Fürsten khommen/ so můß er erstlich ain ver-
mittelte person ansprechen/ als den Marschalck/ Ca-
merer/ und der gleichen. So sy ye mit uppischen⁴⁵ mer-
lein⁴⁶ woͤlten zůthůn haben/ soͤlten ir Parabol zů Chri-
sto/ und nit zů den hayligen oder Maria fuͤgen/ seyte-
mal wir durch Christum ain zůgang zů Got haben/
und Christus der weg⁴⁷ und vermittelste person ist.
Aber der Gloͤckner⁴⁸ geet gern mit schellen umb/ und
gelüsten inen grossen glocken/ wie ainem narren gros-
se schellen behagen/ unnd macht dem armen volck
spigelfechten⁴⁹ vor/ speiset mit windt unnd luͤgen/ sa-
gende/ kayner mag on fürbitt Marie selig werden.⁵⁰
Maria ist auch der weg/ durch welchen wir zů got
khommen.⁵¹ Er ist aber ain gelt narr⁵²/ tregt ain Eulen/
die nach gelt locket/ und fuͤret das volck auffs eyß⁵³/
in gottes vermaledeyung/ machend das Christlich
gemayn volck vertrauen/ und iren trost auff ainen
lauttern menschen setzen/ der allain mensch/ und nit
Gott ist/ dadurch werden sy verdampt allesampt/
die im glauben. Hiere. spricht. Vermaledeyt ist der der^k
B1^r in ainen menschen sein trost setzt. Hiere. vii.⁵⁴ und xvii⁵⁵
Ir soͤlt nit luͤgen vertrauen etc.⁵⁶

Ist es aber nit ain maisterlich lůgen/ daß wir on
Marie fürbitt/ und vermittelung nicht koͤnnen hay-
lig werden/ haisset das nit in Mariam vertrauen/
wann ainer wenet/ Maria sey seine mitlerin/ die in zů
Got bring/ wann ainer auff ainen grundt oder felßen
bauet/ dero nit Christus ist/ setzet er nit ayn funda-
ment/ das Paulus nit gelegt hat〈?〉⁵⁷ Got ist unnser zů-
flucht/ Christus unser felß/⁵⁸ auff welchem wir steen
und wachssen/ und zů welchem wir fliehen soͤllen/
und der pfaff kirchner spricht/ wir soͤllen zů Maria
fliehen. Ich Ere Mariam gern/ ich will aber irem
Schoͤpffer und herren sein Eer nit abschneiden/ und
marie das zů messen, das sy von sich scheuet.⁵⁹ Also
ist beruͤrt⁶⁰/ das faͤrlich und boͤß ist/ daß wir zů maria
fliehen/ zů den hayligen ruͤffen/ und ich moͤcht noch
vil schriffte fuͤren/ aber ich hoff der Gloͤckner⁶¹ werde
sich entsynnen/ und gestatten/ daß in^l62 ain klain kind-
lein besser lere⁶³/ auff daß er besser werde/ aber wirt er
herter und erger werden/ will ich in mit ainem buͤch-
lein grüssen⁶⁴/ daß im sein vermessenhayt erschottern
moͤcht. Er hat disen spruch von dem Layen nit an-
nemen woͤllen. Růff mich an in tagen deines leidens so
will ich dich erloͤsen. Psal. xlix.⁶⁵ gleich ob dyse schrifft
unbequeme/ oder zůschwach sein soͤlt zůbeweren und
B1^v befestigen daß wir die heiligen nit soͤllen anruͤffen/ und
waist nit/ daß anruͤffung ain frucht des glaubens/ ist
anders gerecht als Christus leret/ lest sich beduncken
es sey nit gnug gesagt und so vil.⁶⁶ Růfft mich an/ als/
Růff niemant annders an/ wann ich sag du solst den
glauben nach hailiger Schrift uben. Were es nit gleich
als vil/ als sprech ich/ du solst nach kayner anndern
geschrifft den glauben probiern/ wann got spricht/ du
solst mich mit gantzem hertzen lieben.⁶⁷ Ist es nit so vil
als du solst niemant anders mit gantzem hertzen lieben.

Item/ die schrifft erzelt das erst gebot in zwayer-
lay worten und ainer maynung. Also/ Israel deyn
Got ist ain got⁶⁸/ und also/ du solt nicht frembde goͤt-
ter haben⁶⁹/ oder nicht noch⁷⁰ andern goͤttern geen/ wann
auch die schrifft/ der ayns leret/ so will sy das ander
mit eingeflochten haben.⁷¹ Des gleichen ist mit dyser
Red. Du solst mich anrůffen/ spricht Got der herr.⁷²
Daß wir auch dyse maynung soͤllen versteen/ Du
soͤlst niemandt annders anrůffen. Auch will Gott/
daß wir zů im soͤllen schreyen/ darumb spricht er.
Schrey zůt mir/ so werd ich dich erhoͤren. Hiere. 33.⁷³
Wann auch ain volck sich versameln woͤlt/ got zůbit-
ten/ wie die Christen in der Vasten zeit thůn/ soͤlten
sy stracks zů got schreyen/ und nicht zů den hailigen/
als Johel leret/ sagent. Beruͤfft oder versammelt das
volck in gottes hauß/ und schreyet zů got. Johel. i〈.〉⁷⁴
B2^r Er spricht nit/ ir soͤlt schreyen zů Abraam/ Isaac/ und
Jacob/ und andern hayligen Propheten/ die in der
schrifft Canoniziert sein/ sonder zů got. Er sagt auch
nicht. Ir soͤlt Abraam bitten/ daß er got für euch bitt/
Wiewol Abraam ain vatter aller glaubigen ist⁷⁵/ und
alle soͤne gottes auß im/ und seinem weib Sara/ als
auß ainem stain oder felßen gehauen sein.⁷⁶ Aber die
Pfaffen Baal und vermaynte Christen schreyen zů
unsern hayligen/ und machen das versamelt volck
singent. Sancte Petre/ Ora pro nobis. Item/ Omnes
sancti dei/ Orate pro nobis.⁷⁷ Wider Johel der spricht〈:〉
Sy soͤllen zů got schreyen⁷⁸/ und stellen sich gleich/ als
were got so unbarmhertzig/ unnd gefiel im die me-
nig⁷⁹ oder hauff der fürbitter so wol/ daß er sich des
hauffen halben woͤlt lassen erwaichen. Was wirt in⁸⁰
aber got sagen? nicht anders/ dann das. Jacob/ du
hast mich nit angerůffen.⁸¹

Gott rechnet auch soͤlch geruͤff oder geschray zů
den verstorben hayligen für ain gespoͤtt und uneere/
als soͤlt er unrecht gesagt haben. Ich will mein barm-
hertzigkayt ins Tausent geschlecht außgiessen mei-
ner liebhaber. Exodi. xx.⁸² Und soͤlten seine knecht ge-
logen haben/ die sprechen. Ain yeder der gottes na-
men anruͤfft/ der wirt selig. Ezechi.^m iii.⁸³Auch spricht
Gott/ Daß ain yeder/ der seinen namen anruͤfft/ ge-
schaffen sei zů seiner glorien. Esa.ⁿ xliij.⁸⁴ Welcher nun
B2^v gottes namen nicht anruͤfft/ der verleürt gotes glo
rien und eer. Gottes glorien unnd eer/ soltu da bey
mercken/ daß der herr ain got ist/ oben in den hym-
meln/ und ain got hernyden imm erdtrich. Deut. iiii.⁸⁵
Got ist in allen dingen/ und sein glorien erfült alles
das da ist.⁸⁶ Derhalben eeren die jhene got wol und
recht/ die stracks on mittel zů got růffen/ dann sy be-
kennen mit irem gerichten růffen zů got/ daß er her-
nyden in der erden gegenwärtig ist. Diß bekentnuß
schatzt got für ain grosse eer. Der wegen uneren die
andern got/ so zun hayligen schreyen/ und stellen sich
der massen/ als were der herr nit ain got auch in dy-
ser erden. Als Helias zů dem Pfaffen Baal sprach.
Sy thůn schier/ als were ir got nicht einhaymisch/
oder zum wein⁸⁷/ oder schlieff.⁸⁸ Dann hielten sy es da-
für/ daß got gegenwertig⁸⁹ unnd barmhertzig ist/ sy
würden sich messigen und entziehen/ und zů got in
gaistlicher ainfeltig⁹⁰ růffen. Dweyl sich aber ir hertz
von got zeücht⁹¹/ und macht sich got frembd/ darumb
daß sy sich nit mit got veraynigen/ der halben schrey-
en sy auch zů den hailigen/ die schlaffen/ oder sein ye
so ferr⁹²/ daß sy ir geschray nit koͤnnen hoͤren/ seind ver-
seren gottes namen/ glori/ eer/ und barmhertzigkait
daß got zů ainem spricht/ Růff zů mir/ so will ich dich
erhoͤren/ schrey zů mir/ so bin ich gegenwertig. Psal.
xlviii.^o93 Aber zů den anndern spricht got. Ich kenne
euch nit⁹⁴/ euer sünde^p haben euch von mir gesetzt.
C1^r Wann es gůt were/ daß wir die hailigen anruͤfften/
oder daß wir erstlich gottes Hoffmaister oder schlüs-
seltrager⁹⁵ soͤlten bitten/ daß sy unser gebet zů got brech-
ten/ ungezweiffelt/ Christus hett uns das in kainen
weg verhalten/ er hett uns auch nicht gelernet/ daß
wir gott unnsern vatter so bloß und schlecht bitten
moͤchten/ und sagen. Vatter unser/ der du bist in hy-
meln.⁹⁶ Were es gůt oder von noͤtten/ daß wir unser
liebe Frau⁹⁷/ oder sant Peter/ oder Paulum zůvor soͤl-
ten bitten/ so hett sich Christus verschnapt⁹⁸/ und uns
unrecht gelernet betten/ und unns zůvil oder zůkeck
gemacht/ daß wir den herrn moͤchten bitten on mit-
tel/ der oben in hymmeln ist/ were auch der selb vatter
nicht bey unns/ und auff erden/ so wir warhafftig
glauben/ und imm hertzen sagen/ Vatter unnser/ der
du bist in hymmeln⁹⁹/ so weren wir betrogen.

Christus ist allayn/ der uns zů seinem vatter ge-
bracht hat/ und kayn ander haylig/ wes stat/ eer und
lob¹⁰⁰ erhalten mag. Christus ist der liebe Sun gotes/
alle die an in glauben und in annemen/ den hatt er
geben gewalt gottes soͤne zůwerden.¹⁰¹ Welche got für
ainen mechtigen/ gegenwertigen/ und günstigen her-
ren halten. Es ist eyttel gaucklerey¹⁰² und uppigkayt¹⁰³/
daß wir uns soͤlche muͤhe auff unsere helß gelegt ha-
ben/ wir haben weder exempel oder geschrifft/ daß
von noͤten sey/ soͤlche patron zůhaben. Daß aber das
C1^v Ave maria¹⁰⁴ zumtayl in der Bibel erzelt/ zum tayl be-
griffen/¹⁰⁵ das macht das Ave maria nicht zů aynem
gebett/ weil nichts annders imm Ave maria ist/ dann
ain erzelung/ was gůts/ und wie vil gnaden got Ma-
rie erzaygt hat. Gleicherweiße/ wann die schrifft das
lob David¹⁰⁶ erzelt/ so leret sy nicht zů David zůschrey-
en/ sonder/ wie und was David gewest ist/ und wel-
che gnad im got geben hat. Und raytzet uns soͤlche
beschreibung des lebens/ und der gnaden David ye
nicht zů anrůffung/ und zů geschray Davidts. Das
verstee also. So du ainen Kaiser/ oder man loben
thůst/ so růffest du in dem ye¹⁰⁷ nicht zů im/ sonder du
erzelest lautterlich sein thugent. Also/ wann ich sprech
Got Abraam/ got Isaac/ got Jacob.¹⁰⁸ Aber got ge-
denck Abraams unsers vatters/ das hayst nit/ růff
Abraam^q an/ oder schrey zů Isaac/ das ist gesagt. Du
wunderbarlicher guͤttiger got/ du hast Abraam dir
gemacht/ und du bist sein got worden/ du hast in ge-
macht/ daß er an dich und dein wort geglaubt^r hat/
und hast in¹⁰⁹ wider aller natur leuff¹¹⁰ ainen vatter ge-
macht viler voͤlcker.¹¹¹ Gedenck Abraams/ gedennck
was du¹¹² inen gůts und gnad erzaygt hast/ on sein ver-
dienst. Hilff mir auch also/ wie du ime geholffen
hast/ ich gedenck deiner wolthaten.

Also meldet die geschrifft auch/ wie die haylige
Junckfrau Maria von dem Engel gegrüst/¹¹³ von
C2^r got/ voller gnaden geschütt/ und ain můtter Christi
geworden ist/ und erzelet der gleichen vil/ nemlich/
wie die frucht ires leibes gebenedeyet ist/ welches sy
auß dem glauben empfangen hatt.¹¹⁴

Aber soͤlche vermeldung des lobs Marie/ hayst
nicht anruͤffung/ oder schreyen zů Maria.

Wiltu aber daß bitten haist/ so bitt ich〈/〉 du woͤlst
mir sagen/ was du imm Ave maria von Maria bit-
test oder forderst von der můtter Christi/ weil Chri-
stus spricht/ daß wir etwas bitten muͤssen wann wir
betten. Quicquid petieritis etc.¹¹⁵

Nun soͤlt ich das Salve Regina außstreychen¹¹⁶/
woͤlt ich vil verfürisch und ketzerisch Sententz dar-
innen finden und straffen. Der Teüffel hatt sich mai-
sterlich in die scheynliche¹¹⁷ hailigkait eingemischt/ der-
halben woͤlle sich ain yeder fürsehen/ und betrachten
das im nütz und seligbarlich sey.¹¹⁸ Ich lob und gruͤß
die hayligen/ und ruͤme die můtter Christi/ aber daß
ich ir fürbitt můß haben/ das widersprich ich. Ich
wayß daß got allain seinen hailigen gnad geben hat〈.〉
Aber ich will das wasser der gnaden auß dem brun-
nen trincken/ welchen sy getruncken haben.¹¹⁹

An mich ist auch durch glaubwirdigen anzay-
C2^vger gelangend/ daß man gedachtem Layen¹²⁰ in son-
derhait der halben/ hart gehalten/ und beruͤrt hab/
daß er ursach von dem Prediger gefraget seiner pre-
dig/ und das im verbotten sey hynfüro ainen Prie-
ster einzůreden/ oder bestendige uhrkundt auß hay-
liger schrifft zůfordern/ mit fürwendung¹²¹/ daß kainem
Layen gezymb¹²²/ ainen Prediger umb gezeügnuß¹²³ sei-
ner Predigen zůfragen.

Hett ich zeit unnd můß/ ich vermoͤcht nit wenig
auff dysen artickel schrifft zůsetzen. Aber kürtz halben
frag ich die klůgen Hansen¹²⁴/ ob nicht allain Christus
zůfragen^s sey/ und daß sy sich in vleiß soͤllen verwa-
ren/ daß sy kainen luͤgen glauben geben/ dann Sa-
lomon bitt in sonderhait got/ daß er im woͤlle ver-
leyhen/ daß er ye kainer luͤgen glaub. Prover.¹²⁵

Auch spricht er/ daß wir nit aynem yeden wort
glauben sollen. Prover.^t x.¹²⁶ Der leychtfertig glaubt
ainem yeden wort. Also haist in Hebräisch und ists
wort (Peti) welches unser Translation/ yetzo eynfel-
tig/ ytzo unschuldig/ ytzo nerrisch nennt.¹²⁷ Das ist aber
die maynung und synn/ daß sy narren sein zů yedem
wort glauben.

Nun hett auch Salomon unns das gesetz gern
ernstlich bevolhen/ in dem selben zůpleiben¹²⁸/ warumb
C3^r solt dann ain Layischer Christ seynen Prediger nit
fragen unnd sprechen. Lieber herr/ zayget mir den
grundt euer leer/ daß ich gewiß mag werden. Chri-
stus ist der weg und die warhayt¹²⁹/ und spricht das
Moises unnd Propheten/ von ime gezeügknuß ge-
ben.¹³⁰ Derhalben ich bitt/ ir woͤllet mich den weg und
warhait leren/ dann ich soll nit yegklichem glauben.
Wer spricht/ hie oder dort ist Christus¹³¹/ ich můß das
wort der warhait haben/ ain wort gottes/ daß alle
menschen sein luͤgener.¹³² Darauß mag ain yegklicher
lernen/ daß die Layhen freüntlich und unableßlich
fragen moͤgen und soͤllen/ wann der prediger nichts
klar und vernemliche schrifft fuͤret/ sonst werden Pre-
diger unnd zůhoͤrer verdampt. Die geschrifft lobet
die Thessa'lonicher'¹³³ daß sy Paulo nachsůchten/ und erforsch-
ten die schrifften/ ob es also was/ wie er Prediget/
und der arm pfaff Kirchener/ understeet sich zůwe-
ren/ daß die Layhen weder nachfragen/ noch nach-
sůchen soͤllen.¹³⁴

Daß aber die Layhen den Predigern dürften ein-
reden/ unnd iren verstandt auch offenbaren/ dysen
gewalt gibt Paulus/ sagend. Zwen oder drey moͤ-
gen Prophetiziern/ das ist schrifften außlegen/ die an-
dern soͤllen schweygen.¹³⁵ So aber ain sitzender oder
zůhoͤrer ain eroͤffnung¹³⁶ hatt/ soll der oberst/ das ist
der Redner und Prediger still schweigen/ und hoͤren/
C3^v was got dem Layen offenbar gemacht hat. i. Cor.
xiiii.¹³⁷ Liß Paulum/ und sihe/ ob nit alle Layen moͤgen
ir offenbarung und kunst¹³⁸ an tag geben. Merck daß
Paul'us' spricht. Ich will daß ir all außleget.¹³⁹ Darauß
ist abzůnemen/ daß die Prediger unnd Pfaffen der
Layhen verstandt nit soͤllen verlachen/ sonder gern
hoͤren. Ich waiß daß vil Handtwercker in gottes
leer mer wissen/ dann Pfaffen/ so die boßkugel¹⁴⁰ und
kegel werffen.¹⁴¹ Gott leret die Layen/ daß sy den ge-
kroͤnten Doctorn und Maistern vorgant.¹⁴²Moises
wolt ettliche die da Prophetizierten ungehyndert
lassen. Nume.^u xi.¹⁴³ und ain stoltzer kirchenerß pfaff/
darff das weren.

Was ist Amos/ was ander Propheten gewest/
seinds alle pfaffen gewest? Sy seind hierten gewest
und haben die warhait verkündigt den Pfaffen.¹⁴⁴

Nun solt den Layhen verbotten sein/ iren Predi-
gern einzůreden/ wie moͤcht dann ain Lay imm alten ge-
setz sein hand auff den Prediger legen/ unnd den er-
sten stayn in in¹⁴⁵ werffen. Deute. xiii.¹⁴⁶ Er můß ye wis-
sen/ daß der Prediger das volck verfuͤret. Mag er
inen bey der Carthausen¹⁴⁷ ziehen/ und für das volck
fuͤren/ inen zůstaynigen. ^vAls dan Martinus Luther auch antzeygt in et-
lichen Artickel oder schrifften etc.¹⁴⁸

Darumb wem das predigt ampt auffgelegt wirt dem wirt das
hohist ampt auffgelegt yn der Christenheyt/ der selb mag darnach
auch teuffen/ meß halten und alle seelsorge tragen/ oder so er nicht
will/ mag er an den predigen alleine bleyben/ und teuffen und an-
dere unterampt andern lassen. Wye Christus thet und Paulus und
alle Apostel Acttuum. iiii.¹⁴⁹ Daran man aber sihet/ das unser yetzige
Bischoff und geyslichen/ goͤtzen und nicht Bischoffe sind/ den
sie lassen das hohist ampt des worts/ das yhr eygen seyn solt/ den
aller geringsten/ nemlich Capellan unnd Monchen/ terminarien¹⁵⁰
da tzu die geringer ampter/ auch/ als tauffen/ und ander seelsorger
Sye aber fermelln dye weyl/ und weyhen glocken/ alltar und kirch-
en/ das weder Christlich noch Bischofflich werck sind/ von yhn
selbs ertichter. Es sind verkerete verblente larven und rechte kinder
bischoffe.¹⁵¹

Da her ists auch blieben/ das an etlichen ortten auch weltlich
uberkeyt/ als radherrn und fursten/ yn selbs prediger bestellet unnd
besoldet haben/ in yhren stedten und schlossern/ wilch sie gewollet
haben on alle urlaub und befelh der Bischoff und Bepste/ Und
hat auch niemant dreyen geredt. Wie wol sie es (besorge ich) nicht
than habenn auß Christliches rechts verstands/ Sonder das die
geystlichen tyrannen das predig ampt veracht und geringe gehal-
ten haben und weyt gesondert vonn dem geystlichen regiment.
Szo es doch das aller hohist ampt ist/ an den alle andere
hangen und folgen. Widerumb/ wo predigampt
nicht ist/ der andern keyns folget. Den
Johannes am vierden sprichtt.
das Christus nicht tauf-
fet habe/ sonder
er pre-
digt nur.¹⁵² Unnd
Paulus .i. Corinth. i. be-
ruͤmpt sich/ er sey nicht tzů teuf-
fen/ sondernn tzů predigen gesandt.^v153

C4^r ¶ Dyse undterweisung hab ich obgenanter An-
dreas^w eylendts ainem Layischen Christen zůgůt zůge-
schickt/ in sonderhayt der warhait/ ^xund leer^x gottes
zů eeren.^y Auch derhalben/ daß sich die Obrigkayten
entsynnen/ und ire hende an sich halten/ so lang biß
sy sich bestendiger warhait erkhundt haben. Will
auch gern wider anzayg thůn/ feyndtlich oder freünt-
lich angesucht. Unnd zů rechtem und festem bekent-
nuß/ hab ich mein Pitschafft¹⁵⁴ undten an mein Origi-
ginal thůn trucken. Geschehen unnd geschrieben zů
Wittenbergk am Montag nach Jacobi.¹⁵⁵ Imm Jar
nach der geburt Christi. M.D.XXiii.^z