A1^v Dem achtbarn und wolgelerten Anthonio
Romhilt Magistro und Statschrei-
ber auff S. Anneberg mey-
nem gebieter/ wunsch
ich gotis fried
und gnad.
Andres Boden'stein' von Carolstatt.

Mir hat ein guter freund/ gunstiger geliebter bruder/
einen brieff/ euren halben behendet/ und angesagt/ das
euch/ und anderen^a/ unser beiden gondern² doselbst/ seltzenn³
und beschwerlich sey. Das wir alhie in dein handell
und erkentnus/ ßo die Ewangelische Messe belangt miß-
hellig und gespelt sein. Das ir auch gern ursachen welt
wissen/ warumb wir manigfeltig urteill haben. Mit ange-
heffter bitt/ das ir tzusampt andere Ewangelische nach-
volger Christi/ mogten der yene ursachen sehen/ die sich in
kein neuerung begeben wellen etc. Weil ich dan alletzeit
euch tzewilfharen gewertig und bereit gewest bin/ hab ich
euch volgende berichtung nit wollen bergen/ auff das/ yr
und andere nicht in argwenigkeit einfallen/ und dencken
mogt/ als solt alhie etwas furgenomen sein/ das gotlicher
glorien und Ewangelischer warheit tzu nachteil gereichen
solt. Dan euch nach vermogen in aller behegligkeit tzu
dienen/ bin ich gutwillig. Datum Wittemberg/ dinstags
nach Conceptionis im xxi. Jar.⁴

i〈.〉 Fur das aller erst/ beding ich/ das alle richter und ur-
teiler/ gottlicher sachen/ frey/ ungebunden mussen sein/ und
nichts anders/ dan gottliche wort vor augen haben.

Welcher nit stracks in den worten unnd sententzen der
Biblien bleibt/ der irret/ und ist aus dem weg. Drumb
spricht Christus. Welcher aus gott ist der redet gottis
wort.⁵ Item/ ßo ir in meiner reed bleibt/ werd ir mein Jun-
ger/ und ir werd die warheit erkennen/ und die warheit wirt
A2^r euch frey machen. Joan. viii.⁶ der wegen spricht Hiere. 23.^b
Weren sie in meinen rethen gestanden/ und hetten meine
wort vorkundiget/ so hett ich sie bewart/ vor irem boßen weg.
und von iren allerbostin gedancken.⁷ Alles dencken ist
verloren/ das ymant wol rathen woll/ oder kon/ in sach-
en/ ßo gott belangen/ wan er nit gottis reth verkundiget.
ßo wir in der schrifft haben/ und gottliche wort gebraucht〈.〉

Das ist die ursach/ das got bevolhen hatt/ das der ko-
nig/ ein gleubliche abschrifft gottlichs gesetz in der hand
soll haben etc. Exo. xvii.⁸ Und das got nit dulden magk/
daß im einer aus seinem eigen hertzen erdenckt/ da mit⁹ er got die-
nen will. Alßo mißhagen im alle unsere funde/ alle eigen ge-
setz/ dan eß ist unmuglich/ das einer etwas guts furnhem/
das nit schaden brengt/ dem rath geber und rathnhemer.

Derhalben spricht Hiere. hetten sie meine reth und wort
verkundigt/ ich wolt sie one tzweiffell von boßem weeg und
gedancken erloßet haben.¹⁰ Demnach saget Esai. c. lv.

Non sunt cogitationes me〈a〉e.¹¹ und .c. xxix. Das volck
lobt mich mit lippen/ und Matth. xv.¹²

ii. Wie auch got/ discipull und meister von irem boßen
gedancken und weeg nit erlosett/ wan sie etwas anders.
dan gottliche rethe und wort verkundigen/ also nimbt er
yenen/ gottlichen fried. Dan wan eine versamelung got-
tlich wort verlosset/ ists umb sie gescheen. Sie muß von
noten tzweispeltig und in seckten geteilt werden. Ursach/^c
Wan sie nit in Christo versamelt sein/ ßo ist Christus
nit in irem mittell.¹³ Volget auch das die schefflein tzerstreiht¹⁴
werden/ wan sie Christum verliren/ dan eß steht gesch-
riben. Ich werde den hirten schlahen/ unnd sein
schaff werden sich tzerstreihen.¹⁵ Das ist nit allen¹⁶ von dem
schlahen Christi war/ das sich sein schefflein teilen/ ßon-
der auch von dem verlassen Christo/ alß er selber bekand
sagende. Welcher mir nit nach volget/ der geht im finst-
ernis.¹⁷ Im finsternis ist unordenlichheit/ tzerteilung und
uneinigkeit/¹⁸ und ob gleich einer den andern ergreufft¹⁹ ist
eß doch unhertzlich/ und blinde einigkeit.

A2^v iii〈.〉 Das ist/ das Paulus leret/ sagende. Meine bruͤder
ich bitt euch/ durch den nhamen/ unßers hern Jesu Chri-
sti/ auff das ir alle sampt eine meinung reden wolt. Das
ye nit mißhellung und tzerteylung tzwuschen euch seind/
auff das ir ein gantzer leip seit/ eines gemuͤts und eines wil-
lens. i. Corin. i.²⁰ Das ist/ das er saget. Ir solt einen sinn
haben. Roma. xv.²¹ Seht wie Paulus einen gantzen leib
fodert/ der eines gemuͤts/ eines hertzens/ und eines willen
sein soll/²² dan²³ wollen wir Christen sein/ ßo mussen wir vor
allen/ ein wort Christi haben/ wie auch Christus kein an-
der wort dan seines vaters geredt hat/ alßo werden wir
ein ding/ wie Christus mit seinem vatter ein dingk ist.²⁴

Du fragest/ wu mit sollen wir^d einig werden unnd sein?
Hor die glaubigen hetten ein hertz/ und ein wort.²⁵

Dan ein glaub muß ein wort haben/ dar auß ehr quil-
lett. Der wegen saget Paulus. Ich bitt euch bruͤder
das ir alle sampt eine meinung reden wolt/ und das nicht
tzwispeltickeit tzwischen euch entsteht^e.²⁶ Sich²⁷ das der
einige und gantze^f leib anfengklich und endlich in einem
wort gotis steht.²⁸ Dann ein hertz/ ein gemuͤth/ ein mei-
nung/ und will kumpt auß dem eine〈n〉 wort des glaubens.

Der wegen spricht Moises. Ir solt nicht tzu gottlich-
en worten setzen/ solt auch nicht da von brechen/²⁹ sonder
stracks im mittell bleiben. Dan wan uns erlaubt wer
etwas tzu tzesetzen oder abtzebrechen. Mogen wir nit
in einigkeit bleiben. Gleich wie frombde statuten/ frombd
und ander volck machen. Also wurden mangerlei sytten
und geberden/ aus manigfeltigen tzusetzung endspriessen.
Dar aus von noten seckten und tzerteilung^g sich erheben.

Wu kein rath ist/ werden gedancken tzerstreyhet. Pro-
ver. xv.³⁰ Item. Wan die Prophetzey gebrechen und ab-
nehmen/ wird/ das vo〈l〉ck tzerstreyht. Prover. xxix.³¹

Einigkeit Christliches volcks/ steht in einigkeit got-
tliches worts. So bald aber die stuͤm des hirten/ unnd
des hern wort/ tzerstreyhet werden/ alß bald tzerstreyhen
sich die scheffelein.³²

iiii〈.〉 Dar aus kan menigklicher verstehen/ das ein Chri-
A3^rstlicher leib^h/ in einigem gottis wort erbauht wird/³³ und
das die groben grauhen geselnn.³⁴ Sine G.³⁵ die Barfusser
holtzschuger tzu Juͤtterbogk³⁶/ ungeschaffen klotzer an iren
fussen schleppen/ und ist tzu forchten/ das ihr hyrnn/ mit
den holtzschugen gleich klapper und lauth/ wan sie sagen.ⁱ
Das alle ketzerey/ aus der Biblien/ ßonderlich aus dem
Ewangelio endstanden sey.³⁷ Wider Paulum dero spricht
das der Bischoff/ seine widersacher mit heilsamer schri-
fft soll uber windten und niderlegen.³⁸ Was ist das Christus
saget. Welcher mir glaubet der wird selig?³⁹ Wie magks
ye muglich sein/ das einer irren soll/ dero sich an die war-
heit und gerechten weeg bindet? Wie ists eß muglich/
das einer ein boßer bettler werd/ wan ehr offt terminatum⁴⁰
leufft? Got hat sein wort einem rein weissen und durchge-
fegtem sylber vergleicht/⁴¹ das gar keinen mackell macht/ in
den henden/ des yene〈n〉/ der eß braucht/ wie ists dan muͤ-
glich/ das sich ymand berem⁴² und verleum in gottlichem
wort? Was soll ich mit den matigen keeßen⁴³ ferner
handeln/ sie mogen den sack ßo lanng tzur muͤlen tragen
biß sie muͤeth werden. Das weiß ich/ das unbegreuff-
lich ist/ das einer ein ketzer durch die schrifft werde/⁴⁴ die von
wegen des glaubens und eynnigkeit geben ist.

v〈.〉 Auß obgetzeigten schrifften/ acht ich/ das kein hauff
eintrechtigklich mog antwurten/ in Ewangelischem
handell/ ßo er nit das Ewangelium allein handelt. Eß sall
auch keiner uber wunden werden/ dan mit heiliger gesch-
rifft. Eß sall auch keiner sagen/ das ist Ewangelisch/
er kond dan das selb mit dem h'eiligen' Ewangelium betzeugen.

Alßo magk mann auch tzu warhafftiger und bestendi-
ger eynnigkeit kumen. Die weil das Ewangelium mitt
sich selber eynig/ und ein wort des friedes ist.⁴⁵

vi〈.〉 Das Ewangelium ist der historien/ geschicht und form
halben der lehr Christi gantz offenbar〈/〉 in sonderheit von der
Messe. Wan ich mit Augusti'no'〈,〉 Hieroni'mo'〈,〉 Ambro'sio' und an-
dern von Ewangelischer Messe wolt disputirn/ musten
sie mit dem text tzefriden sein und dawider nicht reden.

A3^v vii. Aber wan uns das wort gotis einpffelt/ und einer
versucht Concilien fur tzu wenden.⁴⁶ Der ander formalitates
Scoti.⁴⁷ Der dritt das arm Comment Thome.⁴⁸ Der viert
Alt herkummen.⁴⁹ Der funfft weißheit der welt/ und unßer
vorfarn.⁵⁰ So konden wir tzu keiner einigkeit kumen/ dan das
heilig Ewangelium^j ist uneinß. mit allen dingen und wor-
ten. ßo ym ungleich sein/ und sich im gleichmessig wollen
machen/ dar aus habt ir abtzenemen/ weß halben tzwispel-
tikeit endstehn kan. Bald will ich gesthen/ das diße Messe
ublich⁵¹ sei. Item das sie/ pfeffisch und menschlich ist. oder
Concilisch/ aber das sie Ewangelisch sey. kan ich nit mer
glauben. dan⁵² das bley golt ist/ aber⁵³ das vil holtzschuer^k/ zu
Juͤtterbogk⁵⁴ gelart und Christen sein.

viii〈.〉 Ir weisset/ mein gonder/ das kein parteihischer.
gut urteil schopfft/⁵⁵ das euch got〈/〉 seinen richtern〈/〉 verbotten
hat/ das sie kein gifft⁵⁶ und gab sollen annhemen. Ursach.^l
Das gab und schenck auch die fursichtige und weißen blind
machen/ und ubersturtzen die wort der gerechten. Exo. 2〈3〉.⁵⁷

Nu haben unsere ettliche Lehen/ der halben sich ein teil
befaren/ das sie ire lehen verliren mogten/ ßo man die ewan-
gelische Messe anrichten wolt/ dan wie man sagt/ for-
chten sie. das die volg irrer ursach nach volgen/ das kalp
der khu nach gehen werd. Das macht die Meß eines
blinde〈n〉 verstands/ das sie nicht allein gottis tzorn nit be-
dencken/ sonder haben auch die obirste/ in solichem verdacht〈/〉
eß⁵⁸ solten sie lust haben das land voller bettler tzu machen
und mogt kein Christlich und barmhertzig gemut gespurt
werden/ das ist ein geschwer/ gelt genant/ ßo man das selbe
ansticht/ volget eyter/ das augen unnd vernunfft blind
macht.⁵⁹ Fur den gemeinen mann sag ich/ das ich keinen
verhort/ der heller oder pfennig von den pfaffen begertt.

Allein bitten sye/ das ein Christliche Meß und andere
tzimliche und Ewangelische dinst gehalten werden.

Eß wurd auch der starck gott seine gnad woll ertzeigen.

ix〈.〉 Das ir auch begert tzu wissen/ ursachen und grunde
A4^r der yenen/ so den alten brauch der Messen behalten wol
len/ kan ich euch ytzt nit nach gefallen wilfharen. Ich
acht aber/ ir werdet sonder tzweiffel/ aus obangetzeiten ar-
tickeln vermercken/ wye sie verursacht/ in alter ubung tze
bleiben. Das weiß ich verwar⁶⁰/ das sie/ keine lichte⁶¹ und
Ewangelische schrifft haben. dadurch sie in irem gebrauch
besthen dorffen. Fur mein klein verstendnis/ halt ich/
das ein klein kindelin/ in einer stund/ leren⁶² mocht/ welche Me-
ssze Ewangelisch und lauter/ wider umb welche mensch-
lich und vermischt ist. Ich weiß auch/ das die leyhen
nicht drucket (ßo in der papistischen Messe verharren)
dan des Bapst forcht/ dar ynne si auff ertzohen seind.

Wan sie ym h'eiligen' Ewangelio geseugt und auffgewach-
sen weren/ wie sie in menschen leren ertzogen seind/ wist ich das/
sie die lang gebrauchte Messen nit horen oder sehen mog-
ten. Nit der halben/ das sie das hochachtbarlich sacra-
ment/ klein achten tethen/ sonder dar umb/ das solichs
aller erenwirdigist sacrament/ mit menschlichen funden⁶³ ver-
dempfft⁶⁴ oder verwickelt ist. Da von ich kurtzlich schrei-
ben werd/ wil gott.⁶⁵ Ich sag nit von dem groben miß-
brauch/ sonder von dem subtilen/ dero ein angesicht und
form hat Ewangelischer Messe/ und ist doch nicht we-
niger/ dan das sie scheind. In der summ/ kurztlich
werdet yhr sehen/ das der nham/ Messe/ unnd alle han-
delung unserer Messe/ dem hoch wirdigen sacrament. frombd⁶⁶
und ungemeß ist/ ich geschwig andere bosse⁶⁷ ubungen⁶⁸.

Der almechtig got wolle seine glorien in unßern hertzen
lassen einscheinen^m und außleuchten in die gantz welt.
Amen.