Nr. 321
Landgraf Philipp von Hessen an Andreas Karlstadt
[Kassel] , [1529, nach 19. August]

fehlt

Hochgelarter lieber besunder.^a euer
schreiben, darin ir begert, euch zu dem gesprech
das wir des sacraments halber^b
zwuschen^c den vornembsten der
gelerten,^d angericht haben¹, auch
kommen zulassen etc.² das haben wir empfangen^e alles
seines einhalts nach der lenge verlesen,
unnd wollen euch darauff genediger meynunge
nicht vorhalten. Das nicht weniger wir
haben^f ezliche der gelarten von den vornembsten
zu einer umherrede³ des sacraments halber
beschrieben⁴ und auch dahin vermucht, das sie
zusamen zukommen inn Guether vorleihung
des Almechtigen⁵, uns zugeschrieben^g/
aber mit der Condition⁶, welche wir im besten
aus sonderlichen ursachen^h
vor gut angesehen und bedacht haben/ⁱ
umb minders gezengks willen, und das
wir hoffen, es soll desto ehe zur freuntlichen
und einmutigen vergleichung dienen:
Das solchs, ein sonders, gehaim: freuntlich:
und undisputirlich gesprech^j on einiche weitleufigkeit⁷
und zangkung, sein sol: darumb
auch wir unterlissen, vile darzu zuerfordern⁸/
unnd muchten^k vor uns^l erleiden⁹
das ir darbei auch weret: wissen aber
nit, ob es^m denen, die wir darzu mit
oberzelter Condition¹⁰ beschrieben, haben,
gelegen sein will:¹¹ derohalben muget
ir bei dem Luthero ansuchen, und so es
dem zu gefallen ist: mit oder neben Ime
zu demselben gesprech des Zeit und Malstat¹²
ir alsdan von Ime¹³ vernemen werdet:
erscheinen:ⁿ Sein euch sonst
zu gnaden gneigt. Datum