Nr. 218
Andreas Karlstadt an Hugold v. Einsiedel
Wittenberg, 1522, 4. Februar

fehlt〈De〉m gestrengenn und Erenvesten
〈her〉nn, Hauboldenn von eynsidl,
〈Kur〉f'urstlichen' rath, meynem gonstigen
Lieben herrenn.

105^r Meine ganczwillige und unvertroßne dienste, mit wun
schung gotis gnaden, frid und gesuntheit alleczeit czuvor〈.〉
Gestrenger und erenvhester her^a. e'uer' g'naden' schreiben, daß wir alhie
ßo predigen¹, zu weilen der laher² und untherweisung uneynig
sein,³ und, wa ich czu verkundung des wort gotis nicht
sünderlich wer beruffen, alß dann solt ich mich nicht daczu
einlassen,^4bhab ich gern verlesen^b etc. Gestrenger her, daß wir czeyten
uneynig seind, geschieht der halben, daß wir nit
auff das wort gotis fuessen, und daß wir achten,
alß mochten wir durch unser vernunfft^c auch waß
erdencken〈,〉 daß got beheglich⁵ ist. Alßo ist uneynickeit
in dem artikel〈,〉 die Beicht belangent, endstanden.⁶ Fur
mein person sag ich, daß ich der schrifft nachgevolgt,
Beruff mich deß auff meyne unverdechtige czuhorern〈.〉
Ich hab auch gebetten, daß unser obirkeit den predigern
bey eyner sweren peen welt gebieten, nichts czu pre-
digen, dan daß die schrifft inhelt und leret.⁷ Mich
soll auch〈,〉 gotwil〈,〉 kein tod vom grund der schriffte abfhuren〈.〉
So weiß ich〈,〉 daß got nichts gefeelt, daß nit nach form
heiliger laher endspreiisset^d. Daß auch propheten Men-
schliche sunde, lugen und dreum nennen und lugenhaff-
tige predigern und ire anhorern vermaledeihen. Drum
bleib ich stracks in grunden gotlichs worts. Und laß
mich nicht irren, waß andere leren. Ich weiß auch〈,〉
daß ich niemand ergern kan, dan unchristen.⁸

Daß ich aber mich selber einlassen solt on beruffung〈,〉
ist auch ßo hin an E'uer' g'naden' gelangt.⁹Dan mir geburt
zu Sloße czepredigen.¹⁰ Weil nuhn der probst¹¹ fruh
prediget, hab ich nach der vesper auch czupredigen
105^v furgenomen,¹² verstehe mich, ich sey alßo gnugsam daczu beruffen, wie
wolh ich mich an¹³ daß auch sonste schuldig erkandt, gotis wort czu
predigen. Bin ich doch unwirdige doctor, war umb solt ich nit pre-
digen? Gestrenger her〈,〉 mir ist daß wort vast¹⁴ in grosser
swindikeit eingefallen: We mir, wen ich nit predigen!¹⁵ Derwegen
bit ich eur g'naden' wellen mich nit verdencken. Ich weiß auch
wol, wan her solig angebung¹⁶ kumen ist. Man ist mir
veind, deß danck ich got.¹⁷ Aber ich wil sie nit scheuhen¹⁸,
ich waiß mich gerecht¹⁹. Daß wil ich mich auch berumen,
daß ich auffrur hasß und flih. Got geb, daß meine
angeber²⁰ nit mit der czeit eynen auffrur werden er-
wecken, der nit gut wirt. Ich verbit auffrur,
So uber trengen²¹ etliche den armen mann alßo, daß ich
gern welt, sie handelten christlicher. E'uer' g'naden' dancke
ich in hochem fleiß gunstiger erinnerung, wil auch
gern weider antworten, wu von noten. Und hab gar
keynen czweifel, ßo e'uer' g'naden' meine laher nach vermogen
h'eiliger' schrifften werden richten oder urteilen, daß ich wol vor E'uer'
g'naden' und allen verstendigen Christen wil bestehn〈.〉 Der lebendig
got spar²² E'uer' g'naden' gesunt. Datum wittenberg eilig dinstags nach S'ankt'
Blasii²³ im xxii.