Beilage 1 – Beschützrede für Bernhardi, Vorlage B, C und D

A1^r

Das die prister ehe-
weyber nemen
moͤgen und sollen
Beschutz rede. des würdigen hern. Bartolomei Bern-
hardi. probsts zu Camberg. so von bischoff von-
Meydburg gefordert. antwurt zugeben.
das er in pristerlichem stand.
ein junckfrau zur^z ehe ge-
nomen hatt.

A2^r

Beschütz büchlin/ fur den würdigen hern Bartolo-
meum Bernhardi/ Probst zu Camberg/ so im
priester standt/ ein iungfrau/ zur ehe
genumen.

Erwurdigen hern doctores so jetz vor
^aae'uer' w'ürden'^aa mich zuentschuldigen gefordert/
hoͤrt kurtzlich/ was mein gewissen/ dieß
zuthun beweget und bit umb Christi willen/
last euch nit bevielen/ anzuhoren/ erkennen/ so ich einfeltig doch
mit der warheit/ thu erzelen. ¶ Zum ersten soll/ und muß
bekennen/ das mir ein jungfrau^ab/ verheyrat/ und so ichs louckent¹⁰⁷
geb ye groß ergernis/ meiner kilchen^ac/ welche so bißher ver-
jahet/ mein hochzeit als recht christlich wirt nu vill geer-
gert/ so ich nennent/ mein lebenn ein stertation¹⁰⁸/ oder unehe-
lich beywonen. Es soll ein Bischoff (oder pfarrer) on la-
ster sein/ als Paulus offt meldet/¹⁰⁹ solt ich nu ein probst sey/
1. ad Thi. 3. et ad Titum 1.und strefflich erfunden? Paulus wil/ das die Christen/ auch
den heyden kein ergerniß (in irem leben) stellen/ oder geben/
solt ich boͤß exempel/¹¹⁰ ouch meinen brudernn geben/ so ich
meinen stand/ oneelich erkennt? darumb/ offentlich das ich eyn
jungfrau/ zur^ad ehe genumen/ bekenne/ darneben/ mein hoch-
zeit/ als Christlich (so lang ich uff erden) ußschreye/ unnd
nicht widerruffe. ¶ Es haben aber/ solche ursach/ mein ge-
wissen/ darzugedrungen/ die ja billich soͤllen/ alle Christen her-
tzen/ erweychen ob schon dar wider stritten/ weltlich meynung/
gewonheit/ das geystlich recht/ unnd verwillignnng/ so
langerzeit/ yedoch muß man meer ansehen/ was Christus
gebeut/ dan waß den menschen/ wol gefeldt/ wie Paulus
Ad Gal. 1sagt/ Wan ich denn leuten noch gefiel/ so wer ich gottes
A2^v knecht nicht/¹¹¹ und Christus/ latst^ae die toden/ ire toden begraben.¹¹²

Matt. 8.¶ Nu ruffen etlich auß/ diese that/ nit allein/ als ketzerisch
und wider mein eyde^af/ und gehorsam/ sunder als ein frevel
und buberey. Es ist doch der frevel/ wol hin weck zu wel-
tzen/ und zu beschoͤnen so ich wor mach und bewise^ag das ich
nichs/ onchristlichs/ noch wider mein gelubtniß furgenu-
men/ Und woͤlt got/ das die/ so mich frevels beschuldigen
thetten die augen irer vernunfft/ recht auff/ und sehen/ was
mich erweckt^ah/ zur ehe/ greyffen.

¶ Es hat Christus in der gantzen bibel nyndert verbotten/
die ehe/ ja keinen stand uff erden/ dan er spricht selbs/ Es
Matt. 9.mag nit ein yderman/ das wort/ begreyffe/ und bald druff^ai/
Ibidem.wers begreyff kan/ der begreffs/¹¹³ wo Christus verbeut die
ehe nit/ sonder gibt ^ajso vil^aj zuversten/ das sich auch nymant
enthalten moͤge/ es sey im dan von hiemel hierab geben. Es
solten wol vor der stym gottes erschrecken die so gar umter-
sunnen^ak/ in geistlichen orden/ hinein plumpen dweil Christus
außgesprochen/ es sey nit ein yglichen die gnad/ der enthaltung
und Paulus gleich sein ein außleger der wort Christi/ dispu-
tiert do von lenger ir wist/ wo es geschriben^al es hat ein itzlich^am
1. Cor 7.mensch ein eygen gnod/ von got einer also/ der ander also/¹¹⁴ und
schnel hernach. So du ein weyp nympst/ hastu nichs ge-
sundiget/¹¹⁵ und zu letzst/ gleichsam voͤrcht er/ er wurt verstanden
als verbuͤt er die ee/ henckt er an/ Und diese gantze rede/ ist nur
euch zu underweysung und nutz/ geschriben/ nicht das ich
euch ein stricke lege/¹¹⁶ das ist/ das ich euch nit fahe/ unnd an-
knuͤpfe dan eim orden/ oder standt/ wo besorgt Paulus/ so
erforder die enthaltung/ werff ein strick an den Corinthern〈.〉
wie woͤll nu nennen/ der bepst decret/ von der enthaltung/
so mirs^an nit strick nennen/ wie. S Paul^ao thet. Nu ietz in den
woͤrtten/ Es ist besser/ zur ee greyffen dan broͤnnen/¹¹⁷ fordert
er/ das die sich ia verandern/ die gluͤen/ und brunst^ap in fleisch
befunden/ dan dasselb heysset^aq er broͤnnen/ hoͤrt zu/ Paulus le-
ret aber/ das zweyerley keuscheit/ die erst kumpt von gott
A3^r welche kein gemeinschafft/ mit der thyerische brunst/ die an
dere/ so mitt flammen des fleysch/ wurt gedicht/ furgerwent/
und angenumen/ keuscheit/ von welcher/ was ist von noͤtten
vil? die ersten sein^ar/ die do Christus von sagt/ Es begreyffens
Matt. 19.nit alle/ sunder die allein/ dens^as geben/¹¹⁸ denn letzsten/ werden
ouch hochzeit/ gebotten. O woͤlt got von hymel das dieß
recht bedacht hetten/ die ja deuflisch gesetz geben/ von der
enthaltung/ die so felschlich die unerfaren/ schwache jugent/
gelockt. ja wol Chor hern/ und closter voͤgel/ zu werden. wir
lassen aber gar nit zu das man spreche/ Christus unnd S.-
Paul haben das/ den leyen allein gepredigt/ und das den prie-
stern auch gesagt/ bezeug mit S. Pauls episteln/ zu Thimo-
theo/ unnd mit der zu Tito geschriben/ an welchen stetten
wyl. S. Paul/ das ein bischoff (oder pfarrer) sey eins weybß
man/ der kinder hab erzogen in aller erbarkeit〈.〉/¹¹⁹ auß diesen
all scheint hell und clare/ ^atdas priestern^at/ die ee nit verbotten
in der heyligen bibel. ¶ Dar zu sind^au gloubwerdig hystory/ das in der ersten kilchen^av/ selten ein priester gewest/ der nit ein
eeweyb gehabt. Lest im buch der Apostel geschicht/ find ir
Actuum. 21.das Philippus vier doͤchter gehabt/¹²⁰ und nennet in Lucas^awein
evangelisten^aw/¹²¹ das wir ye ein priester drauß verstunden.¹²² Eu-
sebius schreibt von S. Peters haußfrauwen.¹²³ So wist ir
die hystory/ von Spiridoner/ der ein bischoff (behalt ich
recht) in cipro.¹²⁴ Es hat ein eeweib gehabt der ubertrefflich
Hilarius.bischoff Hilarius ja keinem under allen/ so ye gewesen/ in
kirchen/ des nidergangs zugleychen/ und hat die selb gewon-
heit in der kriechischen kilchen^ax/ biß an unß gereycht〈.〉 unnd
du (o in dein^ay fall vil unseligs teutschland) hast uff dein
*Durch bepstlich wasser blosen/ das sein Roͤmisch bullen.*schultern/ ein ser ontreglich burden/ geladen/ darzu lang-
sam und getzwungen/ als dan urkundig/ auß geschrifften-
beyder Coͤlnischer/ und Costentzern kilchen^az (Nauclerus^ba der-
zeyt beschriber setzt Coͤstentzer unnd Mentzer bistumb)〈.〉¹²⁵
das ich beschliesse/ ob beinelde^bb geschrifft so ich auß der bi-
bel angezogen/ lassen/ nit allein/ frey eyderman/ zur ee greyffen/
A3^v sunder etlich/ gebieten auch denn/ so fauͤrich^bc fleysch haben/
Und bißher von den goͤtlichen rechten.

¶ Nu von den menschen gebotten.*oder treumen*

Nu woll an/ verbieten dannoch/ die
bepst die heyligen ee. Es sehen aber
sie mit zu/ was sie (got) antwurten
woͤllen/ so irs Decrets halben/ am jung-
sten tag/ angestrengt/ das sie sun-
derliche den pristeern (auch nonnen) so ein onmenschlich*Das ist dy sie selbs nit tragen konnen.*
buͤrden/ uff den halß geworffen/ Das sag ich/ fur mich/ on-
verzagt/ das es falsch propheten gewesen/ es hab solche ge-
setz geben/ wer do woͤll/ darzu sprich/ mann soll/ menschen
gebotten/ gar nicht gehorsamen so indert durch sie geferet
Actuum. v.wirt das gewissen wir S Peter leret. Man muß got mer
1. Corin. 7.hoͤrn/ dan die menschen/¹²⁶ und S Paul. Ir seit/ gar teuer ge-
kaufft. wolt ye nit der menschen knecht werden/¹²⁷ unnd bald
darnach. Es sind doch alle ding euer es sey Paulus/ ader
1. Corin. 2. Cephas/ oder die welt/¹²⁸ und wider/ Seit ir mit Christo ge-
Ad Col. 2.storben/ von den elementen dieser welt/¹²⁹ ey was last ir euch
*Das ist von wercken oder gesatzen.*dan anbinden (gleich sam lebt ir noch in der welt) mit
Decreten? Ja nit allein/ an itzgemeldet sunder vill andern
orten leret die geschrifft/ das es in unser gewalt stehe/ so
offt mir durch menschen gebot fallen in ferlickeyt moͤgen
dispensirn. nu war ich in grosser fare. was solt ich thun?
solt ich des bapsts Decret gehoͤrigen. das eelichen stand ver-
wurfft und schenden das heylig Evangelium das huͤrerey. so
ernstlich verbeut? welcher bischoff wer so gar ein ochs.
der sein gebott so stracks woͤlt gehalten habe das da durch
fiel.^bd und ubertretten wurt. das gebot gottes? oder wer woͤlt
A4^r doch. seins bruder sele. umb eins stinckents Decretlins wil
len. verlieren? So einer/ ja uff den karfreytag. nit fasten koͤnt^be
wer wolt ouch dem selben nit gebieten zu essen? Hey/ wievil
edler. und kostlicher ist die sele. dan der schebicht corper? Ist
es nit zuerbarmen. ja sundt. und schand. so unser herr Jesus
sein sele fur sein scheflin. vergeben/ das seinen geboten. nicht
will weichen. ein iemerlichs Decretlin. irn (so gott will)
1. Corin. 9.eins bischoffs? Sanct Paul. ward allen menschen. gleych-
sittig. und alle ding den so im gesatz stacken. gleichsam ein
gesetz halter. den aber. so ongesetz lebten. gleich als hielt ers
*Das ist ^bfunser bepst und bischof*auch nit.¹³⁰ Unser Apostel¹³¹ zwingen unß. wie das fiech.^bg ire ge-
setz zuhalten. ja sie grieffens nit allein nit mit eim fingerlin
an. sunder achten gar nit. was die schwacheit des armen
volcks ertragen moge oder nit. Darzu ist hoch anzunemen
1. ad Thi. 4.das Paulus schreibt. Es werden komen (spricht er) luͤgen-
hafftig geyst die werden den ehelichen stand verbieten.¹³² und
Daniel. deßgleychen geweysaget. der Endtchrist. wird die^bh
1. Dani. 11.ehelichen weyber verachten.¹³³ Diese stell der heyligen
*Das ist die ehe.*bibel. haben mein geist erweckt das ich fest glaub. der heylig
geyst. hab darumb vorlangst. das gewisaget. uff das wir^bi
unß fleyssig fursehen. vor den gebotten der enthaltung. und
als vom teufel außgegangen auch nit hielten. Es ganz nun
hin. unser bepst und bischoff und besehen sich eben in dem
*Dweyl sie die schrifft nit wissen.*spiegel. die so hartnackisch. zwingen zu der enthaltung ja
sie darfften schweren. es koͤnten^bj die priester (mit recht) kein
eeweyber haben. ¶ So ich alt hystory ließ/ finde. das
obbemeltem verbottlang und ser hefftig widerstanden al-
le heylige vetter. Es warn ir vill. im Concilio Niceno die
(Villeicht der alten henegst.¹³⁴)vermeynten. den priestern eewiber zunemen. Aber dasselb wi-
derstritt. so menlich¹³⁵ der heylig martrer paphnutius^bk/ das im
all bischoff zufieln also wart daßelb mals priesterschifft^bl
von diesem gefengniß errette.¹³⁶ Nach dem selben Concilio
im sechsten send.^bm so zu Constantinopel was. wurt ouch
beschlossen. das man nit geloben solt keuscheyt und war〈e〉n
A4^v die verbannet/ so ire weyber verliessen/ der priesterlichen wey
he halben/ welchs gebotts/ denckt auch unser Decret〈.〉/¹³⁷ nun
Distin. 31sein die alten Concilia vil Christlicher/ dann unsere neue/
warumb lassen wir^bn sie dan verrosten/ und brauchen der onevan-
gelischen neuen? Bißher/ hab ich erzelt/ das ich nit pflicht-
tig/ bepstlichen decreten/ so nu durch sie ferlickeit/ erwuͤchse
zugehorsamen/ seitmal keins menschen gebott so die sele/ da-
durch beschwert wurt/ zuhalten/ das meynt auch Paulus
1. Corin. 2.do er sagt/ wir^bo soln nit der menschen knecht werden.¹³⁸

¶ Nu von dem eyde oder gelubtnuß.

Anttwurt nu den/ so mich treuloß (wils
got) und meineydig/ schelten dann ich
weys nit anders/ dann ich hab also ge-
schworn/ ich woͤll ja thun/ was die vet-
ter gebieten/ und bin geweyhet subdia-
conus zu Brandeburg diaconus zu hal-
berstait^bp/ priester im augspurger bistumb.¹³⁹ gib itzt euch zuermes-
sen/ was doch solchs gemeyns eydts krafft sey/ dan sein die
all meyneydig die wider^bq Canones thun. so sein all pfaffen
treuloß. so offt sie nit ire siben stund beppern. und nit fa-
sten. oder ir gekuͤt oder weyß hemb der nit amwerffen. Eid-
lich so sein keine meineidiger^br dan die die (so unchristlich)
den eyd von unß nemen. Nu ist auch nit das die meynung
der Decret. das einer wert. so es wider gottes gebott ver-
bunden auch nit. so es wider sein gewüssen. oder ye nicht
nuͤtz. were. Ist dem also. volgt. das so offt einer schwehert
die Canones zuhalten. verheyßt er ouch nit wider^bs das Evan-
gelium zuthun ja mit dem selben eyde/ wurt außgezogen
die noit. welche dispensiertt mit dem gantzen Decret. Es
B1^r disputiert Gerson ser vil darvon^bt. den lest. Item so mit
In li'bro' de vi'ta' spi'rituali animae'der clausel geschworn würt^bu. Es woͤll einer thun/ was die
Canones gebietten so seer die menschlich brechlickeit/ ver-
moͤge (dann das knoͤdlin henckt mann in etzlichen kilchen^bv
hinten an). so were ye auch ingeschworn^bw/ er woll so lang
enthalten/ als lang er koͤnne durch gebrechlickeit des fleischs〈.〉
Was ist aber schwechers uff erden/ dan das fleisch? darzu
koͤnnen wir^bx nit also vill guts auß unß selbst/ gedencken/ oder
gethun/ wie Paulus spricht〈.〉/¹⁴⁰ unnd so du gleych all eyde
2. Cor. 3 et Rom. 7.thest^by/ von der enthaltung (conceptis verbis) so dich zwuͤn-
ge der sele selickeit/ muͤst man ye all geluͤbtnuß abschneiten/
seitmal sie on suͤnde nit gescheen koͤnnen〈.〉/ warumb? Es
will got nit das man im ettwas geloben soll/ wie auch der
Hiere. 4.prophett anzeygt/ du wurst schwern/ got leb in der warheit
in gericht in gerechtickeit. so wern in gebenedeyen. und loben
all volcker das ist¹⁴¹ (wan du es recht verstest) du solt nit liegen
unnd geloben onchristlich. untreglich. boͤße ding. Hett ich
nu verheissen reynickeit. mit dem eyde/ dieweill ichs nit kont ge-
halte. mit was und wie vill greulichen lastern hett ich mich
verknuͤpfft. und befleckt? Es ist einmal versehen. oder geirt mit
meinen nerrischen geloben. woͤln mich die bischoff nu weytter
bringen^bz zu irren und suͤndigen? Hat nit einer macht diesse eyde
widerruffen so noch der sach unerfarnen. entpfallen? oder die
on groß grausame suͤnde gehalten nit koͤnnen werden? Es di-
spensirn gaistlich recht. mit den. so jung oder under irn jaren
pfaffen nunnen. münchen werden. dweil die selben noch nit. wie
De re'gularibus' et tra'nseuntibus' ad re'ligionem' de iu'reirurando' impub'erum'schwer die bürden der enthaltung. befunden.¹⁴² Ich lob die
bepst. das sie absolvirn von suͤlchen gelübtnüß. Ich lobß^ca
aber nit. das sie nit auch die so altt in orden gangen. absol-
virn dan es kann ye kum. das ein alter sich auch noch nit
recht kenne. und so offtmals gleiche ursach sein mag mitt
eim alten unnd jungen zu dispensirn. warumb urteylt man
nit gleych? Wir lesen in der bibel. das ettlich heyligen. ire
boͤße geloͤbtnuß abgeschnitten. David schwur zu gott. Er
Regum. 8.B1^v wolt Nabal erstechen. begegent im Abigail. und stieß umb
sein grymen und zorn an welchen ort. wie kuniglich. danckt
er gott. das er in von mutwilligem furnemen. gerissen. und
erkantt sein yrthumb. do er sprach der mich gehalten das
ich dir nit ubels thet.¹⁴³ also ich wie David. solt nit. was on
22. q. 3. et. 4.sunde nit gescheen koͤnt widerruffen? Fragt eüer Canones
drüb^cb was diese iurament^cc furkrafft. so findt ir vill die mei-
ne wort bestercken.¹⁴⁴ Im buch der zale sein geloͤbtniß. Die
Num. 1.gott selbs zerbricht. unter andern diß. so ein eeweyb ettwas
gelobt. oder vergibt. sunder verwilligung ihres mannes. und
will deßgleychen. dweyl das weyp. weder leybß noch guts
gwalt hat.¹⁴⁵ nu absolvir mich gleych dasselb urteyl seitmal
in keins menschen hand ist. die gnad ewiger reynickeit. so ein
eehweyb etwas verlobt. das in eins gewalt nit gestanden. warumb
schiltt mann denn eerloß. der unversunnen. ja onchristlich
keuscheit gelobt? ein ding. das so gantz frembt vonn der
natur aller menschen. ouch welchs niemant on grosse sunt-
de erfuͤllen mage. Nu wer ist so star blindt das er dem treuloß
*wie ^cdvor augen.*scheltt der ein ehelich weyp nympt. und nit den. der (gleich
sam ein sau) durch alle und manichfaltige wollust. wetet^ce
Deuter. 23.und wuͤlet? Es gebeutt Moyses. das man nüt opfer sol.
so auß gemeynen haus kumpt〈.〉¹⁴⁶ wievill weniger will im gott
geopfert han. ein unkeusche keuscheit? und verwurfft Moy-
ses eyner gemeinen buͤbin lon. wer zweiffelt weiter zuver-
werffen. eine falsche (huͤrische) keuscheit? Darumb be-
schliesse also. zum ersten. das ich gar nit wisse. was ich. von
der enthaltung (mit außgedruckten wortten) geschworn
habe zum andern das ich gar nichs geschworn soltt habe
zum letzsten. ob es schon ein krefftiges iurament. wer es doch
nit zuerhalten d〈ie〉weil es on sunde. nicht gehalten mage werden
doruber. aller frummen Christen. und gelerter urteyl. anruffe.

¶ Auß dissem all leucht hell. das ich gar nichs wider gottes
gesetz. furgenumen. Darnach. das ich pflichtig gewesen (in
so gar ferlichen arcktiel^cf meins gewissens) wider das Decret zu
B2^r thun/ dar zu sprich (es sey geschworn als deur als woͤll) das
es niemant schuldig zuhalten/ ouch das ich unerbarlich geschol-
ten von den/ die mir mein geluͤbtnuß auffheben und furwerffen〈.〉/
dorumb soll niemant freuenlich/ mein eheschafft/ verdammen
und hab auch das darumb geschryben/ das aller meniglich
kunt wurt/ das ich in diesem stand/ ein frey christlich gewis-
sen trage/ so mich ye kein boͤser lust oder mittwillen^cg sunder
gemein schwacheit aller menschen ja auch die not^ch/ gezwun-
gen. Was fur grosse schwere ferlickeit (den selen) auß dem
verbott der ee/ geflossen ist ubrig zuerzelen/ so es am hellen
lichten tag/ und zweyfel gar nicht/ wan die/ so mich ancla-
gen die sach scherpfer ansehen/ wurden freylich mich/ nit
allein nit verdammen/ sunder auch^ci loben/ seind sie anders
recht christen. Es wurt christus Jesus richten die gantz
wellt/ und (hoffe ser) der selb verwerff mein ehe nicht/ welchs
ich auch (glaubt mir) allein/ angesehen. das ich aber diß ver-
teydungs buchlin/ auß loß^cj gan/ ist nicht darumb gescheen/
das ich mich vor bischofflichem gewaltt/ beschirmen woͤlt
sunder wie mich so runde und goͤttlich ursach/ dieß zu wogen
1. Petri. 3.bewegt haben/ seitmal ein iglicher Christ berytt sein soll re-
chenschafft zu geben/ alles seins glaubens und lebens〈.〉/¹⁴⁷ ver-
hoff nu/ es sey den bischoffen/ gnug gescheen/ an dieser ent-
schuldigung/ das sie mer erbarmung in meiner brechlickeit tra-
gen. Ich ger^ck148 auch nichs wider rechte vernunfft/ zu setzen oder
fellen/ dan warumb wurt mein freyheit/ von einer fremde
conscientz geurtailtt?¹⁴⁹ Wiel es aber ye also sein/ das sie mer
achten der bepst Decrett/ dan das evangelium und die eltsten
concilien/ will ich gern tragenn denn zorn/ des herrens^cl/ so ich
weys/ als einen der sitzt im finsternuß/ lichts nymmer myssen
wirt auch troͤst mich der phrophet Micheas.¹⁵⁰ Sie sehen/ das
sie sich nit stollen an Christum und seine cleinen/ welche er
gleichsam ein augapfel behuͤtet.¹⁵¹ ¶ Erwurdigen hern Docto-
res/ mein entschuldigung. so vor. e'uer' w'ürden' gethan./ bit gnediglich
B2^v anzunemen/ und/ so ein christlich furnemen/ vor gewaltigung
Mich. 7.verteydigen/ uff das ja^cm nit von euch geweysaget moge wer-
den/ der furst fordert/ und ist der richter/ im widergeben.¹⁵²

Ad Ephe. 13.¹⁵³

Honorabile est (inter omnes) coniugium et
cubile impollutum. Scortatores autem et
adulteros/ iudicabit deus.^cn154

Beilage 2 – Beschützrede für Bernhardi, Vorlage E und F

A1^r

An Maidenbergers ertzbischof.^co
herforderung/ uber Eelichs stantzhandel
aines ersamen pristers Bernhardi
leyp pfarres Kemberger
kirchen enschuldigung
und anwurt.

A1^v Gar ain koͤschlichs bulchlin/ etlicher Christlicher urs
achen/ auß goͤtlicher leer gezogen/ begreufft/ die von
aim iden prister můgen vor ir oberkait dar gthon werden/
wie es in nůtz und hailsamb siyhe eelichen stat zu halten.
Des gelichen den laien gůt/ wo sie sehen dise ding gsche-
hen/ nitt trabergern¹⁵⁵/ bsunder bessern/ unnd beystant zů
thone/ selchs zuherstatten/ von aim christlichen priester in
latin geschriben/ der daß auch gthan hat/ und durch ain
gottlichen lerer verteutscht.

A2^r

An Maidenbergers etrzbischofz.
herforderung/ uber Eelichs stantz handel
aines ersamen pristers
leyp pfarres Kemberger kirchen
enschuldigung und anwurt.

Hochwurdigen glertenn lerer/ seitmal ich zů euch be-
rufft/ antwurt zugeben meyner gschicht/ will ich ur-
sach mitt kurtze anzaygen/ unnd begreyffen/ waß mich
dar zů bewegt^cp hat/ endecken/ meyn gewissen in disem fal/
waß sie empfind/ verstat/ oder will. Und ich^cq bitt durch chri-
stliche getliche lieb/ also euch nyt seyhe vertrussich fleischlich^cr
zu hoͤren/ wie dan ich schlechtt eynfeltigk^cs furlegenn werd
meynen^ct handel.

¶ Amb anfangk/ wist/ ich nit leygnen kan noch mag/ ein
jungfreulichen/ elichen gmalhel zů straß und kylch/ noch
gmeynem bruch/ gfurt. Wen ub^cu ich schon itz leygnen wu-
rt/ meyn kirche ich schend/ unchristlich verfurti^cv oder be-
truge/ welchi bitz har¹⁵⁶ mir beratten/ behilffigk/ zimlich/ er-
lich billich/ und auch goͤttlich geachtet in irem rat meyne
hochzeyten/ itz aber in frumer meynu〈n〉g geletzet/ wen ich
selber selchs widerruffti/ meyn leben zů verschlissen in bul-
erreyhe¹⁵⁷/ wie dan itzund der prister lauff gemeynlich muß don〈.〉

¶ Es zimpt/ und hoͤret zů eym bischoff/ noch des heyligen
apostel pauli lerre/ on alles laster/ ergernus/ und anclagz seyn¹⁵⁸/
und ich der kurchen eyn hůrt oder pfarer/ solti nit meiner versa-
melung/ frumer schaflin last der ergernis erkennen? Paulus nitt
A2^v aynmal/ bsunder offt/ man list/ hat nit gewalt/ der christ
ten wandel/ den heyden ain nachteyl wuere/¹⁵⁹ ich aber/ sol-
ti meynen mittbrudern christes glaubes ain letzung^cw160 setzen?
Oder werde ich der prister buelerey nit erkennen? so ichs
aber verste/ und verstanden hab/ beken/ und ferje¹⁶¹/ hie offen-
cklich/ ja ich hab ain junckfrau/ zů^cx eyne weyb genomen. Sa-
ge darbeyhe hochzeyten/ pristern zimmen und geburliche
seyn und werd das reden/ solang ich leb.

¶ Mich hab^cy bzungen¹⁶²/ selchi ursachen^cz/ welchi auch alle we-
lt/ unnd doch bvorab christen menschen solten bewegen/
und frume hertzen billich/ wie.wol zů diser zeyt/ mir wyd-
er meyn sach seyn/ unnd gegenstan/ nit alleyn gemeyner-
itz pristerlicher misbruch/ oder meynug/ bsunder auch lange
boͤse gwohnheyt/ durch bapstliche^da gsatzher wahsen/ unnd
oͤberer gwalt nit minder/ so sie derzeyt verwilligung/ die
mir alle wider seynd/ und verbieten ain eeweyb zuhaben.
Aber yedoch/ christenlichem hertz/ hoͤrt zů/ waß Christus/
seyn heylant von imb herfordert/ und bgerdt/ mer/ wen
das die menschen woͤllen/ statten wie dan sant. Paulus zů
den. gal'atern' schreybt/ wen ich noch den menschen gfuel/ so wer
ich nit Christi Jhesu diener oder knecht/¹⁶³ und Mathei^db. am
viii. lassendt die dotten ire dotten begraben/¹⁶⁴ verstandtt/
londt¹⁶⁵ welt kinder/ weltkinder werck thon. Halten ir meyn
gbot/ oder volgen mir nach. Daß aber meyn sach/ nůn nit
alleyn ungacht¹⁶⁶/ seltzan/ unhofft/ frembdt/ und von gemein-
licher itzund pristerlicher satzunger geysstlichheyt/ von
aid vonn gehorsam wegen gsprochen wurt/ sunder auch
freulich buepsch¹⁶⁷/ mag doch leychtlich dise selche zugeleg-
te vermessenhait enschuldiget werden/ so ich unfrumkaitt
und maynaidt/ wil aufloͤsen/ und enschitten¹⁶⁸〈.〉/ und wolt got
sie auch mit geistlichen augen sehen/ herblickten meiner ur-
A3^rsachen entrettung/ die do plerren plapern/ ich hab gfre
velt/ nemen aber war diser myner sach/ und außredt.

¶ Daß heilig evangeliun merck gotz lere/ Eelichen stamb
nie verwurff/ noch keynem stad/ oder layhen/ oder prist-
er nie verbot/ wen also gschriben stat Mathei. am. xix.
nit alle menschen bgriffen oder ferfassen¹⁶⁹.¹⁷⁰ An welche ort/
Christus unser/ here/ nit allayn/ nit gboͤt/ keyschhait/ sun-
der auch bezeychnet/ und bedutet/ Jungfrauschafft oder
reynikait nit můge bgegnen zů halten/ wen von dennen
allain/ den es von got geben wurt. Mit diser stimme soltenn
billich herschreckt werden/ die sich versprechen/ oder glo-
ben/ keyschheit zu halten. So doch Christus unser her/ an-
zaigt/ das^dc ewige Reynickeit/ nit aller besunder wenniger
menschen/ eyn gotz gab ist/ welchi Christliche wort/ pau-
lus als ain verdolmetscher/ weyter herklert. i. cho. vii. mit
lengerm verstand außleyd¹⁷¹ (ain bekant ort) yder ein bes-
undri gab hat von got/ einer also/ der ander/ furwor/¹⁷² al-
so/ baldt darnoch. Nimpstu eyn elichs weyb/ du nitt gesun-
diget^dd hast/¹⁷³ zuletst/ als wunderbarlich eyn sorgfelti-
ger/ do mit doch nit gefunden wurt oder gesehen reinik-
ait zubieten/ oder von unß bsunder herfordern^de/ dut wey-
ter dar zu/ sprechende. Dise meyne gantze red zů eurem
nutz beschriben ist. Nit daß ich euch strick eyn wollwerffen.¹⁷⁴
Daß ist also vil gsagt/ nit daß ich gfangenne mach/ etwan
eym gschlecht des lebens. Schau auff/ sant Paulus fur-
chte/ herfordert er keyschhait/ so wurffer strick in〈.〉 wie woͤl-
len dan wier der roͤmer bischoffen gesatz/ von reynickait
gegeben doch/ nennen/ heissen wier sie nit fessel oder stricke/
noch sanct Paulus redi/ und sitten? Hie in disen iitz gegen-
wurtigen worten sagt paulus/ es ist besser zur ee griffen/
dan werden gebrandt/¹⁷⁵ her mant der apostel/ weyben sol-
A3^vlen die/ do gebrant werden/ das ist/ die do fleyschs grimen
oder leybs wiettenheyt¹⁷⁶ in inen enpfinden/ nit gnog umb
eyn widerstant zu thon on gnad gottes/ welchi genad/ wen-
nigen gegeben wurt/ als dan vormals gsagt ist. Wen das
heysset Sant Paulus/ gebrant werden. Es lernet aber der
namen treger christi unß/ daß do zwey gschlecht der key-
schhait seyhen/ aynes do leyplich natur mitt fleysches flam
entzint/ sich herdicht/ keyschhait/¹⁷⁷ als wer sie do/ und doch
nit ist. Die ander/ von got ggeben/ derer nichtz mit ^df diss
feure^df und brantzgrime gemain ist. Die erst/ alß man dan
in selchen angenumenden keyschen spurt/ iren außbruch
hat. aber die ander von gnad wegen/ behalten/ und be-
schirmpt/ wurt. Welchi ding waß weres aber noti/ nitt
lauteren wortten zu herkleren? so es doch amb tag ligt/
wie der baur an der sonnen. Darumb ich sag/ den ersten/
hochzeytten gebotten^dg werden/ aber die andern seyn die
von den der her spricht/ nit eyn jder enpfacht/ oder begr-
eyft/ besunder alleyn/ den es gegeben wurt.¹⁷⁸ wolti gott/ di-
se christlichen spruch betrachtet hetten/ bepstliche bisch-
off/ die do verdampliche gsatz von keyschhait gstifftet han/
und auffgericht/ welchi/ wider christen ordung/ zwingen/
triegnn^dh/ merer/ in die abgrunter hoͤll/ dan in himel brin-
gen. Wee/ denen die do reytzen/ und beytzen/ unschuldi-
ge jungen/ zů bepstlichem pristerlichen^di stat/ und ire kinder
in cloͤster wie der fogler/ oder fischer/ voͤgel und fisch auff-
cloben/ oder in netz locken〈.〉 Besser der selbigen werre/ nie
die welt gesehen〈.〉/ und wen wir das betrachten〈/〉 wurden/
nit zu liessen^dj/ waßunß alle antrifft¹⁷⁹/ alleyn auff den layen
wenden/ als do ist der eelich stat/ des gleychen herwider/
nit alleyn den priestern oder geystlichen verhengenn/ das
wir alsamb/ wie christen/ thon solten/ das aber prister eewy-
A4^rber můgen han/ und nit allayn den weltkinder selchs ge
sagt sey/ finden wir clerlich an vielen orten bschriben/ durch
Paulum/ alß in dem ersten sant brieff thimothei/ dem erbfal/
alß aym obersten bischoff/ anderi zu setzen/ des glichen zu titum
seynen lieben in christo sun/ schreipt. Ayn bischoff sol eines we-
ybs eman sein. Der gehorsume kinder hab/ in aller reinickait〈.〉¹⁸⁰
Auß dissen schrifften gnůgsumb/ und uberflussigk erschey-
net/ elicher stant/ pristerschafft unverbotten/ auß goͤtlich-
en gesatz〈.〉 das es aber war sey/ vinden in ettlichen aͤlterer his-
torien und gschichten/ under den weyssagungen christlich-
er versamlung/ die prister nit von elichem stam durch chris-
tum abgeschnitten und bfrembt seyhen/ wen wer weyß es/
nit/ dan der gschrifft nit list/ das philippus/ den die schrifft
im buch der junger werck/ ain evangelisten bkent/ hette
seyne gemahel/¹⁸¹ und doch auch Eusebius christlicher lerer
vil von peters haußfrau schribt.¹⁸² Bekant ist/ spiridonis le-
ben/ Der in cyprem (schrifft lieg dan) ein berimpter bischoff
waß/ seyn hausgmahel hetti¹⁸³/ und helarius¹⁸⁴ eyn hochgler-
ter hailiger evangelischer ler außleger/ den elichen standt/
mit seynem weyb alß gut/ bewerti/ bestetiget/ den zů seynen
zeit/ keyner in vernunfft und weysheit gleych geacht wurt〈.〉
Ferhart¹⁸⁵/ und gewert hat under denen^dk Pristern/ eelicher
wandel in kreichenland/ christens volgks/ bitz noch auff
unser zeyt/¹⁸⁶ aber theuschland/ selches joch/ und burd/ man-
gel elicher weyber/ spet auff sich genumen hat/ doch gzwun-
gen. Unß clerlich anzeigen/ derer schrifften hermanugen¹⁸⁷/ Coͤl-
ner kirchen. Item kostentzer〈.〉/¹⁸⁸ furwar obgmelterr schrifftt
anzaigung mererteyls woͤllen/ nit allain pristerliche hoch-
zeyten nit zimen/ bsunder auch gbieten/ die do fleischlich funcken
enpfinden/ zů der ee zůgreyffen. Und biß har also fil von
gettlichen gesatzen/ nun von menschlichen herdichtungen〈.〉
A4^v Daß aber boͤpstliche schaͤfft^dl189/ oder findungen pristersch-
afft von elichen wercken abtreyben/ am ersten/ sag
ich/ do lugen sie zů/ wie sie es gegen gottem herren veran-
wurten/ unnd vor ain rechenschafft/ uber so manchen E-
bruch/ hurey/ und anderer heymlicher unkeyschheyt/ ge-
ben woͤlten diserer bfor ab auffsetzung¹⁹⁰ halber. Ayn selchi
schwere untraͤglich burdi^dm an hals ghenckt/ denen/ die wir
itz heyssen prister/ vorzeyten gottes knecht/ aber nun eyttel
herren/ welchi burde nur zůr hellen druckt/ die sie haltenn
oder annemen/ fur war mir nichtz dran zweyfflet sie můgen
falsch propheten genant werden/ und aͤben die/ sie seihen
nůn wer sie woͤllen^dn/ selchi boͤse schnoͤdi¹⁹¹ gsatz wurcker/ und
geber/ die es gebieten/ und nit halten/ wan man vind/ das
nitt alleyn prister sunder ire bischoff/ noch vul mer die poͤ-
pst/ kinder^do haben/ wo her kumen sii nůn? seyn sie nit vonn
Eelichem stand? ayn schlechter baur sprech/ sie mussen von
bencken gfallen seyn/ ye/ wie stat es dan sowol in christem-
glauben/ huren kinder christliche kilch rigiren/ und^dp lefr-
entzen¹⁹² furer/ bepst und bischoff seynd/ sie duley/ von selch-
en wiltů gezwungen seyn/ die sollen dich in himel betten/
ja wol her kenstu nit/ hie dih blind durch blinden furer g-
leyttet/ und dů alß wol (wie der her sagt in evangelio) ir
beit in die gruben vallen/¹⁹³ ja in dieffe der hoͤllen. Noch wil-
tu dir selbs/ so du doch wol můgest^dq/ nit zů hilff komen/ wey-
stu nit/ das nit minder der brentt mitt .x. vergruptt^dr194/ als
wol/ alß der mitt tausenten^ds brent.

¶ Auß den entspringt/ und valgt nach/ man der menschen
gebot nit halten sol/ noch fil minder annemen/ aůch nit hoͤren/ oder
B1^r 〈i〉n ghorsamb^dt seyn/ wo důrch sie/ mensches gewissen/ gefer-
lichheyt und schaden nimpt. waß ist aber der selen grosser-
er schad/ dan ewige ferdamnis. Spricht nit. Christus von
selchen Ergernis geben/ es wer in besser sie hetten mielstein
an eren helssen/ und in mittellem im moͤer legen.¹⁹⁵ findestu nit
geschriben actuum am. v. Man muß mer gott wan den men-
schen gehorsam seyn.¹⁹⁶ Also petrus/ unnd paulus detten/ do
sie vor konnig/ keysser/ bischoff/ und bepst/ teuscher unnd
heydescher nacion/ gestelt wurden/ um christen ler willen.
Auch laͤß ich. cho. viii. der ersten epistel dß achten undersch-
eidtz/ spricht paulus^du/ Mit grossen solt/ oder lon/ ir sein kaufft
wurden/ werden nit der menschen knecht widerumb/¹⁹⁷ und
cho. iii. Alle ding aͤuger seynd/ es sey joch paulus/ oderr/
appollo/ oder Caͤphas/¹⁹⁸ und zů den/ Collossensern.^dv am an-
dern underschaeyd seyt ir eynhoͤllig in christo gestorben etc〈.〉¹⁹⁹
was werden den ir noch gleych als mit menschlichen satz
ungen gspeyset/ bedriebt/ und gereitzet? Doch nit allein mit
deysen^dw/ noch mit viel andern^dx uns die schrifft weyst/ wie in
unserem gewaltstandt und seihe²⁰⁰/ in menschlichen satz-
ungen/ dispenseren/ richten und schlichten/ brechen und
knypfen/ geben und nemen/ verhengen oder ablossen/ frei-
hen oder nachlossen/ wye dan der roͤmisch bishoff auch th-
ůt. aber hie nem war gar eben. ich sag ayn jeder crist/ waß
wider Evangelisch gesatz ist/ nit/ schuldig sey zů haltenn/
und imb herlaubt důrch cristum^dy/ selchi gebott in imb ze-
brechen/ und reyssen/ als dan opfer fast feirtag des gelei-
chen seynd/ wo dir gferlichheit der selen/ und irsal (als dann
gschiecht) darauß her wuchß oder enspreng. Noch fil minder
die prister und closterleyt schulding seyn/ iren oberkeyten/
daß wider ir seel heil ist: Nůn die weil ich on ein eweyb waß/
Auch schadenn nam. Waß soltt ich aber thon/ ist es nitt
B1^v also: getlicher zůlassung ich mer in den val gehorsam weri/
und den menschlichen traumen sie vortruge? so es die sel
antrifft²⁰¹. Welcher ist aber nůn gegenwurtiger bischoff/
der seyn gheyß in solcher maß/ oder gstalt/ her vordert/ do-
mitt/ Götlich/ zerreissen unnd zerstoret wurt? Oder wer
wolti umb urdesches²⁰² dorechtes²⁰³ gebietz willen seines ne-
chsten bruder seel lassenn verderben? unnd ewig sterben?
Nůn hern zů eyn aͤbenbilde. Wenn deynes bruders leyp/
auß des karfreytags fast willen verdurbe/ ist imb nit al-
so/ dů buttest²⁰⁴ imb des er eeß? blan²⁰⁵/ so sag mir her/ wie viel
besser ist die sel dan der leyp? und wie grosser der selen hun-
ger/ wen leyps vasten oder mangel? Oder ist es nit einn
yppick²⁰⁶ laster/ so doch christus unser b〈e〉halter^dz seyn enige sel
in dot vor aigeni schaͤfflin satzt/ und ein christlicher selsor-
ger/ alß bischoff/ nit soll zů lassen umb menschlicher gesatz
umb aigener herdichtung willen/ das Cristen selen^ea selig
werden? sunder elencklich verderben. Der hailig paulus/
ward alle ding allen dingen/ auff das er christen mechti/
und selen gwune/ den die der^eb gesatz gotes waren ein fremder/ alß^ec den
heiden/ aber²⁰⁷ underm gsatz den juden alß gebot halter〈.〉²⁰⁸ Und di-
se ůrdeschen gastz bepst und bischoff/ in ire gfenliche netz
garn gentzlich die christen schar zihen/ und verendernn/
also vil/ sich auff/ inen noch mangelt rechter ler/ sich irenn
underthonen selber zuergleychen〈.〉 Der apostel/ groß mie²⁰⁹
und arbeyt angst und not heti/ gesunt zů machen di〈e〉 kranck-
en selen/ also das er auch sprach/ wer ist kranck/ und ich nit
eyn mittliden habe?²¹⁰ aber sie/ die gesunden/ nit alleyn kre-
ncken/ doch gar zů dotschlagen.

Indem unß auch engegen gar wol betracht/ das do schr-
eypt sanct paulus zů thimotheum amb. iiii. zů kinfftig
sey/ das elich stam durch lugenhaftige geyst verbotten
B2^r werdi/²¹¹ un〈d〉 daniel ein prophet gottes amb andernn gewey-
ssagt/ der antechristi die Eeweyber von iren elichen man-
nen abwenden〈.〉/²¹² dis seyn der heiligen lerer worsagungen/
in pristerschafft itzundt herfilt/ das keyner ist/ wil eyn kel-
lerin han/ und doch sye nit anderst dan zůn uneren/ noch
seynem^ed willen auffbulersche weyß/ und bueben art/ selchs
ain große eer vor der welt haben. Nim war frummer lay/
auß selchen ich bwegt/ wie dan obgemelt/ daß ich glaubt/
gottes geyst in hailigen schrifften rechti zů selchen end dise
ding/ unß hermanet/ das frumme hertzer/ hindann gesetzt
menschen draum und/ auffsatzung vermitten/ und sich darr-
vor wisten zů hieten/ und in nit bsorgt/ von sathan herdicht/
zerrissen gruntlich. In diesen worten von Paulo und anderen pro-
pheten gsagt/ die Remschen bischoff sich baß/ wen bißhar/
beschauten^ee/ fast not were. das evangelium solt ir augen-
spiegel seyn der^ef gotlich geyst/ darin gesehenn werdenn.
Welche bischoff jetzund mit so harter verstopffung²¹³ und bli-
indheyt/ doch von pristerschafft/ Reinickeyt hervordern/
ich meyn sie woͤllen unkeyschheit villycht rechter verstandt/
noch weltlichen bruch/ do man wyn²¹⁴ begert/ wasser anstat
gereychet/ wurd/ jedoch kennen sie den ander/ und bilich/
kain fugchs den andern frist²¹⁵/ sie solten vileycht welff sein wor-
den/ wen sie die selbick art noch han/ Aristotles^eg ir abgot bst-
etigt in/ und lert selchs/ es sey boͤß alte natur oder gwon-
heyt zuverkeren〈.〉/ blan^eh216 wen ich sie nit kenti/ so spreche ich doch si
vermesten unnunderstunden²¹⁷ babilanier turn²¹⁸ wider uffzubauen es we-
re auch gschehen/ wo in der schlůßsteyn gnades und ablas/ hin-
der lucifer nit vepfendt wer/ bfor eins teils/ durch den ebru-
ch der si dohin gzogen hat/ das auch itzund abslagen/ hinder sich tri-
ben/ die den selbigen berurten^ei/ um geltz willen von gytz/ zemengfigt
zertrennen? Ich finde und herfar in gruntlicher schrifft/ das di-
ser theuffelschen/ hell gboten etliche frome alti menner bischoff
mit namen hefftig und krefftlich uß das heyligen geystes in spre〈chen〉
B2^v widerstindentt/ auch hindertten〈.〉 Wen versamlung bey
Ziten²¹⁹ etlich her vor wusten/ die wolten/ es solten. Epistler
Evangelier/ prister/ al on eweyber wonen/ keyschheytt
geloben^ej/ aber selcher freveler vermessenheyt/ zů h〈i〉llff kam
ein seliger Martier/ phaffmucius genant/ und durch sin
heliges furbitten hindert stelt/ selch geferliches fermessen
unnd in seynem rat ein ider der bischoff verwiliget/ wurt
bschlossenn ainmůtig/ den pristern nit. Eweyber zimlich
wern/ sunder auch alte^ek freiheit〈.〉²²⁰ diez haben bestetiget Dar-
nach in sexter^el bischoffer ratschlagung zů gthon/ bey Con-
stantenopel versamlet/ vermeydet gbott von keysheyt zů-
halten/ wo prister funden wurden/ die imb pristerlichs ambt
willen wolten hindersetzen eliche weyber/ solten/ alß un-
untze gacht/ im bann seyn〈.〉/²²¹ selchher Regel meynung/ in der
drey untreyssigsten^em distinchcion oder underscheyd bezei-
chnet stat/ Seyt und mall nůn der alten redt/ Rat/ mei-
nung/ und urtheyl/ in allen rechten sol furtragen/ und mer
angnomen werden/ dan der neuwen^en jungen/ und unglerten〈.〉²²²
Warumb dan in iren gůtten/ nutzen/ reglen/ und statuten
wurt itz nit bleyben? Jedoch sie/ und so vernit wider chri-
sti unsers hailanß gebot streben/ als der noch komenn
neuwen schloͤff/ unnd do sie dem Evangelio amb nechst-
tenn seyn von unß wolbracht.

Nůn bitz her angzeyt/ nit ghorsamb zů seyn bepschli-
cher ler mit guetlichem meynes gewissens schadenn
darumb das sie in keynerley weg zu halten seyn/ wo uns/
ser gwissen auß inen gferlichhaiten enpfahen. Wen das
lert^eo uns sanct paulus^ep/ Do er will/ wir sollen nit widerumb
menschen knecht werden/²²³ Noch bleypt mir uber/ den val-
schen aid in den ich anglangt bin worden/ zu entretten und endecken.

¶ Ich bin mer nie wissen/ anderst glopt oder gschworenn
B3^r wen mit selchen worten. Ich baͤpstlicher vetter gbot halten〈.〉
Nůn bin ich aber zů brandenburg Epistoler/ in halberstat
Evangelier/ in recier²²⁴ hoffprister geweyhet worden〈.〉/ nůnn
befelch/ und urteylich euch zůlaß/ zůrichten/ waß der obge-
nanten ort gwonheyt sey eides und weyhes glipt/ oder
eygenschafft. Seynd aber (als ir sagen) alle maͤynaidt/
suntliche werck/ mit welchen man urdeschy²²⁵ gsatz auffloͤ-
set/ So werden die prister als oft alli manieidigk so men-
nig mal sye sich anderst bklaͤyden/ essen oder drincken/ fas-
tag brechen wen bepstliche ordenung in helt/ und ire statu-
ten außweysen. So sag ich mit kuntze/ nieman mer groͤ-
sser und viler maineidt begat/ und volbringt wen prister-
schafft/ bey den/ meyn ich/ die von mir und andern aeid ge-
lipt herfordren/ sye doch gar nit halten〈.〉/ Domit aber Ch-
risti Jesu unsers herren spruch war wurt/ grosse^eq ding heyss-
en sye schweren Joch den underthanen uff ir schultern legen
die sie mit dem kleynsten vingerlin nyt berurten/ alß vyll
fasten/ lang gebett/ und reynikeyt zu globen. Aber der selig-
macher spricht/ nit thon ir als sey/ und es sey dan das euwer
gerechtigkeit volkumener sey/ dan der gleyssener und sch-
rifft glerten/ mecht ir nit gon ins reich der hymel.²²⁶

Darum/ frumer Christi. wiltu dich nit schwerlich gegen
got versinden so hiettu dich/ mach kein můnch/ oder
pfaffen/ noch nůn/ wen sye werden alsamen des teuffels/
von wegen menschlicher gebot die sye missen halten und der
důrch sich Evicklich vertamen/ wen der Elich stat²²⁷ me nit
wurt zůgelassen/ allen sye doch in unkeyschheyt alß men-
schen/ werden zůletst durch boͤß breůch bulrey²²⁸ verstopt in
sinden/ wie sathan/ und mit in/ alß Paulus sagt/ Ewiger
freyd beraubt wen keyn unkeyscher bůler aussert halb der
Ee/ und alli die des leybß werck vollbringen/ behalten werden
B3^v der christi erbtyls theylhaft syn/ leß es stat geschriben/ zů
den effesiern²²⁹ und an viel anderen orten.

¶ Es ist auch nit zů glauben daß des bapsts regel oder sta-
tuten/ in halten oder wellen/ des glichen herforderen/ das
man unß zwing/ oder tringe zu geloben Wider goͤttlchs gbot/
(wie wol mans thut) sunder sie nichtz begeren von unß wei-
tter/ dan das do gschehe/ on der gwissen schaden/ on der
selen verdamnis/ und auch geschehen můg. Welche so im al-
so ist/ Als offt man den schwert oder glopt/ von menschen
gsatz haltungen/ wurt nichtz wider gotlichs recht und in
irdeschen^er aydschwuren wurt leyps fals und notwendigkeyt
außgenomen und zůgelassen in^es diesem handel mainaidt
zubrechen.

¶ Waß aber dan?^et wen man aidt thut mit zů gleckten stu-
cklin/ sprechende. Ich forheyß keyschheyt so vill als^eu natur-
lich blödikeyt zů last.²³⁰ Nůn wurt doch das stucklin in vilen
kirchen zu gthon^ev pristerlichen aidt/ aus bischoffs gwalt und
herforderung uber keyschheyt/ welchs dan also vil gsprochen
ist/ verheys keyscheyt/ so verfleyschlich kranckheyt sel-
chs zů last/ und gstat. Waß ist aber/ sagt an ir bischoff? Schw-
acher/ krencker und bloder dan menschenn natur? die do
nit ettliche/ sunder alle zeyt angfechten/ selten uberwintt und
obleytt. Seyt und mal der mensch (noch sanct paulß red
des andern sant brieffs zů den Corinten) nichtz kan oder
mag dencken oder woͤllen noch vil minder thon oder sch-
affen/ der ding/ die von gott geben seynt/ aus imb selbs〈.〉/²³¹
Joch das gůt seyhe/ got es thut/ und wirckt alleyn in uns/
spricht er zů den philipensern.²³² Darumb ob schon amb aller
hoͤchsten globt weri rainikeit zwinckt unß der selen nott/ so
ist sie nit zu halten/ ja wen on sind nit ghalten mag werden.

¶ Auß den folgt zum ersten/ hoͤren zů? das got nit/ will im etwas
B4^r verheyssen werdi/ daß man nit laysten mag/ alß er gewertt^ew
bezeyget/ durch seynen propheten Jeremiam am vierten un-
derschait/ gbeyt der profhet zůschweren^ex in důgent/ gericht und^ey
gerechtikeyt.²³³ Das ist so vil/ man sol nit liegen/ nit unzimlichen
aeid/ nit boͤse falche ding schweren/ oder geloben. Nůn vor war-
hoͤti ich reynickeyt glopt/ und jtz enpfchindt se nit z〈u〉 halten Sie
an^ez wie dan mit herschroͤcklichen laster ich mich verpflicht
het. Hab ich aber gschworn und ein mall dorecht²³⁴ ghandelt/
wolten dan die bischoff/ vor bas hie ich also in doret/ und nar-
heit wandelt/ verdammen meyn sel/ und je mer und mer in sch-
weren sinden vallen? Oder zimpt es nit mir selbs/ oder geburli-
ch ist/ boͤß iresche glipt²³⁵ wider rieffe? Die on herter straff/ der sunden
halb/ nit moͤgen gleystet werden. Boͤpstliche traum nochlassen-
de/ in munchen reglen/ von der jungen aidt/ so sie zů jaren kom-
men/ und die glipt wider schreyhen/^fa auch dispensiren/ von wegen das
sie sich unverstendick verknipfen in die cloͤster.²³⁶ Hie lob/ breiß
ich baͤpstlich vernounfft unnd weyssheyt. Do aber schilt/
ich si/ eselchs allein der jungen verhengen/ und den alten nit/ so
doch hart eyn alter funden wurt/ der seyn in selchen fal/ keyß〈c〉-
heytt z〈u〉 halten/ mechtig oder gwaltig sy/ und so doch ein ursach
den alten als wol/ als deren^fb jungen widerfaren/ und^fc seyn mag. Darum
auch paulus nit jungen/^fd doch alti und bewerti witwerin wil
han/ von schades oder schandes wegen/ die auß junger e〈n〉thalt-
ung herwassen mag.²³⁷ Warun wurt dan nit glich gerichtt
und gurtailt? Wir sehen das etlicher alter frumer vetter do
rechti glipnis/ dur sie fur gummen/ gbrochen/ und zerstoert
wurden/ auch zu nicht gmacht/ wen wie es eyn sprichwo-
rt ist/ gschworen aid/ seyn gothaidt/ also auch eyn gmein
red^fe bey den glerten/ in boͤsen und unvermůglichen din-
gen/ laß auff deyn glaub oder glipt. Der kincklich²³⁸ prop-
het David schwur ein harten aidt/ Nabel seynn veyndtt
B4^v woͤlt er doͤtten. Engegen lieff imb abigaill/ und hindertt
des kingeß dottschlag/ und furnemen/ Dan do davit sin
irrunge herkantt/ in dem als er sprach. Er hat mich ver-
hindert domit ich dir nichtz boͤß don/ noch minem aeidt
den ich geswor.²³⁹

¶ Also auch ich/ herkant/ meyn glipt on sin nitt ghaltenn
Mag/ nit welen eelich werck treyben/ frog ich? solti mir nit
zimmen meyn fursatz in bessern weg zů kerenn? seyt unnd
mal das got zů last (und euwer erdeschscher abgot auch
spricht/ Naristoteles/ mit dem ir alle schrifft bfestigen/ in
zweyen gferlichen dingen das besser sol erkuset werden)
Nůn frag ich widerumb/ welchs ist besser oder bosser hu-
rerey? oder eliche werck? verdamnis? oder selickeytt? ich
mayn/ der do nitt kin keysch seyn/ imb sey weger/ er hab/
eyn haußfrau/ und der důrch hurerey nit kan in himel ků-
men er greyff zur. ee〈.〉 Lieben baͤpst/ und bischoff/ hergrinden
uweri schlaͤffmerlin²⁴⁰ baß²⁴¹/ waß dises gliptz krafft sey oder
aeigenschafft/ so doch vill sprich syn in zweyundzwentzi-
gen underschaid/ der drieten und iiii. frag/²⁴² euwerß sant
grundigen gesatz die meyn sach und sentens befistigen.
Item imb bůch der zall/ am xxx. haupt/ gottes stimbt/
ettlich glipnisen zerschnydt/ Als so ein haußmutter ett-
was verheysset/ und ir huswurt selchs nit bestetiget/ oder.
bejatzt. und noch vil ding des gschlechtz/ die selben glipt
werden zur nichtz gemacht/ von wegen das eyn weyb der.
Ee irs eygens leyps gwalt nitt hat/ noch nit krafft hat/
vill anderer ding die sy mecht geloben.²⁴³ und mich nit ein
selchs gleych furmige^ff ursach solt von meynem glipt enbin-
den?^fg Do doch ewiger keyschheyt gab/ nit allen/ die es un-
derston/ geben wurt.

¶ Es auch ist Moyses will/ und meynung/ ein eidt oder
C1^r gelip nit z〈u〉 halten/ ayner sach/ ^fhdie in^fh andrem gewalt stat〈.〉²⁴⁴/
warumb den aides glaub/ von unzimlichen glipt schwe-
ren keyschheyt z〈u〉 halten herfurdert wurt? so doch niman
ist ders halten kan/ oder schon wolt/ got gebs im den. ein sach
so ver von unsern vermigen und fleyschlicher kranckayt?
Grosserr dorheytt in heiden gefunden nie wart/ alß dan ir
hoͤfflicher dichter spricht/ mastu nit daz du wilt/ so woͤlli das
du kanst volbringen. Itzund/ sich/ nit verwundern? wer
ist aber/ der do nit wil?²⁴⁵ Daß eyns manß glauben angeklagt/
zur heiligen Ee griffen/ wurt/ und selicher gewissen nitt
mit rechtz handel angnumen oder gzogen/ die durch alle
geschlecht der unreynikeyt ergrimmen und wietten? und wal-
geren drin umb/ wie beck schueyn²⁴⁶ in kot pfutzen oder mistlachen.

Imn bůchlin neuwer Ee/²⁴⁷ ist gebotten worden/ das gme-
yner metzen solt/ oder lon²⁴⁸ nit/ auffgopfert wurde got den
herren.²⁴⁹ Ja nach vil minder got Christus unser her unrei-
nige keyschheyt von unß will/ und doch bfor itzund ipiger
beflecten pristerer opfer.

¶ So nůn got der her ferwurflich acht/ und heyst gmeyn-
weyblicher dirn solt nit annemen in opfers weyß/²⁵⁰ wer zwy-
ffelt den kaynß pfaffens/ můnchs oder nůnes opfer for gotes
herren angesicht nit stinckent riech? die doch schwerer in
unkeischheit begraben seyn/ das kain hoffnung merr do
ist der bußwurtikeyt.

¶ Darumb ich also meynen falschen aidt enschuldig. Am
ersten/ ich bin mier selb nit wissen/ mit bdochtem freyhen
můt elicher werck verlopt/ keyschheyt z〈u〉 halten/ bvor/ mit
außgedruckten worten. Zům andern/ ob ischs gehon hetti/
nit gethon solt haben/ bken ich offenbor. Zům triten/ und
zůletst das es mir doch nit z〈u〉 haltien ist/ ob es gschehen weri/ die
weil ichs doch on sind nit laysten kan/ noch mir vermugli-
C1^vch ist. Von welcher sach wegen alle christenn hertz^fi er bey ir-
er sell heyl herman/ und her vorder/ uff jungst gericht/ do
sie urteyl und rechnung geben missen/ wen sie unß nit zů hilff
kumen/ als christen brueder/ itz bey standen/ und von selch-
em helschen verderben entleidigen/

Auße selchen obgsprochen worten ist klar und offenbar
Am ersten/ nit wider got sey oder seyne gsatz/ eine weib
gennomen. Dar noch/ wie es zimlich und gbrulich^fj
ist gewesen/ menschen gbot zu nichtz gmacht/ und zuruck
gschlagen/ in disem val auch nider gelegt. Hie bforab/ so es
derselben^fk gwissen berurt und begreyfft. Und zuletst/ mir ver-
geben^fl vorschlagen werdt meyn glipnis/ gschworn/ in wel-
cherley weges woͤl. ¶ Darumb^fm nichtz ist/ ab got wol/ dar-
durch meyn werck oder sach/ ferworffen und verdampt werden
und vor nichtz ghalten. Und also ichs mir auch vornam/
do mit meyn gschicht außlichte^fn keim/ wen gůte werck des
dagß scheyn herleyden/ aber der fünsternis werck nitt/ wen
sie hassen liechtes glanß. Doch ir bischoff auch/ wolt got/
recht die sach verstinden unnd maynung^fo meyner gewissen/ dar
zů mich nit mutwil oder boͤßheyt/ des glychen frevel brachte.
Sunder gemeyn allerley kranckheyt/ und leybs notwen-
dickeyt/ mer wen dieomedean/ gtriben hat/²⁵¹ waß aber selch
fleysch gverden seyhen/ auß keyschheyt glipnis enspringen ist
nit gschickt/ noch not itz z〈u〉 mal in tag zu sprayten. Welche
schaͤden wen doch die sie erwigten und hermesten/ die von unß re-
inikayt bgeren/ und mich umbs eweybs willen anklagen/ wer
nit ein wunder/ sie zwengen unß zu den/ das sie itzund verbieten/
ja wens Christi junger weren noch unserm exempel oder
ebenbild noch folgen unnd gantz bstetigen. Solt Christus in mey-
ner sach gegenwirtig urtail sprechen ich gar nit zwyffel/
meyn ewerck nit allein bstetiget sunder glopt wurdi/ wen se-
lick seyn/ die gott mer/ wen menschen hoͤren Unnd aber
allein angesehen/ von imb zů bestetigen/ ist selchs ange-
C2^rfangen/ und folent/ doch nit ichs selchs in diser schirmredt su
ch/ mich wider bischoffs gewalt in ainerlei maß zustercken/ oder
jochtz sezen mit disen meynen ußreden/ besunder mer lutber mech/
wie domit gotlicher/ christlicher ler/ und zimlicher ursach/
dar zu bracht/ und gezogen/ zum elichen stantz zu egriffen. So es doch
geburliche/ und also christen zimpt ires wandels/ und gschichten/
eyn versprechung zu herzalen. forwor ich wolt mit obgmelten
und herzalten/ anzeyten ußredung/ meynes wercks verantwurt
gnugsum were gton/ den bischoff/ wolt got meyner bloͤdick-
kayt/ ein mitliden und herbermnis hetten. Ach got von mir ni-
chtz frevels wider christlichs stat und zimlichhait verschaffen
wurdi. Wen waß sol mein in christo freyheyt von fremder gwi-
sen gurtailt werden?²⁵² Je doch/ wurt es in also segen/ besser sy
wider gottes gbot und heil/ wen irer gsatz gthon? Im namen des
herren/ denn gwalt und zornich nit entrinen mag. Ich main es
sye besser/ under^fp derrer zweyen aim in menschen zorn und gw〈a〉lt
gfallen dan in das oͤbersten herren zorn ewich ston. Wie dan su-
sanna auch sagt/ und deth^fq/ als sie von zweynn richter falsch
verclag/ und urteilt wardt.²⁵³ So ich doch weyß/ zů kinffti-
ges liecht denn scheinen wurt/ christus unser herr/ die der men-
schen sunder seine gbot gehalten han/ den der do sitz in der finsternis.
wie dan sein prophet Micheas mich troͤst〈.〉²⁵⁴ sie werden sehen ob
sie nit in christum unsern herren gstipft han/ und in sein unschuldi-
gen/ welchi er frogt/ also/ das dß minst und kleinst herlin im
nit fergeslich ist.²⁵⁵ ¶ Disem meyner schirm^fr red oder enschul-
digung/ erwirdigen gelerten/ alles gůtz hie ratschlagen ich ern-
stlich und fleyssig bit durch brüderliche lieb/ und einer frommen
ainfeltigen sach z〈u〉 hilff kumen/ bschitzen/ und schirchmen mich
alß ir von got/ in rechtem handel wolten bhut²⁵⁶ werden/ auch
forgwalt mir seyhent/ domit das nit von euch gsehen můg
d〈a〉ß weyssagenden propheten spruch/ so er rufft. Der first ge-
beitr/ und in ursach gaͤbung und anwurt/ ist er selber richter〈.〉²⁵⁷

C2^v Diß buchlein verteuscht/ drey ursachen thon/ ain gfer
lichs leben pristerlichs stambs. die ander/ der laien unwis-
senheyt/ zů dem dritten beyder straff/ die in/ so sie underr
inen nitt werden zu hilff kumen/ von got/ hie und dort E-
wick berait ist/ darumb keyn Crist nit ist/ er schuldig wurt
gott seynem herren so er in selchen schaͤden der selen/ irem
nechsten bruder nit zu hilff komen/ ja so fer es in (alß es auch
ist) doch muglich were besunder^fs ire kinde/ vor selchem fal/
und auch nit klain/ warnenten und behienen/ wen wer
itz noch bepstliche gsatz ein geistlich perschon macht/ der
stifft ain nacht bůler/ ain taͤglichen wucherer/ und ein ewi-
gen verdampten/ das zubewerrn ist nit not/ es ist durch
ire werck offenbar (als Christus sagt) ir werden sie auuß
iren fruchten erkennen.²⁵⁸ Darumb landt²⁵⁹ unß al got bitten
das dise sachen gwent werden/ ist/ das groͤst werck/ Ch-
ristliches glaubenß/ der gotlichen lieb. Amen.

C3^r

Ayn ander schirm redt zů hertzog Friderich von Saxen.

Durchleygster.²⁶⁰ furst und gnedigster herr/ daz der wol-
gebornster Erwirdigster her Cardinal leygnet/ oder
abschlecht meyn verantwurt genůgsum zů seyn in disem
val/ und meyn sach oder handel noch anklagt an stat ey-
nes misbruchs/ oder unrechtens/ mag ich doch nit anderst/
den wie sie gegeben ist/ antwurten seyt mal vorwor mey-
ner anclag oder entschuldigung anzeygungen nit auß gelest
oder zu nich gmacht seyn/ bsunder alß gůt und grecht in
irem grůnt/ unuberwunden〈.〉/ zum aller ersten so vil als dan
zu dem falschen angclagten aidt gehoͤrt/ mirselbs nit wiss-
en bin anderst gschworen/ wen zu halten der alvetter reglen/
welchi form gmeyner aides/ was sie uff ir trag auch den
gmeynen eysen schmiden oder zimerleyten nit unverborgen
ist. weiter/ ob ich schon amb alerhoͤchsten keyschheyt globt
hetti/ verbenden doch mich nit selch glipt/ die do on sund
nit můgen gleystei werden. Als ichs dan aus kings da-
vidis aͤbenbilds werck beweret hon/²⁶¹ des gelichen der pro-
pheten Exempel unß leren/ welchi der kunig Juda buntt-
nussen/ mit fremden unrechten kunigen/ alß offtt keysch-
heit verpflicht dammen.²⁶² Noch auch keynß menschen gsatz-
on²⁶³ sind ni〈e〉 ghalten/ in kainerlei maß bind/ zeigt an Chri-
stus unser her/ Mathei amb. xv. gottes gebot/ ir juden zů
nicht gmacht/ ubertraten von euer gsatz wegen/²⁶⁴ und auch diese
ding ich vormals also mit sicheren/ also mit furglegten wor-
hafftigen gschrifften bewert/ d〈a〉ß ich hoff niemant so on schan-
hafft weri/ der in widersprechen moͤchti/ wen meyner gwi-
ssen die also gnůg thon/ das ich nit zweyvel zesterben vor
sie. Wen von mir weit seye/ dise schnoͤde unchristlich zů ge-
messen boͤsheyt/ mich zu misbruchen goͤttlicher leer zu ai-
C3^vler vorgeweben erher dichtung meynes wercks. Und so
ich also verstand und meyne gwissen in secher weiyß bfist-
tiget/ was were dan zu letst vor ein verstopfti oder herti/
lieber under druckt gedoͤt/ den recht unnder wissen? Das
ich aber werdi angeclagt/ ich allein umderstand von kay-
sern und boͤpsten gmacht gsatz do nider zu drucken. Wer
sicht nitt/ sel〈b〉s mir unvermiglich/ noch well/ noch muoge/
Wen ich nit darumb^ft das gsatz hinnem. Haltz der do wel/
oder vermuglich ist/ bsunder ich in menschlichem gdicht
durch getlichs gbot dispensier/ und ablaß/ und selchs als
ich sol. Wan ich mer meynes lebens heyl schuldig bin wen
allen dingin/ von menschen herdicht/ imb der apostlen ir-
er gschicht bichlin amb. v.²⁶⁵ Darumb wissent/ zu verlassen/
ich menschliche gsatz verließ do mit ich getliche hult/ die
mich zwinget auß notwendickeyt meyner seel heyl urde-
sche gebung/ getliche²⁶⁶ z〈u〉 halten/ wie wol ich doch auch weys
und her ken/ leypliche gbot alsß gnedig/ das sie nit noͤtigen/
was wider gottes ordenung unnd christlichs heyl ist/ zu
thon oder zu volbringen.^fu

C4^r ¶ Dar zů ist nichtz/ in welchem sie mugenn meyn erger
nis versehenn/ oder ancklagen/ wen kein der schandt ur-
chsach zu haben ist/ do die sindt unnd boͤßheytt/ gezwun-
gen und ausgedilcht wurti〈.〉 cho. amb .x. waß wurt dann
meyn in christo dem herren freyheyt gerichtet?²⁶⁷ Christus
unser herre. Mathei am. xv. verachtet laster/ in dem als
imb seyne junger selchs vorhielten unn〈d〉 sprachen. Sie herr
die gleyssener seynd geschendt in deyner red. Antwurter
lon sie varen/ sie seyn blindt und blinden virer/ aber ein bl-
ind/ so er ein andern blinden glayt ist es nitt? sie beytsam
in ein gruben valen?²⁶⁸ Also Christus ergernis verschma-
cht/ do mir das er die do imb ergernis uff hůben und ver-
wissen/ mitt sampt seynen lieben jungern/ blinden und bl-
indefurer schalti. und des glichen die auch blinden furer
und blind waren/ welchi den pristern keyschheyt gboten/
und elichen statt nit zů liessen. Wen sie als paulus schreyp
cho. iiii uff ir boͤsen geyscht^fv/ ir sal mercken und den thůf-
flen mer ghorsam/ wan got/ gevolget.²⁶⁹ Auß dem enspringt/
Noch Christi unsers heylans wortten. Daß die auch dol
důmb unnd blindt seyn/ die do mitt irer seel schaͤden und
verdamnis pristerlicher irrscher verderlicher gsatz halter
bleiben. Ich lasses seyn/ sin syhen nun wer sie wollen/ boͤpst/
oder kaysser/ außelichem statt keyschheit wurcker/ setz-
er unnd merer/ nitt munder^fw ist es clar offenbar und leyt
amb tag/ das paulus der apostel/ alß er sie imb heyligenn
geyst zů kinfftiger kandt/ lůgenhafftige geyst schalti/ die
do hochzeyten verboͤtten.²⁷⁰ Ich wil nit wider^fx reden wirdi/
den gewalt/ noch enzihen/ noch beger auch nit im etwas
abgeschnitten werdi. Aber doch haysset der haellig apo-
stel paulus zů den Roͤmern/ und gebeyt^fy/ das niemant den
andern in dingen^fz gettlicher freyheyt richten oder urtayll
unnd schetzt/ selche sachenn/ allein gott zů hoͤren/ des do
C4^v menschlicher hertzer richter allein in disem val ist.²⁷¹ Es sollen
auch unseri bischoff sich hyetten und warnemen/ das sy
den apostel Paulo seynem wart nit in ein frembe freyheyt
drucken/ sunder herkenen es zů christen leytten in gmein
gredt habi/ und zu einem bschluß/ bitt ich zůletst/ aller du-
rch leychtigster furst^ga und her/ ich bit durch Jesum christum
meynem herloͤser/ ir woͤllen euch auch uber mine mensch-
liche bledigkeyt herbarmen/ und in meynem leyps nöt wen-
dickeyt verwilligt/ und mir verleihen/ schirm geben/ das
ich nit weytter wider grechtigkeyt leyde/ dan ich mich ge-
gen meynem oberern herbotten han/ wie wol/ wird es me-
ynem troͤster Christo anderst gesehenn (wie er) ich auch
umb der worheyt willen leyden unnd sterben/ ist doch der
knecht nichs besser dan der herr/ wil ich bereyt seyn/ gern im
noch zů volgen. Nitt mer wen got der her/ behaltt in hůt
euwir hoͤhe unnd wurdi.

Zů nůtz und furganck gottlicher leer unnd
worheyt^gb heyliges Evangeliß. Der
Wittenberger in saxen land
^gcImb M D XXI jar^gc

Beilage 3 – Beschützrede für Bernhardi, Vorlage G

A1^r

Schutzrede von Magister Bar-
tholomeo Probst zu kem-
merig der ein eehweib
so er priester ist ge-
nummen hat.

A1^v

D. Johannes Langius zu Erf-
furt/ entbeut dem Erbarn
der Heyd/ seym besundern freund/
gnad und frid.

Es ist nit moglich das mir
nit wolgefallen solt dein erbar gemuͤet/ das
du tregist zur redlickeyt unnd rechter geyst-
ligkeyt/ mein Christophore/ ich will itz und geschweygenn
deine hultseligkeyt und erbieten/ so du hast gegen mir er-
zeygt. Ich hab erkant/ mein man betrieg mich dan/ was
du im gemuet betrachst wie du einen stand und wesen an-
fangen wilst. Es ist aber dir erstlich vonn noͤten/ das du
dich wol bedenckest/ wie du nit irgent unvorsehens in einen
pfaffen odder moͤnchs standt fallest/ wie es nuh gebrau-
ch so doch solch dorfftigkeyt moͤge gebrauch genenth
werden. Wie wolt ich aber solches nit doͤrfftigkeyt nen-
nen/ so man in der jugent/ in solchenn hitzigen boͤsen zu-
neygungen/ priester/ ader geystlich lest werden/ auch von den
Bischoffen dar zu salben und schmiren? Ist es aber also
ein kleins ding in keuscheyt zulebenn/ das mann darinne
gantz nit acht neme/ des alter/ auch nit menschlicher
schwacheyt/ sondern ane unterschid die leut also vorbin-
det? Das rede ich aber in sunderheyt des halben/ so unser
heylmacher von solchem stand alleine gesagt hat/ wer es
begreyffen mag/ der begreyff es.²⁷² Warumb aber zwingt
man zu unser zeyt die priester ane die eeh zu leben/ so man
doch zulest/ villeicht von des fleysch schwachheit wegen/
das man etlich von yn/ etwan in unzucht/ etwan im eeh-
bruch findet und ergryfft/ auff das ich nit etwas schwe-
rers anzeyge? Wie kummet es aber/ das nit bequemer solt
A2^r seyn/ das sie eehweyber/ nach dem gesetz und erbarkeyt/
moͤchten nehmen? Vonn dieser und solcher sach/ hab ich
wollen zu dir schicken/ die schutzrede eines gelerten mans/
in welcher der Probst zu Kemmerig das eehlich lebenn/
das er/ so er priester/ angefangen/ vorantwurt/ also auch
das er dasselb sein eeh weyb/ keinerley weyse von sich trey-
ben will lassen. Es ist auch nymant/ der nit erfarn habe
die gebiet und trauen²⁷³ der jegerischen²⁷⁴ Officialen/ das sie
nach gern/ wie etwan/ durch die selbigen/ treiben/ noͤtigen/
umbringen wollten/ so sie moͤchten. Sich²⁷⁵ aber du zu/ mein
/ auß was gewissen/ auß waserley geschrifft
die priester ittzund nit moͤgenn eeh weyber habenn/ so yr
doch vil loß weyber/ buͤesin/ eebrecherin bey sich haltenn
moͤgen. Wie gath aber das zu/ das man die fleyschlichen/
ich solt geystlichen recht sagen/ die vonn den unkeuschen
pfaffen geben seyn/ hie also ganz im brauch nicht halten
wil/ so doch die andern unnd vil/ zum geytz forderlich/
und zu andern freyheiten und außzuegen gehalten werden.
Villeicht ist es war/ wie das gemein volgk sagt/
das wir gerne handeln/ unnd einblauen die
dinge/ die unserm nutz unnd genieß zu-
treglich seint/ Got bevolenn. Geben
zu Erffurdt an sant Lucie tag
des Jars M. D.
XXI.²⁷⁶

A2^v

Schutzrede von Magister Bar-
holomeo Bernhardo Probst zu Kemmering in
Sachssen/ des halben das er ein eeweyb/ ßo er
priester ist/ genummen. Zu Erffordt
vorteutzscht.

Erwirdigen hern Docto-
res/ so ich vor euch gebracht binn/ das ich
ursach sagen sol/ meins vornemens/ will ich
mit kurzen worten hiemit anzeygen/ was in solcher sach
mein gewissen davon helt. Und ich bit euch chri-
stliche liebe/ das es euch nicht wolt vordrißlich sein/ alßo
fleyssig zuhoͤren/ unnd zuerkennen diese sach/ wie ich sie
auch ganz einfaltig unnd warhafftig darlegen will.

Erstlich so wil ich/ und sol auch nit vorneinen das ich
eine junckfrau zur eeh genommen hab. Dan wie ich das
vorneinen wurde/ so geb ich meiner kirchen groß ergerniß
dy biß her vor gewiß gehabt/ das ich ein eehlich leben mit
meim weyb besessen hab/ und wurde durch meine freunt-
liche entschuldigung geergert/ so ich meinem standt und
leben ein buben leben nennet. Es sol ein bischoff oder prie-
ster ane laster sein/ als sant Paulus offt sagt.²⁷⁷ Wie sol ich
Timo. 1.bekennen das ich in eim laster liege/ so ich einer kirchenn-
1. Timo. 3.pfleger byn? furdert/ und wil ein solches leben
haben beyn Christen/ das es auch den Heyden nit erger-
nis gebe.²⁷⁸ Ich aber wurde freilich meinen bruͤder ergernis
geben/ so ich bekennen solt/ mein standt were ein buben leben〈.〉
hierumb beken ich das ich ein eehweyb genummen habe/
unnd das mein standt ist ein eehlich leben/ unnd wil das
auch also bekennen als lange mir Christus den selben geyst
gebenn wirt. Das ich aber ein eehweyb genummen habe/
dar zu haben mein gewissen getrieben dise ursache/ die bil-
lich alle frome herzen bewegen sollen/ wie vil auch dawid-
A3^rder sein/ eingebruchend meinung/ gewonheyt/ gewalt der
Bischoff/ und also langer zeyt vorwilligung. Es gehoͤrt
aber eim Christenlichem gemuͤet zu/ das es mher acht ne-
me/ was unser herr Christus fordert/ dan was die men-
schen fordern. Also sagt der heylig Paulus. Wan ich den
Gala. 1.menschenn nah wolgefiel/ so were ich nit ein dyener des
hern Christi.²⁷⁹ und im Evangelio Matthei sagt der herr.
Math. 8.Erlaß das die toten ire toten begraben.²⁸⁰ Das aber meyn
vornemen nit allein gotlossig/ und frembd geheyssen wirt/
als wieder²⁸¹ die gelobte des eides und des gehorsams/ sundern
auch daruber frevelich/ wie nit moge irgent die vormessen-
heyt entschuldigt werde/ so ich gleich die gotlossigkeit und
den eyd entschuldigen wurde. Ach wolt got/ das die moͤ-
chten sehen die ursach meins vornemens/ mit geystlichen
augen/ die mir also die vormessenheyt zurechen. Seht aber
dyß sein die ursach meins vornemens.

1.Das gesetz/ ader das Evangelium haben nirgent die eeh
vorboten/ auch hat Christus der priesterschafft/ oder yr-
gent eim stande der leyen die eeh ny vorbotten. Dann also
Matth. 19.sthet bey dem Mattheo geschriebenn/ alle menschenn be-
greyffen das wort/ und die rede nit. Unnd abereinst/ wer
es begreyffen mag/ der begreyff es.²⁸² An welchem orth ge-
beut unser herr Christus nit das Keusch leben/ und ane die
eeh zu bleyben/ sondern hat auch daselbst angezeygt das
sich nymant enthalten mag/ dan alleint die/ den es vor-
liehen ist. Es solten billich auß diesen worten abgeschreckt
sein/ vonn solchem stand außerhalb der eeh/ die sich also
ane unterscheidt in ein solch leben wenden wolten/ so unser
her Christus anzeygt/ das es nit yderman vorliehen sey/
in ewiger keuscheyt zu leben/ sondern ganz wenigen.

2.Der heylig Paulus als ein außleger der wordt des hernn
Christi/ leret das selb mit vilen worten unnd uberflusig/
1. Cor. 7.an dem orth der bekant/ dan er sagt. Ein itzlicher hat eine
besunder gabe unnd gnade auß got/ einer auff ein solche
1. Cor. 7.weyse/ ein ander auff eine andere.²⁸³ Und abereinst/ wan du
A3^v ein weyb nymst/ so hastu nit ubel than.²⁸⁴ Und aberein mal
darnach als ein sorgfeltiger/ das er nit moͤgt angesehenn
werden/ als wolt er sie weysen ader noͤtigen zur keuscheit
spricht er da selbst. Meine ganze rede und vormanung/
ist geschrieben und gericht zu euerm nutz/ nit das ich wolt
euch beschwerung auff legen und strick anwerffen/²⁸⁵ das
ist also vilgesagt. Ich wil euch nit gefangenn machen/
das yr euch zu diesem ader zum andern standt pflichten
solt. An welchem ort der heilig Paulus sich besorgt hat/
das er nit stricke und beschwerung auff legte. Wie sollen
wir der Bischoffe gesetze unnd lere nennen/ die sie geben
haben/ vom stand der priester ane die eeh? wie moͤgen wir
sie anders heysen dann stricke unud schleifen/ nach dem
brauch und weyse des heyligen Pauli?

3.Nuh in diesen worten desselben Pauli da er sagt. Es ist
besser sich in ein eehlich leben zu stellen/ dann gebrant und
1. Cor. 7geengst von der unkeuscheyt werden/²⁸⁶ fordert er das man
zur eeh greyff/ nemlich die sich befinden geengst werden/
und entpfinden die hitz und muthreich des fleyschs. Dan
das nent er hie brant leyden/ in der gluet liegen. Es seint
aber zweyerley geschlecht der keuscheyt/ das eine/ da man
keuscheyt vorgibt/ und doch die flammen des fleysches
nach da seint/ das ander/ das von gotgegeben ist/ unnd
hat nit solch gewonliche flammen. Was ist es aber noet
das wir dasselb mit auffentlichern worten vorkleren wol-
ten? Denn ersten ist das eehlich leben geboten/ die andern
Matth. 19.seint/ von welchem Christus der herr gesagt hat/ alle men-
schen begreyffen das nit/ sondern die alleine/ den es geben
ist/²⁸⁷ ach wolt got das diß besunnen hetten/ die solche un-
lustige gotlosige gesetze auffgelegt haben/ von keuscheyt
zu halten den priestern und andern geystlichen. die auch
gereytzet unnd gelocket haben vil zur priesterschafft/ zun
kloͤstern beides geschlechts/ unnd dasselb in der jugent.

.4.A4^r Wir wollen aber nit zulassen/ das Christus und Paulus
diese worth alleine zu den leyhen gesagt habe/ sondern sie
seint auch zun priestern gericht/ wie das gnugsam anzey-
gen die orth in der ersten Episteln zum Timotheo/ unnd
1. Timo. 3.in der/ die zum Tito geschrieben/ da Paulus auch wil das
ein Bischoff ader priester sol nurt eins weybs man sein/
ader redlickeitund das er kynder hab die ym gehorsam sein in aller keu-
scheyt/ und wie darnach stech.²⁸⁸ Auß welchen worten auf-
fenbar ist und augenscheinlich/ das die eeh nymant vor-
boten sey auß goͤtlichem recht.

Mit historien bewerters²⁸⁹Also mag man auch das beweysen/ auß Historien unnd
glaubwirdigen geschichten/ wie unter vilen Christen in
der Christlichen kirchen gewesen sein/ die priester gewesen
1.auch weyber gehabt haben. Wer weyß nit von dem
Philippo/ vonn welchem man in der Aposteln geschicht
Act. 3.lyest/ den die schriefft einen Evangelisten nennet/ das wir
ihe wusten/ das er ein priester gewesen were?²⁹⁰
2.Auch schreybt Eusebius zu Cesarien ein Bischoff/ vil von
der haußfrauen sant Peters.²⁹¹ Es ist ihe die historien
3.vom Bischoff Spirdion allenthalben bekanth/ der ein
bischof zu Cypern/ mein wan trieg mich dan/ gewesen ist.²⁹²
4.Der heylig Hilarius hat auch ein weyb gehabt/²⁹³ der nit
viel unter den Bischoffen/ der Orientalischen kirchenn/
5.seines gleychen gehabt hat. Daruber ist der brauch
nach bißhyer in der Krichischen kirchen/ das sie eehwey-
ber nemen. Auch hat das unselig deutschlandt/ diese
6.grosse burde langsam/ unwillig/ unud gezwungen ange-
nummen/ wie nach anzeygen die alten geschicht buͤcher
der kirchen zu Coͤln/ unnd zu Costenitz.²⁹⁴ Die geschrifft
aber/ die wir angezogen/ wil nicht alleine das yederman
symlich sey zur eeh zugreyffen/ sondern sie gebeut es auch
denn die da fuelen die hitz/ unnd das feuer des fleysches.
A4^v Und bißhyer haben wir auß dem gotlichen recht anzeigt/
nu wollen wir von menschen lere und gebot reden. Jha du
mogst sagen. Der heyligen veter lere aber die weyset anderst/
und vorbeut die eeh den priestern. Ich sage aber. Sie moͤ-
gen zusehen wie sie ursach und rechenschafft geben wol-
len vor got/ uber solches gesetz/ so sie ein solche grosse bur-
de den leuthen auffgelegt haben/ die man priestere unnd
geystliche thut nennen. Ich vorwar schau mich nichts
das ich sie unter die falschen lerer/ und lugenhafftige Pro-
pheten zell/ alle auch were sie sein/ die solches gesetze auff
gericht haben. Daruber sag ich forder das man nit ge-
horsam sein sol/ den menschlichen geboten/ so irgent durch
die selbigen eins menschen gewissen in ferligkeyt also fal-
len moͤge. Also ist in den geschichten der aposteln geschuben.
Act. 5.Man sol got mher gehorsamsein/ dan den menschen/²⁹⁵ und
1. Cor. 7.Paulus schreibt zun Corinthern. Ir seyt mit eim grossen
gut unnd kauffgelt erkaufft wurden/ yr solt nit werdenn
1. Cor. 3knecht der menschen.²⁹⁶ Unnd abereinmal/ alle dinge seint
euer/ es sey Paulus/ ader Apollos/ ader Cephas.²⁹⁷ Des
Colos. 2.gleichen spricht er zu den Colossen: So yr seyt mit Chri-
sto gestorben/ warumb werdet yr dan umbgetrieben mit
menschen gesetzen/ wie yr nach thet?²⁹⁸ das weyset und be-
weret die geschriefft nuh/ nit alleint ann diesen genanten
orthen/ sondern auch an vil andern/ wie es in unnser ge-
walt sey/ in menschen leren unnd geboten zu dispensiren
ader zuerleuben/ als offt als wir der halben in ferligkeyt
sein. Ich aber was auch in ferligkeyt, was solt ich aber
thun: Solt ich lieber than haben widder das goͤtlich ge-
setz/ welches ein buben leben vorbeut/ dan widder Bebst-
liches gesetz/ welches hat die eeh den priesternn uberal ver-
boten unnd hyngelegt? wer wolt hie also ein herter un-
freuntlicher Bischoff sein/ der sein gesetz also gehaltenn
wolt dach seins bruders sele verterbenn lassenn/ umb ein
nerrisch annemen und haltung der menschen? Wen eins
B1^r bruders leichnam in ferligkeit wer/ vonn dem vasten am
karh freytag/ ist ym nit also/ man solt ym gebieten auch
das er eße? wie vil besser aber ist die sele dan der leib? Ist es
aber nit hoͤnlich/ so Christus sein eigen leben hat dargeben
vor seine schaff/ das ein Bischoff nit weichen wil/ vonn
1. Cor. 9.seiner freuenlicher beschwerung? Der heylig Paulus ist
eim yderman zu wiln worden/ in allerley weyse/ er ist den
die ane gesetz gewesen/ wurden als einer der kein gesetz hette/
den aber/ die unter dem gesetz warenn/ ist er wurdenn als
einer der das gesetz halten muste.²⁹⁹ Dise aber wollen uns in
yrer gerechtigkeit regiren/ und die herd der schaff wollen
sie ganz bringen in yre eigene lere und auffsetzunge. Da-
rumb ist es weit von yn/ das sie gedencken sollen/ wie sie
sich gleich nach haltenn moͤchtenn dem hauffen der da
schwach ist. Hyrumb ist auch hie zubedencken/ was der
heylig Paulus zum Timotheo schreibt in der ersten episteln/
wie zukunfftig sey/ das lugenhafftige geyste sein werden/
die das eehlich leben vorbieten.³⁰⁰ Auch hat der Prophet
Daniel zuvor gesagt vom Antechrist/ wie er die weyber/
und eehlichen vorachten und verweisen werde.³⁰¹ Dan also
lauten des selben propheten wort. Solche geschriefft und
spruͤch/ mein hern Doctores/ haben meinen geist bewegt/
das ich glauben habe/ der heylig geyst hab in der heyligen
schrifft uns der halben vormant/ das sich frome herzen
zuhueten wusten/ vor den gesetzen die den eelichenn stand
vorbieten/ und das sie wuͤsten die selben auß dem teifel auß
gegangen/ und nit sich furchten solten wider die selben zu
thun/ und die zurreyffen. Ich wolt das die Roͤmischen
Bischoffe sich selb ansehen in dem spruch sancti Pauli/
so sie mit solcher hertigkeyt furdern von der priesterschafft
ein leben ane die eeh/ unnd doͤrffen sagen das kein eehlich
leben sey/ was widder yre Canones und gesetz angefan-
gen wirt. Ich sih und merck/ so ich die Historien ader
geschicht zu hertz neme/ das heilige menner widderstrebt
haben/ der enthaltung von der eeh/ nemlich in dem Concilio
B1^v zu Nicea. Es waren da/ die woltenn das die priester ane
das eehlich leben sein solten/ und diacon und auch subdi-
con des gleichen. Es kam aber darzwischen/ und legt vor
der marterer Paphuntius/ wie es nit leidlich/ unnd man
hat ym gefolgt/ in der ganzen vorsamlung der bischoffe/
und es ist dem selben stande nachgelassen die vorige frey-
heyt.³⁰² Daruber ist auch ein gesetz geben/ im sechsten con-
cilio/ das zu Constantinopoli vorsamler gewesen/ in wel-
chem vorordent ist/ das sich nymant solt keuscheyt/ ader
ane die eeh zu leben vorpflichten.³⁰³ Und das man die solt in ban
thun/ die yre eehweyber von sich wurffen umb yres stan-
des und weih willen. Es wirt des selben gesetzes gedacht
im buch das man das geystliche recht nennet in Dist. 31.
Dist. 31cap. Porro.³⁰⁴ So nuh der alten concilien auffsetzung also
vil angesehen sein/ so nuh die ordenung der alten concilien vor-
gezogen werden denn neuen concilien/³⁰⁵ warumb leyden wir
dan/ das yre auffsetzung vorfallen und zu nicht werden〈?〉
Nemlichen so wir sehen das die selben alten neher sein dem
Evangelio/ den die neuen/ die den eehlichenn standt den
priestern vorboten habenn. Bishyer hab ich anzeygt/
wie ich nit hab sollen gehorsam seyn/ mit ferligkeyt meiner
seel/ den Bebstlichen gesetzen. Dan das ist gewiß/ das man
keines menschen geboten soll gehorsam sein/ wan das ge-
wissen dar von yn geferr gesetzt wirt. Das ist auch eben
1. Cor. 7.das heyligen Pauli meinung/ an dem orth/ da er verbeut/
das wir nit sollen der menschen knecht werden.³⁰⁶

Nuh ist von noͤten das wir uns des eyds entschuldigen.
Es ist mir aber nit bewust/ das ich anderst geschwornn
hab/ dan mit solchen worten/ das ich thun wolt die dinge
die geboten sein auß auffsetzung der veter. Ich byn aber
zu Brandeburg zum subdiacon geweiht/ und zu Halber-
stat zum diacon/ zu Kuer aber zum priester.³⁰⁷ Nuh geb ich
es euch heym zu richtenn/ was krafft habe ein solche ge-
B2^rmein/ und gewonlichs iurament ader eyd. Wan aber mein
eydig macht/ alle ubertretung/ damit mann widder die
Canones thuet/ so werden die priester so offt meineydig
als offt sie nit vasten/ dan es ist widder die Canones/ als
als offt sie nit die tagetzeyt murmeln unnd plappern/ wie die
Canones gebieten. Auch als offt so sie sich anderst kley-
den dan die canones weysen/ auff das kuͤrtzst/ es werden
nirgent mher falscher eyde sein/ dan bey den/ die die eyde
mit umbarmhertzigkeyt vonn unns zufordern pflegenn.
Ich muß auch hie nit vorgessenn/ das die Canones also
zuvorstehenn seyn/ das nyemant soll widder das goͤtlich
gesetz vorpflicht werden. Das sie auch nichts sollen vor-
nemen/ dann was seyn moͤge/ ane ferligkeyt der gewissen/
unnd mit allem gelimpff. So dem nuh also ist/ als offt
man eyd thut/ die Canones zuhalten/ so gelobt man den-
nest nichst widder das goͤtlich recht. Von der eydes pfli-
cht wirt außgenummen allerzeyt der vall in noͤten/ wel-
che nodt dispensiret unnd erleubt uber menschen lere.³⁰⁸

GersonVon dieser sach redt und handelt uberflussig Johannes-
Gerson/ im buch vom geystlichen lebenn.³⁰⁹ Was ist aber
das/ wan der eyd ein solch wortlein in sich hat/ das einer
thun und leben wil/ als die Canones aber gesetz gebiten/
als vil menschlicher gebrech unnd schwacheyt zulassen
wirt? Dann das selb wortern pflegt man in vil kirchenn
darzu setzen. Auff die weyse aber schwert man nit mer/
dan das einer in keuscheyt und ane die eehr leben wil/ also
lang als des fleysches schwacheyt wil zulassen. Was ist
2. Cor. 3.aber schwecher unnd krencker dann das fleysch? Dann
wir vormuͤgen auß unns selbst auch nichts guͤts geden-
cken/ wie das der heylig Paulus in der andern Episteln
zunn Corinthernn bezeuget.³¹⁰ Wann aber einn mensch
gleych hoch gelobt unnd geschwornn hette/ mit ey-
gentlichenn worthenn wol bedacht/ inn keuscheyt ane
die eehe zulebenn/ unnd es were da ferligkeyth der seel/
B2^v die den menschen noͤtigt/ so mag man das geloͤbde wol
zureyssen/ und nemlich so mans ane sunde nit halten und
volbringen mag. Dan solchs unnd des gleichen vorbeut
got erstlich/ das man es nit geloben sol/ wie der prophet
Jere. 4.Jeremias beweyst. Dan am selben ort gebeut er/ man sol
schweren und geloben in warheyt/ in gericht/ in gerechtig-
keyt.³¹¹ Das ist/ so mans recht außlegt/ er vorbeut das man
nit lige/ und das man nit unnutze/ und boͤse dinge/ die nit
wirdig sein das mans sie halte/ geloben ader schweren sol.
Wann ich aber mich schon mit eim eyde gepflicht habe
ane die eeh in keuscheyt zu leben/ und vormag es darnach
nit zuhalten/ zu was und wie zu grossen sunden und lastern
hab ich mich selbst vorpflicht unnd vorbunden? Es ist
ein mal vorsehen/ ich habe geirrt/ mit meim nerrischen ge-
loben/ wollen mich die Bischoffe nuh zwingen das ich
furder mher irren/ das ich niher sundigen sol? zimpt es sich
aber gar nit/ das man die geloͤbde wiederriffe/ die von uns
gelobt sein wurden/ da wir nit gnugsam vorsichtig waren?
so sie dach itzundt ane greuliche sunde nit moͤgen erhalten
werden. Der bischoffe ader Bepste recht dispensiret und
erleubt offt uber die regeln/ und das man nit vorpflicht
sey ins kloster zugehen/ uns uber die eide und geloͤbnis eins
unmuͤndigen/ des halben das ein solch alter/ nach nit vor-
standen habe/ die beschwerung und burd der keuscheit ane
die eeh zuleben/ und sich dennest vorpflicht.³¹² Hie lobe ich
den urteyl und meinung der Bischoffe/ das sie ein solchs
alter loßmachen vonn den geloͤbten/ in dem aber lobe ich
sie nit/ das sie das selb alter allein loßmachen. dan es mag
sich wol begeben/ das auch ein betagkt man/ sich selber
nit gnugsam kenne/ was er vormag zu haltenn. So sich
aber begibt gleych eyne ursach zu dispensiren/ ader zuer-
leuben uber das gebloͤbte eins jungen unnd eins alten/ wie
kumpt es nuh/ das mann nit uber sie auch gleych urteyl
gibt? Wir vinden in der heyligen geschriefft/ das etlich
heyligen die eyde und geloͤbte nit gehalten und zurissen haben.
B3^r David hatte offentlich gelobt und geschworn/ er wolt den
1. Ko. 25.Nabal totschlagen/ es ist aber Abigail ym engegen ge-
lauffen/ und hat den vorsatz und willen Davids gewan-
delt. Am selben orthe sagt David gote grossen danck/ das
er yn hatte von dem totdschlag erhalten unnd abzogen.
umb nichs andern willen/ dan das er seinen irsal erkente/
als er sprach/ es lebet got/ der mich vorwaret hat/ das ich
das bose nit gethan habe gegen dir.³¹³ Also auch ich/ die weil
ich befinde das ich mein geloͤbde/ nit mag ane sunde hal-
ten/ solt ich nit mein vornemen/ und meine geloͤbde wan-
deln? Seht anh euer Canones/ euere geystliche rechte/
was krafft haben solche eyde/ solche geloͤbde. Dan yr wer-
22. q. 3.det vil finden in 22. q. 3. das meine sach und vornemen
bestetiget.³¹⁴ Im buch numeri/ das man der zal nennet/ fin-
den wir das die goͤtliche stym etlich geloͤbde auff geloͤset
Nu: 30hat. Als wan ein haußfrau etwas gelobdt/ und yr hauß-
wirt vorziahet das geloͤbde nit/ und dergleichen vil mher/
so werden solche geloͤbde zurieffen und zu nicht gemacht
Dan ein weib hat nit gewalt yres leybes/ nach irgent der
guͤter/ wan sie gleich etwas da von geloben wurde.³¹⁵ Gleich
also habe ich auch ein sach/ die mich vonn meim geloͤbde
erloͤsen mag/ dan es ist nit in menschlicher gewaldt^gd/ das
einer hab die gnade sich stetigk in keuscheyt zuenthalten.
So nuh Moses solch eyd und geloͤbnis/ die gescheen sein
uber die dinge die in eins andern gewalt gewesen/ auffloͤ-
set und zu nicht macht/³¹⁶ warumb aber sol man glauben/ und
volbringung des eydes fordern/ von eym der unbedacht
keuscheit gelobt hat/ so dach solch keuscheit ganz frembd
ist von der menschlichen natur und vormoͤgen/ also auch
das es nit wol moͤglich sey/ das sie ein mensch volbringen
moͤge? wer wolt sich aber hie nit vorwundern/ das sie einen
anklagen duͤrffen/ der ein eehweyb genommen hat/ so dach
die unbeklagt bleiben/ die in mancherley sunden und laster
der unkeuscheyt wuͤtend und unsinnig sein? mit grossem
ergerniß viler Junckfrauenn/ frauenn/ unnd knabenn?
Deut. 23.B3^v Im andern gesetz ist geboten/ das mann nit opffern sol
gelt/ das mit unkeuscheyt erworben ist/³¹⁷ wie vil mher aber
wil got das man ym nit opffern und geben sol/ ein unrein
leben und standt/ so man ane die eeh furet? Wer zweyfelt
aber daran/ das es ein greuel sein vor got/ ein solch unge-
schickt leben ane die eeh? Darumb wil ich mich also ent-
schuldigen das ich nit meyneidig sey. Zum ersten/ das es
mir nit bewust ist gewesen/ das ich geschworen solt haben
mit vorsatz und vorgenummen worten. Zum andern. Ich
hab nit sollen schweren. Zum dritten/ so ich gleych hert
geschworn hette/ so sol ichs nit halten/ das ich ane sunde
nit vermag. In dieser meyner sache/ ruff ich an fromer
Christen menschen unterweysung und urteyl. Hyr-
auß ist gnugsam offenbar/ das nichts durch mich/ in dem
vall/ wider das goͤtlich gesetz gehandelt sey/ und darnach/
das ich sey schuldig gewesen/ menschen lere zurbrechen/ in
einer solchen ferligkeyt meins gewissen. Zum letzten/ man
wirfft mir das geloͤbnis umb sunst fur/ es sey auch zu-
gangen/ wie es wolt mit dem eyde. Hyrumb haben es
die keynen gefug/ die mein vornemenn/ als gotlossig vor-
dammen/ des halbenn ich auch diese meine meinung also
itzunt vorgelegt wil haben/ auff das ich wuste/ das offen-
bar were die ursach meins vornemens/ nach meinem ge-
wissen/ zu welchem mich getriebenn hat/ nit wollust/ nit
mutwil/ nit thorheyt/ sundernn die gemeyne kranckheyt
und schwacheit/ und ein solche nodt die unuberwintlich
gewesen. Welcher aber und waserley ferligkeyt zuvolgen
pflegen mit dem stande/ der ane die eeh ist/ wil mir itzund
nit vonn noͤten sein zuerzelen mit vilen worten/ so es dach
sunst nitfast heymlich ist. Wann aber die selben bedacht
wurden von den/ die mich schuldigen und urteyln/ so wur-
den sie freylich meyn vornemen unnd vorgehen nit vor-
dammen/ sondern das selb loben fordern/ nemlichen
so sie Christen seyn.

Unser herr Christus wirt in dem vall uns richten/ unnd
B4^r zweyfel gantz nichts daran/ es werde ym mein vornemen
wol gefallen. Ich hab auch das allein angesehen/ wie es
ym gefiel. Ich hab aber in dieser meiner schutzred mir
nit vorgenummen/ das ich mich enthalten unnd schutzen
wolt/ widder die gewaldt der Bischoffe/ mit solchen ur-
sachen/ sondern das ich nurnt moͤcht antzeygen wie ich
auß redlicher goͤtlicher ursach bewegt were wurden/ das
ich mich in ein eehlichen lebenn gewendt hab/ nach dem
das es billich ist/ das Christen sollen ursach von sich ge-
ben yres glaubens und yres lebens. Ich moͤcht aber auch
wol wuͤnschen/ das ich mit disen anzeygen den Bischo-
fen het gnugthan. Ich begert auch das nichts freuelich
widder redliche goͤtliche ursachenn gesetzt wurde. Nuh
warumb sol meyn freyheit von einer ander conscientz ader
gewissen gericht werden?³¹⁸ So es sie aber ihe also gut ge-
dunckt/ das sie vil lieber nach den Bebstlichen rechtenn
wollen richten/ dan nach der heiligen geschriefft/ wie doch
die alten concilia gethan haben/ so flych ich nit den zorn
gotes zu tragen. Dan ich weyß/ das dem der im finsternis
sitzt das liecht nit vorhalten wirt. Also troͤst mich der pro-
phet Micheas.³¹⁹ Sie moͤgen aber achtnemen/ das sie nit
Mich. 7.anlauffen an dem hern Christus/ und an seyne kleinen geringen/
die er doch helt/ und irer achtnimpt/ also eins augen opfels〈.〉³²⁰

Diese meine schutzred/ mein erwirdigen hern Doctores/ bit
ich euch/ wolt yr in gut annemen/ und durch Christliche
lieb helfft in dieser redlichen sache/ und vorfecht sie vor ge-
walt/ auff das es nit angesehen werde/ wie der Prophet
von euch gesagt hette/ der da sagt. Der furst der begert und
Mich. 7.furdert/ der Richter aber ist bereyth zu uberantwurtenn.³²¹

Gescheen im jar. M.D.XXii.

Gedruckt zu Erffurdt im Jar.
M. D. XXij.