Nr. 27
Andreas Karlstadt an Kurfürst Friedrich III. von Sachsen
[Wittenberg oder Torgau], [1516, vor 5. Juni]

1^rDurchleuchtigster^a HochgeBorner Churfuͤrst Gnedigster
her〈.〉 Ewr Chur'furstlich' G'naden' ist meyn innig gebethe mit willigen
diensten bevor berait〈.〉

Gnedigster Churfurst und Her〈.〉 Auff
E'wren' Chur'furstlichen' G'naden' schrifft mir ken Rom zcugeschickt¹ und behen-
digt/ hab ich mich von stundtan zcu E'wr' Chur'furstlichen' G'naden' zcu-
kommen bereit/ Und wiewol ich mit guthen gnießlichen²
diensten fursehen/³ und troͤstliche furderunge zcu groͤssern dingen
gehabt/ Hab ich doch E'wren' C'hurfurstlichen' G'naden' woltheten und milden
gnaden hochbetracht/ Und bin E'wr' C'hurfurstlichen' G'naden' mehr zcu lieb
dan auß forcht getrewter privation⁴ alher kommen/ Das
das alßo sey/ gebe mich hiemit und mit crafft dießer
schrifft in E'wren' C'hurfurstlichen' G'naden' willen mit mir nach gefallen zcu-
handeln machen und lassen〈.〉 Szo E'wr' C'hurfurstliche' G'naden' durch
neidisch angeben wider mich zcorniche ungenadt geschoͤpfft
und darumb meyn gern mangeln/ wil ich gern E'wr' C'hurfurstlichen' G'naden'
mir zcu schaden wilfahren/ Dan ob mir furan keyn Gnad
von E'wr' C'hurfurstlichen' G'naden' vorlihen/ und als eyn unvehiger geacht
wuͤrde/ Doch woͤlt ich E'wr' C'hurfurstlichen' G'naden' gern mit emsicher arbeyt
alleczeit dienen/ und wil eyn ewiger diener ersterben. Ich bitt
aber/ Szo E'wr' C'hurfurstliche' G'naden' wider mich erwermbt und meyn abczugk
begeret/ das ich diß Jars zceyt in E'wren' C'hurfurstlichen' G'naden' stifft und
universitet bleibe/ und mir meyn pension und zcynß
gereicht werden/ Szo wil ich allen scheden und nachlessi-
keiten/ die meynes außbleibens geschehen seyn erfullen

1^v
Und domit man auch Wes mich zcu Rom/ nach geleister
welfart⁵ beflissen hab/ erlernen moͤge in beiden Rechten/
dorczu ich jetzt graduirt bin⁶/ leßen/ und mit menig-
lichen freuntlich vormischungen/⁷ auff das ich der leut
gunst und guthen willen in E'wren' C'hurfurstlichen' G'naden' fuͤrstenthumb
hab/ versuchen〈.〉
Ich truͤtze nicht/ ßo weis ich nichts wuhin/ und hab
mich itzund vetterlicher⁸ erbnehmunge vorczyhen⁹/ Jedoch
begere Ewren C'hurfurstlichen' G'naden' willen zcusettigen/ Szo aber Ewr Churfurstliche -
Gnaden in gnedig bedencken nehmen/ das ich erbarlichen
handeln nach gesuͤcht und gerucht mich behalden/
der allen zcorn und abgunst des probst¹⁰/ umb das/ das
ich der kirchen trewliche beystehen/ und viller zcancken
endtschafft zcumachen vorsucht/ auff mich gelestigt¹¹
hab. Szo wil ich wie oberczelt aber mals leßen/ und
mit meniglichen/ welcher eynen zcorn kegen und
wider mich zcuhaben vormeint/ nach E'wren' C'hurfurstlichen' G'naden' begir
willen und gefallen baldt befriden/ Wie ich E'wr' C'hurfurstlichen' G'naden'
zcu besseren volgende angeczeigt hab/¹² Dan ich gedenck
got fleissiger zcudienen/ und mich hefftiger zcumuhen
domit ich den leuten dienen und frid vorschaff〈.〉
Bit E'wr' C'hurfurstliche' G'naden' woͤlden mir nichts vorargen und
Gnedig antwort geben.¹³

2^rGnedigster Churfurst und Her/

Ich bin vorstendigt
und wais eigentlich¹⁴/ das der Probst zcu Wittenbergk/
der mir die andern abgunstig gemacht/ und mit ynen
meyn pension zcu Orlamunde zcu inen genommen/
und sich trewlicher¹⁵ wordt hat lassen vornhemen/ mich
gefengklich zcuseczen/ Nun hab mich hin und her
bedacht/ und kan nicht erkennen/ das ich dem gefengknuß
zcugeteilt werden solt/ dan es moͤcht meynen freunden
und mir zcu minnerung¹⁶ gereichen/ Darumb woelt ich
vil liber vorlassen/ was mir E'wr' C'hurfurstliche' G'naden' vorlyhen/ dan
meyn guth gerucht¹⁷/ das ich zcu Rom und vil enden
furgestreckt schwechen ader vorlieren〈.〉 Ich hab gehandelt
das ich zcu loben/ nicht zcu straffen bin〈.〉
Szo E'wr' C'hurfurstliche' G'naden' uns allen zcuguthe/ domit wir alle/
dißer sachen halben in eynigkeyten lebten/ den ernst¹⁸ auff
mich werffen/ und dem Capittel schreiben/¹⁹ alßo/ das
E'wr' C'hurfurstliche' G'naden' die irrunge und spenne²⁰/ ßo sich czwischen dem
Capittel ader Probst eynes/ und mir anders teyls hielten
zcuerkennen vorbehalten/ Und ßo ich strefflich ader
penwirdig²¹ erfunden/ mit mir in ernst und ungenaden
alßo zcuhandeln/ das mirs kuenfftiglich eyn ebenBildt²²
von ungeburlichen fuhrnehmen zcubehuten/ seyn solt/

2^v
Dorumb und czwischen dißer zceyt/ solten sie mich
unbelestigt und geruglich²³ wohnen lassen/ und alle
meyn zcynß und pension/ welche sie von Orlamunde
genummen/ mir geben/ Szo solt ich in beyweßen eynes
E'wr' C'hurfurstlichen' G'naden' diener den ich uff meyn kost ken WittenBergk
nehmen wil gnuͤgig machen²⁴/ Ich wil eyn
kleyn vorminderung gern leiden/ uff das fride werdt〈.〉
Ich besorge aber das der probst E'wr' C'hurfurstlichen' G'naden' ungehorßam
und eyn muheßamer²⁵ stiffter haders und zcanckes
seyn werdt / E'wr' C'hurfurstlich' G'naden' woͤlle mit ernst schreiben
und die trewlich wort auff mich fallen lassen〈.〉
Das ich alles E'wr' C'hurfurstlichen' G'naden' zcu besserung und willen
undergebracht²⁶ wil haben〈.〉