So ich mein Archidiaconat gewisslich soll behalten und mein
behausung darff verkeuffen erblich^a1 Will ich/ Churf 'ürstlicher' g'naden'² zusond-
erm gevallen und dienst kegen Denmarck/ yhn dem
namen gottes zihen/ nicht lenger dann eyn Jar daselbst
zu bleyben.

Doch das mir volgende gutheit
und gnad bescheg³/

Fur das erste/ Das ich mein lection/ umb ein geleichs be-
stellen mug. wie ich den predig stuel bestelt hab.
Dem Cappellan⁴ sein gebuer geben. das andere geld
zu meinem nutz wendten.

Weyl ich^b auch^c an geld/ und anderen
beschetiget. und got waiß/ das ich/ nit so vermugen
bin/ das ich erlich zu konig'lichen' wirden⁵ magk komen.
Ist mein bith/ und wil darauff ruhen.

Das mir von dem Capitel/ oder sunst von ymants/ eyn
damasck⁶ mit eynem zimlichen futer außgenumen⁷. und
von dem geld/ so mir/ von Michaelis⁸ kunfftig/ deß
negst volgende/ zustendig wurt/ bezalt werd^d.

Auch will ich ainen schwartzen Engelischen oder purpur-
anischen rock haben. Wu ich obberuerter beth unge-
werth/ so kan ich nit reysen.

Mit dem gelt/ welchs ich von meyner behausung er-
kauff/ will ich mein bucher und mich kegen Denmarck fugen/ und doselbst einschicken⁹.

Mein Conventor¹⁰ bezalt mich ubel/ derhalben ich in
schuld gefallen/ die ich von der pension. so mir
noch hinderstellig/ ablegen will. und mit gnaden
und gunst abscheiden.

1^v Doch vor allem. das mich mein gnedigster Churfurst
und her¹¹ yhn eignen schutz und schierm hab/ und mir/
deß/ schrifftlich und versigelt urkůnt geeb/ domit ich
auch mög anzeigen und beweisen/ das ich seiner Churf ürstlichen
gnaden geschickter.¹²

So soll mir auch von konigl'icher' wirden ein verbrieffte zusag
erlangt und alhie behendet wert/ daß mich sein konigliche
erleuchtigkeit. bey Biblischen Rechten¹³ will lassen bleiben
und nach keinen andern urteilen. Und das mich sein
konig'liche' gnad/ ap bann oder Acht wider mich ausgyng
und derhalben sein konig'liche' gnad wider mich unwillig
wurt/ mit pastwort¹⁴ zuvor er¹⁵ ich abreyße begnaten wult.
Auff das ich frey unverhyndert und vhelich¹⁶ abzihen
darff und mug.

Zu Denmarck muß ich Leesen/ Disputiren/ wogentlich
zween tag zu rath und gericht sitzen/ wider Bebst-
licheit nit schreiben und auß lassen gan/ er eß^e besichtigets¹⁷
daß mir nicht muglich ist/ yhn disputatione/ zuhalten¹⁸/
dißer fhar¹⁹ wult ich gern endhaben sein.

Eur gestrengheiten²⁰

diener
doctor Carolstat

Ich bithe mein schreiben fur gut anczunhemen/
dan ich hethe gern besser geschrieben/ so ich
gleich vermuglich/ wie ich willig gewest.²¹

3^{v f} Bewilligung doctor Carolstats ^f

---

Beilage: Zusammenfassender Bericht Georg Spalatins, 24. Juni 1521

2^r +
Doctor Karlstat.

Bekennt das er dem Konyg zu Denemarck
zusagung gethun hab seiner konyglichen
wird²² ein Jar zu dienen und zulesen
und predigen/ und die wochenn zwen tag zu-
raten/

Darczu hab in bewegt das er on berurte^g
zusage aus Denemarck nicht hab mogen
kommenn/ Nicht das er darzu gedrungenn
were/

Weil im aber zu Denemarck sey^h ein-
gebundenn²³ er soll wider den Babst nichtsⁱ schrei-
ben und außgeenn lassenn/ er habs dann
zuvor den konyg lassen sehenn/ Auch
das er in Denemarck sich besorgt vor
dem Bebstlichen Bann/ und keyserlichenn
Acht. Auch vor eyner person²⁴ etc./
Derhalben sey er sorgfeldig²⁵ sich in
Denemarck zubegeben/

Dagegen ist im furgehalt'en' sein bekent-
liche²⁶ zusage/ zusampt dem unfreuntlich'en'
willenn der meinem Gned'igs'ten Hern²⁷ bey^j dem
konyg²⁸ mocht erwachssen/ und das der
konyg in villeicht bey meinem Gned'igs'ten
Hern wissen welle.

So seint die einbyndung^k wider den Babst
on wissen nichts zuschreibenn keyn ursach.
und verhinderung/ sondern ein beschirmung
jnen²⁹ zuunterhalt'en'³⁰.

2^v So sey die besorgung des Banns und der Acht
auch nichts. Dann der konyg zu Denemarck stee in dem guten willenn mit
dem Babst nicht/ Auch gestat der
konyg in seinen konygreichen die
keyserlichen Acht in keyn wege/

Darauf sich beschlieslich doctor Karlstat
hat horen lassen/ ehr³¹ er sich in
Denemarck begeben wolt/ so wolt er
sich alles des so er alhie hat zuver-
lassen/ und auf Gottes gnaden
und berat^l zutziehen wo er
hin kommenn muge. Domit meinem
Gned'igs'ten Hern seyner halben
keyn beschwerung^m begegen mocht/

Actum Montags Sant Johannis des heilig'en'
taufers tag³² Anno d'omi'ni. xv^cxxj.³³