A2^rDem Ersamen unnd fursichtigen
Wolff Gorteyler¹ in S. Joachims talh/ wunsch ich
A'ndreas' B'odenstein' C'arolstadt' D'octor' frid.

¶ Ich hab eynsz der guthe/ vonn bruder Fran-
ciscus Seyler² parfuszer holtzuher ordens/ lieber freund〈/〉
zulernen gefragt/ wu doch der Ablas in der schrifft ge-
grund/ den er szo gotlich thet achten³/ Darauff hat ehr
mich honlich widerumb gefragt/ weil ich nichts glaub
dan das in der Biblien geschrieben/ so sol ich yhm an-
tzeygen/ wu von geweychtem wasser und saltz geschrie-
ben sey⁴/ das hab ich meynes/ und aller vorstendiger be-
dunckes wol gethan/ und etzliche schrifften/ die wasser/
betrubnis und leyden/ heyssen〈/〉 furgewend.⁵Nun kumpt
mir ein seltzamer schreyber zuhanden⁶/ der sich Johan.-
fritzhans nennet⁷/ und wolt gerne heulen/ wan yhm ei-
ner sein haut balget. Wie wol ich nit gewist hab/ ab ei-
ner ein solchen namenn erticht hat/ aber nit⁸/ Jedoch
nichts dester minder/ bald angefangen zuschreybenn/
desselben Fritzhanszen plindheit offenbar zumachen^a/
damit ich den leyhen dienen/ und die frumen Christen
bauen und auffrichten muge⁹/ und hab gedacht/ ich woll^b
auff bruder Fritzhansen/ unnutze vorred¹⁰/ und auff sein
scheldwort nicht antworten/ unnd allein den winckel
treffen/ darin der hundt gepunnen stehet.¹¹ Unnd sag zu
orsten/ das der selbe Fritzhansz/ sich ubel furgesehenn/
Dan er etliche schrifften einfuert/ das/ das geweygt wa-
sser/ in der schrifft/ heylsame weyszheit/ volck/ und gnad
gottis bedeut/ wie er dan das mit schrifften gerne hette
beweyszet/ aber er hat sich nicht wol bedacht/ das be-
weysze ich alszo/ Das Fritzhans wider bruder Seyler
und nit wider mich schreybet/ dan über mein antzeyg/
das wasser in der schrifft gegrund/ brenget er auch/ sey-
A2^vnes bedunckens/ andere wasser/ unnd ruret¹² die grosse
blindheit/ welche der Seyler in der schrifft hat. Dar-
umb wer mirs genug/ das ich saget/ danck hab lieber
Fritzhans/ dastu mir hilffest widder deinen knotigen¹³
Seyler/ der fragen dorfft/ ap das geweicht wasser in der
schrifft gefasset und bewert.¹⁴ Also lieber Fritz hastu dein
schreyben auff mich gericht/ und deinen Seyler nider-
geschossen.

Damit aber du bey dir nit grosz werden mugest/ und
vielleicht vor grosser kunst bersten/ wil ich dein eingefur-
te schrifft handeln/ unnd wil an¹⁵ mein glosz/ ausz hey-
liger schrifft zeygen/ das der arm bruder nit weysz/ wu
mit er umbgaht.

Er zeucht ein schrifft ausz dem buch Ecclesiastici/ nem-
lich/ Er hat den gerechten/ mit dem wasser/ heylsamer weisz-
heitEccle. xv. getrencket.¹⁶ Mit diesser Schrifft/ wil der gut betler¹⁷ be-
schliessen/ das wasser in der schrifft (welches durch gewei-
cht wasser eusserlich angetzeigt) heylsame weiyszheit sey/
gleich ap/ heylsame weyszheit/ nit in dem wasser begri-
ffen/ davon ich geschrieben. Hoer mein hansz/ unnd
sich uber〈/〉 sich in deinen text/ unnd ercleer schrifft durch
schrifft/ szo wurstu finden/ das betrubnisz unnd leyden
in glauben unnd hoffenung zu got/ ein heylsame weysz-
heit ist. Dann/ spricht nit Esaias/ umbtreybenn unnd
Esaie. xxviii.vexieren¹⁸ unnd verfolgen gibt ein verstand? Esa. xxviii.¹⁹
Hie. xxxi〈.〉und Hieremias am .xxxi. Er hat mich gecasteyhet od-
der geengstiget/ und bin gelart worden.²⁰ unnd Moyses
Deut. viii〈.〉Deut. viii. Er hat dich gefuret durch wustung und ver-
sucht/ und gepeyniget/ auff das offenbar wurt/ wastu
in deinem hertzen handelst/ Er hat dich mit hunger ge-
peyniget/ und himel brot geben/ das er dich weyszet und
lernet/ das der mensch in dem wort gottis leben thut.²¹
Horestu nun wie die schrifft clar auszsaget/ das wir in
A3^r leyden/ wasser heylsamer weiszheit einnehmen/ wie wir
gelart werden/ und lernen uns selber erkennen? Ach het-
testu dein schrifft recht betracht/ szo mugestu wol ver-
standen habenn was gesaget ist. Er hat yhn mit brot
des leben und verstantnis gespeyset/ und mit wasser heil-
samer weyszheit getrencket²²/ das ist/ Er hat yhm hun-
ger und durst mit dem wort gottis gestielt und geloschet/
dasselbe leert dich (szo du leeszen woldest) wie du ge-
hort/ das/ das brot und wasser/ gottlicher weiszheit/ in
Hie. ix^c
anfechten wol gelernet wurt. dan Hieremias .ix. spricht/
Das ist die weyszheit und kunst (der sich einer darff be-
rumen) wissenn/ das got der ist/ dero barmhertzickeit
und gerechtickeit ym menschen wircket.²³ Zu disser schrifft
Deu.viii.setz Moysen/ dero gesagt/ Wan dich got auff das hert-
teste und hochste gepeyniget hat/ dan ist er dir barmher-
Das ist heylsam wasser.tzig worden. Auff dastu nit sagen durffest/ oder geden-
cken in deinem hertzen/ disse sterck/ odder meine hand
hat mir das oder das gemacht/ sunder du wurdest dei-
nes hern gedencken/ der dir krafft und werck gegeben.²⁴
Das lernen die jene/ szo got quelet und kranck macht/
das sie ausz freyhem willen unnd eygen krefften nicht
mugen wircken/ unnd das sie durch eygen krefften/ zu
keyner gerechtickeit kummen/ sonder das yhn got allein
eingiebet gutter/ die sie zu der selickeit brengenn. Nach-
dem Christus zu Paulo〈/〉 der vom Teuffel kranck unnd
ii. Cor. xii.unvermugen gemacht wart/ gesagt/ Mein gnad/ ist dir
genug/ dan mein gnad wurt in kranckheit/ in unvermu-
genheit deiner krefften/ volkummenn.²⁵ Ausz der kunst/
kumpt man auch in verachtung unnd maledeyung un-
Hie. xvii.ser eygen krefftenn/ unnd lernet den spruch Hieremie/
Vormaledeyhet^d ist der/ dero in menschen/ trost odder
hoffenung setzet²⁶/ Das ist einn recht heylsame weysz-
heit/ die yn umbtreyben/ wie obertzelt/ gelernet wurt.
A3^vHiere. ii.Derhalben saget Hieremias an stat gottis/ Ich hab
sie umb sunst gestrafft und geschlagen/ dan sie wollenn
mein heylsame weyszheit nit einnehmen.²⁷ Alszo horestu
das got derwegen mit hunger/ durst/ leyden/ und betrub-
nisz verfolget/ das die betrubten yhr eygen gebrechen er-
kennen und zu gottis hulff schreyen sollen. Als geschrie-
ben/psal. c.xix. Ich hab zu dem hern geschrihen/ wan ich gepey-
niget wurdt. Psal. c.xix²⁸ unnd psal. xvii. In meiner umb-
treybungpsal. xvii. unnd elent hab ich zu got gerufft/ unnd er hat
mich erhort.²⁹ Das ist ein heilsame kunst in uns vertzwey-
feln/ und allein got/ als einen helffer/ ansehen.

Bruder Fritzhans brenget auch ein ander wasser/
Apo. xvii.ausz dem buch Apocalypsis/ des Theologen/ ym .xvii.
capittel/ do geschrieben/ Wasser szo du gesehen hast/ seint
viel volcker/ und heyden/ und zungen etc.³⁰ Alhie (wan ich
lust het dich mit geweychtem wasser zu sprengen) wolt
ich sagen.³¹ Wasser darauff das hurisch weyb/ die voller
vermaledeyung gottis was/ und het ein drinckvasz vol
unreynickeit und grauhen und uberflughung³²/ seint An-
nas/ Cayphas/ unnd etzliche parfueszer holtzuger/ die
gotliche schrifft schalcklich geprauchen/ unnd betriegen
die Christen mit Ablasz/ unnd mit yhren schieszkern³³〈/〉
aber ich wil mir abbrechen/ und gesagt haben das sol-
che wasser zu vorfolgung gehoren/ und seint die wasser/
die mit yhren zungen³⁴ in die seel brechen.

Bruder Fritzhans kummet auch mit einem andern
wasser/ nach seiner vernunfft und beduncken. Nemlich
Johan. iiii〈.〉davon Christus Johan. iiii. geredt/ welcher von dem
wasser trincket/ das ich yhm geben werd/ der wurt nit
in ewickeit durstenn/ das wasser/ das ich yhm gebenn
werd/ sol yhm ein born werden/ dero springet und quillet
zu dem ewigen leben.³⁵Do spricht der Fritz/ das wasser
ist die gnad gottis/ secundum Chrysostomum.³⁶

A4^rLieber Fritz beweysz mir das/ durch schrifft/ nit
das ich leuchnen^e/ das das wasser von gottis gnaden kum-
me/ dan ich weysz wol/ das der uns heylig macht/ und
Heb. ii.der geheyligt ist/ ausz und von einem got seint/ Hebreos.
i. Cori. xi.ii.³⁷ Dann alle ding seint ausz got. i. Corint. xi.³⁸ unnd wir
i. Cor. 〈i〉ii.seint Christi/ und Christus ist gottis. i. Corint. 〈i〉ii.³⁹ das
ist offentlich/ das got allein durch Christum/ alle sein
i. Cor. xii.gaben in seinen erwelten wircket. i. Corint. xii.⁴⁰ szo musz
er auch (das wasser wircken/ das zu dem ewigen leben
auffquillet) wircken. Wer ist nun das springende wa-
sser?i. Corint. x. lasz dirsz Paulum sagen. i. Corint. x. Sie habenn
alle von dem geistlichen felsz (der yhn nachfolget) ge-
trunckenn/ Christus ist der feelsz.⁴¹ Horestu nunn/ das
Christus das wasser ist/ von welchem alle glaubige vet-
ter haben getruncken? Und so du noch starren⁴² wilt/ szo
hoer Christum selber (von dem der prophet David ge-
schriebenpsal. xxi. psal. xxi.) sagende/ Ich bin auszgegossen wie
wasser/⁴³ alle die dasselb wasser versuchen/ die horen auff
zu dorsten/ sie seynt nit mer noch⁴⁴ zeitlichenn vorgenckli-
chen gutter sorgfeltig/ ya sie schuten alle yhr hulff in die
dorfftige menschen/ alszo stet yhre sorg/ begird/ lieb und
hoffnung/ yn und zu got. Christus der spricht auch/ Wel-
chenJohan. vii. durstet/ der kum zu mir.⁴⁵ Darausz erfolget/ das
Christus auch wasser ist/ das alle durstige settiget/ das
kannstu unnd kein Christ leugnen/ wie wol Chrysosto-
mus und Augustinus ein yglicher in seinem geist lernen.⁴⁶
Nun die weil Christus das wasser ist/ und ist offenbar
das uns Christus mit leyden/ und betrubnisz vorgegan-
gen/ auff das wir seinen fuesztapfeln nachfolgtenn. i.
i. Pet. ii.Pet. ii.⁴⁷ das ist/ das wir yhm durch viel leyden und an-
fechten solten und musten zu dem reich der hymeln nach-
gehenAct. xiiii. Actuum. xiiii⁴⁸. Szo horestu Fritzhans/ das wasser
das uns Christus gibt/ er selber ist/ und durch leyden
A4^v vorfleusset/ wie kanstu dan dich/ als einn Theologus
vorwundern/ das ich anfechten und betrubnisz in glau-
ben gelieden/ wasser der schrifft heisz/ und sag/ das durch
geweicht wasser ist bedeut.

Ich wil dir wol ein hohers sagen/ das Christus ist
Hebre. ii.volkummen durch leyden gemacht/ und das er darumb
ein furst ist aller seligwirdiger brudern/ das yhn got
durch leyden volendet hat/ als ad Hebreos .ii. geschrie-
ben.⁴⁹ Dieweil nun lieber Fritz/ Christus/ nit volkum-
en an⁵⁰ leyden gewest/ wie bistu dan szo keck/ und mut-
willig/ dastu/ das wasser (welches zu ewigem lebenn
auffquielt) wilt sonder⁵¹ leyden ewiglich trinckenn? wie
bistu szo toll und nerrisch/ dastu verfolgung zu der gnad
Heb. xii.gottis nit wilt setzen/ weistu nit? das ad Hebre. xii. ge-
schrieben/Hiere. treno. iii. welchen got liebet/ den strafft er/ den geysselt
er?⁵² Und Hieremias sagt/ got wurffet nyder/ auff das
Job. v.er auffheb.⁵³ und Job .v. spricht/ Got verwundet das er
gesunt mug machen.⁵⁴ Darumb beclagt sich got durch
Esa. i.Esaiam c. i. das/ wiewol er viel gesteuppet und geschla-
gen het/ dannest bessert sich keiner von seinem streychen.
Derwegen spricht er/ wu mit/ und in welcher rudten
sol ich sie schlahen?⁵⁵ Du meinst lieber^fFritz du habest
meiner gelacht/ szo weistu nit/ dastu der gnad gottis ge-
lachtPro. iii. hast/ Dan Proverbiorum^g .iii. stet geschrieben/ Du
solt die zucht und straffung gottis nit vorachten oder
verspotten. Dan got schleget ausz lieb/ er schlegt wie ein
frumer vatter/ der frume son zihen wil.⁵⁶ Ja du must be-
kennen/ das alle die jene/ szo an⁵⁷ leyden und an betrub-
niszHeb. xii. leben/ huren kinder seint/ Hebre. xii.⁵⁸ Wu du nu/ und
deine holtzschuger ann⁵⁹ vorfolgung seyt/ szo seyt yhr ge-
wisz kein recht kinder gottis. Dartzu setze ich/ das bru-
derlich lieb (die auch gotlich ist) sunder⁶⁰ leyden seltenn
unnd wenig erfult wurt. Dan wir Christen/ seint einn
B1^r gantzer leyp/ und vil glieder/ zwuschen den selben gli
dern seint vil bedrubten/ krancke/ elende und bescheemp-
te glieder/ Weil aber eines gliedes kranckheit denn an-
derni. Corin. xii. wee thuet/ als wan der fuesz schwach ist/ szo hat
das heubt schmertzen/ So sollen die rechte glieder/ das
leyden/ das yndert⁶¹ ein Christ leydet odder treget/ auch
auff sich legen/ und fur eygen schmertzen unnd trubsal
achten unnd tragen. i. Corint. xii.⁶² Ich geschweyg/ das
des ausserlichen menschen heyligkeit/ allein odder sun-
derlich/ ym leyden stehet unnd volbracht wurt/ als ge-
schrieben/ii. Co. i〈i〉ii. Corrumpitur autem homo etc. ii. Corint. iiii.
der alt mensch wurt teglich tzerbrochen etc.⁶³ Darausz fol-
get/ das gnad und lieb gottis sunder umbtreyben^h/ qual/
trubsal/ und angst/ und der gleichen nit volkummen
ist/ und das sich der arm bruder Fritz vor solt bedacht
haben/ ap er/ den kern/ der schrifft kond beissen. Er wolt
wol gern beyssen/ szo ist yhm das brot Christi zuhart/
darumb sol er ein weil/ bisz er gelerter wurt/ ein grossen
weychen paurs brey⁶⁴ kosten und beyssen/ das wer yhm
noter und den Christen viel nutzer/ dan sich szo durstig-
lich⁶⁵ mit unbeschlagen holtzschugen auff das glad eysz
zulegen.

Er furt noch ein schrifft zumarck⁶⁶/ das wasser sey der
heylig geyst/ liber grauer gesel/ wie kan dasselbige wa-
sser/ apsz gleich szo were/ wie du gedenckest/ an⁶⁷ wasser
des leyden geseinn? weistu nit/ das der heylig geist/ die
mat. xxvi.iunger zuleyden bereit und starck gemacht? Petrus leug-
netAct. ii. iii. iiii. Christum von wegen einer mayd/⁶⁸ aber do er vonn
dem heyligen geyst angetzunt wasz/ do forcht ehr denn
grossen hauffen nit der grauen gleyszner.⁶⁹ Was sol ich
mit dir groben holtz umbgehen/ wie du gelernet hast/
szo singestu.

Nach diessen schrifften darff hans bruder Fritz von
B1^v der warheit geweichtes wasser schreyben/ das geweicht
wasser reynickeit der seel/ bedeut/ et cetera. Ach du ar-
mer Caiphas/ du must je die warheit in ungutickeit und
plindheit mit lugen vermengen/ du sagest/ das geweicht
wasser bedeut reynickeit⁷⁰/ und wilt leyden hyn werffen/
Lieber gesel was reyniget die seel mehr/ dan angst/ be-
trubniszCanti. i. und elend? Spricht nit die schrifft/ Fasiculusⁱ
mirrhe dilectus meus?⁷¹ Mein lieber ist ein pundlin mir-
retigs/Psal. l. warumb? mirrettig der beysset und reyniget/
das auch der hisop⁷²/ und ein korn senffes (dem Christus
Mar. iiii.den glauben vergleicht) bedeut⁷³/ stehet nit geschriebenn
Eccle. ii.Ecclesiast. ii. ym tag des leydens unnd vorsuchens vor-
gibtTobie. iii〈.〉 got sunden?⁷⁴ Was dempffet den alten Adam und
concupiscentiam mehr/ dan anfechte unnd elend?⁷⁵ Ausz
Bern'ardus'.grosser heylickeit und reynickeit (wie du davon schrey-
best) nympt mancher ursach zu hoffart⁷⁶/ derwegen wan
du reynickeit wol wilt behalten/ szo mustu wol nyder
Job .ix.gedruckt werden/ als Job sagt ix. Und wan ich gleich
gerecht bin/ szo darff ich doch meinen kopff nit auffhe-
ben/ derhalben/ das ich mit anfechten und betrubnusz
und elend gesettiget bin/⁷⁷ szo spricht Paulus/ Ich casti-
giri. Cor. ix. meinenn leyp. i. Corint. ix.⁷⁸ darumb weistu nit was
du schreybest/ dir gebricht ein scharff rudten/ Ad He-
bre.Heb. xii. xii. habenn wir/ das got darumb castigiert⁷⁹/ das er
heylickeit eingeben mug.⁸⁰

Dastu aber furt sagest/ das geweicht wasser sol krafft
ausz dem plut Christi haben.⁸¹ Ach lieber armer groher⁸²
Fritz/ wie bistu doch szo unchristlich/ Ich frage was
das plut Christi Pilatum/ Annam/ CaiphamHero-
dem/ die galgenritter⁸³ unnd viel hotzschuger hat gehol-
ffen? Weistu nit du grober dolper⁸⁴/ das Christus gesa-
get/Johan. iii. welcher nit glaubet der ist vordampt/⁸⁵ ap er Christo
ym fleisch unnd plut stund? weistu abermals nit/ das
B2^r Christus niemant wil helffen er glaub dan? Derhalben
er offt gesagt/ Euch geschehe wie yhr gleubt〈/〉 Matth. ix.⁸⁶
Christus spricht caro〈/〉 das fleisch〈/〉 taug nicht/ der geist ist
dero lebendig macht〈/〉 Johan. vi.⁸⁷ und Paulus/ Den un-
glaubigenHebr. iiii. seint alle ding unnutz/⁸⁸ und gleich der die Epi-
stel ad Hebreos geschriebenn⁸⁹/ spricht/ am .iiii. cap.〈/〉 das
gotlich wort hat die ungleubigenn nit geholffenn/ dar-
umb/ das sie nit geglaubet habenn/⁹⁰ szo hilffet das blut
Christi auch nicht sonder⁹¹ glauben〈/〉 ferner ertzeyget der
Fritz sein kunst/ sagende/ das bocks plut bey den Ju-
den die unreynenn gereyniget hab/ warumb solt dan/
das geweicht wasser auch nit reyn machen? Ach liber
bock/ du bist doch je ein gleyszner und boszer Jud/ und
ist je schad/ das sich ein Christ mit dir sol stossen unnd
verwerren⁹². Hettestu die warheit gemeynt/ szo hette dir
die Epistel zu den Hebreyern konnen helffen/ unnd in
Hebre. ix.warhafftigen Christlichen verstand fueren/ Hastu nit
in dem .ix. capittel ad Hebre. (dastu mir furgelegt⁹³) ge-
leszen/ das alle Judische zeychen/ als bocks blut/ hy-
sop/ item gaben unnd opffer/ szo den Juden (purifica-
tion und reynmachung zu bekumen) auff gelegt seint/
das gewissen nit haben konnen reyn machen/ und das
allein purificationes/ das ist/ reynmachung des fleisch
gewest seint/ sie haben allein den leyp und fleisch gerey-
niget.⁹⁴ Hab ich nit geschriebenn/ das geweicht wasser
sonder⁹⁵ glaubenn/ nicht besser ist/ dann des baders
wasser?⁹⁶ unnd alszo bekandt/ das das eusserlich wasser
das fleisch reyn macht/ wie vor zeitten/ blut und wasser
die Juden leyplich reyn gewaschen haben. Es seint leyp-
lich interdicta und verbot gewest/ szo den Juden gege-
ben sich von dem tempel zuenthalten/ dasselb fleischlich
vermeyden/ haben obgedachte zeychen abgenummen.
Aber lieber groher⁹⁷/ wir Christen haben keinen Judi-
B2^vschen und affterglaubischen glauben/ wie du unnd etli
cheJohan. iiii〈.〉 holtzschuger haben/ und den einfeltigen einplosent〈/〉
Got ist ein geist/ derhalben eren wir yhn ym geyst und
warheit⁹⁸/ nit im fleisch und schadwen⁹⁹/ wir haltenn uns
nit an schadwen/ wie du ketzerischer keeszprediger¹⁰⁰leren
thuest/ Wir wissen das die Juden geyrret haben/ nach
dem sie Moyses/ DavidEsaias/ Ezechiel/ und Chri-
stus gestrafft haben/ und wir folgen deinen Judischen
und ketzerischen wortten nicht. Weistu nit wie David
Psal. l.gesacht. Ich^j hette dir opffer gebrant und geopffert/ szo
mercket ich dastu keinen lust hast in leyplichen opffern.
Esa. i.Ein recht opffer gottis ist ein reuhig hertz/ und ein be-
drengter geist/ den wurestu o got nit verachten.¹⁰¹ Ich
sage dir wie Esaias am .i. cap. das blut der bocken und
ochszen/ und schmer der feysten thier hab ich nicht be-
gert. Weer hat solch opffer und reinmachung von euren
henden gefodert? waschet und reyniget eur hertzen und
gedancken.¹⁰² Ach yhr keeszpetler¹⁰³ habet der Christenheit
Mat. xii.mehr schades gethan/ dan .iiii. tausent Juden/ und seint
die rechte gleiszner/ die das mindest ym gesetz/ vor das
Osee. vi.hochste predigen. Got begert barmhertzickeit nit solche
fleischliche opffer¹⁰⁴ und reynmachung/ wie du von bocksz-
blut und geweicht wasser plerrest.¹⁰⁵

Das ander gepler/ das bruder hans Fritz geschrieben
ist nit wert das mansz handeln sol.¹⁰⁶ Ich hab auch auff
die heilige schrifften/ die er wider Christliche warheit
(von mir angetzeigt) fur gewent¹⁰⁷ allein den Christen zu
gut geantwurt/ sonst wolte ich den groben Fritzen dre-
scher¹⁰⁸/ in ein scheun geweist haben. Er und sein gleichen
wolten uns gern ein glauben/ durch den Donat¹⁰⁹ unnd
Alexander¹¹⁰ einreden/ derhalben schemen sie sich nit mit
menschen wortten an tag zukummen. Ich wil aber mit
yhm (ist anders yndert¹¹¹ ein groher sacktrager/ der bruder
B3^rJoan. Fritzhans genant¹¹²) und mit allen seinen brudern
hoch unnd nyder ausz der heyligen schrifft mich gerne
uber werffen und fechten/ und die selbe gern reyniglich
und unvermuscht/ nach meinem armen unnd geringen
verstand. handeln. Ich acht nit grosz wasz Alexander
und andere Bepst geleert haben/ das wort gottis pind
mich und ist mir lieb/ das auch alle Bepst fur die stirn
stossen/ und niderwerffen kan/ ausz dem selben ist unser
glauben. und ausz keinem andern/ nach dem Paulus ad
Roma. x.Roma. x. geschrieben. Der glaub ist aus dem gehor/ und
gehor ausz dem wort gottis¹¹³/ das wort gottis ist das wort
des glaubens/ dem selbenn sol man keinn menschlich
wort vergleichen.

Das hab ich mein lieber gonner¹¹⁴ euch zuerkennen ge-
geben/ und hoff yhr werdet/ nach gehabten erkentnisz/
sprechen/ mein buchlin von geweichtem wasser/ das ich
dem erbarn Henrich von kunritzs ym thal amptman¹¹⁵ zu
geschrieben hab (dem yhr auch mein dienst wolt anbiet-
ten) sol wol vorteydigt sein. Ich wil yhn auch gern sehen
oder horen/ der mirsz niderlegen kan/ doch lasz ich mich
gern unterweyszen/ unnd hab mit meynen zuschreyben/
euch gethan¹¹⁶/ nit anders gesucht/ dan euch mein dienst
und bereyten willen antzutzeygen/ Damit got befolen.
Datum Wittenberg/ am tag Severi¹¹⁷ ym xx. iar. Bit wol-
let Cristoffel Quinque¹¹⁸ gegenschreyber¹¹⁹euren hern und
meinen gonner grussen.

Mein gunstiger freund glibter Wolff/ ich hette wol
lust und willen/ kald wasser in sietheysz oel/ oder holtz-
schuger/ zugiessen/ damit ich sie recht prauschen macht
und auffspringen/ aber ich schon etzlicher frumer vetter
parfuser ordens/ die wir gelibt¹²⁰/ den selben zu eren/ hab
ich mich enthalten/ und den groben brudern/ Francis-
cus Seyler/ und Fritzhansen/ nit wie sie vordient/ ge-
B3^vantwurt. Nach dem ich aber noch raum und feelt zu
schreyben¹²¹/ wil ich dem holtzschuger/ bruder Fritzhan-
sen/ das zeychen hoher stecken/ damit ich yhm sein fuesz-
eyszeni. von den fuessen breng.¹²²Ich sage fur einen arti-
ckel/ das die gnad in dem gerechten menschen/ an¹²³ ge-
drengii. unnd not nit wircket. ii. Item das kein gotlich
werck/ sunder¹²⁴ bitterkeit des menschen volbracht wurt.
iii.iii. Item/ das das leben des geheyligten menschen/ ley-
deni. und betrubnisz selber ist.¹²⁵

Den ersten artickel beweysz ich durch sanct Paulum
Ephe. ii.dero sagt/ Naturlich seint wir son des zorn gottis unnd
des todes/ aber durch gnad seint wir behalten.¹²⁶ Horestu
Fritz? das die natur verderbet/ und gnad erloset? Hic
Ro. viii.scio quid Augusti'nus' dicit.¹²⁷ Hoer Paulum mehr der spricht〈/〉
Begirde oder weiszheit des fleisch ist zum tod/ Be-
girde des geistes zu dem leben.¹²⁸ Alszo streytet die natur
widder die gnad/ darausz leyden auffstehen musz.

ii.Den ander artickel kan ich mit sanct Paul alszo
Gala. v.wappen¹²⁹/ Flaisch und geist/ natur unnd gnad/ begeren
wider und gegen einander/ sie streytten und kempffen/
also das yr nit alles kunt thun/ das yhr gern thet.¹³⁰ Sich¹³¹
der geist wolt gerne wol thun/ szo wert sich das fleisch/
darausz kumbt betrubnisz. Lieber Fritz meynestu das
der geyst und fleisch solchen streyt und widerwertickeit
an schmertzen/ an leyden/ und an creutz haben? Hette
Paulus nit derhalben angst und wee gehabt/ szo hette
Ro. vii.er je nit so vleissig hulff begert/ szo er spricht/ wer wurt
mich von diessem leyp des todes frey machen?¹³² Sanct
Jacobi .i.Jacob bekont (nach¹³³ sanct Paul) das unser concupiscentz
alletzeit sund gebiert/ unnd saget/ wan der geist nit dar-
gegen fichtet und streyttet/ das die sunde den tod machen
thuet. Er spricht/ Szo die sunde volkummenn wurt/ szo
gebierd sie den tod.¹³⁴ Ich halte aber/ sie werde bald vol-
B4^rkummen/ wan¹³⁵ sie obsiget/ wan sie das felt behelt/ Das ge-
schicht/ wan der geist/ von seinem bitter widerwillen/ und
von seinem herbenn vordriesz/ gegen der sunde/ abfeelt
odder absteelt/ szonder¹³⁶ solchen vordriesz wurt kein gut
werck volendet. Noch¹³⁷ darff der arm/ elend/ unnd blosz
Fritzhans schreyben/ das die werck und gnaden gottis/
sunder¹³⁸ wasser des leydens angefangen und geendet werden.¹³⁹

iii.Der driet artickel ist durch sanct Job clar beweyset
Job. vii.¹⁴⁰ dero gesagt/ Das leben des menschen ist die verschme-
hung.¹⁴¹ Ist es die versuchung/ szo ist es nit an¹⁴² qual/ trub-
sal/ elend und leyden. wie darff dan das arm zweyfussig
grohlein¹⁴³ sagen/ das indert¹⁴⁴ ein gut werck/ sunder betrubt-
nisz geschech/ das reynickeit/ das lieb/ lob/ gebet etc. an
leyden volfurt werd? und des wassers/ von dem ich ge-
schrieben/ frey sey?

Das hab ich kurtz zuhoren oder sehen was die gro-
hen holtzuger vermugen/ und eur urteyl zuleyden¹⁴⁵/ geschrie-
ben/ meinen gutten bereitten willen euch antzutzeygen.