Nr. 75
Andreas Karlstadt an Georg Spalatin
Wittenberg, 1518, 11. April

18
Ad manus Doctissimi D'omini'Georgii Spalatini,
Artium Doctoris, Canonici Aldenbergen-
sis, Patroni Chariss'mi'.

S'alutem' P'lurimam'. Habes dulcissime Patrone, mi Georgi,
copiam scribundae ad illustrissimum Principem no-
strum Electorem etc. Supplicationis, his rudi-
bus introclusam¹ literulis a meis, immo verius
Christi, seu Augustini militis² Auditoribus confe-
ctam, profecto ab his editam, qui ut me amant,
ita circumspectiorem nostro proposito^a occasio-
nem reddiderunt: Videlicet eam, quam secreta
mens, quae plerumque futura praesagit, eventu-
ram vel timet vel sperat. Scripturos etenim
nonnullos adversus claram hanc Academiam
autumant, et eam ob causam repugnatoribus
nos alacribus, absque^b turbatione liberis^c
indigere. Tuum erit tuo ex pectore tum videre
tum librare, et quod ad rem videtur facere, mihi
significare: insuper, ut et secundum fraternam
amicitiam mihi congruentem conficias in per-
sonam meam supplicationem, obtestor. Ego, ut
scias mentis institutum meae, imo tuae, libenter
velim aliquos facere sermones aut totius anni,
si tantummodo cura illa promerendarum prae-
sentiarum (ut dicitur) non distraheret, quae ideo 19
necessario cogitationes dispergit, et nebeculis
obducit. Quod si non interessem Ecclesiae,
Princeps noster illustrissimus indignaretur, et
ego his commodis, citra indignationem de-
stituerer, quibus alimoniam habeo. Rescribe
cum sup'plicatione'
tua et magistrorum. Optime vale
ac me ama. Datum Wittenburgae, April'is' 11. die,
Anno 1518.