fehlt Dem Durchleuchtichsten hochgeborn Fursten
und herren, Herren Friderichen Hertzogen
zů Sachssen, Des heilig〈e〉n Ro'mische'n Reichs Ertz-
marschalk und khurfursten Lanthg'ra'ffen
in Doringen und Margg'ra'ffen zů Meyssen,
unßerm gnedigsten herren〈.〉

fehlt Durchleuchtigster Hochgebornner Furst und Herre
Eueren khurfurstlichen gnaden seind unßer vorpflichte
schuldige gehorßame dinste alzceit mit vleis zuvor〈.〉
Gnedigster herre, Eur k'ur'f'urstlich' g'naden' bitten wir undertheniglich
wissen Das der hochgelert 〈h〉er Henricus Stackman¹
der ertzenei Licenciat uns unterricht, als dan auch
sunst uns glaůblichen vorkůmmen. Wie Doctor Stef-
fanus² furhaben solle, sich in kurtz von dan zů wenden
und bei e'uer'k'ur'f'urstlich' g'naden' umb gnedigen urlaub zuͤerlangen
bemůhn, mit bit wir wolten an e'uer'k'ur'f'urstlich' g'naden' Inen, domit
er desselben Doctor Steffans lection in der ertzenei be-
kummen moge gonstlichen vorschreiben etc〈.〉 Die
weil dan bmelther Licenciat nuh ein etzlich Zceit
in der Ertzenei, fur sich selbs, auch fur bmelthen Doctor
Steffan in seinem abweßen, mit leßen sich alzo erzceigt
das er von den schůlern der selben facultet, nit einwenig
gepreißet und gelobt〈.〉 Auch bei den krancken sonderlichen
vleis gehabt und vorgewandt, sich ein langezceit alhy
erbarlich gehalden auch sůnst aůßerhalb berurther
facůltet wolgeleßen. Und vormůtlich (noch dem^a
ime von anderswo erliche und nutzbarliche condiciones
zůgestanden, die er ubirgeben und sonderliche zcůnegung
zů disser stadt und Universitet tregt.) das er bei uns
bleiben moͤcht〈.〉 Seind wir nith alleyn ime in disser
seiner bit zu wilfahren, sondern umb seiner lere ge-
schicklikeit und vleißes, der selben vor zůkummen, szo
viel uns moglich zů dienen, Und sein Vorsehung, y'e'h
ßo geren, als er selbs zůerfahren begirig〈.〉 Derhalben
an e'uer'k'ur'f'urstlich' g'naden' unßere underthenig demůtig bit E'uer'k'ur'f'urstlich' g'naden'
fehlt gerugen ime solch lection, wo sie vaciren wurd
gnediglich unterlassen. Wirdt sonderzcweiffel
den schůlern zům nůtz, gemeyner Universitet
und der stadt in kranckheits noͤten zům trost
geraichen〈.〉 Das wollen wir umb e'uer' k'ur'f'urstlich' g'naden' mit
schuldigen vorpflichten gehorßamen dinstenn
alzceit bevlissen sein zuvordienen. Bitten des
ein gnedige trostliche antwort〈.〉 Datum Witten-
berg Sontag noch Omnium Sanctorum³ Anno etc.
xxij°〈.〉

E'uer'K'ur'F'urstlich' G'naden'

underthenige diener

Martinus Luther

Rector⁴ subscripsit

Decano ecclesiae collegiatae

omnium sanctorum⁵ optime placet,

Andreas Carolostadius

Iohannes Doelsch Veltkirch,⁶

Thomas Eschauß⁷ astipu-
latur

Mattheus beskau⁸ scho'lasti'cus

Nicolaus Amsdorff⁹

Stephanus Vuildius¹⁰

Philippus Melanchthon,

Otho Beckmann¹¹,

Georgio Elnero¹² optime placet, nam dig'nissim'us

hac condicione

Ioanni Boccenhemio¹³ idem placet.

fehlt Bitten undertheniglichen, gnedigster herre, E'uer'K'ur'f'urstlich' g'naden'
wolle uns, umb diß unßer vleissigs bitten, y'e'h
mit ungnedigen willen nit vormercken, dan wir
achten es do fůr das es von nothen, das disse lection
widder bestelt werd, do mit in der selben facultet
zcwene leßere, wie dan nutzbarlich und frucht-
barlich jungst geordnet, der eine, ßo in practica
der ander aber in theorica leße, Wie dan e'uer'k'ur'f'urstlich' g'naden'
hoers vorstands sůnder zcweiffel wol ermessen
kunnen. Das etc. Datum ut supra.