Nr. 216
Andreas Karlstadt an Kurfürst Friedrich III. von Sachsen
Wittenberg, 1522, 6. Januar

1^r

G'nedigster' H'er' Ich hab in haylger
schrifft vermerckt das kayn Standt got behaglicher unnd
Cristenlicher freyhayt nutzlicher und dienlicher ist. dann
der Eelich Standt. welcher mit vill und großern bene-
digung¹ auch begnagdet und beziert ist wan er gottlich
gelebt wurdt inhalt² gotlicher einsaczung. Ich hab auch
beherczet das got seyne priester zů eelichem Stande er-
fordert und inenn³ form und masß Eeliches lebens fur-
geschribenn und ingeben⁴ hatt darnach zů leben. In
Sunderhayt betracht ich das vill arme Elende betrogenn
und verlorenn pfaffen ein lange zeyt in des Teuffels
gefengnusß und kerecker lygenn, denenn on zweyffel
durch vorgende exempell und furbyld mochte geradten
und geholffen werdenn. Demnach hab ich mich in
ansehenn und auffachtung⁵ ettlicher meyner hern und
freund mit der Erbarn jungckfrau Anna Mochau
verlobt⁶ und bin willens so das der almechtig gott
verhengt die hochzeytt uff S. Sebastians abendt Schierst⁷
kumende⁸ an zufahenn und volgenden tag Alles im
beyseyn meiner geliebt〈e〉nn hern furderern, gunder
und freund zuvolziehen^b〈,〉 E'ure' C'hur' F'urstlich' G'naden' derhalbenn gantz underthe-
nigs flaysß 〈bittende〉 E'ure' C'hur' F'urstlich' G'naden' wollenn sich in gnaden allhie
erzaygenn. Das will ich umb hochstgedachte E'ure' C'hur' F'urstlich' G'naden'
in aller underthenigkayt und gehorsame meynes hochsten
vermogens〈,〉 alle zeyt erfundenn⁹ werdenn. Datum Witten-
berg Montags Epiphanie anno etc. xxii¹⁰

E'urer' C'hur' F'urstlich' G'naden'

Undertheniger diener.¹¹

1^v