Nr. 54
Andreas Karlstadt an Kurfürst Friedrich III. von Sachsen
Wittenberg, 1517, 31. März

52^v
Dem durchleuchtigsten und
hochgeborn Fursten und Heren
Friderichen Herzogen zw
Sachsen des Heiligen R'omischen'
Reichs Erzmarschalh und
Curfursten Landgraven
zw Doringen Margk-
graven zw Meissen mey-
nem g'nedig'sthen Curf'ursten' und Hern

51^r
Durchleuchtigster hochgeborner Curfurst gnedigster
Her Euren curf'urstlichen' gnad'en' sein mein gebeth und
unterdeinig dinst mit vleis zuvor bereit〈.〉

Gnedegster curf'urst' und H'err'/ ich hab dem hochgelarten
hern doctor Jeronymo¹/ dem e'uer' curf'urstlich' g'nad' und
mir ein commission² auff ansuchgen der von
Tumen³/ gnediglich getan hoit/ gebeten/ das
obgnanter doctor mein furderer/ wie er^a wol weis/
antwerten sal/ dan es zcimett mir nicht/
ym ersten Curfurstlichen bevhell/ anders zetun
dan das ich den genen/ So grossers verstandts
und erfarung^b/ reden und schreiben laß/ wie
er dan anzweifel e'uren' curf'urstlichen' g'naden' allenthalben
des handels gnanter von Tumen untericht
getan hat und bedarff meiner antwurt
oder schreibens nit allein. das ich E'uren' curf'urstlichen' g'naden'
demutig danck sag/ welchs ich also hie mit
^ctun/ und ich danck euren curf'urstlichen' g'naden'
auch vleissig und sonderlich umb die wonung
welche mir E'uer' curf'urstliche' g'nad' auffim Sloß alhie
gnediglich/ das sterben lang gelihen/ weil
aber der almechtig got unß so gnediglich und
gute anzeig tut/ das wir unß deß
sterben nit befaren⁴/ hab ich mir ein wonung
bey der Kirchen gelegen gemittet⁵ und dancke
E'uren' Curf'urstlichen'g'naden' gantz unterdeinig〈.〉 Was aber
E'uer' curf'urstliche' g'nad' mir abwesenden/ von wegen der
pfar zw Ulstet und dem Capittell haben lassenn
schreiben⁶ 51^v
hab ich eingenomen⁷ und mich zcimlicher⁸ antwurt
vernemen lassen⁹/ uber die selben Bith ich E'ure' curf'urstliche' g'naden'
wissen/ das ich gemelt pfar eher verlihen hab
dan ich hab konnen merken/ das umants¹⁰
in E'uer' churf'urstlichen' g'naden' hoff von soliger verledigung
bewust ghat^d/ etc. Wan auch E'uer' Curf'urstliche' g'nad'
meinem vicarien solich ius patronatus
liber dan mir gundetet/ wiewol mir das
selbich zusteet/ idoch wil ich E'uren' curf'urstlichen' g'naden' zw
gefallen/ das lassen gescheen/ das aber
unser keiner haben solt/ mag mit gutem
gewissen und recht/ nit bescheen/ hoit
aber E'uer' Curf'urstlich' g'nad' umants der mich/ das
auß der bullen Julii¹¹ oder auß den^e rechten
vorstendigen kan/ daß solig veranderung
tunlich sey ich wil mich gern lernen
lassen und den selbigten als meinen
maister eren/ wan aber/ das an sundt
und an uberfarung¹² godtlicher gesecz nit
furgnumenn und gevodert¹³ werden mag/ So
bithe E'ur' Curf'urstlich' g'nad' wollen mich zu sunden/
der ich doch an derselbenn sonst vol bin/
nit betringen Sonder den handel/
mit E'ur' Curf'urstlichen' g'naden' gut gewissen und gerechtigkeit
zu recht lassen versprechen¹⁴/ wie ich
mich ym Latin¹⁵ schon erboten hab/ Dan
ich bin in allen sachen E'uren' Curf'urstlichen' g'naden' gehorsam
zw leisten gutwillig und bereit〈.〉 Bithe 52^r
auch E'uer' curf'urstliche' g'nad' wellen mir deß eilens schreiben
nit verargen/ dan ich hab nit ein halb stun¹⁶
zu schreiben gehabt und das E'uer' curf'urstliche' g'nad'
mein gnediger Her sein wolle das wil
ich mit meinem gebeth und willigen diensten
unterdeinige zu verdien alzeit mit vleiß
bereit seyn〈.〉/ eyling zw Wittemberg geben/
dinstags nach dem Sontag judica xvii