Claudius ille, clarissime d. doctor, in cuius gratiam d. Gryneus hodie scripsit, mihi familiariter ipsi notus, dignus mihi habitus est quem et ego commendam, quando is non semel respondit, saepiusque sit acriter argumentatas, operamque navaverit non modo liberalibus sed eciam divinis studiis et linguarum cum hebraicae tum graecae peritiam tantam nactus, ut queat cum laude praelegere, sic enim audio, et partim scio. homo denique ad obsequia praestanda propensus, moribus civiliter moratus et imbutus. in lectionibus assiduus, attentusque et breviter eiusmodi cui succurrendum putem velimque si facultas adesset. Posteaquam autem dominus tuae fidei tantum credidit unde possis citra iacturam opitulari, nisi aliis receperis te adfuturum quibus nolo mea obsistat praecatio, per Christum atque viscera misericordiae obsecro ne desis voluntate. Id compensare qualicumque obsequio quibo nunquam defatigabor. Vale in domino.