Quando non habeo, quod ad te virum et piissimum et doctissimum scribam hoc unum indico tuam mihi atque meam salutem cordi esse. Conservet itaque te qui condidit et regeneravit, addatque omnia quibus vel indignes vel exornari velis. Veritatem pietatis alumnam ut hactenus perfeliciter adseruisti tueri perge. Vale felicissime et dominos ac fratres istic salvos esse iubeto, Sedellarium etiam illum senem atque iuvenem. Basileae die Marcii 5 anno MD 35.

Disputationem eximius magistratus noster iniunxit, parui, quum non viderem iniqua praecipere. ea tamen disputatio iam, ut audio, ab exteris varie sumitur, nobis vero bene convenit, et ego, quod ad me attinet et nullam unquam dissidii caussam dabo et veritatem atque pietatem progredi propagarique latius cupiam. Mihi tamen plurimum videtur interesse scripturam perfunctiorie et explicate perdiscere etc. De qua quidem re scripsi, ut si quorundam vano rumore commotus esses, hinc tranquillareris aut ansam scribendi caperes. Iterum optime vale.